Post: #1
Title: استفتاء ضد الاستيكة ؛؛؛؛
Author: علي دفع الله
Date: 03-11-2016, 08:28 PM
Parent: #0
07:28 PM March, 11 2016 سودانيز اون لاين
علي دفع الله-سنار
مكتبتى
رابط مختصر بصرحة الاستيكة اصبحت مقرفة جدا ..وفيها تقليص لمهمة البورد ...لانو المنتدي ليس صفحة شخصية ولا صحيفة لارسال الفكرة فقط .بل هو ابتدار لنقاش و ردة فعل حول ما يكتب العضو .فعندما يكون خيار مسح المداخلة التي لا تتوافق مع خط موضوعك اصبحت فكرة الحوار اتلاشت ..ولمن يكون واحد مشوش او ملخبط الاشياء عند النقاش معه ربما يعرف موقع تشويشو وينصلح ما اشكل عليه ... هناك اشخاص كسيف الدين بابكر وفرانكلي بمسحوا كل ما يخالفهم الراي واخرين كعرفات وقريمان والقايمة تطول . عليه من وجهة نظري الشخصية اطالب الاخ بكري ابو بكر حزف خيار مسح المداخلات من الاعضاء.. واذا كان هناك مداخلة تخالف اللاءيحة ادارة البورد هي التي تقوم بذلك .. معا لبورد حي ملان نقاشات ووجهات نظر مختلفة .. عليه اوقع ادناه لحزف خيار مسح المداخلات من الاعضاء اتمنى توقيع كل من مقتنع بهذا الراي . وعليه اوقع علي دفع الله
|
Post: #2
Title: Re: استفتاء ضد الاستيكة ؛؛؛؛
Author: فرح الطاهر ابو روضة
Date: 03-11-2016, 08:51 PM
Parent: #1
على دفع كيغك كنت مع الاستيكة برؤية الناس ممكن توظف توظيف جيد للمساهمة في الارتقاء بالمنبر بمساهمة الأعضاء أثبتت التجربة بأن هناك استغلال مفضوح ومخلف لذا أوقع
|
Post: #3
Title: Re: استفتاء ضد الاستيكة ؛؛؛؛
Author: سيف اليزل سعد عمر
Date: 03-11-2016, 08:55 PM
Parent: #2
أقترح انه المسح يكون بالكوتة...كل زول يسمح له بسحجة واحدة في اليوم. قصدي مسحة واحدة في اليوم...
|
Post: #4
Title: Re: استفتاء ضد الاستيكة ؛؛؛؛
Author: علي دفع الله
Date: 03-11-2016, 09:12 PM
Parent: #3
تحياتي الجميلين ابو روضة سيف اليزل
علي دفع الله فرح ابو روضة (ضد الاستيكة)
سيف اليزل مع كوتنة الاستيكة (مرة واحدة في اليوم)
×× تنويه××
الاستفتاء حده يوم الاحد الموافق 13-مارس 2016
الساعة عشرة مساء
ويستمر الاستفتاء
|
Post: #5
Title: Re: استفتاء ضد الاستيكة ؛؛؛؛
Author: Fatima Alhaj
Date: 03-11-2016, 09:53 PM
Parent: #1
خيار الاستيكة خيار جبان، فا من المفترض أن لا يلجأ إليه الكاتب من أنفسه. وبما أن الاختشوا ماتوا. عليه فأني أوقع لحزف خيار مسح المدخلات. فاطمة الحاج
|
Post: #6
Title: Re: استفتاء ضد الاستيكة ؛؛؛؛
Author: فرح الطاهر ابو روضة
Date: 03-12-2016, 05:51 AM
Parent: #5
،
|
Post: #7
Title: Re: استفتاء ضد الاستيكة ؛؛؛؛
Author: علي دفع الله
Date: 03-12-2016, 05:51 AM
Parent: #5
تحياتي فاطمة الحاج ويستمر الاستفتاء
|
Post: #8
Title: Re: استفتاء ضد الاستيكة ؛؛؛؛
Author: عبدالحفيظ ابوسن
Date: 03-12-2016, 06:11 AM
Parent: #7
ضد الحذفعبدالحفيظ ابوسن
|
Post: #9
Title: Re: استفتاء ضد الاستيكة ؛؛؛؛
Author: أيمن محمود
Date: 03-12-2016, 06:26 AM
Parent: #8
من خلال ملاحظتي - تستخدم الاستيكة لحذف الرأي المخالف ليس الا !وبالتالي هي تتعارض مع أهم مبادئ المنبر لذا ارجو الغاء هذه الامكانية ضد الاستيكة أي زول بيستخدم الاستيكة فهو زول جبان او لا يحترم الرأي الآخر
|
Post: #10
Title: Re: استفتاء ضد الاستيكة ؛؛؛؛
Author: عمر السلمة
Date: 03-12-2016, 06:46 AM
Parent: #1
ضد خيار حذف المداخلات نعم لإلغائها
|
Post: #11
Title: Re: استفتاء ضد الاستيكة ؛؛؛؛
Author: Mirghani Taitawi
Date: 03-12-2016, 06:53 AM
Parent: #10
| Quote: عليه من وجهة نظري الشخصية اطالب الاخ بكري ابو بكر حذف خيار مسح المداخلات من الاعضاء. واذا كان هناك مداخلة تخالف اللائحة ادارة البورد هي التي تقوم بذلك .. معا لبورد حي ملان نقاشات ووجهات نظر مختلفة. عليه أوقع أدناه لحذف خيار مسح المداخلات من الاعضاء. |
ميرغني تيتاوي تحــــــــــــياتي،،،.
|
Post: #13
Title: Re: استفتاء ضد الاستيكة ؛؛؛؛
Author: يحي قباني
Date: 03-12-2016, 07:04 AM
Parent: #11
| Quote: أقترح انه المسح يكون بالكوتة... كل زول يسمح له بسحجة واحدة في اليوم. قصدي مسحة واحدة في اليوم... |
علي دفع الله كيفنك ...علي دفع الله كيفنك ... __________________________________________ يا سيف اليزل بضحك في كلامك من قبيل لأنه اتذكرت النكتة القديمة حقت حسني مبارك ... قالو شعر ان شعبيته قلت و الناس كرهت دكتاتوريته ... جاب المستشارين ... واحد اقترح انو يوقفو بوليس في مدخل كل كبري و العربية البتجي داخله سيدها ينزل و ياخد كف ..!!! الناس حتجوط .. و يقوم الريس يلغي القرار التعسفي ده ... الناس تنبسط ... عملوها ... زول جاط مافي ؟؟ المستشار قام قال طيب نخت عسكري تاني في طرف الكبرى بي هناك ... و السواق ياخد كف تاني وهو مارق ... طبعا دي زيادة عن اللزوم و الناس حتماً حتجوط ... اها و حياتك اتجمعوا ناس محتجين .. الريس فرح ... قال الناس دي مالها محتجين ( عامل ما عارف طبعاً ) ؟ مرق واحد من الناس و قال : يا ريت يا ربيس تزودوا عدد العساكر ... لانه الانتظار بطول لغاية ما كل واحد ياخد كفينو ... __________________________________________________________ يعني الاستيكة بقت قانون يا سيف ... و دايرين نشوف كيف نتعامل معاها ههههههه
|
Post: #12
Title: Re: استفتاء ضد الاستيكة ؛؛؛؛
Author: علي دفع الله
Date: 03-12-2016, 06:57 AM
Parent: #10
تحياتي الزملاءعبد الحفيظ ابو سن ايمن محمود عمر السلمة ويستمر الاستفتاء
|
Post: #14
Title: Re: استفتاء ضد الاستيكة ؛؛؛؛
Author: Sulaiman Adam
Date: 03-12-2016, 07:28 AM
Parent: #12
خيار جيان اوقع ضد الاستيكه...
|
Post: #15
Title: Re: استفتاء ضد الاستيكة ؛؛؛؛
Author: سيف اليزل سعد عمر
Date: 03-12-2016, 07:55 AM
Parent: #14
| Quote: جاب المستشارين ... واحد اقترح انو يوقفو بوليس في مدخل كل كبري و العربية البتجي داخله سيدها ينزل و ياخد كف ..!!! |
هههههه خلاس طيب نرفعها لمسحتين يا قبانى إحتمال الناس تحتج .... مسحة في الصباح ومسحة في الليل.. ونتمنى من بكري حسني مبارك ينظر في طلب البورداب
|
Post: #16
Title: Re: استفتاء ضد الاستيكة ؛؛؛؛
Author: فرح الطاهر ابو روضة
Date: 03-12-2016, 10:09 AM
Parent: #15
|
Post: #17
Title: Re: استفتاء ضد الاستيكة ؛؛؛؛
Author: معاوية المدير
Date: 03-12-2016, 10:14 AM
Parent: #16
ضدها ألف .تحياتي ابو علوة ...
|
Post: #18
Title: Re: استفتاء ضد الاستيكة ؛؛؛؛
Author: بله محمد الفاضل
Date: 03-12-2016, 10:21 AM
Parent: #17
اتفق مع إلغائهارغم أني لم/لن امارسها أو تمارس علي ...
|
Post: #19
Title: Re: استفتاء ضد الاستيكة ؛؛؛؛
Author: muntasir
Date: 03-12-2016, 10:34 AM
Parent: #18
سلام ابوروضة هل استكت ليك زول قبل كدة؟
|
Post: #21
Title: Re: استفتاء ضد الاستيكة ؛؛؛؛
Author: فرح الطاهر ابو روضة
Date: 03-12-2016, 10:42 AM
Parent: #19
| Quote: سلام ابوروضة هل استكت ليك زول قبل كدة؟ |
لا والله وما فكرت اعرف اصلاً الناس بتحذف المداخلات من ومرة واحد حذفت بوست بطلب من صديق
بس كان تسالني استكوك خخخخخخخخخخخخخخخخخخ
عدل للاضافة
|
Post: #20
Title: Re: استفتاء ضد الاستيكة ؛؛؛؛
Author: أحمد محمد عمر
Date: 03-12-2016, 10:39 AM
Parent: #17
معاها  البمسحو مداخلاته يشيلها يفتح بيها بوست هو البوستات بي قروش !
|
Post: #22
Title: Re: استفتاء ضد الاستيكة ؛؛؛؛
Author: muntasir
Date: 03-12-2016, 11:13 AM
Parent: #20
سلام ابوروضة انا قلت معاها برؤية بتكون كنست ليك زول قلت أبقى ليك في رقبتك لكن الله شافك انا طبعا أحمل سابقة الزول الوحيد الأستك لي مداخلة ودالباوقة مع إنها كانت زي ما بقولوا الكيزان مناصحة
|
Post: #27
Title: Re: استفتاء ضد الاستيكة ؛؛؛؛
Author: فرح الطاهر ابو روضة
Date: 03-12-2016, 04:45 PM
Parent: #22
| Quote: سلام ابوروضة انا قلت معاها برؤية بتكون كنست ليك زول قلت أبقى ليك في رقبتك لكن الله شافك انا طبعا أحمل سابقة الزول الوحيد الأستك لي مداخلة ودالباوقة مع إنها كانت زي ما بقولوا الكيزان مناصحة |
يعني عامل لي شرك ههههههههههههه
|
Post: #23
Title: Re: استفتاء ضد الاستيكة ؛؛؛؛
Author: عماد الدين الطيب عمر
Date: 03-12-2016, 01:13 PM
Parent: #1
ابو آدم ليك وحشة ...
|
Post: #24
Title: Re: استفتاء ضد الاستيكة ؛؛؛؛
Author: ghariba
Date: 03-12-2016, 01:31 PM
Parent: #1
اوقع وابصم لاستمرار الاستيكة حتى يظل المنبر مهذبا في رسالته وحتى يتعلم البعض منا ثقافة الحوار واداب الخلاف مع الاستيكة ..... التوقيع المستشار / صلاح غريبة وحبوبته - القاهرة
|
Post: #25
Title: Re: استفتاء ضد الاستيكة ؛؛؛؛
Author: عثمان عووضة
Date: 03-12-2016, 03:35 PM
Parent: #24
عليك الله يا علي دفع الله استك مداخلة سعادة المستشار دا 😄 😄 😄 لكين ممكن تخلي مداخلة حبوبتو بزعل منك لو ما استكتها والله صحي
|
Post: #26
Title: Re: استفتاء ضد الاستيكة ؛؛؛؛
Author: Haytham Ghaly
Date: 03-12-2016, 03:43 PM
Parent: #24
اكيد ضدهامع انو الاستكة خلت ود المدير وأبو الجل يتجلو ببديع الشعر والبيان ولكن يجب وقفها هيثم غالي
|
Post: #28
Title: Re: استفتاء ضد الاستيكة ؛؛؛؛
Author: وضاحة
Date: 03-12-2016, 05:03 PM
Parent: #26
سلام يا على دفع اللهاهم شي الاستيكة دى معاها تماماً عاوزين منتدى نطيف معافة من كل القبح والعاهات النفسية التحية لى ابو صلعة على التعب واستحمل كل العذاب وازعاج من حذف بوستات من اوناس مشوهة نفسياً شايلة بقج غائين وحقد عاوزة تفكها فينا دا اكبر انجاز عملوا للمنتدى اتمنى عودة الاقلام الرائعة التركت المنتدى بسبب هولاء الشرزمة من الاعضاء اصحاب العقول الفارغة الشوهت المنتدى وجلعتهم ينفرون منه تحياتى يا زول يا طيب
|
Post: #29
Title: Re: استفتاء ضد الاستيكة ؛؛؛؛
Author: وضاحة
Date: 03-12-2016, 05:03 PM
Parent: #26
اسفة للتكرار
|
Post: #30
Title: Re: استفتاء ضد الاستيكة ؛؛؛؛
Author: كمال عباس
Date: 03-12-2016, 05:26 PM
Parent: #29
ضد "الأستكة" إن كانت هدفها مُصادرة الرأي الآخر ولجم حُرية التعبير والضيق بحق الإختلاف والنقد ومعها إن ـ كانت المادة الممحوة والمسحوبة ـ تحوي إساءات شخصية لصاحب البوست ، أو فيها تعمدلتخريب وإغراق البوست ( هذا إن تم تنبيه وتحذير الفاعل بأن يكف عن إسلوبه التخريبي والإغراقي) ...حرية الرأي والتعبير يجب أن تقترن بالمسؤلية الفردية كما أن صاحب الرأي ومُفترع البوست يجبأن يحتمل النقد والإختلاف ويتحلي بسعة الصدر ـ ودفع فواتير موقفه ورؤيته ـ من إختلاف ورأي آخر ...
|
Post: #31
Title: Re: استفتاء ضد الاستيكة ؛؛؛؛
Author: عوض محمد احمد
Date: 03-12-2016, 05:44 PM
Parent: #30
انا مع الاستيكة قلبا و قالباهناك اشخاص تخصصوا في اغراق ما لا يروق لهم من البوستات و لا حل الا هذه الاستيكة اما ان كان هناك من يمسح مداخلات موضوعية فهذا لا يستحق الحوار معه و غالبا (كيسو فاضي) و لا جدوى من الحوار معه الا اضاعة الوقت و ان لم تتوفر تحت يديه استيكة فغالبا يلجا للشتم و (هبش) الاعراض لتطفيش الاخرين (المناكفين)
|
Post: #32
Title: Re: استفتاء ضد الاستيكة ؛؛؛؛
Author: علي دفع الله
Date: 03-13-2016, 05:04 AM
Parent: #31
تحياتي لكم جميعا الزملاء الكرام...من هو ضد الاستيكة او مع الاستبكة -------#- ويستمر الاستفتاء .. مزيدا من الاصوات حتى نتمكن من رفع النتيجة للسيد بكري ابو بكر
|
Post: #33
Title: Re: استفتاء ضد الاستيكة ؛؛؛؛
Author: محمد البشرى الخضر
Date: 03-13-2016, 05:36 AM
Parent: #32
مع الإستيكة و على مضضفي عالم واطية بمعنى الكلمة, ما جاية لحوار او غيره فقط قلة أدب و لأمثال هؤلاء اقول نعم للإستيكة فدفع الضرر - قلة الأدب - مقدم على جلب المنافع - استمرار الحوار و توجهة النظر المخالفة.
|
Post: #47
Title: Re: استفتاء ضد الاستيكة ؛؛؛؛
Author: فرح الطاهر ابو روضة
Date: 03-13-2016, 02:05 PM
Parent: #33
| Quote: مع الإستيكة و على مضض في عالم واطية بمعنى الكلمة, ما جاية لحوار او غيره فقط قلة أدب و لأمثال هؤلاء اقول نعم للإستيكة فدفع الضرر - قلة الأدب - مقدم على جلب المنافع - استمرار الحوار و توجهة النظر المخالفة. |
يا ود البشرى لو كنت قاعد تناطح الرماديين واذناب النظام وجماعة انحنا ما مع الحكومة لكن الممعارضة سجمانه وهايفة كان عرفت ليه انا قلت كبر واقف مع مسح المداخلات تفس الفكرة تشجب فكرة مسح المداخلات وفي نفس الوقت تقدم مبررات لي وجوده
|
Post: #34
Title: Re: استفتاء ضد الاستيكة ؛؛؛؛
Author: قصي محمد عبدالله
Date: 03-13-2016, 05:42 AM
Parent: #32
رغم إني استخدمتها بكثرة،وخصصت سلة للمحذوفات، إلا أني أعارض وجودها بشدة ، هي وأختها أيقونة التعديل ، لسبب واحد رئيسي: عندما نقرأ موضوعا أو مداخلة كثيرا ما نؤجل الرد لوقت لاحق، فنأتي فلا نجد الكلام كما هو ، وقد لا نجد كامل المداخلة. | Quote: ويستمر الاستفتاء .. مزيدا من الاصوات حتى نتمكن من رفع النتيجة للسيد بكري ابو بكر |
بعد ما ترفع النتيجة للأخ بكري ، أرفق معاها نسخة من الرابط أدناه ، يمكن أن يدعم موقفك. يا ابن أبي بكر..لاحظ: الأستكة عملت نفسيات للأعضاء .. ألحق ألغيها (عنوان معدل)يا ابن أبي بكر..لاحظ: الأستكة عملت نفسيات للأعضاء .. ألحق ألغيها (عنوان معدل)
|
Post: #35
Title: Re: استفتاء ضد الاستيكة ؛؛؛؛
Author: Kabar
Date: 03-13-2016, 06:29 AM
Parent: #32
علي ..حبابك يا صديقي والتحية لضيفات وضيوف هذا الخيط.. قرأت مداخلتك المسحوبة في بوست ول ابا صديقي الأستاذ الطيب رحمه قريمان..وهي كانت مداخلة غير موضوعية وفيها اسفاف وشخصنة للأشياء ونبذ في الفارغة..ولا علاقة لها البتة بموضوع الخيط المعني..وسلوك الطيب في مسح المداخلة خطأ بين للغاية ولم تكن هناك ضرورة للضيق والسنسرة والسحب..! واقولها لك بكل صدق ياعلي اكثر من يسئ حرية التعبير في هذا المنبر هم الشيوعيين الذين يتكالبون بعقلية القطيع ، دون تبصر ، ويكتبون ما يشاؤن وليس همهم مقارعة الحجة بالحجة وانما كل همهم احداث الجلبة عبر التسفيه والقمع (مثلهم مثل الجبهة الإسلامية ، والإثنين عقليات شمولية ) ، ودونك ما يحدث في اخر بوست لحيدر قاسم..وغيره من البوستات..!! في هذا الخيط استغربت للغاية لموقف اخونا وصديقنا دكتور عوض وموقف ابنتنا وصديقتنا دكتورة ياسمين (وضاحة)..و ان كان هذا هو موقفكم من حرية التعبير لماذا التباكي يا عوض على قولنا ان جهاز الأمن الوطني يعمل وفق القانون الساري في السودان وبصلاحيات محدودة؟ لماذا التباكي على الرقابة القبلية والبعدية (السنسرة الواحدة دي) التي يفعلها جهاز الأمن الوطني السوداني تجاه الصحف السودانية ؟.. الغريبة ، نفس الطيب قريمان الذي مسح مداخلة على دفع الله عنده رأي كنا نظنه موفق للغاية وقال يجب ان تزال الرقابة قبلية او بعدية وكل صحفي أو كاتب يحاسب بالقانون على أي اسفاف او اكذوبة ينشرها في حق الآخرين بلا حق.. ثم اخطأ ، الطيب ، بمسح مداخلات الباشبوزك الشيوعيين وهو يعلم ماذا يقصدون وماذا يفعلون.. سقط الطيب رحمه في الإمتحان..امتحان احتمال حرية التعبير..!! كيف يا ياسمين ، تجوعرين الليل والنهار ضد نظام الجبهة الإسلامية ، وفي اول منعطف تمارسين الإسقاط والسقوط..؟.. البيمنع شنو يا ياسمين انو جهاز الأمن لمن يمارس رقابة قبلية أو بعدية علي الصحف ويحد من حرية التعبير ، انو بتحجج بنفس حججك الغريبة بتاعة تهذيب الناس وتأديبهم؟.. انتي جبهة اسلامية ولا شنو يا وضاحة؟.. واستغربت لموقف صديقنا كمال عباس الداير يسويها نص نص..!!..دي حرية تعبير يا عالم هوي ، يا نقبل بيها كلها (بكل ضعفها واخفاقاتها واسقاطاتها ) او نلغيها كلها غير ماسوف علينا..!! طيلة تواجدي في هذا المنبر ، اتمسحت مداخلات قليلة في خيوط تخصني ، وهي مداخلات لدينق ولعربي يعقوب ، ومسحت دون تدخل مني او ارادتي ، وكانت بطلبات من اناس طيبون كانوا يظنون انهم يحموني ويحمون ظهري ، وطلب المسح من صديقنا بكري ابوبكر مباشرة ، والأغرب خيوطنا عن دينق وتراجي وبنية الوعي التناسلي برضك اتمسحت بطلبات الطيبون والطيبات الذين لا يحتملون حرية التعبير، وبالطبع غضب من مُسحت مداخلاتهم ولاموني وحملوني المسئولية ، لأ ايدي ولا كراعي ..وغضبت أنا ،عشان مسح هجايصهم دون ارادتي ، لأنني اؤمن تماما مهما اختلفت مع الناس ومهما ساموني العذاب والإسفاف بصورة غير موضوعية أو منطقية الإ اني اؤمن بحقهم في التعبير عن حاجاتهم حتى ولو كانت كلام خارم بارم ساكت..! نعم يا علي دفع الله.. انا ضد الإستيكة في المنبر وفي الصحافة السودانية (بتاعة الرقابة القبلية والبعدية) وضد السنسرة في حرية التعبير والفكر والإعتقاد..!!! كانت اجمل قيمة في هذا المنبر هي حرية التعبير المطلقة.. كل زول/ة يشوت زي ما عايز والمعيار هو الرأي العام الذي يملك من الذكاء التمييز بين الأشياء..!! التحية لصاحبنا دينق (بيت الأشباح دينق اخوان ، بيت الأشباح نمبر 1)..وشايفو اليومين ديل قاعد يتزاوغ مننا.. ولو يا دينق جاك احساس ، مجرد احساس ساكت ، انو محمد النوركبر (طبعا دينق اكتر زول حافظ اسمي بطريقة اكتر مني أنا ذاتي..والله صحي..!!)..ممكن يمسح مداخلاتك أو يعمل سنسرة.. فانت غلطان..و تعال قول الرووب عشان نعتذر ليك..!! علي بالحلال يا علي دفع الله ، يشيلوا الإستيكة ، الوهابي المتناقض سيف ابكر ما يقعد ضحوة في المنبر ده.. يجيكم زي النبي الكوشي بشاشا ، دقيقة والتانية يقول ليكم سيف ابكر كاسح ، تنفسوا الصعداء يا جلابه..!! المنبر اداة تعليمية ، واكتر حتة ممكن تختبرفيها ممارسة حرية التعبير.. يجب ان تزال السنسرة ..عشان الشيوعيين والسلفين أول ناس ح تدق الدلجة زي الترتيب..والله صحي..!! وليكن معيارنا هو الرأي العام السوداني ، وهو رأي ذكي للغاية رغم انف الحاقدين من شيوعيين وسلفين وداعشيين وكيزان ذاتو..!! ودمتم.. كبر
|
Post: #36
Title: Re: استفتاء ضد الاستيكة ؛؛؛؛
Author: فرح الطاهر ابو روضة
Date: 03-13-2016, 06:52 AM
Parent: #35
مرة تحدث دينق عن علاقة الطقس الكندي بكتابات كبر شكلها ما الثلوج براها الثلوج والشيوعيين هههههههههههههه ها يا زول قالوا ليك رأيك في الاستيكة وبس تجي تمارس لينا حالاتك المستعصية دي كسرة شايفك برضه ركبت موجة قريمان كمحامي وبرضه طفش أصلو انت البتقيف معاهو يا كبر يا طفش يا حذف البوست واعتذر
|
Post: #37
Title: Re: استفتاء ضد الاستيكة ؛؛؛؛
Author: عوض محمد احمد
Date: 03-13-2016, 08:48 AM
Parent: #36
الحبيب كبرسلام لا مقارنة البتة بين ممارسات جهاز الامن و بين حجب مداخلات تحتوي شتائم او تحاول اغراق البوست المعني انا عندما امسح لك مداخلة فلديك الف خيار منها ان تنشئ بوستا جديدا يحوي ما حذف لك يعني البوست بتاعي دا ليس هو خيار النشر الوحيد لك اما جهاز الامن فهو يصادر منابر الاخرين من صحف و قنوات و يغلقها بالضبة و المفتاح: فكيف تجوز المقارنة جهاز الامن مثلا اغلق صحيفة التيار و هي اخر ضحاياه: المقاربة بتاعتك مع ارائنا بخصوص الاستيكة تجوز لو تمكنا من منعك من استعمال الاسافير ضربة لازب
|
Post: #38
Title: Re: استفتاء ضد الاستيكة ؛؛؛؛
Author: محمد درار
Date: 03-13-2016, 08:52 AM
Parent: #36
ضد مسح المداخلات بواسطة الاعضاء.إذا في أي إساءات أو مطاردات أو تحريف للبوستات يُرفَع الأمر إلى بكري أبو بكر وهو ينظر في الموضوع إما بالحذف او معاقبة أو تنبيه العضو.
|
Post: #39
Title: Re: استفتاء ضد الاستيكة ؛؛؛؛
Author: Kabar
Date: 03-13-2016, 09:29 AM
Parent: #38
كتب عوض: | Quote: انا عندما امسح لك مداخلة فلديك الف خيار منها ان تنشئ بوستا جديدا يحوي ما حذف لك يعني البوست بتاعي دا ليس هو خيار النشر الوحيد لك اما جهاز الامن فهو يصادر منابر الاخرين من صحف و قنوات و يغلقها بالضبة و المفتاح: فكيف تجوز المقارنة |
عوض..حبابك يا صديقي وعليكم السلام.. وليه ما يكون منطق الخيارات ده ياهو نفسو الشغال بيهو جهاز الأمن؟.. عشرا ت المقالات يا صديقي يعاد نشرها في الشبكة العنكوبتية ومعها تصدير (منع من النشر بواسطة جهاز الأمن)..من باب الترويج ورفع عداد القراية..! اذا كان صاحب البوست من حقه يغلق البوست ويمسح ويمارس رقابة ، وانت تجيز الخيارات ، فنحن يا صديقي في زمن ما بعد الحداثة ، نفس الصحيفة التي تغلق بواسطة جهاز الأمن ، لأهلها الخيار في اعادة النشر في منابر لا يملك عليها جهاز الأمن سلطة الرقابة (قبلية او بعدية)..!! نقطة الخلاف يا صديقي : موقفي لا اقبل السنسرة سواءا كانت قبلية او بعدية او في بوست في سودانيز اونلاين محل حرية التعبير المطلقة.. ولا ابرر لأي سنسرة بحجة انو في خيارات تانية عشان كده ممكن اقبل بيها في سودانيز اونلاين واحاربها في الواقع حينما تحدث بواسطة جهاز الأمن..!! ودمت.. كبر
|
Post: #40
Title: Re: استفتاء ضد الاستيكة ؛؛؛؛
Author: Kabar
Date: 03-13-2016, 09:49 AM
Parent: #39
كتب فرح ابوروضة: | Quote: مرة تحدث دينق عن علاقة الطقس الكندي بكتابات كبر شكلها ما الثلوج براها الثلوج والشيوعيين |
فرح..حبابك يا صديق بيت الأشباح دينق اخوان كضاب ، والشيوعي القاعد يستلف باص ويرد بيت الأشباح دينق اخوان برضك كضاب..!! الطقس يا حبيب عندنا ربيع...والثلوج فحطت من سنة دو..!!..وياهو الطقس قدامك مبذول في الإنترنت..وفتش طقس مدينتنا عشان تعرف..!! واقعد تابع دينق لمن تركب الطرورة..!! اشعمنا يا ابوروضة بتعتقد كتير في كلام دينق (حتى لو كان كضب)؟.. طبعا ماح تقدر تجاوب على السؤال ده ، ونحن قلنا الإجابة فوق (عقلية القطيع وسط الشيوعييين)..! نفس الكضب القاعد يسويهو بيت الأشباح دينق اخوان ، برضك قاعد يسويهو راني السماني..وغيرهم من الشيوعيين الوهم..! تقبلها أو ترفضها يا ابورضة :لو كان الشيوعيين يملكون امر على هذا المنبر كان سحلوا أي رأي مخالف ليهم..!! لو كان الشيوعيين يملكون امر على حرية التعبير في السودان (خليك من شغل الكيزان المهذب بتاع رقابة قبلية وبعدية) كان قطعوا راس أي زول بيقول بغم بما لا يرضى هواهم..!! ولو كان قطيع الشمال يملك امر على حرية التعبير في السودان ، لصرنا نحن اظرط من رياك مشار..!! الشوعيين ،الجيفاريين ، العرمانين الجدد لآ يقلون شأوا عن السلفيين والداعشيين وكل منظمات الإرهاب التي تضيق بالآخر..!! عشان كده انا مستغرب من النياصة البيسوي فيها على دفع الله هنا..!! سنقف مع حرية التعبير ، ولا يمنع ذلك ان نفضح الشمولية التي تتاجر بها من باب ذر الرماد في العيون..!! كبر
|
Post: #41
Title: Re: استفتاء ضد الاستيكة ؛؛؛؛
Author: فرح الطاهر ابو روضة
Date: 03-13-2016, 09:55 AM
Parent: #40
| Quote: تقبلها أو ترفضها يا ابورضة :لو كان الشيوعيين يملكون امر على هذا المنبر كان سحلوا أي رأي مخالف ليهم..!! لو كان الشيوعيين يملكون امر على حرية التعبير في السودان (خليك من شغل الكيزان المهذب بتاع رقابة قبلية وبعدية) كان قطعوا راس أي زول بيقول بغم بما لا يرضى هواهم..!! ولو كان قطيع الشمال يملك امر على حرية التعبير في السودان ، لصرنا نحن اظرط من رياك مشار..!! الشوعيين ،الجيفاريين ، العرمانين الجدد لآ يقلون شأوا عن السلفيين والداعشيين وكل منظمات الإرهاب التي تضيق بالآخر..!! عشان كده انا مستغرب من النياصة البيسوي فيها على دفع الله هنا..!! سنقف مع حرية التعبير ، ولا يمنع ذلك ان نفضح الشمولية التي تتاجر بها من باب ذر الرماد في العيون..!! كبر |
يا كبر انت هسي شغال هرجلت وداعيات لو كان وكان حيحصل ياخ ما تقول لينا راي في الاستكية بدون جرجرة وخلينا من حكاية الشيوعيين المنتظرم يحكموا البلد عشان يعملوا ويعملوا البعملوا فيه جماعتك الكيزان للسودان ولي اهلك تحديداً رايك فيه شنو ؟؟؟؟؟؟؟؟؟؟ لو عايز النياصة الحقيقية هضربتك من ازالة خاصية مسح المداخلات عارف ليه لانها بتخدم اغراض الكيزان والامنجية زيك وزي اي ماجور لافي هنا
|
Post: #42
Title: Re: استفتاء ضد الاستيكة ؛؛؛؛
Author: فرح الطاهر ابو روضة
Date: 03-13-2016, 09:59 AM
Parent: #41
مش ملاحظين التلالتة او الاتنين الواقفين مع الاستكية معظمن كيزان او اذناب كيزان صلاخ غريبة كبر وتاني منو ههههههههههه
|
Post: #43
Title: Re: استفتاء ضد الاستيكة ؛؛؛؛
Author: قصي محمد عبدالله
Date: 03-13-2016, 11:57 AM
Parent: #42
مالك .. عشرقت ولا شنو؟ سلامة حلقومك.
|
Post: #44
Title: Re: استفتاء ضد الاستيكة ؛؛؛؛
Author: محمد البشرى الخضر
Date: 03-13-2016, 12:28 PM
Parent: #43
هههههههه علي اليمين يا أبوروضة دي نكتة الموسم و تستاهل عليها اوسكار الربع دا و الجاي :)
الراجل كاتب معلقة :) ضد الاستيكة و انت قريتها و كمان رديت عليها وتاني رد عليك ورديت عليه
وبعد دا تقول عليه واقف مع الاستيكة!!!
اموت وافهم قريت مداخلته العلقت عليها بي شنو وفهمتها كيف؟؟
|
Post: #46
Title: Re: استفتاء ضد الاستيكة ؛؛؛؛
Author: عوض محمد احمد
Date: 03-13-2016, 12:51 PM
Parent: #39
كبر يا حبيبياخي اكثر اهلنا في السودان ما عندهم خيار الا الجريدة الورقية البصادرا الجهاز او يسنسرا حتى اذاعة لندن صادرها النظام المجرم من باقة الاف ام لو كان هناك انترنت متاح زينا في الغربة و الله مافي زول كان اشتغل بمصادرات الامن انت تعرف اهلنا حتى ما بكون عندهم الكمومبيوتر ذاتو و لسه شغالين ب موبايل تلاتين عشرة و بعدين يا صديق ياخي انت عارف مستوى بعض العضوية الاخلاقي المتدني الذي يقحم الخاص و العروض و يدخل في شتائم شخصية مع اول بادرة خلاف. لو كان هناك خلاف سياسي او ايديولوجي ما بنقول حاجة. لكنها كلها شمشرات متدنية السقف و لا تفيد احدا و انت تعرف اطرافها و من اسمائهم تعرف انهم لا يملكون ما يقدمونه للاخرين
|
Post: #45
Title: Re: استفتاء ضد الاستيكة ؛؛؛؛
Author: الزبير بشير
Date: 03-13-2016, 12:32 PM
Parent: #1
عليه اوقع ادناه لحزف خيار مسح المداخلات من الاعضاء اتمنى توقيع كل من مقتنع بهذا الراي . وعليه اوقع الزبير الختمي سقادي غرب / الشويحات
|
Post: #48
Title: Re: استفتاء ضد الاستيكة ؛؛؛؛
Author: كمال عباس
Date: 03-13-2016, 02:07 PM
Parent: #45
كتب الأخ كُبر .| Quote: واستغربت لموقف صديقنا كمال عباس الداير يسويها نص نص..!!..دي حرية تعبير يا عالم هوي ، يا نقبل بيها كلها (بكل ضعفها واخفاقاتها واسقاطاتها ) او نلغيها كلها غير ماسوف علينا..! |
أولا لاأذكر أني مارست خاصية الأستكة والحذف ولم الاحظ أنها قد مورست تجاهي أنا مع حُرية التعبير وصيانة مبدأ الرأي والرأي الآخر وقد قلت في هذا(ضد "الأستكة" إن كانت هدفها مُصادرة الرأي الآخر ولجم حُرية التعبير والضيق بحق الإختلاف والنقد ،، صاحب الرأي ومُفترع البوست يجب أن يحتمل النقد والإختلاف ويتحلي بسعة الصدر ـ ودفع فواتير موقفه ورؤيته ـ من إختلاف ورأي آخر ...) * ما أرفضه هو الإساءات الشخصية ـ مس الشرف والإعراض وممارسة العُنصرية القحة والسافرة الخ ـ وهو ماتحاسب عليه القوانين واللوائح ولما كانت اللوائح في هذا المنبر غير مُفعلة أو تُمارس بإنتقاء ـ فإني مع ممارسة حق حذف مايحوي إنتهاك الأعراض والشرف و ممارسة الكذب الضار والمتعمد ضد عضو و العُنصرية القحة والسافرة وكذلك المواد الإغراقية المتعمدة * الحُرية يجب أن تقترن بالمسؤلية الفردية والذاتية يجب أن يظللها الضمير الحي والحس الإنسانيوالنقد الذاتي والتراجع وثقافة الإعتذار الصادق ، في حال وجود إدارة متفرغة ومتابعة ومحائدةتنفذ اللوائح بدقة وحرفية وبلا تمييز لن نكون في حوجة لإستكة وخاصية محو المداخلات التيقد يسأ إستخدامها لتصبح مقصلة ـ لوأد حرية التعبير ومصادرة الرأي الآخر .ولكن ففي ظل ا لوضع الحالي ـ اللوائح في هذا المنبر غير مُفعلة ـ أقف مع خاصية الإستكة إن إستهدفت الإغراق والإساءات الشخصية وضد الأستكة إن إستهدفت حرية التعبير و صادرت الرأي الآخر * ومع هذا لست متجمدا أو متخندقا في رأي هذا ساأتركه إذا ما تم طرح خيار آخر مُقنع يصون حرية التعبير ويصون الإعراض والشرف ويقلل من الإساءات الشخصية ـ فهل من بديل مُقنع ياكبر؟* لانريد أن سيادة قانون الغاب ــ البقاء ـ للأطول لسانا في السوء ـ والأكثر فُحشا في القول والمهاترة وتحلُلا من الضمير والحس الإنساني والمسؤلية الفردية ومن يحتمي بشلة أو قطيع من شاكلته ـ والغياب والإنزواء لعف اللسان ونظيف القلم ـ !.........
|
Post: #49
Title: Re: استفتاء ضد الاستيكة ؛؛؛؛
Author: فيصل محمد خليل
Date: 03-13-2016, 04:42 PM
Parent: #48
ضد الاسْتَكة------------------- الاسْتَكة حركة جبانة
|
Post: #50
Title: Re: استفتاء ضد الاستيكة ؛؛؛؛
Author: محمد البشرى الخضر
Date: 03-13-2016, 06:52 PM
Parent: #49
| Quote: يا ود البشرى لو كنت قاعد تناطح الرماديين واذناب النظام وجماعة انحنا ما مع الحكومة لكن الممعارضة سجمانه وهايفة كان عرفت ليه انا قلت كبر واقف مع مسح المداخلات تفس الفكرة تشجب فكرة مسح المداخلات وفي نفس الوقت تقدم مبررات لي وجوده |
انت يا أبو روضة ما قلت كبر واقف مع مسح المداخلات فقط انت طلعت بنتيجة اشبه بنتائج الإحصاء و قرّرت حقائق بناء على ملاحظاتانت قلت | Quote: مش ملاحظين التلالتة او الاتنين الواقفين مع الاستكية معظمن كيزان او اذناب كيزان صلاخ غريبة كبر وتاني منو ههههههههههه |
مش ملاحظين!! يعني الود لاحاظ خالص و ينبه الناس كمان هههفي حين نظرة بسيطة لمن وقفوا مع الخاصية إمّا تماما أو بشروط ح تلقاه فيهم بروف عوض وكمال عباس ووضاحة وديل آخر من يمكن وصفهم بالكيزان!! يعني انت لاخّي وسايط وعاجن فطير ساي وبلا فرز وعايز كسر رقبة تعملها ملاحظة و كمان تنبه ليها بالتالي ليس غريبا إنّك تقرأ كلام كبر بالقلبة و تلفّه وتدوّره و تكسر رقبته و تطلّعه مع الإستيكة وليس ضدّها في حين انه هو عضم كلامه يستنكر على من يقف معها ! أها جنس وجع القلب و فقع المرارة البتعمله مداخلات زي مداخلتك دي تخلّي الواحد يصوّت مع الاستيكة ومعاها تكبير و تهليل كمان
|
Post: #51
Title: Re: استفتاء ضد الاستيكة ؛؛؛؛
Author: Mohamed Yassin Khalifa
Date: 03-13-2016, 07:27 PM
Parent: #50
الأستكة هينة يا عزيزنا علي.... المصيبة إنها جابت ليها حركة جـبانة جديدة... تفتح البوست وكت ما تكتب.. وتقفلو وكت ما تريد! عملوها ودالباوقة طبال السفارة... وحبيبو المجاهد الشيطاني كاتل أطفال كجبار! دحين دي براها ما دايرة ليها إستفتاء ولا إستقصاء...
|
Post: #52
Title: Re: استفتاء ضد الاستيكة ؛؛؛؛
Author: طلحة عبدالله
Date: 03-13-2016, 08:32 PM
Parent: #51
كدا كدا ما عندي مشكلة أبدا .
|
Post: #53
Title: Re: استفتاء ضد الاستيكة ؛؛؛؛
Author: Kabar
Date: 03-14-2016, 05:56 AM
Parent: #52
ول ابا محمد البشرى..حبابك يا صديقي كتر خيرك كتير يا صديقي ، وهذا هو عزاؤنا في هذا المكان ان هناك دوما من يحق الحق ويقول النصيحة.. موقف فرح هنا ذكرني موقف واحدة رفيقة بتاعة حركة شعبية شمال اسمها احسان عبد العزيز.. ما بتقرأ أي نقة وانما بتحاكم بالإسم فقط..يعني كلام كاتبو كبر..توشك تشوت ضفاري..! المحزن مش قراية فرح بالأظلاف (فرح يقرأ باظلافه قبل ان يقرأ بدماغو)..وانما الخستكة التي اصبحت ديدن..ناس تتكلم عن حرية تعبير ورفض تقييدها..و ناس ابوروضة يقعنوا الناس بانو الموضوع ما بيستاهل لأنو الفي راس ابورضة هو الح يمشي (تماما زي ناس الجبهة الإسلامية).. والأنكى ، المقتبس الذي اشار اليه ابوروضة من كلامنا والذي قلنا فيهو انو الشيوعيين وناس الحركة الشعبية يضيقون بالرأي الآخر وممكن يعملوا سنسرة وقطع رقاب اذا لقوا فرصة في الناس..واهو قدامك مش قطع رأس وانما تزييف بالباب العديل..يعني ابوروضة اكد مزعمنا دون جهد اخر..! عشان كده لو في شيوعي ولا عرماني اتكلم عن احترام حقوق فتحسس رأسك..! كتر خيرك يا زول يا طيب.. ابوروضة يلزمه اعتذار على التزييف.. والشيوعيين والعرمانيين يلزمهم ادانة لكلام ابو روضة.. هذا اذا كانوا فعلا يعتقدون في معارك الحقوق واحقاقها مثل الحق في حرية التعبير دون سنسرة (استيكة)..! كبر
|
Post: #54
Title: Re: استفتاء ضد الاستيكة ؛؛؛؛
Author: علي دفع الله
Date: 03-14-2016, 08:28 AM
Parent: #53
تحياتي لكم جميعا الشغلة اتلخطبت وشكلي كدا ما بعرف اعمل استفتاء... او ما قدرت اسوق ليهم انو الاستيكة بتنسف الهدف الاساسي من منتديات الحوار ويظهر لي انو الموضوع ما فارق مع الناس ..بي استيكة او ضدها .. ------------- فياريت الناس توقف سكلبة وفتخ بوستات بعنوان فلان استك لي المداخلات ..لانو لو كانت النتيجة مع وقف الاستيكة كان ممكن نجبر بكري ابو بكر بحزف هذا الخيار الجبان .. مدد كرعيك يا فرانكي وسيف بدر الدين وقريمان وعرفات وووووووووووو يلا يا بكري شيلو اقرب خور .
|
Post: #55
Title: Re: استفتاء ضد الاستيكة ؛؛؛؛
Author: قصي محمد عبدالله
Date: 03-14-2016, 10:31 AM
Parent: #54
هنالك طريقة بدائية،أعمل قائمتين واحدة تحت اسم "مع وجودها " وواحدة تحت اسم "ضد وجودها" جاتك مثلا قائمة "مع" فيها 23 وقائمة "ضد" فيها 27 ، تقوم تجمع الإثنين : 23 + 27 = 50 . بعد داك تقوم تختار أي من الإحصائيتين وتجيب النسبة، هكذا: 23 ضرب 100 تقسيم 50 = 46 % ، إذا الباقي 54 % ! إذا 46 % مع وجودها مقابل 54 % ضد وجودها. تتغير النسب مع كل تصويتة جديدة. ---------- ما لازم تحدث المعلومات في اليوم 10 مشرات، يكفي مرة واحدة كل صباح أو مساء !
|
|