< Jean Chrétien He became leader of the Liberal Party of Canada in 1990, and led the party to a majority government in the 1993 federal election. He was re-elected with further majorities in 1997 and 2000. الزول اب وشِيّاً مجلبط بالكيكة دا كان رئيس كندا. أها وآحد لخبتلو وشيهو بالكيكة، الزول ترك الأمر للبوليس واكلآ في حنانو . مشى الحمام غسّل وشيهو ؤُ رجع لأداء مهامه كرئيس ؤُ رفض حتي يعلق علي الحادثة في حينها، ؤُ حتي لآمن علّق قال، الزول دا مرق من العام للخاص ؤُ دا بيني ؤُ بينو . كريشيان سياسي محنّك وقاد كندا كرئيس في ظروف حرجة جداً إستطاع ان يعبرها بنجاح . الزول دا لأنوا جميل انا واله بريدو . (يا جماعة ما يجي وآحد طابق الحديث ؤُ يقول لي تُحشر معاهو، انظروا لقد كفر بن المدير ) . الذي نفسه بغير جمال لا يرى في الوجود شيئً جميلآ، كريشيان زول جميل .
شوفو نصيحتو للرئيس الجديد، ما قالو، خليك بعيد من الشعب الشرير دا، قبل الليلة جلبطو وشي بالكيكة، ؤُ عليك بجهاز الأمن خليهو اليلعن ابو خاشُن . بدل دل كلووو قال ليهو، إتكلم مع ايّ زول خالفك في الرأي أو وُجهة النظر لا يهم . كلآم عام ينطبق علي المواطنين ورؤساء الدول . إستمعوا لكلآمو عن بيتو الساكن فيهو وما حكى عنه في هذه العُجالة .
وبرضو اضيف ان كان في مساحة للاضافة ما معناتو وقفت في موقف محدد مع حدث محدد تقوم تصنفني .. الخير دة ما حق زول واحد ولا جماعة واحدة ولا حزب واحد ما انقد موقفك تقوم تلعن ابوخاشي زاتو وتصل امي وابوي ليه دايرني اقيف في نفس مكانك ياخ ماتقيف طيب في نفس مكاني اها النحكي ليك دي قالوا الاستاذة قالت للشافع لو اديتك 3 جوافات وانت اديت اخوك جوافة يبقا عندكم كم جوافة قال ليها 3 قدر ما حكتها معاهو غلبها ويقول ليها 3 قالت ليهو طيب لو اديتك 3 برتكانات واديت اخوك برتكانة يكون عندكم كم قال ليها 2 انبسطت منو ورجعت سألتو اها طيب لو اديتك 3 جوافات واديت اخوك واحدة يكون عندك كم قال ليها 3 اتغاظت منو ونهرتو طيب ليه البرتكان والجوافة اتغيرو قال ليها عشان عندي جوافة في جيبي اها الزول ما يستعجل ياخ لعلك في خطأ كبير ادي نفسك فرصة بدل تتور نفسك
Post: #7 Title: Re: لماذا نترك مُقارعة الحِجة بالحِجة والرأي Author: عثمان عووضة Date: 02-25-2016, 06:48 AM Parent: #5
يا ود اب سن انا عضو في المنبر دا من سنة ٢٠٠٤ السنين دي كلها عدد مشاركاتي ما اتجاوزوا ال ٥٠٠ يا خي جنس اساات وشتايم انا علي اليمين في ابو صليب ما سمعتها د. بشری الفاضل زميلي في حنتوب وفي جامعة الخرطوم وبعرفو زي جوع بطني قبل كم سنة كدا بتناقش مع واحد قدر احفادو قام بدون مناسبة قال ليهو يا دلاهة انا من وقتها بقيت اشوف المنبر دا زي العمی دا ما بيمنع انه المنبر مليان ناس جميلين وحلوين ومفيدين تتمنی انک ما تفارقهم ال ٢٤ ساعة
Post: #8 Title: Re: لماذا نترك مُقارعة الحِجة بالحِجة والرأي Author: محمد البشرى الخضر Date: 02-25-2016, 07:18 AM Parent: #7
هو يا ود المدير إريتو كان وقفت على مسكان الرقبة اجارك إلى هنا في فئة أدمنت السقوط اول ما تغلبه الحجة يمسك في لباسك عديل كدا ويقول ليك بلا خجل : قالوا!! يعني حتى في السقوط ما أصيل بل إمعة ويباري القوالات و الفكرة هي كسر عينك عشان تزح وتبعد عن طريقه يعني باختصار بلطجة وشغل فاتيات و العياذ بالله
Post: #9 Title: Re: لماذا نترك مُقارعة الحِجة بالحِجة والرأي Author: ياسر منصور عثمان Date: 02-25-2016, 07:21 AM Parent: #1
لا وكمان اغصبك غصب توافقني على رأيي كان ابيت...اركبك بي عصاتي المضببة لمن تعرف حاجة
تحياتي عووضة وحبابك الاستاذ بشري من الذين اسسوا لذائقتي الادبية من خلال ما كان يكتبه في الصحف اليومية في ملحقاتها الثقافية . ومجلة الثقافة السودانية .. وانا مازلت يافعا بالثانوي العام .. ليس هو فوق النقد بالتأكيد ولكن يجب احترام مجهوده واضافته لحركة الثقافة بالسودان ما حدث له فعلا مشين ولا يليق .. وما يحدث من تهاتر ونبذ في الاسافير عامة ومواقع التواصل العامة امر مخجل جدا والله .. النبذ والتهاتر او رد المساءة نفسها بتقدير اخذ الحق لا يجعل احدنا منتصرا والله لا اجد في نفسي حرجا من التغافل عن الاساءات وعدم الرد عليها .. ولا يهمني لفظة من لا يرد فهو جبان
Quote: ود المدير ازيك ماتقول لي انتو ما عندكم بيوت اشباح في كندا!!! ياخي كان كدي انتو ناس متخلفين خلاس المقعدكم في بلد زي دي شنو عليك الله
والله يا خال تقول شنو ؟، شقاوتنا بس . بعدين جهاز الأمن بتاعُن قبل الليلة كان عندنا شأن سوداني إفتكروهو شئ إرهابي، قامو إتلحوني ليك و اوّل زيارة زاروني في البيت، ثمّ بعد دآك بقو يقابلوني في المقهى (تيم هورتون)، أها، وكت نتقابل طوالي يجيبو لي قهوتي ؤُ معاها دونت، وكِت لِقو الحكاية كِترت، ؤُ عرفوني زول جبنة ؤُ دونت سااااكت دمسوني، ؤُ من اليوم دآك إنقطعن الجبنة والدونت البلوشي ...
والجبنة دي يا ود المدير كانت بدون كحول ولا مطعمة؟ لو بدون كحول معناته الجماعة ديل مزورين وبتاعين لعب ساكت ولو بي كحول يبقی سجم اهلک ولیهو حق ود الزبیر یزعل منک
Quote: والله يا خال تقول شنو ؟، شقاوتنا بس . بعدين جهاز الأمن بتاعُن قبل الليلة كان عندنا شأن سوداني إفتكروهو شئ إرهابي، قامو إتلحوني ليك و اوّل زيارة زاروني في البيت، ثمّ بعد دآك بقو يقابلوني في المقهى (تيم هورتون)، أها، وكت نتقابل طوالي يجيبو لي قهوتي ؤُ معاها دونت، وكِت لِقو الحكاية كِترت، ؤُ عرفوني زول جبنة ؤُ دونت سااااكت دمسوني، ؤُ من اليوم دآك إنقطعن الجبنة والدونت البلوشي ...
هههههههه والله بقت عليك قصة عم لينا جرجر اخو مرتو للمحاكم الصباح وهم منتظرين قدام المحكمة وزولنا التاني محنبك ملياااااان فل عمنا عاين لي وقال لي دحين يا صباح الخير فكيت الريق ما ترح نشوف لينا مكان نتريق فيهو ...... نقطة مهمة جدا والله يا مدير مافي شيء بضيع موضوع الواحد حتي لو عندو قضية واااضحة وما بتناطحوا فيها عنزين الا الشخصنة ومافي غيره تلقي الواحد موضوعو راح شمار في مرقة
Quote: مما يقول الأستاذ محمود محمد طه ما معناهو مما لسانك يقصر، ايدك بتظول
سلآمات يا عبد الله .
قطعاً إذا عجز الرأي بتتحرك جهات في البني آدم مخرجاتها قبيحة منها اليدين واللسان، والإثنين منهي عنهما والأمر كان بالمجادلة بالتي هي أحسن إشارة إلي ان طبع البشر يقبل الجانب الجميل من مقارعة الحِجج بالمنطق القويم من القول، وفي الكلآم إشارة إلي انّ هذا هو الطريق المؤدي لرقي الأُمم وتقدم البشرية ...
تعرف يا صديق انا فاقد " شوشو " كم يوم قلتا يا ربى ابن الكلب دا بيكون غاتس وين ؟ اليوم بس وانا اتصفح البوستات لقيتوا عريان بيرقص فى البوست داك !!! لا حولاااااااا
البوست داك بوست قبيح .. وكل القبح فى شخصنة المواضيع ..
Post: #17 Title: Re: لماذا نترك مُقارعة الحِجة بالحِجة والرأي Author: حمد عبد الغفار عمر Date: 02-26-2016, 12:52 PM Parent: #16
Quote: اها الزول ما يستعجل ياخ لعلك في خطأ كبير ادي نفسك فرصة بدل تتور نفسك
يا عبد الحفيض الإستعجال في الحكم بيجي نتيجة للتصنيف والترصُد، يعني الزول قبل ما يجي قاصد فكرك أو حجتك بيجي قاصدك في رِويحتك دي وبذلك تضيع الأراء ؤُ يتلطخ الموضوع الأساسي بالكلآم الإنصرافي والسب . بكل أسف كتير من البوستات بتنتهي بهذه النهاية المؤلمة ...
Quote: هو يا ود المدير إريتو كان وقفت على مسكان الرقبة اجارك إلى هنا في فئة أدمنت السقوط اول ما تغلبه الحجة يمسك في لباسك عديل كدا ويقول ليك بلا خجل : قالوا!! يعني حتى في السقوط ما أصيل بل إمعة ويباري القوالات و الفكرة هي كسر عينك عشان تزح وتبعد عن طريقه يعني باختصار بلطجة وشغل فاتيات و العياذ بالله
نسأل الله السلآمة، عشان كدا يا ود البشرى الوآحد احياناً بينتابو شعور إننا لن ولم نرتقي لأنو بصرآحة ليس بالخبز وحده ترتقي الشعوب وتُبنى الأوطان . عشان نبني وطن يجب ان نسمو بأخلآقنا، وإن لم نفعل فإن نجحنا في إعمار بلدنا كما عمر أهل إرم بلدهم فلن تعدو كونها كخضراء الدِمن جميلة زآهية في منبت سوء ...
Quote: لا وكمان اغصبك غصب توافقني على رأيي كان ابيت...اركبك بي عصاتي المضببة لمن تعرف حاجة
خليها على الله يا ود المدير
نسأل الله ان يصلح الحال يا ياسر .
طيّب بكدا تصبح حكاية محاولة خلق بيئة ديمقراطية دي ضرب من العبث، وما هي إلا شيئ كالأبلق العقوق وبيض الأنوّق . لو حسبت سنين عمر هذا المنبر حا تلآحظ إننا لحدي الآن رجعنا حركة ورا كتير شديد وما زلنا راجعين ...
Post: #22 Title: Re: لماذا نترك مُقارعة الحِجة بالحِجة والرأي Author: حيدر حسن ميرغني Date: 02-27-2016, 10:04 AM Parent: #21
Quote: النبذ والتهاتر او رد المساءة نفسها بتقدير اخذ الحق لا يجعل احدنا منتصرا والله لا اجد في نفسي حرجا من التغافل عن الاساءات وعدم الرد عليها .. ولا يهمني لفظة من لا يرد فهو جبان
تسلم، عين الحسود إنت تصيب عدوك ...
Post: #26 Title: Re: لماذا نترك مُقارعة الحِجة بالحِجة والرأي Author: حيدر حسن ميرغني Date: 02-27-2016, 10:43 AM Parent: #25
Quote: والجبنة دي يا ود المدير كانت بدون كحول ولا مطعمة؟ لو بدون كحول معناته الجماعة ديل مزورين وبتاعين لعب ساكت ولو بي كحول يبقی سجم اهلک ولیهو حق ود الزبیر یزعل منک
Quote: نقطة مهمة جدا والله يا مدير مافي شيء بضيع موضوع الواحد حتي لو عندو قضية واااضحة وما بتناطحوا فيها عنزين الا الشخصنة ومافي غيره تلقي الواحد موضوعو راح شمار في مرقة
مع التحايا والتقدير لك وضيوفك الاكارم يا حبيب
حباب اسامة، إلا ما قلت لي، إنت اسامة منو ؟. حقو الزول ما يردليك .
اغرب حاجة واحدين الموضوع بيكون ما عندهم فيهو غرد بس الوآحد عدييييل يجي قاصد فلآن ؤُ ما بين فلآن ؤُ عِلآن يضيع السودان، وهكذا نحن ...
أوقف التداخل في بوست خاص بي ( تعلموا كيف تعارضون ) قلت أن السبب هو ( قرفة ) أو إحباط من التعاطي السياسي في منبر سودانيزأونلاين لكن بوستك هذا قد أمسك بتلابيبي بعنف وأعادني للكتابة
أنت معاوية ود المدير أحد أسباب قرفتي وإحباطي الذي ذكرت و ماذاك إلا لأنك كنت مرجو فينا وإنك أنت الحليم الرشيد
إنت جادي في سؤالك دا ؟؟ أنت رجل تال لآيات الله وتشارك في جلسات التلاوة ألم تمر عليك الآية الكريمة " أَتَأْمُرُونَ النَّاسَ بِالْبِرِّ وَتَنسَوْنَ أَنفُسَكُمْ وَأَنتُمْ تَتْلُونَ الْكِتَابَ أَفَلاَ تَعْقِلُونَ "
أين كان سؤالك هذا وأنت تترك ( تترك مُقارعة الحِجة بالحِجة والرأي بالرأي ) و ( تكنكش ) في رقبة منصور المفتاح ؟؟ أنشأت له بوست يعد النموذج الأكمل في ( كيفية إغتيال شخصية ) المختلف سياسياً بوست تداعت له الأمم والخلوق ولم يتركوا شتيمة إلا ألصقوها بالرجل
ملعون أبو السياسة ياخ لو كانت كدا
حتى من أتى ليقول قولاً مختلفاً عن ما رآه جمعكم الكريم لم ينج من تهم ( النفاق ) و ( التعرصة )
وتانياً ملعون أبو السياسة ياخ لو كانت كدا
وفي هذا وذاك لم نراك تحكم سيطرتك على المداخلات ولم نراك تحمي ضيوفك إنت قايل الإساءة والشتيمة إلا لمن إنت تشتمني عينك عينك ؟؟ من شتمني في دارك فقد شتمك قبل أن يشتمني وأنت إن لم تحمي ضيوفك من الشتيمة فأنت شريك في شتيمتهم
إنت قايل بكري أوجد خاصية الإستيكة لنمسح بها الشتائم التي تخصنا فقط ؟؟ لا صاحب أمسح الإساءات التي يتعرض لها ضيوفي دون تردد وأنظر في أمر الإساءات التي أتعرض لها شخصياً أأمسحها أم أتركها ؟؟ هكذا كان العشم فيك
لقد حزنت لك وأنت أرى قريبك وصديقي ( حافظ الإمام ) من زاوية الفيسبوك يقول لك " لماذا تتوقع من منصور أن يخبرك وأنت من لم تعمل خاطر لـ جلسات التلاوة ولا اللقيمات والشاى........ ) ثم وحزنت أكثر وأنا أراك ( تتلجلج ) في الإجابة أصلها اللجلجة عند من كان مرجواً مثلك حارة شديد حارة على من تعشموا فيك خيراً يومها لقد كتبت كثيراً ولكنك لم تقل شيئاً
من ذهب للحوار فقد كانت تلك قناعتهم وكان ذلك رأيهم وحسب كلامك الحالي ( السليم جداً ) كان يجب أن ننتظر عودتهم ثم نناقشهم نقاشاً يحترم حقهم في التفكير وحقهم في إختيار من يسرون إليه بخطواتهم القادمة لا أن نفتح بوستات إغتيال الشخصية في غيابهم أو أثناء إنشغالهم ﴿ يَا أَيُّهَا الَّذِينَ آَمَنُوا لِمَ تَقُولُونَ مَا لَا تَفْعَلُونَ (2) كَبُرَ مَقْتًا عِنْدَ اللَّهِ أَنْ تَقُولُوا مَا لَا تَفْعَلُونَ ﴾.
بيد أني أضيف لك أن بوستك في حق ( صديقك ) و( أخوك في تلاوة آى الذكر الحكيم ) كان هو الأقسى إنظر بنفسك للمنبر ترك الناس كووووووول الوفد بما في ذلك ( الزعيمة ) ومسكوا في منصور ولا يزالون
الأدهى والأمر في أمر ذلك البوست يا معاوية أنه قد أصاب في مقتل أى تجمع للبورداب
فمن العاقل سوف يجتمع مع بورداب حتى لو كان التجمع لتلاوة القرآن العظيم أو إنشاد مدائح نبوية ، ومن العاقل الذي يتناول طعاماً حتى ولو كان ببساطة ( اللقيمات ) ، وغداً وفي أقرب خلاف ( في الرأى ) أو ( تقدير المواقف ) يأتيه من يبني على هذا اللقاء أو على هذا الطعام عن نفسي لن أفعل
معاوية يا صديق لا تستطيع أن تأكل الكيكة وتحتفظ بها في ذات الوقت
خط هذا البوست هو الخط السليم الذي يجب على الجميع ممارسته سلوكاً لكنك مطالب ( من وجهة نظري ) وقبل أن تمضي فيه أن تزيل الضرر الذي أحدثته بسبب البوست الذي أنشأته في حق منصور المفتاح ( صديقك ) و ( أخوك في تلاوة آى الذكر الحكيم ) و ( شريكك في زيت ودقيق اللقيمات )
Quote: ول ابا معاوية..حبابك يا صديقي.. كلام بريمة هين..! أها رأيك شنو في كلام صديقك الشخصي التالي: Quote: ال Loser محمد كبر جايك صادي يا مان، امشي جهز قزازتك ساي.. عارفك ما بتعرف تتفاهم معاي الا تكون واقف لمبه. الشيطان ما بيحجز يا معاوية (لأنو صانع المديدة حرقتني) لكن بتحجز الذات السابحة في سموات الجمال والسمو..! لمن نسكت عن الكعب ، ونجي نتضجر من الكعب..فهنا يوجد خلل يا صديقي..! التحية لصديقنا واستاذنا عثمان عووضة (شكلو صحيح من دور استاذنا بشرى الفاضل ، جغمسة عيال الزمن ده والضهب..بتكون غريبة عليهم)..! كبر
ول ابا كبر يا صاحب، ألف مرحبابك . كلآم بريمة ياتو يا كبر ؟، انا هنا بكتب بصورة عامة، اما راني فهو يعرفك وانت تعرفه قبل ان تعرفوني وكلآمه بالنسبة لي مُدآن رغم إنني ضمنت إدانتي لأيّ سلوك غير سليم في نظري صمتي حتي سلوك العبد مع ربه تفادياً لسحب موضوع البوست ايّ بوست لخانة السب والشتم وتفريغه من محتواه . يا كبر انا لا اتضجر وتغيير المُنكر يمكن ان يكون بالقلب وانا إخترت اضعف الإيمان لقلة حيلتي، وما كتابتي هذه إلا نوع من التمني . بالمناسبة، في زيارة راني لكالقري قمنا بزيارة يحي ابنعوف وهو طريح الفراش بعد ان كسر رجله، اها بعد اخدنا قعدتنا معاهو ؤُ مرقنا راني قال لي، يا معاوية لآزم نمشي نزور كبر . الحقيقة في وكتها انا كان لآزم امشي النادي للتحضير ليوم الأسرة، وفي اليوم التاني حاولنا انا وراني كل ارقام تلفوناتك ؤُ لقيناها كلها مقطعة !. بصرآحة يا كبر انا بلومك في إبتعادك عن الناس ووصمك لهم بالعنصرية وانت بعيد عنهم، فعليك الله تعال مارق وكان في اعوج خلنا النعدلو . نبهت في مداخلتي لحافظ الإمام إنني إذا دعت الحاجة للوم مباشر مني لزميل أو زميلة في البورد بلجأ للخاص أو التلفون ...
تعرف يا صديق انا فاقد " شوشو " كم يوم قلتا يا ربى ابن الكلب دا بيكون غاتس وين ؟ اليوم بس وانا اتصفح البوستات لقيتوا عريان بيرقص فى البوست داك !!! لا حولاااااااا
البوست داك بوست قبيح .. وكل القبح فى شخصنة المواضيع ..
سلآمات يا علاء .
ياخي البورد دا لو قلت تستر حالك برضو ما بيخلوك، والله كنت اتمني كل الذين هجروا هذا المكان يعودوا لكن إن كانوا هم السابقون فقطعاً نحن اللآحقون .
Quote: رحم الله أستاذ الأطباء البروف صالح يسن إستن وسط طلبته بكلية الطب بجامعة الخرطوم قاعدة ذهبية " لا تعالجوا نتائج المرض من حمى واسهال وخلافه ، بل أبحثوا عن أصل وجذور المرض وعالجوها ، تتوقف تلقائياً كل النتائج السالبة " ورحم الله صديقي البروف إبراهيم رحوم الذي كان طالباً نجيباً للبروف صالح يسن ونال درجاته فوق الجامعية تحت إشرافه عرفني به ذات يوم - بناء على إلحاحي - بعد أن ظل يحدثني عنه كثيراً أذكر أنني قلت له أن قاعدة البروف يسن الذهبية هذه لا تصلح فقط للأطباء ، بل هي منهاج حياة يجب أن يأخذ بها كل مهني في مجاله وأحاول على المستوى الشخصي تطبيقها ما استطعت لذلك سبيلاً .......
،
الذي يحدث من ترصُد وسباب هنا هو سرطان إنتشر في جسد سودانير ولا سبيل لعلآجه، والأغرب في هذا السرطان إنّك إذا إقتربت منه تصيبك العدوى وإن إبتعدت تصيبك ايضا، فإن سمعتم بهذا الداء في بلد فلا تدخلوها وإن كنتم فيها فابقو مارقين ...
Quote: جرى في عرف البعض أن معارضة أمر ما هو رمى ممثلي ذاك الأمر بكل كريهة توجد في القواميس بكل فخر أقول أنني أحاول تجسيد مدرسة ( نقد الموقف المعين وليس عداء / حرق الشخصية التي تقوم بالموقف ) تلك المدرسة التي أرسى دعائمها أستاذنا الدكتور منصور خالد نثبت لكل صاحب فضل فضله حيثما وجدناه وننقد كل موقف وفقاً لمعتقداتنا غض النظر عن صاحب الموقف وفي هذا وذلك نحاول ما ساعدتنا ( أمارتنا بالسوء ) تثبيت الحقوق دون إسراف في المدح ، ونحاول تنبيان النقد دون إسراف في الذم لا وجود للشخصي في حساباتنا الله ، الحقيقة وضميرنا هم السلطان علينا
قال رجل لمعاوية: افْرِضْ لي، قال: نعم، قال: ولولَدِي، قال: لا، قال: ولعشيرتي، فتمثل معاوية بهذا البيت:
طَلَبَ الأبْلَقَ الْعَقُوقَ فَلَمَّا * لم يَجِدْهُ أَرَادَ بَيْضَ الأنُوقِ
إن صحت الرواية بأن الصديق العزيز منصور المفتاح قد ذهب للخرطوم مشاركاً في الحوار ضمن وفد الأخت تراجي مصطفى فذاك يعني عندي أن الأخت تراجي سوف تقول كلاماً موزوناً فمنصور الذي أعرفه من كتاباته رجل جاد وصادق وأمين مع نفسه سواء إتفقنا أم إختلفنا مع توجهاته فله رؤى متماسكة
Quote: الأخ الحبيب عاطف، سلآمات . أأمّن علي رايك في منصور الذي استشفيته من كتاباته من منطلق صحبتي للأخ منصور علي مدى اكثر من عشرين عام، ولا أعلم إن كان ضمن وفد تراجي ام لا ...
Quote: حقك علينا أخي عاطف . يا دينق ياخي الحكاية ؤُ ما فيها اراء مختلفة في زميل منبر مبنية علي اُسُس مختلفة، انا ما شايف فيها ما يدعو للشتم خلينا نختلف مع حفظ الوُد ...
Quote: سلآمات أخي إدريس .
ياخي مافي مجاملة لا رخيصة ولا حتي غالية، وانا كان جاملت منصور شِن فايدة خوتي ليهو ؟، انا أعاتب منصور والذي بيني وبينه لا يحتمل المجاملة . اما القرآن فالبر والفاجر يتلوه ...
بعد كل هذه السنين التي قضيتها في هذا الصرح لأوّل مرّة اشعر بأنه من الصعب جداً علي المرء ان يكون متواجد هنا .صراحة في حصار وتضييق عنيف لا يعطيك ادتى فرصة كي تأخذ موقف حياد من فئتين هنا لا ثالث لهما ديدنهما الصراع بجميع انواع الأسلحة مشروعة كانت ام محظورة .
احسن حاجة في رأي تعمل ساتر ؤُ تتخارج . المحل دا زي سرآبة البامية إن دخلت لا تنجو من الشرا ...
أوقف التداخل في بوست خاص بي ( تعلموا كيف تعارضون ) قلت أن السبب هو ( قرفة ) أو إحباط من التعاطي السياسي في منبر سودانيزأونلاين لكن بوستك هذا قد أمسك بتلابيبي بعنف وأعادني للكتابة
أنت معاوية ود المدير أحد أسباب قرفتي وإحباطي الذي ذكرت و ماذاك إلا لأنك كنت مرجو فينا وإنك أنت الحليم الرشيد
حياك الله أخي عاطف ولك مني السلآم . اشكرك علي حسن الظن بشخصي الضعيف، وآسف جداً ان خيبت ظنّك في . النبي كان علي حق ويبدو أنني علي باطل، علي كُلٍ العبارة ماشة ...
Quote: وفي هذا وذاك لم نراك تحكم سيطرتك على المداخلات ولم نراك تحمي ضيوفك إنت قايل الإساءة والشتيمة إلا لمن إنت تشتمني عينك عينك ؟؟ من شتمني في دارك فقد شتمك قبل أن يشتمني وأنت إن لم تحمي ضيوفك من الشتيمة فأنت شريك في شتيمتهم
لو إنت متتبع للحاصل هنا يا عاطف كان بتشوف بوضوح إنو في مشاحنات بين البعض ومطاردات في البوستات، يعني عادي لو وآحد شافك فتحت بوست عن وآحد هو عندو معاهو مشكلة بيجي دآخل يدوّر معاهو شكلة لو إنت حاولت تتدخل يقبلو عليك إنت في ذآت نفسك، واللآ دا ما حاصل ؟...
إفتكر الآية دي كفيلة جداً بأن تجعلني اترك الكتابة في هذا الصرح، أنا ما بشتم زول، ؤُ ما مستعد ادافع عن ناس اصبح الشتم شغلهم الشاغل سواء جوني في بيتي او في دكاني . ناس أصلهم كدا انا اسويلُن شنو ؟، ما بطردن من محلي لكن بقفلو لا يجوني لا امشيلُن، عملاً بمبدأ الباب البجيب الريح ...
Quote: لقد حزنت لك وأنت أرى قريبك وصديقي ( حافظ الإمام ) من زاوية الفيسبوك يقول لك " لماذا تتوقع من منصور أن يخبرك وأنت من لم تعمل خاطر لـ جلسات التلاوة ولا اللقيمات والشاى........ ) ثم وحزنت أكثر وأنا أراك ( تتلجلج ) في الإجابة أصلها اللجلجة عند من كان مرجواً مثلك حارة شديد حارة على من تعشموا فيك خيراً يومها لقد كتبت كثيراً ولكنك لم تقل شيئاً
Quote: ألف سلآم للحبيب حافظ الإمام .
يا حافظ سودانيز مكان كل من يرتاده يعرفه، فبناءً علي ما يحدث هنا من تجاوزات تصل في كثير من الأحيان لسب الله والرسول انا قررت ان لا أقف في صف شاتم أو مشتوم، رغم انني اتعاطف مع الشاتم قبل الذي وقعت عليه الشتيمة نسبةً لأنّ الشتيمة في إعتقادي تخصم كثير من رصيد الشخص . أخي، أعلم ان صمتي رفض، وفي حالة سب الله ورسوله صمتي ليس خوف بل إمتثال لأمر الله الذي امرنا بعدم سب الحجارة حتي لا يؤدي ذلك لسب الله، ففي هذه الأسافير إذا سب أحدهم الله وتماديت معه فسوف يتمادى في السب، هنا لآفي ظابط لا رآبط، وحتي إذا أسديت النُصح قد يقع السب عليك وعلي أهلك الما معروفين فوق ظاهر الأرض أم في باطنها . أرجو ان يُفهم كلآمي في صيغة العموم . يا حافظ ببساطة شديدة جداً لو قلت لزول كلآمك دا أعوج ممكن يجيك وآحد إنشتم في ارشيف 2009 يقولك إنت ما وقفت معاي لآمن شتموني !، فياخي عليك الله اعفيني انا ممكن يشتموني في رقبتي دي واغض الطرف لأني إذا رديت أو نصحت قيامتي تقوم في محلها وزيادة علي ذلك أكون مرصود لآمن أفارق الموقع دا لقبري حتي تغمض عنّي عين الرقيب، دحين ياخوي عليك الله أعفاني، ؤُ زي ما قال المستنير كلو شاةً معلقة من عصبتا . إذا إضطريت لتوجيه زميل أو زميلة بضرب تلفون أو بمشي الخاص . دا سبب عدم دخولي في مثل هذه المطبات، دحين عليك الله اعذرني . المسألة بالنسبة لي رأي ورأي آخر، والمشترك بين الجميع مصلحة الوطن، إذا ترك أحد الأطراف رأيه وتحول ليقتص لنفسه سقط الرأي، وإنهدّ صرح النقاش .
سؤالك الإستنكاري يا حافظ يعني لي، إنني لا أستحق ان يخطرني منصور بسفره، بس انا شايف طبيعي جداً ناس بيعرفو بعض لمدة تعدت الـ20 سنة إذا وآحد سافر دون يخطر التاني التاني يعاتبو واظنك تتفق معي في ذلك، لكنك حكمت علي بأنني خُنت المِلِح والمُلآح لذلك لا أستحق ان يعشمني منصور، وانا أوضحت لك سبب عدم دخولي في موضوع شتيمة في هذا الصرح . إن لم تقتنع بموقفي ؤُشايف انني خُنت المِلِح والمُلآح، فأنا ما لآيمك في رأيك في شخصي، ولك مني كامل المودة والإحترام ...
دا كلآمي يا عاطف، وانا والله ما شايف فيهو لجلجة !...
Quote: من ذهب للحوار فقد كانت تلك قناعتهم وكان ذلك رأيهم وحسب كلامك الحالي ( السليم جداً ) كان يجب أن ننتظر عودتهم ثم نناقشهم نقاشاً يحترم حقهم في التفكير وحقهم في إختيار من يسرون إليه بخطواتهم القادمة لا أن نفتح بوستات إغتيال الشخصية في غيابهم أو أثناء إنشغالهم ﴿ يَا أَيُّهَا الَّذِينَ آَمَنُوا لِمَ تَقُولُونَ مَا لَا تَفْعَلُونَ (2) كَبُرَ مَقْتًا عِنْدَ اللَّهِ أَنْ تَقُولُوا مَا لَا تَفْعَلُونَ ﴾.
Quote: خط هذا البوست هو الخط السليم الذي يجب على الجميع ممارسته سلوكاً لكنك مطالب ( من وجهة نظري ) وقبل أن تمضي فيه أن تزيل الضرر الذي أحدثته بسبب البوست الذي أنشأته في حق منصور المفتاح ( صديقك ) و ( أخوك في تلاوة آى الذكر الحكيم ) و ( شريكك في زيت ودقيق اللقيمات )
برضو مطالبة متأخرة مدتا منتهية، ورآبط البوست مرفق هنا لمن اراد المراجعة . اشاركك الرأي في خط البوست واتمني ان يلتزم الجميع به ...
شكراً سودانيزاونلآين، شكراً بكري ابو بكر، اشكر جميع الأعضاء من الجنسين، اشكر جميع القراء والذين سوف انضم إلي ركبهم الميمون . كامل مودتي للجميع واتمنى ان ألتقيكم في هذه الدنيا الزايلة، وأطلب العفو من ايّ شخص جرحته ولو بحرف .
لا يامعاوية ياخي خلي صدرك واسع كلام عاطف فعلا يحرق وكان ممكن يقولوا في البوست المعني طالما زول محروق للدرجة دي ان شاء الله البورد كله يزعل بس انت ما تغادر ... لا بتشتم ولابتسيء ولا بتتداخل في بوستات العك ياعاطف لو حرمتنا من زول زي معاوية تكون هدمت ركن عزيز علينا
Quote: لا يامعاوية ياخي خلي صدرك واسع كلام عاطف فعلا يحرق وكان ممكن يقولوا في البوست المعني طالما زول محروق للدرجة دي ان شاء الله البورد كله يزعل بس انت ما تغادر ... لا بتشتم ولابتسيء ولا بتتداخل في بوستات العك ياعاطف لو حرمتنا من زول زي معاوية تكون هدمت ركن عزيز علينا
انت يا معاوية يعني زعلت من كلام صاحبي عاطف عمر ...
عاطف في رقبتو كان غالطتوا في رأيو بمرق ليك من جوة ...
فما تدقق ... اضحك و انت ماشي ... عاطف قلبه ابيض ... بس حُمقي مرات ... حماقة ( العجايز ) ههههه الببقو زهجانين من أي شي ...
بعدين انت الحساسية الشديدة دي شنو كمان ؟ كبرت شكلك يا صديقي ....
أخوي معاويه، شفت أنا في الدنيا دي نقطة ضعفي التعامل مع زول حساس ودواخله نضيفه زيك كده، كدي خليني النديك سر بس ما يقوم يسمعوه ناس دينق ويدقونا طار، ما تشوفني كده عامل ليكم فيها ضكر بط ، أنا آخر الليل ومرات بكون شغال بمشي أنزوي لي في ركن قصي وأقعد أجعر زي الطفل لأني بكون حسيت إنه جرحت لي زول ولا زعلتو.
غريبة ...
مع انو ما في سابق معرفة بيناتنا ... انت كتبت في حقي كلام ما اعتقد انو مطابق لما وصفت به نفسك هنا يا حافظ ...
تتذكر ولا نسيت ؟
عموما ... انا تجاهلت ذلك التعليق و اعتبرتك زول سفيه ساكت لما تشتم زول في عمر ابوك و عمك و انت ما بتعرفه أساسا ...و انا أصلا بترفع عن المهاترات خصوصا الما عندها اساس
لكن جيت قريت ردك ده و حقيقة استغربت ... و قلت اكيد الرجل جواهو حاجة كويسة ... فيا ريت بمناسبة بوست معاوية ده توريني ليه داك كان وش و هنا في وش تاني . و ياتو فيهم الأصلي ...
Post: #52 Title: Re: لماذا نترك مُقارعة الحِجة بالحِجة والرأي Author: كمال عباس Date: 02-27-2016, 06:10 PM Parent: #48
تحياتي أخ معاوية المدير - مبدئيا لاخلاف في ضرورة التمييز والتفريق بين الفكرة وصاحب الفكرة ، إحترام شخص صاحب ـ الفكرة ـ وكفالة حقه في التعبير عن رؤيته ـ والترويج لهاـ مع كامل حقك في نقد فكرتهوالإختلاف معها وتفنيدها * ولكن ... ولكن يصبح الأمر أكثر تعقيدا ـ وتداخلا ـ إذا كانت القضية تتعلق ـ بالموقف السياسيـ الموقف وصاحب الموقف * فمن يمارس ـ الإقصاء والشمولية وإصدار القوانين المقيد للحريات ـ فمن يمارس ـ ذلك أو يؤيده هو صاحب موقف ــ والإنتهازية والتملق السياسي ـ هو أيضا موقف له صاحبه !* ومن شارك الإنقاذ أو إنحاز لمؤسساتها أوحواراتها هو صاحب موقف وخيار سياسي ـ له حق الإختيار وتبني الموقف ــ وعليه تحمل تبعات خياره ودفع فواتير الإختلاف معه كاملة وتقبل النقد- فلاحصانة لأحد من النقد ولاقدسية لموقف ــ أو صاحب موقف ـ! الصرامة الفكرية تقتضي مواجهة صاحب الموقف السياسي ومحاكمته فكريا والحكم عليه سياسيا ـ بلامجاملة أوربت عليالأكتف ــ وذلك من دون تخوين غير مُحق ــ أو التغول علي خصوصياته ـ ماعدا ذلك يصبح عُرضة للنقد والإختلاف ـ ـ ولا يعني هذا أننا نترصد صاحب الموقف أو نسعي لحرقه ـ النقد والإختلاف ـ هنا ـ حق أصيل ومشروع ـ وعلي كل صاحب موقف تحمل موقفه والدفاع عنه من دون أن يتوقع أن نضفي عليه حصانة وقداسة تحميه من المواجهة والصراع الفكري والسياسي ...........
Quote: أين كان سؤالك هذا وأنت تترك ( تترك مُقارعة الحِجة بالحِجة والرأي بالرأي ) و ( تكنكش ) في رقبة منصور المفتاح ؟؟ أنشأت له بوست يعد النموذج الأكمل في ( كيفية إغتيال شخصية ) المختلف سياسياً بوست تداعت له الأمم والخلوق ولم يتركوا شتيمة إلا ألصقوها بالرجل
ملعون أبو السياسة ياخ لو كانت كدا
التحايا والاحترام يا هندسة عارف الحاجة الغريبة البوست المعني انا كانت قراءتي له مختلفة عن البعض واعتبرتو نوع من انواع العتاب بين الاصدقاء ليس الا وان تغلف بسلفان الدعابة وخفة الدم وما عابه الا نشره علي الملأ وحينها حاول البعض الاصطياد في ماء ظنوه عكرا للوقيعة بين الصديقين والشهادة لله قام الأخ معاوية بردعهم في حينها دون لجلجة او تردد كان ذلك حين حاول البعض لشئ في نفس يعقوب طعن المنصور من جانب معاوية المامون تماما حسب معرفتي بهما وكان رد معاوية واضحا جليا لا لبس فيه انو عشرتو مع المنصور امتدت لعشرات السنين وانه ليس بعاطل وليس بكذا وكذا ويعرفه كباطن يده وهيهات ان يغيرو شئ من قناعاته عن صديقه الصدوق
بس بيني وبينك يا باش مهندس صعب جدا السيطرة علي كم المداخلات الهائل واصحاب الغرض في ذلك الحين والواضح جدا سعيهم الحثيث لاستغلال هذه الكوة التي تفتحت لهم عل سعيهم يصيب
وهيهات ولو اخونا معاوية حاول يرد علي كل واحد منهم علي حدي ما كنا خلصنا ولا هو نجي
اعيد واكرر وشهادة لله والتاريخ اشارة معاوية بعدم النيل من صاحبة من هذا الباب كانت واضحة وضوح الشمس في كبد السماء .. بالنسبة لشخصي الضعيف علي اقل تقدير
في المجمل مداخلتك اعلاه بها كم هايل من النقاط الإيجابية التي تستحق الرد والنقاش حولها
مع توافقي التام معك ان ملعون ابو السياسة وملعون ملعون ملعون
Quote: شكراً سودانيزاونلآين، شكراً بكري ابو بكر، اشكر جميع الأعضاء من الجنسين، اشكر جميع القراء والذين سوف انضم إلي ركبهم الميمون . كامل مودتي للجميع واتمنى ان ألتقيكم في هذه الدنيا الزايلة، وأطلب العفو من ايّ شخص جرحته ولو بحرف .
السلآم عليكم ورحة الله ...
ها زول هااا انت بيصحك
علي الحلف تنفذ حديثك دا ونضميك دا كان اشيل بقجي وعدالي واجي اقعد لك في عتبت البيت محلة السفة دااااك ويا غرق يا جيت احزمة
ياخ علي الحلف بلاك خراب ينعق فيها البوم وبلاك ما ندق لينا فيها حرف ولا نقراهو زاتو
وياخي لو عندي عندك خاطر تبطل العوارة الدار تطلع لينا فيها دي لانها ببساطة وحات الخلقني وخلقك ماها شبهك ولاها توبك ولاها متلك
وكان لي كلام اخونا عاطف دا اقسم بالله يتعشم فيني عشر عشمو فيك دا الا اتحور ليهو وابرك حدا مصلاتو من حدا ما ازح ولا اتحرك وكلامو بالمناسبة ما مرق من جنس عشمك في منصور ولومك ليهو
انت قايل يا صديقي غيرك وعاطف وقباني وود الزبير وغيرهم مما لايسع المجال لذكرهم ببساطة الناس السمحين الفي الموقع دا المصبرنا علي جنس الهم دا شو
العزيز عاطف ... سلامات ياخ واحدة من مشاكل هذا المنبر ان تفتح بوستا جادا فقد احترف بعض الزملاء ترك المادة و الامساك بتلابيب صاحب المادة او احد زوّاره و حكاية صاحب البوست يحمى زواره دى صعبة شديد خاصة من متهجم لا يملك غير تلك اللغة البائسة و فى البوست المعنى الناس اضامنت معاك بما فيهم صاحب البوست و اكبروا ترفعك عن ساقط القول فى رد الاساءة و افتكر ده شهادة ما هينة فى حقّك و ما بين ود المدير و المفتاح عشرة عمر لا نعلم اين حدودها و اظنها تحتمل موده العتاب بينهما .. و ان جاء فاسق و اساء لهذه اللغة و حمّلها ما لا تحتمل ... أين خطأ ابن المدير هنا و ما بين منصور و شاتمه مشوار طويل من الاساءات
Quote: نت قايل بكري أوجد خاصية الإستيكة لنمسح بها الشتائم التي تخصنا فقط ؟؟ لا صاحب أمسح الإساءات التي يتعرض لها ضيوفي دون تردد وأنظر في أمر الإساءات التي أتعرض لها شخصياً أأمسحها أم أتركها ؟؟ هكذا كان العشم فيك
و رغم انو دى قناعتك و من حقك .. غيرك يرى ان اى اساءة يجب ان تكون محفوظة شاهدة على صاحبها الذى فقد المنطق و عشان الناس البتقرا تعرف مستوى الشاتم و ضحالة اسلوبه و ده فى حد ذاتو عقوبة له لو كان يعلم كان رأيى بكون من رأيك لو صدرت الشتيمة من شخص يستحق الرد عليه ومستغرب صدورها منه لكنها صدرت من ناس منعوووودة دااااااايمن و أنت أعرف منى بعدم جدوى النفخ فى قربة مقدودة و كمان اسمح لى اقول ليك انو مداخلتك دى اكبر دليل على انو شاتمك و شاتم منصور قد نجح فى مسعاهو و ساقك للحتة ال هو دايرا ... حالة قرف ... فيا ريت ما تستلم للحالة دى و تحقق مرادم فى ابتعادك عن الكتابة ___ لك الحق كل الحق فى توجيه اللوم لى ود المدير لكن كمان ما بالقسوة دى و تحمّلو تساهل الادارة و عجز اللائحة ___ ود المدير انا لا اقرأ مداخلة اخونا عاطف الا من باب الاخوّة و المحبة و كونك تعملا سبب عشان تغادر المنبر و تودع الناس يبقى ظلمتو كتير و ظلمتا ناس تانين يكنّون لكما المودة و كمان ادخلتا البهجة و السرور للذين فى قلوبهم مرض عموما تحياتى ليكم الاتنين و اتمناكم متحاضنين اسفيريا و دموعكم جاريات
الأخ قباني والله بعد ما كتبت ليك مداخله طويله غيّرت رأيي في نشرها لأني حسيت إنها حتشتت البوست وحتفسد الغرض المن أجله كتبت ما كتبت للأخ معاويه. على العموم الوشوش الأصليه بعرفوها بالمواقف والجعير القصدته ده ما قاعد يخليني أنصرف من قول الحق، يعني ما تستبعد بعد الكلام القلناه ليك أكون أخدت لي جعيره لكن خلينا الكلام في محله لينبهك لشئ ما. رغم كل ذلك مابتذكر قلت ليك شنو والله، هسي لو سألتك ممكن توريني مداخلتك دي القصد منها شنو؟ *عايز تعرف وجهي الحقيقي؟ *إنك عايز تاخد حقك وترد شتيمتك؟ بما إنه مداخلتي الكتبتها لمعاويه بإعترافك إنت بتعكس عن حسن نيه من جانبي والغرض منها خير و تصفية نفوس أخوان، فمداخلتك كانت بمثابة وأد للمحاوله دي وإحتمال زي حركاتك دي ما قادنا لنقدك في السابق. أنا عندي ملاحظات كثيره حولك فإختار الوجه المناسب معاك وبنوصل ليك رأينا.
يا حافظ رحم الله امرئ عرف قدر نفسه ...
انا لا داير اخد حق ولا باطل ...
انت اسأتني بدون وجه حق و انا تجاهلت تلك الإساءة ...
العملية ببساطة ... انت بتعرف عني شنو حتى تدي نفسك الحق في انك توجه لي إساءة ؟
من شكل الفيس بوك يبدو انك شاب صغير لانه ما شاء الله طفلك او اطفالك صغار ...
و انا يا عزيزي في النصف التاني من الخمسينات ...
عموما ما حاجيب الإساءة هنا ... بس حبيت انبهك انو الكتابة مسئولية ... و لاني شعرت انك زول كويس ...
و انا ما بختار لك الوجه المناسب ... انت خليك بوجه واحد ثابت ...
هناك دورة جديدة للمنبر آخذة في التشكل ... ولهذا المنبر دورات حياة متعددة كما يبدو..
عندما اتينا لهذا المنبر كان له نجومه وكتابه الدارجين .. أسماء كثيرة تعبرني الآن .. لو تحريتها الآن لما وجدتها ..
لا أعلم لماذا ولكن .. يبدو ان ارتباط الناس بالمنبر من ارتباطهم بمواضيعه وشخوصه .. ولقد اختلفت مواضيع المنبر واختلف شخوصه اختلافا كبيرا في الفترة الاخيرة ..
شخصيا لم أعد حرا في التعبير عن آرائي .. ليس من احد ليفرض عليك شيئا ولكن .. الكثير من محاذير الكتابة والغامها المزروعة على صفحات المنبر وتلك الالغام الارضية من نافذة الفيس بوك ..
دورة الفعل وردوده بين معاوية وعاطف عمر في جوهرها الكثير من المودة والاحترام .. الا أن الاجواء المحيطة ملغومة جدا .. كما تفاصيل هذا المنبر .. كما تفاصيل الغربة .. كما تفاصيل الوطن.
يامعاوية انا حذفت بوست عملته ساعة زعل من عاطف في شان حردتك دي عليك الله اجبر بخاطر الاحبة الفوق ديل وغيرهم من ناس الفيس بوك وتعال اقدل كما عهدناك
Post: #58 Title: Re: لماذا نترك مُقارعة الحِجة بالحِجة والرأي Author: حسن حماد محمد Date: 02-27-2016, 09:24 PM Parent: #1
Quote: وعليه تحمل تبعات خياره ودفع فواتير الإختلاف معه كاملة وتقبل النقد- فلاحصانة لأحد من النقد ولاقدسية لموقف ــ أو صاحب موقف ـ! الصرامة الفكرية تقتضي مواجهة صاحب الموقف السياسي ومحاكمته فكريا والحكم عليه سياسيا ـ بلامجاملة أوربت عليالأكتف ــ وذلك من دون تخوين غير مُحق ــ أو التغول علي خصوصياته ـ ماعدا ذلك يصبح عُرضة للنقد والإختلاف ـ ـ ولا يعني هذا أننا نترصد صاحب الموقف أو نسعي لحرقه ـ النقد والإختلاف ـ
الأخ معاوية والأخ كمال وعاطف وجميع المتداخلين سلامات
فى اعتقادى أن هذا البوست أهم بوست فى الفترة الحالية
ويمكن اذا ادرنا هذا الحوار بنفس الروح السائدة فيه أن نرتقى بالمنبر
ونخرج بنتيجة تجعلنا نسمو لمستوى التحدى الذى يواجهنا كسودانيين فى التعاطى مع قضايا بلدنا
ومحاولة خروج معاوية وبلا شك غير مقبولة
قلم مثل قلم معاوية لابد أن يستمر ( رغم انى برضو كنت حامل عليهو لما حاول يشيل منى المنفاخ )
ولكن فعلاً اسلوب اغتيال الاشخاص والترويج للاكاذيب ومحاولة التخوين والتجريم قد تفقد البورد هدفه وتفرغه من المضمون وتنفر البعض منه
كثيراً ما يوصف البورد بأوصاف لا نرضاها ولا نوافق عليها ، ولكن أذا نظرنا فى طريقة حواراتنا أحياناً ربما نجد العذر لتلك الفكرة
الغير سليمة عن المنبر ....
ومن أكبر الأخطاء التى نقع فيها كموالين ومعارضين وبين بين واناس لا ينتمون لهذا أو ذاك هو أسلوب أنصر أخاك ظالماً أو مظلوماً
مجرد أن يكتب أى من الطرفين يتداعى البعض فى شكل كتيبة همها الردم والانحراف ومحاولة التقليل من الشخص المعنى دون مراعاة
للبحث عن الحقيقة والأبتعاد عن الأنسياق الأعمى وراء التهم والافتراءات ...
Quote: حافظ الإمام محي الدين Calgary, Alberta نقطه أخيره لابد من توضيحها، لم أشارك في هذا البوست لإرسال أي ألغام من أسفل الصفحه أو كإصطفاف مع الأخ عاطف عمر أو أي أحد آخر، عاطف عمر كما تعلمون أفصح مني ورجل صاحب حجه ولكن لأن إسمي ورد في المداخله وحاولت أن أوضح لمعاويه ما دعاني لعتابه سابقاً وحاولت أن أُلطِف الجو وأن أُثنيه عن قراره مغادرة المنبر ولكن أخونا يحيى أبى إلا وأن يُبين للناس وجوهنا المتعدده متناسيناً أن الوجه الذي أبرزناه كان وجه خيرالمراد منه تصفية النفوس بين شخصين أكن لهم كثير من الإحترام. مازلت عند قراري عدم المشاركه في أي بوست آخر مالم يعود معاويه المدير للكتابه ونطلب منه السماح وكذلك بالمره نطلب العفو من عاطف عمر الذي ظل يدفع ضريبة إعجابنا بكتاباته. سوف تكون مشاركاتي هنا فقط للردود علي الأخوان. ربما يعتقد البعض أن قراري بعدم الكتابه لا معني له ولا يمثل أي أهميه لأنه أساساً مافيش حد قاعد يقرأ لنا ولكنه بالنسبه لي يمثل تحدٍ عظيم لإثبات أن وجهنا واحد خالٍ من أي مساحيق تجميل وكذلك عدم المشاركه سوف تحرمنا من ما جئنا من أجله وهو كشف وجوه آخرين إعتادوا علي النفاق وتأذي منهم خلق كثير فسوف نتابع من غير تعليق وياله من عقاب. أعجبني · رد · التحديد كبريد إلكتروني غير هام أو احتيال · 2 ساعة
Facebook Comments Plugin
اخينا حافظ
تحدثت طويلا مع الصديق معاوية اليوم و سنراه اليوم ان شاء الله
اما الاخ يحى ( تطير عيشتو ) الذي أراد ان يظهر وجه اخر لك !!
و انتي ياخي ما تخليك بوجه واحد
و على فكرة عادي جدا انك تكون عندك رأي فيني و اي تحفظات لكن ده ما بديك الحق ان تسئ لي
ربي اغفر لي ذنبي واسرافي في امري وما انت اعلم به مني واشرح لي صدري .
والله إني ادخل علي حضرتكم مطئطي رأسي طالباً منكم ان تسامحوني قبل كل شئ . بقدر ما انا سعيد بمعرفة رجال امثالكم، والله إني لا ارضى ابداً ان يحدث خصام بين إتنين بسببي، حيدر وعاطف، قباني وحافظ عليكم الله لا تشيلوني هم انا ما قدروا ؤُ زي ما بيقولوا أهلنا، باركوها خلوها التتبارك .
لكم مني الشكر اجزله، وأخص بالشكر الأخ صامت الصامت، وهذه آخر مرّة أخصك فيها بشئ أخي صامت خلآس بعد دا إنت بقيت سيد بيت، يعني البُكان دا بُكانك .
اكرر شكري، واسفي إن كنت صرفتكم عن بعض إهتماماتكم ...
Quote: لا يامعاوية ياخي خلي صدرك واسع كلام عاطف فعلا يحرق وكان ممكن يقولوا في البوست المعني طالما زول محروق للدرجة دي ان شاء الله البورد كله يزعل بس انت ما تغادر ... لا بتشتم ولابتسيء ولا بتتداخل في بوستات العك ياعاطف لو حرمتنا من زول زي معاوية تكون هدمت ركن عزيز علينا
يا حنين ياخي بارك الله فيك وأنت تسعى للربط بين الناس، وتحرص علي وجودنا بينكم، اتمني ان نلتقي علي اديم وطن يسع الجميع، وطن مُعافى من كل شر وبلاء سكك حديده يظبطو عليها الساعة كما كان بل أفضل ...
Quote: انت يا معاوية يعني زعلت من كلام صاحبي عاطف عمر ... عاطف في رقبتو كان غالطتوا في رأيو بمرق ليك من جوة ... فما تدقق ... اضحك و انت ماشي ... عاطف قلبه ابيض ... بس حُمقي مرات ... حماقة ( العجايز ) ههههه الببقو زهجانين من أي شي ... بعدين انت الحساسية الشديدة دي شنو كمان ؟ كبرت شكلك يا صديقي ....
قباني يا صديقي السمح بالحيل،
ألف شكر ليك علي المحادثة، ؤُ زي ما قلت ليك البركة في صاحبك عاطف الذي اتاح لنا الفرصة ان نتحادث ونتفاكر، وانا ما زعلآن مِنّو بس حسيت بأنو مسألة تبدي رايك في الجو الخانق دا حكاية صعبة شديد، وانا في نظري مسألة الأراء ومناقشتها هو الشئ المثمر، ومسألة المشاحنات والتدخُل في الخصوصيات ما هي إلا إهدار للوقت . بتسعلني كِبرت، إنت قايلني ود الليلة ؟، يا قباني انا ماني سغيّر لكن وكِت زول يطرا لي الكُبُر بتلبّش ...
ربي اغفر لي ذنبي واسرافي في امري وما انت اعلم به مني واشرح لي صدري .
والله إني ادخل علي حضرتكم مطئطي رأسي طالباً منكم ان تسامحوني قبل كل شئ . بقدر ما انا سعيد بمعرفة رجال امثالكم، والله إني لا ارضى ابداً ان يحدث خصام بين إتنين بسببي، حيدر وعاطف، قباني وحافظ عليكم الله لا تشيلوني هم انا ما قدروا ؤُ زي ما بيقولوا أهلنا، باركوها خلوها التتبارك .
لكم مني الشكر اجزله، وأخص بالشكر الأخ صامت الصامت، وهذه آخر مرّة أخصك فيها بشئ أخي صامت خلآس بعد دا إنت بقيت سيد بيت، يعني البُكان دا بُكانك .
اكرر شكري، واسفي إن كنت صرفتكم عن بعض إهتماماتكم ...
ودالمدير العودو احمد
المتلك انت صعب تعتزل الكتابه هنا لانك اصبحت جزء من تضاريس هذا المكان انت رقم صعب التجاوز كن بخير
يا سلام ياخ تعرف اجمل لقطة في الفلم دا في الفيس بوك , حزن حافظ الامام و صامت على حردك يا ود المدير لدرجة التوقف عن الكتابة عديل في نص المشهد التراجيدي دا يظهر جادات برابط يتحدث عن تلميع الغواصات ههههههه اتذكرت عوير الفلم طوالي
لكن مشتاقين ليه بي عوارته دي برضك :)
Post: #66 Title: Re: لماذا نترك مُقارعة الحِجة بالحِجة والرأي Author: محمد على طه الملك Date: 02-28-2016, 02:56 PM Parent: #65
كدي باللوال شيل الشيطان الزرعتو في وسط البوست .. غايتو انت الله بريدك .. أمبارح بالليل شفت بوستيك ده ؤ شالتني مغسه كتبت كلام كتير بستفتك فيهو تمااام .. بس لقيت الوكت اتأخر قلت خلاص أجدعو الصباح .. أكان لقيتك سبقتني ؤ دي المحرية فيك .. كتبتلك فيهو .. لقيتك تامبيرا يا ود المدير .. معقول .. عاطف ينتقدك من عشم متمل ما نقدت المنصور صاحبك من عشم .. تقوم تنفض جلابيتك في وشينا ؤ تمرق تخلينا مقهيين ؟ ده كلام شنو ده ؟ بس الحمد لله ما خيبت ظني فيك.. في اللاخرقتلك حردتك دي المستفيد الوحيد منها معاوية الزبير .. طبعا هو ما بفهمني غلت.. الله يديكم العافية ويديم الود بين الناس.
حمدا لله بشوفتك بلاك خربانة قالوا ما عزم رسول الله (ص) علي امر ورأي افضل منه إلا فعل الافضل وتصدق ف كدة اتصدق لينا بي بوست بهيج اصلها الايامات دي قافلة معانا
Quote: الصرامة الفكرية تقتضي مواجهة صاحب الموقف السياسي ومحاكمته فكريا والحكم عليه سياسيا ـ بلامجاملة أوربت عليالأكتف ــ وذلك من دون تخوين غير مُحق ــ أو التغول علي خصوصياته ـ ماعدا ذلك يصبح عُرضة للنقد والإختلاف ـ ـ ولا يعني هذا أننا نترصد صاحب الموقف أو نسعي لحرقه ـ النقد والإختلاف ـ هنا ـ حق أصيل ومشروع ـ وعلي كل صاحب موقف تحمل موقفه والدفاع عنه من دون أن يتوقع أن نضفي عليه حصانة وقداسة تحميه من المواجهة والصراع الفكري والسياسي ...........
شكراً أخي كمال عباس، وأضيف إلي ذلك بخصوص ما يدور في هذا المكان الذين يطاردون بعضهم البعض بالشتائم لا تعنيني شتاءمهم في شئ ولن ألتفت إليها ولا اشجعها بل اكرهها واتمنى ان يقلع الجميع عنها، وأنا لستُ ملزم بطرد شخص يأتي لشتم آخر في احد بوستاتي لأنّ هذا الأمر اصبح ديدن البعض وبالمقابل لن ادافع عن شخص يتعرض للشتم في بوستاتي إن كان هذا الشخص درج علي المطاردات والشتم . الإلتفات والإنصراف لمحاولة إسكات الشتائم يإد موضوع البوست ...
Quote: شخصيا لم أعد حرا في التعبير عن آرائي .. ليس من احد ليفرض عليك شيئا ولكن .. الكثير من محاذير الكتابة والغامها المزروعة على صفحات المنبر وتلك الالغام الارضية من نافذة الفيس بوك ..
دورة الفعل وردوده بين معاوية وعاطف عمر في جوهرها الكثير من المودة والاحترام .. الا أن الاجواء المحيطة ملغومة جدا .. كما تفاصيل هذا المنبر .. كما تفاصيل الغربة .. كما تفاصيل الوطن.
يديك العافية يا قريبي، إنت نظرت للأمر من نفس النافذة التي انظر منها انا .
ليك علي كان لميّت فيك في السودان امِسكك من إيدك والحجل في الرِجِل نروح الباوقة اللذيذ تُفاحا ...