النيولوك جا صدفة .. معزوم فطور الجمعة الفاتت ونحن تلاتة ورابعنا العازمنا ..وهم من الذين يجيدون صناعة الشربوت .. اها كان الشربوت يداعب خيالي ومرق في لساني ليهم
وبعدينك الصورة تعبر عن شخص مفكر وذو باع !! زي حقت ناس كتاب الصحف والمفكرين .. الواحد ماخد وضعية وعامل ماشايف انو بياخدو ليهو صورة .. مع انو قاعد مخصوص ومكلم سيد الكمرة واخدو ليهو كم واحدة
كنت اتمني لو كنت ماسك سجارة وانفث دخانها في فضاء الغرفة .. وحلقات الدخان تخلق اشكالا سريالية اتأملها ساهما
لكن
ما بسجر
المهم الصورة عجبتني وقديما كان في الناس العجب
قوم يا عبدالحفيظ خمها جيبها هنا ..والقديمة ما عاجباني
Post: #12 Title: Re: الربة الربة حي انا Author: محمد جبره Date: 03-12-2016, 00:55 AM Parent: #11
الجميل ابوسن وضيفه انتو ما اهل التم تم بوابة البوح و الفضفضة .....اجمل ما في غناء البنات انه ما مبهول للسمع في اي وقت ... لانه مربوط بطقوس وترتيبات وازمان لها طعم خاص .. بفقد طعمه لمن يغنوه المحترفات الغناء او يغنى من غير مناسبة لمة البنات و الدلوكة واحدة من العلامات الاولى بعد الجير لتحول البيت من بيت عادي لبيت العرس ....ودي اجمل ايام العرس لمتن العفوية وتحنيس الغناية فيهن و خجلها وتوسل الكبار ليها واستلامها للدلوكة والتمهيد بتم تم خفييف ونقرشة اليد الشمال والدخول بصوت عميق ازاني يا يمه ازاني البريدو في اللحظة دي لو كنت بتنسج في خيمة صيوان الخدمة بتاع النسوان وازاني دي صادفت اللجظة البتتشعلق فيها عشان الزول المعاك يزح ليك البرميل البتقيف فيو ...صدقني يحنساك مشعلق فوق تحياتي لك و لهن .
Post: #13 Title: Re: الربة الربة حي انا Author: أيمن نواى على Date: 03-12-2016, 02:17 AM Parent: #12
ود ابوسن
موش لو علمت نيولوكِِِِ...... أو حوار وطنى مشفر.......مافى ليك طريقة ياهو السودان القديم.......السودان القديم .
بعدين تاخد هدية ولاتشوف الصورة.
Post: #14 Title: Re: الربة الربة حي انا Author: Basamat Alsheikh Date: 03-12-2016, 03:09 AM Parent: #13
دايما يا ود ابو سن تجينا ببيت الكلاوي...
(وانا نا عارفة ليه بيقولوا بيت الكلاوي للحاجة السمحة)
والمهم ان النيولووك ...صورة وجيهة ..وزي ما قلت انت بتدي
فكرة ان الزول صاحب الصورة مفكر واديب كبير...لكن كان ممكن
تخت اصبعك السبابة في فوق خدك اليمين ..زي ناس البير كامو
وهمنجواي والعقاد ..وتكون الصورة ما احلاها.(وجه باسم)
ودمت دائما بالف خير ..وتحياتنا لاهل كوستي
بسمات
Post: #15 Title: Re: الربة الربة حي انا Author: Osman M Salih Date: 03-12-2016, 09:26 AM Parent: #13
السيد المحترم أيمن نواي علي.
سلام وبعد.
المرجو مخاطبة أخينا الكريم عبد الحفيظ ابوسن بمايستحقه من احترام، وعدم المساس به، وعدم التعدي عليه بلفظ ليس في موضعه، ذلك انه من ملائكة هذا المكان .
Post: #16 Title: Re: الربة الربة حي انا Author: ANWAR SAYED IBRAHIM Date: 03-12-2016, 10:59 AM Parent: #15
اخي نواي عجزت عن مرمي حديثك اولا .. ولم استطع فك طلاسمه حتي ألحقته بما زاد ارتباكي
عموما
هذا بوستا لا يخف شيئا اكثر مما هو مصرح به
ولا يكون الحنين للماضي إلا لسوء الحاضر وقتامة المستقبل
ذلك الزمان الذي اطنب الناس في حمده .. الناس الذين صنعوا تاريخ قيم السودان .. اولئك الرجال والنساء العاديين .. من تغنين غناءا نسائيا ساذجا حلوا يدخل القلب دون استئذان .. واولئك الرجال الذين يهزون ضرعاتهم ويطيرون كوثبة النمر من اجل شبال ..في حياتهم العادية هذه خلقوا شخصية السوداني الاصيل بشجاعتها وكرمها ورجولتها وغيرتها علي العرض وفزعة المحتاج
هم و هن وليس هؤلاء
المنب لا ارضا قطع ولا اظهرا ابقي
واغني لقلبي اذا لوعني
اكيد الاحترام
وحسن الظن
Post: #19 Title: Re: الربة الربة حي انا Author: أحمد الشايقي Date: 03-12-2016, 06:56 PM Parent: #18
تسجيل متابعة
Post: #20 Title: Re: الربة الربة حي انا Author: محمد البشرى الخضر Date: 03-12-2016, 08:08 PM Parent: #19
Quote: نميرى و السادات
استلمو الدبابات
قالو القذافى مات
ان شالله
حولا!!!
دا كان وين دا؟
قالولك غنى بنات .. بنات , مو حبوبات :)
Post: #21 Title: Re: الربة الربة حي انا Author: عمر عثمان Date: 03-12-2016, 08:35 PM Parent: #20
أبشر
أبشر
أبشر
استاذنا عبدالحفيظ ابوسن
ارجعتنا لسودان البهجه
والفرح بدون تعقيدات
وبدون عقد
والنفوس صافيه
والقلوب دافيه
وبص سيره من الخرطوم
لحي نصركم العامر
وال RDF
Post: #22 Title: Re: الربة الربة حي انا Author: Salah Zubeir Date: 03-12-2016, 10:12 PM Parent: #21
Post: #23 Title: Re: الربة الربة حي انا Author: عبدالحفيظ ابوسن Date: 03-13-2016, 04:51 AM Parent: #22
يا جمال القوز
البقولو ليهو سمين بقول يامين
نعرف بالعكس
عترس معاي البوست دة ..دقر ما بعرفو مالو
Post: #24 Title: Re: الربة الربة حي انا Author: عبدالحفيظ ابوسن Date: 03-13-2016, 05:44 AM Parent: #23
غايتو يا جلة انا لا سمعت ولا حجوني بيهو .. ممكن يكون صاح
