Post: #1
Title: تجديد إقامة في المانيا كل 3 سنوات وفيها مغادرة كمان
Author: علي عبدالوهاب عثمان
Date: 01-31-2016, 01:39 PM
Parent: #0
12:39 PM Jan, 31 2016 سودانيز اون لاين
علي عبدالوهاب عثمان-جدة
مكتبتى
رابط مختصر اليوم الساعة الواحدة في قناة الحدث ..
برنامج عن اللاجئين .. على ضوء التصريح رئيسة ألمانيا .. ميريكل :-
بأن اللاجئين سوف يتم التجديد لهم كل ثلاث سنوات ومتى ما تحسنت
الأوضاع في بلادهم سيتم إرجاعهم ..
وتحدث محامي عبر إسكايب عن بعض التحول في الاتحاد الاوربي
تجاه المهاجرين وعن السويد وإبعاد اربعين الف .. على خطر دائم ومؤقت
وكذلك تم عرص صورة لهجوم على اللاجئين بعد قتل سويدية من أصل لبناني ..
أنا قلت أكيد المهاجمين ديل من اصول عربية .. ما معقول سويدي يعمل كده
وفي إيطاليا إختفاء آلاف الأطفال .. المحامي يقول تجارة البشر وتجارة الاعضاء
الخوف أن تتسرب المصطلحات الخليجية ( تجديد إقامة ) و ( مغادرة ) إلى ثقافة الاوربيين
يبدو أن هذه المشاكل ظهرت بعد اللاجئين السوريين..
عندي قريبي في منطقة عبور من فرنسا إلى أنجلترا .. ما عارف إسم المدينة
قال لي : الوضع تغير كثير إلى الاسوأ ..
غرض البوست المزيد من المعلومات عن أخواننا وأبنائنا في أوروبا ..
الحكومات الفاشلة جعلت الناس في حالة يأس ومجازفة بالنفس ..
ولسع مع الغاز والسكر والارتفاع ده كثيرين نحو الهجرة والهلاك
مودتي
|
Post: #2
Title: Re: تجديد إقامة في المانيا كل 3 سنوات وفيها مغ�
Author: الصادق عبدالله الحسن
Date: 01-31-2016, 02:21 PM
=
| Quote: الحكومات الفاشلة جعلت الناس في حالة يأس ومجازفة بالنفس .. |
حكومات الغرب يا شيخ علي لن تحل المشكلة
وهي المتسببة فيها بالتواطؤ مع أنظمتنا الفاشلة بالطبع
تحياتي لكم
...
..
.
|
Post: #3
Title: Re: تجديد إقامة في المانيا كل 3 سنوات وفيها مغ�
Author: Abu Baker Ahmed Abdel Rahman
Date: 01-31-2016, 02:33 PM
Parent: #2
Selam
محاكمة مهاجر سوداني بتهمة عبور نفق القنال
Muhammed Nour Oudo (in Arabic)
|
Post: #4
Title: Re: تجديد إقامة في المانيا كل 3 سنوات وفيها مغ�
Author: علاء سيداحمد
Date: 01-31-2016, 02:39 PM
Parent: #2
Quote: برنامج عن اللاجئين .. على ضوء التصريح رئيسة ألمانيا .. ميريكل :-
بأن اللاجئين سوف يتم التجديد لهم كل ثلاث سنوات ومتى ما تحسنت
الأوضاع في بلادهم سيتم إرجاعهم .. |
تحياتى اخى على عبدالوهاب
فعلا الوضع تغير كثيرا بعد الهجرة الكثيقة والغير مسبوقة من السوريين الى اوربا .. و عليهم ان يتحملوا وزر ما قاموا به فى سوريا
وقد تغيرت قوانين الهجرة فى جميع الدول الاوربية الى الاسوأ .. وليس هناك امل فى حل المشكلة السورية وطالما هناك حرب فى
سوريا فلن تتوقف موجة هجرة السوريين الى اوربا ..
الان هناك اكثر من 5 دول اوربية قررت ارجاع كثير من المهاجرين الى :
- ارتريا
- السودان
- بعض الدول الافريقية
- العراق وافغانستان
قائلين بان الاوضاع قد صارت مستقرة فى تلك البلدان .
|
Post: #5
Title: Re: تجديد إقامة في المانيا كل 3 سنوات وفيها مغ�
Author: علي عبدالوهاب عثمان
Date: 01-31-2016, 03:20 PM
Parent: #4
Quote: حكومات الغرب يا شيخ علي لن تحل المشكلة
وهي المتسببة فيها بالتواطؤ مع أنظمتنا الفاشلة بالطبع |
حبيبنا الصادق .. أولاً إنت فنان في إخراج مداخلاتك الجميلة ..
صدقني أخي الصادق لقد إختلط علينا الأمر .. يبدو لي أن الغرب دخل في تجربة حقيقية
وإختبار عملي .. أحسب أنهم تعرضوا إلى غزو ناعم وغزو إنساني ..
الظاهر مشكلتهم عويصة .. يبدو أن حقوق الانسان يتم تجاوزها ساعات الزنقة
مودتي الصادق ..
|
Post: #6
Title: Re: تجديد إقامة في المانيا كل 3 سنوات وفيها مغ�
Author: علي عبدالوهاب عثمان
Date: 01-31-2016, 03:23 PM
Parent: #5
Quote: Selam
محاكمة مهاجر سوداني بتهمة عبور نفق القنال
Muhammed Nour Oudo (in Arabi |
حبيبنا أبوبكر .. وعليكم السلام
الله يستر على قريبي ده .. لأنه قال لي المنطقة دي منها الي بريطانيا
قلت ليه يا أخي ما تقعد في فرنسا .. قال لي أخير دنقلا من فرنسا ..
ضحكت وخليته ..
لماذا لا يرغبون فرنسا .. لازم بريطانيا
مودتي أبوبكر
|
Post: #7
Title: Re: تجديد إقامة في المانيا كل 3 سنوات وفيها مغ�
Author: علي عبدالوهاب عثمان
Date: 01-31-2016, 03:32 PM
Parent: #6
Quote: تحياتى اخى على عبدالوهاب
فعلا الوضع تغير كثيرا بعد الهجرة الكثيقة والغير مسبوقة من السوريين الى اوربا .. و عليهم ان يتحملوا وزر ما قاموا به فى سوريا
وقد تغيرت قوانين الهجرة فى جميع الدول الاوربية الى الاسوأ .. وليس هناك امل فى حل المشكلة السورية وطالما هناك حرب فى
سوريا فلن تتوقف موجة هجرة السوريين الى اوربا ..
الان هناك اكثر من 5 دول اوربية قررت ارجاع كثير من المهاجرين الى :
- ارتريا
- السودان
- بعض الدول الافريقية
- العراق وافغانستان
|
أخي علاء تحياتي .. إن شاء الله طيب وبخير ..
صدقني السوريين مسخوا علينا حتى الخليج هنا .. زحمة مدارس وعمل
طبعاً مصرح لهم تجديد إقامة على طول وما في مغادرة واحدين مبسوطين كمان رب ضارة نافعة ...
هم واليمنيين يومياً أن شغال معهم عكننه محل الشغل .. ( اليمني يقولي أرسلوا لينا سواكني نرسل ليكم حوثي )
ربما قياساً على الوضع السوري واليمني باقي الدول أرحم
عندي قريبي في فرنسا .. امس إتصل فيني .. قال لازم يمشي بريطانيا ..
قلت ليه فرنسا مالها .. قال لي أحسن البرقيق .. لماذا لا أعرف ..
حاولت إتصل فيه جواله خارج الخدمة .. قال لي مطر وبرد والارض كلها طين زي فيضان أرتقاشا ..
لكن قال لي ما برجع تاني ..
مودتي ..
|
Post: #8
Title: Re: تجديد إقامة في المانيا كل 3 سنوات وفيها مغ�
Author: Saifaldin Fadlala
Date: 01-31-2016, 05:27 PM
Parent: #7
السوري عشان يصل لاوربا بنفق الاف الدولارات
وين لاجئ في حالة يأس عندو الكمية دي من الدولارات؟
شوف لاجئ دارفور في تشاد او لاجئ الكنغو
اوضاعم المعيشية اسوأ مليون مرة من السوريين العايشين في تركيا او الاردن
ده هجرة منظمة مستفيد منها تجار البشر والمافيا
الليلة شفتا عراقي نوي يرجع العراق من المانيا
قال انو انفق اكتر من25 الف دولار عشان يجي اوربا!
25الف دولار!ياتو لاجي عندو زي ده
كتير من الناس متخيلين اوربا هي الفردوس المفقود
وما عارفين انو الاوربي يكدح من الساعة 6 للساعة3
ولمن يجي البيت بجي منتهي..
الاعلام المزيف ساهم في عكس صورة رومانسية عن اوربا
وان الحياة هناك عبارة عن mtv
|
Post: #9
Title: Re: تجديد إقامة في المانيا كل 3 سنوات وفيها مغ�
Author: aosman
Date: 01-31-2016, 06:22 PM
Parent: #8
الأخ علي عبدالوهاب عثمان,
الغربيين ليهم الحق في أرجاع اللاجئين,,, معظم اللاجئين والمهاجرين ماشين ما عشان يساهموا في البلاد دي ماشين عشان يعيشوا ملح ويلفوا ويدوروا ويلعبوا على القوانين. أنا شخصيا ما بين 2001 و 2004 كنت في الدنمارك وقبله كنت في ألمانيا وإنجلترا وشفت عدد كبير من اللاجئين بدوا صورة سيئة عن الأجانب, مع أنه في عدد من اللاجئين والمهاجرين ساهموا وبساهموا بي صورة فعالة في هذه الدول, لكن السيئ دائما بكون ليهو تأثير أكبر وبكون مركز أهتمام. في الدنمارك كان في تاجر سوري بقول لي أنا ما بدفع ضرائب وبتهرب من الدفع, قلت ليهو ليه؟ قال لي الضرائب ما موجود في الإسلام. قلت ليهو طيب فالنفرض الضريبة ما موجودة في الإسلام, هل إنت الآن في دول إسلامية؟ تاني شيئ هل الدنماركيين جوك في دولتك وفرضوا عليك ضرائب ولا إنت جيت عندهم؟ قلت ليهو أضف إلي ذلك, لو كنا مجموعة ساكنين في بيت وإتفقنا كل واحد يجيب أربعين في المية من مرتبه ونجمعهم في حتة واحدة ونقوم نعمل منهم ميز ونعالج المريض وندفع رسوم العايز يدرس وخلافه, هل الكلام ده حرام؟ قال لي: علينا تدمير الدول الكافرة ودي واحدة من الطرق البندمر بيها الدول الغربية.
بعدين في تقديري علينا التركيز على تطوير دولتنا وإصلاح حالنا حتى لكي لا نتحاج إلي الذهاب إلي الآخرين.
|
Post: #10
Title: Re: تجديد إقامة في المانيا كل 3 سنوات وفيها مغ�
Author: Basamat Alsheikh
Date: 01-31-2016, 06:39 PM
Parent: #9
المصيبة الكبرى يا استاذ علي عبد الوهاب ان ثقافة دول الخليج
فيما يخص بعدم منح الجنسية الخليجية لاي مقيم اجنبي حتى
ولو اقام ١٠٠ سنة تتنقل للامريكان.لان الامريكان بيدوك كرت الاقامة
القرين كارد وفترة سريانها لمدة عشرة سنوات ولكن ممكن تاخد الجنسية
الامريكية بعد خمسة سنوات من الاقامة...واذا الامريكان اتاثرو بثقافة
اهل الخليج. فما ممكن لاي مقيم ياخد جنسية امريكية...وما تنسى اذا
في طفل ولدوهو في طائرة امريكية او سفينة امريكية فالطفل بياخد
الجنسية الامريكية بصورة تلقائية باعتبار انه مولود داخل اراضي امريكية
..ودمت بالف خير وصحة وعافية
|
Post: #13
Title: Re: تجديد إقامة في المانيا كل 3 سنوات وفيها مغ�
Author: علي عبدالوهاب عثمان
Date: 01-31-2016, 07:14 PM
Parent: #10
Quote: لمصيبة الكبرى يا استاذ علي عبد الوهاب ان ثقافة دول الخليج
فيما يخص بعدم منح الجنسية الخليجية لاي مقيم اجنبي حتى
ولو اقام ١٠٠ سنة تتنقل للامريكان.لان الامريكان بيدوك كرت الاقامة
القرين كارد وفترة سريانها لمدة عشرة سنوات ولكن ممكن تاخد الجنسية
الامريكية بعد خمسة سنوات من الاقامة...واذا الامريكان اتاثرو بثقافة
اهل الخليج. فما ممكن لاي مقيم ياخد جنسية امريكية...وما تنسى اذا
في طفل ولدوهو في طائرة امريكية او سفينة امريكية فالطفل بياخد
الجنسية الامريكية بصورة تلقائية باعتبار انه مولود داخل اراضي امريكية
..ودمت بالف خير وصحة وعافية |
الاستاذة بسمات تحياتي ..
شكراً على المداخلة .. لكن إنتو مبسوطين في أمريكا ..
الامريكان ديل ناس حلوين .. لأنني لم أعايش الاوربيين ..
هنا في الخليج زمان كان امريكان كثيرين وخاصة الجيش ..
وكان يثقوا في السودانيين داخل القواعد العسكرية ..
لحدما خربها الجماعة علينا وعليهم ..
المولود في ارض أمريكية على طول جنسية .. يا سلام عليهم ..
شكراً على الاضافة ..
وين الاميرة إشتقنا لبوست بن لادن ..
تحياتي بلا حدود ..
|
Post: #12
Title: Re: تجديد إقامة في المانيا كل 3 سنوات وفيها مغ�
Author: علي عبدالوهاب عثمان
Date: 01-31-2016, 07:08 PM
Parent: #9
Quote: لأخ علي عبدالوهاب عثمان,
الغربيين ليهم الحق في أرجاع اللاجئين,,, معظم اللاجئين والمهاجرين ماشين ما عشان يساهموا في البلاد دي ماشين عشان يعيشوا ملح ويلفوا ويدوروا ويلعبوا على القوانين. أنا شخصيا ما بين 2001 و 2004 كنت في الدنمارك وقبله كنت في ألمانيا وإنجلترا وشفت عدد كبير من اللاجئين بدوا صورة سيئة عن الأجانب, مع أنه في عدد من اللاجئين والمهاجرين ساهموا وبساهموا بي صورة فعالة في هذه الدول, لكن السيئ دائما بكون ليهو تأثير أكبر وبكون مركز أهتمام. في الدنمارك كان في تاجر سوري بقول لي أنا ما بدفع ضرائب وبتهرب من الدفع, قلت ليهو ليه؟ قال لي الضرائب ما موجود في الإسلام. قلت ليهو طيب فالنفرض الضريبة ما موجودة في الإسلام, هل إنت الآن في دول إسلامية؟ تاني شيئ هل الدنماركيين جوك في دولتك وفرضوا عليك ضرائب ولا إنت جيت عندهم؟ قلت ليهو أضف إلي ذلك, لو كنا مجموعة ساكنين في بيت وإتفقنا كل واحد يجيب أربعين في المية من مرتبه ونجمعهم في حتة واحدة ونقوم نعمل منهم ميز ونعالج المريض وندفع رسوم العايز يدرس وخلافه, هل الكلام ده حرام؟ قال لي: علينا تدمير الدول الكافرة ودي واحدة من الطرق البندمر بيها الدول الغربية.
بعدين في تقديري علينا التركيز على تطوير دولتنا وإصلاح حالنا حتى لكي لا نتحاج إلي الذهاب إلي الآخرين. |
حبيبنا عثمان شكراً على الاضافة الجميلة ..
ضرائب ما في الاسلام .. بالله ده كلام .. طيب لماذا ذهب إلى هناك .. كان اجدر به أن يكون في مكة المكرمة ..
نعم هناك من ساهموا ويساهمون في بناء أوروبا من اللاجئين .. وكما ذكرت ربما يكون هناك البعض ( يلفوا ويدوروا )
شكراً كثير عثمان على التجربة والصورة التي نقلتها وعايشتها ..
مودتي .. نفسي كده بس أوزر أوربا آخر العمر ده أسبوعين بس ..
بالله نحن في الاجازة جننا دنقلا حتى الخرطوم الواحد بقى ما يطقيه ..
ولكن الوضع الحالي في البلد والذي لا يتماشى مع تطلعات الشباب نقول معاهم حق لأن المستقبل مجهول ..
شكراً سيف واصل معنا ..
|
Post: #11
Title: Re: تجديد إقامة في المانيا كل 3 سنوات وفيها مغ�
Author: علي عبدالوهاب عثمان
Date: 01-31-2016, 07:00 PM
Parent: #8
Quote: السوري عشان يصل لاوربا بنفق الاف الدولارات
وين لاجئ في حالة يأس عندو الكمية دي من الدولارات؟
شوف لاجئ دارفور في تشاد او لاجئ الكنغو
اوضاعم المعيشية اسوأ مليون مرة من السوريين العايشين في تركيا او الاردن
ده هجرة منظمة مستفيد منها تجار البشر والمافيا
الليلة شفتا عراقي نوي يرجع العراق من المانيا
قال انو انفق اكتر من25 الف دولار عشان يجي اوربا!
25الف دولار!ياتو لاجي عندو زي ده
كتير من الناس متخيلين اوربا هي الفردوس المفقود
وما عارفين انو الاوربي يكدح من الساعة 6 للساعة3
ولمن يجي البيت بجي منتهي..
الاعلام المزيف ساهم في عكس صورة رومانسية عن اوربا
وان الحياة هناك عبارة عن mtv |
حبيبنا سيف الدين .. معلومات في غاية الأهمية ..
آلاف الدولارات من أجل أن يصل إلى اوروبا ؟؟
حسب الاعلام وما ينقل عن الناس ,, يظهر أنها الفردوس المفقود ..
يا سلام يا سيف يبدو أنك جربت الحياة هناك وتتحدث بصدق .. وأشعر ذلك من خلال حروفك
لكن الامريكان أنا إشتغلت معاهم في السعودية قبل 35 سنة تقريباً .. أحببتهم جداً ..
مودتي سيف وشكراً على الإثرا ء
|
|