و من كانت نفسه بغير جمال لا يرى في الوجود شيئا جميلا..!!
كبر
Post: #2 Title: Re: للكبار فقط : (في حماك ربنا) ..واشياء اخرى..! Author: اباذر عبد العال Date: 02-29-2016, 09:54 AM Parent: #1
و في سيبل ديننا
سلامات وتحية كِبر
Post: #3 Title: Re: للكبار فقط : (في حماك ربنا) ..واشياء اخرى..! Author: Abdalla Gaafar Date: 02-29-2016, 10:56 AM Parent: #2
كبر يا جميل
تحيات كميات وتقدير وراجنك
عبد الله جعفر
Post: #4 Title: Re: للكبار فقط : (في حماك ربنا) ..واشياء اخرى..! Author: محمد المسلمي Date: 03-01-2016, 06:00 AM Parent: #3
ول ابا كبر وضيوفه سلام
-----
منتظرين
Post: #5 Title: Re: للكبار فقط : (في حماك ربنا) ..واشياء اخرى..! Author: Kabar Date: 03-02-2016, 07:46 AM Parent: #4
Quote:
و في سيبل ديننا
اباذر..حبابك يا صديق
ديك بتاعة الكيزان..
اما بتاعة المناتلين.. الدين فيها بالنية والطيبة ساكت..
حصل سمعتها..؟
كبر
Post: #6 Title: Re: للكبار فقط : (في حماك ربنا) ..واشياء اخرى..! Author: Kabar Date: 03-02-2016, 07:50 AM Parent: #5
استاذي وصديقي عبد الله جعفر..حبابك
كتر خيرك على المرور يا صاحب..
ولينا طولة..
اها نديك شوية من ناس ( أشياء اخرى)... يا ريت تعجبك..
وهي احتفائية بالفنانة السودانية الشابة بت ابا الساره..
دخلة العود يا عبد الله في شغل الساره هنا.. قاموا لطوشوها ناس اسرائيل واعادوا انتاجه في غنية اسمها (القمر بيضوي وشن بلاني بالنجوم)..وجماهير امسودان تشيل وتطرب..!!
شفتا دونية ناس امسودان كيف؟..
اشمعنا يعني الإحتفال بناس اسرائيل والساره لأ..؟..
تحياتي..
كبر
Post: #7 Title: Re: للكبار فقط : (في حماك ربنا) ..واشياء اخرى..! Author: Kabar Date: 03-02-2016, 08:13 AM
ول ابا محمد المسلمي..حبابك يا صديق
تعال النسعلك: وين الجماهير اياها؟..
ياخي ضحكت جنس ضحك ، لمن صديقنا جنابو قال لأبي روضة (ما تنسانا من صالح الدعوات)..!
صالح الدعوات سمحة تب ومافي زول بياباها.. لكن من ابي روضة.. ياخي دي دايرة ليها دفرة وبخرة عدييييييييييييييييل..!!
بس صنة الجماعة حيرتنا.. ده حالتو قلنا نتفرغ ليهم في شهر مارس..وعييييييييييييييييك..العالم كلها اتضايرت..حتى اصحابنا الكنا دايرين نهدي ليهم غنية اليمني (عينيك يا اعز الناس)..!!
المهم..
الفكرة لسع في طور التنقيح..وكنت ناوي افتح بوست اسميهو (نجيمات).. نتعرض فيهو لشابات سودانيات بيغنن في خارج امسودان..و قطعن شوط طويل وكبير..
غايتو نعدك من ناس (واشياء اخرى) ونهديك بت ابا الفنانة الشابة اميرة خير..وهي من اهالي امسودان ، لكن يتخيل لي عايشة في ايطاليا..
عندها اداء لغنية الليجند عبد القادر سالم (كلم قمارينا) لكن لسع ما لامي فيها كاملة..
هنا اهديك عملها (مشينا)..و قدمته في هيئة الإذاعة البريطانية ( الكانوا شغالين فيها ابونا الطيب صالح وابونا ايوب صديق)..
الفكرة يا حبيب الغنا السوداني لمن يمرق في فيافي العالمية..نجاض شديد..!!
كتر خيرك..
كبر
Post: #8 Title: Re: للكبار فقط : (في حماك ربنا) ..واشياء اخرى..! Author: Kabar Date: 03-02-2016, 09:12 AM Parent: #7
هنا الفيرشن التاني من مورال (في حماك ربنا)..
ويجري هكذا:
في حماك ربنا ،
في سبيل ديننا ،
نرتكب كل الجرائم ،
دون خجل ولا استحاء..
دزن خجل ولا استحاء..
دم الناس على (يداك) ،
من نيالا لكجبار ،
من جوبا لبورتسودان..
الخ ..
الأداء الفنانة الشابة الساره..
طبعا المناتلين حاجات زي ما جايبين ليها خبر..!!!!
المهم..
التحية للفنانة الشابة الساره ، ويبدو انو العمل ده بطلت تشتغلوا.. اللهم الإ كن حفلة فيها مناتلين بتاعين كورايك عالية شديدة..!!
ويتبع بعض من الأشغال من طائفة (واشياء اخرى)..
كبر
Post: #9 Title: Re: للكبار فقط : (في حماك ربنا) ..واشياء اخرى..! Author: Kabar Date: 03-02-2016, 09:33 AM Parent: #8
من الأشياء الأخرى..هدية لصديقنا (حزنك يا وطني حزني) من الفيس بووك..
الساره...(مين غيرك كان بيلم الناس)..
ويا حليل ناس كبر..!!
مجموعة نايل بروجكت.. جلبنا بعض من اعمالها هنا من قبل..و ترجمنا الإسم الى (مشروع النيل).. واهو الليلة عادة بتكتب ليك في اليوتوب (مشروع النيل)..!!
هل نحزن؟
بالطبع لأ..!!
وننتظر بيوت الأشباح بكل اطيافها والوانها.. لو بتقدر تقول بغم..عشان الناس تستهدي بيها (غرور شديد ، وليه ما نغتر؟!!)..
خلوا بالكم من صاحبنا البورندي البيجي خاشي في مكان ما..!!
كبر
Post: #10 Title: Re: للكبار فقط : (في حماك ربنا) ..واشياء اخرى..! Author: Kabar Date: 03-02-2016, 09:40 AM Parent: #9
قبل الخروج..
ومن طائفة الأشياء الأخرى.. شغل لبت ابا الفنانة الشابة اميرة خير..(كلم قمارينا)..
وح نعمل خيط قادم ..خاص باغنيات اميرة وتجربتها..والغنية دي بالتحديد ح تكون فيها نقة كتيرة..