ڨيلا الأخت بسمات فى المنبر ...!!!

Post: #1
Title: ڨيلا الأخت بسمات فى المنبر ...!!!
Author: ملهم كردفان
Date: 02-07-2016, 07:56 AM
Parent: #0

06:56 AM Feb, 07 2016
سودانيز اون لاين
ملهم كردفان-الإسكندريه
مكتبتى
رابط مختصر
اختنا المحترمه
بسمات..تحيه طيبه ..مقرون معها فائق التقدير والاحترام
......................................................
نچى لطريقة كتابة ڨيلا
نشطى الnum lock ثم تعاملى مع لوحة الأرقام التى توجد بشمال الكى بورد
لكتابة الحروف المعطشه
أضغطى على Alt
ثم أكتبى
1704
يظهر لك حرف
ڨ ڨ ڨيلا
....
الجيم المعطشه
برضو Alt
ثم
0141
چ چ چاكى الكلام ولاا ماوقع ليك
...
كمايمكنك نسخ الحرف من أى ملف word
ثم تكلمة الكلمه التى يجب ان يكون فيها

احترامى

Post: #2
Title: Re: ڨيلا الأخت بسمات فى المنبر ...!!!
Author: سيف الدين محجوب
Date: 02-07-2016, 08:57 AM
Parent: #1

مشكور ياملهم

معلومة مفيدة والله

Post: #3
Title: Re: ڨيلا الأخت بسمات فى المنبر ...!!!
Author: عماد الدين الطيب عمر
Date: 02-07-2016, 12:50 PM
Parent: #2

ملهم
احييك و الله

Post: #4
Title: Re: ڨيلا الأخت بسمات فى المنبر ...!!!
Author: قصي محمد عبدالله
Date: 02-07-2016, 01:06 PM
Parent: #3

تحياتي للجميع..
يا شباب دي رسالة موجهة، عنوانا ومضمونا!
كدي أصبروا شوية.. وبطلوا لفحي،
مافي داعي تفتحوها قبال صاحبتها...
وبعدين يا ملهم ياخ في طريق خاص للخاص!
ههههه
شكرا الأخ ملهم على المعلومات القيمة
وعلى الإهتمام بالزملاء الكرام.

Post: #5
Title: Re: ڨيلا الأخت بسمات فى المنبر ...!!!
Author: ملهم كردفان
Date: 02-07-2016, 03:44 PM
Parent: #4

يديك العافيه ياسيف الدين محجوب
بس كمان ياريت تدينا معلومه تقنيه او عامه نختها في الصالون بتاع بسمات
حاجه كده تكون حلوه زي باقة من الورود والازاهير

ومنها. كلنا نستفيد مع بعضنا

Post: #6
Title: Re: ڨيلا الأخت بسمات فى المنبر ...!!!
Author: ملهم كردفان
Date: 02-08-2016, 03:10 PM
Parent: #5

عماد الدين الطيب عمر
حياك الله ياعمده ..ورضى عنك وأعطاك

احترامى

Post: #7
Title: Re: ڨيلا الأخت بسمات فى المنبر ...!!!
Author: ملهم كردفان
Date: 02-09-2016, 02:19 PM
Parent: #6

Quote: وبعدين يا ملهم ياخ في طريق خاص للخاص!
ههههه
شكرا الأخ ملهم على المعلومات القيمة
وعلى الإهتمام بالزملاء الكرام.

بحب اتعامل مع صاحبات السمو قدام الناس

ومابراسل البنات فى الخاص ياقصى

لانو الموضوع عام ومافيهو خصوصيه

والمعلومه المبذوله فى العام أفيد

والعفو ياخى ...

Post: #8
Title: Re: ڨيلا الأخت بسمات فى المنبر ...!!!
Author: اسامه العريفي
Date: 02-09-2016, 02:30 PM
Parent: #7

Quote: بحب اتعامل مع صاحبات السمو قدام الناس

ومابراسل البنات فى الخاص ياقصى

احترمك

Post: #12
Title: Re: ڨيلا الأخت بسمات فى المنبر ...!!!
Author: قصي محمد عبدالله
Date: 02-09-2016, 10:50 PM
Parent: #7

Quote: بحب اتعامل مع صاحبات السمو قدام الناس

ومابراسل البنات فى الخاص ياقصى

لانو الموضوع عام ومافيهو خصوصيه

والمعلومه المبذوله فى العام أفيد

والعفو ياخى ...

ما هكذا يتم التنبيه الشخصي ..

وما هكذا يعنون الخطاب العام..

Post: #9
Title: Re: ڨيلا الأخت بسمات فى المنبر ...!!!
Author: محمد الامين محمد
Date: 02-09-2016, 03:02 PM
Parent: #4

شيخنا قصي انت غض الطرف واعمل رايح

Post: #10
Title: Re: ڨيلا الأخت بسمات فى المنبر ...!!!
Author: ملهم كردفان
Date: 02-09-2016, 03:18 PM
Parent: #9

اسامه العريفى ...شكرا مقدرا بقيمة احترامك أضعافاً مضاعفه

Post: #11
Title: Re: ڨيلا الأخت بسمات فى المنبر ...!!!
Author: ملهم كردفان
Date: 02-09-2016, 03:20 PM
Parent: #9

نعم دى النجيضه

Quote:
شيخنا قصي انت غض الطرف واعمل رايح

مامن كاتب إلا سيفنى ويبقي الدهر ماكتبت يداه فلا تكتب بكفك غير شيئ يسرك في القيامة ان تراه

Post: #13
Title: Re: ڨيلا الأخت بسمات فى المنبر ...!!!
Author: ملهم كردفان
Date: 02-09-2016, 10:59 PM
Parent: #11

Quote:
ما هكذا يتم التنبيه الشخصي ..

وما هكذا يعنون الخطاب العام..

ماعندك موضوع ...!!!

Post: #14
Title:
Author: قصي محمد عبدالله
Date: 02-09-2016, 11:05 PM
Parent: #13

Post: #15
Title: Re:
Author: معاوية المدير
Date: 02-09-2016, 11:32 PM
Parent: #14

ملهم،

أعمل حسابك من التكفير ...

Post: #16
Title: Re:
Author: ملهم كردفان
Date: 02-10-2016, 00:07 AM
Parent: #15

Quote: ملهم،

أعمل حسابك من التكفير ...

والله وبالله لواجتمعت الأمه الإسلاميه كلها ماتقدر تكفرنى ياحبيبنا

خليك من مجرد فرد ماقادر يتعامل وفق المنهج الصريح
للمصطفى صلى الله عليه وسلم

لاقادر على جادلهم بالتى هى أحسن
ولاقادر على اخفض لهم جناح الذل من الرحمه
ولاقادر على وأدعوا الى سبيل ربك بالحكمة والموعظة الحسنه
ولاقادر على الرقه فى التعامل
فظ وغليظ القلب والناس حتنفض من حوله
لا وكمان ماعندو حس اجتماعى بالمره

ياريتو لو كان زى محمد سيد والا الشعراوى والا محمد احمد الحسن

شغله مشاتر ياخ

عشان كده انا ماح
اتعامل معاه بالمره ...!!!

Post: #17
Title: Re:
Author: Basamat Alsheikh
Date: 02-10-2016, 01:22 AM
Parent: #16

الحبيب ملهم كردفانوالله انت اكدت لينا ان الناس السمحين في المنبر العا موجودين..واؤكد لينا ان هذه المعلومة اول مرة اعرفهاواكاد اجزم ان معظم اعضاء المنبر العام لا يعرفون هذه المعلومة الهامة وهي طريقة كتابة الفاء بثلاثة نقاط والجيم المعطشة...فشكرا ليك كتير ودمت بالف خير وصحة وعافية

تخريمة لمولانا قصي
اولا شكرا للمرور والتعليق وبعدين يا مولانا هذه المعلومة فيها فائدة للجميع والحقيقة انا طلبت من القراء في مساعدتي في كيفية كتابة الفاء بثلاثة نقط..وذلك في بوست فيلا باقان اموم الحرامي البناه في اسبانيا بسبعة مليون دولار وشعب الجنوبيتضور جوعا ...وصاحب البوست كاتب الفاء بنقطة واحدةبدل ثلاثة نقاط ..ووجد انتقاد بانه كتب الفيللا زي كلمة فيل..وانا استغربت وقلت في نفسي وهسع هو يلقى الثلاثة نقاط دي وين يعني....وعشان كده يا مولانا مافي خصوصية في هذا الموقف..( هسع عليك الله يا مولانا انت ما استفدت من المعلومة دي!!!)(وجه باسم)..وجزاك الله خيرا على اهتمامك ودمت بالف خير وصحة وعافية
وهسع انا يا دوب ماشة اتدرب على طريقة الكتابة في الكيبورد لكتابة
هذه الحروف الغير ظاهرة امامنا.
وتقبل يا ملهم كردفان شكرا وامتنان زميلاتي في مقاعد الدراسة
ومنهن امتثال الموسيقار ..وقريبتي ابتهال ومن على البعد بت السيد
الاميرة( متعها الله بالصحة والعافية) وهن اكدن ان هذه معلومة مفيدة
جدا جدا...

Post: #18
Title: Re:
Author: Basamat Alsheikh
Date: 02-10-2016, 02:17 AM
Parent: #17

العزيز الفاضل سيف الدين
وشكرا ليك انت للمرور البهي والتعليق..
ودمت بالف خير وصحة وعافية

Post: #19
Title: Re:
Author: Basamat Alsheikh
Date: 02-10-2016, 02:20 AM
Parent: #18

عزيزي الفاضل عماد ود الطيب
..وحياك الله ...والمعلومة فعلا مفيدة للكل..
وشكرا للمرور ..والتعليق...
ودمت بالف خير وصحة وعافية

Post: #20
Title: Re:
Author: Basamat Alsheikh
Date: 02-10-2016, 02:26 AM
Parent: #19

عزيزي الفاضل اسامة العريفي
..شكرا لطلتك البهية يا اسامة...
فملهم كردفان ليس فقط ملهما لكردفان وحدها
ولكن لكل الوطن..
ودمت بالف خير خير وصحة وعافية

Post: #21
Title: Re:
Author: Basamat Alsheikh
Date: 02-10-2016, 02:38 AM
Parent: #20

عزيزي الفاضل محمد الامين محمد..
شكرا للمرور والتعليق ....وعشان البوست مكتوب باسمي
..والله تغمرني سعادة حقيقية ...وبتخفف كتير من بلاء الغربة
القساية ..ومع ان الغربة في عاصمة العالم نيويورك. ..الا ان
اصغر قرية في الريف السودانية في عيوني اجمل واروع..
..ولمن نقرا قصائد اسماعيل حسن ونسمع ود بادي تسيل الدموع
انهارا...
..اها قربت اقلب البوست نواحة ونخرج من الموضوع..
ودمت بالف خير وصحة وعافية..

Post: #23
Title: Re:
Author: Basamat Alsheikh
Date: 02-10-2016, 02:46 AM
Parent: #21

ود عطبرة.. ود المدير..
انت السعيد ...يا ود عطبرة...لانك
كلما تذكر الاتبراوي واتبرا بتنسى كل همومك
وكل مصاعب الغربة...وكتاباتك هنا في المنبر العام
حببت كل اعضاء المنبر في مواضيعك الشيقة..
لكن نحن لمن نتذكر اتبرا والاتبراوي نقعد نبكي
ونقلب الغربة اكثر قساوة واشد معاناة...ونواحة..
..امنيتي امشي الاجازة الجاية وما ارجع..
وشكرا للمرور والتعليق..
..ودمت بالف خير وعافية

Post: #22
Title: ملهم السودان
Author: elhilayla
Date: 02-10-2016, 02:43 AM
Parent: #20

ما شاء الله يا ملهم
زي ما قالت ليك بت الشيخ أنت ملهم لكل أهل السودان
مشكور يا ابن العم
بت الشيخ
تصدقي وتأمني بالله
قريت العنوان وكان في بالي عاوزة تبيعي vيلتك
عقبالك واحدة كبيرة بس ما تبيعيها
حبوبتي بت الشريف زمان عندها ليمنا مثل
ال عند السيد أقرب من ال في الليد
مولانا قصي
روِّق المنقة وشغِّل القونقوليز
____
الحليلة

Post: #24
Title: Re: ملهم السودان
Author: قصي محمد عبدالله
Date: 02-10-2016, 05:50 AM
Parent: #22

Quote: والله وبالله لواجتمعت الأمه الإسلاميه كلها ماتقدر تكفرنى ياحبيبنا

خليك من مجرد فرد ماقادر يتعامل وفق المنهج الصريح
للمصطفى صلى الله عليه وسلم

لاقادر على جادلهم بالتى هى أحسن
ولاقادر على اخفض لهم جناح الذل من الرحمه
ولاقادر على وأدعوا الى سبيل ربك بالحكمة والموعظة الحسنه
ولاقادر على الرقه فى التعامل
فظ وغليظ القلب والناس حتنفض من حوله
لا وكمان ماعندو حس اجتماعى بالمره

ياريتو لو كان زى محمد سيد والا الشعراوى والا محمد احمد الحسن

شغله مشاتر ياخ

عشان كده انا ماح
اتعامل معاه بالمره ...!!!

انطبقت عليك قصة :
عندكم كلــــب؟
ما عندنا .
ما عندكم كلب إذا ما عندك ...
وما ... إذا ما عندك ..
إذا..
و إذا..
وإذا..
========
ياخي والله انت ملئي بكمية من الجهل:
جهل معرفة الموضوع المستهدف!
جهل حصر النقاش حول الموضوع!

النقاش في جزيئة معينة ،
تقوم ترغي وتزبد كده !!!!!!!!!
وبعدين ياخي سيرة التكفير جابك ليك الزول داك ...
شنو ناقل اللوم علي؟
انت أعور الفهم ولا دي طبيعتك كدا؟
لا حول ولا قوة إلا بالله!!!

Post: #25
Title: Re: ملهم السودان
Author: ملهم كردفان
Date: 02-10-2016, 06:04 AM
Parent: #24

Quote: انطبقت عليك قصة :
عندكم كلــــب؟
ما عندنا .
ما عندكم كلب إذا ما عندك ...
وما ... إذا ما عندك ..
إذا..
و إذا..
وإذا..
========
ياخي والله انت ملئي بكمية من الجهل:
جهل معرفة الموضوع المستهدف!
جهل حصر النقاش حول الموضوع!

النقاش في جزيئة معينة ،
تقوم ترغي وتزبد كده !!!!!!!!!
وبعدين ياخي سيرة التكفير جابك ليك الزول داك ...
شنو ناقل اللوم علي؟
انت أعور الفهم ولا دي طبيعتك كدا؟
لا حول ولا قوة إلا بالله!!!

ماعندك موضوع ...والفيك بدربو ...!!!

تحليه
كلما عبر العاجز عن عجزه عبر بعجز جديد

Post: #26
Title: Re: ملهم السودان
Author: ملهم كردفان
Date: 02-10-2016, 06:19 AM
Parent: #25

Quote: Aiman Awad
يا قصى شخصى الضعيف لا يححب يشتم الناس لكن ما فعلته فى هذا البوست يوكد
انك من ابعد الناس من القيم اللاتخلقت من اجلها الاديان

ياخى ده سخف ما فى احط منه

مرحب أيمن عوض ... صبحك الله بالخير

أرجوك ماتنزل لمستوى السخف والإنحطاط الانت شايفو ده

خلى الزول يجلبط نفسو بي نفسو .. هو عايز يكون أضحوكه

Post: #27
Title: Re: ملهم السودان
Author: معاوية المدير
Date: 02-10-2016, 06:47 AM
Parent: #26

إحتسب يا ملهم، إحتسب .

ما بالك برجل قلنا له، إتقِ الله،
فأخذته العِزة بالإثم ؟.
أخذته عزة من جهله فتولى مغضبا فعل الضجر ...

Post: #28
Title: Re: ملهم السودان
Author: جلالدونا
Date: 02-10-2016, 06:55 AM
Parent: #26

غايتو يا ملهم مشطور على المعلومتين القيمات ديل
مشيت قلتا اجرب حاجات تانية و بديت من الواحد و لا فوق
☺ ☻ ديل واحد و اتنين
♥ ♦ ♣ ♠ من تلاتة لى ستة طلعت كوشتينة ... بختك يا قبانى
نشوف من سبعة لى 12
• ◘ ○ ◙ ♂ ♀
دى ما عرفتها
من 13 لى 14
♪ ♫
اظنها حروف مزيكة
►◄ و ديل 16 و 17 يعنى ممكن تخت حاجة فى نصهم و تطلع حاجة جميلة
►...........◄ بختك يا ابو حسين.
اما 22 فدى طوب عديل كده
▬ ▬ ▬ بى مسافة
و ممكن كده ▬▬▬▬ من غيرمسافة
تعبتو معاى و حدى معاكم الرقم 123456789
كدى النجربو
§
تصدقو طلع S
يا شماتة منو داك ما عارف فيك

Post: #29
Title: Re: ملهم السودان
Author: ملهم كردفان
Date: 02-10-2016, 06:58 AM
Parent: #26

Quote: الحبيب ملهم كردفان والله انت اكدت لينا ان الناس السمحين في المنبر العا موجودين..
واؤكد لينا ان هذه المعلومة اول مرة اعرفهاواكاد اجزم ان معظم اعضاء المنبر العام
لا يعرفون هذه المعلومة الهامة وهي طريقة كتابة الفاء بثلاثة نقاط والجيم المعطشة...
فشكرا ليك كتير ودمت بالف خير وصحة وعافية

اختنا الصغيره ذات المكانه الكبيره والمقام العالي
بسمات
ما استمدينا سماحتنا الا من سماحة خلقكن وطيب وجودكن الشامخ والمقدر
أخوات كريمات محترمات يستحقن مننا كل جميل ومحترم
...
وتبادل المعلومات خلانى أتعلم منكم
أكون فى الحته الصاح مع الناس الصاح
في اخلاقهم وفى تواصلهم وفى تعاملهم ...

Quote:
وتقبل يا ملهم كردفان شكرا وامتنان زميلاتي في مقاعد الدراسة
ومنهن امتثال الموسيقار ..وقريبتي ابتهال ومن على البعد بت السيد
الاميرة( متعها الله بالصحة والعافية) وهن اكدن ان هذه معلومة مفيدة
جدا جدا...

التحيه عبرك يا اختنا الصغيرونه
بسمات
للفخيمات ابتهال وامتثال وأميرة الاميرات ست الفهم والراى
أميره السيد التى احزننى بعدها عن المنبر
اللهم متعها بالصحة والعافيه وطيب خاطرها وارضى عنها ورجعها لينا اقوى واعذب مماكانت
فهى نهر عطاء محبب وطله محترمه وانيقه

لكم أفضل مافى الدنيا من أمنيات واحترام

Post: #30
Title: Re: ملهم السودان
Author: ملهم كردفان
Date: 02-10-2016, 07:20 AM
Parent: #29

Quote: إحتسب يا ملهم، إحتسب .

ما بالك برجل قلنا له، إتقِ الله،
فأخذته العِزة بالإثم ؟.
أخذته عزة من جهله فتولى مغضبا فعل الضجر ...

ههههه
حسبي الله ونعم الوكيل
دى بتتقال في الملمات والحاجات الصادمه وفيها
تمام اللجو الى رب العزه سبحانه وتعالى

أماموضوع البوست ده فمقدور عليه ياود المدير
احلى مسا ياحبيبنا

Post: #31
Title: Re: ملهم السودان
Author: ملهم كردفان
Date: 02-10-2016, 07:24 AM
Parent: #22

أخونا وصديقنا الفخيم العباره والأنيق الطله
الحليله
..................................
Quote: ما شاء الله يا ملهم
زي ما قالت ليك بت الشيخ أنت ملهم لكل أهل السودان
مشكور يا ابن العم
بت الشيخ
تصدقي وتأمني بالله
قريت العنوان وكان في بالي عاوزة تبيعي vيلتك
عقبالك واحدة كبيرة بس ما تبيعيها
حبوبتي بت الشريف زمان عندها ليمنا مثل
ال عند السيد أقرب من ال في الليد
مولانا قصي
روِّق المنقة وشغِّل القونقوليز
____
الحليلة

وياخى إن شاء مانعدمك ... وليك دعوه محترمه لمدينة الابيض
ياحبيبنا

احترامى

Post: #32
Title: Re: ملهم السودان
Author: ملهم كردفان
Date: 02-10-2016, 07:31 AM
Parent: #31

أمتع وأظرف مداخله تطل علينا من أروع قلم يقابلنى فى الفيس
حزنك ياوطنى
Quote: حزنك ياوطنى احزنى
ياملهم التعطيش الحرفى ده مفروض معشر بسمات واخواتها يكونو خبره فيهو لانو كان طولت من البلد النحكيلك
بانو بنات بلدنا سمحات الصفات فعلن فى حروف اللغه مالم يفعله النجار فى الخشب ههههههه.
ياخ لمن يعطّشو ليكم الجيم دى انت ذاتك تعطش والفاء ذاتا بقت عليها رسوم ضريبه تعطيشيه مضافه ورسوم نفايات تعطيش.
بعدين التعطيش البناتى فى السودان تجاوز التعطيش الحرفى الى تعطيش الكلمه كلها
يعنى زمان البت تقول ليك ابووى لمن الهواء الطالع من خشما يلولح شعرك وشعر رموشك
لحدى ماظهرت الفيرشن الاولى من التعطيش واستبدلو ابووى بى بابا ومع تطور علم التعطيش المصطنع فى السودان
ظهرت العديد من مدارس التعطيش
ولكن الاهم هى مدرسة التعطيش الترطيبى والتى استبدلت بابا بى بابى ( بابى دى ماجايه من كلمة دق الباب والباب الدقاهو بابى)
واستمر التطور التعطيشى الى ان ظهرت المدرسه الاحدث فى عالم التعطيش
وهى التى استحدثت التعطيش بمحسنات اجنبيه فاستبدلت بابى بى داد ( شفت كيف بالله)
وداد دى طبعا معاها موسيقى تصويريه لما تسمعا تحس انك عطشان غراميا وعطشان عاطفيا وعطشان حرفيا.
يوجد علم اخر من التعطيش يسمى بالتعطيش الصورى او الحركى
وهذا نوع سوف نتعرض له لاحقا والى ذلكم الحين اهديك قول الشاعر:
عطشتى المسّت حروفك وعطّشتنا ياحبيبى ...
مش خلاص كفّرت عنها بى تعطّشى وبى نحيبى .....

شفتا ماسنتعرض له لاحقا دى انا مستنيها بي فارغ الصبر ياحبيبنا

احترامى

Post: #33
Title: Re: ملهم السودان
Author: Basamat Alsheikh
Date: 02-10-2016, 09:04 AM
Parent: #32

عليك الله يا ملهم كردفان منو الكتب الكلام الرائع الانيق ده..
وما لقينا الكلام الروعة في النافذة في نهاية الصفحة..
بس انا عاوزة اقول ليه..اذا ابوي الشيخ عبد الرحيم قلت ليه
يا بابا كان ضبحني...مرة واحدة مشيت الاجازة قلت ليه يا بابا
كورك فيني وقال لي خباص بعد كده اتكلمي معانا انجليزي..
وانا الغلطان رسلتك امريكا تتعلمي الانجليزي لمن شفت التعليم
بقى تجارة والجامعات بقت اكثر من الدكاكين...
وبس كمان عاوزة اساله..ليه تقول حزنك يا وطني..
احزني...ان شاء الله ما يكون عشان بابا وبابي...لكن بيني
وبينك كلمة ابووي...اسمح واظرف...
والله مرة سمعت قصيدة قالتها شاعرة من قرية من قرى الجزيرة
وبتشكر في ابوها..وتكرر فيها كلمة ابوي. ودموعنا نزلت وما وقفت..
وتحياتي اليك يا صاحب الكلمة الانيقة والكلمة الرائعة..
ومتعك الله بالصحة والعافية

Post: #34
Title: Re: ملهم السودان
Author: معاوية المدير
Date: 02-10-2016, 09:15 AM
Parent: #33

Quote: قصي محمد · جامعة أم درمان الإسلامية
وبعدين يا مبعثر الفهم ، وين الشتم .. انت بتشم شنو؟
لا حول ولا قوة إلا بالله

شتم !؟،
الشتم الهيّن دا ؟،
قلت لي إن كان مسلماً ؟!.
إتقِ الله ...

Post: #35
Title: Re: ملهم السودان
Author: معاوية المدير
Date: 02-10-2016, 09:19 AM
Parent: #34

Post: #36
Title: Re: ملهم السودان
Author: معاوية المدير
Date: 02-10-2016, 09:21 AM

خلونا من خازن الجنان دا ...

Post: #37
Title: Re: ملهم السودان
Author: Basamat Alsheikh
Date: 02-10-2016, 09:52 AM
Parent: #36

الله يجازيك يا ود المدير..
ياها الشاعرة الرقيقة نضال حسن الحاج
وياها ذاتها قصيدة ابووي..البكتنا وخلت دموعنا
تنزل وما تقيف...
وهسع الليلة جيت تبكينا ...وسمعنا القصيدة مرة
ومرتين واتذكرت فعلا ابووي. ..لانها الشاعرة نضال
وصفت كمان ابوي الشيخ عبد الرحيم..
واقول لابوي ..محال القى زيك زول...
لانك زي الموية بتبرد النارين...
ودمت بالف خير وصحة وعافية..
بسمات..

Post: #38
Title: Re: ملهم السودان
Author: ملهم كردفان
Date: 02-10-2016, 01:42 PM
Parent: #37

الله ناس زى الاديب ده يكونوا بره سودانيز أون لاين ياباشمهندس بكرى ابوبكر ...
شوف بالله حزننا على وطنا ده منساب كما النيل كيف ... من كلمة تعطيش طلع
شمس من الإبداع القصصى
.............................................................................
حزنك ياوطنى احزنى الحبيب ملهم العواطف هيّجت علينا الذكرى بمناسبة التعطيش وملحقاتو دى
وخلّفت فينا جرح محال يداوى طبيب على قول اللحو,
وحاتك وماعليك مدسّه وطيف التعطيش ده مر على الخواطر واتذكّرت واحده مابتشبه القمر البتاوق من سما زمان
معانا فى الجامعه ومتخصصه تعطيش ياخ دى العطشه المسكتنا من تعطيشا زمان لحدى هسا مافارقتنا
ونسال الله الثبات وتمنياتنا لها بالصحه اينما وجدت حاليا وتمنياتنا بالثبات للحواليها الان.
وحاتك ديك كانت لما تعطّش ليك الجيم دى وتستخدم اسلحتا الشكليه وتعطيشا التصويرى
كنا بنستخدم الساتر وننسا نحن فى ياتو محاضره ولا ياتو يوم !
ومن هنا لايسعنى الا ان اردد يازاهيه عبثك بى لو سبتى وقلبى العطّشتى جيبى.. اه لو اه تفيد مجروح ,
وحاتك ناس ودالبنا وابوصلاح لو حضرو زمنا وشافوها كان لى هسا قصائدهم مدوره ,
هم الحت الحتوه ده كلو كان امات شلوخ فمابالك لو شافوها؟ .
ماعلينا نرجع لى التعطيش والمعطّشون فى الارض,
استمر التطور التعطيشى كما اسلفنا الى ان ظهرت المدرسه التعطيشيه التصويريه
ودى مدرسة ضمت كل انواع التعطيش السابق واضافت عليه تعطيش شكلى مصاحب للتعطيش اللفظى
وديل الله يجييرك منهم لو ماكنت من ذوى القلوب الغير ضعيفه,
المدرسه دى استخدمت حركة العيون فى التعبير عن بعض المعطشات التعبيريه البديعيه
وهى الاشد فتكا كما استخدام الاسلحه النوويه فى عصرنا الحالى. ولاحقا ذادت عليها باستخدام تعابير الوجه
وخصوصا حركة الشفاه والغمّازات من ما اضفى عليها نوعا من الهلاك اللحظى للمتلقى فى ساعتها
ويقعد يدندن مع عمنا ودالرضى عطفكم يا من الموني ..كالاشعة الاسهم رموني والشجون بالليل نادموني .... الى اخر المواجع.
المدرسة دى تحديدا اشتهرت بفتكها وسمّها القاتل تعطيشا فى ضحكاتهم
يعنى لما يضحكو ويحشدو كل جيوش التعطيش الانفة الزكر اعلاه مايخطر ببالك الا
حسين شندى يغنى فى ضحكتك ياسلام من ضحكتك ..فرحه شايلاها القلوب الحبتك.
وحاتك ياملهم وماطالبنى حليفه وماعليك مدسّه ديل ضحكتم لو تم تسجيلا فى فيديو وتم رفعها فى موقع البيت الابيض ده بتاع التوقيعات
كان يا فكوها مننا كلنا ياكان استثنوهم مننا وفكوها عنهم براهم
وفى الحالتين صيد ثمين ونصر مبين.
وبتنا الفوق ديك كانت من رواد المدرسة دي ولى هسا كدمات تعطيشا عاملين ليها لصقات فى قلوبنا من سنين
وكل سنه بنرفع لصقه جديده وبقينا اللصقه دلالة علم
ونحتفل خياليا بيوم لرفع العلم العالمى لهزيمتنا عاطفيا ومااحلاها من هزيمه.
وبمرور الزمن اكتسب الرجرجه الدهماء امثالنا مناعه مكتسبه ضد الصدمات التعطيشيه
فادى الكلام ده الى تطور علم التعطيش التصويرى فبرزت تعطيشات محرّمه دوليا ودى نسال الله الثبات
بس مزجت مابين اعلاه واضافت اليها تعديلات نوويه فتّاكه ذى هزّه الصدر مع الضحكه هزه خفيقه جدا
لكن تاثيرا لو تم معايرتو يمقياس ريختر كان طوالى ريختر يقرا ليك (اوت اوف اسكيل).
دى شكلها الحته الكان بكضمو فيها اعمامك ناس الحقيبه ويبقى ليهم بمبى ويقعدو يعدوها ياليلى هوووى ياليلى هوووووى
وانا ذاتى استميحك العذر لحد هنا
عشان اردد ليلى هوى لانو التداول فى النوع ده يتطلب قياس مسبق لضغط الدم ووظائف الكلى ومقدار فيتامين سى فى الجسم
حتى تتخيل ضحكتو وهزتو والله ينجينا من الهزّات الارضيه الناتجه من تعطيش داخلى ينعكس تاثيره عيونيا ووجهيا وصدريا.

تخريمه :
النشيل عكازى وامشى اشوف ناس عنصرنى واعنصرك وكوزنى واكوزنك وعارضنى واعارضك
لحدى ماتروح نزوة الزكرى الوّلدا فينا بوستيك وسلام يعم الجميع خالى تعطيش هههههههههههه.

ياخ شرف عظيم انى أتابع وأقرأ ليك ياحبيبنا ... وربنا يحفظك من الضغط ويخلي ليك كليواتك ياخى

أسمع ماتراسل بكرى ياحزنى وتنتظر رده وشوف المطلوب
صوره من جواز السفر ورقم تلفونك
والموافقه على قوانين البورد
يارب نشوفك معانا ياخى ...!!!!\

إحترامى

Post: #39
Title: Re: ملهم السودان
Author: عمر دهب
Date: 02-10-2016, 03:13 PM
Parent: #38

شفت ياملهم
الناس بتحبك كيف

Post: #40
Title: Re: ملهم السودان
Author: ملهم كردفان
Date: 02-10-2016, 03:20 PM
Parent: #39

صاحبة السمو ...بتنا الصغنونه
بسمات
............................
Quote: عليك الله يا ملهم كردفان منو الكتب الكلام الرائع الانيق ده..
وما لقينا الكلام الروعة في النافذة في نهاية الصفحة..
بس انا عاوزة اقول ليه..اذا ابوي الشيخ عبد الرحيم قلت ليه
يا بابا كان ضبحني...مرة واحدة مشيت الاجازة قلت ليه يا بابا
كورك فيني وقال لي خباص بعد كده اتكلمي معانا انجليزي..
وانا الغلطان رسلتك امريكا تتعلمي الانجليزي لمن شفت التعليم
بقى تجارة والجامعات بقت اكثر من الدكاكين...
وبس كمان عاوزة اساله..ليه تقول حزنك يا وطني..
احزني...ان شاء الله ما يكون عشان بابا وبابي...لكن بيني
وبينك كلمة ابووي...اسمح واظرف...
والله مرة سمعت قصيدة قالتها شاعرة من قرية من قرى الجزيرة
وبتشكر في ابوها..وتكرر فيها كلمة ابوي. ودموعنا نزلت وما وقفت..
وتحياتي اليك يا صاحب الكلمة الانيقة والكلمة الرائعة..
ومتعك الله بالصحة والعافية

ابوووى بتملأ الخشم والقلب وبتطمنا انو الأصاله الزرعها فيك موجوده وحتظل موجوده
ود المدير الفاهم مابقصر يقصر الملح
...
حزنك ياوطنى ...شرفنا بى معرفتك أكتر حرام تكون
مجهول بالنسبه لينا ولى عشاقك الحيكتروا مع الأيام
ده غير العشاق بتاعين زمان أيام تعطيش الچييييم

احترامى لكما يابسمات وياحزننا الوطنى

Post: #41
Title: Re: ملهم السودان
Author: ahmedona
Date: 02-10-2016, 03:38 PM
Parent: #40

مشكور يا ملهم على المعلومات القيمة ....

Post: #42
Title: Re: ملهم السودان
Author: ملهم كردفان
Date: 02-10-2016, 03:42 PM
Parent: #40

صديقى الوجيه الفاهم والزول ذو الروح المرحه المتوازنه....
Quote: غايتو يا ملهم مشطور على المعلومتين القيمات ديل
مشيت قلتا اجرب حاجات تانية و بديت من الواحد و لا فوق☺ ☻ ديل واحد و اتنين
♥ ♦ ♣ ♠ من تلاتة لى ستة طلعت كوشتينة ... بختك يا قبانى
نشوف من سبعة لى 12• ◘ ○ ◙ ♂ ♀دى ما عرفتها
من 13 لى 14♪ ♫اظنها حروف مزيكة
►◄ و ديل 16 و 17 يعنى ممكن تخت حاجة فى نصهم و تطلع حاجة جميلة
►...........◄ بختك يا ابو حسين.
اما 22 فدى طوب عديل كده▬ ▬ ▬ بى مسافة
و ممكن كده ▬▬▬▬ من غيرمسافة
تعبتو معاى و حدى معاكم الرقم 123456789كدى النجربو
§تصدقو طلع Sيا شماتة منو داك ما عارف فيك

لاشطرا على واجب ياصاحبى
وشايفك ابدعت عديل فى الموضوع الألتى أرقام ده
وكمان خاتى ديل فى مداخله كتجربه اوليه►...........◄
هييييييييييييع اصلى يامان
ثم أشطرك شطرا جزيلا على المداخله الحلوه دى
]غايتو القيمات دى قربتا أقراها اللقيمات ...هههه

Post: #43
Title: Re: ملهم السودان
Author: ملهم كردفان
Date: 02-10-2016, 03:59 PM
Parent: #42

معاويه المدير
يابهجة الدنيا وروعتاااا ....♪ ♫♪ ♫

كل حته تخشها بتتيرب فيها أفراح
وبنحصد منها جمال وضاح

Post: #44
Title: Re: ملهم السودان
Author: ملهم كردفان
Date: 02-10-2016, 04:06 PM
Parent: #39

عمر دهب ..أشكرك على الملأ لمحاولة إتصالك البارحه
...
فأنت من الذين لايسعنى إلا أن اقدرهم واسمو معهم الى
دنياوات الموده والخوه الصادقه والصداقه التى لامثيل لها
...
ولحدى هسي انا زعلان من نفسي لأنى كنت خاتى التلفون صامت
ومشغل العود والغنا

انت اهم من بروفه ...ويمين يبالله ماشفت التلفون ساى منور
دلاله على انو فى مكالمه
كنت مندمج ياخ مع أغنيه عجيبه خلاص ...

وبعدين حب الناس ده كنز لايفنى ودين فى العنق
ولايمكن سداده الابرد الحب حبا وأزهارا ورياحين

ولو علم الناس روعتك لتخلو عن حبي وحبوك لمن
تستغيث ...

Post: #45
Title: Re: ملهم السودان
Author: حامد بدري
Date: 02-10-2016, 04:34 PM
Parent: #39

Quote: بحب اتعامل مع صاحبات السمو قدام الناس

ومابراسل البنات فى الخاص ياقصى

لانو الموضوع عام ومافيهو خصوصيه

والمعلومه المبذوله فى العام أفيد

ههههههههههههههههههههههههههههههه
يبدو ان الشيخ قصي من انصار الانبوكسي
الجكسي لو فتح انبوكساتو كتار بروحو في الرجلين
ياشيخ قصي خلى الانبوكسي مستور