حمـــــــــد الريح ... إبداع معتّــــــق

Post: #1
Title: حمـــــــــد الريح ... إبداع معتّــــــق
Author: يحي قباني
Date: 02-28-2016, 06:41 AM
Parent: #0

05:41 AM February, 28 2016 سودانيز اون لاين
يحي قباني-فى الدنيا العجيبة
مكتبتى
رابط مختصرالتحية له أينما كان ...أسأل الله ان يمده بالصحة و العافية و يديم علينا نعمة ما قدمه لنا من إبداع ...رأيت و قرأت كثيراً آراء حول ذلك الهرم الفني الكبير ...و رأيت ... و للتاريخ ان اقدم بعض اعمال الأستاذ حمد الريح ...و حتى لا يفوت على الجيل الجديد ان هناك أصل ... و هناك صورة ...عاش الجيل الجديد ( معظمه ) يسمع المقلدين ... حتى ظن بعضهم ان الأغاني هي خاصتهم ...حمد الريح غنى لنا أغاني يصعب تقليدها و يصعب نسيانها ...غنى حمد للشاعر البديع عثمان خالد اجمل الالحانو غنى لصلاح احمد إبراهيم ماريا و و للدوش الساقية ( شكراً للتنبيه من الفيس بوك ) و غنى انت كلك زينة لبُر محمد عليو ارض الجزاير لسليمان عبد الجليلو سلم بي عيونك لسوركتي ...و غيرها و غيرها ...حتى حينما اختار غناء الآخرين ... أبدع ...ابدأ ب إلى مسافرة او حليلو كان ناوي السفر للشاعر عثمان خالد رحمه الله ...

Post: #2
Title: Re: حمـــــــــد الريح ... إبداع معتّــــــق
Author: محمد أبوالعزائم أبوالريش
Date: 02-28-2016, 06:47 AM

Quote: ابدأ ب إلى مسافرة او حليلو كان ناوي السفر للشاعر عثمان خالد رحمه الله ...

بداية من بيت الكلاوي يا صاحب

واصل

Post: #4
Title: Re: حمـــــــــد الريح ... إبداع معتّــــــق
Author: يحي قباني
Date: 02-28-2016, 06:49 AM
Parent: #2

Quote: بداية من بيت الكلاوي يا صاحب

واصل

جاييك يا صديقي ...

Post: #3
Title: Re: حمـــــــــد الريح ... إبداع معتّــــــق
Author: يحي قباني
Date: 02-28-2016, 06:48 AM

ثم نموذج لما تغنى به للآخرين ... ثم نعود بعدها لأغانيه ...

يجلي النظر لسيد عبد العزيز و الحاج سرور

Post: #5
Title: Re: حمـــــــــد الريح ... إبداع معتّــــــق
Author: يحي قباني
Date: 02-28-2016, 06:51 AM
Parent: #3

صلاح أحمد إبراهيم ...
و كفى ...

أولاً ... يا ماريّــا

Post: #6
Title: Re: حمـــــــــد الريح ... إبداع معتّــــــق
Author: يحي قباني
Date: 02-28-2016, 06:57 AM
Parent: #5

ثم ... أرض الجزاير ... او الرحيل ... لصاحب ( الوصية ) الشاعر سليمان عبد الجليل

Post: #7
Title: Re: حمـــــــــد الريح ... إبداع معتّــــــق
Author: يحي قباني
Date: 02-28-2016, 07:02 AM
Parent: #6

نرجع لأغاني الغير ... في ثنائية فريدة و أداء اشبه بأناشيد الصوفية مع د. هاشم حبيب الله ( اعتقد )

حبي بيك ليلتنا ليلية لسيد عبد العزيز و زنقار ...

Post: #8
Title: Re: حمـــــــــد الريح ... إبداع معتّــــــق
Author: يحي قباني
Date: 02-28-2016, 07:05 AM
Parent: #7

سلّم بي عيونك ... محمد أحمد سوركتي و الحان ناجي القدسي ...

Post: #9
Title: Re: حمـــــــــد الريح ... إبداع معتّــــــق
Author: يحي قباني
Date: 02-28-2016, 07:09 AM
Parent: #8

إنتي كلك زينة - حمد الريح و بُر محمد نور

انت ورده ونرجس وما بطيق المجلس وما بعيش لولاك
شوفتك تسلم بطرس وأيضا حنا وجرجس وكل ذى إشراك

هذا اللحن البسيط ... كان الملاذ لكل من يحاول العزف ... كعازة في هواك ... كل مبتدئ بدأ بعزفهم ...

Post: #10
Title: Re: حمـــــــــد الريح ... إبداع معتّــــــق
Author: محمد أبوالعزائم أبوالريش
Date: 02-28-2016, 07:50 AM
Parent: #9

Quote: هذا اللحن البسيط ... كان الملاذ لكل من يحاول العزف ... كعازة في هواك ... كل مبتدئ بدأ بعزفهم ...

كأني شايفك عزفتها بالصفّارة

Post: #11
Title: Re: حمـــــــــد الريح ... إبداع معتّــــــق
Author: يحي قباني
Date: 02-28-2016, 08:13 AM
Parent: #10

Quote: Quote: هذا اللحن البسيط ... كان الملاذ لكل من يحاول العزف ... كعازة في هواك ... كل مبتدئ بدأ بعزفهم ...

كأني شايفك عزفتها بالصفّارة

SmileSmile

بتصدق و تآمن يا حبيب ...

لي يومنا هذا بعزفها بالصفارة !!! ههه

Post: #12
Title: Re: حمـــــــــد الريح ... إبداع معتّــــــق
Author: ياسر السر
Date: 02-28-2016, 08:48 AM
Parent: #11

الشفيف الحريف قباني دائما تبحر بنا في عوالم من الابداع والطرب الجميل الله يديك العافية يا صديق ..
فالاستاذ حمد الريح فنان مطبوع بالابداع ورجل رقيق وعطوف جدا وراقي في تعامله وصارم في قراراته ووجهات نظره ، فالتحية للاستاذ حمد الريح على ما قدمه لنا من فن راقي جمل وجداننا واطرب قلوبنا ونسال الله ان يمد في ايامه ويمتعه بالصحة والعافية ليمتعنا بفنه الراقي ..
واصل يا حبيب ومن غير فواصل اذا امكن ...

تحياتي : ياسر العيلفون ...

Post: #16
Title: Re: حمـــــــــد الريح ... إبداع معتّــــــق
Author: يحي قباني
Date: 02-28-2016, 06:51 PM
Parent: #12

Quote: الشفيف الحريف قباني دائما تبحر بنا في عوالم من الابداع والطرب الجميل الله يديك العافية يا صديق ..
فالاستاذ حمد الريح فنان مطبوع بالابداع ورجل رقيق وعطوف جدا وراقي في تعامله وصارم في قراراته ووجهات نظره ، فالتحية للاستاذ حمد الريح على ما قدمه لنا من فن راقي جمل وجداننا واطرب قلوبنا ونسال الله ان يمد في ايامه ويمتعه بالصحة والعافية ليمتعنا بفنه الراقي ..
واصل يا حبيب ومن غير فواصل اذا امكن ...

تحياتي : ياسر العيلفون ...

ياسر يا فنان ...

تعرف ...

آخر فصل في المسرحية الهزلية الاسمها الإنقاذ ... انهم داير يكسروا كبارنا و يمحوا تاريخهم ...

و لكن طالما الناس الزيكم شعورها حية ... مافي عوجة بتجيهم ...

الغور غيرهم حيغورهم ان شاء الله ...

و يبقى الجمال ...

Post: #13
Title: Re: حمـــــــــد الريح ... إبداع معتّــــــق
Author: محمد مجيدو
Date: 02-28-2016, 11:13 AM

يا هندسة ... سلام والله يديك العافيه ...

اغنية الساقيه .. تجعلني اسبح واتيه خلف السراب ...

Post: #14
Title: Re: حمـــــــــد الريح ... إبداع معتّــــــق
Author: Basamat Alsheikh
Date: 02-28-2016, 11:37 AM
Parent: #13

حمد الريح صوته ينسينا كل متاعب الدنيا وبيخلينا
نعيش جو السودان الحقيقي..فنان قامة بحق وحقيقة
استمع له دوما ودائما...واستمع كثيرا لاغنيته لنزار قباني
..ان يسالوك عني...فقولي لهم بكل كبرياء....
..انه فناني المفضل..
وشكرا يحى قباني ...وياريت تنزل لينا هذه الاغنية
ودمت بالف خير وصحة وعافية

Post: #15
Title: Re: حمـــــــــد الريح ... إبداع معتّــــــق
Author: Munir
Date: 02-28-2016, 11:45 AM
Parent: #14

ياسلام يا يحى اخوى ..

أطلب أغنية بغنيلك واناديلك بقدر خيوط مناديلك .. تسجيل نضيف لو أمكن .. وأهديها للجميع :)

Post: #17
Title: Re: حمـــــــــد الريح ... إبداع معتّــــــق
Author: ombadda
Date: 02-28-2016, 07:30 PM
Parent: #15

يا قلـبى يا مكتول كمد اعصـر دموع
هات غنوه لى سيد البلد
يا حليله .. قال سايب البلد
يا حليله .. كيفن يبتعد
وكيفن نسيبه يروح بعيد
فى رحلة مجهولة الامد
كل العمر كان لحظه واحدة
نشوفه والشوق يتقد
نسكر .. نغيب
من لطفـه... من دله الحبيب
من لونه .. من كرز المغيب
الرامـى محـلو الثمر
فى شفايفه زى ياقوت ندر
فى شكله زى نص القمر
مبتل .. مثـير
مخلوق عشان احلى الثغور
واشواقنا تتعطر .. تتطير
من نفحه من مجرى العبير
من لفته من جيده النضير
من لفظه من ثغره المثير
الفيه ريـان الثمر

Post: #18
Title: Re: حمـــــــــد الريح ... إبداع معتّــــــق
Author: نيازي مصطفى
Date: 02-28-2016, 07:44 PM
Parent: #17

تحية لكم استاذ قباني وللاستاذحمـــــــــد الريح احد أعمدة الاغنية السودانية لزمن طويل ..

--------
اابوست دا ان شاء الله زول كدي اول حرف من اسمو عمر الفاروق مايشوفو

Post: #31
Title: Re: حمـــــــــد الريح ... إبداع معتّــــــق
Author: يحي قباني
Date: 03-05-2016, 06:25 AM
Parent: #18

Quote: تحية لكم استاذ قباني وللاستاذحمـــــــــد الريح احد أعمدة الاغنية السودانية لزمن طويل ..
ما في شك يا نيازي ...
حمد الريح له قمم لا تضاهى ...
المشكلة انه من ضمن سياسة التجهيل القامت بيها الإنقاذ حتى يسهل عليها السيطرة ...
أيضا اقاموا حواجز بين الناس و الطرب ...
و خلقوا أجيال جاهلة فنياً ...
منعوا الغناء ... و عاقبوا الناس عليه ... و رئيسهم راقصاً ليله و نهاره !!!

Post: #30
Title: Re: حمـــــــــد الريح ... إبداع معتّــــــق
Author: يحي قباني
Date: 03-05-2016, 06:21 AM
Parent: #17

Quote: يا قلـبى يا مكتول كمد اعصـر دموع
هات غنوه لى سيد البلد
د. امبده يا رجل يا جميل ...

Post: #25
Title: Re: حمـــــــــد الريح ... إبداع معتّــــــق
Author: يحي قباني
Date: 03-01-2016, 09:41 PM
Parent: #15

Quote: ياسلام يا يحى اخوى ..
أطلب أغنية بغنيلك واناديلك بقدر خيوط مناديلك .. تسجيل نضيف لو أمكن .. وأهديها للجميع :)
لعيونك يا رجل يا طروب ...

Post: #26
Title: Re: حمـــــــــد الريح ... إبداع معتّــــــق
Author: Munir
Date: 03-01-2016, 11:18 PM
Parent: #25

شكراً يحى يا سيد الأناقة ..
يو ميد ماى نايت .. :)

Post: #20
Title: Re: حمـــــــــد الريح ... إبداع معتّــــــق
Author: يحي قباني
Date: 02-29-2016, 07:05 AM
Parent: #14

تحياتي بتنا بسمات ...

حبيبتي ...

Post: #19
Title: Re: حمـــــــــد الريح ... إبداع معتّــــــق
Author: يحي قباني
Date: 02-29-2016, 06:56 AM
Parent: #13

Quote: يا هندسة ... سلام والله يديك العافيه ...

اغنية الساقيه .. تجعلني اسبح واتيه خلف السراب ...

تحياتي مجيدو ...

عندي تسجيلين واحد للدوش بحكي حكاية الساقية

و الاخر لناجي القدسي رحمهم الله جميعاً ...

كان الله هون بجيبهم هنا ...

Post: #21
Title: Re: حمـــــــــد الريح ... إبداع معتّــــــق
Author: GeerTor Tong
Date: 03-01-2016, 09:07 AM
Parent: #19

أستاذ/ يحى قباني
لك التحية وللضيوف الكرام
بصراحة جد هذا موضوع مهم جداً إذ أنه توثيق به معلومات قيمة خاصة لمن تعودوا على سماع المقلدين.
انا رغم أنني لم اعاصر جيل حمد الريح ومصطفى سيد احمد وزيدان إبراهيم وعدد كبير من جيلهم وسابقيهم
إلا أنني اعتقد بأن الجيل اللاحق لهم لم يصل مستواهم لأنهم أعتمدوا في جل أعمالهم على عمل غيرهم. وحتى
الأعمال البسيطة التي اتوا بها لم تأتي في مستوى ما يقلدونه.
ليس حمد الريح وحده هو من تعرض اعماله لقرصنة التقليد المشوه والمستمر حتى يظن المستمع مؤديها هم أصحابها
لكن الكثيرين مثله.
لك تحيتي مرة أخرى وانا اتابع هذا الموضوع الرائع.
قير تور

Post: #22
Title: Re: حمـــــــــد الريح ... إبداع معتّــــــق
Author: Ahmed Yassin
Date: 03-01-2016, 04:30 PM
Parent: #21

يحي وشركاه
لقيناك
تلقى الخضرة وتنسى الهم
انت كدة حملتنا ما لانطيق
حمـِّـل رسايلنا وأشواقنا لي حبايبنا .. وللقاطعين الرسايل الأحلي من عسل النحل
قبل ما ندلف الى (صوت) حمدالريح (التينور) عايز اسالك
هل اتاك حديث الواو
دا كان لقاء السحاب الثلاثي اسماعين ود حد الزين وحمد وابن البادية
قسما عديل مافيهو لو
زي جموعك السارية في الوادي البعيد بتسوى جو
و شوف وراك الزمن كيفن بسو
و الليل طويل طولا غريب ما فيهو ضو
و المراكب الجاية من جهة الجنوب كاسحة ما دام ريحنا

Post: #23
Title: Re: حمـــــــــد الريح ... إبداع معتّــــــق
Author: Ahmed Yassin
Date: 03-01-2016, 04:30 PM
Parent: #21

حمد الريح لحن (مريَّا ) بلحن سوداني خالص
اللحن دا على ذات ايقاع اغنية (اجمل ايامي) لعثمان حسين او مقام (فا) الكبير السوداني
هو ايقاع (مشية الثعلب) او ما يعرف بـ Fox medium

Post: #24
Title: Re: حمـــــــــد الريح ... إبداع معتّــــــق
Author: اميرة السيد
Date: 03-01-2016, 07:00 PM
Parent: #23

عزيزي مجيدو
هدية من النسمة بسمات.. وهي حتختفي حتى عطلة الأسبوع.. دخلت معسكر..
والله يديك الصحة والعافية

Post: #27
Title: Re: حمـــــــــد الريح ... إبداع معتّــــــق
Author: يحي قباني
Date: 03-02-2016, 05:54 AM
Parent: #24

حمد الريح في ثنائية عجيبة مع د. هاشم حبيب الله في :
بسمة الأيام - إبراهيم عوض و عبد الرحمن الريح

Post: #28
Title: Re: حمـــــــــد الريح ... إبداع معتّــــــق
Author: Hamid Elsawi
Date: 03-02-2016, 06:15 AM
Parent: #27

العزيز قباني ....
الغربة حارة ... و الجو بارد
و مافي حاجة تعدل المزاج
غير لحن يهز المشاعر
و يدغدغ الفؤاد ......
شكراً لاختيارك الموفق
يا قلبي المكتول كمد
فيها شاعرية ... و خيال .... مبالغ فيه
شوف
وآ غربة النسمة الرقيقة
و شوقها لعناق الشعر
و يا حليلنا نحن
...................

Post: #29
Title: Re: حمـــــــــد الريح ... إبداع معتّــــــق
Author: Hamid Elsawi
Date: 03-03-2016, 08:31 PM
Parent: #28

.

Post: #32
Title: Re: حمـــــــــد الريح ... إبداع معتّــــــق
Author: يحي قباني
Date: 03-05-2016, 06:30 AM
Parent: #21

Quote: أستاذ/ يحى قباني
لك التحية وللضيوف الكرام
بصراحة جد هذا موضوع مهم جداً إذ أنه توثيق به معلومات قيمة خاصة لمن تعودوا على سماع المقلدين.
انا رغم أنني لم اعاصر جيل حمد الريح ومصطفى سيد احمد وزيدان إبراهيم وعدد كبير من جيلهم وسابقيهم
إلا أنني اعتقد بأن الجيل اللاحق لهم لم يصل مستواهم لأنهم أعتمدوا في جل أعمالهم على عمل غيرهم. وحتى
الأعمال البسيطة التي اتوا بها لم تأتي في مستوى ما يقلدونه.
ليس حمد الريح وحده هو من تعرض اعماله لقرصنة التقليد المشوه والمستمر حتى يظن المستمع مؤديها هم أصحابها
لكن الكثيرين مثله.
لك تحيتي مرة أخرى وانا اتابع هذا الموضوع الرائع.
قير تور
خليك قريب يا حبيب ...
ما في جيل لاحق ...
جماعة ( الإنغاز ) كما ينطقونها ...
بنوا جدار ... و نجحوا في خلق فجوة في الفن في السودان ...
منعوا الغناء و أوقفوا معهد الموسيقى ...
شردوا الكثير من الفنانين ...
ظلموا جيل كان عليه الدور في التقاط سيف المسئولية الفنية ...
أمثال علي السقيد و غيره ...
لم يجدوا نصيبهم من الانتشار لانهم ظهروا ثم جاء عهد الخراب ...
الى ان آل الحال و اصبح موضوع الغناء مهنة لكسب العيش ...
فأتى كل شاب في الحلة بأورج من السعودية و ( دوّروا ) على قولة محمد الأمين ...