أصحاب المُعلقات في حوش عُكاظ بني بكر ذو الصلعة ...

Post: #1
Title: أصحاب المُعلقات في حوش عُكاظ بني بكر ذو الصلعة ...
Author: معاوية المدير
Date: 03-11-2016, 11:41 AM
Parent: #0

10:41 AM March, 11 2016
سودانيز اون لاين
معاوية المدير-بكندا محافظة البرتا
مكتبتى
رابط مختصر
بوست اخواني،
لا عدواني ...

Post: #2
Title: Re: أصحاب المُعلقات في حوش عُكاظ بني بكر ذو ال
Author: معاوية المدير
Date: 03-11-2016, 11:43 AM
Parent: #1

اصحاب المُعلقات ضرب من اصحاب الأقلآم الذين إذا سألت
الفرد منهم، ما إسمُك ؟،
كررررررررررررررررررررررر يرشك بمعلقة حتي
تقول ليته سكت . وهُمُو كُثرُ ...

Post: #3
Title: Re: أصحاب المُعلقات في حوش عُكاظ بني بكر ذو ال
Author: معاوية المدير
Date: 03-11-2016, 11:45 AM
Parent: #2

ماشي ][/url]
ؤُ صباحات الله بي خيرِن ...

Post: #4
Title: Re: أصحاب المُعلقات في حوش عُكاظ بني بكر ذو ال
Author: محمد البشرى الخضر
Date: 03-11-2016, 11:46 AM
Parent: #2

لا ياخ مو كتار بالحيل
في البال كبر و أبو حراز وود القوز
ود المشرف ما برشك بمعلقّة راسها عديل هن كم بيت امهن وابوهن لكن من شدة ما معسمات يفوتن المعلقّات السبع مجتمعات :)

Post: #5
Title: Re: أصحاب المُعلقات في حوش عُكاظ بني بكر ذو ال
Author: محمد البشرى الخضر
Date: 03-11-2016, 11:51 AM
Parent: #4

نسيت حبيبنا عاطف عمر
ولو الكوبي بيست محسوب مع المعلّقات خد عندك دكتور ياسر الشريف
برشّك في الأول بشريحة يوتيوب ثم يتبعها برابط لو لقاك لسّة فيك حيل ولازلت على قيد الحياة بنسخ ليك القيامة الفي الرابط :)

Post: #6
Title: Re: أصحاب المُعلقات في حوش عُكاظ بني بكر ذو ال
Author: جلالدونا
Date: 03-11-2016, 11:53 AM
Parent: #4

Quote: في البال
و ناسى نفسك ليه
يالمناسبة من هو صاحب اطول معلقة ؟؟

Post: #7
Title: Re: أصحاب المُعلقات في حوش عُكاظ بني بكر ذو ال
Author: فرح الطاهر ابو روضة
Date: 03-11-2016, 12:31 PM
Parent: #1

Quote: بوست اخواني
وبرضه ما عدوان
هههههههههههههههههههه
كيفك يا ود المدير

Post: #8
Title: Re: أصحاب المُعلقات في حوش عُكاظ بني بكر ذو ال
Author: ABUHUSSEIN
Date: 03-11-2016, 12:39 PM
Parent: #7

كمال عباس
يلفك بيك زي بص السيرة زمان ...
دور بينا البلد داك نحرق الجازولين يا البابور جاز
لم تنسى اسمك زاتو ... 😂😂😂😂😂

Post: #9
Title: Re: أصحاب المُعلقات في حوش عُكاظ بني بكر ذو ال
Author: حامد بدري
Date: 03-11-2016, 03:33 PM
Parent: #8

Quote: و ناسى نفسك ليه
حاول يخفي نفسو وهل يخفى القمر اعمق واحلى والعجب كان قام للغلات في الكورة
مو هلالابي عاد كلهم عكاليت

Post: #10
Title: Re: أصحاب المُعلقات في حوش عُكاظ بني بكر ذو ال
Author: جمال ود القوز
Date: 03-11-2016, 05:27 PM
Parent: #9

Quote: في البال كبر و أبو حراز وود القوز
اللذيذة إني جيت على بالكـ ..
الألذ بقى إني جاي في معية أساتذة كبار زي كبر وأبوحراز ..
الأروع من ده كله إنكـ الحقت بركب أصحاب المعلقات ..
( اللهم نحن ) زول جميل زي عاطف عمر ..
يشهد الله ماخليت لينا حاجة ..
ومافضل إلا تدينا من فوق طبقة كريم شانتيه ..
كتر خيركـ يأخ ..
عارف الشغله كلها إنه الناس دي بتتفق معاي وحسب ظني ..
في إنهم كيبورداتهم سنينة جداً ..
بمعنى إنهم بيقدروا ينجزوا كم هائل من الكلمات في الدقيقة الواحدة ..
هل تصدق أنا مرات كتيرة بكتب في ظلام الغرفة ..
وضوء الشاشة خافت يادوب تتبين أبعاد الكيبورد قدامكـ ..
حافظ مكان الحروف بالملي وحاتكـ ..
أساتذتي الحلوين ديلاكـ أنا ما عارفهم ..
لكن انا شخصياً جبرتني ظروف في زمناً قديم ..
إني أصف كتير وكتير جداً كمان ..
الراس مليان كلام يا ود البشرى يا اخوي ..
لكن زمنا ضنين ..
يادوبك يكفينا قراية ومتابعة للمنبر ..
وكل المعلقات دي يشهد الله بتتكتب في دقائق معدودة ..
تسلم كتير يأخ ..
وللمدير سلامي ..
وللكورجة المبجلة الجمعتني بيها محبة شديدة ..
العجيبة كلهم عاجبني شديد ..
عاطف .. فكبر .. فاأبوحراز ..
أنا أشبههم أواتشابى لذلك .. أو أتأمل ذلكـ ..
إن كانت الحقيقة بخلاف ما كتبت ......
هسه الكلام ده إتزعط في تلات دقايق أو تزيد قليلا ...
أمسك الخشب ياعمك .....
ده كل السر ..
بالاضافة للراس الملان كلام والهواجيس الكتيرة ..
والله ياود البشري برقد وبغمض عيوني ولوحة الكيبورد قدامي بكامل حروفها .......
.

Post: #11
Title: Re: أصحاب المُعلقات في حوش عُكاظ بني بكر ذو ال
Author: جمال ود القوز
Date: 03-11-2016, 05:30 PM
Parent: #10

كلمة أخيرة ...
ماتنسى تضيف نفسك لأصحاب المعلقات يا ود البشرى ..
انا قريت ليك ردود ..
كترة ما كانت طويلة والله ماكنت بقدر اكلمها ..
وليس جادات وقصة الحادث بتاع الحبشة عنكـ ببعيد .....

Post: #12
Title: Re: أصحاب المُعلقات في حوش عُكاظ بني بكر ذو ال
Author: حيدر حسن ميرغني
Date: 03-11-2016, 06:13 PM
Parent: #11

تقصد معَاطين

Post: #13
Title: Re: أصحاب المُعلقات في حوش عُكاظ بني بكر ذو ال
Author: محمد البشرى الخضر
Date: 03-11-2016, 07:21 PM
Parent: #11

Quote: ماتنسى تضيف نفسك لأصحاب المعلقات يا ود البشرى ..
كيف انسى يا ود القوز ياخ
مجموعة زي دي زي ما قلت وكمان ابوحسين أضاف ليهم كمال عباس شرف كبير الواحد يتخت معاهم لكن طبعا ما لذيذة اضيف روحي خليها تجي منكم :)

Post: #14
Title: Re: أصحاب المُعلقات في حوش عُكاظ بني بكر ذو ال
Author: جمال ود القوز
Date: 03-11-2016, 09:09 PM
Parent: #13

Quote: تقصد معَاطين
أياهو قصدو ذاااتو بي ذاااتو ..
ويجي يقول ليكـ بوست اخواني وما عارف شنو ..
وهو أكبر معّاط في الحوش ده ..
والمفروض يخت نفسو أول لاعب في التشكيلة ..
بعد داكـ اليكوس التمومة الباقية ..
بعدين شنو عندو حروف فيها مدات كده بيعرفها براهووو ..
يمعطكـ بيهن لامن يبقيكـ زي الديكـ العادم الريش داكـ .......

Post: #15
Title: Re: أصحاب المُعلقات في حوش عُكاظ بني بكر ذو ال
Author: جمال ود القوز
Date: 03-11-2016, 09:20 PM
Parent: #14

Quote: كيف انسى يا ود القوز ياخ
مجموعة زي دي زي ما قلت وكمان ابوحسين أضاف ليهم كمال عباس شرف كبير الواحد يتخت معاهم
لكن طبعا ما لذيذة اضيف روحي خليها تجي منكم :)
هو ما قلت والله ..
فأنتم الأعلى كعباً والأقيم حروفاً ..
ود المدير ذاتو على رأس هذه القائمة ..
تسلموا جميعاً ..
ــــــــــــــــــــــــــــــــــــ
النجم الصغيروني ده بكي بطريقة أحزنتنا على حال الكورة في هذا البلد ..
المفترى عليه وعلى رياضته واهله ..
وحقيقة يستاهل يتوسد بروفايلكـ ..
فقد رفعوا راس السودان عالياً ..
رغم الحال المايل ..
وليتهم يكونوا أمل لي كورة السودان ..
وماتطويهم أضابير النسيان ..
ويلوصوا أمام بيروقراطية النظام ..
وحال الأندية المسيطرين عليها تجار السوق ..
الماعندهم أي شغلة بمنشط كرة القدم ..
أي زول عنده قروش خش مجال الكورة ..
فبقت الشغلة جبانة هايصة ...
جمعة مباركة وربنا يتقبل منكم ..

Post: #16
Title: Re: أصحاب المُعلقات في حوش عُكاظ بني بكر ذو ال
Author: معاوية المدير
Date: 03-11-2016, 11:03 PM
Parent: #15

سُمّيت بالمعلقات لأنها جديرة بأن تُكتب بماء الورد
وتُعلق علي جدار حوش عُكاظ بني بكر ...

Post: #17
Title: Re: أصحاب المُعلقات في حوش عُكاظ بني بكر ذو ال
Author: معاوية المدير
Date: 03-11-2016, 11:06 PM
Parent: #16

Quote: في البال كبر و أبو حراز وود القوز
كبّر دا يا ود البشرى حيّر ليك كعب بن زهير زاتو،
لا ؤ كمان يدبجا ليك بكم فيديو بتاعات غُنا يخليك
تعمل اسكرول لآمن حمار الوادي يهنّق .
امسودان قال !!!...

Post: #18
Title: Re: أصحاب المُعلقات في حوش عُكاظ بني بكر ذو ال
Author: معاوية المدير
Date: 03-11-2016, 11:10 PM
Parent: #17

اما منصور المفتاح،
فهذا لعمري صناجة العرب وقد إشتُهِر بهذه
المطولآت قبل الحوار، وتعتق بعده .
شُوهِد علي جمل احمر في قاعة بني كوز علي ضفاف
النيل وهو يعوي عواء الفصيل ...

Post: #19
Title: Re: أصحاب المُعلقات في حوش عُكاظ بني بكر ذو ال
Author: معاوية المدير
Date: 03-11-2016, 11:14 PM
Parent: #18

Quote: ود المشرف ما برشك بمعلقّة راسها عديل هن كم بيت امهن وابوهن
لكن من شدة ما معسمات يفوتن المعلقّات السبع مجتمعات :)
تقصد الشنفرى ؟،
هذا من جُرهُم، من العرب العاربة يرشك بعصماء تقيلة
مثل الثريد البايت يجعلك كأنما تعشيت بكوارع ؤ نسيت
تمصمص خشمك، الصباح إلا تكب سِنر عشان يفتح معاك .
ختري، ايّ والله ...

Post: #20
Title: Re: أصحاب المُعلقات في حوش عُكاظ بني بكر ذو ال
Author: معاوية المدير
Date: 03-11-2016, 11:18 PM
Parent: #19

Quote: و ناسى نفسك ليه
يالمناسبة من هو صاحب اطول معلقة ؟؟
بل هو اجودهم طويلة، فهو بمثابة طرفة بن العبد،
بالزات اكان لمّ فيك في ركن قصِي وليس قُصي،
علي اليمين يخلي ريحتك طير، طير .
خليك حويط ...

Post: #21
Title: Re: أصحاب المُعلقات في حوش عُكاظ بني بكر ذو ال
Author: عبدالحفيظ ابوسن
Date: 03-11-2016, 11:26 PM
Parent: #20

اخواني !!
يعني مافيهو اخوات
قالوا
شنو كدة معلقة من عصبتها

Post: #22
Title: Re: أصحاب المُعلقات في حوش عُكاظ بني بكر ذو ال
Author: أبوبكر عباس
Date: 03-12-2016, 00:40 AM

في النهاية كدا، الأول منو؟
"لكن انا شخصياً جبرتني ظروف في زمناً قديم ..
إني أصف كتير وكتير جداً كمان .."

Post: #23
Title: Re: أصحاب المُعلقات في حوش عُكاظ بني بكر ذو ال
Author: Kabar
Date: 03-12-2016, 04:42 AM
Parent: #22

ول ابا معاوية..حبابك يا صديقي

ههههه..العناوين..العناوين (عشان اتذكر لأنو المعلقة ح تكون طويلة شوية)..

يقول كبر بن ماء الضياء (رض):

واحدة مواطنة ، مشينا اوليف قاردن ، الشلاقة ما خلتني قاعد اتفرج في المنبر ونحن في انتظار المطايب اياها ..اها كحلتْ عنوانك..وصرت خلقتها ومطت بوزها ثم قالت: بس على الراجل ده يعني خلاص نسى جمع معالق..!!!
اها قالت لي: ده صاحبك؟..
قلت ليها : منو؟
قالت لي: الما قادر يكتب معالق..؟
قلت ليها: ابدا..ما بعرفو نوهائي..!

ونعود لأمر العناوين:

يحي قباني عامل عنوان فيهو:
18 كلمة ، 11 نقطة بينية على السطر ، 2 قوس
منى عمسيب عاملة عنوان فيهو:
17 كلمة ، 2 نقطة جادعاهم في محلات سيبوية ما يعرف يباصرها..!!
وعندها عنوان تاني فيهو: 2 كلمة ، 18 قوس..!!
راني عامل عنوان فيهو:
15 كلمة ، 2 نقطة بينية ، 1 شولة (شولة انجليزية) ، 2 قوس ، 76 حرف (حالتو نسى حرف)
مرتضى عبد الجليل عامل ليهو عنوان فيهو:
15 كلمة ، 2 شولة (شولة عربية) ، 1 عدد ، 2 نقطة على السطر
ذو اليد عامل عنوان فيهو:
14 كلمة ، 2 قوس ، 1 علامة خط مائل ، 1 علامة زايد (حساب)..
سيف ابكر (الزميل اضافة حقيقية) عامل عنوان فيهو:
12 كلمة ، 1 شولة (شولة انجليزية) ، 2 قوس ، 1علامة استفهام ، 1 علامة ضرب (بطريقتو دي ح يجيب ليكم علامات التفاضل والتكامل في ذات نفسها)..

عيدروس والطاهر..عنوان من كلمة واحدة فقط..!

وتقول العرب الإطناب ، وتقول الإسهاب..وانت افرز براك..!

فشنو: لا اطناب ممل ولا ايجاز مخل..!

وكما تعلم ليس الإطناب من البلاغة في شئ..!

هييييييع..!

ما تجي نعمل كورس لتدريس علامات الترقيم..!

ودمت..

كبر

Post: #24
Title: Re: أصحاب المُعلقات في حوش عُكاظ بني بكر ذو ال
Author: يحي قباني
Date: 03-12-2016, 04:56 AM
Parent: #23

Quote: يحي قباني عامل عنوان فيهو:
18 كلمة ، 11 نقطة بينية على السطر ، 2 قوس

Olive Garden لسه فاتح نواحيكم ؟
انحنا قفل عندنا من زمان ... الا نمش أمريكا ...
اها يا كبر وكت قريت العنوان ( أبو نقطة ) ... ما قريت كلامي لصاحبك و صاحبي منصور ؟
و الله لغاية قبل بوسته حق الدهب كنت مديهو البنيفيت اوف زا داوت ...
لكن البوست داك و الله شين ...

Post: #25
Title: Re: أصحاب المُعلقات في حوش عُكاظ بني بكر ذو ال
Author: معاوية المدير
Date: 03-12-2016, 05:22 AM
Parent: #24

عز الدين الفحل عندو دعاء يشهيك الموت،
بس تقول رويحتي دي هسسسسع شيلوها ...

Post: #26
Title: Re: أصحاب المُعلقات في حوش عُكاظ بني بكر ذو ال
Author: Kabar
Date: 03-12-2016, 05:34 AM
Parent: #25

ول ابا يحي..حبابك يا صديقي
قاعد عندنا ، ومعاهو واحد افريقي اسمو (ناندو) بتاع جداد مشوي..!!
بالحيل قريت كلامك في البوست (كما هي العادة أي بغم قاعد تقولها بنقراها مع القاريين) وقريت كلام الطيب قريمان..
وقريت بوستك عن تراجي (جابتها وسيعة شديد يااااااااااااااااااااااااااخ)..!
بوست منصور فيهو حاجات كويسة وفيهو حاجات فيها سؤال وسؤال..و اجمل حاجة حكاية رجع استعدل البوست واتحدث عن الطواف..
عموما..كنت ناوي اعمل خيط عن سلوك الناس عن الحوار وناس الحوار.. ذكرني واقعة حصلت لينا زمان اسمها واقعة مقاطعة الإمتحانات في جامعة الخرتوم..
الناس انقسمت بصورة عجيبة.. الكان عدوك قبل المقاطعة وقام قاطع ح يكون صاحبك..
والكان صاحبك قبل المقاطعة وقام دخل الإمتحانات ح يكون عدوك..
في الجامعة قلنا يمكن حماس الشباب وقلة التجربة..
لكن الآن.. صعب التفسير يا صديقي..
وفي النهاية الحد الأدنى هو خيارات الناس وحقها في الإختيار..
ودمت..
كبر

Post: #27
Title: Re: أصحاب المُعلقات في حوش عُكاظ بني بكر ذو ال
Author: معاوية المدير
Date: 03-12-2016, 10:06 AM
Parent: #26

Quote: وبرضه ما عدوان
هههههههههههههههههههه
كيفك يا ود المدير
سلآمات يا ابو روضة .
إنت حا نختك مع خرمجة اشعار العرب ...

Post: #28
Title: Re: أصحاب المُعلقات في حوش عُكاظ بني بكر ذو ال
Author: معاوية المدير
Date: 03-12-2016, 10:09 AM
Parent: #27

اليومين ديل في وآحد من اصحاب المعلقات المخضرمين
حايم بجاي، حدي يعرفو لينا، والبينقرو بمدحو ببيتين
تسير بهما الركبان ...

Post: #29
Title: Re: أصحاب المُعلقات في حوش عُكاظ بني بكر ذو ال
Author: طلحة عبدالله
Date: 03-12-2016, 10:31 AM
Parent: #28

يا هذا
دع التريقة وتعلم كيف تناقش أفكارا لا أشخاصا
للوقت ثمنه وللحبر المدلوق في فارغة ومقدودة كذلك
ويذهب الزبد جفاء البحر أبو أمواج عاتية تضرب بسخاء
في سفوح الرواسي .

Post: #30
Title: Re: أصحاب المُعلقات في حوش عُكاظ بني بكر ذو ال
Author: معاوية المدير
Date: 03-12-2016, 11:25 AM
Parent: #29

Quote:
يا هذا
دع التريقة وتعلم كيف تناقش أفكارا لا أشخاصا
للوقت ثمنه وللحبر المدلوق في فارغة ومقدودة كذلك
ويذهب الزبد جفاء البحر أبو أمواج عاتية تضرب بسخاء
في سفوح الرواسي .
تاريخ التسجيل: 09-26-2009
مجموع المشاركات: 10100
للتواصل معنا
FaceBook
تويتر Twitter
YouTube
Google Plus
كيف احذف مداخلة من بوستى

قُــل للـمـسـتـقـبـل نـحـن جــاهـزون ،، العـقـول النـيـرة ، النـظـيفـة ،،،
أنت لست من ذهب يا هذا ...

Post: #31
Title: Re: أصحاب المُعلقات في حوش عُكاظ بني بكر ذو ال
Author: معاوية المدير
Date: 03-12-2016, 11:28 AM
Parent: #30

Quote: كمال عباس
يلفك بيك زي بص السيرة زمان ...
دور بينا البلد داك نحرق الجازولين يا البابور جاز
لم تنسى اسمك زاتو ...
حصيف جداً كمال دا يا ابو حسين،
يعني عادي ممكن يخليك تمشي الشُغُل بلا طاقية .
هههههههههه ...

Post: #32
Title: Re: أصحاب المُعلقات في حوش عُكاظ بني بكر ذو ال
Author: معاوية المدير
Date: 03-12-2016, 11:30 AM
Parent: #31

Quote: كلمة أخيرة ...
ههههههههه،
يا ود البشرى ود القوز جاب ديوانو ؤ جاء ...

Post: #33
Title: Re: أصحاب المُعلقات في حوش عُكاظ بني بكر ذو ال
Author: حمد عبد الغفار عمر
Date: 03-12-2016, 11:50 AM
Parent: #32

كيفك يا مدير
و positively
أبو جودة
لو نزل بيك رحلة غوص أو طلع بيك السطوح
لا تعرف تطلع أو تنزل
بعدين الزول الأسمو كبر دا لو ختا الرحمن في قلبو وخلا جغمسة السياسة دي بريحك بمعلقاته خسوسا في الفن والمجتمع

Post: #34
Title: Re: أصحاب المُعلقات في حوش عُكاظ بني بكر ذو ال
Author: طلحة عبدالله
Date: 03-12-2016, 11:54 AM
Parent: #33

للتواصل معنا
يوتوب وقوقل بلص ؟؟
جعلتني مجرما .. خخخخخخ

Post: #35
Title: Re: أصحاب المُعلقات في حوش عُكاظ بني بكر ذو ال
Author: جمال ود القوز
Date: 03-12-2016, 09:12 PM
Parent: #34

Quote: في النهاية كدا، الأول منو؟
"لكن انا شخصياً جبرتني ظروف في زمناً قديم ..
إني أصف كتير وكتير جداً كمان .."
الأول إتــــــا ده ...
داير يشددوها ليكـ يعني ...
غالي والطلب رخيص يامستنير يأخ ..
( أصُفّ ) ..
وحاة سيدي الحسن تاني ما بصوّبكـ ..
شكلكـ إتحسست ...

Post: #36
Title: Re: أصحاب المُعلقات في حوش عُكاظ بني بكر ذو ال
Author: معاوية المدير
Date: 03-13-2016, 11:48 AM
Parent: #35

Quote: ولو الكوبي بيست محسوب مع المعلّقات خد عندك دكتور ياسر الشريف
برشّك في الأول بشريحة يوتيوب ثم يتبعها برابط لو لقاك لسّة فيك حيل ولازلت على قيد الحياة بنسخ ليك القيامة الفي الرابط :)

صاحبي ياسر دا أساسي في حوش عُكاظ،
وبِلآ منازع هو من أصحاب المُعلقات ...

Post: #37
Title: Re: أصحاب المُعلقات في حوش عُكاظ بني بكر ذو ال
Author: معاوية المدير
Date: 03-13-2016, 11:54 AM
Parent: #36

Quote: حاول يخفي نفسو وهل يخفى القمر اعمق واحلى والعجب كان قام للغلات في الكورة
مو هلالابي عاد كلهم عكاليت
ههههههههههههههه،
يا حامد الزول دا بعد سأل نفسو ؤ ردّ عليها ثم قال،
هل من سؤال آخر، انا وحات الله آمنت بي عكلتو
عدييييل كدا،
مُبالغة ...

Post: #38
Title: Re: أصحاب المُعلقات في حوش عُكاظ بني بكر ذو ال
Author: أبوبكر عباس
Date: 03-13-2016, 01:59 PM
Parent: #37

غايتو الشورت لست بتاعتي: كمال، كبر وجودة