الأخ دينق مع إحترامي التآم لجميع اعضاء البورد والمتابعين ولك، أنا مونساتي ...

10:16 AM Feb, 08 2016

سودانيز اون لاين
معاوية المدير-بكندا محافظة البرتا
مكتبتى
رابط مختصر

المؤانسة شي جميل وتُعقد لها الجلسات ؤُ تكون فيها الجبنة، وهي ترفه عن النفس
التي تمل النمط الوآحد وتكره ان تركن للوحدة والإنعزال .
ضغط المنافي يا جماعة والله صعب بالحيل، وهذا المنبر يشيل عنا جزء كبير جداً
من معاناة الغربة والآمها، ويضعنا في إطار البلد بالساعات التي نقضيها بينكم، ووالله
أنا رغم صعوبة السفر للسودان يراودني السفر، وعندما اغرق في الحلم بالسفر
دايماً بفكر يا ربي امشي عن ايّ طريق، الدوحة، ابو ظبي، السعودية ؟، إحتار في
تحديد الطريق ؤُ دا كلو لأني بكون افكر في لقاء أهل البورد، وحزين جداً لأني لم
أقابل الذين رحلو عن دنيانا، لكن الله غالب، وأتمنى ان أقابل جميع البورداب،
ويبقى العزاء الوحيد لمتنا معاكم هنا .
المواضيع هنا متعددة ومتنوعة وأنا اميل جداً للونسة وأُسلوب الونسة حتي في
نقدي لرأي أو فكرة أو فكر، وقد أكتب بأسلوب ساخر عن رأي أو فكر أو فكرة
لكن تبقى الونسة هي الطريق الوحيد لكسر رآتب الغربة وجواز مرور للدخول
وسطكم، وترويح للناس عندما يشتدّ النقاش في مواضيع السياسة والمواضيع
التي تؤدي للبغضاء والشحناء بين الناس ...

Quote: تمت الناقصة جا كمان واحد من مونساتية البورد! تعرف أسواء حاجةفي الراجل هي أن يكون زول بتاع قولات ومطاعانات. بعدين أنت ما ملاحظ أنا أصلا تافهك وما قاعد أرد عليك؟ بالله يا جماعة لاحظوا للنكرة ده وشوفوا الشلة المباريها قي البورد ده من هم وما هي مواقفهم؟ علشان تعرفوا النوعية دي كويس.

سلآمات يا دينق .
ياخي جلالدونا دا زول صاحبي ؤُ من شِلة الونسة، يعني نحن لو إتصورت إننا
قاعدين في نادي، بتلقى شِلة الكشتينة، وناس بيلعبو تنس طاولة، ؤُ كمان في
ناس بيتونسو، أها نحن الناس البيتونسو ديل .
بس يا دينق بدل تسأل الناس عليك الله وضح لينا نظرتك لينا شنو، وما هي
مواقفنا، عشان توضح لينا ايّ نوع من البشر نحن ؟، وأعدك إن وضحت
لنا عيوبنا نقوم بتصحيحها فوراً، ووالله انا اوّل زول اصلح نفسي لو وريتني
عيوبي ؤُ مافي زول بيخلو من عيوب ...

Quote: ووالله انا اوّل زول اصلح نفسي لو وريتني عيوبي ؤُ مافي زول بيخلو من عيوب ...

كرعينك شينات الإتنين شمال و مغبشات و مشققات ........

يا ود المدير ،
إنت إنسان طيب الأخلاق ،
طيب المعشر ،
من صفوة الصفوة ،
في محراب سودانيز اون لايص ،
و ليك شعبية عريضة ،
من المعجبين و المحبين ،
و أجمل شئ في الدنيا ،
محبة الناس ،
و القبول في الأرض ،
أشواقي ،

*******






عزالدين عباس الفحل
ابوظبي

Quote: كرعينك شينات الإتنين شمال و مغبشات و مشققات ........

ههههههههههههههههههههه،

دي صعبة شديد،
لأني لو حاولت اصلِحِن بيبقن اللِتنين يمين، أما بالنسبة للشقيق زمان كنا بنطقطق
فوقِن الودك بس هسّع القاهو وين في المنافي دي ؟، ما عندك طريقة ترسّل لي
بُرطُمانية ؤُ ينوبك توآب ...

Quote: يا ود المدير ، إنت إنسان طيب الأخلاق ، طيب المعشر ، من صفوة الصفوة ، في محراب سودانيز اون لايص ، و ليك شعبية عريضة ، من المعجبين و المحبين ، و أجمل شئ في الدنيا ، محبة الناس ، و القبول في الأرض ، أشواقي ، *******

ود الفحل المريود،
إنت إن شاء الله تتبارك .

وحات الله انا بريدك في رب العالمين الخلقنا دا ...

اولا يا الشيخ ورد في الأثر انو العاقل ما بلبس طواقي مو مقاسه وكان إنلقى مقاسه الا يكون اسمه مكتوب عليها
ثانيا تقول تجي عن طريق ابوظبي عشان تلاقي الناس ونحن نسمع بك سمع بعد تسافر و ترجع!

أتمنى من صاحب المنشور - إن كان مسلما - أن يبحث عن لفظة يشير بها إلى Deng غير كلمة "أخ"،
فالكلمة لا يصلح استخدامها مع غير المسلم ، وله أن يبحث عن ذلك.
======
سيدنا نوح عليه السلام عندما نادى ربه بوصف ولده بابنه سائلا الله له النجاة في قوله تعالى:
{ وَنَادَىٰ نُوحٌ رَّبَّهُ فَقَالَ رَبِّ إِنَّ ابْنِي مِنْ أَهْلِي وَإِنَّ وَعْدَكَ الْحَقُّ وَأَنتَ أَحْكَمُ الْحَاكِمِينَ }
أجابه الله بأنه ليس من أهله:{ قَالَ يَا نُوحُ إِنَّهُ لَيْسَ مِنْ أَهْلِكَ ۖ إِنَّهُ عَمَلٌ غَيْرُ صَالِحٍ ۖ فَلَا تَسْأَلْنِ مَا لَيْسَ لَكَ بِهِ عِلْمٌ ۖ إِنِّي أَعِظُكَ أَن تَكُونَ مِنَ الْجَاهِلِينَ}
فبأي كلمات رد سيدنا نوح عليه السلام؟
{ قَالَ رَبِّ إِنِّي أَعُوذُ بِكَ أَنْ أَسْأَلَكَ مَا لَيْسَ لِي بِهِ عِلْمٌ ۖ وَإِلَّا تَغْفِرْ لِي وَتَرْحَمْنِي أَكُن مِّنَ الْخَاسِرِينَ }
----
الدين عقيدة وقول وعمل

Quote: أتمنى من صاحب المنشور - إن كان مسلما - أن يبحث عن لفظة يشير بها إلى Deng غير كلمة "أخ"، فالكلمة لا يصلح استخدامها مع غير المسلم ، وله أن يبحث عن ذلك.

سلآمات أخي قصي،
يأخي صاحب المنشور دي ما بتشبهك، واللآ ما عايز تخاطبني بأخ عشان خاطبت
دينق بأخ ؟. هل بكدا بتعتبرني مرقت من المِلّة ؟....

Quote: اولا يا الشيخ ورد في الأثر انو العاقل ما بلبس طواقي مو مقاسه وكان إنلقى مقاسه الا يكون اسمه مكتوب عليها ثانيا تقول تجي عن طريق ابوظبي عشان تلاقي الناس ونحن نسمع بك سمع بعد تسافر و ترجع!

هههههههههه،
يا ود البشرى ياخي خلينا نجرّب .
غايتو نفر لياقتك !، بالله إنت من الزمن دآك صاريها لي ؟...

اها قصي دا حسع يعرفك كيفن مسلم ولا ما مسلم؟ عشان يقول لك يا اخ ؟
اول حاجة انطق الشهادتين قدامنا هنا بعدين ليها مية حلال

معاويه المدير ده انا خاتيهو لي كسير التلج بما انو في كندا وكده
يعني صاحب ليهو مكانتو يادينق





عشان كده رشو ولاتأخذك فيه اي كركبه




يادينق معاويه وشلتو ديل اظرف ناس في المنبر ده
خصوصا جلالدونا بتاع البكا والسكلي لمن يمسحو ليهو مداخله

معاوية ود المدير

بكل امانة يعجبني جداً اسلوبك في الكتابة
وهو اسلوب صعب للغاية لا يجيده إلا قليلون
رغم ان الكثيرون يعتبرونه الاسهل

ونسنا ياخ
نحن اولاد ونسة
من قمنا بنقعد مع حبوباتنا واجدادنا وظرفاء الحي عشان الونسة

مع ودي

غايتو زي ماقتا ليك سابقا اتا احد المتسقين في هذا البورد
وانا معجب جدا بطرحك لانو في اغلبو عادل ومرات فايت العدالة للاحسان
دينق مدردقاتي خطير يستفزك لدرحة قف ويرميك في عبو تنبزو يورجغ النسعلك في منيوال لرد الشتايم الشتايم وقلة الذوق والادب العنصرية كلها صرة في خيت مامخارجة
تحياتي يازول يانيل

أخ يا مصاريني لحدي ما يجيك مفتي الكرين والزغلباني المجاهد أم رخم الله

ود المديرتحيات نواضراديك نصيحة..اذا عاوز تسافر السودان سافر بالقطرية عن طريق الدوحةوتبيت ليلة في فندق فخم في الدوحة وتنزل تتفرج في منطقة اسمها اللؤلؤة..وحتنسى هموم الغربة للحظات جميلة.

.وبعدين انت مونساتي زي ما انت بتقول لكنك ما نمام ولا بتاذي الناس..واقرا كلام عز الدين الفحل ..وكله بينطبق عليك يا ود عطبرة...وبينطبق كمان على كل اولاد ام المدائن...وكلنا بنستمتع بونستك..وما توقف الونسة...والله كان
ما ونسات المنبر العام وحكاوي الناس السمحين والزينين كانت الغربة القساية دي دخلتنا
في متاهات نفسية عجيبة..

..ودمت بالف خير وصحة وعافية

Quote: اها قصي دا حسع يعرفك كيفن مسلم ولا ما مسلم؟ عشان يقول لك يا اخ ؟ اول حاجة انطق الشهادتين قدامنا هنا بعدين ليها مية حلال

يا قريبي اللُولآ انا شفتها لكن إخترت التانية رفقاً بأخي قصي . البين فصلتين دي
كتيّرة شوية ؤُ قصي دا كان رجع لقول الرسول صلي الله عليه وسلّم لسيدنا علي،
أشققتَ قلبه كان قصّر المسافة . بعدينك قصي لو مشى بحث في الكلآم الحايمبو
في المنبر دا كان ريّح نفسو وخرج من دائرة رمي الناس بالخروج من المِلّة،
وأنا والله ليس بيني وبينه شئ فالرجل كان يعتقد انه يسدي لي النصح علي ببينة
لكنه اخطأ، واسأل الله ان يغفر لي اولاً ثم يغفر له .

صامت يا اعزّ الناس،
أحفظ دي عندك (كتيّرة شوية ) . كتيّرة ؤُ شوية !
شُفت كيف ! دي ما تلقاها إلا في العامية السودانية ...

Quote: انور الاسد · Khartoum, Sudan وحات نضري بريدك ريده في الله ساي اها كان جتلك عمره او اي مطار في المملكه شد لي سلك

اللسد النتر،
كتّر خيّرك كتير، وانا احبك في الله الذي احببتني فيه .

يا انور اخوي إنت قايل الدنيا فضل فيها كتير ؟، ياخي قبل خمسطاشر
قرن نهايتا أُعلنت وانشقّ القمر، دحين رسّل لي تلفونك خلني اللخابرك
في اليومين الجايات ديل كان فضل في الرئتين نفس ...

أنا اسمي مكتوب ؟
طيب .

عشان تاني تهنضبني ؤتفوت .

ههههههههههه

Quote: أنا اسمي مكتوب ؟

لآ
________
سنة يا الهنضبة

أقول ونار شبّت بدار مندرا ... وللنار فيها وهجة تتضرم
فما هو إلا كافر طال عمره ..فجاءته لما استبطأته جهنم
_________ بتصرف ___________
يا ود الشيخ ود المدير ده الشهادتين ذاتن ما بحلنو
طال ما شيخ قصى قال بى خروجو من الملة
شيخ قصى ده سلفى موقد نار
هشى يا شيخ قصى لو قلتا لى واحد مسيحى اخخخخخخ منك
بكون دخلت الدائرة الجهنمية دى والعياذ بالله

Quote: معاويه المدير ده انا خاتيهو لي كسير التلج بما انو في كندا وكده يعني صاحب ليهو مكانتو يادينق عشان كده رشو ولاتأخذك فيه اي كركبه يادينق معاويه وشلتو ديل اظرف ناس في المنبر ده خصوصا جلالدونا بتاع البكا والسكلي لمن يمسحو ليهو مداخله

ملهم،
يا إبن عروس الرمال ياخي ليك معزّة خاصة . والله صحي .

ياخي دينق دا لو جا وضّح لينا بعد دآك اليرُش زي ما داير،
أصلو ما فضل حاجة بعد طلعونا من المِلّة بسببو .

جلالدونا يا ملهم وقع ضحية لإتهامات هو ابعد ما يكون عنها ...

Quote: Samet ALsamet الأخ معاوية المدير : تبقى من أجمل مافي هذا المنبر .. وبرغم أني لا أتداخل معك ، ولكن يعلم الله أني أستمتع بما تكتب ( وسرّ صغير : كثير مما تعلمته هنا عن اللهجة السودانية كان من مشاركاتك ) ............ الأخ الكريم / قصيّ : لا بأس في مناداة غير المسلم بـ الأخ . فهو أخ في النسب ، وليست أخوة الدين .

صامت أيُها الرجل المُفَوّه،
يا ابن ابي وأُمي، ويا اخي في كِليهما،
أعني النسب والدين قلت وأصبت، فليته يفهم .

ياخي كتّر خيّرك وتظل أنت أجملنا بوجودك بيننا وصبرك علينا .
تجدني شاكر لك وابسط يا عم البُكان اللِيّلك تب ...

Quote: معاوية ود المدير بكل امانة يعجبني جداً اسلوبك في الكتابة وهو اسلوب صعب للغاية لا يجيده إلا قليلون رغم ان الكثيرون يعتبرونه الاسهل ونسنا ياخ نحن اولاد ونسة من قمنا بنقعد مع حبوباتنا واجدادنا وظرفاء الحي عشان الونسة مع ودي

أخي ياسر،
شاكر لك إعجابك وابادلك مودة بمودة .

الونسة الدايرين يسووها لينا سُبة دي ياسر انا كنت بتركلها اللِعِب في الشارع .
شُفت لِعب الشارع اللذيذ البنلعبو زمان دآك لآمن كنا سغار ؟، أها انا كنت بزهد فيهو لآمن
يجو حبوباتنا وأجدادنا من البلد، ؤُ فد قنصة معاهم لآمن يرجعو .

أمانة ما نتونس ونسة في البُكان دا يا ياسر
كان الله مدّ في الليام ...

الما عندو محبة
ما عندو الحبة

وونسة من ونسة تفرق

تحياتي يا قريبي ليك وللمشاركين

Quote: غايتو زي ماقتا ليك سابقا اتا احد المتسقين في هذا البورد وانا معجب جدا بطرحك لانو في اغلبو عادل ومرات فايت العدالة للاحسان دينق مدردقاتي خطير يستفزك لدرحة قف ويرميك في عبو تنبزو يورجغ النسعلك في منيوال لرد الشتايم الشتايم وقلة الذوق والادب العنصرية كلها صرة في خيت مامخارجة تحياتي يازول يانيل

حامد بدري،
ياخي لينا زمن من شوفتك .
حسبته شر فظهر فيه خيراً كثيرا، وجودك يا حامد وكل الأحباب هنا خفف عليّ
وطأة الرمي بالكفر والإيحاءات الغير مقبولة .
كان العشم ان يصحح دينق نفسه، فإذا بقصي يرميني من سهم آخر، فأصبح العشم
ان يصححوا أنفسهم وإن فعلوا فهو خيراً لهم و الواجب علي ان اشكرهم، وإن لم
يفعلوا، فليبوء كلٍ منهما بحملة، وانا عافي ليهم .

يا ريت أكون عند حُسن ظنك بي ...

ود المدير
عتابك لدينق مفهموم ومقبول لانه عتاب
الاخ لاخيه ، لكن اهل الظلام عاوزين
ينطلقوا من عتاب الاخوه ، ليصححوا
لنا علاقتنا الاخوية ومعتقدنا !!!!!!
وسيدنا علي بن ابي طالب قال :
الناس صنفان : اما اخ لك في الدين
او نظير لك في الخلق .
عاتب عتابك يااخي ولاتجامل
اهل الهوس الديني ، او من يظنوا
ان خلق الله سكة حديد في درجة اولي
وتانية ومنامة وسطوح

Quote: ( وسرّ صغير : كثير مما تعلمته هنا عن اللهجة السودانية كان من مشاركاتك ) ............

التوقيع : صامت الصامت
قيل في المقام: قم للمعلم وأديهو موية يشرب فقد نشف ريقو ..
تعليق: معاك معلم يا ..

Quote: أخ يا مصاريني لحدي ما يجيك مفتي الكرين والزغلباني المجاهد أم رخم الله

هههههههههههه،

يا منتصر ياخي اقعد ساي، هيي ...

Quote: خالد طلعت · جامعة السودان ياخي ريحتني راحه بي قصة شلة النادي البتونسو ديل . . لانو دي كانت قعداتنا في النادي وكان بقول علينا ناس المنتدى الفقهي . .

ألف مرحب بيك أخي خالد .

يأخي شلة النادي بتاعت الونسة دي اظرف شِلة،
ؤُ كمان بتاعت الحفلآت، زمان في الحفلآت كنا ما بنشتغل بالحفلة
الشغلة، بس تلقانا مِتلميّن ؤُ داقنها ونسة لآمن يلمو الكراسي .

يا سلآلآم،
والله كانت أيام .

لك مودتي ومشكور علي المرور ...

Quote: ود المديرتحيات نواضراديك نصيحة..اذا عاوز تسافر السودان سافر بالقطرية عن طريق الدوحةوتبيت ليلة في فندق فخم في الدوحة وتنزل تتفرج في منطقة اسمها اللؤلؤة.. وحتنسى هموم الغربة للحظات جميلة. .وبعدين انت مونساتي زي ما انت بتقول لكنك ما نمام ولا بتاذي الناس..واقرا كلام عز الدين الفحل .. وكله بينطبق عليك يا ود عطبرة...وبينطبق كمان على كل اولاد ام المدائن...وكلنا بنستمتع بونستك.. وما توقف الونسة...والله كان ما ونسات المنبر العام وحكاوي الناس السمحين والزينين كانت الغربة القساية دي دخلتنا في متاهات نفسية عجيبة.. ..ودمت بالف خير وصحة وعافية

بِت حِلتنا،
حيّاكِ الغمام .

والله اكان إتلقت السفرة الدوحة في البال، لكن كان لقيت طريقة عُمرة ما باباها تب،
يا ريت الإمور تتسهّل ؤُ نلآقيكم في اتبرا كمان .
يا بسمات الونسة هنا اصبحت الحبل السري الذي يربطنا بالوطن والأهل حيث كل
البورداب أصبحو أهل لنا، فلهم كامل إحترامي وإن شاء الله الناس تتلآقى ؤُ تتلمّ
في ساعات الخير في وطن يسع الجميع ...

Quote: أنا اسمي مكتوب ؟ طيب . عشان تاني تهنضبني ؤتفوت .

ههههههههههههههه،

يا ملك وتوالت الأحداث عاصفة ياخ،
كدي في اللوّل خلني اللشوف حكاية خروجي من المِلّة دي !،
أخوكم

Quote: الناس صنفان : اما اخ لك في الدين او نظير لك في الخلق .

ولا واحدة فى الإتنين ديل
بتلم ود المدير مع (الأخ) دينق
ف ما تعقدوا الأمور زيادة

حلوة زيادة دى.....
ود المدير شا الله كويس ياخ..

ونسه جد


كب ونساتك ساي

يا مدير

Quote: الما عندو محبة ما عندو الحبة وونسة من ونسة تفرق تحياتي يا قريبي ليك وللمشاركين

حياك الغمام يا قريبي .

شيخنا محمد المهدي المجذوب قال مُتسائلاً في ليلة المولد،
أيكون الخير في الشر انطوى ؟.

أرادوها كفراً وإسفاف قول وأرادها الله
محبة أسأله سبحانه ان يديمها ...

Quote: أقول ونار شبّت بدار مندرا ... وللنار فيها وهجة تتضرم فما هو إلا كافر طال عمره ..فجاءته لما استبطأته جهنم _________ بتصرف ___________ يا ود الشيخ ود المدير ده الشهادتين ذاتن ما بحلنو طال ما شيخ قصى قال بى خروجو من الملة شيخ قصى ده سلفى موقد نار هشى يا شيخ قصى لو قلتا لى واحد مسيحى اخخخخخخ منك بكون دخلت الدائرة الجهنمية دى والعياذ بالله

هههههههههههههه،

ياخي نارك الشبّت فوق دي انا قريتا، نار اليشب، تصدق ؟،
الله يطرى أخونا محسن خالد بالخير ويرده لنا رداً جميلآ .

يا جلالدونا مضت علي البوست اكتر من 24 ساعة !. أنا والله لو كنت اشك مجرّد
شكك في إنو منادآة دينق بي أخ دي بتمرق ضفري من المِلة ما كان ناديتو بيها،
ولو علمت صحة مراجعة قصي ما غمد لي جفن قبل أن أرجع لله واتوب .
اسواء حاجة يا جلالدونا ان يتخذ الشخص إلآهه هواه وان يركن لنفسه الأمآرة
بالسوء حتي يجعلها تحول بينه والإستغفار والرجوع لله تعالى .
زمن والله !، الوآحد بي شختة كي بورد يطلعوهو من الدين زي الشعرة من
العجين . نسأل الله السلآمة ...

ياتري هسه الواحد يبدأ بالأخ ؟ ولّ بلاش ..
المحترم جلال الدين عيسي عمر..
رئيس قلم المونساتية ..
قالو تلاته اصحاب حواشاتم متجاورة في القضارف ..
لما حل الموسم مشو حرتو ؤ رمو بذرتم منتظرين المطر ..
أها جات المطرة رشت اتنين ؤ فطت التالت في النص ..
بعد الحصاد الاتنين شالولم شوالات عيش ؤ مشو لصاحبم ..
قالولو ياخي الرزق من الله و النشفك السنة دي يبلك الجاية ..
قالهم : أيو أنا عرفو رزق إلا الفرزة مغصتني..
يعني ما معقول ود المدير يونس فينا من البورد البورد أوضة ؤ برندة تجي انت تقلح منو الرياسة !! نوط فيير..
حقو و لّ مو حقوووو..
عارف يا جلال لا حظت اهلنا الكبار زمان بعد يخلصو من ونسة ساخرة زي دي ..
كانو بختمو بجملة طريفة تقول : سويناها ضحك ؤ سبناها .

والله يا قصي لو تفتح مليون بوست ما يحلنّك،
مخرجك الوحيد ترجع لله سبحانة وتعالى وتترك
المكابرة، وتستغفر من إتهامك لي بالكُفر .

أفرأيت من اتخذ إلهه هواه ...

يا شيخ قصي ما تصعبها ياخ الله يهدينا ويهديك

ربنا قال (وَلَتَجِدَنَّ أَقْرَبَهُمْ مَّوَدَّةً لِّلَّذِينَ آمَنُواْ الَّذِينَ قَالُوَاْ إِنَّا نَصَارَى) وحلل لينا الزواج منهم وأكل طعامهم .. يعني الواحد تعرس اخته وصينيتكم واحدة وما تقول عليه أخوك !!
وهل الأخوة نفسها قيمة دينية ؟ يعني عبادة موقوفة ولا لفظ دنيوي يستخدم دون أي حمولات دينية ؟
طيب ربنا قال (وَإِلَى مَدْيَنَ أَخَاهُمْ شُعَيْبًا) و (وَاذْكُرْ أَخَا عَادٍ) و (وَلَقَدْ أَرْسَلْنَا إِلَى ثَمُودَ أَخَاهُمْ صَالِحًا) و (إِذْ قَالَ لَهُمْ أَخُوهُمْ لُوطٌ أَلا تَتَّقُونَ)
ديل كفار عديل موش أهل كتاب ربنا أمرنا نبرهم ونقسط إليهم
بعدين ياخي ورد في وثيقة المدينة بين النبي (ص) واليهود أول هجرته (وأن يهود بني عوف أمة مع المؤمنين)
ما تجي تسك لي سند الوثيقة .. الحديث الضعيف يؤخذ به في فضائل الأعمال

ود المدير نسينا نسلم عليك
تحياتي

اتو الليامات دي مالو سمكم فاير
زي الدابي الحارقو سم
كبرو اللفة وباركوها
ازيك يا والمدير وضيوفك
اهديك قصيدة قيس
المؤنسة ( تأنيث المونساتي )تَذَكَّرتُ لَيلى وَالسِنينَ الخَوالِيا وَأَيّامَ لا نَخشى عَلى اللَهوِ ناهِيا
وَيَومٍ كَظِلِّ الرُمحِ قَصَّرتُ ظِلَّهُ بِلَيلى فَلَهّاني وَما كُنتُ لاهِيا
بِثَمدينَ لاحَت نارُ لَيلى وَصُحبَتي بِذاتِ الغَضى تُزجي المَطِيَّ النَواجِيا
فَقالَ بَصيرُ القَومِ أَلمَحتُ كَوكَباً بَدا في سَوادِ اللَيلِ فَرداً يَمانِيا
فَقُلتُ لَهُ بَل نارُ لَيلى تَوَقَّدَت بِعَليا تَسامى ضَوءُها فَبَدا لِيا
فَلَيتَ رِكابَ القَومِ لَم تَقطَعِ الغَضى وَلَيتَ الغَضى ماشى الرِكابَ لَيالِيا
فَيا لَيلَ كَم مِن حاجَةٍ لي مُهِمَّةٍ إِذا جِئتُكُم بِاللَيلِ لَم أَدرِ ماهِيا

Quote: ود المدير عتابك لدينق مفهموم ومقبول لانه عتاب الاخ لاخيه ، لكن اهل الظلام عاوزين ينطلقوا من عتاب الاخوه ، ليصححوا لنا علاقتنا الاخوية ومعتقدنا !!!!!! وسيدنا علي بن ابي طالب قال : الناس صنفان : اما اخ لك في الدين او نظير لك في الخلق . عاتب عتابك يااخي ولاتجامل اهل الهوس الديني ، او من يظنوا ان خلق الله سكة حديد في درجة اولي وتانية ومنامة وسطوح

حباب محجوب ود علي .

يا محجوب الغريب في الأمر البعض يعتقد إنو الإسلآم دا حقو وحق المسلمين
ناسين أو متناسين إنو الإسلآم حق كل الناس، والداير يؤمن اليؤمن والداير
يكفر اليكفُر .
الوآحد بس يلفح بلا جيهة ؤُ يجي يردم !.
حسبنا الله ونِعمَ الوكيل ...

Quote: أبو غاده · شندى الثانويه بنين يا ود المدير شفت المعاملة الطيبه والذوق ديل ياهن ذااااتن الخلن دينق يفتكر إنه مساككته واتهاماته الجاهزه للناس خوفت الناس منو

سلآمات يا ابو غادة .

يا ابو غادة الناس ما بتعرف دينق، ؤُ ما بيعرفو يتعاملو معاهو،
يبدو إنو دينق عندو تصنيف لينا، وأهو فتحنا ليهو بوست خليهو
يجي يختنا في خانتنا البعرفا لينا، ؤُ بنعرف نرد عليهو كيف ...

Quote: ولا واحدة فى الإتنين ديل بتلم ود المدير مع (الأخ) دينق ف ما تعقدوا الأمور زيادة حلوة زيادة دى..... ود المدير شا الله كويس ياخ..

هههههههههههههههه،
حلوة ؤُ ملعوبة كمان يا مكاوي .
تسلم ياخ ؤُ تسعل مِنّك العافية ...

Quote: ونسه جد كب ونساتك ساي يا مدير

اباذر يا ولدنا،
كمان لآمن يفضل فيها باقي حانمشي نتمو فوق
حجرة البحر في السيالة كمان .
أها، شِن قولك ؟...

Quote: كانو بختمو بجملة طريفة تقول : سويناها ضحك ؤ سبناها .

هههههههههههههههههه،

يا ملك ياخ إنت ما ملآحظ إني جادي
في البوست دا ؟...

Quote: ود المدير نسينا نسلم عليك تحياتي

حياك الله يا احمد أخوي .

ياخي قُصي دا انا كنت إحترمو إحترام يكاد يكون منقطع النظير،
لكن بعد رفض يرجع لله ويستغفر من إتهامه سقط في نظري ...

Quote: اتو الليامات دي مالو سمكم فاير زي الدابي الحارقو سم كبرو اللفة وباركوها ازيك يا والمدير وضيوفك

حباب عبد الحفيض،

ياخي نفر مؤانستك دايرالآ بوست براها طويل عريض
تنعقد فيهو مقارنات ...

Quote: حافظ الإمام محي الدين · Calgary, Alberta تعرف يا معاويه المدير المانع دينق من دخول البوست بتاعك ده إنه ما عارف يبتدي المداخله بتاعتو بالأخ معاويه وللا يقول ليك معاويه حاف كده. الزول ده لو إنتقدتو نقد خفيف كده علي بالحلال ما تلقي منه أي خوه، إنت قايل قصي ده براه ، كدي لاحظ لدينق في كل بوستاته، لا يستعمل كلمة أخ إلا مع من إتفق معه ودي إسمها خوه في الرأي.

سلآمات يا حافظ،

الذي يهمني في المقام الأوّل إحترام اراء الناس وأشخاصهم، إن بادلوني الإحترام كتّر
خيرهم وإن لم يبادلوني هذا شأنهم . اسعى دوماً لكسب الناس، فإن تخسر شخص شي
منافي للفطرة السليمة في إعتقادي . إن كان هذا الذي ذكرت هو تقييم دينق للناس فهذا شئ
يخصه، لكن هذا البوست معنون بإسم دينق وانا طلبت فيهو من دينق توضيح ما اورد
في مداخلته، وإذا داير يجي هنا يوضح حبابو وانا بعرف كيف إتعامل معاهو، وإن
لم يأتي بخُترو . بالنسبة لقصي، قصي شكك في عقيدتي بحجة انه يريد ان يرشدني
ويوعظني ثم هرب مُعلناً بهروبه هذا إنه لم يكن يبغي إسداء النُصح لأخ من باب
الأمر بالمعروف والنهي عن المنكر، بل اتى لشئ يخصه ولتصفية حسابات مع
دينق . الرجل لم يكن مُخلص لله تعالى ...