Post: #1
Title: قلت ليها انتي معلمه ؟ ضحكت قالت لى ابدا .. انتا متخيلنى معلمه عشان توبي الابيض دا !!
Author: فرح
Date: 02-17-2016, 04:05 PM
في مثل هذا اليوم الواحد والثلاثون من عام الفين وخمسه وفي اثناء عملي في مشتلي المحبب لبيع الزهور في جنوب الخرطوم واثناء انباتي لزهره من امها التي سميتها صافيه كنت اناجي الام وهي في مخاض صامت دون الم واتحدث بصوت عادي معها ومع نفسي اخرجي الي الحياه يابت صافيه انتي موعوده بي قصر ترحلين اليه تشربين من ماء الصهاريج وتكبرين وتتجملين علي يدي انامل تحبك ولن تعطشي ولن تجوعي .. في مماهاتي هذه جفلت مخلوعا علي صوت ورائحه نسائيه فوق رأسي مباشره وانا جاثم علي صدري وعرقي علي تراب المخاض واحساسي خارج اطار الواقع .. اربعينيه طويله سمراء متلفحه بثوب ابيض ليست حدادا بل تصوفا امرأه بها حول وغزل وامل ومحبه وبساطه وجمال وغني مال في صحتها وليست في ملبسها .. بأدب قالت سلام اردفتها بعباره خرجت قبلها ابتسامه شح قلبي ونزل علي الحب الذي لم اعرفه .. انت بتتونس مع الزهور جاوبت بخجل ابدا بس الزهره دي في حاله مخاض مقبله علي حياه مجهوله بساعدها علي الامر الواقع والطف ليها فراقها من امها ورحيلها لمنازلكم .. ضحكت وقال ليه واضح انك مثقف وعندك فلسفه عايش بيها قلت ليها يخي انا جنايني ودا رزقي وبحاول اكلها حلال ... قلت ليها انتي معلمه ضحكت قالت ابدا انتا متخليني معلمه عشان توبي الابيض دا !! قلت ليها نعم قالت لي انا ربه منزل و استاذه جامعيه وطبيبه .. صمت وعلمت ان الفارق شاسع بينا واردفتها بعباره طلبك يا دكتوره مع احاسيس مؤسفه بالدونيه والفقر وبعد منال لماحلمت به في لحظات المخاض ..قالت لي دايره لي منقه وسميها لي بديك ضعف السعر وتشتلا لي قلت ليها اديك من الاخر هاك دي منقه صافيه سميها صافيه ازرعيها انتي واسقيها انتي واتونسي معاها انتي واتذكري اني والدهاا وانتي امها واجعليها بيننا ونحبها سويا ومشي امرك ياقدر وقروش منك مادايرا محبه مني لك لبتنا صافيه..سكتت طويلا وقالت لي انت عجيبيبيب.. قالت لي احساسك وصلني واردفتها ببختك و حزن في عيونها.. سلمتها صافيه وقالت لي انتا اسمك منو وممكن اداوم اجيك كل فتره بغرض اشتري منك ولوحابي تمسك لي الجنينه وبعينك جنايني في الكليه ممكن !!! واضح انك شاطر وانساني قلت ليها شكرا ما بقدر اتحرك من هنا..وانا تعليمي بسيط علي جو الدكاتره داقالت لي انت سعيد واناقريت كتير عن تلاقي الارواح .. تجاهلت كلامها الاخير رغبه مني في عدم اضافه حاله ضياع وجداني وعاطفي الي حياتي..ودعتها نحن علي يقين تام علي تلاقي روحينا وخروجها الي الابد في خلال عشرون دقيقه والسلام ياروح البدن
|
Post: #2
Title: Re: قلت ليها انتي معلمه ؟ ضحكت قالت لى ابدا ..
Author: وائل حمزه الزبير
Date: 02-17-2016, 05:05 PM
Parent: #1
كلمات جميلة حقيقة .. تحياتي وتقديري.
|
Post: #3
Title: Re: قلت ليها انتي معلمه ؟ ضحكت قالت لى ابدا ..
Author: سلمى على محجوب
Date: 02-18-2016, 07:01 AM
Parent: #2
أزرع الفرح يا جنايني
|
Post: #4
Title: Re: قلت ليها انتي معلمه ؟ ضحكت قالت لى ابدا ..
Author: ياسر السر
Date: 02-18-2016, 07:27 AM
Parent: #3
يا ريت كل زول تاااايه بلاقي الريده في دربو .... عشان الناس تحب الناس وزي عينيها يتحبو
وما اصلو البزورو الريد ... حب الناس بيزور قلبو ....
كلام جميل وسرد مفعم بالحياة والجمال يا استاذ فرح والظاهر انت الريد زارك وزار دربك كمان يا حبيب ,, وناس زي الدكتورة دي ما خسارة فيهم جنينه كااااملة ,, والله صحي ...
واصل يا حبيب في هذه الحروف والتجارب الشجية عشان نفرح نحن معاك رضو ... ودم بخير .. وسلم على الدكتورة ,,,,,,
تحياتي : ياسر العيلفون .....
|
Post: #5
Title: Re: قلت ليها انتي معلمه ؟ ضحكت قالت لى ابدا ..
Author: نصر الدين عثمان
Date: 02-18-2016, 07:52 AM
Parent: #3
| Quote: سلمتها صافيه وقالت لي انتا اسمك منو وممكن اداوم اجيك كل فتره بغرض اشتري منك ولوحابي تمسك لي الجنينه وبعينك جنايني في الكليه ممكن !!! واضح انك شاطر وانساني |
يا الله.........................
|
Post: #6
Title: Re: قلت ليها انتي معلمه ؟ ضحكت قالت لى ابدا ..
Author: Yasir Elsharif
Date: 02-18-2016, 08:02 AM
Parent: #5
شكرا
|
Post: #12
Title: Re: قلت ليها انتي معلمه ؟ ضحكت قالت لى ابدا ..
Author: فرح
Date: 02-20-2016, 07:18 AM
Parent: #5
نصر الدين سلام سلام
|
Post: #8
Title: Re: قلت ليها انتي معلمه ؟ ضحكت قالت لى ابدا ..
Author: فرح
Date: 02-18-2016, 09:14 AM
Parent: #3
شكرا سلمى وكل الفرح ليك وللجميع
|
Post: #7
Title: Re: قلت ليها انتي معلمه ؟ ضحكت قالت لى ابدا ..
Author: فرح
Date: 02-18-2016, 09:14 AM
Parent: #2
وائل
مودتى وشكرى يا حبيب
|
Post: #9
Title: Re: قلت ليها انتي معلمه ؟ ضحكت قالت لى ابدا ..
Author: Abdalla Hussein
Date: 02-18-2016, 11:27 AM
Parent: #7
الرائع فرح
تحية واجلال لهذا الجمال الدفاق
وبهديكم انتو التلاته اغنية الفنان الرائع محمد الامين :
حروف إسمِك
جمال الفال
وراحة البال
وهجعة زول بعد ترحال
وتنّية حلوة للشبّال
ودنيتنا ومشاويرنا
وغنواتنا الما بتِنقال
حروف اسمِك
نجوم ركّت على الياسمين
فرح فى عين جمالها حزين
أساور فى إيدين طفلة
بتحفظ فى كتاب الدين
زَفَافَ عاشقين بعد فرقه
وسط باقات دُعَا الطيبين
حروف إسمِك
عقد منضوم بخيط النور
وطلة وردة من السور
ونغمة تنادى من طمبور
وشُعلة فرحة فى الوادى
تَشِع جَذلانه ليها شهور
حروف إسمِك
وَكِت أشتاق وأرحل ليك
وأسرح فى عسل عينيك
بِتَحضِنّىِ......
قَبُل ألمسَ حرير إيديك
تأرجِحنى..وتَفَرحنى..وتخلينى
أدُق صدرى
وأقيف وسط البلد واهتف
بريدك يا صَباح عمرى
|
Post: #10
Title: Re: قلت ليها انتي معلمه ؟ ضحكت قالت لى ابدا ..
Author: Basamat Alsheikh
Date: 02-18-2016, 12:19 PM
Parent: #9
لقد جعلت الفرح يطل من حولينا من كل جانب يا فرح
في هذا الصباح الممزوج بروح الفرح ..ونتمنى ان يزورك
الفرح كل يوم يافرح...السطور تؤكد على انها صادرة من
رجل اديب ملئ بالمشاعر الدفاقة..والعواطف الفرحة دائما
ودمت بالف خير وصحة وعافية وفرحة..
|
Post: #11
Title: Re: قلت ليها انتي معلمه ؟ ضحكت قالت لى ابدا ..
Author: محجوب البيلي
Date: 02-18-2016, 02:39 PM
Parent: #10
| Quote: سكتت طويلا وقالت لي انت عجيبيبيب.. |
عارف يا فرح؟ لم أستطع الاستمرار في القراءة بعد هذه الجملة.
أخدت استراحة زي دقيقة كده... وبعدين واصلت.
..............
أشعر بقليل من خيبة الأمل:
هذه "اللوحة" أجمل وأعمق مما تتصور.
لدي إحساس إنك كلفتّها (بتشديد التاء) في الآخر.
تمنيت أن تزرعا  معاً مزيداً من الزهور:).
|
|