بعد وفاة الترابي : عائشة القذافي ترسل لي بريد الكتروني يا للهول

11:11 AM March, 07 2016

سودانيز اون لاين
الهادي ابوبكر-الرياض
مكتبتى
رابط مختصر

Quote: Assalamualaikum, It is a great honor to email you here after reading your profile online. I'm Aisha Gaddafi the daughter of the former president of Libya late President Muammar Gaddafi who was killed in the civil war which took place in the year 2011 and ended up his life on the 20th October 2011. Please will I be able to get your attention؟ I think I have something very important I would like to discuss with you. Your prompt reply will be highly appreciated. Best Regards, Dr Aisha Gaddafi.

عائشة القذافي «كلوديا شيفر الليبيين»

- عائشة القذافي «كلوديا شيفر الليبية»: ولدت في 1977، ونالت شهادة في الحقوق. وتتولى رئاسة جمعية «واعتصموا» الخيرية التي تعنى بالنساء. وفي تموز (يوليو) 2007 التقت سيسيليا ساركوزي التي كانت في حينها زوجة الرئيس الفرنسي نيكولا ساركوزي، ابنة العقيد معمر القذافي في طرابلس. وقورن بين عائشة وبين عارضة الازياء الالمانية لاناقتها وشعرها الاشقر الطويل.

الاخ الهادي أبوبكر.

السلام عليكم.

هذا هكر وليس عائشة القذافي. فعليك بالحيطة والحذر من هذا الشبح الشرير الذي يستدرجك الى مثل هذه الاحبولة ليظفر بماعندك.

اسمع كلام عثمان صالح

طبعا ده هكر... وزي ناس الجماعة البكتبو من بوركينا فاسو ونيجيريا ويقول ليك نحن عندنا ملايين

من الدولارات وعاوزين نجولها لحسابك عشان ما قادرين نطلعها من هناك..

وبعدين عائشة القذافي ما فاضية تكتب رسائل وهي مشغولة بمرض أمها العندها سرطان وهم عايشين

في دولة عربية بموافقة السلطات الليبية( وما عارفين ياتو سلطات.. عشان ليبيا فيها اكثر من عشرين

حكومة .. وكل حكومة تسيطر على مدينة وكم قرية ...

والمهم خليك حذر من العصابات الوهمي البتحاول تستدرجك وتعرف معلومات تفصيلية عنك..

والله يديك الصحة والعافية

الصيغة واضحه انها لأحد نصابي أو نصابات غرب افريقيا الذي

يحاول استدارجك ليفوز ببعض المال عن الطريق النصب عليكم ..

توخى الحذر

Quote: ا ليظفر بماعندك.

يعني هدهد دا يكون عنده شنو يا عثمان ؟

سلام يا محمد فضل الله مكي.

سألتني عمايملكه أخونا الهادي أبوبكر.

وعلم ذلك عند الله.

لكنّ للهكر نفس دنيّة. لومرق من ضحاياهو انشا الله بي تعريفة حمرا

حقّت زمان برضو تتهلّل أساريره بِشراً فيقول في نفسه وهو يفرك كفيه : برضو خير وبركة. القحةّ ولاصمّة الخشم.. تعريفة حمرا أخير من قعاد ساكت!.

Quote: الاخ الهادي أبوبكر. السلام عليكم. هذا هكر وليس عائشة القذافي. فعليك بالحيطة والحذر من هذا الشبح الشرير الذي يستدرجك الى مثل هذه الاحبولة ليظفر بماعندك.

الاخ الكريم عثمان محمد صالح

مشكور على المرور والتعقيب ويا ريت الاخوة الخبراء يدونا النصيحة في الايملات دي، هل في خطورة مجرد فتحها ، أم الاحسن تتمسح ...

Quote: اسمع كلام عثمان صالح طبعا ده هكر... وزي ناس الجماعة البكتبو من بوركينا فاسو ونيجيريا ويقول ليك نحن عندنا ملايين من الدولارات وعاوزين نجولها لحسابك عشان ما قادرين نطلعها من هناك.. وبعدين عائشة القذافي ما فاضية تكتب رسائل وهي مشغولة بمرض أمها العندها سرطان وهم عايشين في دولة عربية بموافقة السلطات الليبية( وما عارفين ياتو سلطات.. عشان ليبيا فيها اكثر من عشرين حكومة .. وكل حكومة تسيطر على مدينة وكم قرية ... والمهم خليك حذر من العصابات الوهمي البتحاول تستدرجك وتعرف معلومات تفصيلية عنك.. والله يديك الصحة والعافية

الاخت أميرة

شكرا على المرور والنصحية، مؤكد سأعمل بنصيحة الاخ عثمان.

Quote: توخى الحذر

الأخ القاسم بالانجليزي

مشكور ومن سأحاول أن اكون حذر..

شكرا على المرور والنصيحة.

Quote: Quote: ا ليظفر بماعندك. يعني هدهد دا يكون عنده شنو يا عثمان ؟

يا محمد فضل الله ،،، هههههها الله يجازي محنك

أنا قلت امكن طمعانا فيني .

سلام الهادى ابوبكر انا الرسائل الذى دى بتجينى شبه يومى

بعد قريت بوستيك قتا ادى طلة لعايشة القذافى واشوف الحاصل شنو,

إذكرت قت اشوف إيميلى فإذا بى اتفاجا المرة دى برسالة مترجمة بالعربية بإستخدام عمك قوقل

فقت اشاركك بى كوبى من الرسالة المليونية , ههه هه: أقول ليك شنو! مرة رسالة من زول قال لى انا قريب باراك اوباما من كينيا ,شفت كيف!

Quote: [ No Subject ] Monday, 7 March, 2016 10:31 Mark as Unread From: "Jessica Walker" Bcc: [email protected] Full Headers Printable View مرحبا، مع الاحترام الواجب والإنسانية، وكنت مضطرا أن أكتب إليكم تحت الارض الإنسانية. اسمي السيدة جيسيكا ووكر. لقد ولدت في بالتيمور، ميريلاند، أنا متزوجة من المخرج السيد تيموثي ووكر J.C الصناعة توغو. كنا متزوجين لمدة 36 عاما دون طفل. توفي بعد عملية شرايين القلب. ومؤخرا، قال لي الطبيب انني لن تستمر لفترة الستة أشهر القادمة بسبب مشكلتي السرطان (سرطان رافعة والسكتة الدماغية). قبل وفاة زوجي العام الماضي هناك هذا المبلغ 2.8 مليون $ دولار انه المودعة في البنك هنا في توغو. في الوقت الحاضر لا تزال هذه الاموال في البنك. وبعد أن تعرف وضعي قررت التبرع لهذا الصندوق إلى أي خير الله خوفا من الأخ أو الأخت التي سوف تستخدم هذه الأموال في الطريق وانا ذاهب الى تعليمات هنا. أريد شخص سوف تستخدم هذه الأموال وفقا لرغبة زوجي الراحل لمساعدة الأقل حظا من الناس، ودور الأيتام والأرامل ونشر كلمة الله. وقد اتخذت هذا القرار لأنه ليس لدي أي أن الطفل سيرث هذا الصندوق، وأنا لا أريد في بعيدا حيث سيتم استخدام هذه الاموال بطريقة محرمة شرعا. وهذا هو السبب في أنني آخذ هذا القرار لتسليم لك أكثر من هذا الصندوق. أنا لا أخاف من الموت ومن ثم أنا أعرف أين أنا ذاهب. أنا أريد منك أن تذكر لي دائما في الصلوات اليومية بسبب بلدي حتى القادمة جراحة سرطان. الكتابة مرة أخرى في أقرب وقت ممكن فإن أي تأخير في ردكم سوف تعطيني غرفة مصادر شخص آخر لنفس الغرض، على أمل أن قراءة من أنت. بارك الله فيكم ولكم الاستماع لصوت المنطق، السيدة جيسيكا ووكر.

ههه هه

تحياتى

مع التحية لصاحب البوست ..

الانترنت لم يكن منتشر بهذه الصورة

إستملت رسالة بأنني كسبت مبلغ 800 الف دولار ..

ثم بعض المعلومات ..

صدقني لم أنم تلك الليلة إلى الصباح ..

وفي الصباح سألت الهندي فني الكمبيوتر عن الموضوع

وفهمني إنو ده نصب وإحتيال .. ما صدقت الهندي ..

إتصلت في واحد أقربائي في الرياض ..

قال لي الموضوع ده عادي يومي الناس يستلموا رسائل ..

بعدها لم اصدق أي أيميل خارج نطاق العمل والخاص ..

مودتي ..

Quote: السيدة جيسيكا ووكر

دى رد عليها اسرتها معروفه فى اسكتلنده واخوها لزم جونى ووكر يعنى زى ما بقولوا اهلنا(الجلابه) مأصله وبت قبايل هههههههههه

Quote: يعني هدهد دا يكون عنده شنو يا عثمان ؟

يا أخواننا زول مارق للربا والتلاف ما بنصحوه قدر ده، لا سيما إذا وقعت هذه الحادثة بعد وفاة مشهودة مقرونة بعيشة

والله ياهدهد لو شفت هكر نيجيرية بتقرأ الجامعة هنا!!!

حسبي الله ونعم الوكيل، سئيلي الله لم أر عيون بقر في حياتي مثل هذه!

مازال الشك ينتابني على أنهما صناعيتان

هنا الشرطة عاملة ليهم نافذة خاصة لتحذير المواطنين بكود (نايجيرين لترس)

أخونا الهادي أبوبكر

لك الود والتحايا الطيبات

الحمد لله إنك فتحت هذا البوست ولقيت هذه النصائح ولو كنت

رديت على هذه الرسالة (كان الضحك شرطك) فهذا هكر ملعون

يكفيه منك مجرد الرد على رسالته هذه ليسيطر عليك تماماً دون

أن تدري, في مثل هذه الحالات عليك بحذف الرسالة فوراً وحظر

الشخص فوراً .... إياك .. إياك .. والرد.

مع التحيات ....

الهادي

مسكاقنا سكر في

بمجرد قراءتي للبريد علمت أنه من الهكر واللصوص الذين يملؤون عالم الأنترنت ، فتجاهل ثم تجاهل .

إستلم بصورة مستمرة بريد عجيب شيء نصب وشئ عرض مفاتن وشئ مطالبات وهمية ، لا أتوانى

لحظة وقبل أفتح المحتويات بالأستيكة على طول .

سلام ...

زي ما قال الأخوة .. دي رسائل أصبحت معروفة، والخطوة التانية (عشة) دي حتقول ليك في مبالغ بإسم أبوي عايزة منك تساعدني عشان أطلعها من ليبيا وليك فيها نسبة. في النهاية تصل لي إنك ترسل ليها رقم حسابك البنكي ...... وعينك ما تشوف النور.

وصلتني رسائل كتيرة بالمعنى ده. أطرفها من (ربيكا قرنق) زوجة الراحل جون قرنق. لكن الرسلها إجتهد في (الهوم وورك) بتاعو وقرا كويس عن جون قرنق وربيكا قرنق.

أمسح الرسالة وطنش.

تحياتي

والله يا شباب يديكم العافية - على النصايحبفضلكم تحول البوست من طمع عائشة القذافي فينا الى بوست تثقيفي ... يستفاد منه ...بقينا نخاف نكتب [جزاكم الله خير]، نقوم نطلع كيزان كمان .. LOL قالو واحد من اهلنا ديل جاتو فيزا لي السعودية، اها جاء قعد في الجمعية طبعا عاطل، بس يسمع الاذان ، يكون اول واحد في المسجد، واحد قريبه مراقبه ، قاليه ، اعمل حسابك ، بالطريقة دي راح تتعلم الصلاة ...مشكورين كتير ،،،

* حذف كلمة زائدة لتستقيم الجملة ...

Quote: دى رد عليها اسرتها معروفه فى اسكتلنده واخوها لزم جونى ووكر يعنى زى ما بقولوا اهلنا(الجلابه) مأصله وبت قبايل هههههههههه

يا دكتور محمد بابكر سلام ,

الهكر دا شكلو هكر كوز ما شفت محاولات إستغلال العاطفة الدينية فى الخطاب المجوبغ دا! هه

تحياتى