|
|
|
 Re: رفع أسعار الغاز...دعما للفقراء (Re: جمال ود القوز)
|
نؤيد وبشدة رفع اسعار الغاز ..
حتى لاتذهب أموال دعمه لغير المستفيدين ..
يجب أن يتم توجيه الدعم المهدر على غاز الطبخ للفقراء ..
الناس العندهم بوتجازات ديل ..
إنشاء الله يرفعوا ليهم سعر الأنبوية لـ 200 جنية ..
نحن ماهمانا ..
لانهم قادرين على شراءها مهما ارتفع سعرها ..
| |
 
|
|
|
|
|
|
|
|
Re: رفع أسعار الغاز...دعما للفقراء (Re: عثمان عووضة)
|
Quote: لانو الفقراء ماعندهم بوتوجاز وشغالين بالفحم والحطب
الموضوع واضح وما عايز مكابرة من ناس المعارضة
.........
عثمان عووضة يتمرن للانضمام المؤتمر الوطني |
عارف يا أبو تايسا
في منتصف الثمانينات كنا ساكنين عزابة في مدينة السجانة
شلة مهندسين
لكل منه صفاته وأشياؤه الجميلة التي تميزه عن الآخرين
أخونا ( أبّو ) كان يستخدم لازمة ( أكان ما أخاف الكضب ........ )
في يوم رأى زميلنا في السكن وأخونا ( ود الطيب ) خالط خلطة لذيذة في المواصلات
لم يشأ أن يعكر صفوه
تركه حتى يعود
وتعمد أن ينتظر حتى المغرب حيث يلتئم الشمل
ونظر إلينا ثم إلى ود الطيب وبدأ
" يا ود الطيب أنا كان ما أخاف الكضب قبيل زى الشفتك خالطلك بنية حليييوة كدا ... وكان ما أخاف الكضب البنية كانت لابسة اسكيرت أخضر مشجر وبلوزة تركواز سادة .... وكان ما أخاف الكضب ......... "
هنا قاطعه صديقنا ود الطيب
" عليك الله يا أبّو إنت هسع حالتك خايف من الكضب ؟؟ ..... ياخ إنت متأكد عدييييييل ""
وعليه يا حبيبنا
إنت حالتك دي بتتدرب ؟؟ ..... ياخ إنت كوتش عدييييييل
| |
|
|
|
|
|
|
|
|
Re: رفع أسعار الغاز...دعما للفقراء (Re: عاطف عمر)
|
يا باشمهندس كيفك
كوتش شنو يا ود امي
خلاص دايرين تكجونا من هسي
يا عاطف مرة في الجامعة لاعبين كوتشين
في واحد صاحبنا كج عينة ومافي اي واحد يخليهو يقيف وراهو
مرة كان لاعب معانا زول ضيف وما عارف الموضوع
المهم صاحبنا الكج حاول يقعد ورا واحد مننا وكلنا حميناهو
يازول قعد ورا الضيف وقبضناهو الهبابة الاولى والثانية
وزعنا زيهو ورقه قام قلب الورق علينا وخلی ضهر الورق في اتجاهو
صاحبي الكج قال ليهو ياخي صلح ورقك الجماعة شافوهو
قال ليهو ايوة الجماعة يشوفوهو لكين علي الطلاق لا انت لا انا ما نشوفو
| |
|
|
|
|
|
|
|
|
|
Re: رفع أسعار الغاز...دعما للفقراء (Re: jini)
|
عمى عثمان سلام و اسمح لى اخش بالجنبة كدا
| Quote: عثمان عووضة يتمرن للانضمام المؤتمر الوطني |
بى مناسبة لازمة اصحاب اخونا عاطف واحد قريبنا الله يرحمو عندو نفس القصة
يعنى تقول ليهو .. نمشى السينما و الموضوع ما عاجبو يقول ليك .. سينما انتا ياخ
شباب و بنات دفعتو فى الجامعة اتفقو يمشو عليهو يوم عطلة و مذاكرة جماعية و كده
قال ليهم قبل اى حاجة ندّبر غدانا ... اها دايرين شنو
نطّت واحدة قالت دايرين ملاح شرموط
بدون ما يشعر قال ليها .......... انتى ياخ
و بالتأكيد و معاها طبعا ... المذاكرة فرتقت
اها نقول لك كما قال
وطنى انتا ياخ
| |
|
|
|
|
|
|
|
|
 Re: رفع أسعار الغاز...دعما للفقراء (Re: عثمان عووضة)
|
| Quote: قلنا ليك ورينا الوش الاخدر بيعملوه كيف عملت نايم |
ياخي تعليم الجلاكين عملية متعبة شديد .....
الوشوش عندك تحت و إنت بتكتب في المداخلة
تعمل Right Click في الوش الإنت عايزو أخضر أحمر أصفر إن شاء الله بنفسجي زاتو ...
تنسخ الرابط و تجي تنزلو زي ما بتنزل الصورة (أوع تقول لي ما بعرف أنزل الصورة بزعل منك ... )
و بس
| |
|
|
|
|
|
|
|
|
|
Re: رفع أسعار الغاز...دعما للفقراء (Re: ABUHUSSEIN)
|
صورة شنو البعرف انزلها
انا لو بعرف قدر دا كان من الفين واربعة مشاركاتي ٥٠٠
والله انت فضيحة خلاس
....
انا سمعت كلامك مشيت اتشالق مسحت المداخلة دي
ورجعت كتبتها تاني
ياخي ما داير اتعلم (وش احمر ومطرم)
| |
|
|
|
|
|
|
|
|
|
Re: رفع أسعار الغاز...دعما للفقراء (Re: محمد مجيدو)
|
Quote: صورة شنو البعرف انزلها
انا لو بعرف قدر دا كان من الفين واربعة مشاركاتي ٥٠٠
والله انت فضيحة خلاس
....
انا سمعت كلامك مشيت اتشالق مسحت المداخلة دي
ورجعت كتبتها تاني
ياخي ما داير اتعلم (وش احمر ومطرم) |
و الله فضيحة إنت ....
و من 2004 قاعد تسوي في شنو طيب ...؟؟؟؟
و بعدين تعال .... بقيت لي زي الكومر الكانو مقرشنو ....!!!!!
فجأة كدا ظهرت في الساحة ....
إنت محتاج لي دروس خصوصية ....
قلت ليك تعليم الجلاكيم دا متعب شديد
| |
|
|
|
|
|
|
|
|
 Re: رفع أسعار الغاز...دعما للفقراء (Re: ABUHUSSEIN)
|
سلامات يا أبومهيار,,Quote: من 2004 و لسه ما كملت 500 مداخلة ... ؟؟؟؟
تنفع خلية نايمة ... 😂😂😂😂 |
دا تست من الخلايا الصاحية بالمناسبة!!
معقولة مؤتمر الحوار دا ا لقيت ليك فيهو فرقة كلو كلو
تحياتى..
| |
|
|
|
|
|
|
|
|
|
Re: رفع أسعار الغاز...دعما للفقراء (Re: ABUHUSSEIN)
|
يا عادل قاعد اتفرج في الرماديين الزيكم
انت و أبو حتحوت
ياخي انا فاضي من رعي البهايم وحش البرسيم للبقر
انتو ما غشيتونا و رجعتونا مزارعية
والله يا عادل البلد فيها جنس نمتي وبرد
والمشكلة الطلح منعوهو
توجه حضاري ياخي
نحنا بنلعب كمان
| |
|
|
|
|
|
|
|
|
|
Re: رفع أسعار الغاز...دعما للفقراء (Re: عثمان عووضة)
|
Quote: يا مجيدو ميطي...ميطي
الجماعة ديل لو ما اتمرنت ام فكو ما بيضموك ليهم
تسلم محمد ابوي |
وضحت الرؤية يا عمك وإنت شكلك داخل على طمع وأهدافك واضحة قدامك,,,
هم الناس ديك إستغالو ولا شنو !!!! ما تراهم قاعدين حللوهم وخلوهم!!!
بقيت صعب والله,,
| |
|
|
|
|
|
|
|
|
|
Re: رفع أسعار الغاز...دعما للفقراء (Re: أيمن الطيب)
|
Quote: يا عادل قاعد اتفرج في الرماديين الزيكم
انت و أبو حتحوت
ياخي انا فاضي من رعي البهايم وحش البرسيم للبقر
انتو ما غشيتونا و رجعتونا مزارعية
والله يا عادل البلد فيها جنس نمتي وبرد
والمشكلة الطلح منعوهو
توجه حضاري ياخي
نحنا بنلعب كمان |
نحن منو يا أخوي الغشيناك ....؟؟؟؟؟؟
الطلح منعوه للنمتي بس ....
لكن الإستخدامات الأخرى لا تثريب عليها ....
إنتو في حتة متوجهين حضارياً و في حتة متوجهين ...... هوي يا ليلى ....gif)
| |
|
|
|
|
|
|
|
|
|
Re: رفع أسعار الغاز...دعما للفقراء (Re: عثمان عووضة)
|
الله يجازي محنك يا جلي
خليتني أضحك براى زى المجنون ......
في واحدة يا جلي ( بت عمها ) إلا يرشها ليك عمك قباني
حقت الـ بنية المنتظرة كيسها العندو إمتحان في الـ Exam Hall
يا أبو تايسا
جلي وأبو حسن ديل بطريقة ( ملاح الشرموط ) و ( طلح النمتي ) ح يودوا البوست دا الخور
ح تكون أسرع عائد ذهب للخور
ماااااااااااا تركز معاهم كتير
أقول ليك حاجة
أنا زااااتي ما تركز معاى
| |
|
|
|
|
|
|
|
|
|
Re: رفع أسعار الغاز...دعما للفقراء (Re: عاطف عمر)
|
یا باشمهندس ابو حسین وچلالدونا دیل الاثنین اولاد شنو کدا ما عارف
یاخی والله یدردقوا لیک الکورة تجليها المتفرجين ياكلوا لحمك
عشان كدا بس تشوت والزارعها الله تقوم في صلعة بكري
ما تودناش في ستين داهية...انا اقصد بكري المدينة
| |
|
|
|
|
|
|
|
|
|
Re: رفع أسعار الغاز...دعما للفقراء (Re: عثمان عووضة)
|
Quote: یا باشمهندس ابو حسین وچلالدونا دیل الاثنین اولاد شنو کدا ما عارف
یاخی والله یدردقوا لیک الکورة تجليها المتفرجين ياكلوا لحمك
عشان كدا بس تشوت والزارعها الله تقوم في صلعة بكري
ما تودناش في ستين داهية...انا اقصد بكري المدينة |
أولاد ناس ... كملها ....
أسمع جلجل دا فاتح ليهو إنداية جنبك أمشي شوف فيها شنو ...
يمكن يطيب ليك المقام و يكرموك كمان ....
قلت لي من 2004 و ما بتعرف تنزل صورة ....؟؟؟
طيب ناس المؤتمر الوطني حا ترمي ليهم طعمية ....؟؟؟
| |
|
|
|
|
|
|
|
|
|
Re: رفع أسعار الغاز...دعما للفقراء (Re: ABUHUSSEIN)
|
حقيقتن يا اخي الكريم ..
الناس البتريقوا على قرار رفع الدعم ديل عديمي وطنية وقليلي انتماء وطني ..
الناس ديل كلهم مافيهم واحد دقالوا طورية في منجم غاز ..
ولا فيهم واحد تعب في الخلا عشان يعرف المكان الفيهو الغاز ..
ما عارف الكواريك فوق شنو؟ ان شاء الله الحكومة تبيعوا بمليون جنيه انتو الحارقكم شنو؟
..
..
تحياتي ياعوووضه ومرحبا بك في قاعة الحوار الوطني...(لمن تجي مارق ماتنسى تشيل كيسك)
| |
|
|
|
|
|
|
|
|
|
Re: رفع أسعار الغاز...دعما للفقراء (Re: ABUHUSSEIN)
|
بتاع الجرب آمنت بالله
لو أنسى كل شيء ما بنسي المصيبة دا
مرة أخوي دكتور بيطري جابو معاه من البحرين ولأنو إجازتو صغيرة خلاهو لي (50) عبوة قال لي اترزق بيهم الله
ياخ أنا سوق الناقة دا حفر كرعي بالمشاوير بعد تلتلة لقيت لي واحد بيطري بعرفو حتى فكاني منها بـ 1030 جنيه بس
الكلام دا سنة 1988
| |
|
|
|
|
|
|
|
|
|
Re: رفع أسعار الغاز...دعما للفقراء (Re: حمد عبد الغفار عمر)
|
Quote: أسمع جلجل دا فاتح ليهو إنداية جنبك أمشي شوف فيها شنو ...
يمكن يطيب ليك المقام و يكرموك كمان .... |
ها زول ها القال ليك منو ما جا
قال مفلس و داير عبّارين بالدين
قلنالو دينك كتر و ماب نديك
اها زعل و لفح طاقبتو و مرق
بعدا طوالى جانى خبر البوست ده
يمين الله يا تهريف كان عارفو بعمل كده !!
كان اديتو زير عديل
| |
|
|
|
|
|
|
|
|
|
Re: رفع أسعار الغاز...دعما للفقراء (Re: جلالدونا)
|
يا جلجل الزول دا من أمبارح مفقود ...
ما تكونو أديتيهوا حاجة ضيعتوا كمان...
الزول دا راسوا خفيييييييف علبة سيفن آب بتخليهو يهضرب ....
كان جاكم بيغادي بالله وزعوا قولو ليه شطبنا .....
قال داير يبقى مؤتمر وطني ....
| |
|
|
|
|
|
|
|
|
|
Re: رفع أسعار الغاز...دعما للفقراء (Re: عثمان عووضة)
|
تمام يا عم عثمان,
دي تشبه لما سألوا قطبي المهدي عن زياة أسعار الوقود وتأثيره على أسعار تذاكر المواصلات فقال عبر سكاي نيوز : "طبقة قليله فقط هي التي تحتاج الي الوقود و باقي الشعب يركب الدواب"
خلاص الشعب الفقراء يوقدوا بقش القمح وبتاب العيش وروث البهائم
مع التحية
أحمد الشايقي
| |
|
|
|
|
|
|
| |
عثمان عووضة
احمد الشيخ
جمال ود القوز
عاطف عمر
ABUHUSSEIN
jini
جلالدونا
يحي قباني
محمد مجيدو
أيمن الطيب
مهدي صلاح
عمر التاج
محمد البشرى الخضر
حمد عبد الغفار عمر
أحمد الشايقي
فيس بوك
تويتر
انستقرام
يوتيوب
بنتيريست