علي لسان والي الخرطوم: بلا وادي اخضر بلا وادي احمر بلا وادي اصفر

06:30 AM February, 20 2016

سودانيز اون لاين
عمر الفاروق عبد الله الشيخ-
مكتبتى
رابط مختصر

والي الخرطوم عند افتتاحه لمجمع سكني بسوبا صرح قائلاً:

نحن حنتجه لتأهيل المناطق السكنية القديمة رأسياً

بلا وادي اخضر بلا وادي احمر بلا وادي اصفر

Quote: والي الخرطوم عند افتتاحه لمجمع سكني بسوبا صرح قائلاً: نحن حنتجه لتأهيل المناطق السكنية القديمة رأسياً بلا وادي اخضر بلا وادي احمر بلا وادي اصفر

ود الفاروق صباح الخيرات
قوليو بالطريقة دي بتضيؤؤؤؤؤؤووونا
قال ايه حنبص في العلالي ونقع طوالي
اصرف ليو قوم لف

Quote: قوليو بالطريقة دي بتضيؤؤؤؤؤؤووونا

حامد بدري صباح الخير

هم ضيؤؤؤؤؤؤؤؤؤؤؤؤؤؤؤؤؤؤؤؤووونا وانتهو

طيب ونحن وغيرنا المشترين في الوادي الاخضر وبرسوم حكومية

لمن تجي كوالي للخرطوم وتقول كلام زي ده معناته كل الاودية بيش

في هذه الحالة نطالب بالتعويض من الحكومة اللي استلمت فلوسنا عشان نشوف موضوع التوسع الرأسي

ده زول عوير وما بفهم ولا شنو!!ولا عاوز يغيظ البسطاء
المساكين الذين صرفوا دم قلبهم عشان يشتروا اراضي في المناطق النائية البعيدة دي
عشان يامنوا لاسرهم سقف يعيشون تحته بعد ان اصبحت ايجارات البيوت
والشقق اغلى من الفيفث افنيو في منهاتن بنيويورك والريفيرا في فرنسا..
وكلامه ده بيعني ان الحكومة خدعت الناس وباعتهم السراب والوهم..وهسع
جاية تتنصل عشان ما تقدم الخدمات الاساسية من مياه وكهرباء وشوارع مسفلتة
لهذه الاراضي التي باعوها بمبالغ خيالية لا شك انها تسربت لجيوب الحرامية
وسارقي قوت الشعب...وجايين الان يقولوا حنتوسع راسيا في المناطق السكنية
القديمة...وكان ممكن نقبل الكلام الغريب ده اذا كانت الحكومة حتفكر توزع هذه
المجمعات السكنية الطالعة فوق راسيا مجانا للفقراء والمساكين..
ودمت بالف خير وصحة وعافية

Quote: المساكين الذين صرفوا دم قلبهم عشان يشتروا اراضي في المناطق النائية البعيدة دي عشان يامنوا لاسرهم سقف يعيشون تحته بعد ان اصبحت ايجارات البيوت والشقق اغلى من الفيفث افنيو في منهاتن بنيويورك والريفيرا في فرنسا.. وكلامه ده بيعني ان الحكومة خدعت الناس وباعتهم السراب والوهم..وهسع جاية تتنصل عشان ما تقدم الخدمات الاساسية من مياه وكهرباء وشوارع مسفلتة لهذه الاراضي التي باعوها بمبالغ خيالية لا شك انها تسربت لجيوب الحرامية وسارقي قوت الشعب...وجايين الان يقولوا حنتوسع راسيا في المناطق السكنية القديمة...وكان ممكن نقبل الكلام الغريب ده اذا كانت الحكومة حتفكر توزع هذه المجمعات السكنية الطالعة فوق راسيا مجانا للفقراء والمساكين..

بت الشيخ لك كل التحايا

قانونياً نطالب بالتعويض اذا ان ده تصريح الوالي وهو دليل يعتد به

قبل ان نخوض في موضوع التوسع الرأسي ما ذنب الأودية بكافة الوانها وبالذات الوادي الأخضر الذي باعت حكومتكم الغبية في عهد الحكومات الذكية أراضيه بالعملات الصعبة للمغتربين من السودانيين في دول الخليج من اجل ان يعودوا يوما ما ويجدوا ارضا تضمهم واولادهم ... فاذا كانت لعنتكم منصبة علي الوادي الأخضر فمعني هذا بان تخطيطه غير سليم وبانه ليس بالسكن الذي تطمحون اليه للمواطن السوداني المغلوب علي امره اذن لماذا بعتموه بثمن ليس ببخس دراهم معدودات بالملايين فاذا كان ذلك كذلك فاننا كمبتاعين لهذه الأراضي من حكومة السودان وبعد تصريح والي الخرطوم بخصوصها فإننا نطالب برد اموالنا الينا مع التعويض المجزي وبالسعر الحالي للدرهم الاماراتي والريال العماني والدولار الامريكاني او بتعويضنا في التوسع الرأسي في قلب امدرمان او الخرطوم بديلاً للوادي الأخضر الذي رميتم بلاكم عليه.
ثم نعود لموضوع التوسع الرأسي هل عملتهم له دراسات جدوي فنية واقتصادية واجتماعية هل وفرتم له من الخدمات من مياه وكهربا وغاز و صرف صحي وباركنات للسيارات وشوارع مسفلتة وحدائق ذات بهجة وهل الأسعار في متناول أصحاب أراضي الوادي الأخضر حتي يتم استبدال توسعهم الافقي رأسياً ام سيتم تعويضهم ام ماذا انقذونا يا ناس الإنقاذ والا فلابد من مقاضاتكم عدلياً لإسترداد أموالنا التي ذهبت هدراً مع سيول الوادي الأخضر.
بلا وادي اخضر بلا وادي احمر بلا لمة ... حقيقة من أين أتي هؤلاء

تصريحات معظم مسئولي الانقاذ تنم عن -جهل وكأنه تار بايت مع الشعب السوداني

وبعضها يمتن علي الشعب السوداني بانهم حكموه

افتكر بعد التصريح الغجيب ده راح تنزل اسعار الوادي الاخضر