Post: #1
Title: كم عدد سكان السودان ومساحة السودان بالضبط الان؟؟
Author: Basamat Alsheikh
Date: 02-12-2016, 01:26 AM
Parent: #0
00:26 AM Feb, 12 2016 سودانيز اون لاين
Basamat Alsheikh- نيويورك
مكتبتى
رابط مختصر جانا سؤال في اختبار ولن نستطع ان نجاوب عليه..
والغريبة ،بل قولوا العجيبة ان خواجيات امريكيات
والما بعرفن اي جغرافية جاوبن السؤال صاح..ونحن السودانيات
جاوبن غلط...(نحن فاضيات من الواتساب والقطيعة والاخبار المفبركة)
وجه باسم ومكشر )..عشان دي نص الحقيقة...والمفروض نرجع للمراجع
ونتقصى الحقائق..
والاسئلة كالتالي:علما بان عم فوقل نفسه ما قدر يجاوب على الاسئلة:"~
كم عدد سكان السودان الان..ومتى تمت اخر احصائية لعدد سكان السودان
وكم كان عدد السكان في ذلك الوقت ونسبة الزيادة خلال هذه الفترة؟؟
كم مساحة السودان الان؟ وكم كانت مساحتها قبل فصل جنوب السودان؟
وماهي المدينة الحدودية التي تقع في الاراضي السودانية والمدينة الحدودية
التي تقع داخل اراضي دولة جنوب السودان؟
كم عدد سكان دولة جنوب السودان ..ومساحة دولة جنوب السودان..وهل تمت
احصائية لعدد السكان بعد فصل الدولة من السودان ؟
والسؤال الاخير: ماهو الاسم الرسمي للسودان الشمالي والاسم الرسمي للسودان الجنوبي؟؟
ودمتم بالف خير وصحة وعافية
|
Post: #2
Title: Re: كم عدد سكان السودان ومساحة السودان بالضبط
Author: ملهم كردفان
Date: 02-15-2016, 06:36 AM
Parent: #1
ده كلام ده ... يابسمات معقوله
تكتبى بوستين ومافى زول يديك النجيضه
...
اها بالنسبه
لمساحة السودان قبل الإنفصال
كانت بتساوى سماحة ارواحنا وطيبة ناسنا
ميلون ميل مربع من الحنيه والأصاله
...
مساحة السودان بعد الإنفصال مليون و882 ألف كيلو متر مربع
وذلك لأن
مساحة السودان الكاملة قبل الأنفصال مليون ميل مربع(2589000كم)
ومساحة السودان الجنوبي الذي يشكل 30%
من مساحة السودان الكاملة أي 777000كم
نطرح التحت من الفوق نلقى الفقر ظالم
ونطرح الفوق من التحت نبكى من كتر المظالم
كان عددنا محسوب محبه واحترام بقي عددنا مسخره وشتات بعد الكيزان
التعداد السكاني بعد الانفصال - عدد السكان: 33.419.625 نسمة
...
عدد سكان الجنوب بعد الانفصال
يبلغ سكان الجنوب 8.2 مليون نسمة ... ربنا يديهم ويدينا السلام
احترامى
|
Post: #3
Title: Re: كم عدد سكان السودان ومساحة السودان بالضبط
Author: محمد المسلمي
Date: 02-15-2016, 06:58 AM
Parent: #2
عدد السكان تفرق مابين الهجرة والمعسكرات 😭😭😭
المساحة الحقيقية انقسمت الي شمال وجنوب وجزء تقاطعته مصر وإثيوبيا 😭😭😭
------
بت الشيخ ياراقيةسلام عليك في الشتات فتحت جرح غائر 😓😓😓😓😓😓😓
|
Post: #5
Title: Re: كم عدد سكان السودان ومساحة السودان بالضبط
Author: Basamat Alsheikh
Date: 02-15-2016, 09:03 AM
Parent: #4
عزيزي الفاضل ملهم كردفان والوطن...
اولا شكرا كتير على هذه المعلومات الوافية
والثرة والمفيدة والتي اتيت بها باسلوب راقي
وممتع وانيق ...ويبدو انك فنان راقي واديب
متمكن وتطاوعك اللغة والحروف سهلة طيعة
بين اناملك وان تصوغها كما تريد تتناثر دررا
تلتقفها قلوبنا وعقولنا قبل اعيننا...
..وثانيا الكثيرين في هذا الموقع الاسفيري لا يهتمون
بالمفيد ..وانت ترى باعينك اين يهرعون ويهرولون
...وكنت متوقعة اجد الاجابة في نفس اليوم او ثاني
يوم....او على اقل تقدير الما عارفين الاجابة يجوا
يسالوا معاي ويرفعو البوست لفوق...
ودمت بالف خير وصحة وعافية
بسمات
ودمت بالف خير وصحة وعافية....
|
Post: #6
Title: Re: كم عدد سكان السودان ومساحة السودان بالضبط
Author: Basamat Alsheikh
Date: 02-15-2016, 09:30 AM
Parent: #5
عزيزي الفاضل محمد المسلمي
شكرا كتير على المرور والتعليق الانيق..
عرفنا ان مصر مشاكلة معانا في حلايب...
ومع انه نحن ما عندنا حق نطالب بحلايب
عشان اصحاب الحق وهم اهل البلد لمن سالوهم
هل بتريدوا تنضموا لمصر او السودان؟ اجابوا
بالصوت العالي ..مصر ..مصر..وذلك في استفتاء
اجرته السلطات المصرية...وطيب يا محمد اذا ناس
ما عاوزينك تعمل بيهم شنو...خلاص تخليهم على راحتهم..
..بس الما عارفينه اثيوبيا دي كمان احتلت ارض سودانية كمان
ولا شنو؟؟..واذا ده حصل...حلاص نعمل استفتاء ونسال اهل
المنطقة المحتلة: هل انتوةعاوزين تنضموا للسودان او اثيوبيا
واذا اختاروا اثيوبيا..خلاص مافي مشكلة..نقول ليهم في ستين
داهية واربعين صباح...( وبالمناسبة خلاص عرفت معنى ستين
داهية واربعين صباح)..
وهكذا ممكن كمان نسال سكان الخرطوم والمدن الاخرى ...واذا
كلهم اختاروا الانضمام للدول المجاورة. في النهاية حتفضل لينا
ام المدائن عطبرة التي ستختار البقاء في السودان وحيكون السودان
عطبرة وعطبرة حتكون السودان...
ومعليش على فتح الجرح الغائر..وانت تبرا من الالم...
(والله كمان وبمناسبة انت تبرا من الالم ذكرتنا الفنان ابو عبيدة
حسن...وشكرا ود البوش..)
ودمت بالف خير وصحة وعافية..
|
Post: #7
Title: Re: كم عدد سكان السودان ومساحة السودان بالضبط
Author: Basamat Alsheikh
Date: 02-15-2016, 09:44 AM
Parent: #6
عزيزي الفاضل مدثر صديق
شكرا على هذا الموقع الالكتروني المفيد
وفعلا فيه معلومات مفصلة وجيدة..
ودمت بالف خير وصحة وعافية
|
Post: #8
Title: Re: كم عدد سكان السودان ومساحة السودان بالضبط
Author: اباذر عبد العال
Date: 02-15-2016, 09:53 AM
بسمات
بقينا ما عارفين نحن كنا واقفين وين ولا ماشين على وين
عدد الدول التي تحد السودان زمان
والان بقت كم
|
Post: #9
Title: Re: كم عدد سكان السودان ومساحة السودان بالضبط
Author: عبدالعظيم عثمان
Date: 02-15-2016, 11:48 AM
Parent: #8
لولا الثورة المهديه لبلغ عدد سكان السودان أكثــر من 250مليون نسمة الآن !
|
Post: #10
Title: Re: كم عدد سكان السودان ومساحة السودان بالضبط
Author: Basamat Alsheikh
Date: 02-15-2016, 12:33 PM
Parent: #9
شكرا ابا ذر للمرور..
صحي انت ذكرتني بالدول المحيطة بالسودان..
نقصن ولا زادن؟؟وعددن كم هسع ؟..وما عندي خريطة
قدامي عشان اعرف اسماء تلك الدول..
ودمت بالف خير وعافية
|
Post: #11
Title: Re: كم عدد سكان السودان ومساحة السودان بالضبط
Author: Basamat Alsheikh
Date: 02-15-2016, 12:58 PM
Parent: #10
عزيزي الفاضل عبد العظيم عثمان
..انا عندي قناعة ومن خلفية قراءاتي لتاريخ
السودان المعاصر..بانه لولا الثورة المهدية لكنت
انا وانت وغيرنا بدون سيادة وبدون عزة وكرامة
وبدون وطن...ولكنا نعمل خدامين وخدامات في
قصور الانجليز والمصريين الكانو مستعمرين السودان
...وهسع عليك الله انت براك شايف بان عدد سكان
السودان حوالي ثلاثين مليون وهم بيعانوا ويقاسو
من اجل لقمة العيش كيفن..فما بالك اذا كانو ٢٥٠ مليون
...كنا حنكون في مجاعة دايمة ومستمرة...
..ويعني هو في مجاعة اكثر من الشايفنو هسع!!؟؟
السؤال الاخير ده ما من عندي..لكن من عند الصديقة
امتثال..
ودمت بالف خير وعافية
|
|