رفع سعر الغاز 200% .. لو حكمنا كلاب لكان حالنا افضل , هم ادنى

07:56 AM Jan, 26 2016

سودانيز اون لاين
هشام عباس-
مكتبتى
رابط مختصر

لم يستفزنى رفع سعر الغاز فى حد ذاته لان الامر ليس جديدا فهذا حالنا منذ استلامهم السلطة المواطن هو من يتحمل عجز الدولة لكن المستفز فى الموضوع انه لاول مرة فى تاريخ البشرية تقوم حكومة برفع سعر سلعة ضرورية ويومية بنسبة 200% مرة واحدة من 25 جنيه الى 75 جنيه بزيادة 50 جنيه ..هذه هى البجاحة فى ابهى صورها .
اقسم بالله العظيم لو كان السودان يديرها كلاب لما وصل حالنا الى ما وصلنا اليه .. صدقونى من يدرون البلد هم ادنى من الكلاب بمراحل ..لا احساس بحال المواطن ولا قدرة على انقاذ اقتصاد منهار كلما فشلوا حملوا المواطن نتيجة فشلهم .

ود الباوقة قال ليك حتنبهل

Quote: ود الباوقة قال ليك حتنبهل

اكيد حتنبهل
كل زيادة يدفعها المواطن هو انبهال فى جيوبهم

تحياتى

قال ح تنبهل
قلتا ليكم الكائن المستفز دا هو سبب الكج والنحس الحاصل دا .
كلما ورجغ ببوست أو مداخلة كلما ضاقت واستحكمت حلقاتها ..
والله إذا الناس شيطنت الحكومة وجعلتا في الدرك الأسفل فالسبب
أمثال اللخو دا ..
أنا ما عارف ناس الحكومة ديل صابرين عليهو كيف ولمتين ؟

هشام
75 جنيه ( بالجنيه الجديد )
دا في المدن الكبرى و بالذات في الخرطوم العاصمة
لكن في القرى و الارياف بـ 150 جنيه ( بالجنيه الجديد )
تتذكر اول مااا طلع الغاز
كان بـ 10 جنيه ( بالجنيه الجديد )
و قالوا كميات هاااااائلة في مصفاة الجيلي و لانه ما عندهم خزانات كافية قالوا الكيزان حرقوه
و حرقه معه مرارتنا ...

شوف يا هشام المقدمات:-بدرية الترزية تفصل قانون ضد التظاهر تصل عقوبتو الى ه سنة سجنارجع شوف ميزانيتهم بتاعة 2016 اجازوها من غير حتى يجيبو سيرة رفع الدعم ولا دخلوه الموازنة ..نرجع لموضوع الانخفاض العالمي للبترول ومشتقاتو الا يكون الغاز من مشتقات بول البعير ..دولة ماشة ام فكو ..لازم تعتذر للكلاب لانها فيها وفاء لو قسموه على كل اخوان الشياطين في الدنيا لتفوق عليهم.تبا لهم بس بيني وبينك نحن نستاهل ..تحياتي هشام مداخلة مجوبكة ومتداخلة وغير مرتبة من حالة القرف الانا فيه ..

زيادة 200% والله ببالغوا عديل كده
أي عجز في الميزانية يحملوه المواطن
ماقادرين يسيرو أمور البلد .. ومكنكشين في السلطة

Quote: قال ح تنبهل قلتا ليكم الكائن المستفز دا هو سبب الكج والنحس الحاصل دا . كلما ورجغ ببوست أو مداخلة كلما ضاقت واستحكمت حلقاتها .. والله إذا الناس شيطنت الحكومة وجعلتا في الدرك الأسفل فالسبب أمثال اللخو دا .. أنا ما عارف ناس الحكومة ديل صابرين عليهو كيف ولمتين ؟

المشكلة يا طلحة ناس الحكومة كلهم كدا عشان كدا طبيعى يصبروا عليه
بالله امسك كل مؤيدى الحكومة فى المنبر دا واتوسع كدا لغاية اكبر مسؤول فرقهم شنو من عقلية ود الباوقة ؟؟
الكع كرع اللى بيكتبا ود الباوقة هنا هى نفسها الكع كرع اللى بيمارسا البشير لما يصعد اى منبر فى لقاء جماهيرى

تحياتى

Quote: هشام 75 جنيه ( بالجنيه الجديد ) دا في المدن الكبرى و بالذات في الخرطوم العاصمة لكن في القرى و الارياف بـ 150 جنيه ( بالجنيه الجديد )

دى طبعا مسألة مفروغ منها
مش بس الفرق بين الخرطوم والاقاليم لا حتى ال75 جنيه دى ما حتكون سعر الخرطوم ال75 دى السعر الرسمى المعتمد لكن لغاية ما تطلع من المخازن وتصل للمستهل اللى فى الخرطوم زاتو حتمر برسوم كتيرة كلها تحمل على المواطن كتكلفة كلية لذلك اتوقع ان سعر الخرطوم ستكون اكثر من 75 جنيه بالنسبة للمواطن بعدها اتخيل الولايات والقرى البعيدة تكون كم ؟؟؟

تحياتى عماد

Quote: شوف يا هشام المقدمات:-بدرية الترزية تفصل قانون ضد التظاهر تصل عقوبتو الى ه سنة سجنارجع شوف ميزانيتهم بتاعة 2016 اجازوها من غير حتى يجيبو سيرة رفع الدعم ولا دخلوه الموازنة ..نرجع لموضوع الانخفاض العالمي للبترول ومشتقاتو الا يكون الغاز من مشتقات بول البعير ..دولة ماشة ام فكو ..لازم تعتذر للكلاب لانها فيها وفاء لو قسموه على كل اخوان الشياطين في الدنيا لتفوق عليهم.تبا لهم بس بيني وبينك نحن نستاهل ..تحياتي هشام مداخلة مجوبكة ومتداخلة وغير مرتبة من حالة القرف الانا فيه ..

شكرا ود دفع الله
صدقت فى كل ما قلت

Quote: زيادة 200% والله ببالغوا عديل كده أي عجز في الميزانية يحملوه المواطن ماقادرين يسيرو أمور البلد .. ومكنكشين في السلطة

يا اخوى ديل عاملين زى القرادة
متشعبطين ما عايزين يفكوها وهم بيمصوا من دمنا