تماما مثل كل مرة يدخل فيها محمدعبدالله حرسم ذات الفلم الهندي للمرة الخمسين وهو يعيش نفس التوتر في نفس اللحظة وذات اللقطة التي يصل فيها البطل (سوندار) شامي كابور الى حبيبته (سبنا) في الدقيقة 89 و59 ثانية و9 أجزاء من الثانية قبل اقلاع الطائرة في الدقيقة 90 ممتطيا موتر عسكري المرور ... فتراه (سبنا) فتصد راجعة من سلم الطائرة وهنا في هذه اللقطة العجيبة والغريبة ... كان محمد عبدالله يعيش حماسها وتفاصيلها وتوترها العالي وتصل الدراما الى القمة ساعة تراه سبنا ... فتلتهب اكف السينما بالتصفيق والصفافير التي تستمرلدقائق متواصلة ابتهاجا بشلامة الوصول. وخلال هذه المرات الخمسون كان الخوف يعترىه من ان يغير المخرج رايه .. فتطير سبنا في ذلك المساء الخريفي الجميل كان محمد عبدالله يعيش حالة خاصة .. فرحان من الصباح يمكن عشان الجو او كان صارف (الماهية) وهي عبارة عن (26) جنيها وثلاثون قرشا ويبدو ان الحالة المادية كان لها الاثر الكبير في حالته النفسية ... بدون تفاصيل كانت حالته بطعم قصب السكر الذي قضى على ثلاثة اعواد منها اثناء الفلم خرج وصورة البطلة لاتفارق عينيه كان معبا تعبئة كاملة باحداث الفلم وجمال ذلك الوجه الكشميري للبطلة .... ذهب الى حيث اوقف عجلته .. اخرج من جيبه مفتاح (الطوق) بحركة آلية واستوى على عجلته ويمم صوب القطاطي لفحه ذلك الهواء البارد فظن ان شعره قد بدأ يتطاير مثل شامي كابور وان هي الى لحظات حتى ترك مقود العجلة وفرد يديه وبدأ في الغناء باعلى صوته (ميري مهبتي سادارا هيهي) وكان بين الفينة والاخرى ثضم يديه الى صدره تعبيرا عن ذلك الحب الخالد وبدا يتخيل ان العجلة ما هي الا موتر عسكري المرور الذي اوصل شامي كابور لللمطار وفجأة ارتطم لستك العجلة الامامي بحجر ما ... ثواني بعدها وجد نفسه مكوما داخل الخور .. حيث عاد الى الواقع تدريجيا مع حركة يديه وهو ينفض التراب عن جشمه وخاصة بنطلونه وشعره ز
Post: #22 Title: Re: ميرى محابتيه هيهى Author: محمد عبد الله حرسم Date: 01-27-2016, 04:02 PM Parent: #10
احمد ياسين
هههههههههههههههههههههههههههههههههههههههههههههه انت كنت معانا والا حاجة ؟
رغم صغر سنك لكنها محاولة موفقة
ههههههههههههههههه وبجيك
Post: #23 Title: Re: ميرى محابتيه هيهى Author: محمد عبد الله حرسم Date: 01-27-2016, 06:31 PM Parent: #10
احمد ياسين
قلبى ماكلنى عليك
شاااااااااااكى
؟ هههههههههههههههههههههه
Post: #21 Title: Re: ميرى محابتيه هيهى Author: محمد عبد الله حرسم Date: 01-27-2016, 04:01 PM Parent: #9
والله يا الصادق بورتسودان كانت فى تلك الفترة اكثر من قرية شوية واقل من مدينة شوية وكانت تحلم دوما
وفيها فقط سينمتان سينما الخواجة (ليكوس) وسينما الشعب
والخواجة دوما كان بيجيب افلام هندية
كان عندى استاذ فى التدريب المهنى صاحبى لما اجيب ليهو سيرة الجماعة ديل يقول لى
ادينى خلاطة وكب لى شوية قطر وجناحين طيارة وبنت سمحة وحديقة وحصان وبليس وبونية قوية وعيون سمحات واخلطهم ح يطلع فيلم مدته حوالى ثلاث ساعات
هههههههههههههههههه
Post: #12 Title: Re: ميرى محابتيه هيهى Author: محمد عبد الله حرسم Date: 01-27-2016, 07:56 AM Parent: #7
الصادق ياخ اسعدك الله
كن بخير
ونواصل الحفر فى تلك الايام
؟
Post: #11 Title: Re: ميرى محابتيه هيهى Author: محمد عبد الله حرسم Date: 01-27-2016, 07:46 AM Parent: #6
تحياتى اخى فيصل
وهناك بعض الاناشيد التى تم تلحينها بذات اللحن
وكانت لنا ايم
حضورك مبهج
Post: #13 Title: Re: ميرى محابتيه هيهى Author: ياسر منصور عثمان Date: 01-27-2016, 08:36 AM Parent: #11
في مغني شعبي اسمه ابو حراز كان ملحن نشيد لتمجيد مايو على لحن اغنية من اجل ابنائي..
في منتصف الثمانيات حضرنا مدينة بونا واول يوم الشباب دخلونا ليك فيلم باسم Aey Mere Humsafar - Qayamat Se Qayamat Ta بسينماء منقلة بطولة عامر خان وجوهي شاولا لازال هذا الفيلم راسخا في الذهن
Post: #18 Title: Re: ميرى محابتيه هيهى Author: ياسر منصور عثمان Date: 01-27-2016, 10:54 AM Parent: #15
ود العريفي ياخ
انت كنت اول زمن بمشي سينما الثورة عشان الافلام الهندية راكب عجلتك الرالي ديك
انت كنت اول زمن بمشي سينما الثورة عشان الافلام الهندية راكب عجلتك الرالي ديك
هههههههههههههه
الزمن الجميل يا ود منصور
Post: #24 Title: Re: ميرى محابتيه هيهى Author: محمد عبد الله حرسم Date: 01-28-2016, 09:39 AM Parent: #15
حباب اسامة
.
Post: #14 Title: Re: ميرى محابتيه هيهى Author: ياسر منصور عثمان Date: 01-27-2016, 08:40 AM Parent: #1
لم اكن من هواة الافلام الهندية ولكني كنت متابعاً لها...
يعني ممكن امشي السينما لحضور فيلم هندي جديد ..
لو لقيت زحمة شديدة عاااادي بجليهو ...
اشوفو مرة تانية ما مشكلة...
لكن لو فيلم (غربي) ممكن اقيف في الصف ساعات وساعات عشان ادخل
ههههههههههههههه
Post: #16 Title: Re: ميرى محابتيه هيهى Author: Ahmed Yassin Date: 01-27-2016, 10:36 AM Parent: #14
والله يا ياسر منصور انت عجيب والمفروض تاخد شهادة تاريخية موثقة من دار الوثائق المركزية
Quote: في مغني شعبي اسمه ابو حراز كان ملحن نشيد لتمجيد مايو على لحن اغنية من اجل ابنائي..
فعلا المطرب دا اسمه (عبدالجليل ابوحراز) ودا ليهو قصتين ما قصة واحدة كان بغني في مركز شباب بحري او امدرمان على ما اعتقد عمل النشيد دا لى مايو في شهر مارس 1985م وبقول فيهو بلادي عازة بفخر بيك في رحاب ثورة مايو والزلط ربط البلاد من سواكن للمجلد ولحن النشيد على وزن (من اجل ابنائي) اغنية الحصاد المشهورة وصاحبنا دا سافر للهند مخصوص عشان اللحن ومشى جاب معاهو الة موسيقية هندية تشبه المندلين ولكنها ليست مندلين .. وانداح في غناء النشيد دا بكل معنوياته العالية وتقول متخصص في لغة الجسد بل كاد يبكي اثناء كلمة (الزلط) وكان ياشر بيديه الاتنين في حركة امتدادية وطبعا كل المصاريف دي كانت من جيبه الخاص على امل التعويض بعد ان سجلها للتلفزيون بس بعد شهر واحد قامت الانتفاضة وغاب نميري .. وعبدالجليل ابوحراز اختفى من الساحة نهائيا حوالي اربعة سنوات لم يظهر الا في عام 1989م وهو يأمل ان يكون الناس نسوا النشيد او حاجة اسمها ابوحراز .القصة التانية بعد ماظهر في عام 1989م في شهر منصف شهر ابريل عمل نشيد (للانتفاضة) لعله يمسح الزلط الاول وللغرابة او الشىء الغريب انه بعد اقل من شهر ونصف جاء انقلاب الانقاذ واختفى ايضا .. على امل ان يظهر بعد بضع سنين ولكن يبدو ان غيابه سيطول ويطول ويطول ...
Post: #17 Title: Re: ميرى محابتيه هيهى Author: ياسر منصور عثمان Date: 01-27-2016, 10:50 AM Parent: #16
Quote: والله يا ياسر منصور انت عجيب والمفروض تاخد شهادة تاريخية موثقة من دار الوثائق المركزية
وانت يا اخ احمد تاخد دكتوراة عديييييييييل هههههههههه
يا اخي انت جبت حاجات عجيبة
ايوه الفنان اسمو عبد الجليل ابو حراز وكان عندو الة زي المندلين
تخريمة: ما تشوف لينا الزول ده يظهر اليومين ديل ياخ
مع الغاز الطاير ده
ينوبك ثواب
ههههههههههههههههههههههه
Post: #20 Title: Re: ميرى محابتيه هيهى Author: Ahmed Yassin Date: 01-27-2016, 11:48 AM Parent: #17
Post: #25 Title: Re: ميرى محابتيه هيهى Author: محمد عبد الله حرسم Date: 01-28-2016, 10:24 AM Parent: #20
كان بيعجبنى جدا الناس البيخشو الدور التانى وساكنين سلالاب الزمن داك بيجو مارين بى نص القطاطى ويحكو لى بعض بى صوت عالى ويضحكو وصدى الصوت بجيك جوه البطانية والقطاطى بتعمل صفارات انذار سيييييييييييييييييك
بيكونو مبسوطين بشكل غير عادى ولاقانى واحد منهم يتكلم الهندية كانها لغته ولا يعرف معانى كلماتها لكنه يغنيها ويتحدث بها لكما وغناءا
Post: #26 Title: Re: ميرى محابتيه هيهى Author: ياسر منصور عثمان Date: 01-28-2016, 10:55 AM Parent: #25
تعرف يا محمد
في اتنين كانوا بجضموا ليك الغناء الهندي زي اهلو..
واحد في امدرمان ...اعتقد اسمه عبد المجيد..
والتاني شفتو في الاسكندرية
فرغم انهم ما بعرفوا معنى الكلام لكن عندهم اداء مبالغة
هههههههههههههه
Post: #27 Title: Re: ميرى محابتيه هيهى Author: محمد عبد الله حرسم Date: 01-30-2016, 09:34 AM Parent: #26
كان عندنا واحد فى بورتسودان اسمه ديجانقو
لا يعرف احد اسمه الحقيقى زمان كان فى فلم اسمه ديجانقو وعودة ديجانقو ومن يومها هو لابس طربوش القش وجارى وراه كرتونة زى نظام التابوت ومن يومها والناس كلها بتقول ليهو ديجانقو
دا يا قولك بيجضم ليك الهندى دا زى شامى كابور
لكن التكتح ما بيعرفو
وطول اليوم بيضحك وبيستخدم كلموة ايوا والله
وبالله ؟
Post: #28 Title: Re: ميرى محابتيه هيهى Author: محمد عبد الله حرسم Date: 01-31-2016, 10:05 AM Parent: #27
كنت اقوم باخراج مسرحية (ثريا) بها لقطة تعبيرية برقصة هندية الممثل اسمه الفاضل حسين
تعبنى تعب الويل
المهم فى النهاية اصريت ادحله فيلم هندى وبالفعل لغيت البروفة ومشينا السينما اول فلم هندى لاقانى
والله ثم والله ثم وااللله دخلنا الفلم عشان اى اغنية واشرح لى الفاضل دا انا عاوز شنو
الى نهاية الفليم ولا اغنية
ولا اغنية واحدة
تصدق ياللهول
قلت ليه انت اصلو نحس ههههههههههههههههههههههههههه
فى فلم هندى ما فيهو غناء
طلع واحد الخشيناهو دا
Post: #29 Title: Re: ميرى محابتيه هيهى Author: ياسر منصور عثمان Date: 01-31-2016, 10:59 AM Parent: #28
فيلم هندي ما فيهو غنية وااااحدة..فرد غنية ما فيهو؟؟
ده يكون من شنو يا ربي؟؟
ههههههههههه
Post: #30 Title: Re: ميرى محابتيه هيهى Author: Ahmed Yassin Date: 02-01-2016, 07:25 AM Parent: #29
Quote: كنت اقوم باخراج مسرحية (ثريا) بها لقطة تعبيرية برقصة هندية الممثل اسمه الفاضل حسين
تعبنى تعب الويل
المهم فى النهاية اصريت ادحله فيلم هندى دخلنا الفلم عشان اى اغنية واشرح لى الفاضل دا انا عاوز شنو
الى نهاية الفليم ولا اغنية
ولا اغنية واحدة
طوالي كان تغير المشهد للاخ الفاضل من لقطة تعبيرية برقصة هندية الى بونية تعبيرية برضو
Post: #31 Title: Re: ميرى محابتيه هيهى Author: محمد عبد الله حرسم Date: 02-02-2016, 09:42 AM Parent: #30
كنت عاوز الغى الدور كلووووووووووو
هههههههههههههههههههههه
Post: #32 Title: Re: ميرى محابتيه هيهى Author: محمد عبد الله حرسم Date: 02-02-2016, 04:51 PM Parent: #29
حبيبنا حرسم نحن تعرف كنا قريب من السينما فى الداخلية كنا بنخت المخده تحت البطانيه ونشرد الدور التانى ونتعرف ونجلد لكن ماتبنا جانوار دا اشتغل 15 يوم ماكفى الناس انا كنت احب الكابوى ناس قاتل او مقتول وجليانو جيما لو كمان فى مقابله بدبل
Post: #34 Title: Re: ميرى محابتيه هيهى Author: محمد عبد الله حرسم Date: 02-04-2016, 10:08 AM Parent: #33
صديقى صديق الايام الجميلة عمر دهب
لك التحية
كانت لنا ايام
فرجتين رحم الله استاذ امان وكلية المعلمات وهناك قصص كثيرة تتعلق بالافلام الهندية والمذاكرة والزوغانات
هههههههههههههههههه متذكر مصطفى الشوش يوابوبكر ههههههههههههه
Post: #35 Title: Re: ميرى محابتيه هيهى Author: محمد عبد الله حرسم Date: 02-04-2016, 05:49 PM Parent: #34
ياخى نحن كنا شعب عاطفى وفاقد حنان بشكل
تشوف الصف تقول مافى زول قاعد فى بيتو
تخش تسمع اخ وآخ واوووووخ مع كل لقطة وتشوف الدموع
وحاجات تانية حاميانى
دا كله فى فلم هندى
وهسى
؟بجيكم كان فى عمر
Post: #36 Title: Re: ميرى محابتيه هيهى Author: محمد عبد الله حرسم Date: 02-11-2016, 05:47 PM Parent: #35
كنا شغالين فى البر الشرقى فى مكتب تابع للنتخليص المهم واحد سودانى راجع بى عربيتو ورا ضرب سيارة مخلص هندى وكسر الصدام وتانى ما متذكر المهم الناس اتدخلو باركوها يا جماعة والحديث يطول وكل زول يجى يخش يبدأ الموضوع من الاول الحصل شنو وتبدا القصة ثم المحاولات كلمة كلمتين سمحات والمسامح كريم وكل شىء ماشى كويس خلاص يلا نتفق ودخوا الاجاويد والمه سالوا الهندى اليرضيك شنو قال عشرة جنيه (الزمن داك مرتب الموظف كان عشرين تلاتين جنيه) قوم يا سودانى بى صوت عالى قال ليهو (ليه انا هندى ؟
قوم يال المخلص قال انا سمامحت فى العربية لكن على بالاطلاق فى هندى دى ما مسامحه
من تسعة ونص صباحا لغاية الساعة واحدة ظهرا والاجاويد والنهير والصةوت العالى والتحانيس المهم خليتم كدا ومشيت
لانى زهجت
الهندى راسو والف سيف ما يسامح
قلت فى نفسى ياربى كلمة هندى دى نبذ؟
Post: #37 Title: Re: ميرى محابتيه هيهى Author: محمد عبد الله حرسم Date: 03-14-2016, 06:02 PM Parent: #36
Post: #41 Title: Re: ميرى محابتيه هيهى Author: محمد عبد الله حرسم Date: 03-17-2016, 05:48 PM Parent: #39
عادل البراري
ياخى سعيد بى حضورك
وخلينا نذاكر احاسيسنا يومها
ووجداننا
الذى تكون
وقصص وحكاوى
اهطل يا صديقى
Post: #40 Title: Re: ميرى محابتيه هيهى Author: محمد عبد الله حرسم Date: 03-16-2016, 11:19 AM Parent: #38
الحبيب ارتيقا
يديك العافية
مجرد تحية وشوق
لحين عودة بى مزاج
شفت زمان كان كيف وهسى كيف
كل شىء يتغير
Post: #42 Title: Re: ميرى محابتيه هيهى Author: محمد عبد الله حرسم Date: 04-04-2016, 05:38 PM Parent: #40
كان عندنى صديقى استاذ ثانوى عالى زول لذيذ جدا قال لى اسها حاجة انك تعمل فلم هندى قلت ليهو كيف قال لى تجيب خلاطة وترمى بحر وقطر ومركز شرطة وضابط بى جنبات وبت سمحة وعربات جيب وحصان وجبال وحدائق وسحاب وقرد وبقرتين تلاتة واغنيتين تلاتة وحبة عيون غلاد شريرة كدا ومعاها كم هزة راس وتروح خالط الخلطة قسم بالله قال لى اكان براهو يعمل ليك سيناريو ما حصل