فرانكلي يؤستك من طرف وهو يدعو لاستخدام وسيلة ديمقراطية

12:49 PM Feb, 09 2016

سودانيز اون لاين
احمد الشيخ-الدوحة - قطر
مكتبتى
رابط مختصر

بس دي تجي كيف
انت بتدعو الناس للتوقيع على عريضة
ودي وسيلة ديمقراطية زيها وزي التظاهر السلمي زي ما قلت
كيف وانت في بوسنيك دا زااااتو بتأستك اي مداخلة ما عاجباك
طيب رد عليها
بلاش ترد .. خليها واتجاهلها
لكن استخدام وسيلة ديكتاورية في بوست يحث على استخدام وسيلة ديمقراطية دي غاية المفارقة
خليك متسق
ولو ظاهريا

كفاااااااره ياأبوحميد

عجبني للمارقوت

شليق يا احمد





.

الشلاقة عاقة يا عبدالعزيز
الغريبة بعد استك المداخلة الاولى تااااني اتشالقت واعترضت
حنى الاعتراض على الاستكة استكه
يعني استكة تربيع

مسح المداخلات لا يعتبر دكتاتوريا، لأنه حق قانوني تم منحه للأعضاء لمساعتدهم في إدارة بوستاتهم حسب رؤيتهم الشخصية
أي عمل يعتمد القانون يعتبر عمل ديمقراطي، قد تصفه بعدم الاستنارة لكن ليس هناك معيار لذلك
المهم هو عمل قانوني

Quote: المهم هو عمل قانوني

ليس شرطا

اذا لم تكن مداخلة الزميل فيها مخالفة للوائح وقوانيين المنبر او اساءة او كلمات نابية الخ
وتم مسحها من قبل صاحب البوست

ففي هذه الحالة لا يصبح عمل قانوني بل سوء استخدام للقانون او السلطات او الصلاحية

يا مستنير في جريمة اسمها التعسف في استخدام السلطات
يعني حتى لو القانون اداك صلاحيات معينة ما بحق ليك تتعسف فيها
ورد الاخ حاتم مشكورا بيوضح النقطة دي
دا أولا
التاني في قانون الآن في السودان بحاكم المتظاهر بخمسة سنوات سجن
هل اذا في ناس طلعت مظاهرة بالمخالفة للقانون دا يبقو هم الديكتاتوريين والنظام الحيديهم خمسة سنين سجن هو الديمقراطي؟

ثالثا ان معيار ان الشخص فعلا ديمقراطي ام لا مش استخدامه للقانون لكن استخدامه لمبادئه في الحكم على الأشياء
ليس معنى ان في يدك صلاحية اعطيت لك في ظروف معينة ان تستغلها لقمع اي راي مخالف لك وتقول كلللله بالقانون؟
دا المحك بين الديمقراطي الحق ومن يستغل الوسائل الديمقراطية فقط للوصول إلى هدفه دون ايمان حقيقي بالديمقراطية
ودا تحديدا عدم الاتساق لمتين ننور فيك يا مستنير

كفر الله استكاتك يا ملهم
ههههههه

يا حاتم، المسح لم يستحدث لمسح المداخلات التي تخالف اللوائح
حق المسح لم يحدد طبيعة المداخلات التي يحق لك مسحها
لو شين ساكت، ممكن أمسح مداخلتك وأكون زول قانوني ولا أحد يستطيع وصفي بالدكتاتور
ممارسة الحقوق، يعتبر نوع من الديمقراطية

بالعكس، الولولة وكشيخ الرماد بفتح البوستات احتجاجا على طردك من البوست هي السلوك الغير ديمقراطي

ما عندنا ولولة ولا كشيح رما الحمد لله يا مستنير
دا كشف لعدم اتساق الكيزان وعدم ايمانهم الحقيقي بالديمقراطية
اذا نفعتهم طبقوها واذا ضرتهم قالوا هي كفر واستلاب

لكن بمنطقك مش فتح البوستات قانوني؟
يبقى كيف قانوني وغير ديمقراطي في نفس الوقت

يفترض انو بكري يحذف نوع هذه البوستات، لأنو قاعد يحذف البوستات التي تتولد من بوست محذوف
قياسا على ذلك بوستك غير قانوني بتوجيهه للكاتب الملتزم بالقانون كمال فرانكي

Quote: يا حاتم، المسح لم يستحدث لمسح المداخلات التي تخالف اللوائح

لا اعتقد ذلك

الغرض من استحداث هذه الصلاحية هو مشاركة كاتب البوست الادارة في ازالة المداخلات المخالفة لقانون البورد

ولو تظن ان الغرض خلاف ذلك...ممكن تنورنا معك

اي قانون لايكون اعتباطيا ولكن لابد من غرض له

تحياتي

العظيم بكري حين استحدث هذا القانون وضع في حسبانه تفاؤت مقدرات ابنائه الاعضاء في في تحمل واستيعاب مداخلات الآخرين، لذلك وسع تعريف المداخلة المخالفة وجعل ذلك نسبي
وكذلك جعل مستويات الحوار بالمنبر تسبية وبذلك استوعب الجميع هنا
هذا في تقديري منطق بكري في استخداث المسح

بوكو كل عمل يعتمد القانون هو عمل ديمقراطي اتذكر بس للدنيا والزمان

يا ود الشيخ وحاتم ما تجتهدوا مع المستنير في الغلاط ساي, الراجل براه قال في غير مكان جاه احساس انو ناس المنتدى اعتبروه مجنون وهجروه خلوه يطربق براه - او في معناه
فا شنو.. من الغلاط الدائري فكرته انه يكتب و تردوا عليه عشان ما يتحسّس ساي
فا ما تاخدوا طربقته دي بجدية

موش يا ود البشرى، كل مرّة بقول ماشي وبجي راجع؟!
أها هسع وصلت القمة في الغلاط وتأكد لي انو ما في زول بهزمني في الغلاط والاستنارة، وهسع بس باقي تلاتة مداخلات في بوست فنتازيا، بختمن بفيديو صورتو قبل كم سنة كدا أثر غلاط كبير مع محسن خالد وقد اعترف لي بالسيادة
أها بعد داك بمشي أخليكم في جهلكم وأخليك تطربق مع أبوحسين، جلال، طلحة وود المدير وتنعموا بجهلكم وتعيدو في جملة
قوم لف

الله يسألني يا بكّور لمّا تجيب سيرة المشي وعدم الرجعة انا بقيت اخجل ليك
ياخي ما معقول! انت ماتنسى انو رابطك عقد و التزامات تمشي كيف تخليها !!
ثم صحح عبارة مافي زول هزمني في الغلاط و الإستنارة
الجزء الأول صحيح ما حد بهزمك في الغلاط, وإن كان غلاطك عوير وما فيه نكهة يكاد يكون قريب من غلاط كاسترو
لكن الإستنارة هههه ... يخربك

فرانكشتاين يظهر محجب ختيت ليه آية قرأنية في بداية مداخلة تنادي باستثناء استيراد العربات الأمريكية المستعملة شاتها بي آيتها شوية كده بمشي ليه بتعويذة بوذية إمكن تشتغل معاه

وسط ليهو ود البشرى دا لأنو حسب ما قال ابو حسين هو وفرانكلي اخوان في الكوزنة

والله مسح المداخلات دا اكبر سقوط في الديموقراطية
حتى لو فيها عبارات بذيئة خليها تقعد عشان كل الناس تشوف مستوى كاتبها

يا ابو بكر انت غلاطك منوع عنزة وان طارت يعني ما فيه حتى شوية اجتهاد من اجل الاثارة او تحليل الاستنارة
تحليل يعني تاكلها بالحلال
انا اوردت ليك عدة نقاط لتفنيد حجة انه اي عمل قانوني هو بالتالي ديمقراطي
وانت ما رديت على اي نقطة فيهن
وعاوز تحاسبني بقانون ما زال فكرة في راسك براك وبتفترض انه بكري لازم يطبقه وهو قنون مسح البوستات المنبثقة والمسمى اختصارا بقانون المستنير
من تطبيقي لنظرية تحليل الشخصية من خلال الخط والمضمون انت زول زهجان ساي
مع انه عندك بوستات تنتزع الابتسامة بل الضحكة انتزاعا
لكن في الغالب حتى النةع الساخر لهذه الدرجة هو ايضا زول زهجان ساي

ههههههههههههههههههههه،
دي للبوست ؤُ صاحبو .

ههههههههههههههههههههههههه،
دي للمستنير ؤُ منتصر .

هههههههههههههههههههههههههههههههههههه،
دي لبقية زوار البوست ؤُ ود الغالي .

ها ها ها ،
دي لفرانكلي ؤُ بس ...

فرانكلي اليحصل المذكرة حقتهم ذاتها البيت الابيض آستكها ليهم من ١٠٠ الف شرم منها ٤٠ الف للتزوير ههههههه