هروب كيزان الشعبي الى كيزان الوطني

(عدل بواسطة Salah Ahmed Ali on 03-09-2016, 06:42 PM)

لانو ح يكونوا متأكدين انو معظم اعضاء الشعبي بعد وفاته

ح يجوا حبياً للمؤتمر الوطني...

و الحوار ح يروح شمار في مرقة...

لانو بقية الاحزاب الفكة ممكن يتغشوا ساهل

اولا نقطتك الاوردتها غاية في الاهمية باعتبار انوا الان راحت السكرة

ومفترض الناس تشوف معايشا بي وين وعلي قول اخونا المعايش جبارة

لكن نقطتك بالنسبة لرجوع الشعبيين للوطني سلاح ذو حدين

عودتنا الانقاذ بان لها حظ ماكن زي الكديس عندها تسعة ارواح

فاما الاندغام يكون في صالح جمع الصف الاسلامي واعادة توحيد الاسلاميين

وحيكون في دعوات كتيرة بدا من يوم الجمعة القادم علي اسوأ تقدير علي المنابر

والرجوع للنظام الخالف كما كان هم الترابي سابقا او ان يتسنم العصبة ذوي القوة

واعني بهم صقور النظام او الحرس القديم المبادرة كل علي حسب هواه ومصلحتوا

مثل علي عثمان او نافع او غازي وديل لو حاولوا يرجعوا الناس لي القديم بلحقوا

امات طه .

اما الراي التاني انوا محاولة التسربل بالنظام القديم قد تغضب متنفذي اليوم واللي

لسه ماشبعوا والعساكر اللي ماصدقوا اتحلوا من الاسلاميين وممكن تقود لي صدام

بحكم انوا جذوة العاطفة والحزن علي الفقيد ممكن يأثر في ناس كتيرة ممن لهم اشواق

اسلامية والمصايب يجمعن المصابين وتنقلب الاية لتصبح معركة كسر عظم بين رفقاء الامس

لو قاد التقارب علي الحاج وتواري الباقون خلفه ممكن ينجح وترجع حليمة لي قديمة

اما لو ظهروا زعيط ومعيط فلكل حادثة حديث

الأخ صلاح تحية طيبة ،،

هذا ما قاله بالظبط الطيب زين العابدين أمس فى برنامج ( حتى تكتمل الصورة ) فى قناة النيل الأزرق ،، ولكن كمال عمر نفى ذلك بشدة

وقال ان لكل حزب خطه الواضح وهما خطان متوازيان لا يلتقيان أبدا ،، رغم أن اطروحة نظام خالف هى بالظبط خلط هذا بذاك .

البرنامج كان حافلا بعدة نقاط هامة ،، ملخصه أن جميع الحضور ماعدا الطيب زين العابدين كأنهم يرون أن السودان ده بس حق الكيزان

مهما تشرب أنتماءآتهم بجيث لم يضعوا أى أعتبار للآخرين فى حديثهم ،، والشىء الثانى الذى لفت نظرى فى ذالك البرنامج ان معظم

الكوادر الإسلامية التاريخية أصبحوا يعترفون بخجل أنهم ضلوا الطريق فى المسيرة السابقة وينادوا ( حين دنو أجلهم ) ببعض التغيير

عل وعسى أن يغفروا بعض اخطائهم القاتلة فى حق الشعب السودانى ،، وكان جل كلام الحضور ينصب فى هذا الأتجاه حيث ذكروا

جميعا بأن المرحوم الترابى قد تغير فى الأشهر والأيام الأخيرة فى طريقة كلامه وتفكيره وتوجيهه لدرجة ملفتة .حيرت أقرب الأقربين

له .

Quote: اما الراي التاني انوا محاولة التسربل بالنظام القديم قد تغضب متنفذي اليوم واللي لسه ماشبعوا والعساكر اللي ماصدقوا اتحلوا من الاسلاميين وممكن تقود لي صدام بحكم انوا جذوة العاطفة والحزن علي الفقيد ممكن يأثر في ناس كتيرة ممن لهم اشواق اسلامية والمصايب يجمعن المصابين وتنقلب الاية لتصبح معركة كسر عظم بين رفقاء الامس لو قاد التقارب علي الحاج وتواري الباقون خلفه ممكن ينجح وترجع حليمة لي قديمة اما لو ظهروا زعيط ومعيط فلكل حادثة حديث

الكيزان العندهم قيم الكوزنة القديمة انضموا الى الترابي....

اما الكيزان الفضلوا في المؤتمر الوطني فهم الانتهازيون الحرامية المستفيدين من السلطة...

حيث لامعنى لبقائهم بعد انهيار المشروع الفكري لهم..بعد انفصال كبيرهم الذي علمهم السحر..

و انهيار المنظومة الفكرية للسلام السياسي..الا التعلق بالوظيفة..والتكسب منها..

الان المؤتمر الوطني يضم سماسرة السوق..و الانتهازيون..والمايويين البحبو الشمولية..و حرامية كبار ركبّوا دقون و شالوا سبحة..

البشير شكلوا داير ينضف المؤتمر الوطني من الاسلاميين بعد تقاربه الاخير مع السعودية...

و جدع برة على عثمان و نافع وكثير من الاسلاميين القدامي برة الحزب..

وجاب العساكر ناس بكري و عبد الرحيم وخلاهم اقرب الناس ليهو..

و من يصدق ان يصبح الامين السياسي للحزب ابراهيم محمود..حيث لا تاريخ مشهود في الحركة الاسلامية...

عشان كدا..الحرامية القاعدين في المؤتمر الوطني..مادايرين اسلاميين يجوا تاني...

ويشبكوهم الامة الاسلامية والمشروع الحضاري..وشعارات الاخوان المسلمين التانية البتوتر العلاقة مع السعودية البدت تضخ ليهم الضحاكات...

Quote: هذا ما قاله بالظبط الطيب زين العابدين أمس فى برنامج ( حتى تكتمل الصورة ) فى قناة النيل الأزرق

عمك الطيب زين العابدين زول عارف البير وغطاها...وفاهم سايكولجية الكيزان فهم شديد..

دا غير انو استاذ للعلوم السياسية...وفاهم بقول في شنو...

كيزان الشعبي مصيرهم يهربوا الى الوطني...ليس لان هناك مشروع اسلامي فكري هناك او حاجة زي دي..

فالمؤتمر الوطني مفكره الاوحد هو البشير..وهو الآمر الناهي فيه..كما قال قطبي المهدي...

حيهربوا للوطني لانهم مفلسين..وما عندهم وظائف..ولانو لا السنوسي لا علي الحاج لا كمال عمر ناس ممكن يكونوا قيادة ملهمة ليهم..

واستولى على السلطة الجابوها بالانقلاب مجموعة تعيسة من العسكريين

ومن الحرامية والانتهازيين...

هسع عليك الله البخلي كوز شنو ينضم لحزب يقوده البشير..كان مشهور في شبابه بعمر الكضاب

وواحد اسمو بكري اليوم كلو راكب الفيل..وواحد اهبل وعوير زي عبدالرحيم...

دي رموز الحزب الكبيرة...ههههههههههه

دي ما دايرة اتنين تلاتة الكيزان منضمين للوطني عشان يلقى ليهم وظائف ومال سايب..

و يطردهم خارج الحزب..ويضم اليه مزيداً من العساكر..ومن المدنيين الما عندهم علاقة بالحركة الاسلامية...

الكلام دا يتقري مع تغير اتجاه البشير نحو الخليج العربي..خاصة السعودية والامارات..

وديل بكرهوا الاخوان المسلمين كره شديد...