Post: #1
Title: مخطط جوهرة العوده السكني .. شقق - مشطبة وغير مشطبة ..
Author: الطيب عباس
Date: 02-21-2016, 07:11 AM
06:11 AM February, 21 2016 سودانيز اون لاين
الطيب عباس-ناوي للبلد الامين
مكتبتى
رابط مختصر هذا البوست ليس للاعلان ولكن للفائده العامة وربما من هنالك لدية فلوس ومحتار يشتري وين ؟؟
خصوصا ً كل البناء في الخرطوم اصبح شقق
شايف في اعلان حايم في شريط تلفزيون السودان .. ( بداء البيع للجمهور وقبل كم يوم في النيل الازرق عملو لقاء مع مهندسي الاسكان واعتقد انو الاسعار ما كعبة .. ومقدمات معقوله 40 %
بحوزتي صور للاسعار وصلتني بالواتس لكني غير متاكد من صحتها .. مشطبة (600 الف الي 650 الف ج طبعا بالاقساط ).. المساحات 120م م
كاش 550 الف .. تستلم طوالي ..
نرجو من لديه علاقة بالموضوع ان يفيدنا ..
الموقع بتاع الصندوق القومي للاسكان اسعارو بالدولار
http://www.iskan.sd/http://www.iskan.sd/
|
Post: #2
Title: Re: مخطط جوهرة العوده السكني .. شقق - مشطبة وغي�
Author: أيمن محمود
Date: 02-21-2016, 07:32 AM
Parent: #1
| Quote: خصوصا ً كل البناء في الخرطوم اصبح شقق |
صحي؟!
مزيد من المعلومات يا الطيب عباس لو سمحت
|
Post: #4
Title: Re: مخطط جوهرة العوده السكني .. شقق - مشطبة وغي�
Author: الطيب عباس
Date: 02-22-2016, 05:25 AM
Parent: #3
دكين الحذر واجب والله صدقت ..
دمت بالف عافية
|
Post: #5
Title: Re: مخطط جوهرة العوده السكني .. شقق - مشطبة وغي�
Author: الطيب عباس
Date: 02-22-2016, 05:25 AM
Parent: #3
مكرر
|
Post: #6
Title: Re: مخطط جوهرة العوده السكني .. شقق - مشطبة وغي�
Author: الطيب عباس
Date: 02-22-2016, 05:28 AM
Parent: #2
Quote: صحي؟!
مزيد من المعلومات يا الطيب عباس لو سمحت |
باش مهندس ايمن خانتني العبارات بس كنت بقصد انو الاستثمار اصبح شقق ..
حياك الله ..
|
Post: #7
Title: Re: مخطط جوهرة العوده السكني .. شقق - مشطبة وغي�
Author: Mohd Ibrahim
Date: 02-22-2016, 07:13 AM
Parent: #6
| Quote: اش مهندس ايمن خانتني العبارات بس كنت بقصد انو الاستثمار اصبح شقق .. |
فعلا نسبة لغلاء اسعار الاراضي ...لو تلاحظ حتي الاحياء الشعبية تلقي الاخوان في البيت بشتركو يحولو البيت لي عمارة وكل واحد يطلع بشقة ززافضل من شرا ارض ومن ثم البناء عليها ......
|
Post: #8
Title: Re: مخطط جوهرة العوده السكني .. شقق - مشطبة وغي�
Author: الطيب عباس
Date: 02-22-2016, 07:41 AM
Parent: #7
| Quote: فعلا نسبة لغلاء اسعار الاراضي ...لو تلاحظ حتي الاحياء الشعبية تلقي الاخوان في البيت بشتركو يحولو البيت لي عمارة وكل واحد يطلع بشقة ززافضل من شرا ارض ومن ثم البناء عليها ...... |
ودي حقيقه يا محمد
تحياتي
|
Post: #9
Title: Re: مخطط جوهرة العوده السكني .. شقق - مشطبة وغي�
Author: الطيب عباس
Date: 02-22-2016, 07:43 AM
Parent: #8
|
Post: #10
Title: Re: مخطط جوهرة العوده السكني .. شقق - مشطبة وغي�
Author: الطيب عباس
Date: 03-09-2016, 06:02 AM
Parent: #9
.هل من مجرب ؟؟؟؟
|
Post: #11
Title: Re: مخطط جوهرة العوده السكني .. شقق - مشطبة وغي�
Author: rani
Date: 03-09-2016, 10:32 AM
Parent: #10
هل من معلومة عن مكان المخطط..هل في الخرطوم؟
|
Post: #12
Title: Re: مخطط جوهرة العوده السكني .. شقق - مشطبة وغي�
Author: الطيب عباس
Date: 03-09-2016, 11:05 AM
Parent: #11
| Quote: الموقع : يقع غرب الحاويات سوبا - الخرطوم شرق مدينة الازهري يحده من الشرق السكة حديد وجنوباً أرض جامعة الخرطوم يبعد جنوب غرب مستشفي سوبا ب 2 كيلو ويبعد من طريق مدني بنصف كيلو ويلاصقه شرقاً الطريق الجديد للميناء البري المكونات : يتكون المشروع من ثلاث نماذج من البنايات A , B , C ويحتوي كل مبني علي طابق أرضي بالإضافة الي 3 طوابق ، وكل طابق يحتوي علي 4 شقق |
|
Post: #13
Title: Re: مخطط جوهرة العوده السكني .. شقق - مشطبة وغي�
Author: rani
Date: 03-09-2016, 11:12 AM
Parent: #12
شكراً، الطيب.
|
Post: #14
Title: Re: مخطط جوهرة العوده السكني .. شقق - مشطبة وغي�
Author: محمد درار
Date: 03-13-2016, 07:17 AM
Parent: #13
السلام عليكم ورحمة اللهأخي الطيب صراحة عرض مغري خاصة لو مساحات الغرف كانت كبيرة ( مساحة 120م تعتبر صغيرة لـشقة مكونة من 3 غرف) لكن توزيع الفراغات فيها ممتاز حسب النماذج الموجودة بالموقع بالنسبة للشقق الموجودة في الطابق الثالث (لان المشروع أرضي + 3) السلالم بتكون متعب شوية خاصة انو الشقق توزع بالقرعة (أعتقد) وليس بالاختيار ---------- ياريت لو في واحد عنده تجربة ينورنا
|
Post: #15
Title: Re: مخطط جوهرة العوده السكني .. شقق - مشطبة وغي�
Author: صبري طه
Date: 03-13-2016, 07:39 AM
Parent: #14
| Quote: مساحة الشقة 120 متر مربع تحتوي علي 3 غرف نوم - صالون - صالة - مطبخ - 2حمام - بلكونة |
باشمهندس أيمن رأيك شنو في المساحة وتوزيعها ؟
|
Post: #16
Title: Re: مخطط جوهرة العوده السكني .. شقق - مشطبة وغي�
Author: محمد درار
Date: 03-13-2016, 08:19 AM
Parent: #15
 | Quote: النموذجA عدد البنايات 24 بناية مساحة الشقة 120 متر مربع تحتوي علي 3 غرف نوم - صالون - صالة - مطبخ - 2حمام - بلكونة |
في رأي دا موزع (Lobby) وليس صالة
|
Post: #17
Title: Re: مخطط جوهرة العوده السكني .. شقق - مشطبة وغي�
Author: ابوحراز
Date: 03-13-2016, 10:08 AM
Parent: #16
كم سعر الشقة بدون تقسيط ؟؟؟؟
|
Post: #18
Title: Re: مخطط جوهرة العوده السكني .. شقق - مشطبة وغي�
Author: الطيب عباس
Date: 03-13-2016, 12:05 PM
Parent: #17
| Quote: كم سعر الشقة بدون تقسيط ؟؟؟؟ |
الجدول في الصورة الاولي في البوست مشطبه تشطيب كاش دورارضي سداد فوري 660.000 دور اول 670.000 دور ثاني 660.000 دور تالت 650.0000 غير مشطبه ارخص .. والبيع متاح للجمهور في مباني الصندوق بس الاسعار دي ما عارفا اكيده ولا ملتوخة
|
Post: #19
Title: Re: مخطط جوهرة العوده السكني .. شقق - مشطبة وغي�
Author: مجدى مصطفى رشيد
Date: 03-13-2016, 09:45 PM
Parent: #16
السلام عليكم بمداخلتى هذه اود اسلط الضوء واثير بعض نقاط التى تستحق المرور واخرى ويجب التوقف عندها, وذلك حفظا لحقوقة المواطن قبل يرتكب خطا عند شراءة لعقار ما او لشقة خاصة فى الخرطوم نسبة لغلاءهما غير المبرر. وملاحظاتى وتحليلى ادناها تنحصر فقط من الناحية الهندسية والمعمارية البحتة. مررت لمعظم المخططات العمرانية لصندوق الاسكان والتعمير فى صفحتهم على الانترنت. ولكنى سوف اركز تحليلى على مخطط مشروع العودة وساخذ نموذج معين منهم مرفق اليكم. اولا: توجهة البناية العمارة متوجهة خارجيا للاتجاهات الجغرافية الاربعة تقريبا بالتساوى وهذا خطا جسيم من المصمم فالبناية كان من المفترض ان تتجنب فيها اى فتحات مباشرة فى الواجهة الغربية. ففى هذه الناحية تكون الشمس الحارقة فيها اغلب اليوم ويستحيل فتح اى شباك او باب فيها من منتصف النهار وحتى غروب الشمس. وهذه اهم قاعدة فى البناء فى المناطق المدارية خاصة تلك التى تقع فى الصحراوية والشبة صحراوية والسافنا الفقيرة. السلم: يفتقر لا اى اضاءة والتهوية الطبيعية, مما يعنى انارة بير السلم طيلة ال 24 ساعة وذلك اهدار للطاقة, كما تكون هناك اشكالية عند انقطاع التيار الكهربائ فى اثناء النهار. الشقة: هناك اشكالية واضحة فى الاضاءة والتهوية الطبيعة مما يعنى اشعال الانارة والتكيف طيلة اليوم مما يعنى اهدار ا للطاقة. واما عن المنورين فى الوسط فحجمهم لا يكفى لا للانارة او للاضاءة الطبيعية. الخلاصة: ان تورط فى مثل تلك الشقة, فتاكد انك ستعانى كثيرا طيلة حياتك فيها من فاتورة الكهرباء مستقبلا.
|
Post: #20
Title: Re: مخطط جوهرة العوده السكني .. شقق - مشطبة وغي�
Author: على محمد على بشير
Date: 03-13-2016, 11:24 PM
Parent: #19
المغتربين مفروض يعملوا ليهم استثناء من القرعهوكلهم يدوهم طابق أرضى طوالى او دور اول لانو اى مغترب قدر يجمع 650 مليون بالقديم ما بيكون فاضل ليهو ركب يطلع بيها الطابق التالت ههههههههههه تحيه لصاحب البوست وضيوفه
|
Post: #22
Title: Re: مخطط جوهرة العوده السكني .. شقق - مشطبة وغي�
Author: الطيب عباس
Date: 03-14-2016, 05:03 AM
Parent: #20
| Quote: المغتربين مفروض يعملوا ليهم استثناء من القرعه وكلهم يدوهم طابق أرضى طوالى او دور اول لانو اى مغترب قدر يجمع 650 مليون بالقديم ما بيكون فاضل ليهو ركب يطلع بيها الطابق التالت ههههههههههه تحيه لصاحب البوست وضيوفه |
عاطر التحايا اخونا علي واضحك الله سنك ههههههه والله في ناس بتلما بي دم الحجامه صدقت والله .. قاليهو بس اقع البنوك سلفية والحال ينصلح ههههههههه
|
Post: #21
Title: Re: مخطط جوهرة العوده السكني .. شقق - مشطبة وغي�
Author: الطيب عباس
Date: 03-14-2016, 05:01 AM
Parent: #19
| Quote: ان تورط فى مثل تلك الشقة, فتاكد انك ستعانى كثيرا طيلة حياتك فيها من فاتورة الكهرباء مستقبلا. |
سلامات مجدي والله مداخلة ثره وكلام سليم جدا
|
Post: #23
Title: Re: مخطط جوهرة العوده السكني .. شقق - مشطبة وغي�
Author: محمد أبوالعزائم أبوالريش
Date: 03-14-2016, 05:45 AM
Parent: #21
سلام ..... ما عندي خبرة ... لكن ما عارف الناس البيتكلموا عن (القرعة) جابوها من وين .... هل المشروع فيهو كلام عن قرعة؟ يخيل لي كمشروع استثماري، إنت تختار الشقة العايزها وتدفع السعر حسب اختيارك.
|
Post: #24
Title: Re: مخطط جوهرة العوده السكني .. شقق - مشطبة وغي�
Author: الطيب عباس
Date: 03-14-2016, 05:58 AM
Parent: #23
| Quote: سلام .....ما عندي خبرة ... لكن ما عارف الناس البيتكلموا عن (القرعة) جابوها من وين .... هل المشروع فيهو كلام عن قرعة؟يخيل لي كمشروع استثماري، إنت تختار الشقة العايزها وتدفع السعر حسب اختيارك |
حبيبنا ابو الريش القرعه للناس القدمت من بدري بواسطه اتحاد عمال ولاية الخرطوم منهم اطباء وممرضين ومهندسين وعندها شروط كتيرة ومستندات ومن ضمنها انك تكون موظف دولة متزوج مولود في العاصمه ( مامن الضهاري ) زي ما قال العنصري سيئ الذكر . .. يلا ديل سعرم بكون 400 الف للشقة بالاقساط .. بدفعو 92 الف مقدم والباقي 2 الف كل شهر لمده 10 سنة .. وهذا من تجربة صديقي الدكتور حسب الرسول . المبالغ دي فيا كسور ليست بالكثيرة .
|
Post: #25
Title: Re: مخطط جوهرة العوده السكني .. شقق - مشطبة وغي�
Author: Frankly
Date: 03-14-2016, 08:37 AM
Parent: #24
السلام عليكمبالجد ضعوا كلام بروف معماري مجدي مصطفى في الإعتبار | Quote: السلام عليكم بمداخلتى هذه اود اسلط الضوء واثير بعض نقاط التى تستحق المرور واخرى ويجب التوقف عندها, وذلك حفظا لحقوقة المواطن قبل يرتكب خطا عند شراءة لعقار ما او لشقة خاصة فى الخرطوم نسبة لغلاءهما غير المبرر. وملاحظاتى وتحليلى ادناها تنحصر فقط من الناحية الهندسية والمعمارية البحتة. مررت لمعظم المخططات العمرانية لصندوق الاسكان والتعمير فى صفحتهم على الانترنت. ولكنى سوف اركز تحليلى على مخطط مشروع العودة وساخذ نموذج معين منهم مرفق اليكم. اولا: توجهة البناية العمارة متوجهة خارجيا للاتجاهات الجغرافية الاربعة تقريبا بالتساوى وهذا خطا جسيم من المصمم فالبناية كان من المفترض ان تتجنب فيها اى فتحات مباشرة فى الواجهة الغربية. ففى هذه الناحية تكون الشمس الحارقة فيها اغلب اليوم ويستحيل فتح اى شباك او باب فيها من منتصف النهار وحتى غروب الشمس. وهذه اهم قاعدة فى البناء فى المناطق المدارية خاصة تلك التى تقع فى الصحراوية والشبة صحراوية والسافنا الفقيرة. السلم: يفتقر لا اى اضاءة والتهوية الطبيعية, مما يعنى انارة بير السلم طيلة ال 24 ساعة وذلك اهدار للطاقة, كما تكون هناك اشكالية عند انقطاع التيار الكهربائ فى اثناء النهار. الشقة: هناك اشكالية واضحة فى الاضاءة والتهوية الطبيعة مما يعنى اشعال الانارة والتكيف طيلة اليوم مما يعنى اهدار ا للطاقة. واما عن المنورين فى الوسط فحجمهم لا يكفى لا للانارة او للاضاءة الطبيعية. الخلاصة: ان تورط فى مثل تلك الشقة, فتاكد انك ستعانى كثيرا طيلة حياتك فيها من فاتورة الكهرباء مستقبلا. |
السلام ليس به بئر أي ليس به إضاءة طبيعية وليس به أي أعتبارات مستقبلية لمصعد كهربائي ليس هناك أي سلالم جانبية أو سلالم طواري مما يجعل من السلم عنق زجاجة في حال حريق أو أي طارئ السلم بدون مصعد مشكلة في المستقبل تصور زوجتك حامل في الطابق الثالث فوق الأرضي وتريد أن تأخذها للمستشفى كيف ستتصرف نقلها بكرسي؟ محتاج لرجال أشداء كي يقوموا بذلك مع وجود مخاطر السقوط أمك الكبيرة تريد أن تزورك في شقتك كيف ستتصرف؟ السلالم في حال انقطاع الكهرباء ستكون مظلمة جداً حتى في وضح النهار الشقة ليس بها أنارة طبيعية بالإضاقة لطبيعة أن يقوم من يسكن في الجهة الغربية من تركيب ستائر سميكة تحجب الشمس المحرقة ليس هناك تهوية طبيعية وفي حالة انقطاع الكهرباء ستكون الشقة عبارة عن فرن بالإضافة لكونها مظلمة جداً كيف ستتصرف عند انقطاع التيار الكهربائي وتريد أن تطبخ فسيخ ليس للمطبخ شباك تفتحه وبالتالي ستنتشر روائح الطعام لداخل الشقة وتعلق بالستائر والأثاث هذا غير روائح دورات المياه
|
Post: #26
Title: Re: مخطط جوهرة العوده السكني .. شقق - مشطبة وغي�
Author: AL-Qassim
Date: 03-14-2016, 09:15 AM
Parent: #24
660 ألف تعمل تبني بيها في بيت ابوك 6 شقق .. تشيل وحده و تدي اخواتك البنات كل وحده مفتاح شقتها .. بلاش نربح الكيزان
|
Post: #27
Title: Re: مخطط جوهرة العوده السكني .. شقق - مشطبة وغي�
Author: الطيب عباس
Date: 03-14-2016, 11:23 AM
Parent: #26
| Quote: 660 ألف تعمل تبني بيها في بيت ابوك 6 شقق .. تشيل وحده و تدي اخواتك البنات كل وحده مفتاح شقتها .. بلاش نربح الكيزان |
سنه كم ؟ الكلام دا هسه انت متاكد ؟ طن الاسمنت بي 1200 مع الرافه والطوب بي 500 اللوري والرمله قول 500 حسابات ساي غير الكنجر والخرصانه والتشطيبات والمصنعيه هاهاهاها والله احتمال كبير تطلع ملوص من شقة واحده دا كان قضتك .. تحياتي
|
Post: #28
Title: Re: مخطط جوهرة العوده السكني .. شقق - مشطبة وغي�
Author: Frankly
Date: 03-14-2016, 11:29 AM
Parent: #27
| Quote: سنه كم ؟ الكلام دا هسه انت متاكد ؟ طن الاسمنت بي 1200 مع الرافه والطوب بي 500 اللوري والرمله قول 500 حسابات ساي غير الكنجر والخرصانه والتشطيبات والمصنعيه هاهاهاها والله احتمال كبير تطلع ملوص من شقة واحده دا كان قضتك .. |
يعني الشقق دي ح يبيعوها بالخسارة؟؟؟؟؟ لابد يكون في هامش ربح وهامش ربح جيد جداً لتنفيذ مثل هذه الشقق عليه في بيت أبيك في تكاليف بتقل نسبة لامتلاك الأرض
|
Post: #29
Title: Re: مخطط جوهرة العوده السكني .. شقق - مشطبة وغي�
Author: Mahir Mohammed Salih
Date: 03-14-2016, 01:53 PM
Parent: #28
| Quote: سنه كم ؟ الكلام دا هسه انت متاكد ؟ طن الاسمنت بي 1200 مع الرافه والطوب بي 500 اللوري والرمله قول 500 حسابات ساي غير الكنجر والخرصانه والتشطيبات والمصنعيه هاهاهاها والله احتمال كبير تطلع ملوص من شقة واحده دا كان قضتك .. تحياتي |
يا الطيب أنت زاتك سنة كم ؟؟؟ طن الأسمنت 1500 مطروح ،، لورى الطوب 4000 حبة ب 1500 ،، لورى الرملة 1200 ما تنزل مليمة ،، أما الباقى داك أنسااااااااااااه مبدائيا كده : - السقف 130 مليون - البناء مع لوازمها ( بدون طوب ) 40 ميلون - السيراميك الغرف والمطبخ والحمامات 80 مليون - اللياسة الخارجة والداخلية 40 مليون - الأبواب والشبابيك 40 مليون - الأدوات الصحية 30 مليون - الكهرباء والتوصيلات والفيش واللمبات 40 مليون - دولاب المطبخ 20 مليون - المواسير والتمديدات 20 مليون - ده طبعا غير البير والسبتبتانك ووالمانهولات وأعمال الجبس وخلافه فإنسى الأمر ،، وعليك بالشقة أن أمكن
|
Post: #30
Title: Re: مخطط جوهرة العوده السكني .. شقق - مشطبة وغي�
Author: محمد مجيدو
Date: 03-14-2016, 02:22 PM
Parent: #29
| Quote: - البناء مع لوازمها ( بدون طوب ) 40 ميلون |
يا ماهر .. سكرفي .. اشرح لي المقتبس اعلاه ... كيف البناء مع لوازمها بدون طوب ؟؟ عالم بطااله ...
|
Post: #31
Title: Re: مخطط جوهرة العوده السكني .. شقق - مشطبة وغي�
Author: Mahir Mohammed Salih
Date: 03-14-2016, 02:56 PM
Parent: #30
مجيدو كيفك ههههههههههههيعنى الرمل والأسمنت والموية والرشة وقروش البنّا ،، وللعلم المتر المربع أتعاب البنّا فى حدود 27 ألف
|
Post: #32
Title: Re: مخطط جوهرة العوده السكني .. شقق - مشطبة وغي�
Author: الطيب عباس
Date: 03-14-2016, 04:30 PM
Parent: #31
| Quote: الطيب أنت زاتك سنة كم ؟؟؟ طن الأسمنت 1500 مطروح ،، لورى الطوب 4000 حبة ب 1500 ،، لورى الرملة 1200 ما تنزل مليمة ،، أما الباقى داك أنسااااااااااااه مبدائيا كده : - السقف 130 مليون - البناء مع لوازمها ( بدون طوب ) 40 ميلون - السيراميك الغرف والمطبخ والحمامات 80 مليون - اللياسة الخارجة والداخلية 40 مليون - الأبواب والشبابيك 40 مليون - الأدوات الصحية 30 مليون - الكهرباء والتوصيلات والفيش واللمبات 40 مليون - دولاب المطبخ 20 مليون - المواسير والتمديدات 20 مليون - ده طبعا غير البير والسبتبتانك ووالمانهولات وأعمال الجبس وخلافه فإنسى الأمر ،، وعليك بالشقة أن أمكن |
سلامات مجيدكو .. واخونا ماهر اها الاسعار دي كدا كتلت الدش في يدينو هههههه البناء بقي في السودان داير لي زول بالو طويل وقروشو كتيره ..
|
Post: #33
Title: Re: مخطط جوهرة العوده السكني .. شقق - مشطبة وغي�
Author: ahmedona
Date: 03-14-2016, 04:57 PM
Parent: #32
| Quote: بحوزتي صور للاسعار وصلتني بالواتس لكني غير متاكد من صحتها .. مشطبة (600 الف الي 650 الف ج طبعا بالاقساط ).. المساحات 120م م كاش 550 الف .. تستلم طوالي .. |
بالسعر دا ربحانين 300% ...
|
Post: #34
Title: Re: مخطط جوهرة العوده السكني .. شقق - مشطبة وغي�
Author: عبدالعزيز الفاضلابى
Date: 03-14-2016, 10:20 PM
Parent: #33
| Quote: مخطط جوهرة العوده السكني |
العودة من وين؟
|
Post: #35
Title: Re: مخطط جوهرة العوده السكني .. شقق - مشطبة وغي�
Author: الطيب عباس
Date: 03-15-2016, 05:59 AM
Parent: #34
الفيس بوك ـ | Quote: Abu Lyina · يعمل لدى منظمة الصحة العالمية نعم هناك هامش ربح جيد لانهم بداو البناء والمواد كانت ارخص فضلا عن التسهيلات ابماخدنها |
|
Post: #36
Title: Re: مخطط جوهرة العوده السكني .. شقق - مشطبة وغي�
Author: ابوحراز
Date: 03-15-2016, 06:30 AM
Parent: #35
Quote: - السقف 130 مليون- البناء مع لوازمها ( بدون طوب )
40 ميلون- السيراميك الغرف والمطبخ والحمامات
80 مليون- اللياسة الخارجة والداخلية
40 مليون- الأبواب والشبابيك 40 مليون-
الأدوات الصحية 30 مليون-
الكهرباء والتوصيلات والفيش واللمبات 40 مليون
- دولاب المطبخ 20 مليون-
المواسير والتمديدات 20 مليون- ده طبعا غير البير والسبتبتانك ووالمانهولات وأعمال الجبس وخلافهفإنسى الأمر ،، وعليك بالشقة أن أمكن |
الأسعار المذكورة اعلاه قريبة جدا للواقع
وذلك من تجربة عشتها قبل 4 شهور مع احد الأصدقاء
ويشرف على العمل وكالة حي الجامعة العقارية
مع مهندس يسمى { الحبوب }
عدا الأبواب
فقد ذهبت برفقته الى السجانة
وتم شراء الأبواب الصينية من هناك
وكانت عبارة عن التالي
بابين خارجيين عرض 120 سم
6 ابواب غرف داخلية ومطبخ عرض 100 سم
طبعا الارتفاع متفق عليه 215 سم
ابواب دورات مياه عرض 80 سم
اجمالي الأبواب 12 باب
المبلغ 21 مليون
والأبواب بحالة جميلة جدا
وحتى سالناهم من اللون وهم صينيون هل يتغير بالشمس بالنسبة للأبواب الخارجية
فذكروا سيتغير ولكن اقل شيء 8 الى 10 سنوات
وبالطبع ذهبنا للمتخصصين في الألمونيوم وكانت التكلفة في حدود 20 مليون
نفس الموقع تم فيه حفر بير مع السيبتنك
ونصيحة لوجه الله لابد ان يكون هناك مهندس مشرف على التنفيذ
فبعض العمالة حينما يصلون لعمق 30 مترا
يبداوون في تضييق البير
لآجل انهاء العمل
وزيادة عدد الأمتار
وان لم يكن هناك شخص متخصص فلن يكتشف ذلك
في ام درمان يحفرون حتى عمق 45
والتكلفة قبل 4 شهور 130 مليون
بالطبع ترتفع بزيادة المواد
ماعارف نوعية المطابخ ولكن سالنا احدهم عن دولاب مطبخ
وكانت له عينات معروضة
وقال السعر 9 مليون
وسالت احدهم يوم امس بالسعودية هنا قام بارسال مطبخ للسودان
فذكر لي ان سعر المتر 700 ريال
|
Post: #37
Title: Re: مخطط جوهرة العوده السكني .. شقق - مشطبة وغي�
Author: الطيب عباس
Date: 03-15-2016, 11:58 AM
Parent: #36
| Quote: الأسعار المذكورة اعلاه قريبة جدا للواقع وذلك من تجربة عشتها قبل 4 شهور مع احد الأصدقاء ويشرف على العمل وكالة حي الجامعة العقارية مع مهندس يسمى { الحبوب } عدا الأبواب فقد ذهبت برفقته الى السجانة وتم شراء الأبواب الصينية من هناك وكانت عبارة عن التالي بابين خارجيين عرض 120 سم 6 ابواب غرف داخلية ومطبخ عرض 100 سم طبعا الارتفاع متفق عليه 215 سم ابواب دورات مياه عرض 80 سم اجمالي الأبواب 12 باب المبلغ 21 مليون والأبواب بحالة جميلة جدا وحتى سالناهم من اللون وهم صينيون هل يتغير بالشمس بالنسبة للأبواب الخارجية فذكروا سيتغير ولكن اقل شيء 8 الى 10 سنوات وبالطبع ذهبنا للمتخصصين في الألمونيوم وكانت التكلفة في حدود 20 مليون نفس الموقع تم فيه حفر بير مع السيبتنك ونصيحة لوجه الله لابد ان يكون هناك مهندس مشرف على التنفيذ فبعض العمالة حينما يصلون لعمق 30 مترا يبداوون في تضييق البير لآجل انهاء العمل وزيادة عدد الأمتار وان لم يكن هناك شخص متخصص فلن يكتشف ذلك في ام درمان يحفرون حتى عمق 45 والتكلفة قبل 4 شهور 130 مليون بالطبع ترتفع بزيادة المواد ماعارف نوعية المطابخ ولكن سالنا احدهم عن دولاب مطبخ وكانت له عينات معروضة وقال السعر 9 مليون وسالت احدهم يوم امس بالسعودية هنا قام بارسال مطبخ للسودان فذكر لي ان سعر المتر 700 ريال |
الابواب مع الرافه الباب بي 1500 -1600 قبل شهر صينيه ابو عين سحرية _ وتصنيع حديد اسود مزخرف جميل ب نفس التكلفة الالمونيوم غالي جدا بالنسبة للمطابخ .. السراميك مترو 68- راس الخيمة - سالومي 92 اسعار شهر 2 الفات .. شكرا للتنوير بس السوق محكوم بالدولار ماف شي بنرل كلو طالع الاسمنت هو النزل 100 ج وما معروف امكن يطلع تاني .. طوبة البلوك كانت بي 4ج اس سالت عملت 5 ج ماف رقابة لتخ ساي وانت وحنكك
|
Post: #38
Title: Re: مخطط جوهرة العوده السكني .. شقق - مشطبة وغي�
Author: الطيب عباس
Date: 03-16-2016, 11:51 AM
Parent: #37
محمد محمود من الفيس :| Quote: محمود محمد يا مغتربين الافضل شراكة يتلمو 5 مغتربين يشترو قطعة ارض يشيدو عليها 5 طوابق كل واحد طابق اجمالي التكلفة 5 مليار كل طابقة مليار وبيكون فوقو شقتين كل شقة 4 غرف وصالة البناء في مساحة 300 متر الميزات البناء بيكون في وسط الخرطوم وليس باطرافه كالمخطط اعلاه المني تشمله مصعد حيث ضمنت بالتكلفة الموقع المختار قيمة الشقة ربما تعدت ال 850 مليون يعني الماداير نقاطة وداير كاش بيكون طلع بشقة 4 غرف ب 150 مليون بس .................... مشروع مدروس ومن دراسته استحالة اتفاق 5 اشخاص هههههههه |
هههههههههههه كان الشيطان سادسهم صح
|
Post: #39
Title: Re: مخطط جوهرة العوده السكني .. شقق - مشطبة وغي�
Author: الطيب عباس
Date: 04-11-2016, 07:07 AM
Parent: #38
الجديد ؟
|
|