ياسر عرمان ،،، أحقاً رحل علاء صبحي !

12:54 PM March, 10 2016

سودانيز اون لاين
مبارك عبدالرحمن احمد-كاودة
مكتبتى
رابط مختصر

أحقاً رحل علاء صبحي !

مضى مأسوفاً على شبابه ورحل قبل الأوان الصديق والأخ العزيز علاء صبحي ذلك الإنسان المتميز والإعلامي الموهوب، والذي عمل في عدة مؤسسات آخرها هيئة الإذاعة البريطانية، والتي تدرج في مختلف أقسامها حتى أصبح مديراً لتحرير قسمها العربي، ظل علاء صبحي مسانداً لقضايا المواطنة بلا تمييز والديمقراطية في بلاده السودان، وربطته علاقة قوية بالحركة الشعبية لتحرير السودان، وكان دائم الإستعداد للمساعدة في توصيل صوت المعارضة السودانية للآخرين وملتزماً بمهنيته في ذات الوقت ولا يبيع ولا يشتري حينما يتعلق الأمر بمهنيته. عزاءنا الحار لأسرته ولأهله ولأصدقائه ولزملائه.

وإنا لله وإنا إليه راجعون

ياسر عرمان

10 مارس 2016م

صلاح أزيك..

يا ابنى ات بقيت مدير أعلانات ياسر عرمان ؟

لّخصت الحركة الشعبية..

ونضالات أهلك ورفقائك وشعب بالكامل..

فى شخص ياسر عرمان..

ياسر دخل...

ياسر مرق...

ياسر قعد...

ياسر قام..

أت أكثر كفاءة من ياسر دا فى مختلف المجالات..

أقلها الشهادة الجامعية الآت عارف شقيت قدر شنو عشان تجبيها,.

ومين الورا النجاح دا!

وبعدين صاحب وجعة فى الارض الراحت شمار فى مرقة...

والناس الماتت أونطة..

ثم أنك عندك كاريزما لو أجدت استخدامها..

حتىطلعنا من الورطة الدخلنا فيها ياسر عرمان..

مالك يا أخ داير تشّلنا بى أهانتك المتكررة لنفسك ؟

اسمع كلام الناس الخبرة

ماتضيع وقتك فى الفارغة

الراجينا كتير

سلامات ي نور

انا اعرف ياسر عرمان اكثر منك فهو رفيقي وزميل في الحركة الشعبية وقائدي في الجيش الشعبي

ولكن سؤالي لك بهذه المناسبة - أنتي اللي بوديكي مع المؤتمر الوطني شنو ، أنتي وعفاف ....والبقية

البرنامج الذي يجمعني مع ياسر عرمان واسع وعريض أوسع من افكارك الضيقة .

القضية ليست ياسر عرمان وانما قضية يلعبها النظام ومعاونيه علناً وخفية ومن وراء حجاب لتقسيم الحركة الشعبية إثنيناً

واذا كان الموضوع بالنسبة لكي هو موضوع نوبة فلماذا وقفتي انتي ضد يوسف كوة وهو نوباوي اما وأباً وكانت لكي نفس الفكرة ولكن بعرض وتبرير مختلف.

لما لا تساليني عندما أنشر كثيراً لأرنو الرفيق الناطق الرسمي وجقود وعبدالعزيز ومالك ولنفسي او من اعجبني مقالات

الا ياسر عرمان (القندول الشنقل الريكة)

وأخيراً

للآسف أنتي الآن لا تستطيعين أن تفرقي بين مبارك وصلاح ؟؟؟؟؟؟

السيد مبارك عبد الرحمن أحمد.

الاستاذة نور تاور معارضة للانقاذ، وليست جزءا منها او موالية لها. هي والانقاذ على طرفي نقيض. لذا ارجو تحري الدقة فيما تكتبه عنها. هذا والسلام.

لا ما ممكن

استغفر الله

لاحول ولا قوة الا بالله وانا لله وانا اليه راجعون

رحل الأديب ابن الأديب الاخ الدكتور الاستاذ علاء صبحي

له الرحمة والمغفرة ولأسرته ولزملائه الصبر وحسن العزاء

عرفته عن قرب إبان الفترة الجامعية وزرته اكثر من مرة بمنزلهم بشمبات

كان يؤمن بوحدة السودان والمواطنة كاس للحقوق والواجبات لذلك لم تسعه سودان البشير الترابي

سودان المشروع الحضاري

له الرحمة والمغفرة

ندعو المولى الكريم أن ينزل شآبيب رحمته على قبر الإعلامي المتميز علاء صبحي

وأن يلهم أهله وذويه الصبر وحسن العزاء

إنا لله وإنا إليه راجعون

خالص التعازي والمواساة لأسرة الفقيد ولأصدقائه وزملائه وللأخ ياسر

Quote: تنعى بي بي سي عربي الزميل علاء صبحي مدير التحرير في إذاعتها. وقد توفي الزميل علاء صباح اليوم في أحد مستشفيات لندن، عن ثمانية وأربعين عاماً، إثر جلطة دماغية لم تمهله طويلا. ولد الراحل في اسكوتلندا عام 1968 وتلقى تعليمه في السودان وبريطانيا. وعمل في منظمة العفو الدولية وعدة مؤسسات صحفية منها قسم المتابعة الإعلامية في بي بي سي، ومن ثم انتقل إلى القسم العربي في بي بي سي حيث أمضى 14 سنة. وتدرج في العمل التحريري ليصبح مديرا لتحرير الاذاعة العربية. وقد عمل في بي بي سي عربي مذيعا ومقدما للبرامج الاخبارية. وبعد توليه مسؤولية إدارة التحرير انخرط في العمل على تطوير البرامج الاخبارية ومنها عالم الظهيرة والعالم هذا المساء وتجديدها. وكان والده، حسن صبحي، أحد الصحفيين الذي عملوا في بي بي سي خلال خمسينيات القرن الماضي. وللفقيد أربعة أولاد.

أسأل الله أن يغفر له و يرحمه و أن يتجاوز عنه و أن يدخله

الجنة و أن يجعل البركة في ذريته و أهله و ذويه و أن يلهمهم

الصبر الجميل ... خالص العزاء لأولاده و جميع أهله و أقاربه..

و لك الشكر على التذكير ...

مبارك سلام..

ولكن سؤالي لك بهذه المناسبة - أنتي اللي بوديكي مع المؤتمر الوطني شنو؟

...

اصلو الحركة الشعبية اللى اوردت الاقليم موارد الهلاك..

الواحد ما يتوقع منها غير كدا..

لانه الهزيمة النفسية اللى بتخلى نوباى عضو حركة يسّخر قضية بالكامل..

للدفاع عن قيادة الحركة..

فدى هزيمة عميقة جدا وعلاجها مستحيل فى الوقت الحالى..

عموما مبروك عليك علاقتك بياسر عرمان..

ولكن..

تعال داخل وورينى علاقتى شنو بالمؤتمر الوطنى؟

انا نور تاور مقيمة فى كندا..

ولا عندكم واحدة تانية اسمها نور تاور غير شخصى التى تعيش خارج الوطن لربع قرن من الزمان..

وضح للقراء المنصب وعنوانه و الjob descripbtion البنؤديه للمؤتمر الوطنى..

اتهام ساكت معلق فى الهوا ما ينفع..

أما انى لا افرق بين عبدرالحمن وصلاح..

يا اخى كلكم حركة شعبية ولا ؟

بت أبا نور،

سلام ..

مبارك شنو العندو قضية ..

يا بت أبا نور، مبارك دا تلميذ شيخ الهدية .. بتاع فتات وحوليات حتى خرج من السودان ..

شغلانة النضال دي .. فهمها قريب دا ..

بريمة

رحم الله علاء صبحى وأسكنه فسيح جناته وجعل قبره روضة من رياض الجنة.

ربنا يرحم الاخ علاء صبحي ونسأل الله ان يصبر اهله.

اختنا نور بالنسبة للبوست بتاع اردول ليه الحق ينقل عرمان بصمتوا ما هو الناطق الرسمي لوفد الحركة الشعبية

يعني الناطقي الرسمي لعرمان البمثل كل وفد التفاواض

للأسف الواضح ان الحركة الشعبية او ابناء الهامش في تلكم المناطق عجزوا ان يأتو بمن هو .... واتو بمن هو ......

خستكة..

علي كل اين المناضل امين ذكريا ودكتور ابكر ؟

شكرا اخي مبارك عبد الرحمن

وعلاء صبحي فقد كبير جدا منارة من الوعي والفكر

والتحية عبرك لياسر هرمان

وّل ابا بريمة والمتداخلين الافاضل..

واضح جدا انى دخلت فى مكان غلط..

والتسّوية كريت تلقاه فى جلدها..

الحركة الشعبية بقت سمك لبن تمر هندى..

ويطلع ليك واحد اخر الزمان ويدافع عن ياسر عرمان ويقول عشان هو بيعرفه..

يعنى لو ما كان بيعرف ياسر عرمان...

كنا نقول معليش..

وأتاريها المصيبة أكبر..

أما حكاية نور تاور مؤتمر وطنى...

فدا تكتيتك لبتاعين الحركة الشعبية..

لما ما يعرف يقول ليك شنو..

يقوم طوالى يصرف ليك واحد اتهام معتبر..

بدون ما يفكر فى انه الاتهام دا منطقى...

ولا أى كلام..

أكرر..

أنا دخلت هنا غلط..

لانى كنت فاكرة نفسى بخاطب رجل قلبه على قضيته والخراب المتلتل الحاصل فى الولاية..

أتاريها المسألة مختلفة تماما..

فيها حواريين لشيخ الهدية..

و بكدا وضح الآمر..

وشكرا وّل ابا على التنوير...

ويا لها من حركة..

عزيزنا عثمان محمد صالح..

السيد مبارك عبد الرحمن أحمد.

الاستاذة نور تاور معارضة للانقاذ، وليست جزءا منها او موالية لها. هي والانقاذ على طرفي نقيض. لذا ارجو تحري الدقة فيما تكتبه عنها. هذا والسلام.

...

واضح جدا انه دى حركة سلوكها كلها فّاكة..

وما عارفة نفسها بتقول فى شنو..

واللى بيعرفوا الحق وبيجاهروا بيه زيك كدا..

الحركة ما بتعرفهم..

هسى يجى داخل ويقول ليك..

أت ذاتك مدير مكتب عمر البشير..

تحياتى..