الكيزان هم من يطالبون برفع الحظر، الظاهر جابت زيت - وهو المطلوب

07:18 PM Feb, 04 2016

سودانيز اون لاين
محمد النيل-
مكتبتى
رابط مختصر

ﻻ لرفع الحظر عن حكومة الفساد دون شروط
الشرط الأول والثانى والثالث ... الخ تسليم السلطة للشعب وعودة الحكم المدنى الديمقراطى
تفكيك نظام الجبهة بشقيه الوطنى والشعبى
اعادة ممتلكات الدولة لملك الدولة
محاكمة رموز الإنقاذ لكل الجرائم ارتكبوها فى الوطن

الكيزان هم من يملك ناصية الاقتصاد بالبلد
كل الشركات الكبيرة هى ملكهم
يمتلكون كل مراكز القوى المالية
رفع الحظر الامريكى هو مكسب للمافية الاقتصادية الكيزانية أولا قبل الشعب
لذلك يطالبون برفع الحظر الامريكى

Quote: لكيزان هم من يملك ناصية الاقتصاد بالبلد كل الشركات الكبيرة هى ملكهم يمتلكون كل مراكز القوى المالية رفع الحظر الامريكى هو مكسب للمافية الاقتصادية الكيزانية أولا قبل الشعب لذلك يطالبون برفع الحظر الامريكى

الأخ محمد سلامات

فاقت حملة التوقيعات الخمسون الف !!!

هل تعتقد بأنهم جميعهم كيزان ؟؟؟

تعتقد الكيزان بهذا الحجم وهذه القوة من التحكم الاقتصادى وغيره يمكن أن يكون هناك فكاك منهم بهذه السهولة

اما قولك بأنهم يستفيدون برفع العقوبات قبل الشعب أعتقد انه ضمناْ يعنى بأن الشعب يمكن ايضاْ أن يستفيد وهنا مربط الفرس ..

تحباتى

Quote: اما قولك بأنهم يستفيدون برفع العقوبات قبل الشعب أعتقد انه ضمناْ يعنى بأن الشعب يمكن ايضاْ أن يستفيد وهنا مربط الفرس

الأخ حسن حماد
وعليكم السلام
الكيزان + من ﻻ يعرف ما بجرى فى السودان واتباع الكيزان والمصلحجية والناس الدقوس والناس البريئين السطحيين عددهم قد يفوق هذا الرقم بكثير فى وطن عدد سكانه 40 مليون نسمة فذلك الرقم ﻻ يعنى شيء
........
هذا من ناحية أما من ناحية اخرى
فلا فائدة يجنيها الشعب من أى خير ينزل على السودان
فلا تنسى فترة الثروة البترولية لم يصب خيرها الا تلك الشريحة الكيزانية
مافية الاقتصاد وبنوكها سارقة بترول وعرق الشعب
وأى خير يأتى من رفع الحظر لن ينال ثماره الا تجار الدين والوطن وسارقى قوت الغلابة
محطمى التعليم والصحة والبيئية
ممزقى الوطن إربا إربا

مكرر

مكرر

أخطر ما يواجه الاقتصاد الكيزانى هو تدهور القيمة الحقيقية لممتلكاتهم واصولهم
رغم الأرتفاع الظاهرى لقيمة ممتلكاتهم او الاصول بقيمة الجنيه السودانى
الا انها تدهورت تدهورا كبيرا مقارنة بالدوﻻر او العملات الصعبة الأخرى
فمن كانت ممتلكاته تساوى 3 مليون دوﻻر قبل انفصال الجنوب وذهاب البترول
صارت تلك الاصول تساوى حالياً ما يعادل 800 الف دوﻻرا بدلا من 3 مليون دوﻻرا
وذلك نتيجة للتضخم الفاحش الذى اصاب البلاد بعد خروج البترول ونضوب مصادر العملة الصعبة.
عشان كدا الجماعة قالوا الروب
شكرا للحظر الامريكى
فنحن الشعب الكادح فى انتظار نتائج صرخة الروب التى خرجت مثل السكليب من افواههم
فيجب أن تكون ثمرة كوراك الروب ديمقراطية عدالة ومحاكمة عصابة الانقاذ حتى لو فى لاهاي

سلام محمد النيل

Quote: Re: الكيزان هم من يطالبون برفع الحظر، الظاهر �

قطع شك يا محمد .. دي ما دايرة ليه ضوء شمس ولا حتى ضو بطارية

صباح اليوم وصل العدد ل 78 الف .. هسي ضغطا على اللنك لقيتو نزل ل 57 الف

واضح انهم الكيزان كمان عاوزين يتشيطنو على الامريكان

اينما وجد الكيزان وجد الغباء و العكس

بدليل الكوز الجا ناطي ليك هسي دا .. ولسة حيجوك

نظام المؤتمر الوثني بعد ما دعى نوع حماد دا للمعلفة العاملنها في الخرطوم
استغل السذج ديل في موضوع هم عارفين سلفاً انو لا بقدم ولا بيأخر
ورغم الغباء المتوارث دا .. قامو عملو المذكرة دي لجس نبض الامريكان
هم قايلين امريكا دي بقالة ؟ غباء من النوع ابو كديس
غايتو مع الكيزان واذناب الكيزان مش حتقدر تغمض عينيك

Quote: فلا فائدة يجنيها الشعب من أى خير ينزل على السودان

اخى محمد دى يفهموها كيف ؟؟

Quote: واضح انهم الكيزان كمان عاوزين يتشيطنو على الامريكان اينما وجد الكيزان وجد الغباء و العكس

نعم أخ خضر انها الحقيقة ظاهرة شمس

Quote: اخى محمد دى يفهموها كيف ؟؟

دى واضحة جدا اخ حسن حماد
يعنى فى وجود حكومة الكيزان فى السودان حتى لو السماء امطرت ذهبا فهذه الحكومة المجرمة ما ح تخلى الشعب يستفيد من الذهب دا ح تصادرو
ح تتحكم فى تصديرو
وحتى ضربت ليك مثل قلت ليك لما السودان كان فيهو خير البترول الشعب الغلبان ما استفاد منه كان يدفع الجالون بسعر التكلفة العالمية وقروش تصدير البترول الكيزان واذنابهم هم من استفاد منها
عشان كدا انا سميت رفع الحظر فيه خير ولن يستفيد من هذا الرفع الا البشير ومافيته الاقتصادية
اتمنى اكون قدرت اشرح ليك

الأخ محمد النيل ,, تحية طيبة
وياخ البركة فيكم وان جاءت متأخرة
سألت عن تلفونك لاعزيك ولم اوفق
بالعودة لعنوان البوست
انا ماكوز ولا من انصار حكم العسكر
واتمنى رفع الحظر ,, ولا ارى رابطاً بين
رفع الحظر وبقاء هذا النظام فى السلطة
النظام ده موجود لأن المعارضة لم ترتفع
لمستوى المسؤلية وفاقدة للحس الوطنى
والذين يحملون السلاح خطابهم اما جهوى
واما حزبى ضيق ,,

شكراً اخ عبد العزيز على التعزية
ما بتقصر والله
بارك الله فيك
......
أما بخصوص الحظر حتى لو كانت الحكومة ليست لها مهدد قوى من قبل المعارضة فأفضل تكون محاصرة تحت وطأة الامريكان من أن ينتعشوا ويزلوا الشعب حتى يفعل الله أمرا كان مفعولا.
أفضل ان يموت الظالم والمظلوم معا من يعش المظلوم تحت وطأة الظالم
سياسة علي وعلى اعدائى هى فمصلحة المظلوم وهى مقولة لم تأتى من فراغ
......
خالص تحياتى

Quote: فضل ان يموت الظالم والمظلوم معا من يعش المظلوم تحت وطأة الظالم

محمد ياخوى لو ممكن سعال ...

انت هسع وين فى السودان ولا أمريكا ؟؟؟

غايتو لو كنت فى أمريكا تكون جنيت على أهلك وعشيرتك ...

يموتوا عدييييييييل كدا ؟؟؟

كلامك دا ذكرنى واحد اخونا ساكن نيوجرسى وبيدعو الشعب لحمل السلاح ضد النظام !!!!


صحيح اهلنا قالوا الجمرة بتحرق الواطيها

https://petitions.whitehouse.gov//petition/do-more-extend-sanctions-against-government-sudan-end-genocides-darfur-nuba-mountains-and-blue-nile

لا لرفع العقوبات عن النظام الحالكم

الكيزان بسذاجه غريبه يريدون رفع الحظر وهم يعلمون لماذا الجظر موجود اصلا

عمليات التوقيغ لالفاء العقوبات ليست ملزمه للبيت الابيض بل تطلب من البيت الابيض النظر في الامر

ثانيا التوقيعات يجب ان تكون من مواطنين امريكيين وليس من خارج امريكا او ساكنين هناك

زكرني هذا ما قام به بعض المعترضين من تكساس علي فوز اوباما وطالبوا بالانفصال عن الاتحاد الامريكي

ولم يحدث شئ

الكيزان بغباء شديد يسوقون لهذا الامر للترويج باعلان في صحف سودانيه

اليست هذه امريكا التي دنا عذابها

يبدو ان العقوبات اتت مفغولها

سلام صاحب البوست وضيوفه
هذا الاقتباس لخص العصر بالجيب الزيت
خطر ما يواجه الاقتصاد الكيزانى هو تدهور القيمة الحقيقية لممتلكاتهم واصولهم رغم الأرتفاع الظاهرى لقيمة ممتلكاتهم او الاصول بقيمة الجنيه السودانى الا انها تدهورت تدهورا كبيرا مقارنة بالدوﻻر او العملات الصعبة الأخرى فمن كانت ممتلكاته تساوى 3 مليون دوﻻر قبل انفصال الجنوب وذهاب البترول صارت تلك الاصول تساوى حالياً ما يعادل 800 الف دوﻻرا بدلا من 3 مليون دوﻻرا وذلك نتيجة للتضخم الفاحش الذى اصاب البلاد بعد خروج البترول ونضوب مصادر العملة الصعبة. عشان كدا الجماعة قالوا الروب

وهذا الاقتباس يثبت ذلك
صحيح اهلنا قالوا الجمرة بتحرق الواطيها