Post: #1
Title: رفع أسعار الغاز...دعما للفقراء
Author: عثمان عووضة
Date: 01-26-2016, 04:30 PM
03:30 PM Jan, 26 2016 سودانيز اون لاين
عثمان عووضة-ابو ظبي - الامارات
مكتبتى
رابط مختصر لانو الفقراء ماعندهم بوتوجاز وشغالين بالفحم والحطب
الموضوع واضح وما عايز مكابرة من ناس المعارضة
.........
عثمان عووضة يتمرن للانضمام المؤتمر الوطني
.
.
.
.
.
انتهى
|
Post: #2
Title: Re: رفع أسعار الغاز...دعما للفقراء
Author: عثمان عووضة
Date: 01-26-2016, 05:51 PM
Parent: #1
يا رافع السماء بلا عمد
|
Post: #3
Title: Re: رفع أسعار الغاز...دعما للفقراء
Author: احمد الشيخ
Date: 01-26-2016, 06:16 PM
Parent: #2
ههههههه
تنفع لكن
الناس ديل بقو مكشوفين جدا ويسهل التنبؤ بتبريراتهم
|
Post: #4
Title: Re: رفع أسعار الغاز...دعما للفقراء
Author: عثمان عووضة
Date: 01-26-2016, 07:17 PM
Parent: #3
المجاهد ابو حميد
شكرا للمرور
|
Post: #5
Title: Re: رفع أسعار الغاز...دعما للفقراء
Author: جمال ود القوز
Date: 01-26-2016, 07:30 PM
Parent: #4
أكيد ده التبرير الأنسب ..
لقد نجحت وبامتياز ..
مهم تورينا مكان التمرين بي وين عشان نجي نتمرن ..
عسى ولعل ..
|
Post: #6
Title: Re: رفع أسعار الغاز...دعما للفقراء
Author: جمال ود القوز
Date: 01-26-2016, 07:36 PM
Parent: #5
نؤيد وبشدة رفع اسعار الغاز ..
حتى لاتذهب أموال دعمه لغير المستفيدين ..
يجب أن يتم توجيه الدعم المهدر على غاز الطبخ للفقراء ..
الناس العندهم بوتجازات ديل ..
إنشاء الله يرفعوا ليهم سعر الأنبوية لـ 200 جنية ..
نحن ماهمانا ..
لانهم قادرين على شراءها مهما ارتفع سعرها ..
|
Post: #7
Title: Re: رفع أسعار الغاز...دعما للفقراء
Author: muntasir
Date: 01-26-2016, 07:44 PM
Parent: #6
شيخي المجاهد لازم تستفتح بإنبهلت وتديها اتنين تلاته كع وبنحاول نشوف ليك تصديق محل الشاي في قنصلية جدة كبداية لكن كان رسلوا ليك في الخاص قالوا ليك ادينا تلفونك أعمل حميل كان رسلتوا ليهم بلحقوك السمحين
|
Post: #9
Title: Re: رفع أسعار الغاز...دعما للفقراء
Author: عثمان عووضة
Date: 01-26-2016, 08:23 PM
Parent: #7
يا منتصر ما قدر دا كمان ياخي
انا يا دوبك سائق تحت التمرين
موضوع كشك الشاي خليه في الخاص خوفا من بتاعين
الضرائب وكدة
|
Post: #8
Title: Re: رفع أسعار الغاز...دعما للفقراء
Author: عاطف عمر
Date: 01-26-2016, 07:52 PM
Parent: #1
Quote: لانو الفقراء ماعندهم بوتوجاز وشغالين بالفحم والحطب
الموضوع واضح وما عايز مكابرة من ناس المعارضة
.........
عثمان عووضة يتمرن للانضمام المؤتمر الوطني |
عارف يا أبو تايسا
في منتصف الثمانينات كنا ساكنين عزابة في مدينة السجانة
شلة مهندسين
لكل منه صفاته وأشياؤه الجميلة التي تميزه عن الآخرين
أخونا ( أبّو ) كان يستخدم لازمة ( أكان ما أخاف الكضب ........ )
في يوم رأى زميلنا في السكن وأخونا ( ود الطيب ) خالط خلطة لذيذة في المواصلات
لم يشأ أن يعكر صفوه
تركه حتى يعود
وتعمد أن ينتظر حتى المغرب حيث يلتئم الشمل
ونظر إلينا ثم إلى ود الطيب وبدأ
" يا ود الطيب أنا كان ما أخاف الكضب قبيل زى الشفتك خالطلك بنية حليييوة كدا ... وكان ما أخاف الكضب البنية كانت لابسة اسكيرت أخضر مشجر وبلوزة تركواز سادة .... وكان ما أخاف الكضب ......... "
هنا قاطعه صديقنا ود الطيب
" عليك الله يا أبّو إنت هسع حالتك خايف من الكضب ؟؟ ..... ياخ إنت متأكد عدييييييل ""
وعليه يا حبيبنا
إنت حالتك دي بتتدرب ؟؟ ..... ياخ إنت كوتش عدييييييل
|
Post: #10
Title: Re: رفع أسعار الغاز...دعما للفقراء
Author: عثمان عووضة
Date: 01-26-2016, 08:44 PM
Parent: #8
يا باشمهندس كيفك
كوتش شنو يا ود امي
خلاص دايرين تكجونا من هسي
يا عاطف مرة في الجامعة لاعبين كوتشين
في واحد صاحبنا كج عينة ومافي اي واحد يخليهو يقيف وراهو
مرة كان لاعب معانا زول ضيف وما عارف الموضوع
المهم صاحبنا الكج حاول يقعد ورا واحد مننا وكلنا حميناهو
يازول قعد ورا الضيف وقبضناهو الهبابة الاولى والثانية
وزعنا زيهو ورقه قام قلب الورق علينا وخلی ضهر الورق في اتجاهو
صاحبي الكج قال ليهو ياخي صلح ورقك الجماعة شافوهو
قال ليهو ايوة الجماعة يشوفوهو لكين علي الطلاق لا انت لا انا ما نشوفو
|
Post: #11
Title: Re: رفع أسعار الغاز...دعما للفقراء
Author: ABUHUSSEIN
Date: 01-26-2016, 09:09 PM
Parent: #10
اكيد ما حا تنفع معاهم .... 😂😂😂😂
كدي ارجع للقرار شوف الناس ديل رفعو اسعار الغاز .. ؟؟؟
ابدا و طبعا لا ...
يا زول الناس ديل ما زادو اسعار الغاز ...
تحياتي ليك و انت في بداية طريقك الجهادي 😂😂😂
|
Post: #12
Title: Re: رفع أسعار الغاز...دعما للفقراء
Author: عثمان عووضة
Date: 01-26-2016, 09:53 PM
Parent: #11
عادل سلام
ياخي نسوي شنو مع الناس الحاقدين واشاعاتهم
ياخي لو ما ثورة الانقاذ اسعار الغاز كان طارت السماء
هسي يطلعوا اشاعة جديدة يقولوا ليك زادوا اسعار حلاوة المولد
عالم وهم
|
Post: #13
Title: Re: رفع أسعار الغاز...دعما للفقراء
Author: ABUHUSSEIN
Date: 01-26-2016, 10:35 PM
Parent: #12
من 2004 و لسه ما كملت 500 مداخلة ... ؟؟؟؟
تنفع خلية نايمة ... 😂😂😂😂
|
Post: #14
Title: Re: رفع أسعار الغاز...دعما للفقراء
Author: jini
Date: 01-26-2016, 10:53 PM
Parent: #13
غندور في خطر
جني
|
Post: #15
Title: Re: رفع أسعار الغاز...دعما للفقراء
Author: جلالدونا
Date: 01-27-2016, 01:38 AM
Parent: #14
عمى عثمان سلام و اسمح لى اخش بالجنبة كدا
| Quote: عثمان عووضة يتمرن للانضمام المؤتمر الوطني |
بى مناسبة لازمة اصحاب اخونا عاطف واحد قريبنا الله يرحمو عندو نفس القصة
يعنى تقول ليهو .. نمشى السينما و الموضوع ما عاجبو يقول ليك .. سينما انتا ياخ
شباب و بنات دفعتو فى الجامعة اتفقو يمشو عليهو يوم عطلة و مذاكرة جماعية و كده
قال ليهم قبل اى حاجة ندّبر غدانا ... اها دايرين شنو
نطّت واحدة قالت دايرين ملاح شرموط
بدون ما يشعر قال ليها .......... انتى ياخ
و بالتأكيد و معاها طبعا ... المذاكرة فرتقت
اها نقول لك كما قال
وطنى انتا ياخ
|
Post: #17
Title: Re: رفع أسعار الغاز...دعما للفقراء
Author: عثمان عووضة
Date: 01-27-2016, 01:52 AM
Parent: #15
جلال ايها الظريف
ليه بالجنبة ياخي
انت تدلل عيني وتخش بي اي حتة تعجبك
جنبة انت ياخي
|
Post: #16
Title: Re: رفع أسعار الغاز...دعما للفقراء
Author: عثمان عووضة
Date: 01-27-2016, 01:40 AM
Parent: #14
حيدر جني مشتاقين يا سادنياخي شنو الحكايةما كفاكم هللاتتعال ان شاء الله خميس وجمعة
لو بالخسم انشاء الله تعال
|
Post: #18
Title: Re: رفع أسعار الغاز...دعما للفقراء
Author: عثمان عووضة
Date: 01-27-2016, 02:08 AM
Parent: #16
الفين وأربعة شنو يا أبو حسين
اربعطاشر ياخي
قلنا ليك ورينا الوش الاخدر بيعملوه كيف عملت نايم
|
Post: #19
Title: Re: رفع أسعار الغاز...دعما للفقراء
Author: ABUHUSSEIN
Date: 01-27-2016, 05:49 AM
Parent: #18
| Quote: قلنا ليك ورينا الوش الاخدر بيعملوه كيف عملت نايم |
ياخي تعليم الجلاكين عملية متعبة شديد .....
الوشوش عندك تحت و إنت بتكتب في المداخلة
تعمل Right Click في الوش الإنت عايزو أخضر أحمر أصفر إن شاء الله بنفسجي زاتو ...
تنسخ الرابط و تجي تنزلو زي ما بتنزل الصورة (أوع تقول لي ما بعرف أنزل الصورة بزعل منك ... )
و بس
|
Post: #20
Title: Re: رفع أسعار الغاز...دعما للفقراء
Author: عثمان عووضة
Date: 01-27-2016, 07:39 AM
Parent: #19
صورة شنو البعرف انزلها
انا لو بعرف قدر دا كان من الفين واربعة مشاركاتي ٥٠٠
والله انت فضيحة خلاس
....
انا سمعت كلامك مشيت اتشالق مسحت المداخلة دي
ورجعت كتبتها تاني
ياخي ما داير اتعلم (وش احمر ومطرم)
|
Post: #40
Title: Re: رفع أسعار الغاز...دعما للفقراء
Author: يحي قباني
Date: 01-27-2016, 09:49 PM
Parent: #19
و الله دي عين يابو تايسا ...
امال حتحضِن كيفن اذا وشوش ما قادر ترفعها ؟
( ) : اول مرة اعمل الحركة دي ....
|
Post: #49
Title: Re: رفع أسعار الغاز...دعما للفقراء
Author: عثمان عووضة
Date: 01-31-2016, 06:59 AM
Parent: #40
اخونا قبة الحلو
ياخي الوشوش بيهناينوها كمان؟
انت بس اعزمني وان شاء الله بلقی زول یعلمني
تسلم
|
Post: #21
Title: Re: رفع أسعار الغاز...دعما للفقراء
Author: محمد مجيدو
Date: 01-27-2016, 07:51 AM
Parent: #1
Quote:
عثمان عووضة يتمرن للانضمام المؤتمر الوطني |
يا ابوعفان .. سلام
ضحكتني يااااخ ...
اها بتتمرن .. لابس ترينقسوت ولا عراااقي .... ؟؟؟
عالم بطاااله ....
|
Post: #22
Title: Re: رفع أسعار الغاز...دعما للفقراء
Author: ABUHUSSEIN
Date: 01-27-2016, 07:59 AM
Parent: #21
Quote: صورة شنو البعرف انزلها
انا لو بعرف قدر دا كان من الفين واربعة مشاركاتي ٥٠٠
والله انت فضيحة خلاس
....
انا سمعت كلامك مشيت اتشالق مسحت المداخلة دي
ورجعت كتبتها تاني
ياخي ما داير اتعلم (وش احمر ومطرم) |
و الله فضيحة إنت ....
و من 2004 قاعد تسوي في شنو طيب ...؟؟؟؟
و بعدين تعال .... بقيت لي زي الكومر الكانو مقرشنو ....!!!!!
فجأة كدا ظهرت في الساحة ....
إنت محتاج لي دروس خصوصية ....
قلت ليك تعليم الجلاكيم دا متعب شديد
|
Post: #23
Title: Re: رفع أسعار الغاز...دعما للفقراء
Author: أيمن الطيب
Date: 01-27-2016, 08:10 AM
Parent: #22
سلامات يا أبومهيار,,Quote: من 2004 و لسه ما كملت 500 مداخلة ... ؟؟؟؟
تنفع خلية نايمة ... 😂😂😂😂 |
دا تست من الخلايا الصاحية بالمناسبة!!
معقولة مؤتمر الحوار دا ا لقيت ليك فيهو فرقة كلو كلو
تحياتى..
|
Post: #27
Title: Re: رفع أسعار الغاز...دعما للفقراء
Author: عثمان عووضة
Date: 01-27-2016, 11:06 AM
Parent: #23
ايمن الطيب حبيبي
كيف الدوحة
والله يا ايمن ياخي لقيت فرقة
بس ماتكلم زول
ناس المنبر ديل شيالين حال
تسلم ايمن
|
Post: #26
Title: Re: رفع أسعار الغاز...دعما للفقراء
Author: عثمان عووضة
Date: 01-27-2016, 11:02 AM
Parent: #22
يا عادل قاعد اتفرج في الرماديين الزيكم
انت و أبو حتحوت
ياخي انا فاضي من رعي البهايم وحش البرسيم للبقر
انتو ما غشيتونا و رجعتونا مزارعية
والله يا عادل البلد فيها جنس نمتي وبرد
والمشكلة الطلح منعوهو
توجه حضاري ياخي
نحنا بنلعب كمان
|
Post: #24
Title: Re: رفع أسعار الغاز...دعما للفقراء
Author: عثمان عووضة
Date: 01-27-2016, 10:49 AM
Parent: #21
يا مجيدو ميطي...ميطي
الجماعة ديل لو ما اتمرنت ام فكو ما بيضموك ليهم
تسلم محمد ابوي
|
Post: #25
Title: Re: رفع أسعار الغاز...دعما للفقراء
Author: أيمن الطيب
Date: 01-27-2016, 11:02 AM
Parent: #24
Quote: يا مجيدو ميطي...ميطي
الجماعة ديل لو ما اتمرنت ام فكو ما بيضموك ليهم
تسلم محمد ابوي |
وضحت الرؤية يا عمك وإنت شكلك داخل على طمع وأهدافك واضحة قدامك,,,
هم الناس ديك إستغالو ولا شنو !!!! ما تراهم قاعدين حللوهم وخلوهم!!!
بقيت صعب والله,,
|
Post: #28
Title: Re: رفع أسعار الغاز...دعما للفقراء
Author: ABUHUSSEIN
Date: 01-27-2016, 11:10 AM
Parent: #25
Quote: يا عادل قاعد اتفرج في الرماديين الزيكم
انت و أبو حتحوت
ياخي انا فاضي من رعي البهايم وحش البرسيم للبقر
انتو ما غشيتونا و رجعتونا مزارعية
والله يا عادل البلد فيها جنس نمتي وبرد
والمشكلة الطلح منعوهو
توجه حضاري ياخي
نحنا بنلعب كمان |
نحن منو يا أخوي الغشيناك ....؟؟؟؟؟؟
الطلح منعوه للنمتي بس ....
لكن الإستخدامات الأخرى لا تثريب عليها ....
إنتو في حتة متوجهين حضارياً و في حتة متوجهين ...... هوي يا ليلى ....gif)
|
Post: #30
Title: Re: رفع أسعار الغاز...دعما للفقراء
Author: عثمان عووضة
Date: 01-27-2016, 11:22 AM
Parent: #28
انتو المغتربين يا عادل رجعتونا السودان حبيسين وقعدتو برة ريسين او كما قال
الاستخدامات الاخری مانعین نفسنا برانا (راعوا عامل السن ياخي)
الكلام النمتي
يلا خت الوش الضاحك برك
|
Post: #29
Title: Re: رفع أسعار الغاز...دعما للفقراء
Author: مهدي صلاح
Date: 01-27-2016, 11:12 AM
Parent: #25
الهدف القضاء على ازمة الغاز
اقتراحي بأه في الأضية
الناس ما تقدر تشتري بالتالي يتوفر الغاز في الاسواق
كيزانا ديل ربنا يسلط عليهم واحد زي السيسي يخلص لينا حقنا منهم
|
Post: #31
Title: Re: رفع أسعار الغاز...دعما للفقراء
Author: عثمان عووضة
Date: 01-27-2016, 11:26 AM
Parent: #29
مهدي سلامات
اقتراح وجيه
انا رأيي في الاضية انك تجي تتمرن معاي
وتسلم ابوي
|
Post: #32
Title: Re: رفع أسعار الغاز...دعما للفقراء
Author: عثمان عووضة
Date: 01-27-2016, 12:05 PM
Parent: #25
ايمن انت كمان ما تحكها شديد
المعايش جبارة ياخي
|
Post: #33
Title: Re: رفع أسعار الغاز...دعما للفقراء
Author: عاطف عمر
Date: 01-27-2016, 12:25 PM
Parent: #32
الله يجازي محنك يا جلي
خليتني أضحك براى زى المجنون ......
في واحدة يا جلي ( بت عمها ) إلا يرشها ليك عمك قباني
حقت الـ بنية المنتظرة كيسها العندو إمتحان في الـ Exam Hall
يا أبو تايسا
جلي وأبو حسن ديل بطريقة ( ملاح الشرموط ) و ( طلح النمتي ) ح يودوا البوست دا الخور
ح تكون أسرع عائد ذهب للخور
ماااااااااااا تركز معاهم كتير
أقول ليك حاجة
أنا زااااتي ما تركز معاى
|
Post: #34
Title: Re: رفع أسعار الغاز...دعما للفقراء
Author: عثمان عووضة
Date: 01-27-2016, 01:01 PM
Parent: #33
یا باشمهندس ابو حسین وچلالدونا دیل الاثنین اولاد شنو کدا ما عارف
یاخی والله یدردقوا لیک الکورة تجليها المتفرجين ياكلوا لحمك
عشان كدا بس تشوت والزارعها الله تقوم في صلعة بكري
ما تودناش في ستين داهية...انا اقصد بكري المدينة
|
Post: #35
Title: Re: رفع أسعار الغاز...دعما للفقراء
Author: ABUHUSSEIN
Date: 01-27-2016, 06:03 PM
Parent: #34
Quote: یا باشمهندس ابو حسین وچلالدونا دیل الاثنین اولاد شنو کدا ما عارف
یاخی والله یدردقوا لیک الکورة تجليها المتفرجين ياكلوا لحمك
عشان كدا بس تشوت والزارعها الله تقوم في صلعة بكري
ما تودناش في ستين داهية...انا اقصد بكري المدينة |
أولاد ناس ... كملها ....
أسمع جلجل دا فاتح ليهو إنداية جنبك أمشي شوف فيها شنو ...
يمكن يطيب ليك المقام و يكرموك كمان ....
قلت لي من 2004 و ما بتعرف تنزل صورة ....؟؟؟
طيب ناس المؤتمر الوطني حا ترمي ليهم طعمية ....؟؟؟
|
Post: #36
Title: Re: رفع أسعار الغاز...دعما للفقراء
Author: عمر التاج
Date: 01-27-2016, 08:22 PM
Parent: #35
حقيقتن يا اخي الكريم ..
الناس البتريقوا على قرار رفع الدعم ديل عديمي وطنية وقليلي انتماء وطني ..
الناس ديل كلهم مافيهم واحد دقالوا طورية في منجم غاز ..
ولا فيهم واحد تعب في الخلا عشان يعرف المكان الفيهو الغاز ..
ما عارف الكواريك فوق شنو؟ ان شاء الله الحكومة تبيعوا بمليون جنيه انتو الحارقكم شنو؟
..
..
تحياتي ياعوووضه ومرحبا بك في قاعة الحوار الوطني...(لمن تجي مارق ماتنسى تشيل كيسك)
|
Post: #37
Title: Re: رفع أسعار الغاز...دعما للفقراء
Author: محمد البشرى الخضر
Date: 01-27-2016, 09:10 PM
Parent: #36
يا حاج عثمان جاي بعد الهنا بسنة!
خلاص بقت ما بتخارج بعد دا, اسياد الشي زاتها متضايقين
ثم مشتاقين يا عمّنا والله يرضى عليك ما تقول لي تعال خميس وجمعة زي جني هههههه
|
Post: #39
Title: Re: رفع أسعار الغاز...دعما للفقراء
Author: عثمان عووضة
Date: 01-27-2016, 09:40 PM
Parent: #37
ابو حتحوت كيفك ياخي وكيف الوليدات
ياخي قالوا كان دار ابوك خربت.....،الخ
ماتجوا لا خميس لا جمعة وبالذات الايام دي
برد عينة وزي ما قال صاحبنا الوضو إلا بي نص
عرقي والحمام قزازة كاملة
|
Post: #41
Title: Re: رفع أسعار الغاز...دعما للفقراء
Author: محمد البشرى الخضر
Date: 01-27-2016, 10:11 PM
Parent: #39
مصداقا لكلام البرد دا يا عمّك قبيل المذيع في الكورة قال درجة الحرارة تسعة طويلة
الكلام دا في الخرطوم معناها في خلاكم دا ولا ناس وهبة بتكون صب زيرو عديل كدا
|
Post: #38
Title: Re: رفع أسعار الغاز...دعما للفقراء
Author: عثمان عووضة
Date: 01-27-2016, 09:28 PM
Parent: #36
الاستاذ عمر التاج
تحية طيبة
ياخي عمك فهمه تقيل شوية
|
Post: #42
Title: Re: رفع أسعار الغاز...دعما للفقراء
Author: عثمان عووضة
Date: 01-28-2016, 06:33 AM
Parent: #38
يا شيخ عمر التاج انا زمان قلت ليكم علموني الوشوش الضاحكة
أبو حسين دخلني بي حمد ومرقني بي خوجلي
يكون هو ذاته ما عارف بعملوها كيف
|
Post: #43
Title: Re: رفع أسعار الغاز...دعما للفقراء
Author: حمد عبد الغفار عمر
Date: 01-28-2016, 07:50 AM
Parent: #42
تحياتنا يا عثمان
أندروس إنتا
بوست سهل الهضم
|
Post: #44
Title: Re: رفع أسعار الغاز...دعما للفقراء
Author: عثمان عووضة
Date: 01-28-2016, 09:39 AM
Parent: #43
حباب حمد الحلو
ياخي انت من زمن الاندروس
في دوا بيدوه للبهايم اظن اسمه avomeg
اسال منه ابو حسين ولا
حاول جربه بي نفسك
غايتو ما عمل لابو حسين حاجة
|
Post: #45
Title: Re: رفع أسعار الغاز...دعما للفقراء
Author: ABUHUSSEIN
Date: 01-28-2016, 10:47 AM
Parent: #44
Quote: اسال منه ابو حسين ولا
حاول جربه بي نفسك
غايتو ما عمل لابو حسين حاجة |
اسمع انت عايز تشتهر على حسابي و ل شنو ... ؟؟؟
شايف اسمي بقى في مداخلاتك زي الملح في المطبخ ....
اسمع قوم لف
|
Post: #46
Title: Re: رفع أسعار الغاز...دعما للفقراء
Author: حمد عبد الغفار عمر
Date: 01-28-2016, 10:54 AM
Parent: #45
بتاع الجرب آمنت بالله
لو أنسى كل شيء ما بنسي المصيبة دا
مرة أخوي دكتور بيطري جابو معاه من البحرين ولأنو إجازتو صغيرة خلاهو لي (50) عبوة قال لي اترزق بيهم الله
ياخ أنا سوق الناقة دا حفر كرعي بالمشاوير بعد تلتلة لقيت لي واحد بيطري بعرفو حتى فكاني منها بـ 1030 جنيه بس
الكلام دا سنة 1988
|
Post: #47
Title: Re: رفع أسعار الغاز...دعما للفقراء
Author: جلالدونا
Date: 01-29-2016, 06:23 PM
Parent: #46
Quote: أسمع جلجل دا فاتح ليهو إنداية جنبك أمشي شوف فيها شنو ...
يمكن يطيب ليك المقام و يكرموك كمان .... |
ها زول ها القال ليك منو ما جا
قال مفلس و داير عبّارين بالدين
قلنالو دينك كتر و ماب نديك
اها زعل و لفح طاقبتو و مرق
بعدا طوالى جانى خبر البوست ده
يمين الله يا تهريف كان عارفو بعمل كده !!
كان اديتو زير عديل
|
Post: #48
Title: Re: رفع أسعار الغاز...دعما للفقراء
Author: ABUHUSSEIN
Date: 01-29-2016, 07:07 PM
Parent: #47
يا جلجل الزول دا من أمبارح مفقود ...
ما تكونو أديتيهوا حاجة ضيعتوا كمان...
الزول دا راسوا خفيييييييف علبة سيفن آب بتخليهو يهضرب ....
كان جاكم بيغادي بالله وزعوا قولو ليه شطبنا .....
قال داير يبقى مؤتمر وطني ....
|
Post: #50
Title: Re: رفع أسعار الغاز...دعما للفقراء
Author: عثمان عووضة
Date: 01-31-2016, 07:04 AM
Parent: #47
هييييييع
كريم ولد اكارم ياجلة
يمين بس نحش القمح وقروشك علی دایر الملین
|
Post: #51
Title: Re: رفع أسعار الغاز...دعما للفقراء
Author: أحمد الشايقي
Date: 01-31-2016, 10:12 AM
Parent: #50
تمام يا عم عثمان,
دي تشبه لما سألوا قطبي المهدي عن زياة أسعار الوقود وتأثيره على أسعار تذاكر المواصلات فقال عبر سكاي نيوز : "طبقة قليله فقط هي التي تحتاج الي الوقود و باقي الشعب يركب الدواب"
خلاص الشعب الفقراء يوقدوا بقش القمح وبتاب العيش وروث البهائم
مع التحية
أحمد الشايقي
|
Post: #52
Title: Re: رفع أسعار الغاز...دعما للفقراء
Author: عثمان عووضة
Date: 01-31-2016, 01:21 PM
Parent: #51
يا احمد الشايقي احمد الله انه ما قال باقي
الشعب يركب هنا
|
|