شكراً الأخ مجاهد، الحقيقة أول مرة أسمع التسجيل ده. لكن وين الأغنية؟ ... التلاتة تسجيلات دي (في الحقيقة هم إتنين) البلابل وخليل غنوا مطلع الأغنية بس ... مع صفارة بشير عباس.
قال اموت..!! طيب ونحن نموت وين يعني؟.. غايتو ناس امسودان امركم عجيب ، واحد يحجز ليهو حتة يموت فيها تجوا تزاحموهو..!!
مجاهد ..حبابك يا صديقي..
اختيار موفق ،
ولغاية الليلة عندي امنية مؤجلة ، لو حصل لاقيت استاذنا بشير عباس ، اول حاجة ح اقول ليهو اعمل لي حركة الصفارة دي..ياخي موباااااااااااالغة..وما اتكررت تب..!!
طبعا شغل العريبي عصام محمد نور برضك مو هين.. لأنو عصام ده جكة براها..
نديك الفيرشن الزغت منو..
وكتها كانت اميركا عندها ديانا روس واحدة فقط ، ونحن كان عندنا تلاتة حتة واحدة..
عارف يا صديقي ، لمن اتفرج في فيديوهات امسودان بتاعة زمان ، اكتر حاجة بقيف فيها ونسة الفنانين/الفنانات /العازفين مع بعضهم البعض..ودي الحتة البنشوفها في الفيرشن ده.. ناس كانت بتغني باخلاص ، وفن عشان الفن ، بيطربوا روحهم اول حاجة ، حتى بعد داك بيطربوا الجمهور..!!..حاجات ما بتتكرر تب..!
ولازلت ، وسأزال ، في رأي: بان البلابل اجمل اختراع سوداني..!!..واه صحي..!