محمد والله إنت مكانك فــوق كدي قدم أوراقك لي بكري إن شاء الله ما يخذلك ...
----------------------------------
Mohammed Eltaze
السلام عليكم
شكرا منتصر لي رفع التعليق بحاول اني اخفف من السخريه و التريقة شويه لكن مابقدر اوعدك لعدة أسباب أولها انو الموضوع هو دجل
بي إسم الله و الدين و التاني انو اخير منو البنقو و الحشيش ده تغييب لي امم لي شعب كامل والغريبه انو هي مأموره بالقرايه
نواصل شويه كده مع القران في كم ايه حبيت اني برضوا اوضح فهمها بعد داك نجي لي السنة النبويه وكالعادة لمن يتكلم الله عز وجل
الكل يسكت ياترد بي ايه قرانيه او تحتفظ بالمعلومه لحين نخش في الحديث الشريف
قال الله عز وجل - قَالَ الشَّيْطَانُ لَمَّا قُضِيَ الْأَمْرُ إِنَّ اللَّهَ وَعَدَكُمْ وَعْدَ الْحَقِّ وَوَعَدتُّكُمْ فَأَخْلَفْتُكُمْ ۖ وَمَا كَانَ لِيَ عَلَيْكُم مِّن سُلْطَانٍ إِلَّا أَن دَعَوْتُكُمْ
فَاسْتَجَبْتُمْ لِي ۖ فَلَا تَلُومُونِي وَلُومُوا أَنفُسَكُم ۖ مَّا أَنَا بِمُصْرِخِكُمْ وَمَا أَنتُم بِمُصْرِخِيَّ ۖ إِنِّي كَفَرْتُ بِمَا أَشْرَكْتُمُونِ مِن قَبْلُ ۗ إِنَّ الظَّالِمِينَ لَهُمْ عَذَابٌ
أَلِيمٌ - بيقولو ناس القانون الإعتراف سيد الأدله وسيد البراهين البيقول ده الشيطان هو نفسه و الناقل الله عز وجل ومن أصدق من الله حديثا
وقولا بي قول الشيطان ماكان لي عليكم من سلطان إلا ان دعوتكم فاستجبتم لي يعني انا ماعندي كان عليكم اي شي غير اني بس قولته ليكم
تعالو بس لكن في حته تاني وهي اجمل من كده انو الشيطان بيكفر بي الإحنا اشركناه بالله فيهو ودي المعلومة المهمه انو احنا اشركنا الشيطان
مع الله وخلينا لي الشيطان حق في حاجات شرك -ماعبادة القبور ياقبورييين - ده الشرك
نجي نشوف ايه تاني
قال عز وجل - قَالَ أَرَأَيْتَكَ هَٰذَا الَّذِي كَرَّمْتَ عَلَيَّ لَئِنْ أَخَّرْتَنِ إِلَىٰ يَوْمِ الْقِيَامَةِ لَأَحْتَنِكَنَّ ذُرِّيَّتَهُ إِلَّا قَلِيلًا (62) قَالَ اذْهَبْ فَمَن تَبِعَكَ مِنْهُمْ فَإِنَّ جَهَنَّمَ
جَزَاؤُكُمْ جَزَاءً مَّوْفُورًا (63) وَاسْتَفْزِزْ مَنِ اسْتَطَعْتَ مِنْهُم بِصَوْتِكَ وَأَجْلِبْ عَلَيْهِم بِخَيْلِكَ وَرَجِلِكَ وَشَارِكْهُمْ فِي الْأَمْوَالِ وَالْأَوْلَادِ وَعِدْهُمْ ۚ وَمَا يَعِدُهُمُ
الشَّيْطَانُ إِلَّا غُرُورًا (64) إِنَّ عِبَادِي لَيْسَ لَكَ عَلَيْهِمْ سُلْطَانٌ ۚ وَكَفَىٰ بِرَبِّكَ وَكِيلًا (65)-
دي برضو من الأيات البيستدلو بيها ولكن للأسف إستدلالهم برضوا غلط وفي الغلط غلط كبيييير القران قمة في البلاغة العربية ما ساكت نمسك
كلمه عشان نفك بيها الإرتباط بعد داك نمشي لي قدام شويه شويه بتفهم الأيات دي يعني شنو الكلمة هنا هي الإحتناك القاله ابليس لأحتنكن ذريته
اول حاجه استثني ادم لي لأن ادم من العباد المخلصين دي أو حاجه طيب نجي نشوف الإحتناك دي في لغة العرب يعني شنو حْتَنَك الفرس :. جعل
في حنكه الأَسفل حَبْلاً يقودُه به .أصلها لو جيت عن العرب الأقحاح حتلقي انو بتسخدموها مع الفرس أو الحصان أو الدواب لكن اي زول بتاع فروسيه
عشان كده ضربت مثلا بالحصان بيفهم كلامي الحصان ما بيأمر بانو يمشي الحصان بيوجه توجيه بتوحي ليهو باللجام يمين وشمال ده اللجام ده هو
التحنيك وهو البخليك يوحي ليك انك تمشي يمين وشمال لكن ما بيأمرك نجي نشوف الدليل علي الفهم ده شنو هي كلمة تانيه واستفزز من استطعت
منهم يعني شنو يعني هيجهم وخليهم هايجين وفي حاله صعبه ده دليل علي انو الموضوع بي يدك انت و انت الخليت نسفك هايج ما الشيطان لكن
استغل ظروفك وجهلك فبقيت صوت الشيطان البيدعو بيهو وبقيت رجلو وخيل الشيطان وشاركهم زين ليهم الحرام في الأموال و الأولاد - في كم
ولد حرام في البلد دي بس وتربية شوارع ديل ما شاركهم الشيطان في زريتهم دي وله لأ - عاوز تتأكد من الكلام ده شوف القران عشان تفهم كلمة
عبادي دي ولي الشيطان بيشارك في الأولاد و الأموال وكيف المشاركه بتلقاها واااااضحه في القران - الناس عملوها عرس واييييييييييييييييك
وجوطه وحفله رابه غايتو استحمل شويه -
قال عز وجل - فبما أغويتني لأقعدن لهم صراطك المستقيم (16) ثم لآتينهم من بين أيديهم ومن خلفهم وعن أيمانهم وعن شمائلهم ولا تجد أكثرهم شاكرين
- الشيطان هنا بيقسم لله عز وجل لكن القسم ده ما بالله لأ القسم هنا بي السبب الأغوي بيهو ربنا عز وجل إبليس و في الحقيقه الأغوي إبليس بيهو نفسو
وهنا بيظهر حاجه الناس مامنتبهه ليها لي ربنا قال لي ابليس اسجد لي ادم ماقال ليهو تسجد لي جبريل مثلا - ده امتحان لي الشيطان وتعليم لينا احنا
انك بتعبد الله كما اراد هو ما علي كيفك انت يعني لمن يقول ليك حاجه تسمع ماتقول لأ ما بنفع وفي موضوع تاني ممكن اوريك مابنفع دي بنقول
كتييييييييييير وكيف بنقوله - الإغواء الحصل حصل من نفس أبليس نتيجة التكبر فالشيطان بيقسم بالتكبر وبسم لله عز وجل انو يحقعد لينا في الصراط
المستقيييييم والغريبه انو هو بيشرح بي نفسو هو حيعمل شنو ثم لاتجد اكثرهم شاكرين ودي المصيبه انو احنا بقين غير شاكرين لله عز وجل
اما الشكرهو شنو ده داير موضوع كبيييير براهو
ملحوظات اول حاجه الموضوع متشعب لازم يتواصل بي موضوعات تانيه في القران الكريم انو القران جملة واحده لازم تفهمو براحه براحه
انو يامنتصر عاوزين نفتح بوست تاني بي موضوعات ليها علاقه زي موضوع عام عن القران الكريم
الايتين الاخيرتين عاوزين لسه شغل عشان تعرف يعني شنو شكر الله ولي ابليس او الشيطان قال كده
محمد التازي