وزير الصحة ابوقرده ... الله لا كسبك بركة

12:40 PM February, 16 2016

سودانيز اون لاين
عباس الدسيس-Saudia
مكتبتى
رابط مختصر

اضحك مع وزير الصحة...
سعادة الوزير عامل فيها طلع تصريح صحفي
اولا خلينا من حكاية البجيب الكريمات منو والوزارة المسؤلة عنها .... إحنا في كلمة ما جادي في تركيب الكلام
بالله دا وزير القرد الانط ليك في راسك
احنا من اللمبي لي القرد
بلد راحت في الرجلين
سجم امك كان قايل روحك وزير


البنات خليهن حسين خوجلي نقول هو ما جادي و ل برنامجو ما جادي
مرة تسمع والي وقف الطلح ودخان النسوان وابوقردة قال ما جادي
ياخ امشي شوف ليك شجرة نطط فيها و ل اقول ليك شيل ليك موزة دخلها في ......... اقصد خشمك
وزراء وهم......

يحكي لي واحد صديقنا ايام التفجيرات في المساجد هنا صلاة الجمعه المسجد القريب منهم فاضي شاف ليهو واحد هندي فارش المصلاية في الشارع والسخانه تقول يا ليل الراجل مشي رحمة به قال ليهو ... يا صديق ليش انت صلي بره المسجد روح أحسن صلي جوه هنا حر كثير.
الهندي قال ليهو: صديق احسن موت و ل حر.
اخير لينا الغربة بي سخانتها من نكون معاكم حسي يا سعادة الوزير تقصد بي ما جادي الولد سحسوس و ل البنت شين كاف شين الكريمات في السودان لو فتشت بيتك بتلقي ميزانيتها اكثر من الاكل ياهو دا الفالح فيهو طيب ما توقفا وتوفر عملة صعبة عشان ناس ود الباوقه اكعكلونا وابهلونا .... هجمة مرتده بمناسبة الانبهال اللمبي عمل الزيادة للموية 100% كع كرع انبهلت عنوان في الصحيفة بدون صورة للوجيه اللمبي

يا اب قرده

لمن تكون وزير وتقول كلام زي ده يبقي انت ذاتك ما جادي ..وقوم لف.......

ههههههههههههههههههههههههههههههههههههههههههههههههههههههههههههه
زمان في صقيعة سلامة في تاجر كبير وحاج سبعة مرات
جاهو تانكر الجاز اكب ليهو الجاز في البرميل
بتاع التنكر كب الجاز وقفلو قوي وشال قروشو وفات
بعد شوية عمك اسمع ليك البرميل تسسسسس تسسسسسسس تسسسسسس
والبرميل مقفول قوي
كورك لي ولدو اجيب المفتاح الانقليزي افتح البرميل عشان انفسو
والبرميل اسوي تس تس وعمك اقوليهو انعل ديييييييييييشك انعل دييييييييييشك
وقبل الولد قبل ما اجيب المفتاح البرميل انفجر تووووووش الجاز ضرب الوطا
عمك الحاج قاليهو انعل ديييييييييينك
دا شنو يا حاج
قال والله كان ما سبيت ليهو كانت انشقيت زي البرميل دا لكن اسع انفشيت ههههههههههههههه

Quote: يا اب قرده لمن تكون وزير وتقول كلام زي ده يبقي انت ذاتك ما جادي ..وقوم لف.......

اباذر سلام يا حبيبنا
ديل وزراء جقق اتخن صينية ما بتشيل لفتم
قال ما جادي الجداد الانقر راسو الفاضي دا

Quote: ههههههههههههههههههههههههههههههههههههههههههههههههههههههههههههه زمان في صقيعة سلامة في تاجر كبير وحاج سبعة مرات جاهو تانكر الجاز اكب ليهو الجاز في البرميل بتاع التنكر كب الجاز وقفلو قوي وشال قروشو وفات بعد شوية عمك اسمع ليك البرميل تسسسسس تسسسسسسس تسسسسسس والبرميل مقفول قوي كورك لي ولدو اجيب المفتاح الانقليزي افتح البرميل عشان انفسو والبرميل اسوي تس تس وعمك اقوليهو انعل ديييييييييييشك انعل دييييييييييشك وقبل الولد قبل ما اجيب المفتاح البرميل انفجر تووووووش الجاز ضرب الوطا عمك الحاج قاليهو انعل ديييييييييينك دا شنو يا حاج قال والله كان ما سبيت ليهو كانت انشقيت زي البرميل دا لكن اسع انفشيت ههههههههههههههه

أووووووووو حبيبنا شيخ العرب
شوق كميات
عشان كدا دخلنا ليهو الموزة زي كلام الحاج زولك
في مدني بحي الدباغه جيرانا اخوانا الفلاته بنلعب معاهم في دوري الروابط
عندهم واحد لو كبسك شلوت عنبر الحوادث طوالي ملقب بي مردونا
أها كان مسكت الكوره وقمتا جاري وسمعت المشجعين بتاع فريق فلاته ((الهقو يا مرضونا الهقو))
طوالي تعمل ساتر تفك الكوره وتطلع من الميدان و ل قسما يا الحوادث أو المقابر...........
ديل وزراء مرضونا عديل!!!!!

وهل سعادة الوزير جادي في كلامه ده؟

غايتو لو لاقتنى بت مليسـة وشها بكريمات.. إلا كان سلام الله بس من بعيـد.. تعمل أنصارى سنــة لا تسلم.

هذه سموم دكاترة المنبر مالهم ساكتين؟

الدخلت السودان ما تمرق.. الماديات التي سيطرت بعد البترول الشؤم.

Quote: وهل سعادة الوزير جادي في كلامه ده؟

حبيبنا aosman
سلام وتحية
اها شوف بتاع الصابون دا الجادي اكثر منو
صحف اليوم