Post: #1
Title: في دبيب طشم، مشى عديييييل كدا ...
Author: معاوية المدير
Date: 03-02-2016, 02:04 PM
Parent: #0
01:04 PM March, 02 2016 سودانيز اون لاين
معاوية المدير-بكندا محافظة البرتا
مكتبتى
رابط مختصر غايتو لو في زول عايز يغنى الليامات دي يبيع جنحين،ايوا جنحين الجنحين الواحدآت ديل . يبيعِن للناس عشان يطيرو ...
|
Post: #2
Title: Re: في دبيب طشم، مشى عديييييل كدا ...
Author: معاوية المدير
Date: 03-02-2016, 02:10 PM
Parent: #1
ؤُ كمان في طريقة تانية تخليك تبقى مريّش،وهي بيع النعام، ايوا تبيع نعام جمع النعامة الوآحدة دي عشان الناس يركبو نعام، ؤُ تاني زول يمشي كداري مافي . <
|
Post: #3
Title: Re: في دبيب طشم، مشى عديييييل كدا ...
Author: عباس الدسيس
Date: 03-02-2016, 02:14 PM
Parent: #2
| Quote: ؤُ كمان في طريقة تانية تخليك تبقى مريّش، وهي بيع النعام، |
نخلي ابو القنفذ ونربي نعام اخبارك يا ودالمدير
|
Post: #4
Title: Re: في دبيب طشم، مشى عديييييل كدا ...
Author: معاوية المدير
Date: 03-02-2016, 02:15 PM
Parent: #2
أحسن حاجة الناس يطيرو، وفي حالة إنعدام الأجنحة ممكن يلجاءوا للنعام . غايتو انا عندي كوتة بتاعة اجنحة لو في زول عايز يغنى . < ايّ زول عايز يطيّر ؤُ يطيّر الناس يتصل بنا ...
|
Post: #5
Title: Re: في دبيب طشم، مشى عديييييل كدا ...
Author: معاوية المدير
Date: 03-02-2016, 02:17 PM
Parent: #4
| Quote: تدرس الخرطوم، إطلاق مشروع “رخصة المشاة”،وتسعى بها إلى تعليم المواطنيين قواعد المرور، وذلك من أجل التقليل من حوادث المرور التي تحصد الألاف في شوارع السودان. وسبق أن أعلنت الإدارة العامة للمرور بالسودان أن حوادث الوفاة في العام 2015م ، كانت 1662 وأوضح مدير عام المرور اللواء عمر مختار حاج النور أن جملة الحوادث التي وقعت في العام 2015م، بلغت 12648 . التجربة سيتم تطبيقها في المرحلة الأولى بالتنسيق مع وزارة التربية والتعليم وعدد من الجامعات السودانية في العاصمة السودانية الخرطوم وبعد ذلك يتم تعميمها على ولايات السودان المختلفة، وبحسب مصدر رفيع قال لمحرر النيلين “تقوم فكرة المشروع على خضوع الطلاب لدورات تدريبية حول قواعد المرور والقيادة وإرشادات السلامة المرورية، تمنح بموجبها رخصة هي “رخصة المشاة” ومن ثم تطبيق المشروع لاحقاً على كافة المواطنيين” . وبحسب فكرة المشروع سيكون إلزامياً على أي مواطن أن يحصل على رخصة المشاة حتى يتسنى له المشي في الشوارع العامة وهي رخصة شبيهة برخصة القيادة التي تتيح قيادة السيارات. وحذر صحفي فضل حجب إسمه بحسب ما نقل عنه محرر موقع النيلين أن تكون “رخصة المشاة” وسيلة جديدة لمزيد من زيادة الرهق على المواطنيين وهدفها قد يكون مصدر جباية جديدة للحكومة. |
http://www.zoolnews.com/2016/02/blog-post_29.htmlhttp://www.zoolnews.com/2016/02/blog-post_29.html
|
Post: #6
Title: Re: في دبيب طشم، مشى عديييييل كدا ...
Author: معاوية المدير
Date: 03-02-2016, 02:20 PM
Parent: #5
< عمّك داير يشرط العدو بالضحك، وشر البلية ما يضحك . ها ها ها، أو كما ضحك جادات الله يطراهو بالخير ...
|
Post: #7
Title: Re: في دبيب طشم، مشى عديييييل كدا ...
Author: معاوية المدير
Date: 03-02-2016, 02:23 PM
Parent: #6
http:// http://
|
Post: #8
Title: Re: في دبيب طشم، مشى عديييييل كدا ...
Author: معاوية المدير
Date: 03-02-2016, 02:24 PM
Parent: #6
http:// http://
|
Post: #9
Title: Re: في دبيب طشم، مشى عديييييل كدا ...
Author: معاوية المدير
Date: 03-02-2016, 02:25 PM
Parent: #8
والله بعد دا إلآ تطيروا ...
|
Post: #10
Title: Re: في دبيب طشم، مشى عديييييل كدا ...
Author: Khalid Saeed
Date: 03-02-2016, 02:28 PM
Parent: #9
ههههههههههههههههههههههههههههههههههههههههههههههههههههههههههههههههههههههههههههههههههههجناح جبريل يعليك ما يدليك .. ههههههههههههههههههههههههههههههههههههه
|
Post: #11
Title: Re: في دبيب طشم، مشى عديييييل كدا ...
Author: معاوية المدير
Date: 03-02-2016, 02:29 PM
Parent: #9
| Quote: نخلي ابو القنفذ ونربي نعام اخبارك يا ودالمدير |
الدسيس يا حبيب، سلآمات واشواق ياخ . يا زول إنت من زمن ابو القنفد ؟، أقع الأجنحة عشان يكون عندك رأي في أُسامة داوود زاتو ...
|
Post: #12
Title: Re: في دبيب طشم، مشى عديييييل كدا ...
Author: جلالدونا
Date: 03-02-2016, 02:32 PM
Parent: #9
غايتو دبيبك ده كان سطل ما ممكن يمشى عديل
لكن ممكن يمشى بالجمبة
شوف ده و عاين سماحة القدلة دى
و قال ليك كمان بقوم جارى
|
Post: #13
Title: Re: في دبيب طشم، مشى عديييييل كدا ...
Author: معاوية المدير
Date: 03-02-2016, 02:47 PM
Parent: #12
| Quote: هههههههههههههههههههههههههههههههههههههههههههههههههههههههههههههههههههههههه جناح جبريل يعليك ما يدليك .. ههههههههههههههههههههههههههههههههههههه |
آمين، وإنت كمان يا خالد . عاينو لي جاي انا عندي ليكم فكرة، تاني الرجال يسمنو يبقو سمااان ؤُ يربو عضلآت والنسوان يضعفن يبقن ضُعااااف، يعني الوآحدة تبقى زي حديدة النِبلة، عشان يعملو رخصة وآحدة والراجل يشيل المرا في كتفو ؤُ يبقى فاتح . تحذير، أعمل حسابك المرا كرعينا كان هبشن الوآطة بيركبوك إيصال . الفكرة دي والله اديتكم ليها عملاً لي الله ...
|
Post: #14
Title: Re: في دبيب طشم، مشى عديييييل كدا ...
Author: عباس الدسيس
Date: 03-02-2016, 02:48 PM
Parent: #12
| Quote: الدسيس يا حبيب، سلآمات واشواق ياخ . يا زول إنت من زمن ابو القنفد ؟، أقع الأجنحة عشان يكون عندك رأي في أُسامة داوود زاتو ... |
الاجنحه من قالو بطعنو فيها الحقن عشان السمنه كرهتها بقيت احب الورك والصدور كيف كدا قربت اصل البشير
|
Post: #15
Title: Re: في دبيب طشم، مشى عديييييل كدا ...
Author: عبدالحفيظ ابوسن
Date: 03-02-2016, 03:23 PM
Parent: #14
ما طالبني حليفة الخبر دة لافي ليهو كم يوم وداير اكتب بوست لكن شعرت انو عبث وصفاقة لا تحتاج ان نهدر فيها طاقة جهدنا .. واستهانة وعنجهية وتسلط وديكتاتورية فاقت ضريبة الدقنية وسذاجة فاقت حد التصور في الاستغلال واكل اموال الناس عنوة وافتراء فاقوا سوء الظن وفاقوا كل سوءات تاريخ الاستعباد والاقطاع مالك يا ود المدير داير تخلينا نمرق من طورنا ونكبس للبنا و ل البناول الطوب حريقة تحرقهم وتعدمهم طفاي النار اللهم اكثر همهم وغمهم وابتليهم بمرض لا شفاء له ولا موت يريح منه ولا قدرة علي تحمله .. اذونا ياخ وطلعو ابو خاشنا
|
Post: #16
Title: Re: في دبيب طشم، مشى عديييييل كدا ...
Author: حامد بدري
Date: 03-02-2016, 03:57 PM
Parent: #15
مسا الخير ياحبيبنا الذي بكندا طيب لو دقشوم قطر البحلهم شنو يلحقو مجيييدو موش قبيل جيت البوست داير اقول اخير انا من مجيييييدو جاتني تلوليحاية مرجحانية خفيفة لقيت البوست أل لحس
|
Post: #17
Title: Re: في دبيب طشم، مشى عديييييل كدا ...
Author: محمد حيدر المشرف
Date: 03-02-2016, 06:26 PM
Parent: #16
غاية ما نتمناه ان يكون تجديد رخصة المشي كل 5 سنوات تماشيا مع الجواز الجديد .. بالله زمان بالجواز القديم كل ما تجي تسافر تلقى باقي ليك اقل من 6 شهور ولازم تجدد الجواز ... اها رخصة المشي لو عملوها سنوية ... الله قال بي قولنا !! ... تعرف يا صاحبي تلحق تنتهي صلاحية رخصتك وانت في الكلاكلة .. الا تستقر هناك :)
|
Post: #18
Title: Re: في دبيب طشم، مشى عديييييل كدا ...
Author: حيدر حسن ميرغني
Date: 03-02-2016, 07:00 PM
Parent: #17
يعني الواحد يضهَب عديل في الشارع كأنو كارو مُرخَص (تو ويل درايف)عرفنا بكان الخترات المرايات يختَهن وين ؟
|
Post: #19
Title: Re: في دبيب طشم، مشى عديييييل كدا ...
Author: عبدالرحمن الخليفة
Date: 03-02-2016, 07:31 PM
Parent: #18
سلام يا مدير... والله يادكتور مشرف محل ما تستقر تربيزة ناس المرور تلحقك مخالفه سرعه فقط ميزانيتهم تتجاوز السكه حديد فى السبعينيات..
|
Post: #20
Title: Re: في دبيب طشم، مشى عديييييل كدا ...
Author: عثمان عووضة
Date: 03-02-2016, 07:57 PM
Parent: #19
ود المدير دا مجرم ما تسمعو كلامه تمشو تطيريمين ناس الطيران المدني ما يخلوا ليكم تعريفة انا قبل كدا طرت خلو ريحتي طير طير
|
Post: #21
Title: Re: في دبيب طشم، مشى عديييييل كدا ...
Author: محمد حيدر المشرف
Date: 03-02-2016, 09:49 PM
Parent: #1
| Quote: والله يادكتور مشرف محل ما تستقر تربيزة ناس المرور تلحقك مخالفه سرعه فقط ميزانيتهم تتجاوز السكه حديد فى السبعينيات.. |
تعرف يا عبدالرحمن يا صاحبي .. هذه الحيكومة "قدس الله سرها" لعنة او غضب الهي .. كما ونحنا ذاتنا بنستاهل النمشي ليهم في الاسواق ونحدث الناس .. مفروض نحرد الاكل خلى المشي !!
|
Post: #22
Title: Re: في دبيب طشم، مشى عديييييل كدا ...
Author: جلالدونا
Date: 03-02-2016, 10:00 PM
Parent: #21
نفسى بالجد اعرف الفكرة شنويعنى تانى الواحد يوقّف نفسو قدّام البيت و ينزل يخش جوّة يعنى اخش البيت بلا نفس !! دى تبقى كارثة دى حيجينى ازدواج شخصية وللا مو هيك ؟
|
Post: #23
Title: Re: في دبيب طشم، مشى عديييييل كدا ...
Author: عبدالعزيز الفاضلابى
Date: 03-03-2016, 00:27 AM
Parent: #22
الدبيب الـ فى فيديو جلالدونا ده بس زى مخسوس اتبرا الخرطوم نامن يتلوَّى فى جبال ام على
|
Post: #24
Title: Re: في دبيب طشم، مشى عديييييل كدا ...
Author: معاوية المدير
Date: 03-03-2016, 08:54 AM
Parent: #23
| Quote: بقيت احب الورك والصدور |
يبقى تعمل رخصة، وانصحك بمجرّد ما الرخص دي تكون متوفرة وفي متناول يد الجهة المسئولة تجري جري ترخص، لو إتخرت يومين ياها الرسوم زادت ؤُ تبقى عليك حكاية الزول الطلق دعاية قال الحيكومة فرضت علي كل مواطن 100 جلدة، قال عشان الشعب يثور علي الحيكومة . أها، يا زول لقولك وآحد جاري جري علي مركز البوليس !، قالولو، يا زول جاري مالك ؟. قال، الحكومة فرضت علي كل مواطن 100 جلدة، ؤُ جاري إنجلِد قبال يزيدوهِن ...
|
Post: #25
Title: Re: في دبيب طشم، مشى عديييييل كدا ...
Author: معاوية المدير
Date: 03-03-2016, 09:00 AM
| Quote: وبحسب فكرة المشروع سيكون إلزامياً على أي مواطن أن يحصل على رخصة المشاة حتى يتسنى له المشي في الشوارع العامة وهي رخصة شبيهة برخصة القيادة التي تتيح قيادة السيارات. |
زيييييييييييييك والعربية مافي فرق، بعد دا تفرز الناس بالماركة والموديل . قال خ11 قال !، أها أُسطورة ابو الدرداق بقت جد جد ...
|
Post: #26
Title: Re: في دبيب طشم، مشى عديييييل كدا ...
Author: Saifelyazal Elmaki
Date: 03-03-2016, 09:02 AM
ود المدير سلامات ياااااااااخ انت وضيوفكالمشكلة ما في رخصة المشي المشكلة في الحنة اي مراة محننة بتبقي ليها مشكلة لان ح يسالوها من رسوم التظليل وكده
|
Post: #27
Title: Re: في دبيب طشم، مشى عديييييل كدا ...
Author: اباذر عبد العال
Date: 03-03-2016, 09:29 AM
Parent: #26
لو فيها رسوم مشي الطلعه حا تكون بالليل وقت المرور نايم خ 11 حا تتقنن يعنى....ولازم تكون لابس مركوب جلد نمر
|
Post: #28
Title: Re: في دبيب طشم، مشى عديييييل كدا ...
Author: معاوية المدير
Date: 03-03-2016, 10:00 AM
Parent: #27
| Quote: مالك يا ود المدير داير تخلينا نمرق من طورنا ونكبس للبنا و ل البناول الطوب حريقة تحرقهم وتعدمهم طفاي النار اللهم اكثر همهم وغمهم وابتليهم بمرض لا شفاء له ولا موت يريح منه ولا قدرة علي تحمله .. اذونا ياخ وطلعو ابو خاشنا |
غايتو يا عبد الحفيض أهلنا قالوا، المكجِنك في الضُلُوّمة يحدرلك . هسّع اكان سعلتك، إنت غافل من الجانب الجميل في القرار دا مآلك ؟، ياخي الناس ديل غردهم حفظ أرواح المواطنين ؤُ جابولك عدد الناس الماتو في السنين الفاتت بسبب عدم الترخيص وإنت برضو زعلآن ؟. كمان بقيتو تزعلو في عمل الخير !، أُمآل لو جابولك عدد الناس الكتلوهم عمداً وعدد الكتلتُن الحرب وعدد الكتلُن الجوع وعدد الكتلُن المرض، وعدد الماتو مغسة ساااكت، تعمل شنو ؟، الحيكومة دي تتقطع واللآ الفهم شنو عاد ؟...
|
Post: #29
Title: Re: في دبيب طشم، مشى عديييييل كدا ...
Author: معاوية المدير
Date: 03-03-2016, 10:08 AM
Parent: #28
| Quote: مسا الخير ياحبيبنا الذي بكندا طيب لو دقشوم قطر البحلهم شنو يلحقو مجيييدو موش قبيل جيت البوست داير اقول اخير انا من مجيييييدو جاتني تلوليحاية مرجحانية خفيفة لقيت البوست أل لحس |
مساء النور يا حبيب . مجيدو دا بالزآت حا يطلعو ليهو رخصة يمشي علي العجين ما يلخبطو، اخير مِنّو وين ؟...
|
Post: #30
Title: Re: في دبيب طشم، مشى عديييييل كدا ...
Author: معاوية المدير
Date: 03-03-2016, 10:19 AM
Parent: #29
| Quote: غاية ما نتمناه ان يكون تجديد رخصة المشي كل 5 سنوات تماشيا مع الجواز الجديد .. بالله زمان بالجواز القديم كل ما تجي تسافر تلقى باقي ليك اقل من 6 شهور ولازم تجدد الجواز ... اها رخصة المشي لو عملوها سنوية ... الله قال بي قولنا !! ... تعرف يا صاحبي تلحق تنتهي صلاحية رخصتك وانت في الكلاكلة .. الا تستقر هناك :) |
هههههههههههههههههه، آل الكلآكلة آلـ . التجديد بالقوة ؤُ في الخرطوم جوة، لو إنتهت صلآحية الرخصة في الكلآكلة إلا تشتري جنحين . يا صديقي لو عملوها كل 5 سنة ما بتخارج في ضيق شديد حاصل، فما تعول علي 5 سنوات شديد، وبما إنك مغترب لآمن تمشي للتجديد حايكون عليك دمغة مُشاه وضريبة شوارع . بعدينك خُت في بالك، لو عايز تلبس مركوب جِلِد نِمِر ؤُ تِضرّع دي عندها رخصة خاسة ...
|
Post: #31
Title: Re: في دبيب طشم، مشى عديييييل كدا ...j
Author: هاشم احمد ادم
Date: 03-03-2016, 10:23 AM
Parent: #29
الإبداع ليس حكر على الانسان
|
Post: #32
Title: Re: في دبيب طشم، مشى عديييييل كدا ...j
Author: معاوية المدير
Date: 03-04-2016, 09:32 AM
Parent: #31
| Quote: يعني الواحد يضهَب عديل في الشارع كأنو كارو مُرخَص (تو ويل درايف) عرفنا بكان الخترات المرايات يختَهن وين ؟ |
في الأكتافين يا حنين، بعدين عاوز ليك عاكس مع الخترات تفادياً للحوادث ؤُ كِدا . بعدين رُ خصتك حسب مشيتك، يعني البيكشُت زيّك دا حُمتو حا تكون خفيفة . بختك يا عم، احياناً الكعوجة بتنفع ...
|
Post: #33
Title: Re: في دبيب طشم، مشى عديييييل كدا ...j
Author: عثمان عووضة
Date: 03-04-2016, 11:23 AM
Parent: #32
انا غايتو عندي رطوبة وشلل اطفالو قاعورد ما قاعد امشي المشكلة حق رخصة ام تيسير يجيبوها من وين جنها مشي لانو قالوا حيركبوا للزول عداد زي. بتاع الجمرة الخبيسة والله صحي
|
Post: #34
Title: Re: في دبيب طشم، مشى عديييييل كدا ...j
Author: Khalid Basheer
Date: 03-04-2016, 12:15 PM
Parent: #33
| Quote: أعمل حسابك المرا كرعينا كان هبشن الوآطة بيركبوك إيصال . |
هههههه...الزول دا وين ياخ..ما عندو تسجيلات جديدة. ............................................................. واحد معلم شدايد و يوم القشة كانت آمين ومزاجو الف....و هو ماشي لقا ليهو عروس ماشة و قاشرة بس لاحظ صباع قدمها الكبير ملفوف بي شاش ابيض. قال ليها بحزن شديد : سلامات ياخي...ضربتك المروحة و لا شنو ؟
|
Post: #35
Title: Re: في دبيب طشم، مشى عديييييل كدا ...j
Author: Kabar
Date: 03-04-2016, 12:26 PM
Parent: #33
اتخيل لي ..فكرة الجنحين فكرة خيالية وغير عملية..انا غايتو مفكر اعمل شركة تأمين.. وعتمان عووضة (بتاع عندي رطوبة) ح ادفعو دبل..لأنو حادث ماشي على كرعين..!!! يعني يا معاوية انتا داير شركات التأمين في امسودان تفلس ولا شنو يعني؟... حقد طبقي شديد ياااااااااااااااااااااخ..! كبر
|
Post: #36
Title: Re: في دبيب طشم، مشى عديييييل كدا ...j
Author: معاوية المدير
Date: 03-05-2016, 09:18 AM
Parent: #35
| Quote: سلام يا مدير... والله يادكتور مشرف محل ما تستقر تربيزة ناس المرور تلحقك مخالفه سرعه فقط ميزانيتهم تتجاوز السكه حديد فى السبعينيات..[/QUOT سلآمات يا عبد الرحمن . اصلاً الغرد كان إضافة عبء علي المواطن، لكن المرّة دي عملوها بايخة عشان كدا تراجعو وقاموا بنفي القرار ...
|
Post: #37
Title: Re: في دبيب طشم، مشى عديييييل كدا ...j
Author: معاوية المدير
Date: 03-05-2016, 09:24 AM
Parent: #36
| Quote: ود المدير دا مجرم ما تسمعو كلامه تمشو تطير يمين ناس الطيران المدني ما يخلوا ليكم تعريفة انا قبل كدا طرت خلو ريحتي طير طير |
أها عآد الناس يقبلو وين ؟، والله بعد دا إلا يدخلو في كفتيرة ؤُ يبقو بخار ؤ يتبخروا في الهواء ...
|
Post: #38
Title: Re: في دبيب طشم، مشى عديييييل كدا ...j
Author: معاوية المدير
Date: 03-05-2016, 10:23 AM
Parent: #37
| Quote: نفسى بالجد اعرف الفكرة شنو يعنى تانى الواحد يوقّف نفسو قدّام البيت و ينزل يخش جوّة يعنى اخش البيت بلا نفس !! دى تبقى كارثة دى حيجينى ازدواج شخصية وللا مو هيك ؟ |
أمشي أدفع ؤ طلّع الرخصة، بلآ فلسفة معاك ...
|
Post: #39
Title: Re: في دبيب طشم، مشى عديييييل كدا ...j
Author: معاوية المدير
Date: 03-05-2016, 12:19 PM
Parent: #38
| Quote: الدبيب الـ فى فيديو جلالدونا ده بس زى مخسوس اتبرا الخرطوم نامن يتلوَّى فى جبال ام على |
يا قريبي خليّك مع الزمن . أقعُد إتلولو لآمن يركبوك إيصال ...
|
|
|