Post: #2
Title: Re: # البرلمان #
Author: علي دفع الله
Date: 01-28-2016, 08:42 PM
Parent: #1
رءيس البرلمان صرح بانه سمع بزيادة الغاز عبر التلفون بعد ان ان قضى صناع القرار امرا كان مفعولا..
|
Post: #3
Title: Re: # البرلمان #
Author: فتحي الصديق
Date: 01-28-2016, 10:27 PM
Parent: #2
المجلس المختوم
في فمو طبلة
فوق راسو طيرة تحوم
--------------------------
التحية لك وللقدال يا رجل .
|
Post: #4
Title: Re: # البرلمان #
Author: علي دفع الله
Date: 01-29-2016, 07:15 AM
Parent: #3
واحدة هبلة اسما حياة الماحي وصفها الوظيفي في برلمان الكيزان رءيسة لجنة الطاقة بالبرلمان ..نازلة تصريحات في الصحف ومليانة فرح بالزيادة ....
|
Post: #5
Title: Re: # البرلمان #
Author: فرح الطاهر ابو روضة
Date: 01-29-2016, 10:11 AM
Parent: #4
.
|
Post: #6
Title: Re: # البرلمان #
Author: علي دفع الله
Date: 01-29-2016, 10:16 AM
Parent: #3
الاخ فتحي صدقت و صدق القدال
اكتر من 600 برلماني شغالين تصفيق وتهليل وتكبير لكل زيادة على المواطنين ...لانهم ما مننا ولا انتخبناهم ولا بنعرفهم ...
بس الواجعني هؤلاء التاافهين عايشين علي ضهرنا ...نثريات وبدل جلسات واضافة وترحيل وتصاديق الخ الخ الخ
|
Post: #7
Title: Re: # البرلمان #
Author: فرح الطاهر ابو روضة
Date: 01-29-2016, 11:07 AM
Parent: #6
انت البرلمان ده يا على
مجود وقاعد يناقش قضايا البلد دي
؟؟؟؟؟؟؟؟؟؟
|
Post: #8
Title: Re: # البرلمان #
Author: علي دفع الله
Date: 01-29-2016, 06:10 PM
Parent: #7
ابو روضة يا صاحب
برلمان الانقاذ عبارة عن واجهة لنظام الانقاذ زيو زي مؤتمر شورى المؤتمر اللاوطني الامن الشعبي اي كلام فارغ من هيءاتهم المقرفة ..فما منتظرين منو لا محاسبة ولا طلبات احاطة ولا رؤية تشريعية تظبط عمل الجهة التنفيذية ..فعادي جدا يمرروا اي زيادة او يتفرج على الفساد والتضييق على الحرية لانهم ذراع سلطة تاافه ...
بس الشاقي وهاري كبدتنا مخصصات هذا الكيان الفاسد المترهل ..
تحياتي
|
Post: #9
Title: Re: # البرلمان #
Author: علي دفع الله
Date: 01-29-2016, 07:54 PM
Parent: #8
شايف في مسرحية سنمجة ومكشوفة وتاافهة جدا ...قال البرلمان حا يقيف ضد زيادات الغاز ...لا بالله فكونا من تمثيلكم الكريه ..البشير و جهاز الامن هم الكلامهم الحا يمشي اما انتم اضربوا مخصصاتكم ونقطونا بي سكاتكم لانكم لم ولن تمثلونا ابدا ...انتم اغراب عننا ولن تحسوا بالامنا ولا معاناتنا .. حقنا حا ناخدو بي ضراعنا وانتو وبشيركم الى المزابل اليوم غدا بعده مواصلين ..ومصيرنا حا نصل ...قال البرلمان والله دا الفضل ...تبا لكم بكل اللغات
|
Post: #10
Title: Re: # البرلمان #
Author: جمال خضر
Date: 01-29-2016, 08:21 PM
Parent: #9
الصديق ود دفع الله سلام
إنت برلمان الجن ده ما طقش أضانو حكاية المخدرات اللى دخلت بالحاويات
وهى الآفة التى فتكت بعقول الشباب وأبناء هؤلاء النواب هم الأقرب لتلك
الآفة نسبة لتوفر المال فى أيديهم وما حادثة إبن الوزيرة ببعيد عن الأذهان .
غايتو الزرعوها الكيزان من بلاوى ومصائب فى ارض السودان تحتاج لمجهود
ضخم وجبار حتى يتم اقتلاعها .
|
Post: #11
Title: Re: # البرلمان #
Author: سيف اليزل سعد عمر
Date: 01-29-2016, 09:38 PM
Parent: #10
أول مرة أشوف لي برلمان يناقش موضوع غاز...
دييل يا علي ما عندهم شغلة مجموعة ارزقية ليس إلا ما عارفين مهام وواجبات البرلمان...
برلمان بتاع الساعة كم ياخ؟؟؟!!!
|
Post: #13
Title: Re: # البرلمان #
Author: علي دفع الله
Date: 01-30-2016, 06:11 PM
Parent: #11
اختلف معاك صديقي سيف اليزل البرلمان برضو من واجباتو مناقشة اي زيادة سلعة ...لكن السؤال هل هم يناقشون بصدق ويملكون القدرة التشريعبة لالحام قرارات الحكومة
الاجابة لا يا صديقي لانهم هم واجهة سيءة للحكومة وان تجملو ..
تحياتي
|
Post: #12
Title: Re: # البرلمان #
Author: علي دفع الله
Date: 01-30-2016, 05:44 AM
Parent: #10
صديقي جمال خضر تحياتي
موضوع المخدرات و الحاويات المسرطنة وفساد مكتب الوالي وفساد الجمارك والتقاوي الفاسدة والخ الخ الخ دي كلها شغل البرلمان لكن دا برلمان ؟؟؟؟؟
مودتي
|
Post: #14
Title: Re: # البرلمان #
Author: Hasheem Karouri
Date: 01-31-2016, 05:38 PM
Parent: #12
السلام عليك ياصديقي . علي
انت غايتو يوم بطق ليك عرق ...!
برلمان شنو ، وسجم شنو ..!!
ديل . ياسيد . علي . جزء من الديكور ...!!
همهم الوحيد ، يملؤ كروشهم دي . وخلاص ..!!
يزيدوا الغاز ...! يزيدوا الجبايات ...! يزيدوا الضرائب ..!! الناس تموت ... تحرق ...تغرق ... مابهمهم ..!
**
وانت شوف ناس ( زين كمان ) ..!
البلد هامله...
وفي لحظاتها الاخيرة ...!
يقولو : ( نحقق اكبر مكاسب . بكرة ما معروف البحصل شنو ) !
ما الناس كلها بتعمل كده ...!!
**
ياعلي ياخوي .
لو هي بقت علي الغاز ، والنت . بس .
مافي مشكلة .
لكن البلد زاتها ( في عضمها ) ...
خلاص انتهت ياعلي ..ومش من هسي .
من قبل 27 سنة .
لك تحياتي ،،،،
|
|