يا راجل انتو قاعدين تشتروا الناس بي فكركم يعني ما بطونن زي ما انتو شغالين مع الانقاذ بي كروشكم جاوب على الاسئلة يا بق بق وخليك واضح صافي الربح من الاحتفال ده كم
كيف ما بتعرفوا كوز وبليد هم طلبوا منك كم السندوشتات وكم من المشروبات والشيك الكتبوا ليك كم اخصم المشتريات والكهربا وحق العمال بطلع معاك الربح طيب انت متعهد كيف ؟؟ ولا شغال بالبركة وشيك مفتوح
Post: #17 Title: Re: مكارم بشير وارقي واخرين يصدحون في حفل سف� Author: خالد عبد الله محمود Date: 02-23-2016, 02:33 PM Parent: #16
سلامات يا عمر يعني يا ود الباوقة أي نعم عمار السنوسي ده ود الرياض و كده لكن تاريخو الفني أكبر من عمر مكارم دي من يوم ولدوها ..
عيب تذكر مكارم بشير بت أول أمبارح دي في عنوان البوست و يدرج أستاذنا عمار السنوسي ضمن آخرين
بعدين حتساهرو بينا و لا حتخلصو بدري بدري ... عندنا دوامات السبت الصباح
**كيف ما بتعرفوا كوز وبليد هم طلبوا منك كم السندوشتات وكم من المشروبات والشيك الكتبوا ليك كم اخصم المشتريات والكهربا وحق العمال بطلع معاك الربح طيب انت متعهد كيف ؟؟ ولا شغال بالبركة وشيك مفتوح**
الأخ فرح الطاهر،
واللاى حيرتى عديل كدا.. يا زول خلى الأسئلة دى لناس الضرائب .. ما أظن ود الباوقة مسؤول امام اى مواطن عادى عشان يتكلم عن اعماله التجارية.
ما عرفنا نعارض منو واللا نعارض منو.. المعارضة والحكومة بقوا شمار في مرقـة.. فرز بابوو
المهم: ود الباوقـة.. زمن لكن.. دى هي نفس الحفلات الكنتم تفرتكوها في الجامعة.. إختلاط.. عدم حجاب.. رقص.. والان (تمكنتم) وشبعتم واستعملتم وافسدتم الجيش عشان يحمى فسادكم ويقهر الشعب.. وحللتوها لنفسكم..
شهد يوم السادس والعشرين من شهر فبراير 2016م حدثاً لم تشهد له العاصمة الرياض مثيلاً في تلك المناسبة التي أقامتها اللجنة العليا للاحتفال بالاستقلال. من حضر يعتقد أن كل سودانيي الرياض كانوا هناك .... شيباً وشباباً، رجالاً ونساء. تقاطرت الجموع من العصر، وعند الساعة 10:00م كانت كل جنبات السفارة قد فاضت بالحضور. كان التنظيم رائعاً في كل جوانبه. كيف ولا وهناك عدة لجان كل في مجال تخصصها تعمل منذ شهرين من أجل إخراج ذلك اليوم باللوحة التي تناسب الحدث الكبير... الاستقلال. كان الجو جميلاً تنسم الجميع حلاوته في الهواء الطلق. أبدع عمار السنوسي ومكارم حتى الساعات الأولى من صباح السبت. ودامت أفراح بلادي.
Post: #24 Title: Re: مكارم بشير وارقي واخرين يصدحون في حفل سف� Author: محمد أبوالعزائم أبوالريش Date: 02-28-2016, 06:25 AM Parent: #23
Quote: صراع بالكراسي داخل السفارة السودانية بالرياض. أقامت السفارة السودانية بالرياض حفل ترفيهي بمبانيها اليوم حيث تجمع المغتربون كل منهم يحلم بقضاء ليلة حافلة بالسرور والبهجة حتي يخففوا ضغوط العمل وكآبة الروتين القاتل ولوعة الغربة ومرارتها . بدأ الحفل رويداً رويدا في عرض فقراته واتي دور الغناء فصعدت الفنانة المتميزة هذه الأيام مكارم بشير حيث الهبت حماس الحضور وانتهت الأغنية الأولي بسلام وحينما أرادت أن تصدح بثانيتها من الأغاني تدافع الحضور مبشرين هنا تصدي الطاقم الأمني لمنع الجمهور من الدخول في الساحة وارادوا إخراج المبتهجين من الساحة هنا حصل ما لايحمد عقباه حصلت الطامة الكبري حيث تعارك الجمهور مع الطاقم الأمني واستخدم سلاح الكراسي ( هرك كرك ) فر وكر وكانت صورة مشينة جداً . سفارة منوط بها عكس ثقافة البلد وإخراجها بصورة حضارية تليق ببلد يشار إليه بالبنان في كل الدول . إن تعامل أفراد الأمن مع الجمهور غير لائق كأن هذا الجمهور من دولة أخري أو حتي ليسوا ببشر سوي .سلوك لانتوقعه حتي من حثالة البشر ناهيك عن أفراد سفارة . رسالة الي وزير الخارجية السوداني توخوا الحيطة والحذر في إختيار من يمثلنا خارج ديارنا ج ر
كما وصلني ...
الكلام ده صحي؟
Post: #25 Title: Re: مكارم بشير وارقي واخرين يصدحون في حفل سف� Author: عماد الدين الطيب عمر Date: 02-28-2016, 08:23 AM Parent: #24
Quote:
كما وصلني ...
الكلام ده صحي؟
ابو الريش لو الكلام دا صحي ... بتكون خسارة كبيرة على ود الباوقة ... و ايراداتو بتكون في مهب اليرح ... الاّ يكون امّن نفسه بشرط جزائي مع السفارة ...
