العنصرية

العنصرية


02-01-2016, 04:46 PM


  » http://sudaneseonline.com/cgi-bin/sdb/2bb.cgi?seq=msg&board=490&msg=1454341577&rn=0


Post: #1
Title: العنصرية
Author: جلالدونا
Date: 02-01-2016, 04:46 PM

03:46 PM Feb, 01 2016

سودانيز اون لاين
جلالدونا-
مكتبتى
رابط مختصر

فى بوست لى ود البشرى ردود متأخرة
اقتبست الاتى
Quote:
Quote: ويبدو يا محمد ياسين ان فهمك لفهمي للعنصرية متني عديل من النص مش معووووج الحبة دي :

و سألت فى نفس البوست

Quote: ايواتا ايك
العنصريّة
كدى ورونا بتبدا من وين و تنتهى وين و الفهم المعوووج ليها و الفهم المتنى من النص
و ما تنسو برضو حكاية التلميح بيها دى و التفسير على الهوى و المزاج
شخصيا لو قدامى اتنين واحد قال لى يا منافق و التانى قال لى يا عب
بمسك فى تلابيب القال لى يا منافق و اقد عيونو الاتنين و .... بس

و الحمد لله مافى زول اتكرم علىّ بالاجابة و قلنا خلاص ننسى الموضوع
لكن
فى بوست لى اخونا عثمان محمد صالح تحت مسمّىl[URL]http://sudaneseonline.com/board/490/msg/-%d9%88%d8%b5%d9%8a%d8%a9-%d9%84%d8%a3%d9%87%d9%84%d9%8a-%d9%81%d9%8a-%d8%a7%d9%84%d8%b4%d9%85
%d8%a7%d9%84-1454305991.html[/URL]
دار لغط حول ما كتبه اخونا عثمان
و اصبح طرح السؤال ملحا
العنصرية تبدا من وين و تنتهى وين كما فى المقفبس اعلاه

Post: #2
Title: Re: العنصرية
Author: جلالدونا
Date: 02-01-2016, 05:05 PM
Parent: #1

Quote: شمالي انا من المهد الى اللحد. ويمتد نطاق الهوية الشمالية من كردفان الى بورتسودان الى وادي حلفا. شمالي لا اقولها فخراً ولاتعالياً على غيري من الناس.
بل أقررها حقيقة من حقائق الارض مثلها مثل حقيقة أن للجنوبي في السودان هوية جنوبية،
وللدارفوري هوية دارفورية ولسكان جنوب النيل الأزرق هوية مغايرة متميزة عن بقية الهويات أجهل عنها الا النذر القليل.

وتعصمني هويتي الشمالية من مناصرة أي من تلك الجماعات المسلحة الناشطة في أطراف السودان لانها جهوية وعنصرية
تضمر الشرّ لاهلي. وأكون في عداد الأغبياء حقا لو ناصرت عدوي وعدو أهلي الذين لا ابرء بعضهم من داء التعالي والتمييز العنصري
كما لا أشيطنهم أي أصورهم لكارهيهم في هيئة شيطان. فإذا كان في صدري خير للبشرية فمنبعه أهلي الذين يجردهم البعض من كل فضيلة وخير .
قال صلى الله عليه وسلم: خياركم خياركم لأهله.

لايجمعني جامع بأي شمالي منخرط في صفوف الحركة الشعبية لتحرير السودان او اخواتها من الجماعات المسلحة ضد أهلي .
فهؤلاء (اعني الشماليين المنخرطين في الحركات المسلحة ) في نظري إما سذج بلهاء ضللتهم خرافة دعوة" السودان الجديد "
الذي هو سودان بغير الشمال أو بشمال مهان مستذَل. ولاتغرن نوبي منكم نوبيته فيظن أنه ناجٍ بسببها، ولابجاوي فيظن أنهم سيوفرونه
بجاويته أوسمرته ولا اسلاموي ولاجمهوري ولاشيوعي يرطن بلغة المساواة. جميعكم سواء مستهدَفون في شماليتكم الجامعة.

ستعاقَبون على الهوية عقاباً جميعاً، ولن يفلت منكم أحد . توتسي وهوتو. وسوف تدل عليهم ألوانكم واذانكم .إن حَمَلة السلاح ليسوا طلاب عدل
ولا إنصاف ولامساواة. إنهم يسخّرون السذج والبلهاء من الشماليين لينالوا منكم . وإذا تمكنوا منكم فهي رواندا الجديدة . فإما الخضوع و إما الفناء .

هو السودان الجديدة إذا فاسعدوا به واستقبلوا الفاتحين بباقات الزهور وقرع الطبول وصدح المزامير.

إن ممارسات نظام" الانقاذ" ماهي إلا حبل يريد العنصريون أن يضعوه
حول رقابكم في الشمال.انهم قادمون بالاحقاد الدفينة ولاشيء غير الأحقاد . وهم، والحق يقال، أكثر منكم فطنة وبراعة في تغليف دعواهم وتمويه غايتهم بطلاء براق.

بهذا أكون قد برأت ذمتي . فمن شاء فليؤمن. ومن شاء فليكفر.


و دى مداخلة الاستاذ عثمان التى وصفت بالعنصرية
بصراحة ما فهمت العنصرية هنا وين
افتونا يا مناهضى العنصرية

Post: #3
Title: Re: العنصرية
Author: محمد البشرى الخضر
Date: 02-01-2016, 05:42 PM
Parent: #2

حاجة كدا زي : Beauty is in the eye of the beholder

Post: #4
Title: Re: العنصرية
Author: حمد عبد الغفار عمر
Date: 02-01-2016, 05:53 PM
Parent: #3

كيفك يا جلالدونا

ياخ المنبر دا فيهو كلمات كدا معناها ضاع خلاس

العنصرية والجلابة والهامش الخ

كلامك بتفسر حسب الموقف منك


كلام عثمان قد لا يخلو من بعض حقيقة ولكن مافي شواهد قوية في الواقع بتسندو

Post: #5
Title: Re: العنصرية
Author: جلالدونا
Date: 02-01-2016, 08:24 PM
Parent: #4

Quote: Beauty is in the eye of the beholder

يا ود البشرى خليك من عنصرية اللغة دى و كلمنا عربى ياخ
اذا كان الشغلة معتمدة على الشوف .. الجمال ممكن يبقى جمل فى عين تانية
_______
واحد فى جخانين النت جاب ضقلا يكركب
قال ليك العنصرية بدت من زمن ابليس مع سيدنا ادم
لما ابليس قال لى ربنا خلقتى من نار و خلقته من طين
اها اديناكم البداية شوفو لينا النهاية
و الله يستر علينا من عنصرية ابليس دى

Post: #6
Title: Re: العنصرية
Author: صديق مهدى على
Date: 02-01-2016, 08:55 PM
Parent: #5

جلة سلام شنو الحكاية يوجد فرق كبيييير بين المقتبس أعلاه , والمقفبس أعلاه .
تحياتى
يلزمك كشف نظر , عشان ناس أبو حسين كان شافوا الغلط دا , والله إلا تشوف ليك بلد .
هههههههها

Post: #7
Title: Re: العنصرية
Author: أيمن محمود
Date: 02-01-2016, 09:09 PM
Parent: #6

النصيحة ل الله كلام عثمان بالعقل كده ما فيهو عنصرية - لكن والله انا شامي ريحتها في كلامو - والله اعلم

Post: #8
Title: Re: العنصرية
Author: محمد البشرى الخضر
Date: 02-01-2016, 09:29 PM
Parent: #7

نعسان اسي الصباح رباح إن شاء الله:)

Post: #9
Title: Re: العنصرية
Author: ABUHUSSEIN
Date: 02-01-2016, 09:35 PM
Parent: #8

Quote: يوجد فرق كبيييير بين المقتبس أعلاه , والمقفبس أعلاه .

أبو حسين فتر من التصحيح و التدريس في المنبر يا صديق ...
************************************************
يا جلجل ما تسمع وهمة العنصرية الحايمين بيها في المنبر هنا .....
العنصرية في المنبر سيف يستل في وجه البعض و يغمد في وجه البعض .....

Post: #10
Title: Re: العنصرية
Author: جلالدونا
Date: 02-01-2016, 10:09 PM
Parent: #9

مرحباب حمد
Quote: ياخ المنبر دا فيهو كلمات كدا معناها ضاع خلاس

العنصرية والجلابة والهامش الخ

كلامك بتفسر حسب الموقف منك


كلام عثمان قد لا يخلو من بعض حقيقة ولكن مافي شواهد قوية في الواقع بتسندو

سبحان الله كلمات حميمة تجرى مجرى المودة فى اللسان
و تخش القلب بى طيبة خاطر زى جلابة و ود غرب و ود يحر فجأة بارادة اهل العنصرة ديل
بقت كلمات قبيحة ..
بالعكس كلام عثمان نتاج متراكم لى كتابات بعض الاعضاء القبيحة فى حق اهل الشمال
فى حوش بكرى ده ... ده خلاف الوعيد و التهديد و الطعن فى الشرف

Post: #11
Title: Re: العنصرية
Author: جلالدونا
Date: 02-01-2016, 11:30 PM
Parent: #10

Quote: جلة سلام شنو الحكاية يوجد فرق كبيييير بين المقتبس أعلاه , والمقفبس أعلاه .

يا صديق خايف اكتب ادناه يحسبوها عنصرية
اخير ياتو .. نغلت وللا يحسبوها عنصرية

Post: #12
Title: Re: العنصرية
Author: سيف الدين بابكر
Date: 02-02-2016, 00:02 AM
Parent: #11

racismobamaAAA.jpg Hosting at Sudaneseonline.com


Post: #13
Title: Re: العنصرية
Author: محمد البشرى الخضر
Date: 02-02-2016, 06:04 AM
Parent: #12

يعني يا جلّي الحكاية نسبية
أولا خلينا لا ندفن رؤوسنا في الرمال ونقر بحقيقة أنه نعم توجد عنصرية وعنصريين و يوجد نظرة تفاضل بين الناس بناء على اعراقهم
وفي نفس الوقت يوجد مبالغة ويوجد احساس بالدونية عند البعض و يوجد احساس بالذنب لدى البعض الآخر
ينتج عن الديلاما دي - احيانا - تفسيرات خاطئة لعبارات و اشارات عادية تخلو من العنصرية على اساس انها اشارات عنصرية
مثلا ما دار مؤخرا و الاشارة لأن مثل فلان لولا البورد ما كان يحلم بالجلوس مع علان
قيلت وتقال هنا كل يوم وعلى مختلف السياقات وبمختلف الصيغ لم ولا تؤخذ على محمول عنصري
بمعنى ان التفكير و افتراض الاشارات العنصرية يختلف على حسب سيده أو ما يقابل الـ beholder في المثل

المهم في موضوع العنصرية دا هو مدى ارتباطها و تأثرها و تأثيرها على الحقوق و المساواة و المعاملة من قبل الجهات العامة بما فيها الحكومة
انا اشغل منصب عام ولنقل خدمي و له علاقة بالجمهور, في دواخلي عنصري ابن ستين جزمة و ارى اي عرق او قبيلة تختلف عن عرقي وفبيلتي ما بشر ذاته, هذا شأني طالما محتفظ بهذا المرض في داخلي ولا اعبر عنه بأي صورة من الصور ولا اجعله يؤثر على أداء عملي وخدمتي للجميع بما فيهم من اراهم ادنى
و يكمّل هذا الموضوع القوانين و التشريعات القوية التي تجرّم التمييز على اساس عنصري و التعبير عنه
فليت المشكلة في فلان ونظرته لنفسه وعرقه وقبيلته سواء فوقية او دونية, المشكلة في هل يوجد قانون يمنع التعبير عن هذه النظرة و يساوي بين الجميع أم لا

Post: #14
Title: Re: العنصرية
Author: Haytham Ghaly
Date: 02-02-2016, 06:45 AM
Parent: #13


كلام عثمان جهوي اكتر من عنصري

Post: #15
Title: Re: العنصرية
Author: Hatim Alhwary
Date: 02-02-2016, 07:06 AM
Parent: #14

صباح الخير

مصيبتنا في السودان ان الصوت العالي والمهيمن هو صوت "وعي الريف" بكل عنجهيته وعصبيته وجهويته ونظرته الضيقة المتحجرة التي لا تتجاوز القرية والعشيرة
والذي يقودنا حتما لفناء الدولة السودانية

وصعود الاسلام السياسي وخطابه الجهوي الديني وسيطرته على الدولة والحكم والاقتصاد واستمراره في السودان كان على اكتاف هؤلاء

ولا مستقبل امام الدولة السودانية ما لم ينحسر مد الوعي الريفي البدوي

Post: #17
Title: Re: العنصرية
Author: Hatim Alhwary
Date: 02-02-2016, 07:13 AM
Parent: #15

ولكي اكون اكثر دقة

الوعي الريفي مسيطر على كل الاطراف المتصارعة خصوصا حملة السلاح

النظام ينفخ في مقاتليه ومليشياته ذات الوعي الجهوي المتخلف ويقابله حركات مسلحة لا راسمال ولا سند لها غير الجهوية و القبلية

والنتيجة الحتمية هى فناء الدولة السودانية وبدات فعلا في الانهيار

Post: #18
Title: Re: العنصرية
Author: Haytham Ghaly
Date: 02-02-2016, 07:15 AM
Parent: #15


Quote: صباح الخير

مصيبتنا في السودان ان الصوت العالي والمهيمن هو صوت "وعي الريف" بكل عنجهيته وعصبيته وجهويته ونظرته الضيقة المتحجرة التي لا تتجاوز القرية والعشيرة
والذي يقودنا حتما لفناء الدولة السودانية

وصعود الاسلام السياسي وخطابه الجهوي الديني وسيطرته على الدولة والحكم والاقتصاد واستمراره في السودان كان على اكتاف هؤلاء

ولا مستقبل امام الدولة السودانية ما لم ينحسر مد الوعي الريفي البدوي



حاتم سلام

كلامك دا زاااااتو يا حاتم يعد كلام عنصري


Post: #19
Title: Re: العنصرية
Author: Hatim Alhwary
Date: 02-02-2016, 07:43 AM
Parent: #18

تحية طيبة هيثم
هو تحليل للواقع العنصري اسبابه وبيئته التي تغذيه


Post: #16
Title: Re: العنصرية
Author: Ashraf El Bagir
Date: 02-02-2016, 07:08 AM
Parent: #14

وكالات - الأحساء نيوز

حلت إيران بالمرتبة الثانية في استطلاع رأي كأكثر الدول عنصرية في العالم و حلت الهند في المرتبة الاولى فيما كانت نيجيريا الثالثة.

و نفذ الاستطلاع صحيفة “واشنطن بوست” حيث هدفت إلى استطلاع القيم العالمية للتعرف على مستوى تسامح سكان كل دولة مع الأعراق المتنوعة فيها.

و أجرى الاستطلاع مجموعة من الباحثين السويديين، و تضمن الاستطلاع مجموعة من الأسئلة تعبر عن مدى عنصرية الشعوب وأحد أهم هذه الأسئلة عن جنسية الأشخاص الذين ترغب أن يكونوا جيرانك.

وفي أوربا بدت فرنسا أقرب إلى العنصرية ومثلها تركيا ودول شرق أوروبا، فيما تراجعت معدلات العنصرية في أغلب دول الغرب الأوروبي والدول الاسكندنافية.

ورغم الاتهامات التي توجه إلى الولايات المتحدة وأستراليا وبريطانيا بالعنصرية، إلا أن المؤشر وضعها في طليعة الدول التي لا تعاني من هذه الظاهرة.




الحمد لله نحن حمتنا خفيفة



Post: #20
Title: Re: العنصرية
Author: جلالدونا
Date: 02-05-2016, 04:13 AM
Parent: #16

قريت لى زميل فى جخانين هذا المنبر ... ان وصف اى شئ بأنه اسود عنصرية
... مشيت افتش هذه المداخلة عشان اجيبا هنا بصراحة ما عرفت محلها وين...
فى يوم ما من زمن ما تحصل ليك مصيبة
اها تقوم تقول ده كان يوم اسود فى حياتى قال الكلام ده يعتبر عنصرية
اها تانى نعبّر عن مشاعرنا بالاشارة !!!!
هسه اقول ليكم خلاص نمشى معهد سكينة نتعلم لغة الاشارة يجينى واحد يقول يا عنصرى

Post: #21
Title: Re: العنصرية
Author: جلالدونا
Date: 02-05-2016, 04:20 AM
Parent: #20

Quote: يا جلجل ما تسمع وهمة العنصرية الحايمين بيها في المنبر هنا .....
العنصرية في المنبر سيف يستل في وجه البعض و يغمد في وجه البعض .....

يا ابو حسين قسما عظما ما عندنا مانع يسّلو سيفم ده متى ما شاء لهم السل
لكن بشرط
تعالوا ورونا العنصرية دى حدودا وين و نقول شنو وما نقول شنو
الما معقول يا ابو حسين تحارب العنصرية بعنصرية اسوأ منها

Post: #22
Title: Re: العنصرية
Author: جلالدونا
Date: 02-05-2016, 04:25 AM
Parent: #21

حبابك ايمن
بالعكس ... انا شايف كلام استاذنا عثمان واحد من الحلول لمتلازمة العنصرية دى
طال ما البحاربو فيها هم ذاتم رافعين سيف العنصرية
ده طرح و على الناس مناقشة هذا الطرح بعقلانية و ليس بوصفه بالعنصرية
___
اها طلحة مسح مداخلتك .. دى انا بعتبرا عنصرية و بحتة كمان
يلّا خمّو و صرّو