Post: #1
Title: رخصة للمشاة
Author: ناصر حسين محمد
Date: 01-28-2016, 07:29 AM
Parent: #0
06:29 AM Jan, 28 2016 سودانيز اون لاين
ناصر حسين محمد-
مكتبتى
رابط مختصر
أعتبرته من الأخبار الطريفة التي تطلقها المواقع للترويح عن مرتاديها كل فترة
قراءت الخبر وابتسمت لطرافته
وفجاءة تذكرت ان الرئيس هو البشير ..!!!
وحينها علمت وادركت انه خبر "جاااادي" وصحيح والاختشو ماتو ..!!
والجماعة ديل عملو السبعة و" ذمتها"
Quote: تدرس الخرطوم، إطلاق مشروع “رخصة المشاة”،وتسعى بها إلى تعليم المواطنيين قواعد المرور، وذلك من أجل التقليل من حوادث المرور التي تحصد الألاف في شوارع السودان.
وسبق أن أعلنت الإدارة العامة للمرور بالسودان أن حوادث الوفاة في العام 2015م ، كانت 1662 وأوضح مدير عام المرور اللواء عمر مختار حاج النور أن جملة الحوادث التي وقعت في العام 2015م، بلغت 12648 .
التجربة سيتم تطبيقها في المرحلة الأولى بالتنسيق مع وزارة التربية والتعليم وعدد من الجامعات السودانية في العاصمة السودانية الخرطوم وبعد ذلك يتم تعميمها على ولايات السودان المختلفة، وبحسب مصدر رفيع قال لمحرر النيلين “تقوم فكرة المشروع على خضوع الطلاب لدورات تدريبية حول قواعد المرور والقيادة وإرشادات السلامة المرورية، تمنح بموجبها رخصة هي “رخصة المشاة” ومن ثم تطبيق المشروع لاحقاً على كافة المواطنيين” .
وبحسب فكرة المشروع سيكون إلزامياً على أي مواطن أن يحصل على رخصة المشاة حتى يتسنى له المشي في الشوارع العامة وهي رخصة شبيهة برخصة القيادة التي تتيح قيادة السيارات.
وحذر صحفي فضل حجب إسمه بحسب ما نقل عنه محرر موقع النيلين أن تكون “رخصة المشاة” وسيلة جديدة لمزيد من زيادة الرهق على المواطنيين وهدفها قد يكون مصدر جباية جديدة للحكومة.
محمد عثمان- النيلين |
|
Post: #2
Title: Re: رخصة للمشاة
Author: almulaomar
Date: 01-28-2016, 08:04 AM
Parent: #1
|
Post: #4
Title: Re: رخصة للمشاة
Author: قصي محمد عبدالله
Date: 01-28-2016, 08:18 AM
Parent: #2
سلام أخي ناصر،
يحكى أن أحد الحكام قام بفرض رسوم على كل من يمشي على رجلين،
فتحول سكان ذاك المكان للمشي على أياديهم!
ههههه
تحياتي
|
Post: #3
Title: Re: رخصة للمشاة
Author: نجم الدين سعدابى
Date: 01-28-2016, 08:09 AM
Parent: #1
باقي رخصة انك تعيش في السودان !
ياخي ديل حثالة
او بالاحري نحنا الحثالة
يحكمونا بالبنقو والمزاجيات ولسة قاعدين
|
Post: #5
Title: Re: رخصة للمشاة
Author: ناصر حسين محمد
Date: 01-28-2016, 08:21 AM
Parent: #3
| Quote: لتجربة سيتم تطبيقها في المرحلة الأولى بالتنسيق مع وزارة التربية والتعليم |
يعني نتوقع من الصباح يجيك "جناك" البقراء في تانية اساس عايز رسوم تجديد الرخصة "ك11"
| Quote: خضوع الطلاب لدورات تدريبية |
ودي أكيد ما حتكون مجان
| Quote: وبحسب فكرة المشروع سيكون إلزامياً على أي مواطن أن يحصل على رخصة المشاة حتى يتسنى له المشي في الشوارع العامة |
هههههههههههههه
ياخ دي البنغو زاتو اتسطل منها
|
Post: #6
Title: Re: رخصة للمشاة
Author: عماد الدين الطيب عمر
Date: 01-28-2016, 09:04 AM
Parent: #5
عشان الناس يقعدوا في البيوت سااااااااااااي
المسجد دا ما يمشوا له
كل واحد يتعمل الخطابة و و يخطب و يصلي الجمة مع اهل بيته
و الاعراس ...
سيرة مافي
و العريس برضو ما ح يجي لانو ما عندو رخصة سير
و الولادات ... تاني مافي ولادة ... ضبط نسل ... اقصد ايقاف نسل ...
و اي واحد شوف له مساحة صغيرة يزرع فيها خضرواته و ياكل مما يزرع
و عييييييك
المدراس
الجامعات
كلها تقفل و الناس تقرا في بيوتها ...
و بالصورة دي الفرصة سانحة للاباء و الامهات لتحضير الماجسيتر و الدكتوراة من منازلهم عشان يستخدموا شهاداتهم دي في تعليم و تخريج اولادهم من جامعة البيت ...
................................................
لفة صغيرة
قلت لي رخصة المشاه دي صلاحيتها كم ؟؟؟
|
Post: #7
Title: Re: رخصة للمشاة
Author: almulaomar
Date: 01-28-2016, 02:40 PM
Parent: #6
شئ مضحك وشر البلية ما يضحك ، الناس ماشه وعقولها ما معاها يعني أنا بطلع من بيتي من الصباح كايس الرزق أها وأنا ماشي طراخ تعتر لي عتبة المزيرة المفروض أنا عارف إرتفاعها وأبعادها ولكن برغم أها أقوم أتماسك وأعدل نفسي وفي مشيتي كعععععع أضرب ركبتي بي ماسورة الشارع وما أمره من شعور تلك الماسورة الماسورة المن يوم ركبناها ماجابت مويه لي الليلي ، أها وفي مشي بعد أن أعتب باب بيتنا إلا وشويتين يجرني شخص بعنف من كتفي وهو يردد يا زول أعمل حسابك الركشه.
حوالي كمية كبيرة من المشاكل أصبح بيها وأمسى بيها وكل يوم تكبر وتكبر تلك المشاغل والمشاكل لأنني بصراحة عادة ما أفكر في المشكلة كمشكلة ولا أفكر في الحل لأنه ليس هناك حل أصلاً لها بعد أن وصلنا إلي شفا جرف هار وغزا اليأس صدور الكثيرين منا.
أها زول زي دا ممكن ياخد رخصة مشي دولية ولا حا يعتبروهو سائق تحت تأثير المسكر وما بالضرورة يكون السكر بالعرديب. فقد قال الشاعر فض فوه
أنا ما بسكر من الخمر
ولا من صوت القمري
لكن نظرات حبيب عمري .. إلى آخر القصيدة.
(أها نظرة واحده من حبيب العمر تساوي ثلاث كوؤس دوري) وهاتها يا صاحي.
---
غايتو رخصة ملاكي تعني أساسق بالدريب
رخصة عمومي تساوي مشينا مشينا مشينا
رخصة ركشة أو موتر يا ماري بي بيتنا جيت صدفه أو جيتنا
رخصه فيها واسطه الليلة سار يا عشايا
|
Post: #8
Title: Re: رخصة للمشاة
Author: Abureesh
Date: 01-29-2016, 02:48 AM
Parent: #7
عام 1980 كنت في مدينة دورتمونــد، المانية (الغربية حينها).. وكدت اخذ مخالفة لولا المسؤول سامحنى ونبهنى للمرة القادمـة..
كانت مخالفة قطع الطريق قبل إشارة عبور المشاة هي 5 ماركات.. لا أدرى كم هي الان.. والشرطى المسؤول لابس ملكى ويعبر
مع الناس، لا تميزه. أما موضوع رخصـة مشاه هذه فعبارة عن احتيال رسمي لنهب أموال الشعب. الحكومة لم يبق لها سوى مصادرة
أموال الناس والحكاية تكون مهديــة.
|
Post: #9
Title: Re: رخصة للمشاة
Author: muntasir
Date: 01-29-2016, 07:20 AM
Parent: #8
هي نان اللغفي ومصاريف الحوار يغطوها من وين في انتظار رخصة وضريبة السراويل اب تكة واب لستك والسيستم بس السيستم يستاهل غرامة ٥ فيشات زي بتاعت أبوالريش دي
|
Post: #10
Title: Re: رخصة للمشاة
Author: حسن محمد عمر
Date: 05-03-2017, 12:35 PM
Parent: #9
مخالفة سير للمشاة كأن تعبر الطريق من غير المكان المخصص لعبور المشاة دى يمكن معقولة ومبلوعة وحدثت معى شخصياً فى بغداد فى التمانينات عبرت الشارع فما كان من شرطى المرور إلا (يقطع ) لى إيصال مخالفة لا أذكر بالضبط قيمتها أخذت الإيصال وضحكت وقدرت الموقف أما حكاية رخصة للمشاة دى ماعندها معنى غير أنها باب نقاطة جديدة ولا أستبعد شىء فى سودان العجائب
|
Post: #11
Title: Re: رخصة للمشاة
Author: ادريس خليفة علم الهدي
Date: 05-03-2017, 01:05 PM
Parent: #10
|
Post: #12
Title: Re: رخصة للمشاة
Author: أيمن الفاضل
Date: 05-03-2017, 02:19 PM
Quote:
وفجاءة تذكرت ان الرئيس هو البشير ..!!!
|
Quote:
وحينها علمت وادركت انه خبر "جاااادي" وصحيح والاختشو ماتو ..!!
|
صحيح الاختشو ماتو 
|
Post: #13
Title: Re: رخصة للمشاة
Author: بشير حسـن بشـير
Date: 05-03-2017, 02:56 PM
Parent: #12
إدريس وأيمن سلام
فعلاً الإختشوا ماتوا
شعب عملاق يتزعمه أقزام
|
Post: #15
Title: Re: رخصة للمشاة
Author: حامد بدري
Date: 05-03-2017, 04:11 PM
Parent: #12
حسب البوست ده مفروض يسموهو
خادم ابقرشين
كاك
نهال ناوليني ال ####################### السلالم من عندي
|
Post: #14
Title: Re: رخصة للمشاة
Author: محمد حيدر المشرف
Date: 05-03-2017, 02:58 PM
Parent: #1
|
Post: #16
Title: Re: رخصة للمشاة
Author: Frankly
Date: 05-03-2017, 04:28 PM
Parent: #1
بعيداً عن السخرية الإعتباطية
التربية المرورية دروس معمول بها في كل أوروبا الغربية ونحن في السودان في أشد الحاجة لإشاعة ثقافة الحركة في الشارع وكنت قد أشرت لذلك في بوست سابق
لا يمكن أن يكون الراجل يمشي في خط السيارات وكأنه بهيمة لكن هذه الرخصة لها متطلبات من تجيز الشوارع باللافتات ومناطق العبور والإشارات الضوئية بصورة مدروسة
التسمية موضوع هامشي لقضية هامة جداً سمها رخصة سمها شهادة سمها دبلوم في الأخير هي وثيقة تعطى للأطفال بعد اجتيازهم تمارين واختبارات المرور كمشاة أو كدارجين
دا كتاب للدروس في ألمانيا
ودا هنا البوليس في حصة تطبيقية
ودي صورة من الرخصة وفعلاً دي ترجمتها الحرفية مما هو مكتوب رخصة المشاة
|
Post: #17
Title: Re: رخصة للمشاة
Author: Haytham Ghaly
Date: 05-03-2017, 04:35 PM
Parent: #16
خزق نظرك وشوف الشوارع
قفلو المجاري وغطو المنهولات وخططو اماكن عبور المشاة
بعدها تعالو اتفاصحو
فصحكم بلا يخمكم ويخم العوقة بتاعكم قدامكم
|
Post: #18
Title: Re: رخصة للمشاة
Author: ناصر حسين محمد
Date: 05-03-2017, 04:42 PM
Parent: #17
حقيقة كل ما تمر الايام اعرف اني اتخذت القرار السليم بالانحياز للوطن
استعباط عجيب جدا يعني ذات المعلقين هنا (شافو انو البوست بعبر عن معارض حقيقي وقتها )
هم ذاتهم لهم مداخلات في بوستات اخرى بان المدعو ناصر (اصلا كوز وكان خلية نايمة)
ونفس الناس ديل جابو كفر ناصر في سلسلة وطن واطي وهم ايضا المقرون بلا تردد انو ناصر غواصة نايمة
التخبط ده في ذمتكم لو استلمتو الوطن حيكون حالو كيف
ما علينا
نشوف رد موضوعي للمداخلات مجتمعة ..!!
السياسة لاتستوجب ماقبلها
وفي المتداخلين هنا ربما يكونو من احزاب ( اتكاتلت عديل ) مع النظام وجات ورددت
احتربت فسالت دمائها وتذكرت القربى فسالت أدمعها
الغريب شنو ...
في الاسلام لاتحاسب بما كان قبل دخولك الاسلام
انصرافية هوجاء
وازدت قناعة تامة بعنواني والجزئية فيه التي تقول ( الخزي للرجرجة الدهماء )
|
Post: #19
Title: Re: رخصة للمشاة
Author: عمار عبدالله عبدالرحمن
Date: 05-03-2017, 05:23 PM
Parent: #18
فيها رسوم نمر للمواطنين
و لا ما فيها ,,,
|
Post: #20
Title: Re: رخصة للمشاة
Author: منتصر صلاح
Date: 05-04-2017, 08:39 AM
Parent: #19
فوق
من اجل فضح الكوز
|
Post: #21
Title: Re: رخصة للمشاة
Author: ادريس خليفة علم الهدي
Date: 05-04-2017, 08:43 AM
Parent: #20
|
Post: #22
Title: Re: رخصة للمشاة
Author: عبدالحفيظ ابوسن
Date: 05-04-2017, 08:47 AM
Parent: #20
تحياتي فرانكلي
ما بعرف الماني
لكن شكلها لل
المتطوع البساعد الناس في العبور
برشدهم
بساعد الاطفال
والكهول
والمعوقين
ظاهر من لبسو
مش للناس البمرو
|
Post: #23
Title: Re: رخصة للمشاة
Author: Frankly
Date: 05-04-2017, 09:08 AM
Parent: #22
تحياتي يا عبدالحفيظ
لا أبداً ما متطوع ولا حاجة وما في متظوعين من البوليس لإرشاد الناس على كيفية المرور في الشوارع
اللهم إلا إذا كان هناك حادث أو إغلاق موقت للشارع.
الصورة دي لحصة التربية المرورية بيطلعوا الأطفال من المدرسة وبيعملوا حصة تطبيقية في الشوراع وعادة ما يتولى قسم الشرطة في المنطقة هذه الحصة وبيتعرفوا على إشارات المرور وكيفية التصرف الصحيح ومتى يستطيع رجل الشرطة من تغريم المشاة وراكبي الدراجات والسيارات
من ناحية لبس الشرطي لا يوجد في كل أوروبا لبس خاص لشرطة المرور فكلهم شرطة وبنفس الزي
|
Post: #24
Title: Re: رخصة للمشاة
Author: عبدالحفيظ ابوسن
Date: 05-04-2017, 09:35 AM
Parent: #23
تشكر فرانكلي
معليش ثقافتي ثقافة افلام بس
انا ما بقصد المحاضرات العملية للاطفال
امكن شاهدت من خلال الافلام في سير الفلم
في توعية للاطفال في الرياض والمدارس يقوم بها رجال الشرطة
وحضرت افلام فيها زول ممكن يتطوع لارشاد المارين ومساعدتهم وبلبس لبس شرطة زي البطاقة الفي مداخلتك
مش كدة بل شاهدت فلم قصته تدور حول بنت تساعد الشرطة لمرور الطلاب
فلازم تلبس لبس شرطة حتي ينصاع لها سائقي السيارات وتكون ممثلة للشرطة .. تمرر الحركة
لكن حكاية مواطن عندو رخصة دي ما واقعة لي ولا منطقية ولا معقولة
|
|