Post: #1 Title: رئيس كوريا مطلوب إعارة في السودان لتأديب الوزراء الفاسدين(صور) Author: Adam Youssif Date: 01-25-2016, 01:58 PM
12:58 PM Jan, 25 2016 سودانيز اون لاين Adam Youssif-Jeddah, Saudi Arabia مكتبتى رابط مختصر
Post: #2 Title: Re: رئيس كوريا مطلوب إعارة في السودان لتأديب � Author: علي عبدالوهاب عثمان Date: 01-25-2016, 02:05 PM Parent: #1
حبيبنا آدم .. شكله كده صاحب وجه طفولي بريء وبعدين قصة الشعر كابوريا .. ده مفروض مغني راب .. يا آدم ده لو جا في السودان .. حيكون ظاهرة آخر تقليد وحلاقة ومعجبين .. ( تسريحة الرئيس )
بوست .. خفيف على المعدة ..
Post: #3 Title: Re: رئيس كوريا مطلوب إعارة في السودان لتأديب � Author: Adam Youssif Date: 01-25-2016, 02:32 PM Parent: #2
حبيبنا الاستاذ علي عبد الوهاب لك التحية
زولنا دة بالفعل أصدر أوامر للذكور بحلاقة شعرهم على نسق تسريحة رئيس البلاد على ألا يزيد طول الشعر اجمالاً على 2سم الزعيم الكوري كيم جونغ أون الذي عُرف بقصة شعره الغريبة وشخصيته المحبة للاستعراض بدأ العام الماضي حملة لمحاربة انتشار كل أشكال الثقافة الغربية التي وصفها الرئيس بـ"الرأسمالية"، حيث تنتشر بين الشباب الكوريين الشماليين بعض الموضات والتسريحات الشبيهة بالغرب والمرسوم الجديد جزء من هذه الحملة القمعية لتطهير البلاد من تلك الأشكال، حيث دعا الرئيس الكوري جميع الشبان والرجال إلى التقيد بقصة شعره التي نعتها بـ"الطموحة".
Post: #4 Title: Re: رئيس كوريا مطلوب إعارة في السودان لتأديب � Author: Munir Date: 05-22-2016, 07:56 PM Parent: #3
Post: #5 Title: Re: رئيس كوريا مطلوب إعارة في السودان لتأديب � Author: جلالدونا Date: 05-22-2016, 08:26 PM Parent: #4
يمين الله انا قايل الشغلة بدانة و سمن و تخانة من كترة الرمرمة هى تاريها عضلات غايتو كان حكم السودان الشعب كلو وقع فى غضب الله و خاصة النسوان .. شن قدرّن على جنس الحركات دى
Post: #6 Title: Re: رئيس كوريا مطلوب إعارة في السودان لتأديب � Author: Munir Date: 05-22-2016, 10:56 PM Parent: #5
الراجل طلع رياضى درجة أولى ، ولا أستبعد أنو يكون بطل تاكوندو .. لكين عجبتنى الصور الأولى بتاعة تفتيشه للمنتجات يفتش ليهو لسبب يعدم بيهو المتلاعبين .. ده الذى يتسق مع عنوان البوست ..
Post: #7 Title: Re: رئيس كوريا مطلوب إعارة في السودان لتأديب � Author: مني عمسيب Date: 05-25-2016, 08:44 AM Parent: #6
حبيبنا .. ادم لك التحية .. ولضيوفك الكرام ..
تصدق يا ادم كل ما اكون مدبرسة بتجه لبوستاتك .. ولو سمحت تعرش لينا علي كدا
وبعدين الزول السمح الفات الكبار والقدرو الشمالي كوري دا لو جاء السودان بحارب هولاء المفسدين بالنووي المهجج بيهو الدول الكبري دي ههههههههههههه .
هههههههههههههههه .
وتسلم يا الكلك تفرد .
*************** صهيل خيلِك وَرَا الضَهَرَاتْ، وفارْسِكْ حَىْ، قَدِحْة الضَّىْ، مَجَرْتَقْ بالنِّضَالْ مُـــــــــو نَىْ، ولا فَتَــــــــرْ إِتْفَـــــــزَرْ لا مَــاتْ .
Post: #11 Title: Re: رئيس كوريا مطلوب إعارة في السودان لتأديب � Author: Adam Youssif Date: 05-25-2016, 12:04 PM Parent: #7
العزيزة منى عمسيب ليكي التحية مشكووورة على رفع البوست
Quote: ولو سمحت تعرش لينا علي كدا
خلاص نعرش على كدة هههههههههههه بس الزنك والاسمنت غالي اضحك الله سنك تحياتي
Post: #10 Title: Re: رئيس كوريا مطلوب إعارة في السودان لتأديب � Author: Adam Youssif Date: 05-25-2016, 11:57 AM Parent: #5
الحبيب جلالدونا ليك التحية
Quote: غايتو كان حكم السودان الشعب كلو وقع فى غضب الله و خاصة النسوان .. شن قدرّن على جنس الحركات دى
هههههههههههههه والله دة كان حكم يعمل الشقلبنة اجبارية والنسوان يبقن رشيقااااات الله يجيبو حبابو
Post: #9 Title: Re: رئيس كوريا مطلوب إعارة في السودان لتأديب � Author: Adam Youssif Date: 05-25-2016, 11:53 AM Parent: #4
حبيبنا Munir اتاري الجنا دة ما ساهل عندو حركات الشقلبنة والهوبا تسلم على الفيديو الممتع والناااادر خايف اضحك يجي يعدمنا بتهمة الضحك على الزعيم ههههههههههههههه
Post: #8 Title: Re: رئيس كوريا مطلوب إعارة في السودان لتأديب � Author: عمر أبوعاقلة Date: 05-25-2016, 09:28 AM Parent: #1
سلام سيد البوست وضيوفه يا منير
Quote: لكين عجبتنى الصور الأولى بتاعة تفتيشه للمنتجات
شوف الشايلين ورقة وقلم وقاعدين يسجلوا .. خايفين أكتر من سيد المنتج زاتو
غايتو كان جاء علينا هنا .. يمين الله ما يفضل وزير ولا مسؤول
Post: #12 Title: Re: رئيس كوريا مطلوب إعارة في السودان لتأديب � Author: Adam Youssif Date: 05-25-2016, 12:11 PM Parent: #8
العزيز عمر ابو عاقلة ليك التحية
Quote: شوف الشايلين ورقة وقلم وقاعدين يسجلوا .. خايفين أكتر من سيد المنتج زاتو
غايتو كان جاء علينا هنا .. يمين الله ما يفضل وزير ولا مسؤول
ههههههههههههههههه الشايلين ورقة وقلم ديل كيفن ما يخافوا وهم شايفين القتل والجلد دة بس يا ريت يعيرونا الجنا دة للسودان دمت
Post: #13 Title: Re: رئيس كوريا مطلوب إعارة في السودان لتأديب � Author: جعفر محي الدين Date: 05-26-2016, 07:16 PM Parent: #12
الأخ أدم يوسف تحية طيبة
على رغم خفة دم البوست لكن أسمح لي أن اختلف جوهريا مع الشاب رئيس كوريا الشمالية
فطريقة حكمه بصرامتها وقسوتها لم تستطع أن تجلب الرخاء والسعادة للشعب الكوري الشمالي مثلما فعل حكم الديمقراطية والشفافية في الجارة الجنوبية والتي قفز اقتصادها قفزات كبيرة في السنوات الأخيرة وأحتلت صناعاتها ومنتجاتها الصدارة حول العالم في العديد من المناحي
Post: #14 Title: Re: رئيس كوريا مطلوب إعارة في السودان لتأديب � Author: احمد حمودى Date: 05-26-2016, 07:44 PM Parent: #13
Quote: وأحتلت صناعاتها ومنتجاتها الصدارة حول العالم في العديد من المناحي
حبيبنا جعفر محى الدين الززول دة صناعته كلها قنابل نووية وصواريخ ودبابات وكمان بساعد الدول فى صناعة القنبلة النووية وعنده خبراء اكفاء فى هذه المجال وما محتاج لى مصانع تانية انت ماك شايفه يفتش الاسباب للاعدام دة زوول خطر شديد ودموى اخطر من ابوه وجده ما يهمه اى حاجة
Post: #15 Title: Re: رئيس كوريا مطلوب إعارة في السودان لتأديب � Author: Munir Date: 05-26-2016, 11:38 PM Parent: #14
Quote: دة زوول خطر شديد ودموى اخطر من ابوه وجده ما يهمه اى حاجة
أحمد حمودى .. أسه بالله جده ده ذنبه شنو جايب سيرته فى الزحمة دى ؟؟.. الزول ده لو سمع بيك تأكد إنو عادمك عادمك ..
Post: #16 Title: Re: رئيس كوريا مطلوب إعارة في السودان لتأديب � Author: Munir Date: 05-26-2016, 11:43 PM Parent: #15
آدم يوسف ياعزيز .. زولك ده شغال بنظرية أعدم القراف خلى الجمل يخاف .. ياربى وزير الثروة السمكية داك يكون حى؟؟ ..
Post: #17 Title: Re: رئيس كوريا مطلوب إعارة في السودان لتأديب � Author: Munir Date: 05-27-2016, 00:34 AM Parent: #16
سلام عمر أبوعاقلة .. قلت لى الجماعة شالين أوراقهم يسجلوا ويتراجفوا .. البنى آدم ما بتنفع معاهو غير العين الحمراء .. بعدين الزوول أبو وجهاً جامد ده الظاهر عليهو أشتر، لا تعرفه زعلان منك لا تعرفه راضى عنك .. تقول تهظر معاهو يعدمك ..
