ترحيب حار بصامت الصامت في المنبر

07:25 AM Jan, 30 2016

سودانيز اون لاين
طلحة عبدالله-
مكتبتى
رابط مختصر

أرحب به
سعوديا
سودانيا
كوزا
شيوعيا
سلفي
يهوديا
شيطانا .. أو أيا كان
تحت شعار أناقش أفكارا لا أشخاصا
ولا للإنطباعية والعواطف اللزجة.
مرحب بيك يا الحبيب صامت في المنبر السوداني مباشرة أو عبر نافذة الفيس بوك
مرحب بك أخ كريم أو إبن أخ كريم .
يتبع ........

مرحب بيك يا الحبيب صامت
في المنبر السوداني مباشرة
أو عبر نافذة الفيس بوك
مرحب بك أخ كريم و بن أخ كريم .
وان ما شالك المنبر تشيلك رؤسنا
وان رغمت انوف

مرحبا بالمدون صامت الصامت في المنبر أو نافذة الفيس بوك
ورائك عندنا مقدر ومحترم وسم هنا علي كيفك فأنت اخ كريم
👍👍👍👍👍👍👍

------
طلحة وضيوفه سلام وكيف الربع طيبين

اللخت التحت دي
ما تشتمي رجاء عشان نحن ما شتمناك وأنبهك إلى
انو نحن برضو عندنا كيبورد فيهو نفس حروف الشتيمة دي.

ويا شباب صدقا لله
البوست دا ما مقصود بيهو أي زول بقدر ما هو تعبير
عن شعور مختلف لكنه حقيقي جدا ناحية الأخ الكريم صامت الصامت
فأرجو أن لا يحملن أحدكم في نفسه .
مع كامل التقدير والإحترام للمختلفين مع صامت الصامت .
يتبع ............

نزل لأسفل

هههههههه
رغم انو يعجبني ليك الرش كيفما واينما كان
لكن اجدني متضامن معك - على مضض

شنو نقلت البوست تحت ... ؟؟؟؟

أنا متأكد تماما انو السودانيين أكرم الشعوب على الأرض
وأكثرهم شراسة في نفس الوقت إن لزم الأمر ودعى الداعي.
...............................................
يا جرجير أذهب أنت وصاحبك تهريف فلفا فإنا ما فاضين .

أما لماذا افترعت بوست للترحيب بالكريم ( الكريم الله) صامت ؟
لأنه في هذا التوقيت بالذات يتعرض لخشونة مستغربة ومجهولة الدوافع برغم
أن الواقع الماثل الواضح يؤكد أنه لم يتعرض لأحد هنا بما يؤذي إلا في حدود الرد
بالمثل كرد فعل طبيعي لأي بشر من لحم ودم ومشاعر ..
الثابت أن صامت الصامت قدم في نافذة الفيس بوك (مع آخرين) أنموذجا رائعا للأخذ
والرد في التناول والطرح والمداولات مستصحبا أسلوبا رشيقا وأفكارا واضحة
ومادة غنية بالفوائد المعلوماتية دون أن ينسى موقعه وموضعه كمشارك على هامش
المنبر من ناحية وكضيف على قروب سوداني باعتباره سعوديا من جهة أخري، فقد كان
محترما مهذبا حملته ريح المحبة والوداد للسودان والسودانيين ليشاركهم تجمعاتهم الإسفيرية
ويبادلهم حبا بحب واحترام باحترام، وقد رأيت أنه من مبدأ ( يا ضيفنا لو زرتنا لوجدتنا نحن الضيوف..الخ )
أن أبادله ما أستطيع من هذه المشاعر الطيبة وأن أخفف عنه بعضا ما طاله من رشقات الكلام مع
التأكيد على احترامي وتقديري للمختلفين معه الناقمين منه، دون تحيزا أو محاباة لأحد على حساب
الآخر، فهذا أمر لا قبل لي به باعتباره مشاعر تخص صاحبها ولا أملك أن أغيرها إلا بما لزم التي
هي أحسن من باب السعي للصلح..
غير ذلك فلصامت الحب كله والتقدير أجله بمثل ما للناقمين عليه ذلك .

له الاحترام والتقدير .. اختلف معه في كثير مما طرحه ولكني أثمن أسلوبه ومعارفه واعتبره إضافة حقيقية للمنبر عبر نافذة الفيس بوك .. ومحغز جيد للحوار.

مشكور حبيبنا عمر التاج على المرور والمؤازرة

Quote: غايتو بقت عليكم على قول الخلايجه (معزة عجيب ماتبى الا التيس الغريب هههه) دحين هسا نحن نردح لينا سنين ومافى زول قال لينا الله يجيرك ساى وجايين ترحبو بصامد الصامد !! قاتل الله المارجينلايزيشن فى كل صوره. عموما الاخ صامت يستحق وطالما قاعد معانا فى القاع هنا فاكيد تكريمو وترحيبو هو حيشملنا نحنا كلنا اسرة الهامش الفيسبوكى والتحيه للرفيق كمرد صامت. التحيه ليك يااستاذ طلحه برضو و لى ضل دليبك الرامى بعيد :):)

هههههههههههههه
يا حزنك يا وطني أحزاني الترحيب بصامت في البوست دا عندو مناسبة
وهي ما طاله من نفس حار من بعض الأخوة ووصل الأمر للتلميح بطرده وكان لزاما على
أحدهم أن ينبرى لتأكيد مودة السودانيين وترحيبهم بالضيوف أيا كانوا ..
من ناحية أخري شخصيا عملت بوست كامل للأخوة المتداخلين من الفيس بوك وطالبت بتريقتهم
وتصعيدهم لدوري المحترفين المنبري.. وما خليت ليهم حاجة ما لمعتهم بيها لكن أنت ما عارف كنت وين .
ما يسفاد منه :
صامت راجل ضيف على المنبر السوداني وأعتقد انت موافقني على الترحيب بيهو قبل زول
البيت ( شيم الزول السوداني).. كما أن التخاشن معه مناسبة للبوست .
وعليه:
ما عايز من صامت أية حاجة إلا ما يرضي الضمير وقبل ذلك خالقني وخالقووأعتقد انك لو راجعت
بروفايلي في الفيس أو في المنبر ح تتأكد من حقيقة انو ضل دليبي رامي لله وكلمة الحق .

طبعا ضل دليبك الرامي بعيد دي
ح يجيء المجرجراتي سايق معاهو المهرفاتي ليعتبروها
رش شديد لسيد البوست .
مقدما : ياللغرض والمرض ويا للحقد والغل الكابس على نفسم.
إذهب أنت وصاحبك تهريف فلفا أو إتلما من البرد دا فإنا ما فاضين ليكم.

عاجل كيان فيس بوك ريفي المنبر العام عاجل كيان فيس بوك ريفي المنبر العام

إلى الحبيب حزنك يا وطني مع التحية .

Quote: طبعا ضل دليبك الرامي بعيد دي ح يجيء المجرجراتي سايق معاهو المهرفاتي ليعتبروها رش شديد لسيد البوست . مقدما : ياللغرض والمرض ويا للحقد والغل الكابس على نفسم. إذهب أنت وصاحبك تهريف فلفا أو إتلما من البرد دا فإنا ما فاضين ليكم.

يا لبؤسك و هوانك ... بقيت ترد على خيالك الواسع ..😂😂😂😂

خيال منو يا أبو خيال
ليي ما تقول أنا شاربكم شراب وعارف قبل ما تصحي انت وهو
من النوم وتفتحوا المنبر ح تقولوا شنو في شنو ؟
تقليديين من زمن العصور الوسطي ما عندكم أي إضافة .
أطالب بتقليص كوتتكم لربع مداخلة .. ودي ذاتا كتيرة عليكم .
اذهبا فلفا فإنا ما فاضين ليكم .

هي تنظير من ناحية فا رش ما فيها كلام
لكنه رش حنين لا بغلت عليك لا بوسخ ايديك
كعب رش البت دي :)

وينا البت هي يا حليلا ؟؟
رشت وهربت .
هههههههههههه

مرحبا بصامت الصامت ضيفا عزيزا واخا شقيقا وحبابك مليون فوق وتحت...

الف مرحب صامت
سلام طلحة وضيوفك الكرام

تحية لسليمان آدم
ومصعب عجاج
وللحبيب العائد أخيرا من النافذة عاطف عمر
وبالطبع لا أنسى عريس البوست الصامت.

Quote: كعب رش البت دي :)

ههههههههه
دى ما ياها ندى ذاتا الرشّت ود المدير
____
يا اخوانا اخونا طلحة ده شكلو عاوز يغيّر الكفيل

يا جلالدينهم
أخوكم طلحة دا في الامارات والسعودية دي إلا يمش لها حج واللا عمرة
وفي الامارات ذااااااااتا كفيلو الله .. كان عندك وقت ثانيتين راجع البروفايل .
اتوا تنطع ( المجنسين) دا ما بتخلوهوا ..

يا أخوانا الموضوع ده أظنه اخذ اكتر من حجمه.و بقى يا نتفرج يا نصفق يا نقيف هنا ‏أو هنا. حسب وجهة نظري الموضوع ما بيستاهل كل هذا الحبر و كل هذا التشجيع و ‏حشد المناصرين وكيل.الاتهامات و ردود الفعل الغاضبة و الردود الغاضبة و الكوراك ‏و قومة النفس و و كل مرة واحد داخل و و احد مؤيد .‏
يا ناس إنتو بي جدكم؟ ‏
خلاص المواضيع كملت يعني؟؟؟

Quote: دى ما ياها ندى ذاتا الرشّت ود المدير

كيف ووين دي ما شفتها
يعلم الله في ناس احبهم و احب لهم الرش النضيف
منهم ابصلعة دا :)

مشكور محمد عبدالله للمرور مع كامل التقدير والإحترام



جرجرة حالتك بقت صعيبة يا رجل .

مرحب بصامت الصامت

اتفق معك في كل ماطرحته في

هذا البوست اخي طلحة

نرحب به مجددا مثنى وثلاث ورباع

مرحب بقلم صامت المهذب
بحسب متابعتي ليه بكون فاهم الموضوع صاح ومداخلاته ثرة
بعدين نحن عندنا كم مليون سوداني استضافتهم بلاد صامت مستكترين واحد بس نستضيفه عندنا !

أدين الحملة الاتعرض ليها
واتخيل لي السبب المباشر لكمية العكاكيز الوقعت فيه هو موضوع المقاطعة
أنا شخصياً لو ما مسكت قلمي في موضوع المقاطعة دة بتعلم سب الدين خلي الشتيمة
الواحد محتاج سنين ضوئية عشان يفهم كيف ناس سودانيين يقولوا حريقة في السودانيين عشان تغور الحكومة
واحد يقول ليك (عقوباتنا) بالنا نحن وواحد يجي فرحان يحتفل بي إنه أبطل احتفالية مكتبة الكونغرس بالطيب صالح .. التقول الطيب دة وزير
وواحد يقول للأطباء السودانيين أوعكم تشاركوا في الانشطة البتدعم بلادكم عشان ما يعتقلوكم زي الإيرانيين

غايتو عالم عجيبة .. والبحيرني تلقاهم شايلين جنسيات امريكية واوربية وليهم 20 سنة ما شافوا السودان وما ظنيتهم مفكرين يشوفوهو ذاتو
بس فالحين يكوركوا طلعوا أيمان الشعب دة عشان الحكومة تغور


هسة الأيمان الدخلوا هنا شنو !
ما قلت ليكم بتعلم سب الدين

مشكور ملك التوثيق الحبيب عماد على المؤازرة
يا أحمد محمد عمر
ههههههههههههههههههههههه
كان ما أخاف من الكضب مداخلتك دي من أولا لى أخرة سب دين (حسب أحساسي بيها )
ههههههههه
لكن والله وفيت وكفيت .. ليك التقدير والسلام أوله وآخره .

سلام صاحبي الزمان....
أنا برضه كمان؟
لك العتبى .ما بيننا و الله أكتر من حبيب.و ليك معزة خااصة بس انت مشغوووول بالحيل شايفك
تحياتي

نشجع نقاش الفكرة والمكتوب، ونجاري الأفكار والآراء.
نشجب وندين ونستنكر شخصنة النقاش ونبغضها.
من سنن المنابر أن نرحب بكل مناقش في المنبر،
و أن نحترم كل رأي قابل للنقاش في نافذة الفيس بك ،
وان نناقشه في محله بالنافذة ، أ و نرفعه لضمه لبقية الآراء الأخرى هنا.

Quote: من سنن المنابر

حباب راعي السنن
قصي الحبيب.. هههههههه

كتب الحبيب صامت :

Quote: أخي أيش حكاية " السواد " هذي في المنبر ؟؟ ألا ترون أنها مبالغة ؟ .. والله عمى عيوننا ولا أظنه يشكل فرقا في احترام الموتى ( رحمهم الله ) ..

وقلت له :عادة سودانية للحداد على الموتى ما شايف ليها أي داع ..
الحزن على الموتى ينبغي أن لا يرتبط بالألوان أبدا .
واللا رأيك شنو يا حبيبنا قصي ؟

طبعا صامت جاب سيرة حاجة تانية وإنتقدا العايز يعرفا ينزل تحت يقرأها
أنا ما بتكلم في السياسة ..

Quote: Samet ALsamet ونستضيف أيضا " ابليس " في ثلاث أماكن ... ونخليهم يرجموه لمن يقول آي ..

ألف مرحب بالأخ/ صامت الصامت.

تحياتي ميرغني ومشكور ع المرور

اها يا جماعة صامت الصامت ده بقى عضو و لا لسه؟
بس عايزين الموضوع ده ينتهي و نشوف غيره.‏
اسبوعو اسبوعين كل المنبر مشول بي تراجي تراجي جات تراجي وصلت تراجي قابلت ‏تراجي قالت..‏
هسه كمان الأسبوع ده انتهى و كله كان صامت سعودي صامت شبح صامت ‏سودانيزعايزين نشوف موضوع تاني بدون زعل ..كلامي ما صاح. لأنه بصراحة بسكت ‏و بسكت أو أصمت و أصمت و لكن في الآخر ألقى نفسي مجبور أعلق. و التعليق ‏بزعل ناس كتااار.و أولهم صاحب البوست البعلق فيه. و طلحة ده من أول دخلتوا دخل ‏في مزاجي بكتاباته الساخرة و الذكية حتى من دون أعرفه أو اراه.‏
عشان كده يا طلحة يا اخوي اسمح لي بعرض وجهة نظري دي في بوستك ده و بدون ‏زعل لأني ما قاصدك إنت بالتحديد و لا أي زول بالتحديد بس حديث عام.‏
مع احترامي لشخصك الكريم و ابعد الحساسيات من دربنا لأنه أنا ما بحب أشاكل زول ‏و لا أزعلوا و لا أخاصموا .‏

تحياتي وتقديري يا محمد عبدالله الحبيب
كلامك ع العين والرأس طبعا ومشكور على المشاعر الطيبة
لكن أنا ما شايف انو الناس مشغولة بصامت الصامت كما قلتا
ديل كلهم بوست وبوست مساوي له في الفكرة ومضاد في الرأي
بوستين بس ... شن جاب للبوستات القاصدا انت ؟
ولو تلاحظ أنو الناس شغالة تفتح في بوستاتا وترد في ردها والبوست
دا ما هو إلا بوست من جملة البوستات الأخري.. خخخخخخ