عاطف ساكس

Post: #1
Title: عاطف ساكس
Author: أبوبكر عباس
Date: 03-06-2016, 02:26 PM

مجدي اللورد قال: يوم تسعة وعشرين ستة، سنة تسعة وتمانين، جيت ماري بعربيتي المرسيدس الرياضية الحرجلية اللون بشارع القصر في اتجاه الجنوب، بعد صينية بريش بشوية لمحت ود دفعتي عاطف ساكس قاعد ليهو قدام ست جبنة في الكافتيريا، هديت سرعة العربية وجنب الجنوبيين الببيعوا الكتب ديك بركنتها، طلع واحد منهم وقال لي: دا حقارة شنو يا مان؟
إعتذرت ليهو بالرغم انو الباركينق ما حق الكتب، وبسرعة شديدة زحيت العربية مسافة تحفظ حقوق الثقافة، وبعد نزلت اديتو عشرين جنية عشان يخلي بالو من العربية ووصيتو يشوف لي ولد يمسح العربية ببرّة وبعد أرجع بدفع ليهو

Post: #2
Title: Re: عاطف ساكس
Author: علي دفع الله
Date: 03-06-2016, 02:56 PM
Parent: #1

اي يا اخي تعال امرقنا من بيت البكاء دا ...
ومن هنا اطالب بكري ابو بكر بدمج كل بوستات عزاء الترابي في بوست واحد ..وبوستات الشماتة بموت الترابي في بوست واحد ...
دا شنو دا ...
يلا واصل يا رسول الاستنارة وانا ها هنا قاعدون

Post: #3
Title: Re: عاطف ساكس
Author: Hafiz Bashir
Date: 03-06-2016, 03:56 PM
Parent: #2

يوم تسعة وعشرين ستة سنة تسعة وتمانية ذاتو كان واقع جمعة و الكافتيريا الجنب صينية بريش ما بتفتح يوم الجمعة
و الزمن داك ذاتو ما كان في ست جبنة.. الزمن داك كان في واحد ما متذكر إسمو بيلبس عراقي و سروال و سديري هو الببيع الشاي و الجبنة

Post: #4
Title: Re: عاطف ساكس
Author: محمد البشرى الخضر
Date: 03-06-2016, 06:37 PM
Parent: #3

بقيت صعب يا حافظ علي اليمين كبسور سيد الإسم يقصّر
خلّي الراجل يحشش بالمرسيدس الكوبيه شوية
بالمناسبة يوم تسعة وعشرين كان خميس :)

Post: #5
Title: Re: عاطف ساكس
Author: محمد إبراهيم علي
Date: 03-06-2016, 08:37 PM
Parent: #4

يوم تزعة وعشرين ستة سنة تزعة وتمانين (تزعة تكتب هكذا يا مستنير هههه)
كان في عرس عن ناس الكوباني في الرياض
ولو كان في واتس اب الزمن داك كان شفنا شفنا الشبكة الكانت حديث المدينة
اها العرس ده كان فيهو الصادق المهدي ومبارك الفاضل وجمع كبير من قيادات الحكومة
لحظة العربية بتتغسل الترابي كان بجهز في شنطة (الى السجن حبيسا)
والبشير كان بيجهز في شنطة الى القصر رئيسا
وانا كنت جاي من الجامعة ماشي اتغدى غدا كارب مع بت خالتي في امتداد ناصر
ده كلو كية في عمر دفع الله الداير يطلع من جو البكا ههههههه

Post: #6
Title: Re: عاطف ساكس
Author: Hafiz Bashir
Date: 03-07-2016, 06:40 AM
Parent: #5

Quote: بالمناسبة يوم تسعة وعشرين كان خميس
هههههههه
إذا إنت قاصد يوم تسعة وعشرين ستة سنة تسعة وتمانين كلامك صاح
لكن عمرك سمعت ليك بسنة إسمها سنة تسعة و تمنية؟
أتمسك بأقوالي في إنو ستات الشاي ظهرن بعد الثلاثين من يونيو89.. و إنتشرت الظاهرة بعد مذكرة العشرة التي أدت إلى المفاصلة

Post: #7
Title: Re: عاطف ساكس
Author: أبوبكر عباس
Date: 03-07-2016, 07:47 AM
Parent: #6

يا علي، يا مستنير، عاشت الأسامي .
خالي أمير المؤمنين علي محمد الحسن قال لي: شيخ حسن دا هو الكافر الوحيد بيناتكم الممكن يقدر يفهم في الدين دا.
تذكرت كلامو دا وأنا بقرأ في ورجغتكم حول جواز البول حول قبر الرجل
قلت: هسع منو من الكفار ديل ممكن يفتي فتوى اسلامية حول هذا الامر بعد وفاة الشيخ!
تخيلتو يرد ليهو: البتاع بتاعك، لو أمنت غرامة البلدية، كب أملاحك دي أينما شئت، أملاح بعضها من بعض
داير اكتب اكتر من كدا يا مستنير، لكني بعافية شوية،

Post: #8
Title: Re: عاطف ساكس
Author: muntasir
Date: 03-07-2016, 08:52 AM
Parent: #7

كفارة سلامتك يا بك والبركة فيكم في نانسي ريغان

Post: #9
Title: Re: عاطف ساكس
Author: ABUHUSSEIN
Date: 03-07-2016, 10:24 AM
Parent: #8

Quote: ده كلو كية في عمر دفع الله الداير يطلع من جو البكا ههههههه
عمر دفع الله دا منو ....؟؟؟؟

Post: #10
Title: Re: عاطف ساكس
Author: محمد إبراهيم علي
Date: 03-07-2016, 11:20 AM
Parent: #9

انت يا فقر مافي حاجة بتمر عليك هههههههههههههههههههههه
يمين الله لو ما كلامك ده لاسي قايلو عمر دفع الله هههه

Post: #11
Title: Re: عاطف ساكس
Author: محمد حيدر المشرف
Date: 03-07-2016, 03:02 PM
Parent: #10

Quote: نو ستات الشاي ظهرن بعد الثلاثين من يونيو89.
الكلام ده صاح بالتأكيد ..
ذلك لو استثنينا بعضهن حول استاد التحرير ..
وكن يعملن في الصباح الباكر جدا وينتهي عملهن في حدود السابعة صباحا ..
الله يطراهن بالخير كان عندهم زلابية مبالغ فيها !!

Post: #12
Title: Re: عاطف ساكس
Author: يحي قباني
Date: 03-07-2016, 04:35 PM
Parent: #11

Quote: ذلك لو استثنينا بعضهن حول استاد التحرير ..
و السوق الشعبي ...
و جميع مواقف و محطات الباصات ...
في واحدة في موقف باصات الدويم كوستي في السوق الشعبي ...
و التانية في الحصاحيصا ...
الما أكل عندهن زلابية ما اكل ... خصوصا شاي اللبن عندهن الحب مغلي مع اللبن ...

Post: #13
Title: Re: عاطف ساكس
Author: أبوبكر عباس
Date: 03-07-2016, 06:28 PM
Parent: #12

وأنا ماشي على الكافتريا ثلت لروحي: هسع الوقفني لساسكس دا شنو؟ أيام صحي كان بجمعنا التنظيم والكورل، لكن ما بتذكر اتونست معاهو ونسة خاصة!!
وقفت جنبو وصحت: ساكس يا
وقف علي حيلو وبابتسامتو الصغيرة ديك صافحني كتف يمين لكتف يمين ومع التقاء صغير لاطراف صدورنا المفتولة، وقال: ولا (ولد) يا لورد، يا وجيه، العلوم والأخبار؟

Post: #14
Title: Re: عاطف ساكس
Author: muntasir
Date: 03-07-2016, 06:40 PM
Parent: #13

الملك ما في فاسمح لي يا بك بالنسبة لي ستات الشاي ده عمل أدبي وليس تحقيق صحفي إستمر يا نحرير

Post: #15
Title: Re: عاطف ساكس
Author: يحي قباني
Date: 03-07-2016, 07:02 PM
Parent: #14

Quote: العلوم والأخبار؟
المرحوم كان مغترب في الخليج كمان ؟

Post: #16
Title: Re: عاطف ساكس
Author: علي دفع الله
Date: 03-10-2016, 03:25 PM
Parent: #15

يا رسول الاستنارة تعال فرح ليالينا ...وخصوصا اليوم خميس وما ادراك ما الخميس ...
فبطل دلع شوية انفلونزا ما بتعمل ليك خاجة
يلا في انتظار عودتك ..