ست البنات بت السناجك والملوك كيف يمسحوك .. وكيف يحذفوك؟؟!!
فلو ناس فرانكلي تأملوك ما كان قارنوك بود المدير وجلال أخوك ولو عادلوك بالمستنير ما أنصفوك ولا أستكوني وحيروني وأستكوك:
Quote: يا أخوانا، نادم على حذفي لمداخلة للصادق عبد الله الحسن في واحد من بوستاتي الكتيرة دي، أعتذر على ذلك وأشهد أنها سلوك لا يليق بمستنير
يا المستنير سيب العَبث وخلي العُبوس و خليك ضحوك حِكَمُ استنارتك تقتضي:
(أستِك ضيوفك أو صديقك أو أخوك وأحذف زميلك أو حبيبك أو أبوك)
... .. .
Post: #2 Title: Re: الأستكوك Author: الصادق عبدالله الحسن Date: 01-31-2016, 11:16 AM Parent: #1
=
=
Quote: موقف جميل ونبيل و ياريت اخونا الصادق يمر بى جاى و يقبل و يبادل الاعتذار بى محبة و موده
يا جلال أخوي نُبل (أبكَّر) إن شاء الله يحصل لي عدوك وخليهو من صدق المواقف والمكارم والسلوك
فالمستنير كهربتو "ضاربة" بدون سلوك صابو المحاق ونورو انطفا (في غيهبِ الليل الحلوك) قول ليهو : روح امشي اعتزل وسلم مفاتيح استنارتك والصكوك وانضم لي جيوش الظلام، ولي ناس فرانكلي وناس غريبة البِيشبهوك.
... .. .
Post: #3 Title: Re: الأستكوك Author: الصادق عبدالله الحسن Date: 01-31-2016, 11:19 AM Parent: #2
=
وُ ود المدير لو ناس فرانكلي استحملوك كان ناس تراجي اتذكروك وجرجروك و "وفد المنافي" الغافلوك واتغاتتوك كان بادلوك كرافتة جاهزة يدبجوك وُكان جهزوك وظبتوك ونعلتوك
كيف يجهلوك.. وكيف يمسحوك وليه غادروك؟ وانت البشوش وَدْ المُكوك.. وإنت الضحوك وليه في قِبولك يسنفكوك والككو ضنبو يِمسكوك؟!
لو ما ناس فرانكلي وناس تراجي الاستكوك (ماجد سوار) وجماعتوا كانوا استقبلوك وكان بالتذاكر في المطارات زودوك "CD الرئيس" وجماعتو كانوا احتضنوك وأظرف زمائل زاملوك وجاملوك وكل الشمايل والفضائل ألبسوك وكان في الفنادق أنزلوك وضيفوك وعلى الشواطئ يمرروك ويفسحوك وجوه اليخوت كان "جاتوهاتم" أكلوك وكان ضحكوك وكان كلكلوك.
حوش الإذاعة يدخلوك كان لمعوك ومكيجوك وحننوك وكان بـ"النضالات" رشرشوك وعطروك. كان عرفوك بي ناس مودة و (فاطمة شاش) وبي ناس هِبة وكل المذيعات والظِبا .. وبالبث مباشر ينقلوك ومع "الترابي" يصوروك ويفنقلوك
كان للحدائق والحوارات والجنائن زوروك جوه القصور كان شوفوك.. كافوري أو حوش بانقا كان مرروك بي عطبرة وكان في القطارات رَكّبوك والباوقة ذاتا يوصلوك.. وتفاحا جايز يضوقوك ويبستفوك.
... .. .
Post: #4 Title: Re: الأستكوك Author: جمال المنصوري Date: 01-31-2016, 11:20 AM Parent: #2
يا الصادق اخوي كيف حالك؟ لعلك طيب.. دحين كدي ما استخدمت الاستيكة بصورة حادة ؟ مودتي
ابداع يا الصادق تصدّق و ناَمن بالله قريت بى غادى و جيتك بى جاى المستنير فى حيص بيص و عليه الرد و عشمنا قبول الاعتذار و صدق من قال الملوك ملوك و الرعية رعية و لو استنارات
Post: #6 Title: Re: الأستكوك Author: الصادق عبدالله الحسن Date: 02-01-2016, 06:44 AM Parent: #5
=
Quote: دحين كدي ما استخدمت الاستيكة بصورة حادة ؟
شرفتني زيارتكم أخي الجميل جمال المنصوري أما بشأن الرد على سؤالكم .. فأنا ضحية هذا السلاح الفتاك: وليس العكس. أستكني الجميل ومستحيل ومستنير (أبوبكر العباسي) "رضي الله عنه" وكما تعلم ، فإن أستكة المستنير الحبيب مثل أكل العسل و الزبيب أبوبكر هو نحلة المنبر .. لسعاته أحياناً شافية وغالباً قاتلة.. ولكن بالمقابل عسله لا يقاوم.
له ولكم التحية......
Post: #7 Title: Re: الأستكوك Author: جمال المنصوري Date: 02-01-2016, 07:00 AM Parent: #6
الصادق كيف حالك ؟ المستنير (استك) المداخلة.. بس قصيدتك دي مسحت (الاستنارة) كلها.. تحياتي
تأكيداً على أن الاستنار لن تنمسح أو تنفسخ يا أخي جمال، إليك شهادة معاوية ود المدير المكتوبة في الأدنى بالأصفر.. معاوية نفسه يعترف في المقطع التالي بأن شَعَرَته المشهورة وصلعته الأكثر شهرة لا تضيء إلا بفضل النور المنبعث بلا انقطاع من توربينات المستنير نتيجة ازدواج واحتكاك المعايير: الشِي اللخم ود المدير ؤُ خلآهو جد مُحتار كتيّر المستنير ! استكلو زول وضح النهار ؤُ قالينا آيه، هيّك ما بيصيّر ! ندمان انا ؤُ تراني قاعد في الهجير ! بالله عليك ؟، قال مُستنيّر ! يا عمي روّح شوف ليك صِيّر
معايير الاستنارة واستقامتها يا جمال.. وطالما يحمل شُعلتها الأولمبية و"ينطلق" بها (أبو بكر "البغدادي") فضع في بطنك بطيخة صيفي، وكن متأكداً أنها لن تنطفئ إلى أن يرث الله منبر بكري ومن عليه.
زيت المستنير يكاد يضيء ويواصل تدفقه وانتشاره ولو لم تمسسه نار نور المستنير لا يفنى ولا يستنفد وهو ، بمصطلحاتكم ( نور الأصالة) أما إشعاع الأستاذة (نور تاور) ، وتوهج إخوتنا منير ونورالدين فهو نور بالوكالة وقابل للانطفاء إن غاب الأصيل لأن جميع هؤلاء يستمدون نورهم ونارهم وقبسهم من توربينات "خزان مدني".
