Post: #2 Title: Re: العندو معلومات عن ال PayPal يفتينا؟ Author: الامين موسى البشاري Date: 02-01-2016, 09:28 AM Parent: #1
اها واحد يشرح لينا
ما هو ال Paypal
وكيف يمكن فتح حساب
هبشته هنا وسجلته في هذا الموقع https://www.paypal.com/sa/webapps/mpp/homehttps://www.paypal.com/sa/webapps/mpp/home
طالبوني بادخال رقم البطاقة وانا اصلا ما عندي بطاقة
كيف يمكنني الحصول على بطاقة
تحياتي
Post: #3 Title: Re: العندو معلومات عن ال PayPal يفتينا؟ Author: أحمد محمد عمر Date: 02-01-2016, 09:33 AM
من البنك الفيهو حسابك تطلب فيزا ولا ماستر كارد وبدوك ليها
Post: #5 Title: Re: العندو معلومات عن ال PayPal يفتينا؟ Author: الامين موسى البشاري Date: 02-01-2016, 09:41 AM Parent: #3
Quote: من البنك الفيهو حسابك تطلب فيزا ولا ماستر كارد وبدوك ليها
يعني امشي البنك؟
عندي ماستر كارد ...
بس ديل قالوا لازم paypal
ليه ما عارف
اشرح ياخ
Post: #4 Title: Re: العندو معلومات عن ال PayPal يفتينا؟ Author: Abureesh Date: 02-01-2016, 09:36 AM
سلام
مقيم في اى بلد؟ لو في السودان ما اظن في طريقة.. غير كدا أدى الشركة الإيميل بتاعك بس وقول ليهم يرسلوا فيه القروش، بعد داك ناس بيبال حيتصلوا بيك ويوروك الخطوات.
لازم تفتح عندهم حساب (هم حيوروك كيف) لازم تربط الحساب بحساب البنك بتاعك عشان تنزل فيه القروش وتسحبها بكرت البنك بتاعك.
طبعا ناس بيبال يحتاجون يتأكدوا انت منو وقاعد وين .. ترسل ليهم نسخة من اوراقك الثبوتية.. الإجراءات هذه مرة واحدة في العمر.
Post: #6 Title: Re: العندو معلومات عن ال PayPal يفتينا؟ Author: قصي محمد عبدالله Date: 02-01-2016, 09:43 AM Parent: #4
تعمل حساب عادي باستخدام بريدك الالكتروني، تطلع بطاقة ائتمانية.. تفعل الحساب بالبطاقة إئتمانية، نزل فيها من حسبك البنكي فقط 10 ريال سعودي، أدفع - تقريبا - دولار واحد - لتنشيطها، الدولار سيرد إليك فورا.. بعد ذلك أرسل للشركة إيميلك الخاص بحساب البي بال عند ورود أي مبلغ إليك ستاتيك رسالة من البنك بالإيداع.. ---- ملحوظة : اي عملية سحب بالبطاقة من بنكك ستفقد 10 ريالات. من اي بنك آخر 25 ريال، وكذلك عن السحب بها من خارج الدولة.. لذلك إذا اضطريت للسحب بها اسحب مبلغ كبير.
Post: #7 Title: Re: العندو معلومات عن ال PayPal يفتينا؟ Author: الامين موسى البشاري Date: 02-01-2016, 09:49 AM Parent: #4
ابو الريش
سلام .. مقيم في السعودية
الرابط الفوق موقع لشركة paypal السعودية سجلته في امان الله عبر الايميل .. وفي الاخر قالوا دخل رقم البطاقة
صعب في السعودية على ما اعتقد تحصل على بطاقة من بنك
عندي ماستر كارد ورفضوا التعامل معاها
آخر حاجة قالوها لي يمكننا تحويل المبلغ الى اي حساب pay pal تثق فيه
وبعدها يحولها لك صاحب الحساب الى حسابك
ال paypal عندنا هنا الا نسمع بيها سمع ما عندي عنها اي معلومات
يا ريت توضيحات أكتر
Post: #8 Title: Re: العندو معلومات عن ال PayPal يفتينا؟ Author: قصي محمد عبدالله Date: 02-01-2016, 09:55 AM Parent: #7
البي بال شغال في السعودية (تش) أتعامل معهم منذ 5 سنوات.. اشتريت عدد من الكتب .. قمة الأمان والإنضباط والمصداقية..
Post: #9 Title: Re: العندو معلومات عن ال PayPal يفتينا؟ Author: Hatim Alhwary Date: 02-01-2016, 10:12 AM Parent: #8
Quote: ابو الريش
سلام .. مقيم في السعودية
الرابط الفوق موقع لشركة paypal السعودية سجلته في امان الله عبر الايميل .. وفي الاخر قالوا دخل رقم البطاقة
صعب في السعودية على ما اعتقد تحصل على بطاقة من بنك
عندي ماستر كارد ورفضوا التعامل معاها
آخر حاجة قالوها لي يمكننا تحويل المبلغ الى اي حساب pay pal تثق فيه
وبعدها يحولها لك صاحب الحساب الى حسابك
ال paypal عندنا هنا الا نسمع بيها سمع ما عندي عنها اي معلومات
البي بال موثوق وهو مفيد جدا في حالة استخدامك للبطاقة الائتمانية في الشراء اونلاين لانه بكون مرجع وحماية ليك من اي تلاعب وفيه خدمات متابعة عمليات الشراء ورفع الشكاوي عند عدم اكتمال العملية او التسليم او اختلاف المواصفات للبضاعة وهى بتاخد بتكون وسيط لحل اي مشكلة لك مع الجهات الانت اتعاملت معاها اونلاين
حسب علمي اذا انت سجلت حساب في البي بال يمكنك ادخال بيانات الماستر كارد حقتك
لازم يكون عندك بطاقة ائتمانية للاستفادة من خدمات البي بال لان البي بال ما عندها حساب ائتماني ولكنها بتستخدم حساب بطاقتك الائتماني الانت فوضتها بيهو هى عبارة عن وسيط
Post: #11 Title: Re: العندو معلومات عن ال PayPal يفتينا؟ Author: Mohd Ibrahim Date: 02-01-2016, 10:17 AM Parent: #9
Quote: البي بال شغال في السعودية (تش) أتعامل معهم منذ 5 سنوات.. اشتريت عدد من الكتب .. قمة الأمان والإنضباط والمصداقية..
شيخ قصي اداك النجيضة وانا اتعامل معهم من فترة واثني واضيف الي ذلك استعمال البي بال يوفر لك حماية اكثر من استخدام الكردت كارد مباشرة بالاضافة الي امكانية الطرف الاخر ايداع اموال لحسابك عبر عمليات بيع واضحة وغير مشبوهة
Post: #10 Title: Re: العندو معلومات عن ال PayPal يفتينا؟ Author: Abureesh Date: 02-01-2016, 10:14 AM Parent: #8
كيف الكلام دا..
البنك لا يعطيك بطاقة تسحب بيها من الصراف الالى وفيها شعار فيزا أو ماستر كارد؟
هم لا يقبلون بطاقة إئتمان ولكن بطاقة البنك العادية بتاعة الصراف الالى.
Post: #12 Title: Re: العندو معلومات عن ال PayPal يفتينا؟ Author: أبوبكر عباس Date: 02-01-2016, 12:34 PM Parent: #10
شكرا يا استاذ أمين، على البوست القيّم التعليمي
Post: #13 Title: Re: العندو معلومات عن ال PayPal يفتينا؟ Author: أيمن محمود Date: 02-01-2016, 12:50 PM Parent: #12
عشان تعمل حساب بتقوم بتلات خطوات 1. تعمل حساب عن طريق ايميلك 2. تأكد انو الايميل صحيح 3. تربط الكريدت كارد بالحساب
وبس
Post: #14 Title: Re: العندو معلومات عن ال PayPal يفتينا؟ Author: قصي محمد عبدالله Date: 02-01-2016, 01:11 PM Parent: #13
Quote: عشان تعمل حساب بتقوم بتلات خطوات 1. تعمل حساب عن طريق ايميلك 2. تأكد انو الايميل صحيح 3. تربط الكريدت كارد بالحساب
====== حساب البي بال لازم يكون فيه عنوان بريدي كامل (بالرغم من أن الطرود تصل عن طريق سمسا أو أرامكس. 1- 2- 3- تغذي الكردت كارد. 4- تدفع منها للحساب. 5- الكردت كارد بعد ذلك بتربط نفسها برااااااااااااها. ---- بعد ذلك تتعامل مع الجهات المعنية بإيميل البي بال وليس برقم البطاقة.
Post: #15 Title: Re: العندو معلومات عن ال PayPal يفتينا؟ Author: أيمن محمود Date: 02-01-2016, 01:29 PM Parent: #14
Quote: 3- تغذي الكردت كارد. 4- تدفع منها للحساب. 5- الكردت كارد بعد ذلك بتربط نفسها برااااااااااااها.
لو فيزا او ماستر ما بتحتاج اللفة دي
Post: #16 Title: Re: العندو معلومات عن ال PayPal يفتينا؟ Author: Mustafa Satti Date: 02-01-2016, 02:15 PM Parent: #15
Post: #17 Title: Re: العندو معلومات عن ال PayPal يفتينا؟ Author: مصعب عجاج Date: 02-01-2016, 02:31 PM Parent: #16
سلام البشاري والضيوف
الفيديو الاخير ده مفيد جدا بالنسبة لموضوع الكريديت كارد بتد خل بيانات الكارد وبيرسلو ليك فيهو كم سنت. بتدخل حساب الكريديت اونلاين بتلقي العملية بتاعت استقبال القروش الكم سنت دي من بيبال عندها ارقام متسلسلة بتاخد اخر اربع ارقام بتمش تعمل بيها تاكيد في صفحة بياناتك انو ده حسابي وبعد داك بيتربط حسابك بالكريديت وممكن تربطو بحساب البنك زي ما واضح في الفيديو
العملية دي لو محتاجه صور ممكن ارسلا ليك
Post: #18 Title: Re: العندو معلومات عن ال PayPal يفتينا؟ Author: الامين موسى البشاري Date: 02-01-2016, 03:19 PM Parent: #17
Post: #19 Title: Re: العندو معلومات عن ال PayPal يفتينا؟ Author: مصعب عجاج Date: 02-01-2016, 03:22 PM Parent: #18
اربطهم الاتنين
Post: #20 Title: Re: العندو معلومات عن ال PayPal يفتينا؟ Author: Abureesh Date: 02-01-2016, 03:36 PM Parent: #17
الظاهر اجراءتهم في السعودية مختلفة.. عندنا لا يقبلون الكردت كارد ابدا الا ان كنتم تعنون بالكردت كارد بطاقة البنك Debit Card .. ثم ان حساب البنك شرط اساسى اكتر من الكرت وهم حين تسجل يختوا في حسابك في البنك شوية سنتات، ثم عليك ان تعود لحساب البيبال وتخت عدد السنتات، بهذا تثبت انك صاحب الحساب.
Post: #21 Title: Re: العندو معلومات عن ال PayPal يفتينا؟ Author: الامين موسى البشاري Date: 02-01-2016, 09:47 PM Parent: #20
الشكر للجميع ..
تمت العملية بنجاح والحمد لله وبقينا من اصحاب ال PayPal
البريطاني المعاي في الشغل كان قاشر بيها فينا هههههههههههه
تحياتي والشكر مرة اخرى للمساعدة
Post: #22 Title: Re: العندو معلومات عن ال PayPal يفتينا؟ Author: يحي قباني Date: 02-01-2016, 10:13 PM Parent: #21
Quote: الظاهر اجراءتهم في السعودية مختلفة.. عندنا لا يقبلون الكردت كارد ابدا الا ان كنتم تعنون بالكردت كارد بطاقة البنك Debit Card .. ثم ان حساب البنك شرط اساسى اكتر من الكرت وهم حين تسجل يختوا في حسابك في البنك شوية سنتات، ثم عليك ان تعود لحساب البيبال وتخت عدد السنتات، بهذا تثبت انك صاحب الحساب
سلام يا بشاري و حمدلالك على السلامة ...
يابو الريش انا عندي حساب PayPal ليهو سنين طويلة جداً ...
و رابط فيهو الاتنين ... Debit and Credit cards
و لما اجي ادفع بديني الخيارين و انا بقرر ...
حسي قبل دقيقتين دفعت فاتورة ...
Post: #23 Title: Re: العندو معلومات عن ال PayPal يفتينا؟ Author: Abureesh Date: 02-01-2016, 11:46 PM Parent: #22
**و رابط فيهو الاتنين ... Debit and Credit cards**
ما قلنا حاجة يا يحيى.. لكن هو يسأل عن كيفية فتح الحساب.. وفتح الحساب في أمريكا على الأقل لا بد ان يتم بحساب البنك ما بالكرت، ثم تضيف اىعدد من الكروت لاحقاً.. وبرضو عندى حساب معاهم من سنة دو.. ولو ما مصدقنى أديك الرابط خت فيه الف دولار برجعها ليك بعد تقتنع.
Post: #24 Title: Re: العندو معلومات عن ال PayPal يفتينا؟ Author: أبوبكر عباس Date: 02-02-2016, 00:08 AM Parent: #23
مبروك يا استاذ أمين
Post: #25 Title: Re: العندو معلومات عن ال PayPal يفتينا؟ Author: يحي قباني Date: 02-02-2016, 00:12 AM Parent: #23
مصدقك ليه ما مصدقك ...
و مقتنع كمان ...
بس انا رديت على جزئية انك قلت ( عندنا لا يقبلون الكردت كارد ابدا )
يفهم من كلامك لازم Debit Card و بس ...
و .... بس ...
Post: #26 Title: Re: العندو معلومات عن ال PayPal يفتينا؟ Author: Abureesh Date: 02-02-2016, 02:02 AM Parent: #22
**يفهم من كلامك لازم Debit Card و بس ...**
يجوز غلطت في دى.. لكن مؤكد لا تستطيع فتح حساب بدون حساب بنك، كان شيكات او توفير. ثم بعد ان تفتح الحساب تضيف الكروت.
التحية لصاحب البوست وحمدالله عسلامة.
Post: #27 Title: Re: العندو معلومات عن ال PayPal يفتينا؟ Author: سيف النصر محي الدين Date: 02-02-2016, 03:46 AM Parent: #26
هم ذاتهم بقوا كرديت لاين.
Post: #28 Title: Re: العندو معلومات عن ال PayPal يفتينا؟ Author: عثمان الأمام Date: 02-02-2016, 07:48 AM Parent: #27
حمدلله على السلامة ومبروك الحساب :)
سؤال متعلق الباي بول:
دفعت عن طريق الباي بول لشركة تسويق الكترونية لشراء بعض المنتجات والمنتج ماوصلني ورسلوا ايميل إنو في مشكلة في الشحن وحيرجعوا القروش في حساب الباي بول ولي هسه ماجاني شي الموضوع ليهو اكتر من 4 شهور أها الحل شنو؟! وكيف التصرف ومشكورين مقدما"
Post: #29 Title: Re: العندو معلومات عن ال PayPal يفتينا؟ Author: قصي محمد عبدالله Date: 02-02-2016, 07:55 AM Parent: #28
تتواصل مع الوسيط ( البي بال) بيجيبوهو ليك قلع.. حتى لو البضاعة فيها عيوب أو وصلتك مكسرة تقدر تردها و ترجع قروشك.
Post: #30 Title: Re: العندو معلومات عن ال PayPal يفتينا؟ Author: قصي محمد عبدالله Date: 02-02-2016, 08:08 AM Parent: #29
شركة البي بال تعلم تماما ماتم تسليمه وما لم يوصل لأصحابه،مثل ما تطلع البطاقة الإئتمانية،البنك ما بيسلمها للشخص يدويا، تمشي تستلمها من شركة شحن،أول ما تصل إلى مكتبهم بتجيك رسالة ، واحتمال تلفون منهم،الأهم في الأمر:أول ما تستلم شحنتك بتجيك رسالة تفعيل تلقائية، وإذا كانت شحنة عادية تجيك رسالة شكر على الإستلام.وبالتالي رسائل للراسل بتاكيد وصول شحنته للجهة المعنية..وأتوقع أيضا أن الوسيط بيستلم رسالة بوصول الشحنة وتسليمهاإذا:عدم وصول رسائل استلام للأطراف الثلاثة دلالة على عدم وصول الشحنة.
Post: #33 Title: Re: العندو معلومات عن ال PayPal يفتينا؟ Author: الامين موسى البشاري Date: 02-02-2016, 08:42 AM Parent: #29
سلام يا ابو الريش ..
Quote: **يفهم من كلامك لازم Debit Card و بس ...**
يجوز غلطت في دى.. لكن مؤكد لا تستطيع فتح حساب بدون حساب بنك، كان شيكات او توفير. ثم بعد ان تفتح الحساب تضيف الكروت.
التحية لصاحب البوست وحمدالله عسلامة.
يا حبيبنا طبعا التسلسل بتاعك دا هو الصحيح (وهو نفس المتبع)
المشكلة هنا في الكرديت كارد .. مصعبنها شوية وفيها نوعين
واحد تطلبها وتدفع عليها رسوم سنوية
ودي بتكون فاضية بدون رصيد وكل ما احتجت ليها تغذيها وتستخدمها
والتانية بدوك ليها وفيها رصيد
المهم التانية دي فيها شروط وينمكن يدوك ليها ويمكن لا
فتح الحساب العادي دا في اي بنك لازم تاخد خطاب راتب .. ووو.. المهم
لكن في النهاية النظام واحد الحساب أولا ثم الكروت
Post: #31 Title: Re: العندو معلومات عن ال PayPal يفتينا؟ Author: محمد مجيدو Date: 02-02-2016, 08:12 AM Parent: #1
فعلا بوست مفيد ..
انا عمري دا كلو استعمل ماستر وفيزا كارد ... ولم اتعامل بي البايبل حقكم دا .. اها هم بيستفيدوا شنو ؟؟؟ مافي اي عمولات بياخدوها نظير انهم وسطاء ؟؟
Post: #32 Title: Re: العندو معلومات عن ال PayPal يفتينا؟ Author: أيمن محمود Date: 02-02-2016, 08:19 AM Parent: #31
Quote: مافي اي عمولات بياخدوها نظير انهم وسطاء ؟؟
بياخدو عمولة من البائع
Post: #34 Title: Re: العندو معلومات عن ال PayPal يفتينا؟ Author: Abdalla Hussein Date: 02-02-2016, 12:29 PM Parent: #32
الشكر للجميع على حل مشاكل بعضنا بعض والموضوع مفيد جدا لدرجة انى فكرت اعمل لى حساب فى الPay Pal بعدين اشوف ممكن اعمل بيه شنو
Post: #35 Title: Re: العندو معلومات عن ال PayPal يفتينا؟ Author: الأمين عبد الرحمن عيسى Date: 02-03-2016, 04:17 PM Parent: #34
لدي معهم تجربة إشتغلت لي شغل ترجمة لأخ سعودي بيدرس في استراليا وقال لي برسل ليك القروش عن طريق الباي بال.. وافقت بعد أن فتحت لنفسي حساب. وأرسلت لي النقود.. وفضلت في حسابي لبضع شهور و فكرت أصرفها.. فوجئت بأنه لا توجد طريقة لتحويل النقود من حسابي في الباي بال إلى حسابي في البنك في قطر و بالتالي لا أستطيع صرفها وكنت أظن أن ذلك شيء طبيعي وميسور ولما اتصلت بهم قالوا لي إنك لن تستطيع تحويل نقودك إلى كاش إلا في الولايات المتحده!! .. أعتقد أن هذا نظام غير مقبول مطلقا.. المهم.. تصرفت .. إشتريت بجزء من النقود إشتراكا في قنوات فضائية .. وباقي المبلغ حولته لحساب أحد البريطانيين الذين يعملون معنا في مؤسستنا في قطر .. و أستلمت المبلغ منه نقدا.. ولم أعد أستخدم الباي بال.. عليه بناء على تجربتي أرجو التأكد من إمكانية صرف النقود من حسابك في الباي بال فربما كانت متعذرة كما كانت حالتي.. مع تحياتي
Post: #36 Title: Re: العندو معلومات عن ال PayPal يفتينا؟ Author: ناذر محمد الخليفة Date: 02-04-2016, 11:17 PM Parent: #1
