Post: #1
Title: يا إلهي رغبة أخرى إذا وافقت..
Author: rani
Date: 03-08-2016, 09:17 PM
Parent: #0
08:17 PM March, 08 2016 سودانيز اون لاين
rani-Grande Prairie, Ab
مكتبتى
رابط مختصر " ان تغفر لي بعدي أمي والشجيرات التي لم أسقها منذ سنين وثيابي فلقد غيرتها أمس.. بثوب دون أزرار حزين صارت الأزرار تخفى.. ولذا حذرت منها العاشقين لا يقاس الحزن بالأزرار.. بل بالكشف في حساب الخائفين " مظفر النواب . . 
. . من أعمالي Mar 2016 By: Artist Rani Elsamani
|
Post: #2
Title: Re: يا إلهي رغبة أخرى إذا وافقت..
Author: مني عمسيب
Date: 03-08-2016, 09:40 PM
Parent: #1
راني فردتي ... مساء الجمال .. كنت في يوم المرأة جيت اسه داخلة قلت امسي عليكم وامشي انوم .. | Quote: . من أعمالي Mar 2016 By: Artist Rani Elsamani |
سلمت يداك بلاهي انت كدا وانا ما عارفاك ؟ والله صحي الما بعرف لازم يعرفك . تصدق اللوحة دي نفسي تعمل لي زيها توب لو سمحت ظروفك .. ومتي ما نتلاقي ناولني ليهو برضو مجرد امنية ههههههه . ولك وافر الود ةالامنيات ,,,
|
Post: #3
Title: Re: يا إلهي رغبة أخرى إذا وافقت..
Author: معاوية المدير
Date: 03-08-2016, 09:45 PM
Parent: #2
عليك الله هسّع أعمالك السوداء دي دايرالآ بوست ؟...
|
Post: #4
Title: Re: يا إلهي رغبة أخرى إذا وافقت..
Author: rani
Date: 03-09-2016, 10:51 AM
Parent: #3
| Quote: عليك الله هسّع أعمالك السوداء دي دايرالآ بوست ؟... |
هههههههههههههههههههههه
|
Post: #5
Title: Re: يا إلهي رغبة أخرى إذا وافقت..
Author: rani
Date: 03-09-2016, 11:11 AM
Parent: #4
| Quote: راني فردتي ... مساء الجمال .. كنت في يوم المرأة جيت اسه داخلة قلت امسي عليكم وامشي انوم .. سلمت يداك بلاهي انت كدا وانا ما عارفاك ؟ والله صحي الما بعرف لازم يعرفك . تصدق اللوحة دي نفسي تعمل لي زيها توب لو سمحت ظروفك .. ومتي ما نتلاقي ناولني ليهو برضو مجرد امنية ههههههه . ولك وافر الود ةالامنيات ,,, |
سلامات مني عمسيب اولاً، كل عام وأنتم بالف خير.. اما بخصوص التوب اختفي اللوحة في فلاش كارد واجري لاقرب ترزي بيطلع ليك منها توب وملايات كمان ..
|
Post: #6
Title: Re: يا إلهي رغبة أخرى إذا وافقت..
Author: أيمن الطيب
Date: 03-09-2016, 11:25 AM
Parent: #4
سلامات يا رانى,,بالله لو في أى محاولة نقد أو تفكيك لهذا العمل خاصة لو جات من أهل الشئ ادينا ليها معاك,, لكن يا شاب,, ارسم وشكل وشخبت ولون إلى أن تصفو الرؤية .. لوحتك ذكرتني مقولة قديمة قرأتها ما عارف وين.Mixed feelings, mixed colors like mixed drinks,all are a confusion to the sight. تحياتى
|
Post: #7
Title: Re: يا إلهي رغبة أخرى إذا وافقت..
Author: ملهم كردفان
Date: 03-09-2016, 11:52 AM
Parent: #6
أكيد البيتمتع بتذوق الجمال والبيعرف يبحر في تفاصيل وعمق اللوحه بيقول ليك برافو يارانىشغل جميل والله يامان
|
Post: #8
Title: Re: يا إلهي رغبة أخرى إذا وافقت..
Author: اخلاص عبدالرحمن المشرف
Date: 03-09-2016, 12:25 PM
Parent: #7
منو كيفك التوب عندك يا ذوق الاخضر ال بالطرف ده ومعاهو ورده بيضاء ممكن تتعمل منها حاجة جميلة , غايتو انا حجزتو , بس افضي واشوف قضية الفلاش راني الفنان تحياتي وشكرآ علي التوب مقدمآ
|
Post: #9
Title: Re: يا إلهي رغبة أخرى إذا وافقت..
Author: rani
Date: 03-09-2016, 12:26 PM
Parent: #7
| Quote: سلامات يا رانى,, بالله لو في أى محاولة نقد أو تفكيك لهذا العمل خاصة لو جات من أهل الشئ ادينا ليها معاك,, لكن يا شاب,, ارسم وشكل وشخبت ولون إلى أن تصفو الرؤية .. لوحتك ذكرتني مقولة قديمة قرأتها ما عارف وين.Mixed feelings, mixed colors like mixed drinks,all are a confusion to the sight. تحياتى |
تسلم يا حبيب والف شكر علي المرور
|
Post: #10
Title: Re: يا إلهي رغبة أخرى إذا وافقت..
Author: rani
Date: 03-09-2016, 12:28 PM
Parent: #9
| Quote: أكيد البيتمتع بتذوق الجمال والبيعرف يبحر في تفاصيل وعمق اللوحه بيقول ليك برافو يارانى شغل جميل والله يامان |
شكراً يا فنان، وسعيد جداً بشوفك..
|
Post: #11
Title: Re: يا إلهي رغبة أخرى إذا وافقت..
Author: rani
Date: 03-09-2016, 12:48 PM
Parent: #10
| Quote: منو كيفك التوب عندك يا ذوق الاخضر ال بالطرف ده ومعاهو ورده بيضاء ممكن تتعمل منها حاجة جميلة , غايتو انا حجزتو , بس افضي واشوف قضية الفلاش راني الفنان تحياتي وشكرآ علي التوب مقدمآ |
وهاك كمان دي الطرحة ليهو.. 
|
Post: #12
Title: Re: يا إلهي رغبة أخرى إذا وافقت..
Author: جلالدونا
Date: 03-09-2016, 01:10 PM
Parent: #11
| Quote: أكيد البيتمتع بتذوق الجمال والبيعرف يبحر في تفاصيل وعمق اللوحه بيقول ليك برافو يارانى شغل جميل والله يامان |
لكن ما بالغتا يا ملهم يعنى ود المدير طلع عريان فى الحتة دى ____ بالرغم انها شخابيط سيريالية ساكت .. لكن ليك علىّ يا رانى توب كرب والخامة توتال بجيك لوّنو زى ما عايز و سلمّو لى اخونا المسلمّى يهديهو لى اختنا منى من غير حوار
|
Post: #13
Title: Re: يا إلهي رغبة أخرى إذا وافقت..
Author: rani
Date: 03-09-2016, 01:14 PM
Parent: #12
هوي يا جلالدونا، بطل مشاكل..وهاك امشي انجم تحت ضل الصهريج دا.. 
. . من أعمالي: By: Artist Rani Elsamani
|
Post: #14
Title: Re: يا إلهي رغبة أخرى إذا وافقت..
Author: ملهم كردفان
Date: 03-09-2016, 01:18 PM
Parent: #12
حرام عليك ياخى
أنا بي طبعى ياجلال بخش البوست والهدف مايقدمه كاتب البوست
ولا أحب المطاعنه بالمره
ولمن زول يفقع مرارتى بفتح بوست بى إسمو من غير لف ودوران
وود المدير صديق ليهو مكانه كبيره جدا جدا عندى ....
والبين رانى وود المدير هم قادرين على التناقش حوله ماعندى بيهم الشغله
احترامى
تعديل الإسم من رامى لرانى لأنو الميم جمب النون
|
Post: #15
Title: Re: يا إلهي رغبة أخرى إذا وافقت..
Author: معاوية المدير
Date: 03-09-2016, 01:32 PM
Parent: #14
| Quote: وود المدير صديق ليهو مكانه كبيره جدا جدا عندى .... والبين رانى وود المدير هم قادرين على التناقش حوله ماعندى بيهم الشغله |
ملهم يا اعزّ الناس . ما بينا ؤ بينكم إلآ كل خير، وكذلك الذي بيننا وبين الجميع كلو خير . أعمال راني انا لم أقصد بها اللوحات بل أعماله السوداء علي سبيل المزاح، كذلك جلالدونا دائر في نفس الفلك . يا حبيب الحكاية كلها مزاح، خليك فرايحي ياخ . مودتنا ما بندور غيّرُن ...
|
Post: #16
Title: Re: يا إلهي رغبة أخرى إذا وافقت..
Author: محمد درار
Date: 03-09-2016, 01:34 PM
Parent: #14
سلام يا فنانوالله لوحات رائعة جدا واللوحة الاولى بالذات إبداااع حتى الأبعاد بتاعتها جميلة
|
Post: #17
Title: Re: يا إلهي رغبة أخرى إذا وافقت..
Author: ملهم كردفان
Date: 03-09-2016, 02:47 PM
Parent: #16
الغريبه ياود المدير أنا ختيت وش ضاحك فوق لكن لاخظت بعد مداخلتك دى انو الوجوه الكانت بتظهر فى اعلى الردود اختفت | Quote: ملهم يا اعزّ الناس . ما بينا ؤ بينكم إلآ كل خير، وكذلك الذي بيننا وبين الجميع كلو خير . أعمال راني انا لم أقصد بها اللوحات بل أعماله السوداء علي سبيل المزاح، كذلك جلالدونا دائر في نفس الفلك . يا حبيب الحكاية كلها مزاح، خليك فرايحي ياخ . مودتنا ما بندور غيّرُن ... |
ما أنا عشان كده عايز اماعايز احجز او اوقف الرش البينك وبن رانى وفى نفس اللحظه أبعد من جلالدونا لأنو قبل كده أدانى بالجنبه الفيها الحديده فى نص راسى بدون سبب فعامل حذرى منو لأنو شرانى ياخ تحليه صحى انت هناى داك جاب ليك حقة تمباك من الحوار ولبدتها من رانى ...؟؟؟
|
Post: #18
Title: Re: يا إلهي رغبة أخرى إذا وافقت..
Author: جلالدونا
Date: 03-09-2016, 04:45 PM
Parent: #17
| Quote: وهاك امشي انجم تحت ضل الصهريج دا.. |
عليك الله بتاع المشاكل منو فى خطأ كلاسيكى فى اللوحة صهريج فوق قيف البحر وامشى انجم تحتو كان طلع لى تمساح امشى وين انا
|
Post: #19
Title: Re: يا إلهي رغبة أخرى إذا وافقت..
Author: جلالدونا
Date: 03-09-2016, 04:55 PM
Parent: #18
يا ملهم الامانى الندية و مداعب الحلم الخصيبياخى درابتين فى الراس و فى بوست واحد بيدوشو و كمان معاهن اديتك بالحتة الفيها الجديدة وين الكلام ده كان اخر مداخلة لى معاك فى بوست اظنو عن وفاة الترابى و بعدها البوست طبلوهو على ما اظن و ما اظن فيها حاجة تمسك بى اي سوء على العموم اعتذاراتنا ليك لو مساكا ضر
|
Post: #20
Title: Re: يا إلهي رغبة أخرى إذا وافقت..
Author: Dr. Ahmed Amin
Date: 03-09-2016, 06:43 PM
Parent: #19
جميييييل والله .... التشكيلي راني لوحات فيها سحــر عجيب لمن يتاملها ويغوص في تفاصيلها .. بالجد متعة للنفس سلمت
|
Post: #21
Title: Re: يا إلهي رغبة أخرى إذا وافقت..
Author: ملهم كردفان
Date: 03-09-2016, 07:37 PM
Parent: #20
| Quote: يا ملهم الامانى الندية و مداعب الحلم الخصيب ياخى درابتين فى الراس و فى بوست واحد بيدوشو و كمان معاهن اديتك بالحتة الفيها الجديدة وين الكلام ده كان اخر مداخلة لى معاك فى بوست اظنو عن وفاة الترابى و بعدها البوست طبلوهو على ما اظن و ما اظن فيها حاجة تمسك بى اي سوء على العموم اعتذاراتنا ليك لو مساكا ضر |
جلالدونا الش ... رانى لاعليك ياصاحب ..الله يعلم الشغله لادايره اعتذار لاحاجه بس ده مهارة فى خط سته ياحبيبنا تحليه ماهو انت لو ماخشيت البوست ماكان اتربس حركتك فى المنبر بقت مابين الاستكه والتربسه احترامى
|
Post: #22
Title: Re: يا إلهي رغبة أخرى إذا وافقت..
Author: حيدر حسن ميرغني
Date: 03-09-2016, 07:45 PM
Parent: #21
سلامات يا Artist| Quote: بالله لو في أى محاولة نقد أو تفكيك لهذا العمل |
كلام ايمن ده ذكرني طرفة واحد عنقالي متل معاوية المدير صاحبي اتشالق ومشى معرض فنون تشكيلية اقيم تحت اسم "الفن الحديث" اها وهو لافي كده نادى واحد من الفنانين عشان يعلق على لوحة ، قال ليهو " ايه القبح ده .. ده الفن الحديث بتاعكم " الفنان قال ليه دي ما لوحة ... انت واقف قدام مراية
|
Post: #23
Title: Re: يا إلهي رغبة أخرى إذا وافقت..
Author: rani
Date: 03-09-2016, 10:13 PM
Parent: #22
 . . من أعمالي: علي سقف غرفة My Artwork on a master bedroom ceiling.. By: Artist Rani Elsamani
|
Post: #24
Title: Re: يا إلهي رغبة أخرى إذا وافقت..
Author: محمد علي عثمان
Date: 03-10-2016, 00:06 AM
Parent: #23
فنان يا راني فنان، واصل وبالتوفيق
|
Post: #25
Title: Re: يا إلهي رغبة أخرى إذا وافقت..
Author: rani
Date: 03-10-2016, 07:57 PM
Parent: #24
| Quote: سلام يا فنان والله لوحات رائعة جدا واللوحة الاولى بالذات إبداااع حتى الأبعاد بتاعتها جميلة |
سلامات/ محمد درار وألف شكر ليك يا رائع.
|
Post: #26
Title: Re: يا إلهي رغبة أخرى إذا وافقت..
Author: عبدالمنعم الطيب حسن
Date: 03-10-2016, 08:07 PM
Parent: #25
ابداع بلا حدود؛شكرا راني كونك امتعتني جدا الليلة؛ الله بعلم حسيت بسعادة حتى كدت ان اتحسسها؛ راني شكرا تاني....
|
Post: #27
Title: Re: يا إلهي رغبة أخرى إذا وافقت..
Author: rani
Date: 03-11-2016, 06:51 PM
Parent: #26
| Quote: جميييييل والله .... التشكيلي راني لوحات فيها سحــر عجيب لمن يتاملها ويغوص في تفاصيلها .. بالجد متعة للنفس سلمت |
تسلم د. احمد امين.
|
Post: #28
Title: Re: يا إلهي رغبة أخرى إذا وافقت..
Author: rani
Date: 03-19-2016, 05:11 AM
Parent: #27
 . من أعمالي: Mar 2016 By: Artist Rani Elsamani . . "يا اخوتي الذين يعبرون في الميدان مطرقين منحدرين في نهاية المساء في شارع الاسكندر الأكبر : لا تخجلوا ..و لترفعوا عيونكم إليّ لأنّكم معلقون جانبي .. على مشانق القيصر فلترفعوا عيونكم إليّ لربّما .. إذا التقت عيونكم بالموت في عينيّ يبتسم الفناء داخلي .. لأنّكم رفعتم رأسكم .. مرّه ! " سيزيف " لم تعد على أكتافه الصّخره يحملها الذين يولدون في مخادع الرّقيق و البحر .. كالصحراء .. لا يروى العطش لأنّ من يقول " لا " لا يرتوي إلاّ من الدموع ! .. فلترفعوا عيونكم للثائر المشنوق فسوف تنتهون مثله .. غدا و قبّلوا زوجاتكم .. هنا .. على قارعة الطريق فسوف تنتهون ها هنا .. غدا فالانحناء مرّ .. و العنكبوت فوق أعناق الرجال ينسج الردى فقبّلوا زوجاتكم .. إنّي تركت زوجتي بلا وداع و إن رأيتم طفلي الذي تركته على ذراعها بلا ذراع فعلّموه الانحناء ! علّموه الانحناء ! الله . لم يغفر خطيئة الشيطان حين قال لا ! و الودعاء الطيّبون .. هم الذين يرثون الأرض في نهاية المدى لأنّهم .. لا يشنقون ! فعلّموه الانحناء .. و ليس ثمّ من مفر لا تحلموا بعالم سعيد فخلف كلّ قيصر يموت : قيصر جديد ! وخلف كلّ ثائر يموت : أحزان بلا جدوى .. و دمعة سدى!" امل دنقل . .
|
Post: #29
Title: Re: يا إلهي رغبة أخرى إذا وافقت..
Author: الهادي ابوبكر
Date: 03-19-2016, 07:48 AM
Parent: #28
اخونا رانيتشكيل رائع بس اعمل حسابك بكرة تلقاهم في سعد قشرة هههها.
|
|