الربة الربة حي انا

سودانيز اون لاين
عبدالحفيظ ابوسن-كوستي / الحلة الجديدة
مكتبتى
رابط مختصر

ولذيذ كمان

وا

Quote: النيولوك شرط بس

و البوست الفى السلك ده عشان النيولوك يا صاحب

______

يا سلام يا ابسن ياااااخ

السوط السوط يا جنا

احرّ من الموت يا جنا

و برجاك برجاك يا جنا

ودى برضو اغنية

النيولوك جا صدفة .. معزوم فطور الجمعة الفاتت ونحن تلاتة ورابعنا العازمنا ..وهم من الذين يجيدون صناعة الشربوت .. اها كان الشربوت يداعب خيالي ومرق في لساني ليهم

ودقسنا

شبعنا شية ولحمة صاج ومرارة وغاب الشربوت .. اها كنت بفكر

هل يجوز استبداله بالسفن اب مع الزبادي تقرأ اللبن الرايب .. شفت التحديث كيف .. علي بالطلاق نحن شعب اوسطا

وشكلي منهمك في حل هذه المعضلة العويصة .. صديقي شال مني صورة وما عرفتها الا جاتني في الواتس

عاينت ليها لقيت نفسي فوتوجينك .. صورة كيفتني .. شكلي جنباوي كدة وجيهة ..

وبعدينك الصورة تعبر عن شخص مفكر وذو باع !! زي حقت ناس كتاب الصحف والمفكرين .. الواحد ماخد وضعية وعامل ماشايف انو بياخدو ليهو صورة .. مع انو قاعد مخصوص ومكلم سيد الكمرة واخدو ليهو كم واحدة

كنت اتمني لو كنت ماسك سجارة وانفث دخانها في فضاء الغرفة .. وحلقات الدخان تخلق اشكالا سريالية اتأملها ساهما

لكن

ما بسجر

المهم الصورة عجبتني وقديما كان في الناس العجب

قوم يا عبدالحفيظ خمها جيبها هنا ..والقديمة ما عاجباني

هذا بخصوص النيولوك

تشكر للملاحظة الدقيقة والذكية

الذكية دي هامة جدا اهم من الملاحظة

عن البوست

القدال قال

كلامها ضنين

وسلامها حنين

يطمن الهمباتي

والمجلوبة مخلوف كتافها

اها

غناوي البنوت زمان لا يحمل لنا مشاعر ايروتيكية ابدا .. نكون يا ربي لسة ما شمينا صناحنا ولا كيف

لكنه غنا حنين ودافئ .. والاداء زاتو تحس بالبراءة ناطه منو ومارقة لي برة

كنا بنتعلم التنظير والتحليل في اغاني البنات

وانها تعبر عن شنو وشنو وهي انعكاس للواقع المابعرفو داك ..والشوشيواكنمك استركشا وايييييك .. ومقارانات تاريخية لاكتشاف حراك الفئات الاجتماعية

اها بعد الزمن دة كلو

الواحد اكتشف انو غنا البنات داك ما دة كان لذيذ ياخ وعذب وبنريدو ساي

وضيعنا لحظات استمتاعنا به

جعلت الحياة لنعيشها

و فى غنوة قلابة بقولن

نميرى و السادات

استلمو الدبابات

قالو القذافى مات

ان شالله

الزينبية حلاوة لبن

(عدل بواسطة محمد جبره on 03-12-2016, 01:02 AM)
(عدل بواسطة محمد جبره on 03-12-2016, 01:30 AM)

موش لو علمت نيولوكِِِِ...... أو حوار وطنى مشفر.......مافى ليك طريقة ياهو السودان القديم.......السودان القديم .

(وانا نا عارفة ليه بيقولوا بيت الكلاوي للحاجة السمحة)

والمهم ان النيولووك ...صورة وجيهة ..وزي ما قلت انت بتدي

فكرة ان الزول صاحب الصورة مفكر واديب كبير...لكن كان ممكن

تخت اصبعك السبابة في فوق خدك اليمين ..زي ناس البير كامو

وهمنجواي والعقاد ..وتكون الصورة ما احلاها.(وجه باسم)

ودمت دائما بالف خير ..وتحياتنا لاهل كوستي

سلام وبعد.

ود ابو سن الحبيب كيفك يا زول

وكيف اهلنا وحبايبنا ناس كوستى

( الليلة الظاهر عليك معلّق البيرق الابيض وحاجز ) ههههههههههههههههههه

جاييييك يا ود ابو سن

محبتى

اشكرك اخي عثمان و ممتنا لك جدا

اخي نواي عجزت عن مرمي حديثك اولا .. ولم استطع فك طلاسمه حتي ألحقته بما زاد ارتباكي

عموما

هذا بوستا لا يخف شيئا اكثر مما هو مصرح به

ولا يكون الحنين للماضي إلا لسوء الحاضر وقتامة المستقبل

ذلك الزمان الذي اطنب الناس في حمده .. الناس الذين صنعوا تاريخ قيم السودان .. اولئك الرجال والنساء العاديين .. من تغنين غناءا نسائيا ساذجا حلوا يدخل القلب دون استئذان .. واولئك الرجال الذين يهزون ضرعاتهم ويطيرون كوثبة النمر من اجل شبال ..في حياتهم العادية هذه خلقوا شخصية السوداني الاصيل بشجاعتها وكرمها ورجولتها وغيرتها علي العرض وفزعة المحتاج

هم و هن وليس هؤلاء

المنب لا ارضا قطع ولا اظهرا ابقي

واغني لقلبي اذا لوعني

اكيد الاحترام

أبشر

أبشر

استاذنا عبدالحفيظ ابوسن

ارجعتنا لسودان البهجه

والفرح بدون تعقيدات

وبدون عقد

والنفوس صافيه

والقلوب دافيه

وبص سيره من الخرطوم

لحي نصركم العامر

وال RDF

البقولو ليهو سمين بقول يامين

نعرف بالعكس

تتذكر غنية الفلاتية

الله لي والليمون سقايتو علي

اها برضو غنا بنات

الموسيقي الخفيفة المرحة والكلمات البسيطة المباشرة