اذا فراقك طال ابقا لاتنساني ....غناء شقيقة من جنوب الوادي

Post: #1
Title: اذا فراقك طال ابقا لاتنساني ....غناء شقيقة من جنوب الوادي
Author: Kostawi
Date: 02-25-2016, 05:17 AM

04:17 AM February, 25 2016
سودانيز اون لاين
Kostawi-USA
مكتبتى
رابط مختصر

Post: #2
Title: Re: اذا فراقك طال ابقا لاتنساني ....غناء شقيقة �
Author: Nasr
Date: 02-25-2016, 06:37 AM
Parent: #1

خطيرة لكن

Post: #3
Title: Re: اذا فراقك طال ابقا لاتنساني ....غناء شقيقة �
Author: othman mohmmadien
Date: 02-25-2016, 06:11 PM
Parent: #2

Quote: اذا فراقك طال ابقا لاتنساني ....غناء شقيقة من جنوب الوادي

تحية طيبة أخ كوستاوي ...
أستمع وكم من الحزن يتبع التساؤل ... إذا فراقك طال أبقا لا تنساني .. لماذا حدث الفراق والانفصال في الأصل ...
الله يكون في العون ... ويجمع شمل الوطن ويرفع نهضته وتقدمه إن شاء الله ...

Post: #4
Title: Re: اذا فراقك طال ابقا لاتنساني ....غناء شقيقة �
Author: فرح الطاهر ابو روضة
Date: 02-25-2016, 06:20 PM
Parent: #3

كوستاوي من نفس الخيط لقيت ليك الابداع ده برضه

تشكر يا حبيب

Post: #5
Title: Re: اذا فراقك طال ابقا لاتنساني ....غناء شقيقة �
Author: جمال ود القوز
Date: 02-26-2016, 08:51 AM
Parent: #4

إبداع منقطع النظير ..
وتطريب عالي جداً ..
ده وجدان مترع بالجمال ..
تم لجم إنطلاقه وتألقه ..
بفعل الساسة الله لا غزا فيهم بركة ..
غايتو نصيحتي لي فدوى دي تختار سودانها الذي تهوى ..
والذي تستطيع فيه ان تعبر عن هذا الوجدان الجميل ..
لا سودان الشتات والانقسام والفرقه والاقتتال ..
الذي تم فرضه على وجدانها قسرا ..

غايتو نصيحتي ليها ..
تلم عفيشاتها وتشوف ليها ود حلال بي جاي يعرسها وانتهينا ..
فان فشل الساسة في صنع سودان يرونه ..
فلا ضير في أن تصنع فدوى سودانها الذي تهوى
والذي يتلبب ويسكن هذا الوجدان الجميل ..
غايتو انا لو ماكنت بخاف من أم العيال ..
كان عرستها ..
والله صحي ..

زوله فنانة وكمان سمحة ورقيقة ..

Post: #6
Title: Re: اذا فراقك طال ابقا لاتنساني ....غناء شقيقة �
Author: Yasir Elsharif
Date: 02-26-2016, 09:15 AM
Parent: #5

شكرا العزيز كوستاوي

مع التحايا لك وللأخ عثمان محمدين.

Post: #7
Title: Re: اذا فراقك طال ابقا لاتنساني ....غناء شقيقة �
Author: جمال ود القوز
Date: 02-26-2016, 09:51 AM
Parent: #6

التحية للمبدعة فدوى فريد ..
وآسفين إن لم نكن متابعين لمسيرتها ..
لكنها صوت جميل وواعد ..

ياكوستاوي ياخردة ..
ماتقعد تلقط لينا من القديم ..
جيب لينا الطازه يأخ ..

Post: #8
Title: Re: اذا فراقك طال ابقا لاتنساني ....غناء شقيقة �
Author: جمال ود القوز
Date: 02-26-2016, 09:54 AM
Parent: #7

طبعاً رسالتكـ واصلة من الاول ..

وحتى ان طال فراقنا فلن ننسى الجنوب ..
وحتما ولابد أن يعود الوطن واحد ..
يوماً ما ..

Post: #9
Title: Re: اذا فراقك طال ابقا لاتنساني ....غناء شقيقة �
Author: Yasir Elsharif
Date: 02-26-2016, 10:00 AM
Parent: #8

يا كوستاوي هذا تسجيل أنظف للأغنية "إذا فراقك طال أبقى لا تنساني"
والكلمات منقولة من الفيس بوك، وأظن أنها تحتاج لتصحيح.

غبت عن إنساني
غبت عن انساني يا وحيد الكون السقام مساني
اذا فراقك طال ابقى لا تنساني
غبت عن انساني وانت ساكن قلبي وذكرتك في لساني
صابحتني دموعي والسهر واساني
وعيني بعد فراقك فارقت اوساني
في اشتياق لي شوفتك والظروف مانعاني
اشكو ليك هواني لو تبطل هجري ونفرتي وسلواني
ديما راغب هجرك شبت قبل اواني
حبك امرض قلبي وما رجع داواني
ذنبي ايه تسلاني سيب نفورك واترك طبعك الغزلاني
لما طرفي يشوفك حبك يتوالاني
قل صبري وفي نار العشق خلاني
ياسرور احزاني كلما زاد شوقك فيك تزيد اوزاني
بي غرام في جمالك و بي الغرام تأذاني
الدعج في عيونك يا حبيبي اذاني
عينك الساحراني تزري عين الشادن والغزال الراني
امدحك بمحاسنك ياجميل واراني
شفت كم من شاعر في غناك جاراني
عندي فيك معاني غيري مين يدريها سيبني وحدي اعاني
اسعى لي رؤياك وبالعذاب تسعاني

Post: #10
Title: Re: اذا فراقك طال ابقا لاتنساني ....غناء شقيقة �
Author: Yasir Elsharif
Date: 02-26-2016, 10:44 AM
Parent: #9

هذا عمل فني في "وداع" الجنوب،

Post: #11
Title: Re: اذا فراقك طال ابقا لاتنساني ....غناء شقيقة �
Author: جمال ود القوز
Date: 02-26-2016, 10:46 AM
Parent: #8

أها هاكـ عربي جوبا ده ..

جمعة مباركة للجميع ..

ودي للبنية دي طالما جات سيرتها وسيرة ابداعها ..

Post: #12
Title: Re: اذا فراقك طال ابقا لاتنساني ....غناء شقيقة �
Author: Hatim Alhwary
Date: 02-26-2016, 05:42 PM
Parent: #11

جميل جدا
شكرا كوستاوي

Post: #13
Title: Re: اذا فراقك طال ابقا لاتنساني ....غناء شقيقة �
Author: عاطف رميتي
Date: 02-28-2016, 05:26 AM
Parent: #12

ياسلام على الجمال .. تحيات وشوق واحترام لك اخي

Post: #14
Title: Re: اذا فراقك طال ابقا لاتنساني ....غناء شقيقة �
Author: Kostawi
Date: 04-20-2016, 05:48 PM
Parent: #13

up