كوز نيويورك حسن حماد، في لقطة إنتهازية، متصور مع الكوز الكبير إبراهيم أحمد عمر.
Post: #2 Title: Re: كوز نيويورك حسن حماد في صورة مع الكوز إبرا Author: Deng Date: 02-17-2016, 10:31 PM Parent: #1
صاحب الكرفتة الرخيصة في يمين الصورة هو حسن حماد، الذي زار الخرطوم مؤخرا مدعيا بأنه من قيادات أحدا الحركات المسلحة. ونحن مازلنا نتسأل ! ما هو أسم الحركة التي يمثلها حسن حماد؟ أين قاتل حسن حماد؟ في أي جبهة من الجبهات؟
Post: #3 Title: Re: كوز نيويورك حسن حماد في صورة مع الكوز إبرا Author: Mohamed Yassin Khalifa Date: 02-17-2016, 10:59 PM Parent: #2
إتا يا دينق الناس ديل كانوا متفقين على لبس الكرفتات الحُمر ديل... ولا وراها بيان؟
الزول فرحان ومتصور مع مجرم إرهابي... ويجي يقول ليك معارض وعايش في المنفى....
وكمان عندو "حركة" جبانة في نيويورك!
Post: #4 Title: Re: كوز نيويورك حسن حماد في صورة مع الكوز إبرا Author: حسن حماد محمد Date: 02-17-2016, 11:01 PM Parent: #1
Quote: صاحب الكرفتة الرخيصة
مافهمت قصدك الكرفتة الرخيصة !!!
هل تقصد سعرها رخيس وغير غالية ؟
لو كان دا قصدك ظلمتة الكرفتة وحاتك سعرها 65 دولار
اما لو كان قصدك شى تانى تبقى مصيبة لو وصل الخلاف لهذه الدرجة
اها الصورة دى اثبتت ليك شنو ؟؟؟
حسن حماد كوز ؟؟؟
ولا فى payroll بتاع القنصلية
بعدين حكاية منصب كبير فى حركة دى ضنب ككو برضو مسكك ليهو اسامة
اسامة عرمان كتب بوست كااااامل انو حسن حماد مشى الخرطوم وانى قلت أنا نائب رئيس حركة
وهذه فرية وكذبة وضلال ، بغرض النيل من شخصى الضعيف ولكن هيهات
ولم أكن اود الكتابة فى هذا الأمر
ولكن حسبك الفيديو وأعتقد الخردة حاينزلو بعد شوبة
أتحداك وأتحدى أسامة عرمان أثبت أنا وين قلت أنا نائب رئيس حركة
Post: #5 Title: Re: كوز نيويورك حسن حماد في صورة مع الكوز إبرا Author: حسن حماد محمد Date: 02-17-2016, 11:06 PM Parent: #1
Quote: وعايش في المنفى....
دى جبتها من وين يالشريف أخوى
متين أنا قلت انو أنا معارض وعايش فى المنفى
هو أنا مرة كوز ومرة معارض عايش فى المنفى
صحى خيالكم واسع شديد
خلاس النضال كملتوهو قبلتو على حسن حماد
الله اكبر عليكم
عالم ما عندها شغلة
Post: #6 Title: Re: كوز نيويورك حسن حماد في صورة مع الكوز إبرا Author: بريمة محمد Date: 02-17-2016, 11:45 PM Parent: #5
Quote: لو كان دا قصدك ظلمتة الكرفتة وحاتك سعرها 65 دولار
حسن، يا أخوي .. أنت والله قاشر قشرة ما شاء الله ..
البدلة بكم بالله؟ وكذلك الحذاء؟ .. والعطر .. والقميص؟ رشهم بالله لما جابت ليها رخيص .. مظهرك مندوب السودان وأكتر ..
العبار أختشي .. أنت بتجيب الكرفتات بتاعتك من ال Shrift Store بريمة
Post: #7 Title: Re: كوز نيويورك حسن حماد في صورة مع الكوز إبرا Author: حسن حماد محمد Date: 02-17-2016, 11:45 PM Parent: #1
Quote: الها ولم يكن قادرا على مواجهة الكاميرا بوجهه الذى ليس فيه مذعة من حياء......
سعادة اللواء أحمد حسن التجاني رئيس الحركة معاكم نائب رئيس الحركة من نيويورك : حسن حماد محمد
أها اثبت كلامك وكلام اسامة عرمان وين أنا قلت انى نائب رئيس حركة بدون لف ودوران
تلقاك هسع رجعت للفيديو خمسمية مرة .... وما تنسى تتصل عليهو ....
عشان هو اكتشف انو كاذب وحايحاول يجى هنا يتملص ويتلولو زى لولوة حسن حماد زور شريط الندوة
هطرقة وصقعى كيبور من متنوضلين اسفيريين مهووسين
Post: #8 Title: Re: كوز نيويورك حسن حماد في صورة مع الكوز إبرا Author: ادم يعقوب Date: 02-17-2016, 11:59 PM Parent: #7
سلام يا دينق
اصلو الواحد لمن يكون انتهازي ريحتوا بطق من بعيد واعوذ بالله لو كان كوز اصلو ما بختشي انا لو في محل العارف بالله اصلو ما حاظهر في محل ذي دا مع مجرمين الحرب والقتلة علي العموم الكوز للكوز مصلحة
Post: #9 Title: Re: كوز نيويورك حسن حماد في صورة مع الكوز إبرا Author: مرتضي عبد الجليل Date: 02-18-2016, 00:12 AM Parent: #8
يا حسن حما د ,إت الجقلبة العليك شنو ؟ إت الكيزان ديل ساكيهم بى يدينك وكرعينك ,معقولة تكون فى حضن الكيزان فى الخرطوم وتكون فى حضنهم فى بلاد العم سام وكتاباتك كلها بتفضح إنك واحد من المناصرين لعصابة القتلة تانى شنو؟ أقول ليك إت ما كوز لكن جينات الكوزنة جواك طاغية شديد ! إشاء الله كدة إرتحت؟
Post: #10 Title: Re: كوز نيويورك حسن حماد في صورة مع الكوز إبرا Author: الصادق آدم Date: 02-18-2016, 00:22 AM Parent: #9
اخونا حماد ما عندي معرفه انتماءك لي وين .... لكن بهذه الصوره وضعت نفسك في الشبهات علي راي المثل البباري ال .... وانت عارف الباقي
تحياتي لك ودينق
Post: #11 Title: Re: كوز نيويورك حسن حماد في صورة مع الكوز إبرا Author: آدم صيام Date: 02-18-2016, 00:27 AM Parent: #9
Quote: يا حسن حما د ,إت الجقلبة العليك شنو ؟ إت الكيزان ديل ساكيهم بى يدينك وكرعينك ,معقولة تكون فى حضن الكيزان فى الخرطوم وتكون فى حضنهم فى بلاد العم سام وكتاباتك كلها بتفضح إنك واحد من المناصرين لعصابة القتلة تانى شنو؟ أقول ليك إت ما كوز لكن جينات الكوزنة جواك طاغية شديد ! إشاء الله كدة إرتحت؟
سبحان الله يقولو ليه أنت متصور مع مجرم! يقول ليهم إن قرواطته ما رخيصة الثمن؟ هؤلاء القرواطات البشرية ثمنها بالكاد 50 دولار!
Post: #12 Title: Re: كوز نيويورك حسن حماد في صورة مع الكوز إبرا Author: حسن حماد محمد Date: 02-18-2016, 00:57 AM Parent: #1
Quote: وكتاباتك كلها بتفضح إنك واحد من المناصرين لعصابة القتلة تانى شنو؟
يلا يالصادق ادينا مرة واحدة فيها جملة واحدة بنيت عليها كلامك دا
سطر واحد من كتاباتى ، خليها كتاباتى كلها
وماعايزين لولوة جيب النجيضة وورينا وخلينا من صقعى الكيبورد البسو فيهو الناس الفوق ديل
اثبت كلامك للاخوة والاخوات هنا فى البورد انو انا كتبت حاجة نتدعم كلامك
وبرضو مازلت منتظر اسامة عرمان ودينق يثبتوا انو انا قلت نائب رئيس حركة
خلونا من الكلام الفى الهوى ساى دا
Post: #13 Title: Re: كوز نيويورك حسن حماد في صورة مع الكوز إبرا Author: Mohamed Yassin Khalifa Date: 02-18-2016, 02:33 AM Parent: #12
أبوعلي يا صاحب... أظنك قلتا أن نائب رئيس مكتب الحركة بنيويورك.
هي "حركتكم" الجبانة دي إسمها شنو؟
Post: #14 Title: Re: كوز نيويورك حسن حماد في صورة مع الكوز إبرا Author: حسن حماد محمد Date: 02-18-2016, 03:31 AM Parent: #1
Quote: أبوعلي يا صاحب... أظنك قلتا أن نائب رئيس مكتب الحركة بنيويورك.
كدى يا محمد اتفقوا انا قلت شنو فى الأول ؟؟؟
بيفرق كتيييير تكون نائب حركة ونائب رئيس مكتب حركة قى نيويورك
نائب حركة مرة واحدة كدا ..... وصاحبك ليهو شهرين يدق فى الطبول وعامل (غاغة ) ويقوليك تزوير وعمالة
خليهو يجى يورى الناس هنا كلامو كذب وافتراء ولا وين دليلو ؟؟؟؟
بالمرة كدا شوف دينق غتس وين ... دى المرة التانية يجى ناطى ويعمل فيها أبو العريف ويعتمد على معلومات من صنع خيال أسامة عرمان؟؟؟؟
قلنا ليكم صقعى الكيبورد ساهل والخم ساهل .... لكن المصداقية وتحرى الحقيقة بيتطلب مجهود والبعض والعياذ بالله أصابهم الخمول والكسل
والمناضلين عادة ما يمسك بعضهم البعض ضنب الككو ويجوك ناطين من كل الاتجاهات بدون تروى
هسع صاحبك دا منزل صورة مع ابراهيم أحمد عمر وخلاس من الصورة أنا بقيت كوز ..
زى الجا ناطى وكتب الكلام ادناه
Quote: وكتاباتك كلها بتفضح إنك واحد من المناصرين لعصابة القتلة تانى شنو؟
Quote: اخونا حماد ما عندي معرفه انتماءك لي وين .... لكن بهذه الصوره وضعت نفسك في الشبهات علي راي المثل البباري ال .... وانت عارف الباقي
لك التحايا أيضاً
الأمور لا تقاس بالابيض والاسود هناك فسحة تمكنك من مقابلة البشير أو عقار أو جبريل وتاخد معاهم صورة دون أن تكون نصيراً لأاى منهم
الصورة ليست دليل يفتح به بوست ويأخذ من وقت الاخوة والأخوات مساحة ربما كان الأجدر والأكثر فائدة استثمارها فى شئ أخر
لكنهم معارضى الأسافير وانصرافيتهم المعهودة وعدم الشغلة تخلى دينق يفتح بوست كل يوم
Post: #15 Title: Re: كوز نيويورك حسن حماد في صورة مع الكوز إبرا Author: Mohamed Yassin Khalifa Date: 02-18-2016, 05:54 AM Parent: #14
يا أبوعلي يا نائب رئيس مكتب "الحركة" الجبانة بنيويورك.... الولاية ولا المدينة ما نعرفو...
السؤال واضح وصريح: إسم "حركتكم" الجبانة دي شنو؟
طبعاً أنا هوايتي التصوير وبحب أتصوّر مع المشاهير... إلع المجرم الإنتا متصور معاهو ده كوز مصدئ..
وبالله عليك العاجبك فيهو شنو؟
الناس دي كلها بتسأل وبتعلق على كلامك في حد ذاته... وإنتا قلتا أنا عزمتا لي زول مجرم معروف... وكمان إستقبلتو وسألتو يديك قطعة واطة.... وإتصورتا معاهو... ونزلتا لينا كلامه كلو....
هو نان الكوزنة دي، حسب المعطيات الظاهرة، إلا يكتبوها في الجبين؟
Post: #16 Title: Re: كوز نيويورك حسن حماد في صورة مع الكوز إبرا Author: Deng Date: 02-18-2016, 06:25 AM Parent: #15
Quote: إتا يا دينق الناس ديل كانوا متفقين على لبس الكرفتات الحُمر ديل... ولا وراها بيان؟
الزول فرحان ومتصور مع مجرم إرهابي... ويجي يقول ليك معارض وعايش في المنفى....
وكمان عندو "حركة" جبانة في نيويورك!
محمد يسن.
الكيزان بكونوا بتفرجوا في مناظرات الأنتخابات الأمريكية كتير اليومين ديل. اعا الكرفتة الحمراء أو الكبدية قد تجلب لهم حظا.
بصراحة حسن حماد حركتو جبانة ومنظرو في الصورة مع الكوز الكبير إبراهيم أحمد عمر، يدعوا للشفقة.
Post: #17 Title: Re: كوز نيويورك حسن حماد في صورة مع الكوز إبرا Author: Deng Date: 02-18-2016, 06:38 AM Parent: #16
Quote: مافهمت قصدك الكرفتة الرخيصة !!!
هل تقصد سعرها رخيس وغير غالية ؟
لو كان دا قصدك ظلمتة الكرفتة وحاتك سعرها 65 دولار
اما لو كان قصدك شى تانى تبقى مصيبة لو وصل الخلاف لهذه الدرجة
اها الصورة دى اثبتت ليك شنو ؟؟؟
حسن حماد كوز ؟؟؟
ولا فى payroll بتاع القنصلية
بعدين حكاية منصب كبير فى حركة دى ضنب ككو برضو مسكك ليهو اسامة
اسامة عرمان كتب بوست كااااامل انو حسن حماد مشى الخرطوم وانى قلت أنا نائب رئيس حركة
وهذه فرية وكذبة وضلال ، بغرض النيل من شخصى الضعيف ولكن هيهات
ولم أكن اود الكتابة فى هذا الأمر
ولكن حسبك الفيديو وأعتقد الخردة حاينزلو بعد شوبة
أتحداك وأتحدى أسامة عرمان أثبت أنا وين قلت أنا نائب رئيس حركة
حسن حماد.
أنا بقصد الأتنين معا.
أول حاجة الكرفتة بتاعت كليب (Clip) وده بيوضه سعرها كم! ثانيا صاحب الكرفتة مواقفه تجاه القضايا هي مواقف ضعيفة ورخيصة، ثمنها بضعة أراضي في السودان. والكرفتة دائما تكشف عن صاحبها وعن أغراضه ونواياه.
الصورة أثبتت لي أنو حسن حماد أكتر زول يخدم نظام القتلة والمجرمين بمدينة نيويورك، وربما جميع أرجاء الولايات المتحدة، وممكن تنافس الإنتهازي بتاع الرياض ود الباوقة كمان.
حسن حماد أنت عملت مؤتمر صحفي في الخرطوم بأسم ياتو حركة؟ وما هو منصبك في تلك الحركة؟
Post: #18 Title: Re: كوز نيويورك حسن حماد في صورة مع الكوز إبرا Author: Deng Date: 02-18-2016, 12:01 PM Parent: #17
UP
Post: #19 Title: Re: كوز نيويورك حسن حماد في صورة مع الكوز إبرا Author: محمد حمزة الحسين Date: 02-18-2016, 02:08 PM Parent: #18
Quote: UP
تعرف يا أيها المتأمرك دينق ذكرتني قصة الجعلي الرايح يغرق وبقول المقص ... المقص قال أب قال أمشي جيب ليك سطر واحد استر بيهو عورتك ومساككتك البتسوي فيها دي قوم لف لفاك تورنيدوا يرجعك جوبا ..... : : : : : : : : : : أردم يا حسن ولا تأخذك به رأفة
Post: #20 Title: Re: كوز نيويورك حسن حماد في صورة مع الكوز إبرا Author: Deng Date: 02-18-2016, 04:24 PM Parent: #19
Quote: حسن، يا أخوي .. أنت والله قاشر قشرة ما شاء الله ..
البدلة بكم بالله؟ وكذلك الحذاء؟ .. والعطر .. والقميص؟ رشهم بالله لما جابت ليها رخيص .. مظهرك مندوب السودان وأكتر ..
العبار أختشي .. أنت بتجيب الكرفتات بتاعتك من ال Shrift Store بريمة
العبار بريمة بلل.
بالله بطل فوضى لو سمحت.
زولك لابس كرفتة كليب، ودي فعلا رخيصة من أسواق الصينين في نيويورك.
Post: #21 Title: Re: كوز نيويورك حسن حماد في صورة مع الكوز إبرا Author: فرح الطاهر ابو روضة Date: 02-18-2016, 05:59 PM Parent: #20
Quote: حسن حماد أنت عملت مؤتمر صحفي في الخرطوم بأسم ياتو حركة؟ وما هو منصبك في تلك الحركة؟
Post: #22 Title: Re: كوز نيويورك حسن حماد في صورة مع الكوز إبرا Author: أسامة خلف الله مصطفى Date: 02-18-2016, 10:28 PM Parent: #21
الاخ العزيز دينق الأعزاء رواد هذا البوست الكرام
في الصورة أعلاه يظهر حسن حماد ( وبالكرفته الما خمج) في مظاهرة لمناصرة النظام الدموى في نيويورك عاصمة الحرية في عام 2012 شفتو التدنيس اللى بعمله حسن حماد لتمثال وبلد الحرية باسم حرية الرأى؟؟؟؟؟؟ قال نل كوز قال!!!!! وطبعا يا أخوانا حسن حماد من أخطر فرع في الكوزنة,,,,,,الفرع الإنتهازى اللى بيعمل لمصالحه الخاصة فقط!!!! والغريق لى قدام ......او كما قال إنتهازى النظام حسن حماد!!!!!
Post: #23 Title: Re: كوز نيويورك حسن حماد في صورة مع الكوز إبرا Author: السنجك عثمان Date: 02-18-2016, 11:12 PM Parent: #22
الطيور على اشكالها تقع
Post: #24 Title: Re: كوز نيويورك حسن حماد في صورة مع الكوز إبرا Author: حسن حماد محمد Date: 02-18-2016, 11:16 PM Parent: #1
Quote: في الصورة أعلاه يظهر حسن حماد ( وبالكرفته الما خمج) في مظاهرة لمناصرة النظام الدموى في نيويورك عاصمة الحرية في عام 2012 شفتو التدنيس اللى بعمله حسن حماد لتمثال وبلد الحرية باسم حرية الرأى؟؟؟؟؟؟
الصورة أعلاها كانت بعد أن طرد الجيش السودانى فلول الجيش الشعبى الخائن من منطقة هجليج
وكان الجيش الشعبى المتهالك قد دخل منطقة هجليج لبضعة أيام بمساعدة قوات حركة العدل والمساواة العميلة
وكانت وقفة وطنية مشرفة لافراد جالية نيويورك اظهرت فيها غيرتها على ارضها وتبدى فيها شعور وطنى عارم
وقد كان لنا شرف التنظيم والمشاركة فى تلك التظاهرة الوطنية الرائعة ...
ولا نامت أعين الجبناء من الذين يحاولون رهن ارادة الوطن للمنظمات العميلة التى تسترزق من وراء ماساة الشعب السودانى
والخزى والعار لمن وقفوا داعمين للجيش الشعبى فى محاولة احتلال جزء من الوطن العزيز
والغريق لى قدام
Post: #25 Title: Re: كوز نيويورك حسن حماد في صورة مع الكوز إبرا Author: أسامة خلف الله مصطفى Date: 02-19-2016, 03:49 AM Parent: #24
Quote: وكانت وقفة وطنية مشرفة لافراد جالية نيويورك اظهرت فيها غيرتها على ارضها وتبدى فيها شعور وطنى عارم
الله ....... الله على حسك الوطنى العالى
وغيرنك عليه........
طالما إنت وطنى كما تدعى لماذا لم تخرج والنظام يحصد شعبنا فى دارفور منذ 2003 ول ديل ما بستاهلوا غيرتك الوطنية......,,, لماذا لم تحشد لهم أفراد جالية نيويورك ولو مرة واحده؟؟؟؟
حتى أهلك فى الجريف شرق حصدهم النظام وأغتصب النظام أراضيهم لماذا لن تنظم أهل نيويورك وتخرج من أجل قضيتهم العادلة ظالما غيرتك الوطنية عالية!!!!!!
لماذا ام تخرج يوما واحد كما تدعى من غيرتك على تراب الوطن وحلايب إحتلها وما زال الجيش المصرى ؟؟؟؟؟
خلينا نسعف ذاكرتك الأختيارية
Post: #26 Title: Re: كوز نيويورك حسن حماد في صورة مع الكوز إبرا Author: Mohamed Yassin Khalifa Date: 02-19-2016, 05:35 AM Parent: #25
Quote: ولا نامت أعين الجبناء من الذين يحاولون رهن ارادة الوطن للمنظمات العميلة التى تسترزق من وراء ماساة الشعب السودانى
منو الجبناء ديل يا حسن يا حماد.. بالتحديد عشان نعرفهم؟
ومنو المنظمات العميلة البتسترزق من وراء مأساة الشعب السوداني؟
عشان بس ما تطلق الكلام على عواهنه.... رجائي الإجابة!
Post: #27 Title: Re: كوز نيويورك حسن حماد في صورة مع الكوز إبرا Author: Deng Date: 02-19-2016, 05:39 AM Parent: #26
Quote: سلام يا دينق
اصلو الواحد لمن يكون انتهازي ريحتوا بطق من بعيد واعوذ بالله لو كان كوز اصلو ما بختشي انا لو في محل العارف بالله اصلو ما حاظهر في محل ذي دا مع مجرمين الحرب والقتلة علي العموم الكوز للكوز مصلحة
الأخ أدم يعقوب.
سلامات.
في الحقيقة سلوك كوز نيويورك حسن حماد سلوك كيزاني أصيل. وبعد كل ذلك مازال يقول لنا بأنه ليس بكوز! طيب ما هي صفات الكوز يا حسن حماد؟
Post: #28 Title: Re: كوز نيويورك حسن حماد في صورة مع الكوز إبرا Author: Deng Date: 02-19-2016, 04:51 PM Parent: #27
فوووق
Post: #29 Title: Re: كوز نيويورك حسن حماد في صورة مع الكوز إبرا Author: Deng Date: 02-21-2016, 07:18 PM Parent: #28
كوز نيويورك وبأنتهازية واضحة يطلب من الكوز إبراهيم أحمد عمر أن تمنحهم الدولة أراضي درجة أولى مكافئة لهم ، لأنهم يدافعون على نظام الأخوان المسلمين الفاشي الفاسد.
Post: #30 Title: Re: كوز نيويورك حسن حماد في صورة مع الكوز إبرا Author: أسامة خلف الله مصطفى Date: 02-23-2016, 09:34 AM Parent: #29
