(صورة حلوة)

03:45 PM Jan, 28 2016 سودانيز اون لاين
حمد عبد الغفار عمر-
مكتبتى
رابط مختصر

يا دبل يا السجن يعني عايزة تهلك الرجال عشان ما يظاهروا مثلا بس أوع يكون السجن 5 سنوات
ساعدوا الجماعة ديل يا أمة



الجناح الشمال دا ما بطال

خبر كاذب
Eritrean Government has ordered men to adopt polygamy or face imprisonment.“Based on the law of God in polygamy, and given the circumstances in which the country is experiencing in terms of men shortage, the Eritrean department of Religious Affairs has decided on the following.”First that every man shall marry at least two women and the man who refuses to do so shall be subjected to life imprisonment with hard labour.“The woman who tries to prevent her husband from marrying another wife shall be punished to life imprisonment, “states a statement from the governmentAccording to the government, every man should marry as many wives a possible and give birth to as many children as possible so as to fill the deficit caused by the war between the country and Ethiopia.Though majority of men are excited about the order, a few feel it’s against human rights and it interferes with one’s freedom of choice. Several women are also opposed to the idea.

و الله قريت العنوان عرفتك جايب شنو ...
المهم طالما انت الجبت الموضوع يالا ورينا همتك و ابقى انت المبادر ...

المبادر ؟ أنا اخترت الجناح الشمال على يدك الشمال

انت مالك محنن يلا الفي الصورة ديل لازم يكملن الليلة دي

نادي ود المدير خلي يعزل بسرعة

Quote: الجناح الشمال دا ما بطال

ما بطال ... ؟؟؟؟؟؟؟
يا ود انت قايل نفسك توم كروز ...؟؟؟؟

هسة بدل تنتقد فيني ما تعزل ليك واحدة سريع

قبل ناس الإنداية ما يجوك

دا قرار فرعون ما سبقهم عليهو !!
يعني حكام أنا مصائر العباد , ويقررون نيابة عنهم حتى في الأمور الشخصية ؟؟
كملوا تعذيبهم بالتعتيم والتكميم والتجويع والتخويف والارهاب ,
ألا يكفيهم أنهم السبب في وانتشار الفقر والمرض والعطالة ,
فضل ليهم تفكيك النسيج الأسري والاجتماعي !؟
أرى أن هذا اخر مسمار في نعش حكومة تتدخل في أدق خصوصيات البشر !
لله درك يا شعب افريقيا المأزوم كل بحاكمة الأرعن !
ملحوظة: بائعو المثلجات المصريين حين تكسد بضاعتهم يتجولون بين الناس ويقولون :
حد عطشان وناسي !!

ست البنات.

لكن ما صورة .. غايتو انا حاجز اتنين
و اللذيذ الخبر
قال ليك اعتمادا على التشريع الالهى بتعدد الزوجات اى زول يتزوج اقل شى اتنين
و كان رفض السجن مدى الحياة مع الاشغال الشاقة
و المرة كان عصلجت و منعت راجلا من العرس برضو يطقوها بالسجن مدى الحياة مع الاشغال
غايتو القانون ده لو شمل الاجانب ناس كتار بنسمع بيهم مشو ارتريا

Quote: “The woman who tries to prevent her husband from marrying another wife shall be punished to life imprisonment, “states a statement from the government

عاشت الشقيقة أريتريا ..

يا شيخ حمد مصدرك نجيض؟
نفس الصياغة دي كانت حايمة في الواتس لكن بدل ارتريا خت السودان, حتى اظن واحد من مقاولي المواسير جابها هنا إلا لحقوه اولاد الحلال
نجص مصدر يا زول وأوعاك من الماسورة
ماتبقى ليك ماسورة في آخرها علم و يرفرف كمان ههههههههههه

حباب الفنجرية ست البنات

Quote: ملحوظة: بائعو المثلجات المصريين حين تكسد بضاعتهم يتجولون بين الناس ويقولون : حد عطشان وناسي !!

ياها ذاتها واحد معرس وناسي؟

ياخ ناس الخليج الشبعانين ديل خلوا الشغلانة دي

بس أنا خائف يعملوها لينا نحن أصلو ديل ما يسمعوا ليهم بحاجة فيها عرس

جلالدونا كيفك

Quote: لكن ما صورة .. غايتو انا حاجز اتنين

أوع يكونوا الاتنين البعد الجناح الشمال كدا ما ضيعتني

Quote: و المرة كان عصلجت و منعت راجلا من العرس برضو يطقوها بالسجن مدى الحياة مع الاشغال

وبي كدا يكون نسف القرار لأنو القرار أصلا معمول عشان تكون في زوجات كتار لدى الرجل الواحد حتى يتم التناسل بأكبر عدد

ما تجي نديها خفسة نشوف الموضوع دا ونرجع

سلامات ياحمد
ده خبر اشاعة . ماتنسي برضه ان نصف سكان ارتريا مسيحيين ارثوذكس وكانوا تابعين لفترة قريبةللكنيسةالقبطية

غايتو منو العوض وعليهو العوض !!!

يا جلادونا مباراة السمبر بتغطس حجرك وحجرنا معاك .

ست البنات.

Quote: بائعو المثلجات المصريين حين تكسد بضاعتهم يتجولون بين الناس ويقولون : حد عطشان وناسي !!

اجمل تعليق يا ست البنات ..يديكي العافية
تحياتي ووافر احترامي

هلا عبد اللطيف

Quote: عاشت الشقيقة أريتريا

فعلا عاشت وعاش اتحاد دول شرق ووسط أفريقيا ودول الساحل والصحراء

عايزين وحدة غير مشروطة سريع

هلا محمد البشرى

Quote: يا شيخ حمد مصدرك نجيض؟نفس الصياغة دي كانت حايمة في الواتس لكن بدل ارتريا خت السودان, حتى اظن واحد من مقاولي المواسير جابها هنا إلا لحقوه اولاد الحلالنجص مصدر يا زول وأوعاك من الماسورةماتبقى ليك ماسورة في آخرها علم و يرفرف كمان ههههههههههه

بعد الإنجليزي دا يكون ما نجيض؟ أفا المتأكد منو ما طلعو جهاز الأمن السودانيبعدين الطمني كونوا أبو حسين يدخل ويصحح طبعا إنتا عارفو شايل القلم الأحمر وحائم فلما ما قال غلط قلت بس الخبر صحيح لكن بعد دا كلو حكاية السجن المؤبد والاشغال الشاقة دي عملت لي هوزاز شنو اصلو عرس ولا موت هنا في جكس يرفرف كل شيئ ولا الأعلام البترفرف

مرحبا المعز أبو نوره

Quote: ده خبر اشاعة . ماتنسي برضه ان نصف سكان ارتريا مسيحيين ارثوذكس وكانوا تابعين لفترة قريبةللكنيسةالقبطية

اعتقد ونسة أسافير ساي رغم وجود مبرر مقنع لكن شكل القرار تعسفي ولا يمكن تطبيقه استنادا على نهج ديني بسبب التركيبة الدينية المختلفة في أريتريا

عمنا جعفر اسماعيل
وين أراضيك عساك بألف خير

Quote: عايزين وحدة غير مشروطة سريع

يا ساتر!

وحدة مع إرتريا ولا وحدة من الفوق ديل؟

Quote: الجناح الشمال دا ما بطال

شكلك كدا ... فاقد كالسيوم ... 😂😂😂

كيفك يا حاتم

Quote: وحدة مع إرتريا ولا وحدة من الفوق ديل؟

الفوق ديل كالنجوم بأيهم اقتديتم اهتديتم

Quote: نادي ود المدير خلي يعزل بسرعة

بسرعة ليه، قايلني عطشان ؤُ ناسي ؟...

أبو حسين

Quote: شكلك كدا ... فاقد كالسيوم ...

تلف وتدور ساي أنا عارفك خائف يا جبان خصوصا الليلة في البيت

ياخ يمين أنا أقرأ واتلفت قبل شوية جات البت كحلت الصورة قالت لي بابا وريني الصورة دي قلت ليها دي دعاية ساي اختفت

وفي سري قلت ليها حلاة لقلق عايزاني ما اتغدى اليوم ولا شنو

هلا المدير

Quote: بسرعة ليه، قايلني عطشان ؤُ ناسي ؟...

مع التلج دا لو عطشتوا ما بتحسوا بالعطش

بس كباية ميرندا ما بطالة معاك

حمد ,,,,, سلام

Quote: وفي سري قلت ليها حلاة لقلق عايزاني ما اتغدى اليوم ولا شنو

هههههههههه ,,,,,, والله حلاة لقلق ,,,,,,,,,

ياخى أنا ما عندى أى طريقة إلا تشوفو لينا فتوى ,,,, عندى الأم و تلاتة بنات ,,,,,, والله الأم أرحم من التلاته بنات.

الخبر طبعا واضح كذبة أبريل القبل أبريل !

لكن ما بعيد حكامنا ديل بشتارتهم الشايفنها دي يطبقوها يوم من الأيام !!

ست البنات.

أرتريا غاضبة جدا من هذه الفرية Hoax التي أساءت لشعب كامل.
بالطبع هذه شائعة و قريبا جدا سيقلبها العرب و المصريون من أرتريا للسودان و يستشهدوا بعمر البشير و المعدديين الأخرين في حكومة الإنقاذ الرشيدة!

هلا صلاح الزبير

الفتوى إسلاميا موجودة فإنكحوا ما طاب لكم من النساء مثنى وثلاث ورباع

بس أنا بقول ليك خليك مع هذه الأم الرحيمة والبنات ربنا يحفظهم لك

بس لو غيرت رأيك أدينا خبر

مرحبا عمر عبد الله عمر

Quote: أرتريا غاضبة جدا من هذه الفرية Hoax التي أساءت لشعب كامل. بالطبع هذه شائعة و قريبا جدا سيقلبها العرب و المصريون من أرتريا للسودان و يستشهدوا بعمر البشير و المعدديين الأخرين في حكومة الإنقاذ الرشيدة!

الإنترنت فعلا بقى مصيبة لكن ليس كل نقاش لخبر (حتى ولو كان شائعة) هو تهكم أو تقليل من شأن أحد - موضوع التعدد موجود وبتتم مناقشته من عدة زوايا

وبتقابلوا حالات تحديد النسل زي الصين مثلا جميعها مواضيع الناس بتناقش الجانب الإنساني فيها وانعكاساتها على الأسرة

أنا شخصيا في الأول كنت مفتكر الخبر صحيح خصوصا وهو مبرر بقلة عدد الرجال بسبب الحرب

كلهن سمحات ما عدا واحدة بس

سلام حمد أخوي

حايم في الفيس برضك

فعلا بيكون كضب ساي


أريتو لو ما كضب

البنوت الكتار دي كان كملن زاتو واحنا كان تميناها براحتنا هههه

Quote: الفتوى إسلاميا موجودة فإنكحوا ما طاب لكم من النساء مثنى وثلاث ورباع

ياخى الفتوى دى عندى ,,,, بس بدون (فإنكحوا) . أسى زى الحصل ليك مع بنيتك قبل الغدا بيحصل لي في اليوم عشرين مرة ,
أنا عامل ألليرت في كل لحظة.

Quote: بس لو غيرت رأيك أدينا خبر

أنخبرك قالو الفحل ما عواف ,,, أى جوز من السبعة بقضي ,,,,,, هييييع ,,,, أنا الرضعان فوق البعر ,,,,,,,

Quote: أوع يكونوا الاتنين البعد الجناح الشمال كدا ما ضيعتنى QUOT اها قمنا من هسى لى ضيعتنى و ضيعتك و حقتى و حقتك يا زول قول بسم الله ,, الخير راقد و كتير عشان خاترك نغيّر الاختيارشفت الهاف سنتر فرود ؟ بس الاتنين الجمبهااها قصّرتا معاك ؟

---

Post: #34 Title: Re: حكومة أريتريا بالغت (صورة حلوة) Author: جلالدونا Date: 01-29-2016, 07:36 PM Parent: #33 Quote: غايتو منو العوض وعليهو العوض !!! يا جلادونا مباراة السمبر بتغطس حجرك وحجرنا معاك . يا ستهم و الله شغل ونسة ساكت .. باقيلك مو اخير من صمة الخشم قلتى لى كذبة ابريل القبل ابريل دى عاد قلبتى فيها الهوبا اخر منها العطشان و ناسى

---

Post: #35 Title: Re: حكومة أريتريا بالغت (صورة حلوة) Author: حمد عبد الغفار عمر Date: 02-01-2016, 05:03 PM Parent: #34 كيفك يا مجاهد Quote: أريتو لو ما كضب كنت حتعمل شنو؟ كضب ساي كضب كيبورد هسة قادر تتخيل روحك في بيت فيهو أربعة نسوان وأي واحدة عندها 5 أطفال هسة دي ما القيامة ذاتها

---

Post: #36 Title: Re: حكومة أريتريا بالغت (صورة حلوة) Author: حمد عبد الغفار عمر Date: 02-01-2016, 05:24 PM Parent: #35 Quote: عشان خاترك نغيّر الاختيارشفت الهاف سنتر فرود ؟ بس الاتنين الجمبهااها قصّرتا معاك ؟ عاقل لأنو الديب سنترفرود دي أبو حسين قال بكاتل فيها ما شايفو شابكني كالسيوم وفيتامين د والأغذية المكملة

---

Post: #37 Title: Re: حكومة أريتريا بالغت (صورة حلوة) Author: حمد عبد الغفار عمر Date: 02-01-2016, 05:39 PM Parent: #36 كيف الكلام دا بعد ما قلنا كذبة أبريل أها يا ست البنات ربنا عوضك في مداخلتك الفوق القومت نفسك دي كدي أنسخي الرابط دا وشوفي https://www.facebook.com/100009373595054/videos/1563082264014212/https://www.facebook.com/100009373595054/videos/1563082264014212/