الموضوع شنو ؟

09:20 PM Jan, 28 2016

سودانيز اون لاين
Hani Arabi Mohamed-كوكب الأرض
مكتبتى
رابط مختصر

( 1 )
يا وليدي
قبال يولدوك أدوك خبر ؟
في زول طلب منّك إذن ؟
طيب زعلان في البحصل فيك في الدنيا دي فوق كم !

( 2 )
يا وليدي
طالما الشيخ ذاتو قام وقعد فوق راي
وما ركن لكلام القبالوا
يبقى كتر خيروا
عمل قدرتو الفي زمانو
البوقفك انتَ في زمان الشيخ
وما يخليك تعافر فهمك لأوانك
شنو ؟

( 3 )
يا حاج !
تعبت واصحابي ما لقيتهم

( 4 )
يا وليدي
وقت بيتعبوا قاعدين يلقوك ؟

( 5 )
ألقاك الليلة وين أشاورك ؟
اسمع كلامك السمح وين ؟

( 6 )
حلمك شنو ؟

( 7 )
لو كان فيها خير
ما كان رماها الطير

( 8 )
واجعين راسنا بالفات
وخايفين من الجاي

( 9 )
ويوم الليلة دا !
لقينا ليه فَرَقَة ؟

تمت