ليه الآفروأمريكان خوافين كدا؟

08:04 PM February, 18 2016 سودانيز اون لاين
حمد عبد الغفار عمر-
مكتبتى
رابط مختصراحيانا بحضر برنامج إنا نمزح معكم في قناة CN Arabia وهو برنامج كاميرا خفيه يقدمه أطفال لاحظت إنو مساحة الخوف عند الزنوج وبعض الآسيويين أكبر من الخواجات كلهم بتفاجأوا لكن التعبير عن الخوف بيظهر بصورة هلع عند الزنوج الخُلعة دي سببها شنو ؟هل الخواجات أشجع من الأفارقة؟ح اجيب أمثلة

دي عينة بس ما مثالية

تنميطي, عنصري, انتهازي , امنجي, كوز و غواصة
عزل اليعجبك وخلي الباقي ههههههههه

سلامات حمد و ود البشرى
التعميم طبعا لا يصح و هو من ناحية انو تنميط فهو تنميط و لا مهرب من هذا الوصف.
that being said
فالكوميديون الافروامريكان غالبا من يسخرون من احجام السود عن مجاراة رصفائهم البيض
في الهوايات الخطرة كتسلق الجبال و التجديف بالقوارب في الشلالات المائية شديدة الاندفاع
و القفز من الطائرات و ما يعرف بالــstunts مثل القفز بالدراجات النارية او السيارات
و كل الحاجات البعملوها الخواجات اولاد الحرام ههههههههه

نماذج للاختلافات بين السود و البيض كما يراها احدهم.
ملحوظة :
هناك عشرات الفيديوهات blacks vs. whites و لكن معظمها قليلة ادب جدا

الزنوج الأمريكان خلهم يا حمد .. حصل شفت ليك أفريقى بيعمل الحاجات القالها سيف النصر دى؟؟

لكين بس أديهم الجرى .. ما بتلحقوا ..

البرود
برود الخواجات

ود البشرى ههههههه

لكاليع لغوية

Quote: تنميطي, عنصري, انتهازي , امنجي, كوز و غواصة عزل اليعجبك وخلي الباقي ههههههههه

ياخ أنا جني وجن حق الناس الحاجات دي حقت أبو حسين حلالو عديل وأنا ما حاسدو في النعمة دي

تعرف هناك الكثير من الاحتمالات للخوف دا بعضعها أو جميعها.

هل الزنوج الأمريكان ما زالوا بستحضرون لحظات الإضطهاد الأبيض
أم ما زالوا يحسون بغربة في هذا البلد

أم أصلا الإنسان الأفريقي غير شجاع (مسالم) ويخاف من المجهول .

الخوف ليس نتيجة جبن بالتاكيد
لكنه -على ما اعتقد - ترسب في العقل الباطن من شدة ما لاقوه من صنوف عنف وتعذيب وتفرقة من قبل.
وسلامات حمدنا

هلا د. سيف

Quote: كل الحاجات البعملوها الخواجات اولاد الحرام ههههههههه

ملاحظتك دقيقة حاجات المخاطرة الزنوج مبتعدين منها ما عدا القلة
الخواجات شجعان مافي ذلك شك ياخ مشيهم لأمريكا دي في رحلة كولومبوس واكتشاف القارة الأفريقية وكثير من مجاهيل العالم
دي بتثبت الشجاعة البتحلوا بيها الزنوج جروهم جر عشان يطلعوا من أفريقيا .

تنميط الكوميديان لقصص غجرية السود ناسي تماما ما تعرض له هؤلاء الزنوج وطرق حياتهم في الاحياء الفقيرة

هلا منير

Quote: حصل شفت ليك أفريقى بيعمل الحاجات القالها سيف النصر دى؟؟

جري شديد وأديهم برضو الانبهار يقيفوا فراجة بس

الغريبة الحياة في أفريقيا (كانت) موحشة جدا ولا تزال أنا ما عارف جينات الخوف دي هل مؤصلة فيهم

كدي شوف ديل

مرحب أسامة الإمام

Quote: البرود برود الخواجات

البرود ما بمنع الخوف بس تلاحظ إنهم قبل الخوف بشكل متداخل معاه بدوا نفسهم فرصة يغرفوا الحاصل موش جري

وممكن تسميها رباطة جأش والتي قد تصل أحيانا إلى إخفاء الخوف إن كان حادثا بداخل النفس

الحنين حيدر وينك مختفي

Quote: الخوف ليس نتيجة جبن بالتاكيد لكنه -على ما اعتقد - ترسب في العقل الباطن من شدة ما لاقوه من صنوف عنف وتعذيب وتفرقة من قبل

أو إحساس متوارث أنهم لا يزالون غرباء في المجتمع الأمريكي

طبعا احساس الغربة دا في أي بلد بخلي أي زول ماشي جنب الحيط وخائف دوما من شيء ما ممكن يحصل ليهو ولا يجد لحظتها من ينجده.

غايتو أنا زي البت أم نظارات و تي شيرت بنفسج...
حسي خليتوني أفكر من خليعي الكتير ياربي أكون حاسة بإني مازلت غريبة ولا عشان مُسالمة و غير شُجاعة و لا ترسب في العقل الباطن من شنو لكن :)
محاولات عشان ألقى طاقية مقاس خوفي...يكون خوف من المجهول !
أنا جادة جدادة شديدة
كدي أدونا أسباب تانية رشيدة عشان الطاقية تكون مريحة هههه

و السلام عليكم و رحمة الله الأخ حمد و ضيوف البوست...

شئ مؤسف جدا!كل المتداخلين نصبوا أنفسهم أخصائين في علم النفس والأجتماع!

تنميط الناس بمثل هذه الطريقة شئ قبيح وغير مقبول.

بنفس هذا الفهم التنميطي لماذا تغضبون عندما ينعتكم الخليجيين وغيرهم من العرب ويصفون السودانيين بالكسل؟

كبييييييير كدا و بلا خجلة كمان ....
مشاهد دائم لي برامج الأطفال و بلا خجلة كمان فاتح ليك بوست بتعلن فيه العادة السيئة دي ...
ياخ على الأقل استر نفسك ....
أو ما تقول إسم القناة يمكن مافي زول يلاحظ ليك و تمر ساكت....

غايتو أنا بعذرك لأني عارف إنو طفولتك ما كان التلفزيون معروف في السودان ...

Quote: فالكوميديون الافروامريكان غالبا من يسخرون من احجام السود عن مجاراة رصفائهم البيض في الهوايات الخطرة كتسلق الجبال و التجديف بالقوارب في الشلالات المائية شديدة الاندفاع و القفز من الطائرات و ما يعرف بالــstunts مثل القفز بالدراجات النارية او السيارات و كل الحاجات البعملوها الخواجات اولاد الحرام ههههههههه

الأخ سيف.

كما زكرت أنها مجرد كوميديا، وهذه الكوميديا لا يفهمها إلا الذين يعرفون الثقافة الأمريكية جيدا.
ولكني أريد أن أقول هنا، عدد من هذا الأنواع من الرياضة أو الهوايات، لا يمارسها الأمريكان الأفارقة لأنها مكلفة ماليا
وهنالك 35 في المية من الأمريكان الأفارقة يعيشون تحت خط الفقر.
ولكن في المقابل تجد الأمريكان الأفارقة يشاركون في أنواع الرياضة التي لا تكلفهم ماديا كثيرا، فمثلا كرة السلة وكرة القدم
وهذه الرياضات مدعومة بالمدارس والجامعات والأندية التابعة للحكومات المحلية (recreation centers).
لو رجعت لمعظم الفنانين السود سوف تجدهم لم ينالو حصص تعليمية على العزف الألات الموسيقية أو الغنا، ولكن سوف تجدهم تعلموا ذلك من خلال تطوعهم في الكنائس المختلفة.

ما أريد أن أقوله هنا هو أن العامل الأقتصادي يلعب دور هام جدا في نوع الرياضة التي يختارها الأنسان.

أهلا فردوس جامع

Quote: كدي أدونا أسباب تانية رشيدة عشان الطاقية تكون مريحة هههه

هسة الطواقي دي كلها ما لقيتي واحدة مقاسك ؟ ياخ انتو لسه مكتوبين بقلم الرصاص

المهم لو لاقوك شفع فارشين ليهم حاجات وقالوا ليك تعالي ساعدينا ما تمشي
تقومي تنخلعي وتفضحينا مع الأمريكان

هلا يا دينق

Quote: تنميط الناس بمثل هذه الطريقة شئ قبيح وغير مقبول

يعني لازم تحقق لود البشرى أمنيتو

مافي تنميط ولا حاجة مجرد ملاحظة متكررة بشيئ يحقق مصداقيتها

يا دينق الزنوج الأمريكان ما أغراب في أمريكا ليهم قرابة 200 سنة تزيد أو تنقص لدرجة لو سألت أبناء الجيل الجديد عن أصولهم قد لا يعرفونها

أنا بتسأل في بلد الحريات والدساتير واقانون والديمقراطية هل لا يزال الزنوج يحسون بغربة تظهر في تصرفاتهم ؟

يا دينق أنا في السعودية رغم درجة الأمان الكبيرة الفيها دائما شاعر بقلق تجاه نفس وأسرتي تحديدا وبتحاشى الإحتكاك الخشن مع أهل البلد بقدر الإمكان لأنو أي معركة تدخلها ضدهم انت الخاسر ولو انتصرت عراكا

تانيا هم بقولوا كسلانين وأكتر لكن التجاهل وبس لأنك من الصعب تغير فكرة مترسبة لدى شخص عنك

Quote: الزنوج

حمد عبد الغفار سلام

هذا المصطلح يا حمد وما يقابله بالانجليزى Negro ,فى السياق الثقافى والتاريخى مرتطبين بعهود طويلة من التفرقة العنصرية والإضطهاد
ولم يعد مقبولا إستخدام هذه المصطلحات سالبة الحمولة .
بينما فى الدول الحرة مجرد إستخدام هذه المفردات قد تعرضك لمساءلات قانونية ما ذلنا نحن السودانيون غير حساسين بوقع هذه الكلمات !
أرجو يا حمد ان تعدل العنوان لكلمة اكثر قبولا ولك تحياتى.

إذا أردتم أن تعرفون شجاعة الأفريكان أمريكان‘ فهي موجودة في كتب التاريخ الحديث.

أنهم خاضوا أصعب مقاومة مدنية ضد التفرقة العنصرية في التاريخ ، وخلال هذه المقاومة تعرضوا الى أبشع أنواع التعذيب والقتل، ولكنهم لم يتوقفوا من نضالهم أبدا. رغم قتل وفقدان لعدد كبير من قياداتهم المعروفة.

الأمريكان الأفارقة معروفين ببسالتهم وشجاعتهم في القوات المسلحة الأمريكية.
وهنالك أحداث عسكرية تاريخية ، كان أبطالها الأمريكان الأفارقة.

أبو حسين كيفك

Quote: كبييييييير كدا و بلا خجلة كمان .... مشاهد دائم لي برامج الأطفال و بلا خجلة كمان فاتح ليك بوست بتعلن فيه العادة السيئة دي ... ياخ على الأقل استر نفسك .... أو ما تقول إسم القناة يمكن مافي زول يلاحظ ليك و تمر ساكت.... غايتو أنا بعذرك لأني عارف إنو طفولتك ما كان التلفزيون معروف في السودان .

الشوف هين عمر الفاروق قال لسه بلعب بلي ستيشن

تعرف أنا اليومين ديل معلق في الطقطاقة بتاعة الكورتين الصغيرات المربوطات بحبل ديلاك

طق - طرق -- طق طق طق وتجرها عليك كشلو

نحن زمان شفنا حاجة ياخ

كيفك د. مرتضى

Quote: هذا المصطلح يا حمد وما يقابله بالانجليزى Negro ,فى السياق الثقافى والتاريخى مرتطبين بعهود طويلة من التفرقة العنصرية والإضطهاد ولم يعد مقبولا إستخدام هذه المصطلحات سالبة الحمولة .

خاطرك غالي يا حبيب

بس ما عندي فكرة إنو كلمة زنوج ليها حمولة سالبة وأنا بعتقد إنها كلمة مستخدمة لتسمية مجموعة عرقية زي أنجلوساكسون - عرب- هنود الخ حتى مستخدمة في كافة كتب الأدب المعاصر الشيء التاني يا مرتضى إنو الحساسية الزائدة من التسمية بتزيد الوضع تأزما أنا مرة كنت بتناقش مع طالب سعودي حضر من كندا ، كان زول صريح معاي قال لي ما تشوف رفعة الخشم الهنا دي نحن السعوديين والعرب عموما تصنيفا هناك لا يزيد من تصنيف بعض الجاليات الأقل تصنيفا في السعودية

وبفهم قال لي التصنيف مبني على درجة التحضر والسلوك المرتبط بأثنية معينة في نظرهم موش إنت أبيض أو أسود

كلامك صحيح يا دينق فيما يخص الجانب الاقتصادي.
في الرياضة الافروامريكان معروفين ما دخلوا رياضة الا و تسيدوها و اصبحت حقتهم
باسكت، فوتبول، و حتى الرياضات التي كانت تاريخيا بيضاء مثل التنس و الغولف.
اما شجاعتهم في مواجهة الظلم فهذه لا ينكرها عاقل.
دائما اقول لاولادي انتم تعيشون محترمين في هذه البلاد و تتمتعون بحقوقكم كاملة بفضل تضحيات
البلاك امريكان الذين دفعوا الثمن غاليا من دمائهم فتذكروا ذلك جيدا.
بس برضو حكاية خوفهم من الموية و الجبال و عدم حبهم للمغامرة دي في ههههههههه.

حبيبا حمد تحياتي ،
تعرف انا دايما بحضر أننا نمزح معكم بدءت بالصدفة اثناء ماكان اطفالي يحضرون قناة كارتون نت .. ولفت نظري أن في اي مزحة متعلقة بالأرواح ( مثل الزومبي ) كما تفضلت اكثر تأثرا به الأسيويين والأفارقة أعتقد لأنهم ينتمون الى بيئة لها أيمانها المطلق بالأرواح ، والكجور ، والماورئيات ربما هذا ما يجعلهم اكثر تفاعلا مع هذه المزحات ، بعكس الخوجات الوصلوا مراحل بعيدة في مسألة رجوع الموتى ، وغيرها من الأشياء.
كدي شوف نحنا السودنيا ياخ لحدى وكت قريب اكثر اهل الريف يؤمنون بتيراب البنية ، وهو عودة بعض الموتى ، ومازال في سوداننا حتى الآن فئة كبيرة من المثقفين حتى تتحاشى التحدث في ما يمس الكرامات والأولياء .
أتوقع لو اتعرض اي سوداني لمزحة ذي زومبي .. ههههههه ممكن رد فعله يكون مبالغ من واقع مايحمله في عقله الباطني من حكاوي مختزنه .
تحياتي ،
أخوك/ الأرباب

Quote: نماذج للاختلافات بين السود و البيض كما يراها احدهم. ملحوظة : هناك عشرات الفيديوهات blacks vs. whites و لكن معظمها قليلة ادب جدا

غايتو الفيديو الارفقو سيف كتلني بضحك

أربابنا أهل الهوى

كيفك يا خالد

Quote: دي شوف نحنا السودنيا ياخ لحدى وكت قريب اكثر اهل الريف يؤمنون بتيراب البنية ، وهو عودة بعض الموتى ، ومازال في سوداننا حتى الآن فئة كبيرة من المثقفين حتى تتحاشى التحدث في ما يمس الكرامات والأولياء . أتوقع لو اتعرض اي سوداني لمزحة ذي زومبي .. ههههههه ممكن رد فعله يكون مبالغ من واقع مايحمله في عقله الباطني من حكاوي مختزنه .

ياخ تيراب البنية قطعوا قلبنا لي هسة والله يا خالد الواحد بتخلع لما يتفاجأ . لما العيال مشوا السودان لما جيت راجع من المطار وأول مرة في الشقة الحالية ألقى نفسي رأس مع الحيطان وإنعكاسات الضوء والظلال يمين اتلفت أشوف ليك الجزمة قدر العربية زوالات عجيبة أول يوم مولع ليك أنوار الشقة كلها ما باقي لي إلا أخلي التلاجة فاتحة عشان النور يزيد

الخوف كما ذكرت مخزون ماضي مخيف من القصص والأحداث والحاجات دي مستوطنة في أفريقيا وآسيا بس كمان الآفروأمريكان ديل مولودين في أمريكا وأحيانا يكونوا خلاسيين ما عارف ليه ما قدرو يتخلصوا من الخوف دا أنا غايتو برجع الأمر لإحساس بغربة لم يستطيعوا التخلص منو



شنو ما فيها عرضة قريب ؟

حبابك عمار مكي

فيديو سيف فعلا فيهو من الطرافة الموجهة بقدر كبير

ربنا يديم الإنبساطة

أحبابنا في الفيسبوك

أبو بكر محمد

ياسر الحسين

حافظ الإمام
مشكورون على الحضور والمساهمة النيرة

الغريبة مثل النقاش ده دائر برضو في the African-American Forum
Black people are a race of COWARDS

-http://www.topix.com/forum/afam/T8KGJL8K0H1GCDP4Ahttp://www.topix.com/forum/afam/T8KGJL8K0H1GCDP4A

اتفق مع الاخ دينق انه ليس هناك خوف بالمعنى المفهوم للكلمة ..
ربما ده مجرد انطباع (لصق) في ذهن البعض لمجرد ابتعادهم عن بعض الرياضات

هلا حيدر

ياخ ناسك ديل شغالين كسر تحت الركبة لكن الغريبة في القدر من التعليقات القريتو

مافي زول قال للتاني انت عنصري ول تنميطي شغالين درش في بعض

اللذيذة ما بقولوا الأبيض بقولوا Non- Black

يا ربي يكونوا قاصدين مدعي العروبة برضو ولا شنو