08:14 AM March, 09 2016 سودانيز اون لاين
محمد جلال عبدالله-فوق الأرض وتحت السماء
مكتبتى
رابط مختصر
السلام عليكم ورحمة الله وبركاتهلاحظت أن الكثير من الزملاء وحتى القدامى منهم عند الرد يخلطون أحيانا بين الزميلين عمر دفع الله وعلي دفع الله ..
وذلك للتشابه اللفظي الكبير بين الاسمين: التشابه في اسم الوالد والتشابه في الحرف الأول ..
والاتنين أسماء خلفاء راشدين (طبعا هم ما عندهم شغلة بالحتة دي)
ورغم أن الاتنين وجهان لعملة واحدة ومتشابهين زي الطرة والكتابة
وسبحان الله التشابه شكلي ولفظي ومعنوي
في الشكل الاتنين جلحات وشينين
في اللفظ الأسماء متشابهة
في المعنى والمخبر الاتنين (مستحمين) علمانية لبرالية ويمكن شيوعية والله أعلم
يعني ممكن تعتبر عمر دفع الله الطرة باعتبار إنو بتاع رسم
وعلي دفع الله الكتابة باعتبار أنه بكتب ما برسم
أو ممكن تعتبر عمر دفع الله الكتابة باعتبار إنو (شخباط) زي ما بقول ود الباوقة
وعلي دفع الله الطرة (باعتبار إنو زول طرة ساكت) .. ما علينا
على العموم هذه بعض وسائل التفريق بين علي دفع الله وعمر دفع الله:
أولا: عمر دفع الله يميل لفتح مواضيع مستقلة ونادرا ما يشارك في مواضيع الغير
لكن علي دفع الله تلقاهو حايم البورد ده بي كراع (كـلـب) وده تشبيه معنوي من الأمثال السودانية
وردودو دائما قصيرة وتهكمية ويسمي السلفيين سلفتوت!
ثانيا: عمر دفع الله دائما بشارك بي أغنية ولا كاريكاتير وللا قصيدة وردودو دائما طويلة
وعلي زي ما قلنا ردود قصيرة والمحتوى فيها قليل
ثالثا: عمر دفع الله تلقاهو فاتح موضوع منجضو تمام ونفسو طوييييل في الموضوع يستمر أرشفات عديدة
وعلي دفع الله تلقاهو يفتح الموضوع ويزوغ منو وممكن في اليوم يفتح أكتر من موضوع وتلقاهو زي (الضب)
مرات في الحيطة ومرات في السقف ومرة في الشباك ومرة يخش في مكنة المروحة
تلقاهو يشارك في مواضيع السلفيين والعلمانيين والصوفية والجمهوريين وووووو
رابعا: لو لقيت واحد ود الباوقة بقول ليهو: الشخباط ود دفع الله . . رحم الله ناجي العلي .. تعرف طوالي ده عمر دفع الله
ولو لقيت واحد أحمدونا بقول ليهو: (كوهين) تعرف طوالي ده علي دفع الله
انتهى كلامي رحمني الله ... هذا مع التأكيد على أنني أتبرأ من مناهج وأفكار الشخصين المذكورين أعلاه
ودون أدنى مسؤولية تجاه الغير...
بس سؤال بريء يعني: الناس ديل أخوان وللا في قرابة بيناتهم؟
وللا دي أخوة الإسلام .. قصدي العلمانية