Post: #1
Title: سد النهضة... لو كنت وزيراً للري (صور وخيالات تقيلة)
Author: Mahmoud Mustafa Mahmoud
Date: 01-26-2016, 06:35 AM
05:35 AM Jan, 26 2016 سودانيز اون لاين
Mahmoud Mustafa Mahmoud-Jeddah – Saudi Arabia
مكتبتى
رابط مختصر
طوالي كنت حا أعمل مجموعة من الترع على غرار ترعتي الرهد وكنانة..ترع كتيرة جداً على امتداد النيل الأزرق قبل ما يخمش الخزانات المتهالكة بتاعنا..وترع بعد الخزانات... أعني الروصيرص وسنار...ترعة عملاقة تجي شاقة البطانة دي من لدن الدندر وتعمل دلتا في العتامير بين عطبرة وبورتسودان..ذلك من شأنه أن يضمن امتصاص خطر الطوفان في حالة انهيار السد من ناحية ..وكذا... ضمان اخضرار الأرض غير المستغلة بما يعود بالنفع على الإنسان ومعاشه واستقراره .. زرعاً وضرعاً... وتمني......بالله شوف.....
بالنسبة للتعديلات :
الأول كان لتظبيط العنوان بإضافة (صور وخيالات تقيلة)
أما التاني .. لفصل البوست من كلمة رابط مختصر.
الثالت والأخير كان لفصل كلمة استقراره عن كلمة زرع. .كانت مكتوبة
واستقرارهزرعا. .. عاد ده كلام ده؟؟
|
Post: #2
Title: Re: سد النهضة... لو كنت وزيراً للري (صور وخيالا�
Author: Mahmoud Mustafa Mahmoud
Date: 01-26-2016, 07:02 AM
Parent: #1
اتخيلوووووووووا
لا وكمان عندي (حلمة) تانية...
نحفر حفير عظيمة... أكبر حفير في الدنيا...
نعملها أكبر بحيرة صناعية...
أكبر مزرعة أسماك ...
في نص الصحاري والعتامير..
..
.
|
Post: #3
Title: Re: سد النهضة... لو كنت وزيراً للري (صور وخيالا�
Author: Mahmoud Mustafa Mahmoud
Date: 01-26-2016, 07:09 AM
Parent: #2
الحفير العظيمة مربوطة بطريق الخير... مباشر الحفير - الميناء..
شاحنات وقرى جديدة وخضراء على دفتي الطريق الجديد...
وعرسان وأسر جديدة...
وسودانيين جدد..
..
|
Post: #4
Title: Re: سد النهضة... لو كنت وزيراً للري (صور وخيالا�
Author: Mahmoud Mustafa Mahmoud
Date: 01-26-2016, 11:57 AM
Parent: #3
عشان كده ..
ربما لا أصلح لهذا المنصب..
..
....
|
Post: #5
Title: Re: سد النهضة... لو كنت وزيراً للري (صور وخيالا�
Author: مجدي عبدالرحيم فضل
Date: 01-26-2016, 12:38 PM
Parent: #4
كنت بيعت النيل
للصين ويجيبوا لينا موية معباة وكهرباء وبس
|
Post: #6
Title: Re: سد النهضة... لو كنت وزيراً للري (صور وخيالا�
Author: الطيب مصطفى
Date: 01-26-2016, 01:58 PM
Parent: #5
ماك ود جزيرة بتسويها
|
Post: #8
Title: Re: سد النهضة... لو كنت وزيراً للري (صور وخيالا�
Author: Mahmoud Mustafa Mahmoud
Date: 01-26-2016, 09:54 PM
Parent: #6
الطيب مصطفى يا طيب القوم ..
حبابك يا دفعة ...
شايف حلمي الجميل ده ..يقول للجزيرة
إنتي بتعرفي شنو؟؟
خضرة ونضرة وسمك وحاجات environment friendly
غايتو البصحيني ما عافي ليهو من هسي..
انا وإنت والنيل والقمر...
...
.
|
Post: #7
Title: Re: سد النهضة... لو كنت وزيراً للري (صور وخيالا�
Author: Mahmoud Mustafa Mahmoud
Date: 01-26-2016, 09:46 PM
Parent: #5
الحبيب مجدي أبو قصي
وينك يا زول يا جميل؟؟
الصينيين لو ما اخليهم متكلين السنة كلها في بحيرة السمك
شي صيانة وشي معايش عدييييل ..ما أكون محمود. ..
تحياتي..
.
|
Post: #9
Title: Re: سد النهضة... لو كنت وزيراً للري (صور وخيالا�
Author: El-Saddig Abdalla Abbas
Date: 01-27-2016, 01:24 PM
Parent: #7
حلمك يا جميل
هسع حلمك دا أكبر من قناة السويس الموازية الجديدة العملوها المصريين في أقل من سنة في شنو؟
حلم شرعي جداً
بس من ناحية جيولوجية ما اعتقد قابل للتطبيق، لكن الفكرة حبابها
|
Post: #10
Title: Re: سد النهضة... لو كنت وزيراً للري (صور وخيالا�
Author: Mahmoud Mustafa Mahmoud
Date: 01-27-2016, 01:31 PM
Parent: #9
الصادق يا ود عمك عبدالله عباس يااااااااااااخ...
جيولوجية بتاع فنيلتك؟؟
هسي الحفير دي عايزة ليها جيولوجيا كمان؟؟
قالوا السد يخزن 74 مليار متر مكعب..
نعمل حفير تبلع 76 مليار متر مكعب...
حفر تقيل قال ليك..
..
ثم حبابك والله..
..
.
|
|