أيوة قاصد آمنة مختار ليست بيننا صداقة اسفيرية، لكنني أحبها طبعا واضح قاصد ياتو حب وحات سيدي الحسن، كلما أمر لي ببقة خضراء، قاعد أتذكرها ومرات مرات قاعد أتذكر معاها تبارك
بمناسبة حب أمونة دا، أحكي ليكم فرمالتي الحكيتها عشرات المرات: الناس بتعشوا في عرس أمونة، واحد قال لصاحبو: إتّا ما لو بكور ما جاء العرس؟ رد ليهو: بكور حردان لأنو متيّم بأمونة عمك كبير بكابس في الضلع قال ليهم: هو منو الما بريد أمونة دي؟! نادوهو خلوهو يلحق الضلع دا ساكت
داير أهدي ليها أغنية يا ربيع الدنيا بصوت وصورة فاطمة عمر (حفلة ابوظبي) ولو ما جات، بهدي ليها أغنية يخاصم يوم ويرجع يوم بصوت وصورة أسرار بابكر (الحلقة المعاها ناس هيلاهوب)
Post: #14 Title: Re: أفتقد بشدّة أمونة Author: زينب محمد عبدالله Date: 02-18-2016, 03:21 AM Parent: #13
انا غايتو شفتا الشافا
Post: #15 Title: Re: أفتقد بشدّة أمونة Author: أبوبكر عباس Date: 02-19-2016, 11:56 AM Parent: #14
شكرا لود القوز وعلاء وزينب، على مشاركتم لينا حب أمونة بالرغم من إنها عاملة تقيلة، لكن برضو بنهدي ليها أغنية فطومة بالنادي السوداني أبوظبي وأن كنت قاعد فيها قدام جنب السر بابو وإنعام حمور
هلا بالربع هلا .. نديكم تحية خليجية بمناسبة أبو ظبي وما أبو ظبي .
الراجل الإسمه أبكراي دا .. مداخلاته وبوستاته بترسم في وشي إبتسامة عريضة ..حتى لو بستفوهو فيها . بيديني إحساس زول بيحاول يكون جادي لكنه عمره ما بيقدر يكون جادي .. فهنالك خصلة هزلية فطرية في طباعه .. زيي بالضبط .. هههههه
مع إني لاحظت إنه البياطرة عموما دمهم تقيل ... بالذات الفي الخليج ..... :)
،،،،،،،،، بالمناسبة ما بعرف ( أعمل فيها تقيلة) .. مزاجية ممكن . حركات ناس المركز دي قدر ما حاولوا يعلمونا ليها ما قدرنا نهضمها . والدليل : زول نبهني للبوست فجيت توااالي .
تحياتي لجميع الحبايب هنا . وألف شكر وتحايا على الغنا الجميل . كلكم ذوق .
مرحب بالعزيزة امنة بت مختار و بركة الشفناك طيبة _____ غايتو جنس حب المستنير ده عمرو ما لاقانى يكب النقة امنة امنة امنة و كان جات غنوة و كان ما جات برضو غنوة و لامن تجى يخلّى مكان اللقيا و يمشى يتحاوم فى بكانات الناس التانيين يمين الله انا العنقالى الجايى من الضهارى و لابس البلامة هدم و سروال و كمان نعلين جنس حركتو دى ما بعملا غايتو الاستنارة دى الا يكون غيّروها زمان ما كانت كدى
'طبعا لو قلت ليكم ما شفتا جيّة آمنة ما بتصدقواأحلف ليكم بمنو؟وحات، بكري أبوبكرالمهم، يا سمعة وجلالدونا وإخلاص شكرا على الزيارة، وإن شاء الله نردها ليكم في زيارة حبيب
Post: #23 Title: Re: أفتقد بشدّة أمونة Author: سلمى على محجوب Date: 03-01-2016, 06:10 AM Parent: #22
صاح
من وقعة اللوري ديك بقى يتعسف
Post: #24 Title: Re: أفتقد بشدّة أمونة Author: أبوبكر عباس Date: 03-01-2016, 07:19 AM Parent: #23
يا سلمى ودينا:
قبل أيام حضرت لي مسلسل كويتي، فيهو واحد جميل دواخل، ما أفضلو على روحي، متزوج ليهو أربعة جميلات برّة وجوّة، وهن ما عارفات انو متزوج أربعة، مونسن ليك ونسة جميلة جدا وبحبهن الأربعة وسعيدات سعادة شديدة معاهو.
قام فجأة مات، قامن إتلاقن، بعد زوال الصدمة، إتونسن، وأكتشفن انو عندو مع كل واحدة حياة مختلفة، وأقرن على غير عادة النساء بانو كانن سعيدات معاهو جدا