Post: #3 Title: Re: مدينة كالقري.. و إتجاه (لبعض) أفراد الجالية Author: معاوية المدير Date: 02-15-2016, 11:11 PM Parent: #2
مشكور راني علي الإضاءة، والنادي مفتوح للجميع ...
Post: #4 Title: Re: مدينة كالقري.. و إتجاه (لبعض) أفراد الجالية Author: Suleiman Todi Date: 02-15-2016, 11:26 PM Parent: #3
شكرا يا معاوية علي الخبر
خلاص النادي فتحو للجميع؟
Post: #5 Title: Re: مدينة كالقري.. و إتجاه (لبعض) أفراد الجالية Author: rani Date: 02-15-2016, 11:30 PM Parent: #3
Quote: مشكور راني علي الإضاءة، والنادي مفتوح للجميع ...
. . "للجميع"؟ عارف للجميع دي أهم من " مفتوح" ذاتو.. . دا كلام سمح ياخ.. Keep the good work up guys . . ولي عودة لبعض التفاصيل، أينما اتيحت لي الفرصة.. الان في حالة سفر.. ودي والي عودة
Post: #6 Title: Re: مدينة كالقري.. و إتجاه (لبعض) أفراد الجالية Author: rani Date: 02-16-2016, 05:32 AM Parent: #5
(مدخل أول) . . ان سألني احدهم عن سر تلك الدهشة او ماذا كنت أري لقلت دون تردد كنت أري كمنجات كريات أحمر المزاج في دواخلي تنمو انني كنت أري فرحاً علي وجوه البشر، كالرزاز نازل مطر او كالزرازير من أصغر إصبع حب عصافير تطير . . أنني كنت أري، بكل صدق شنو يعني إنفتاح للأفق . . راني السماني ١٥ فبراير ٢٠١٦
Post: #7 Title: Re: مدينة كالقري.. و إتجاه (لبعض) أفراد الجالية Author: rani Date: 02-16-2016, 05:50 AM Parent: #6
(مدخل ثاني) ربما للبعض، خارج حدود فكرة البوست حبة.. شيل منو البعجبك والباقي فنو فووووو.. . .
نص: . . أفتح شرايين القلب وادي الوطن حقو من الدقين تنفك يا جدو يا عمو علم عصافيرك خليها تعرف صاح إنّو الوطن مجروح بي زيف حكم مفضوح والفي الفؤاد ما بروح لا بطلقة لا بومبان لا بطبلة لا ديدبان وأنت يا غلبان أعرف كمان إنّو ما كدا بتنحل لا جهوية لا كيمان لا حزبية لا أديان لا ببنقو لا إدمان محتاج مقاديفك للوعي والإنسان
محتاج مقاديفك للوعي والإنسان . . راني السماني
Post: #8 Title: Re: مدينة كالقري.. و إتجاه (لبعض) أفراد الجالية Author: ابراهيم ناصر Date: 02-16-2016, 06:08 AM Parent: #7
شكرا راني لفتحك هذه النافذة
لكم سعدنا بزيارتكم لنا
Post: #9 Title: Re: مدينة كالقري.. و إتجاه (لبعض) أفراد الجالية Author: معاوية المدير Date: 02-16-2016, 06:49 AM Parent: #8
Quote: شكرا يا معاوية علي الخبر
خلاص النادي فتحو للجميع؟
سلآمات أخي سليمان .
ياخي النادي اصلاً مفتوح للجميع ولك ان تأتي بنفسك ؤُ تشوف، والنادي ناديك، ولو ما حابب تجي النادي تعال فاكرني في بيتي وهو بيتك، ولو داير انا بجيك في بيتك، ولو دا كلو ما راق ليك ممكن الآقيك في تيم هورتن أو إستاربكس . دا رقم تلفوني : 0377 579 587 ،
ألف شكر ليك ...
Post: #10 Title: Re: مدينة كالقري.. و إتجاه (لبعض) أفراد الجالية Author: rani Date: 02-16-2016, 07:22 AM Parent: #9
( مدخل زي الاخير كدا) وبعديها نشوف البوست دا كان عنوانو شنو!! . .
"أم قريدون حم حم شتتنا ليك الهم ما تقولي قاصد ازاك أنا عندي زيك كم اوعي الشرك مفتوح زي الجرح والدم والروح دي لما تروح الريش دا كيف يتلم"
محمود السراج
Post: #11 Title: Re: مدينة كالقري.. و إتجاه (لبعض) أفراد الجالية Author: rani Date: 02-16-2016, 07:39 AM Parent: #10
Quote: شكرا راني لفتحك هذه النافذة
لكم سعدنا بزيارتكم لنا
سلامات عوافي يا زول، مرحاب.. سلامات، الجميل/ إبراهيم ناصر.. وانا كذلك سعيد يا صاحب، بالذي يحدث هناك..
Post: #12 Title: Re: مدينة كالقري.. و إتجاه (لبعض) أفراد الجالية Author: rani Date: 02-16-2016, 06:33 PM Parent: #11
كورال الأطفال بالنادي السوداني - مدينة كالقري
Post: #13 Title: Re: مدينة كالقري.. و إتجاه (لبعض) أفراد الجالية Author: rani Date: 02-16-2016, 10:33 PM Parent: #12
كم هو جميل هذا النشيد، الذي جمع هؤلاء الأطفال في محبة، ود، تناغم و وئام.. وكم حيكون أجمل أن وجد ما يجمع الكبار ايضاً. . . اتلملمو عشان تسلمو عشان تسلمو اتلملمو . .
Post: #14 Title: Re: مدينة كالقري.. و إتجاه (لبعض) أفراد الجالية Author: rani Date: 02-16-2016, 10:55 PM Parent: #13
تنبيه: عندما نذكر هنا مصطلح ( جالية) ، فاننا لا نعني اية كيان يحمل هذا الإسم ك بطاقة تعريفية لما هو مسجل بدوائر الاختصاص. بل هذا المصطح يشمل كل سوداني يقيم بتلك المدينة، اي بغض النظر ان كان هذا الشخص ينتمي الي اية كيان ام لا.. بمعني آخر، ان كان احد السودانين يقيم بمدينة كالقري ولكن لم يكن احد المسجلين بعضوية النادي السوداني او اية جهة اخري ينطوي تحت شعارها السودانين. فهذا بالتاكيد لا ينفي انتماء هذا ألفرد الي الجالية.. . . هذا علي حسب فهمي البسيط لمصطلح ( جالية).. وربما اكون مخطئ، فإن كان ذلك، يرجي التصحيح. مع فائق الشكر
Post: #15 Title: Re: مدينة كالقري.. و إتجاه (لبعض) أفراد الجالية Author: rani Date: 02-17-2016, 06:33 AM Parent: #14
مداخلة من الاخ/ شاويش عبدالسلام..عبر الفيس بوك:
Quote: Calgary, Alberta . Shawish Abdelsalam"النادى السودانى" بكالغارى أو تجمع أولاد البلد زى ما بيقولوا بعض الناس فى السودان، موضوعه قديم ومستحمى يا رانى. وناس كالغارى القدام كلهم عارفينو هو شنو. أى محاولة لتسويقه كنادى عادى للجالية السودانية فى كالغارى مكشوفه. الفيديو بتاع الأطفال النزلتو براهو بيحكى عن نفسو.التوقيع: كالغيريان قديم يسكن ريد دير حاليا.أعجبني · رد · 4 ساعة
سلامات أخي/ شاويش.. صدقني انا هنا لا لكي احاول ان اسوق للنادي او اية شي هكذا. كل الحاصل: انو انا كنت هنالك قبل يومين ودارت بيناتنا حوارات انا وبعض من أفراد لجنة النادي واتكلمنا بشكل واضح وبكل شفافية، والنتيجة الطلعت بيها انو فعلاً هنالك إختلاف ظاهر فيما كنا نسمع عنه بخصوص اجندة النادي في السابق. من تجربتي حسيت انو الناس الموجودين حالياً متفقين علي شي وأحد وهو انو النادي يكون للجميع من غير اية خيار وفقوس.. عن نفسي لا انفي إحتمالات حدوث اية تجاوزات في الماضي وبالتاكيد لا أجزم علي ذلك.. ما يهم في الأمر هو، الشي الذي يحدث الآن.ف في نظري الحاجات شكلها ماشي جيد جداً.. ربما اكون مخطئ ولكن الأيام جديرة باثبات العكس ان وجد. علي اية حال انا لا اعلم عن اللجنة السابقة اية شي، وحقيقة لا علم لي عن من الذي كان يمثلها ولذا، انا اتحدث عن نادي اليوم الذي رايته قبل يومين.. وكدي تعال نتفق علي حاجه في الاول، انو العوج ما بيتعالج بالعوج.. بعض من الموجودين في اللجنة اليوم، انا اعرفهم معرفة شخصية واعلم جيداً كم هم صادقين. فيا عزيزي تعال ما نعقد الحاجات.. ولو في اية إشكاليه الناس تحاول تحلها بكل شفافية.. امشي قابل الناس ديل واقعد معاهم انت ذاتك، وإحساسك البتحسو تجاه سيرهم بهذا النادي تعال اكتبو لينا هنا في العام وخلي العالم دا كلو يكون شاهد.. مع فائق ودي واتمني نسمع منك قريب. راني السماني من هناك برضو سابقاً وحالياً بقراند بريري.
Post: #16 Title: Re: مدينة كالقري.. و إتجاه (لبعض) أفراد الجالية Author: معاوية المدير Date: 02-17-2016, 10:03 AM Parent: #15
Quote: Shawish Abdelsalam · Calgary, Alberta "النادى السودانى" بكالغارى أو تجمع أولاد البلد زى ما بيقولوا بعض الناس فى السودان، موضوعه قديم ومستحمى يا رانى. وناس كالغارى القدام كلهم عارفينو هو شنو. أى محاولة لتسويقه كنادى عادى للجالية السودانية فى كالغارى مكشوفه. الفيديو بتاع الأطفال النزلتو براهو بيحكى عن نفسو. التوقيع: كالغيريان قديم يسكن ريد دير حاليا.
الأخ العزيز شاويش، أخبارك يا زول ؟.
قال الإمام الشافعي، وعينُ الرِّضا عن كلَّ عيبٍ كليلة ٌ وَلَكِنَّ عَينَ السُّخْطِ تُبْدي المَسَاوِيَا
لك ألف عذر فربما تكون ساخط علي شئٍ قد مضى، لكن دعني أقول لك، كل الذي ذكرت في مدآخلتك والله انا ما شُفتو في النادي ولا حسيتو . ويا شاويش هذه ضربة بدآية لبرنامج سيكون شهرياً إن شاء الله، وانا اتمنى ان تأتي في المرّة القادمة تحضر معانا ؤُ تشوف بنفسك، من جانبي سأخطرك بمواعيد البرنامج الأُسري الشهري القادمة ؤُ يا ريت تجي يا شاويش ؤُ تجيب أُسرتك معاك، ولو تعذرت عليك المواصلآت انا بجيك من كالقري آخدك تحضر معانا وأرجعك .
ألف شكر لك وسلآمي لناس رد ديّر، وللأخ عبد العظيم كودي ...
Post: #17 Title: Re: مدينة كالقري.. و إتجاه (لبعض) أفراد الجالية Author: rani Date: 02-18-2016, 06:18 AM Parent: #16
لو عارف عيونك.. أداء الجميل/ مالك محمد مالك. عزف المبدع/ عبدالحليم محمد. . .
Post: #18 Title: Re: مدينة كالقري.. و إتجاه (لبعض) أفراد الجالية Author: rani Date: 02-18-2016, 07:40 PM Parent: #17
Quote: Calgary, Alberta شكرا يا رانى ومعاوية وعداكم العيب. عملت مع إخوة واخوات افاضل فى كالغارى فى السابق بهمة لخلق مجتمع سودانى موحد وقوى من قبل انفصال البلد الحزين. ولكن كان هنالك دوما بعض الناس الذين يظنون أنهم أعلى مرتبة من غيرهم وكانوا دائما يرفضون الاندماج مع كل السودانيين. وهذا ما أدى لركود العمل الاجتماعى فى كالغارى لفترة طويلة. ورغم رحيلى من كالغارى لظروف العمل الا أننى ظللت أتابع مجريات الأمور عن كثب وادعم كل ما من شأنه توحيد السودانيين هناك. مبدئيا أنا لا ادعم أى عمل لا يجمع عليه أغلبية السودانيين. وشكرا مرة أخرى لحسن ظنكم فى شخصى الضعيف.
سلامات الأخ/ شاويش.. شكراً علي حسن النية. نعم اتفق معاك تماماً، انو كالقري كان مشاكلها كتيرة جدا في السابق عندما يتعلق الأمر بالجالية.. وانا شخصياً، كتبت عن موضوع مشاكلهم دا هنا قبل كدا واكثر من مرة، ولكن اليوم الحاجات ماشة بشكل مختلف، شكل ينادي بتوحد الجالية تحت مظلة حب واحد.. فيبقي اذا ما دعمناهم نكون قصرنا، ولا رأيك شنو يا عزيزي؟ يلا ايد علي ايد نجدع بعيد. وعشان عيون اطفالنا ما تضوق الهزيمة.. . . شكرا ليك يا صديق، علي تفهمك وسعت الصدر.. ويلاك نبدا التغير بينا..
تسلم ومع فائق ودي
Post: #19 Title: Re: مدينة كالقري.. و إتجاه (لبعض) أفراد الجالية Author: Hamid Elsawi Date: 02-19-2016, 04:25 AM Parent: #18
شكرأ راني لفتح هذا البوست العمل العام فيه مشاكل و خلافات كثيرة و ده امتحان لينا و لي مقدرتنا علي الصبر و و كيفية تقبل الاخر. لا تساعدنا في ذلك تربيتنا القايمة علي العنف اللفظي و الجسدي حيث سوط العنج و فرع النيم و العصا في المدرسة و البيت و عشان كدة دايما اردد مقولة نحن عاوزين اعادة تفكير في كثير من الموروثات التي تؤثر سلباً في تعاملنا مع البعض. و سوف نمشي في طريق خلق جالية تجمع الجميع في المدينة علي اختلاف مزاجهم و توجهاتهم و اثنياتهم و لونياتهم السياسية. ربنا يوفق
نتوق شوقا لنري معرضك في مدينة كالقري شكراً لزيارتك لنا ....
Post: #20 Title: Re: مدينة كالقري.. و إتجاه (لبعض) أفراد الجالية Author: rani Date: 02-19-2016, 02:03 PM Parent: #19
Have A Voice Make A Choice:
Post: #21 Title: Re: مدينة كالقري.. و إتجاه (لبعض) أفراد الجالية Author: rani Date: 02-19-2016, 02:17 PM Parent: #20
Quote: شكرأ راني لفتح هذا البوست العمل العام فيه مشاكل و خلافات كثيرة و ده امتحان لينا و لي مقدرتنا علي الصبر و و كيفية تقبل الاخر. لا تساعدنا في ذلك تربيتنا القايمة علي العنف اللفظي و الجسدي حيث سوط العنج و فرع النيم و العصا في المدرسة و البيت و عشان كدة دايما اردد مقولة نحن عاوزين اعادة تفكير في كثير من الموروثات التي تؤثر سلباً في تعاملنا مع البعض. و سوف نمشي في طريق خلق جالية تجمع الجميع في المدينة علي اختلاف مزاجهم و توجهاتهم و اثنياتهم و لونياتهم السياسية. ربنا يوفق
نتوق شوقا لنري معرضك في مدينة كالقري شكراً لزيارتك لنا ....
سلامات الصديق/ حامد الصاوي نعم يا صاحب، دا طريق شايك جداً، يتطلب الكثير من المرونة وتفتح للأفق والنظر لقدام دون اية أنانية. هنالك أجيال، كتب لها القدر أن تعيش هكذا، بعيداً عن تراب الوطن.. ف انسجام الجالية وترابطها، ممكن يخلق لتلك الأجيال إحساس موازي، حتي وان كان باهت. افضل من مافي. . . علي اية حال انتو ماشين كويس، وربنا يوفقكم اكثر و اكثر. . . المعرض جاي قريب ان شاء الله.. شوية ترتيبات بس. . . ود وإحترام سلام للجميع
Post: #22 Title: Re: مدينة كالقري.. و إتجاه (لبعض) أفراد الجالية Author: rani Date: 02-19-2016, 07:01 PM Parent: #21
كونك انك تقوم تتمرجح في نص حلمك والدنيا ضلام الا خيالك من الضوء كان واقف مسافة ريشة ولون
تجيك الفرحة مندهشة تقنب ترسم لوحة عميقة بشكل تشوفها الصباح تنبهر تسرح في حزن المحبة تلقي الإحبة غرفن فجأة من دموعك وفاتن مشن تتوه وما تتذكر يازول حافظ كل احلامو
تسمع حبيبتك تبحلق في عيونها شفتك امس مشيت تتمشي في المرسم دخلت عوالم حزنك رجعن ايدينك مبشتنات يا اريتك ما غسلت منهم حميم اللون جيت مبشكر وجعك صنقرت حداي شهيت مزاجي الونسة معاك.. يا انسان.. . . راني السماني
Post: #23 Title: Re: مدينة كالقري.. و إتجاه (لبعض) أفراد الجالية Author: معاوية المدير Date: 02-21-2016, 10:50 AM Parent: #22
Quote: سوف نمشي في طريق خلق جالية تجمع الجميع في المدينة علي اختلاف مزاجهم و توجهاتهم و اثنياتهم و لونياتهم السياسية. ربنا يوفق