هل فعلا عطبره اغلي مدينه في السودان..؟

11:06 AM Jan, 27 2016

سودانيز اون لاين
اباذر عبد العال-هنا
مكتبتى
رابط مختصر

مما فيها من حراك تجاري كبير.وعمران ..وكثافه سكانيه متزايده
بسبب التنقيب عن الذهب العشوائي والنظامي حيث انها اكبر واقرب مدينه من تلك الاماكن.
لذلك يلجأ لها كل اصحاب الشركات والشاحنات والتي تصل من مكان التنقيب في شمال الولاية وطريق بورسودان
وطريق بورسودان نفسو فتح عليها تجاره بسبب الكبري الجديد ...وكبري ام الطيور...الذي يربطها بشمال البلاد بالطريق الغربي كريمه دنقلا
واستثمارات شركات الراجحي في الاسمنت والزراعة وشركة الراجحي تستقدم عمال من الهند وباكستان للعمل في الاسمنت على الضفتين لنهر النيل في عطبره..وزراعة البرسيم في بربر
ممما زاد سعر الاراضي المزارع والبيوت والقطع السكنيه والايجارات وازدهرت الفنادق...
ايضا الميناء البري الحديث له اثر كبير تقريبا...حركة السفريات بالبصات السياحيه

اذا دخلت سوق عطبره تحس بحركه شديده بين الناس ....كلووو ركشات والتكتك و الاتوز والامجاد ...

ارتفاع في اسعار مواد البناء....وارتفاع شديد في اسعار العماله تجيب واحد تقاولو على شغله يرفع ليك السعر في السماء ...




طلب الفول 8 جنيه.....اقل فول سفري بي سبعه جنيه




تقريبا الذهب والتنقيب هو السبب اذا في فرق فعلا بين المدن الاخري




ز

ياخوي انت رجعت ولا لسع ... جوالك قافل ...

ما في حاجة رخيصة أبدا ..... والأرض أغلى من شقة في الاسكندرية ..





.

Quote: ياخوي انت رجعت ولا لسع ... جوالك قافل ...

التلفون مقطوع فاتوره ...فلس شديد

Quote: ما في حاجة رخيصة أبدا ..... والأرض أغلى من شقة في الاسكندرية ..

طيب ما ياه دي العوجه احساسي ما خاب

يا ابو الزوز ...

الخرتوم دي مافي اغلى منها يااخ ...
شن جاب الاقاليم لمحل الرئيس بنوم والطيارة بتقوم ...

عالم بطااله ...

Quote: يا ابو الزوز ... الخرتوم دي مافي اغلى منها يااخ ... شن جاب الاقاليم لمحل الرئيس بنوم والطيارة بتقوم ... عالم بطااله ...

يا سعادة اللواء

كيفك

الخرطوم دول قايمه بذاتها ...وما حقتكم براكم ههههه السيالي بقي من مواطني الخرتوم كااااااك


الاقاليم دي الخير كلوو من كردفان لي عبري


عالم بطاااااااااااله ومبطله زاااتو Smile Smile

عزيزي الفاضل ابا ذر عبد العال
اولا شكرا عشان اخترت لينا عطبرة..
والجواب على سؤالك :~
نعم عطبرة اغلى مدينةةفي السودان...لا..لا...مافي السودان بس
لكن اغلى مدينة في العالم كله....بس مافي الاسعار !!لكنها اغلى
مدينة في قلوبنا وفي وجدانا..وفي احاسيسنا..عطبرة غالية فعلا
ولكن غلاوتها في جمالها وحنانها ورقتها وطيبة اهلها وسماحة سكانها
ورونق احيائها وحاراتها ومدارسها واسواقها وطبيعتها الخلابة ...وهي
ما غالية في اسعار السلع..لان اغلى مدينة بالنسبة للاسعار هي مدينة
الخرطوم...والتي هي اغلى من نيويورك وطوكيو وباريس ...
..عطبرة غالية في عيونا....وحتى اذا الاسعار غلت..نحن بنشوف الاسعار
دي رخيصة جدا عشان ما ممكن نبدل عطبرتنا باي مدينة تانية..
ودمت بالف خير وصحة وعافية
بسمات

كتبت بسمات

Quote: نعم عطبرة اغلى مدينةةفي السودان...لا..لا...مافي السودان بس لكن اغلى مدينة في العالم كله....بس مافي الاسعار !!لكنها اغلى مدينة في قلوبنا وفي وجدانا..وفي احاسيسنا..عطبرة غالية فعلا ولكن غلاوتها في جمالها وحنانها ورقتها وطيبة اهلها وسماحة سكانها ورونق احيائها وحاراتها ومدارسها واسواقها وطبيعتها الخلابة ...وهي ما غالية في اسعار السلع..لان اغلى مدينة بالنسبة للاسعار هي مدينة الخرطوم...والتي هي اغلى من نيويورك وطوكيو وباريس ... ..عطبرة غالية في عيونا....وحتى اذا الاسعار غلت..نحن بنشوف الاسعار دي رخيصة جدا عشان ما ممكن نبدل عطبرتنا باي مدينة تانية.. ودمت بالف خير وصحة وعافية

أعجبني استعمال (أغلى) في محل الاستعارة وهو تعبير بلاغي بديع منك أختنا بسمات ... فعلاُ عطبرة هي تلهم الانسان للإبداع .

مدينتي الغالية عطبرة : أحببتك حتى حار الحب في حبي لك .... قد يخونني لساني اذا تحدث عنك فهو أعجز من أن يوفيك حقك حبيبتي ، ومهما نزف قلمي كي يعبر عن هذا الوله وهذا الهيام إلا أنه في آخر المطاف سيقف عاجزاً ، لكن ما لايدرك كله لا يترك جله ويكفي من القلادة ما أحاط بالعنق ومن السوار ما أحاط بالمعصم .

•عطبرة : أعترف أن حبك لامس شغاف قلبي .. لذا سأخرج عن صمتي وأبوح بحبك للعالم أجمع .. لا لا لن أبوح فقط وإنما سأطلقها قوية تدوي في الآفاق حتى تهتز أرجاء الدنيا وأقول (أحبك عطبرة).

Quote: الخرطوم دول قايمه بذاتها ...وما حقتكم براكم ههههه السيالي بقي من مواطني الخرتوم كااااااك

يققققققققطع مصرانك يا المقبوح .
اول الخرتوم شِن طعما ؟...

أعجبني استعمال (أغلى) في محل الاستعارة وهو تعبير بلاغي بديع منك أختنا بسمات ... فعلاُ عطبرة هي تلهم الانسان للإبداع .

***

مع تحياتي لكل الأتبراويين

Quote: عزيزي الفاضل ابا ذر عبد العال اولا شكرا عشان اخترت لينا عطبرة.. والجواب على سؤالك :~ نعم عطبرة اغلى مدينةةفي السودان...لا..لا...مافي السودان بس لكن اغلى مدينة في العالم كله....بس مافي الاسعار !!لكنها اغلى مدينة في قلوبنا وفي وجدانا..وفي احاسيسنا..عطبرة غالية فعلا ولكن غلاوتها في جمالها وحنانها ورقتها وطيبة اهلها وسماحة سكانها ورونق احيائها وحاراتها ومدارسها واسواقها وطبيعتها الخلابة ...وهي ما غالية في اسعار السلع..لان اغلى مدينة بالنسبة للاسعار هي مدينة الخرطوم...والتي هي اغلى من نيويورك وطوكيو وباريس ... ..عطبرة غالية في عيونا....وحتى اذا الاسعار غلت..نحن بنشوف الاسعار دي رخيصة جدا عشان ما ممكن نبدل عطبرتنا باي مدينة تانية.. ودمت بالف خير وصحة وعافية بسمات

مرحب بتنا الغاليه الاتبراويه بسمات الشيخ

عطبره اختارتنى واناا اخترتها ....ام المدائن ياااخ)
لمن تجي داخل من الكبري الجديد متل انك جاي من المقرن.. او اب دربين.. او شارع بورسودان...بعد تلف الصينيه تلقي لافته كبيره على يدك اليمين..مكتوب بها (مرحب بك في ام المدائن)...لمن تنبسط

ست البنات غلاوة عطبره فينا لا توصفها حروف ..شكرا لكى وشعورك وتعبيرك الجميل في حق بلدك الصغير


تحياتى....

Quote: يققققققققطع مصرانك يا المقبوح . اول الخرتوم شِن طعما ؟...

هههههههههه وين يا ياخينا كيف حالك..السقط كيف معاكم ..


الخرتوم مورطننا معاهم ببعض الاجراءات هناك لو خلو كل ولاية بها فرع للوزارات كان بعنا الخرطوم ززمان


تعرف قريب ده في يوم كنت ماشي ...من جمب بوابة السكه حديد..مرور بالسودنه ونادي الامير لحدى ما وصلة بيت مدير السكه حديد الزمان
وااااصلة طوالي لمن شقيت نبرو ومنها حلة العمده ومنها جاني مشوار لحدى نادي الاهلي..وتانى مشيت لمن وصلت اخر بيت في الداخله ومنو السياله هناك في مدرسة ابتدائية جمبها بس لقيت الزول هناك يحش في برسيم ههههههههه


مع تحياتى ...عطبره جميله يااااااااااخ

تحياتى وسلامي الى الغالين الاتبراويين

المخضرم ابو جهينه
الصاعد بقوة الشغيل

تقريبا ارتفاع الاسعار في كل مدن السودان

ولكن في عطبره توجد حركه كبيره للقوة الشرائيه في السلع ووقطع الاراضي بالتالي ارتفع السعر بنسبة اكبر من المدن الصغيره الاخري
الدهب الدهب هو السبب

في شي لفت انتباهي
ليه شركة الراجحي تجيب عمال من الهند وباكستان؟
مافي عمال سودانيين؟
مما قمنا مصنع اسمنت عطبرة كل عملو سودانيين
الصينيين عملو استثمارات في البرتغال وكانو عاوزين يجيبو عمال صينيين
البرتغليين وقفوهم,
يا عمالنا اواتخارجو

يا سيف الدين
ونحن كمان شرطنا الاول يا عمال عطبرة بالاول
واذا لم يجدوا عمال من مدن السودان الاخرى او اتخارجو
...معقولة مصنع في عطبرة ونجيب عمال من دولة ثانية
او من مدينة ثانية وشباب عطبرة ما لاقين شغل....
دي رابع المستحيلات...
ومع اني ما عارفة المستحيلات الثلاثة شنو..
ودمت بالف خير وصحة وعافية

Quote: في شي لفت انتباهي ليه شركة الراجحي تجيب عمال من الهند وباكستان؟ مافي عمال سودانيين؟ مما قمنا مصنع اسمنت عطبرة كل عملو سودانيين الصينيين عملو استثمارات في البرتغال وكانو عاوزين يجيبو عمال صينيين البرتغليين وقفوهم, يا عمالنا اواتخارجو

هلا سيف

ده السؤال المحير..وفعلا ...يوجد عمال وفنيين ومهندسين من باكستان والهند

فعلا شركة اسمنت عطبره كانت كلها سوادنيين فقط...
الان تقريبا اتباعت لي منو ما عارف وبقت تجيب عماله من بره
كمان عندهم سكنات حديثه كامبات الرواتب تبدأ 1500بـ جنيه واغلبهم رواتبهم بالدولار

هذه الوظائف اولي بها ابناء البلد والمنطقه......لا سكن ولا كامب.... ترحيل بس
البرتغاليين زي ناسنا الفارات ديل...هسه المصريين ممكن يسمحوا لي مستثمر بكدا ...؟؟؟؟

Quote: معقولة مصنع في عطبرة ونجيب عمال من دولة ثانية او من مدينة ثانية وشباب عطبرة ما لاقين شغل.... دي رابع المستحيلات...

حصلت وانتهت والعمال الاجانب شغالين....عندى ابن اختى فني بتاع بناء وتركيب البيوت الجاهز مشي اشتغل الكامب ....جاني مخلوع قال ديل ما يشغلونا نحن

الاجانب مستمتعين بالخدمات حقت الوطن ....

مدينتي الغالية عطبرة : أحببتك حتى حار الحب في حبي لك .... قد يخونني لساني اذا تحدث عنك فهو أعجز من أن يوفيك حقك حبيبتي ، ومهما نزف قلمي كي يعبر عن هذا الوله وهذا الهيام إلا أنه في آخر المطاف سيقف عاجزاً ، لكن ما لايدرك كله لا يترك جله ويكفي من القلادة ما أحاط بالعنق ومن السوار ما أحاط بالمعصم .

•عطبرة : أعترف أن حبك لامس شغاف قلبي .. لذا سأخرج عن صمتي وأبوح بحبك للعالم أجمع .. لا لا لن أبوح فقط وإنما سأطلقها قوية تدوي في الآفاق حتى تهتز أرجاء الدنيا وأقول (أحبك عطبرة).



ياالهادى
سلام

الراجل فاتح موضوع عن ارتفاع مستوى المعيشه عن السابق فى عطبره بفعل التغيرات التى حدثت تقوم تفتل الموضوع وتعملو حبكان
بعدين عطبره ذى الخرطوم حقت الناس كلهم بعدين هسه لوجردنا الحساب بنلقاك عايش فى عطبره جابكم القطر نحن اهل عطبره ما بنعمل
عملك دا

مدينتي الغالية عطبرة : أحببتك حتى حار الحب في حبي لك .... قد يخونني لساني اذا تحدث عنك فهو أعجز من أن يوفيك حقك حبيبتي ، ومهما نزف قلمي كي يعبر عن هذا الوله وهذا الهيام إلا أنه في آخر المطاف سيقف عاجزاً ، لكن ما لايدرك كله لا يترك جله ويكفي من القلادة ما أحاط بالعنق ومن السوار ما أحاط بالمعصم .

•عطبرة : أعترف أن حبك لامس شغاف قلبي .. لذا سأخرج عن صمتي وأبوح بحبك للعالم أجمع .. لا لا لن أبوح فقط وإنما سأطلقها قوية تدوي في الآفاق حتى تهتز أرجاء الدنيا وأقول (أحبك عطبرة).



ياالهادى
سلام

الراجل فاتح موضوع عن ارتفاع مستوى المعيشه عن السابق فى عطبره بفعل التغيرات التى حدثت تقوم تفتل الموضوع وتعملو حبكان
بعدين عطبره ذى الخرطوم حقت الناس كلهم بعدين هسه لوجردنا الحساب بنلقاك عايش فى عطبره جابكم القطر نحن اهل عطبره ما بنعمل
عملك دا

Quote: الراجل فاتح موضوع عن ارتفاع مستوى المعيشه عن السابق فى عطبره بفعل التغيرات التى حدثت تقوم تفتل الموضوع وتعملو حبكان بعدين عطبره ذى الخرطوم حقت الناس كلهم بعدين هسه لوجردنا الحساب بنلقاك عايش فى عطبره جابكم القطر نحن اهل عطبره ما بنعمل عملك دا

ألحق عمّك .
عمر دهب طلع من اتبرا !.
اوعّك تقول لي إنت اخو صلآح البلعوطي ...

عمر دهب كتب

Quote: ياالهادى سلام الراجل فاتح موضوع عن ارتفاع مستوى المعيشه عن السابق فى عطبره بفعل التغيرات التى حدثت تقوم تفتل الموضوع وتعملو حبكان بعدين عطبره ذى الخرطوم حقت الناس كلهم بعدين هسه لوجردنا الحساب بنلقاك عايش فى عطبره جابكم القطر نحن اهل عطبره ما بنعمل عملك دا

بالله زي ده يردو عليهو يقولو ليهو شنو ؟؟ ...
يا زول انت داير مشاكل ولا شنو
الله يسامحك ..
عالم عجيبة .
والله ضحكت الناس عليك ..
أختاني كده ولا كده ..

كسرة :
يا ود المدير ده لو أخو صلاح حسين دهب ديل نازحين جايين جابتهم السكة حديد ..
وجه ضاحك حتى تبدو النواجذ

اخونا عمر دهب
يا اخي انا لو ما من عطبرة ولا سوداني وبحب عطبرة .. هل حرام علي ؟ وهل يضير حبها شخصي واكون مذنب ؟ يا اخي والله كان ممكن ارد ليك رد من حلقك ماينزل لكن مافي داعي وانت ابن عطبرة وانا وافد عليكم ..
صاحب البوست رحب بكلماتي انا وبسمات وابو جهينة وانت جاي تعمل فيها ضبان ضكر .. يا اخي اقول ليك انا مادار اغلط فيك وبقول ليك سامحك الله .
بالمناسبة
صلاح حسين دهب البلعوطي وكمال شقيقه حلفاويين مامن عطبرة لكن جو استقروا فيها وسكنوا محطة بيرم .. ديل اقرباءك ولا اسم على اسم ..
كسرة ..
صاحب البوست تطرق لموضوع الدهب والظاهر نحن جابنا الدهب يادهب

Quote: ومع اني ما عارفة المستحيلات الثلاثة شنو..

سلام لكل الاتبراويين
بسمات الثلاث مستحيلات هى:
الغول
العنقاء
والخِلَّ الوفى
عشان كده بقولوا :
الأمر ده من رابع المستحيلات
لما اتخرجنا من الجامعة ,, تقدمنا لوظائف وكلاء نيابة الزمن داك كان احمد على الميرغنى رئيس
لجنة المعاينة سألت الزميلة هذه : ماهى عجائب الدنيا السبعة؟ فردت:
حدائق بابل والاهرامات ,, وووو الخ واحمد على الميرغنى
واحد من اللجنة قال ليها تقصدى شنو؟
قالت ليهو ,, يحكمنا زول زى ده دى ما من عجائب الدنيا؟
فقال ليها يابت انتى دايره تجيب لينا مشاكل ؟ قومى اتخارجى

عزيزي الفاضل عمر دهب
معقولة يا عمر دهب انت تكون عطبراوي وتنتقد من بتغنى بحب عطبرة وعشقها
لاني اعلم علم اليقين ان اي واحد مولود في عطبرة وعاش فترة طفولته وشبابه
في عطبرة وقرا في مدارس عطبرة ولعب في احيائها وحلراتها وشرب من الاتبراوي
لا يمكن ان يكتم حبه لام المدائن...
وبعدين الهادي الشغيل لم يخرج عن موضوع البوست لان اباذر بيتكلم عن الغلاء في عطبرة
ونحن ايضا بنعبر عن غلاوة عطبرة في نفوسنا...وغلاء المدينة لا تجعلنا نبدلها باي مدينة في العالم
وسؤال خارج عن الموضوع:هل انت السفير السوداني عمر دهب مندوب السودان الدائم في الامم
المتحدة في نيويورك...واذا كان الامر كذلك فهذا يعني ان كلام الهادي صحيح وهو انك حلفاوي من حلفا
وجابك القطر لعطبرة..لانك بتنتقد الناس البحيبو عطبرة(وجه ضاحك)...وبالمناسبة اعز اصدقائنا وصديقاتنا
من حلفا..وعشان كده اذا انت حلفاوي فتاكد ان مكانك عالي جدا في نفوسنا...واذا اميرة بت السيد المحسية سمعت
باننا انتقدناك ما حتخلينا....وجه باسم....واعتبرنا يا عمر باننا بنبالغ حبتين في حبنا لعطبرة....يا ود المدير وعبد العزيز
وابو نورة ما تجو هنا تساعدوني وتردو على عمر دهب العاوزنا نكره ام المدائن...
ودمتويا عمر دهب بالف خير وصحة وعافية

ود الفاضلاب
اولا شكرا لشرح المستحيلات الثلاثة
..بس كدي نجي للمستحيل الاول الغول...
يعني مستحيل يكون في غول في الدنيا دي؟
ونحن بنقرا في القصص عن الغول..وهو حيوان شرس..
..بالنسبة للعنقاء....فعلا دي مستحيلة. عشان ما سمعنا قبل
كده عن العنقاء...
..الخل الوفي..وهو الصديق الوفي...فعلا من المستحيلات...
لكن اظن ان هناك اصدقاء اوفياء ولكن ما ندر...
..المهم عندي ٣ صديقات وفيات جدا جدا وهن بت السيد، وامتثال
وهبة....
اما زميلتكم السالوها عن عجلئب الدنيا السبعة..فاكيد اعضاء اللجنة
اساسا كانوا عقدوا النية ما ياخدوها في الوظيفة وقرروا يسالوها
سؤال تعجيزي ما تقدر تجاوب عليهو....
ودي ذكرتني بنكتة ..هي انه في واحد تقدم لوظيفة و لكن عنده
واسطة قوية..ولمن دخل غرفة المعاينة ساله ريس لجنة المعاينة:
هل بتعرف بلد المليون شهيد؟ فرد قائلا:طبعا..الجزائر..فقال له
رئيس اللجنة: عظيم يا ابني ..خلاص اتفضل...
وبعده دخل واحد ما عنده واسطة..فساله رئيس اللجنة:
هل بتعرف بلد المليون شهيد؟فرد قائلا: طبعا..هي الجزائر..
فقال له رئيس اللجنة: جدع يا ابني..يلا قول لينا اسماء المليون
شهيد.....فوقف المسكين كحمار الشيخ في العقبة..وعرف انه غير
مرغوبةفيه في هذه الوظيفة...وخرج يبحث عن وظيفة اخرى...
بس يا ود الفاضلاب ما تسالتي من معنى وقف حمار الشيخ في العقبة..
لاني ما عارفة المعنى..وسمعت النكتة كده...
ودمت بالف خير وصحة وعافية

ألحق عمّك .
عمر دهب طلع من اتبرا !.
اوعّك تقول لي إنت اخو صلآح البلعوطي ...




سلام يا معاويه
انا ما اخ صلاح
انا ووالدتى من الدكه بربر
وقبل كده قلت ليك خالى عوض الكريم ابوعجورد
وهوتاجر مشهور كان فى عطبره يمكن تعرف ابنهم هاشم البطرى
بعدين الجماعه ديل زعلو ساكت ان زعلت من زيادة سعر طلب الفول
وقلنا نعرف الحاصل شنو
بالمناسبه انا ماحلفاوى ولامحسى اسم فقط

بالله زي ده يردو عليهو يقولو ليهو شنو ؟؟ ...
يا زول انت داير مشاكل ولا شنو
الله يسامحك ..
عالم عجيبة .
والله ضحكت الناس عليك ..
أختاني كده ولا كده ..



يالهادى انت زعلت قدر دا
لى شنو
حقوا تزعلك حاله عطبره الوصلت ليه
بعدين انا بمزح ساكت
ولكل من الود حتى ترضى
وبالمناسبه انا ماحلفاوى مع حبى الشديد ليهم

عزيزي الفاضل
عمر دهب
معقولة يا عمر دهب انت تكون عطبراوي وتنتقد من بتغنى بحب عطبرة وعشقها
لاني اعلم علم اليقين ان اي واحد مولود في عطبرة وعاش فترة طفولته وشبابه
في عطبرة وقرا في مدارس عطبرة ولعب في احيائها وحلراتها وشرب من الاتبراوي
لا يمكن ان يكتم حبه لام المدائن...
وبعدين الهادي الشغيل لم يخرج عن موضوع البوست لان اباذر بيتكلم عن الغلاء في عطبرة
ونحن ايضا بنعبر عن غلاوة عطبرة في نفوسنا...وغلاء المدينة لا تجعلنا نبدلها باي مدينة في العالم
وسؤال خارج عن الموضوع:هل انت السفير السوداني عمر دهب مندوب السودان الدائم في الامم
المتحدة في نيويورك...واذا كان الامر كذلك فهذا يعني ان كلام الهادي صحيح وهو انك حلفاوي من حلفا
وجابك القطر لعطبرة..لانك بتنتقد الناس البحيبو عطبرة(وجه ضاحك)...وبالمناسبة اعز اصدقائنا وصديقاتنا
من حلفا..وعشان كده اذا انت حلفاوي فتاكد ان مكانك عالي جدا في نفوسنا...واذا اميرة بت السيد المحسية سمعت
باننا انتقدناك ما حتخلينا....وجه باسم....واعتبرنا يا عمر باننا بنبالغ حبتين في حبنا لعطبرة....يا ود المدير وعبد العزيز
وابو نورة ما تجو هنا تساعدوني وتردو على عمر دهب العاوزنا نكره ام المدائن...
ودمتويا عمر دهب بالف خير وصحة وعافية


اهلا بالكريمة بسمات
معذره لو زعلتكم
بس انتو محبتكم الشديده احمتكم تشوفوا الحاصل على عطبره كلمه اغلى مدينة دا جد تزعل
وانا صغت مداخلتى بصغيه المزاح ولكن عطبره حقيقة اصبحت غاليه شديد
وبعدين من انا عشان اتدخل فى معزه الناس لاماكن ذكرياتهم لولا العشم فى المزاح
يبدوا ان اللغه خانتنى او التعبير ايهما وصل اليكم اولا عموما لكل العتبى حتى ترضى ولكل محبين عطبره
بعدين انا عمر تانى غير عمر دهب المشهور كامل احترامى وتقديرى

عطبرة أُم دلات ربايت اليتامي والعزبات
في عطبرة كانت فسحتنا .....
وفي عطبرة شوفنا التلفزيون الاسود والابيض .....
وفي عطبرة أكلنا اشهي انواع الفول بالثريني .....
وفي عطبرة قضينا اجمل ايام صبانا في الثانوي العالي ....
وفي عطبرة طلعنا اول مظاهرة في عهد الانقاذ (غبايا ساكت ما كنا عارفييين ) ( )
وفي عطبرة تم تجنيدنا في دار الحركة الاسلامية رحم الله صلاح الدويحي وبارك للشيخ عادل عبد اللطيف فيه وعلية ...
عطبرة البشرب مويتا ستظل في وجدناه ولن يرتاح إلا بتنسم عبيرها ....
عطبرة محطة في وجداني لن انساهاااا....
:
:
:
:
:
:

مع التحيات لله الزاكيات

السؤال المهم الذي يدور في رأسي يا اباذر ...
ماهي علاقة عطبرة بالشيوعية .....؟؟؟؟
جينا عطبرة فودنا ميدان الولد يحتشد عن بكرة ابية لحضور الدكتور سعاد الفاتح والاستاذ نعمات ....
وجناها تنام علي الاذان وتصحووو علية تغدو باكراً أن هيا للعمل ....
وجدناها تمتلئ مساجدها عن بكرة ابيها تهجداً في من اول ليلة في رمضان ....
لم التمس هذه الشيوعية الا في ما قاله سليمان محمد سليمان عن دور هنري كوريل في نشرها وسط عمال السكة حديد الكادحين ....
ما هي تلك العلاقة التي يزيع صيتها ولا تري لها أثر ....
:
:
:
:
:
:
:
:
مع التحيات لله الزاكيات

ما قد تجده في الخرطوم بـ 35 جنيهاً ، يصر بعض تجار عطبرة أن يبيعوه بـ 135 جنيه !

عمر دهب
انت عطبراوي اصيل..
واسلوبك الانيق هنا اكد لينا انك عطبراوي..
ومعليش اذا فهمنا مزاحك الظريف بصورة تانية
والظاهر حبنا الشديد لام المدائن خلانا نكون حساسين
شويتين....وش م را على غيرتك على عطبرة...ونحن كمان
بتزعلناوشديد نشوف اهل عطبرة بيعانوا من الغلاء الشديد
الذي يطحن الفقراء والمغلوبين على امرهم....
وعندي فكرة لمن ارجع في الاجازة اقوم بتاسيس جمعية محاربة
الغلاء في اتبرة...واول بند من افكار الجمعية حتكون مقاطعة
السلعة التي يكون ثمنها مبالغ فيه...يعني مثلا اذا كيلو اللحمة بقغالي شديد
نعمل ندوات في الاحياء وتشجيع سكان الحارات والاحياء مقاطعة اكل اللحمة
لمدة شهر واجبار التجار الجشعين بتغيير الاسعار وهكذا بالنسبة للسلع الاخرى
الضرورية مثل اللبن والسكر ....(وي فكرةوقالتها لي صديقة امريكية زميلة)..
في اثناء ما بكتب المداخلة دي وبقرا بصوت عالي سمعتني زميلة لي وهي امتثال
وقالت لي:يا بسمات انتي عايشة في برج عاجي ولا شنو(برج عاجي دي هي سمعتها
من ود ابو سن)..ومنو القال ليك الناس بتاكل لحمة كل يوم...اللحمة دي بياكلوها سارقي
قوت الشعب ..ومفروض يغلو اللحمة حتى يصير سعر الكيلو اغلى من ثمن الخروف عشان
القطط السمان ما يقدرو يشترو وياكلو زي ما ناس خلق التانين بياكلو ..فتة الفول بالزيت
وفتة العدس...وان شاء الله ياكلو السم الهارد(ده اقتباس من كلام امتثال)وبالمناسبة هي
ما من عطبرة ..وعشان كده عاوزة تسمم اهل عطبرة(وجه باسم)..
ونحن من شدة حبنا لعطبرة واهلها حتى القطط السمان من سارقي قوت الشعب بنخاف
على صحتهم....ونخلي حسابهم لرب الكون في الاخرة..
..واكيد يا عمرودهب انت من الناس السمحين والزينين..
ودمت بالف خير وصحة وعافية

حبابكم عشرة يا اهل

الاخ الهادي الشغيل يا الحبيب بالنسبة لكلام عمر دهب قبل ان يرد ويعتذر ويقول انو يمزح انا عرفت ذلك من اول ما قريت كلامو ... بس ما كان عندى نت عشان اتداخل
كلكم في الهم سوا...معاكم كل سكان عطبره سوا كانو اصلييين او وافدين عليها بظروف العمل ...حبها في قلوب الكل ..



زمان معانا واحد من اولاد الخرطوم في المدرسة جاء يدرس هناك وعايد السنه....بقي صاحبنا..لمن نقول عطبره ...يقول ياااخ هى عطبره كلها قدر شنو ..بي عجلها تلفها كلها في ساعه هههههههه
طبعا كلامو صاح ممكن تلفها بعجلة في ساعه.............بس ده سر الحب الشديد والترابط بين سكانها واهلها ...وتقارب المسافات بينهم وتفردهم في التعامل


برضو بنقول ليكم ارتفاع الاسعار في كل السودان ولكن في عطبرتنا زياده اكتر ....


ز

Quote: ما قد تجده في الخرطوم بـ 35 جنيهاً ، يصر بعض تجار عطبرة أن يبيعوه بـ 135 جنيه !

فعلا ارتفاع الاسعار سببو التجار الجشعين..وسكوت حكومة الهنا كان في الولاية كان الاتحادية

Quote: ارتفاع مستوى المعيشه عن السابق فى عطبره بفعل التغيرات التى حدثت

ده الحاصل بالضبط....ناتج عن التغيرات الكبيره...انها كانت مدينه عمالية اصبحت مدينه تجارية ..واستغل بعض التجار الوضع في السوق

Quote: هل تصدق انو عطبره اصبحت اغلي مدينه في السودان ..! و... صورة ملف mohyadin aldow الشخصي mohyadin aldow المراة السودانية Mar 20, 2015 هل تصدق انو عطبره اصبحت اغلي مدينه في السودان ..! و ذلك بسبب الهجره الداخليه من جميع انحاء السودان بحثا عن الذهب . و اليوم البيت في عطبره اغلي من الخرطوم ذاتا و كيلو اللحم البقري بي 50 جنيه و طلب الفول بتاع الله بي 7 جنيه و كذلك بقية الحاجات و الكلام ده في عطبره ارخص بلد في السودان زمان . 7 إجراءات plus one مشاركة واحدة تمت المشاركة بشكل عام•عرض الأنشطة عرض التعليقات السابقة البالغ عددها

من قوقل




ز..

بسمات بت عطبره....اسرعى بالاجازه عطبره انتظرك وهناك الشباب حماسو عالي وعندهم كثير من الانشطه الخيرية بكمياات كبيره
تحياتي ليك

Quote: انا ووالدتى من الدكه بربر

ود خالتاً لينا ميرفابي، قنّب جنبي بجاي .

مافي حاجة اسما الزول دا ما من اتبرا، الزول البيجي عابر بعطبرة
ساكت نحن بنعتبرو منها . الناس دي كلها كانت بتمزح .

إن شاء الله بجيكم لمناقشة الموضوع، والتعليق علي فكرة بسمات ...

Quote: إن شاء الله بجيكم لمناقشة الموضوع، والتعليق علي فكرة بسمات ...

مسعول من الخير ... يا الكملت تومباك ود الخير ... وعلي جبريل وأبو حنك وود الميرغني

انت رابطة عطبرة العالمية وينها ..؟؟؟؟





.

Quote: يالهادى انت زعلت قدر دا لى شنو حقوا تزعلك حاله عطبره الوصلت ليه بعدين انا بمزح ساكت ولكل من الود حتى ترضى وبالمناسبه انا ماحلفاوى مع حبى الشديد ليهم

يا أخي ولا يهمك أنت وأنا وكل العطبراويين يجمعنا حب المدينة الفاضلة عطبرة ... مهما حاولت أن أعدد مناقب ومآثر أهل مدينتي وتحدثت عنهم بمنشورات وأشعار فلن أوفيهم حقهم وسيعجز قلمي المتواضع عن حصر كل مناقبهم، وأزعم أن كلامي شهادة عارف وحكم منصف غير مجامل ولا مجازف. أحبكم أهل مدينتي فأنتم من نتاج خير أرضنا الطيبة وأنتم الأرقى والأرق، ويكفيني فخراً ويزيدني تيهاً أن أنتسب إليكم وإلى هذه المدينة الحالمة .

دمتم بخير.

Quote: عطبرة أُم دلات ربايت اليتامي والعزبات في عطبرة كانت فسحتنا ..... وفي عطبرة شوفنا التلفزيون الاسود والابيض ..... وفي عطبرة أكلنا اشهي انواع الفول بالثريني ..... وفي عطبرة قضينا اجمل ايام صبانا في الثانوي العالي .... وفي عطبرة طلعنا اول مظاهرة في عهد الانقاذ (غبايا ساكت ما كنا عارفييين ) (مالقيت وش باسم ) وفي عطبرة تم تجنيدنا في دار الحركة الاسلامية رحم الله صلاح الدويحي وبارك للشيخ عادل عبد اللطيف فيه وعلية ... عطبرة البشرب مويتا ستظل في وجدناه ولن يرتاح إلا بتنسم عبيرها .... عطبرة محطة في وجداني لن انساهاااا.... : : : : : : مع التحيات لله الزاكيات

حبابك محمد حمزه فعلا عطبره بلد الجميع
شكرا على الكلمات الطبيات ف يحق ام المدائن


لكن يااااخ ...كنت ماشي كويس لحدى انك درسة فيها الثانوي وطلعت مظاهره

خربتها لمن بقيت كوز .....هل تعلم اغلب العطبرواين جبهجية ذاك الزمن الان معارضين الحكومه ..ومنهم من دخل السجن
ومنهم من ذهب الى مجال اخر غير السياسه ..0(معايش) شعبيين..جناح الترابي

اكتر ناس اضررت منهم عطبره ناس الحركه الاسلامية دمروها دمار شامل وشردوا شبابها ..توزعوا في المهاجر

عطبره كانت بها اعتى سكه حديد ...وبها اعتي مدفعيه...وابها اعتى النقابات العماليه....كلها شلوعها الاسلامين الكيزان... الله لا كسبهم

Quote: السؤال المهم الذي يدور في رأسي يا اباذر ... ماهي علاقة عطبرة بالشيوعية .....؟؟؟؟ جينا عطبرة فودنا ميدان الولد يحتشد عن بكرة ابية لحضور الدكتور سعاد الفاتح والاستاذ نعمات .... وجناها تنام علي الاذان وتصحووو علية تغدو باكراً أن هيا للعمل .... وجدناها تمتلئ مساجدها عن بكرة ابيها تهجداً في من اول ليلة في رمضان .... لم التمس هذه الشيوعية الا في ما قاله سليمان محمد سليمان عن دور هنري كوريل في نشرها وسط عمال السكة حديد الكادحين .... ما هي تلك العلاقة التي يزيع صيتها ولا تري لها أثر ....

انتو لمن جيتو ما فضل فيها شيوعيين ههههههههههه كلامك زي حق شيخك هههه
لمن جانا في المعسكر عندما ضمن جماعتوا اتمكنوا من عطبره تمام ...خطب فينا وضحك ضحكته المجرمه ديك
وقال نفس كلامك ده عطبره عندما زرتها وجدتها ...مثل الشجره مصفره اوراقها..والان سقطت الاوراق الصفراء ونبتت بها اوارق خضراء ههههههههه نجر جد


بالنسبه لسؤالك ..كما تعلم عطبره مدينه عماليه وبها الطبقه الكادحه وصغار المزارعين والفلاحيين الاعمال الحره ..
وهذه الفئات ممكن تساند الفكر الشيوعي من أجل الديمقراطيه..وممكن يكونوا سند للحزب ..عكس الطبقه البرجوازيه

بعدين ياااخ ناس عطبره قبل تجو انتو اصلا بصلوا ومساجدهم مليانه..حتى شيوعيينهم تجدهم في المساجد

Quote: ... وعلي جبريل وأبو حنك وود الميرغني

ود المرغني قاعد وبقي رجل اعمال...نجح في عطبره.....



اما علي حبريل ..وابو حنك..بقت زكريات

علي جبريل اولادو مواصلين جمب موقف التاكسي

ود الخير اظن مواصل شمال سوق الخضار

Quote: وفي عطبرة أكلنا اشهي انواع الفول بالثريني .....

فول بالسرينى لا بد من تحلية باسطه من ابو خليل


سلام سلام لعطبره
شفنا الحمام شايل السلام لعطبره

بوست بعبق الورش

City of Steel and Fire




By Ahmad A. Sikainga


The Sudanese working-class town of Atbara is the headquarters of the Sudan railways. Nicknamed "City of Steel and Fire" by Sudanese workers, the town remains a major site of labor activism and radical politics. This book chronicles the struggles of railway workers against the Sudanese colonial and postcolonial governments. Sikainga's text will interest Sudanese scholars, labor historians, and students of radical politics. Based on numerous oral interviews and extensive archival research, this book is destined to become the authoritative text on Sudanese labor history.

ألف شكر ليك أخي ود الزين قبل
الخوض في دالآت البوست .

البعض يقول، اتبرا اُم دالآت ...

Quote: تعرف قريب ده في يوم كنت ماشي ...من جمب بوابة السكه حديد..مرور بالسودنه ونادي الامير لحدى ما وصلة بيت مدير السكه حديد الزمان وااااصلة طوالي لمن شقيت نبرو ومنها حلة العمده ومنها جاني مشوار لحدى نادي الاهلي.. وتانى مشيت لمن وصلت اخر بيت في الداخله ومنو السياله هناك في مدرسة ابتدائية جمبها بس لقيت الزول هناك يحش في برسيم ههههههههه

في حالة زي دي يا ابا ذر لآزم تكون حافي حالق .
وسط البرسيم دا وأشجار النخيل كان في طريق
ضيّق جداً، كنا نسميه في الماضي الطريق الزراعي .
في الزمن دآك كانت في نخلة من دون النخيل ؤُ معاها شجرة سُنُط
فكرت اكتب عنهن هنا لأنهن شاركننا زمن الصِبا ؤُ يا حليل زمن
الصِبا يا قول الغناي ...

Quote: مسعول من الخير ... يا الكملت تومباك ود الخير ... وعلي جبريل وأبو حنك وود الميرغني انت رابطة عطبرة العالمية وينها ..؟؟؟؟

نحن من زمن قنديل .
يا عبد العزيز خليّك قريّب .

http://sudaneseonline.com/board/490/msg/1451762528.html

Quote: سلام سلام لعطبره شفنا الحمام شايل السلام لعطبره بوست بعبق الورش

مرحب حبابك ود الكرار

تحياتى .....في عطبره السلوي وفي الدامر الخلوه

Quote: يمزح انا عرفت ذلك من اول ما قريت كلامو ... بس ما كان عندى نت عشان اتداخل

ما عندك نت وقريتو كيف
غايتو دي القزافي ما سبقك عليها
مجيدو يا سعادة الحق اخونا ده كااااااااااااك ثم كاااااااااااااااااااااااااك
ومن ثم السلام عليكم وعلى جميع أهل عطبرة
عالم بطاااااااااااااالة على قول مجيدو سمك

Quote: City of Steel and Fire By Ahmad A. Sikainga The Sudanese working-class town of Atbara is the headquarters of the Sudan railways. Nicknamed "City of Steel and Fire" by Sudanese workers, the town remains a major site of labor activism and radical politics. This book chronicles the struggles of railway workers against the Sudanese colonial and postcolonial governments. Sikainga's text will interest Sudanese scholars, labor historians, and students of radical politics. Based on numerous oral interviews and extensive archival research, this book is destined to become the authoritative text on Sudanese labor history.

بالفعل كانت عطبره مكان رئيسي للنشاط العمل السياسي في السودان..عبر السكه حديد...ونقابة عمال عطبره... سكه حديد وادارة الكهرباء

Quote: في حالة زي دي يا ابا ذر لآزم تكون حافي حالق . وسط البرسيم دا وأشجار النخيل كان في طريق ضيّق جداً، كنا نسميه في الماضي الطريق الزراعي . في الزمن دآك كانت في نخلة من دون النخيل ؤُ معاها شجرة سُنُط فكرت اكتب عنهن هنا لأنهن شاركننا زمن الصِبا ؤُ يا حليل زمن الصِبا يا قول الغناي ...

ايواااااا يااخ كان يوم سمح سماحه وقابلت ناس لي زمن منهم
برسيم ...وناس طيبين...

منتظرك تكتب يااخ شارك...والشغيل برضو كمان

Quote: ما عندك نت وقريتو كيف غايتو دي القزافي ما سبقك عليها مجيدو يا سعادة الحق اخونا ده كااااااااااااك ثم كاااااااااااااااااااااااااك ومن ثم السلام عليكم وعلى جميع أهل عطبرة عالم بطاااااااااااااالة على قول مجيدو سمك

وين يا متصيد ..قريتو وانا طالع البيت ياااخ ...




حبابك وحباب المعاك تسلم

عاااااالم بطاله .... تبراي لي سعادة اللواء ده Smile

Quote: ما عندك نت وقريتو كيف غايتو دي القزافي ما سبقك عليها مجيدو يا سعادة الحق اخونا ده كااااااااااااك ثم كاااااااااااااااااااااااااك ومن ثم السلام عليكم وعلى جميع أهل عطبرة عالم بطاااااااااااااالة على قول مجيدو سمك

يا تافاريش

جاي شايل المديدة وجيتنا جاري ....

براحة على أبو الزوز دا بالله ...

وصل سكران من عطبرة
سكر هوى ... وسكر عشق ووجد





.

عطبرة ولفترة طويلة كانت أرخص مدينة في السودان ، فهي مدينة عمالية ومعظم سكانها
محدودي الدخل فجلهم يعملون بالسكة حديد وبعضهم بالتعليم او في الجيش والشرطة
الآن فعلاً هي أغلى مدينة ومن المؤكد أن التنقيب عن الذهب والذي أدى إلى نزوح الالاف من
مختلف بقاع السودان إلى ولاية نهر النيل الغنية بالذهب والعاملين في هذا المجال لديهم دخول مرتفعة
وكل احتياجاتهم من عطبرة وهي أكبر مدن الولاية أضف إلى ذلك الرأسمالية وكبار التجار الذين ظهروا في عهد الإنقاذ
ومعظمهم من الإسلاميين ومستوى الثراء يظهر في شكل المنازل الفخمة التي يقطونها وفي السابق كانت معظم البيوت في عطبرة
في بساطتها متشابهة لحد كبير.
* أما عن الحديث عن الانتماء لمدينة عطبرة فسكان عطبرة بنسبة 99% وافدين إليها من مناطق أخرى في السودان
وخصوصاً الشمالية مافي سكان أصليين إلا القليل من سكان حي الداخلة

Quote: عطبرة ولفترة طويلة كانت أرخص مدينة في السودان ، فهي مدينة عمالية ومعظم سكانها محدودي الدخل فجلهم يعملون بالسكة حديد وبعضهم بالتعليم او في الجيش والشرطة الآن فعلاً هي أغلى مدينة ومن المؤكد أن التنقيب عن الذهب والذي أدى إلى نزوح الالاف من مختلف بقاع السودان إلى ولاية نهر النيل الغنية بالذهب والعاملين في هذا المجال لديهم دخول مرتفعة وكل احتياجاتهم من عطبرة وهي أكبر مدن الولاية أضف إلى ذلك الرأسمالية وكبار التجار الذين ظهروا في عهد الإنقاذ ومعظمهم من الإسلاميين ومستوى الثراء يظهر في شكل المنازل الفخمة التي يقطونها وفي السابق كانت معظم البيوت في عطبرة في بساطتها متشابهة لحد كبير. * أما عن الحديث عن الانتماء لمدينة عطبرة فسكان عطبرة بنسبة 99% وافدين إليها من مناطق أخرى في السودان وخصوصاً الشمالية مافي سكان أصليين إلا القليل من سكان حي الداخلة

هلا ابيض مشااركه قيمه ...فعلا فيها تغيرات على جميع الاصعده ..مقارنة بالوضع زمااااان



واضف الى حي الداخله العريق...السياله والطليح ..محازات النيل على الجروف هم اقدم السكان