Post: #1 Title: بورداب الرياض يقيمون حفل غنائي بمشاركة الفنان عصام محمد نور Author: معتز زيزي Date: 01-24-2016, 07:47 PM
...يُقيم بورداب الرياض حفل غنائي ساهر بمشاركة الفنان عصام محمد نور
ذلك يوم الجمعة ٢٩ يناير ٢٠١٦م بقاعة ينابيع بمخرج ١٨
للحجز والاستفسار بإمكانكم التواصل من خلال الأرقام أدناه طارق نقد ٠٥٥١٤١٥٢٥٨ أيمن دياب ٠٥٥٤٠٠٩٢٥٢
<
>
Post: #2 Title: Re: بورداب الرياض يقيمون حفل غنائي بمشاركة ال Author: عبدالمنعم الطيب حسن Date: 01-24-2016, 08:39 PM Parent: #1
هلا ريري؛ اوعاك تقول لي الدخول بفلوس؛ غايتو انا مجاني ما جائي... عصاك مين؛ وعصام ايه؟ وعصام بتاع الساعة كم؟ حضرت شوية في احتفالات عيد الاستقلال؛ ذاك الذي اقيم قبل يومين... وغادرت سريعا قبال ما يبدا الزول دا في النيصان!!! طبعا نحن دائما بنكون وراء مع الشعب؛ فلاش ساكت ما قاعد يصلنا... .................. عصام يكتل اجعص اغنية؛ عمري ما قدرت اتم معاهو غنوة... يا غفوت ؛ يا كمان ارحت واسترحت وغيرت القناة؛ ويا اضان ما دخل نيصان.... وبعدين الكشيم البلا سبب لزوم شنو... .................. غايتو الزول دا ما عندو اي علاقة بالفن؛ مداح ممكن؛ اما فنان حتة واحدة؛ لا ؛ الله يرحمك يا محمود.. احترم خيارات مستمعينه ان كان له؛ اما رائي فصوته ضعيف؛ وليس له طلة؛ ولا حضور... .................. ولصديقي ايمن دياب عاطر التحايا؛ ولك يا ريري؛ تاني والزعل مرفوع؛
Post: #3 Title: Re: بورداب الرياض يقيمون حفل غنائي بمشاركة ال Author: ABUHUSSEIN Date: 01-24-2016, 08:54 PM Parent: #2
دا شنو يا عبدالمنعم .. ؟؟؟؟
Post: #4 Title: Re: بورداب الرياض يقيمون حفل غنائي بمشاركة ال Author: معتز زيزي Date: 01-24-2016, 09:04 PM Parent: #2
أخونا وحبيبنا عبد المنعم
مشتاقين يا حبوب الفن دا ماعونه كبير ، والأذواق بتختلف وطبلات الأذن ما بتتشابه
أنا بحب وردي وأنت بتحب ود الأمين في النهاية فن ورسالة
عندنا واحد زميلنا في العمل دائماً شابكنا ليك Nothing ورغم ذلك المسيرة ماشه أشياء كثيره قد لاتعني لك أو لي شى وعند البعض تعني الكثير
بالمناسبة أنا عندي أخوي Amin Cont أشهر فنان DJ في السودان لا بعزف ولا بغني آخر حفل ليهو في رأس السنة حقق أعلى دخل وضرب الأرقام القياسية أها شوف جنس دا ... عشان كدا قلت ليك الناس أذواق أهم حاجة ما نبخس للناس حاجاته
وأنت طيب يا حبوب كان جيت دخولك مجاني وبنقعد نتوس في آخر الصف
ياخ لقاء الأحباب في حد زاته حفل ساهر
دمت بود
Post: #5 Title: Re: بورداب الرياض يقيمون حفل غنائي بمشاركة ال Author: عبدالمنعم الطيب حسن Date: 01-25-2016, 05:39 AM Parent: #4
هلا ابوحسين؛ لعلك بالف خير... واسرتكم الكريمة؛ كنت اود ان التيقك في حفل الاستقلال؛ لكن الناس كتيرة؛ واكيد انت قاعد في المقاعد الامامية؛ مع علية القوم؛ البورداب... معظم الوقت كنت في اخر الصفوف؛ متابع الاطفال... ان شاء الله نتقابل في مقبل الايام... .................. هلا ريري تاني؛ صحيح لقاء الاصحاب؛ وبعض من انس؛ اهم مافي اللقاء ؛ والتجمع... نتلاقى في الزمن النصيح ميعادنا في وش الفجر؛
Quote: نا بحب وردي وأنت بتحب ود الأمين
ايش جاب لجاب؛ انت كمان ما تبااااااااااااااااالغ؛ عموما نحن نقطف من كل بستان زهرة؛ ومن كل خميلة وردة؛ ولا نغشى الصحارى؛ ولا الارض البور؛ ولا النيصان يزورني... .................... ويبقى الود والاحترام لك ومثله لاب حسين؛ ولحسين... وطارق نقد؛ وصديقي ايمن دياب؛ ........
Post: #6 Title: Re: بورداب الرياض يقيمون حفل غنائي بمشاركة ال Author: فرحات عباس Date: 01-25-2016, 07:13 AM Parent: #5
يا بشيري .. الجماعة ديل يجيبو ليك فنان من وين ... يا هم ديل الفنانين العندنا .. فرفور وطرطور وتمتام وقطاع ... الله يستر
Post: #7 Title: Re: بورداب الرياض يقيمون حفل غنائي بمشاركة ال Author: فرحات عباس Date: 01-25-2016, 07:22 AM Parent: #5
يا بشيري .. الجماعة ديل يجيبو ليك فنان من وين ... يا هم ديل الفنانين العندنا .. فرفور وطرطور وتمتام وقطاع ... الله يستر
Post: #8 Title: Re: بورداب الرياض يقيمون حفل غنائي بمشاركة ال Author: ABUHUSSEIN Date: 01-25-2016, 10:34 AM Parent: #7
Quote: واكيد انت قاعد في المقاعد الامامية؛ مع علية القوم؛ البورداب... معظم الوقت كنت في اخر الصفوف؛ متابع الاطفال... ان شاء الله نتقابل في مقبل الايام.
ما عارف من وين جبته الأكيدة دي ... انا ما كنت موجود في الاحتفال لظروف منعتني من الحضور ... ما عارف انت قعدت في اخر الصفوف ليه ...؟؟؟ الكراسي مكتوب فيها الاسماء .. ؟؟؟ و ل ناس اللجنة قالو ليك اقعد في اخر الصفوف ... ؟؟؟؟
Post: #9 Title: Re: بورداب الرياض يقيمون حفل غنائي بمشاركة ال Author: عبدالمنعم الطيب حسن Date: 01-25-2016, 11:28 AM Parent: #8
هلا ابو حسين... ياخ انا بهظر معاك بس؛ اللجنة كلهم احبابي؛ وانت ذاتك رجل كريم؛ لا انسى الباسطة لتي استقبلتنا بها في اول تجمع احضره؛ واتمنى نشوفك في مقبل اللقاءات...
Post: #10 Title: Re: بورداب الرياض يقيمون حفل غنائي بمشاركة ال Author: عبدالمنعم الطيب حسن Date: 01-25-2016, 11:36 AM Parent: #9
Quote: يا بشيري .. الجماعة ديل يجيبو ليك فنان من وين ... يا هم ديل الفنانين العندنا .. فرفور وطرطور وتمتام وقطاع ... الله يستر
هلا فرحات؛ وينك يا كبتن... مختفي شديد!!! لعلك والاسرة الكريمة بالف خير وعافية... ديل فنانين عهد الغيبوبة؛ بكرة نفيق؛ وياتي فنانون يدوزنون عصب الزمن الاشتر هذا؛ بموسيقى لا تقول كلاما ولكنها تردم الهاوية... وبركة الطلة ياخ...
Post: #11 Title: Re: بورداب الرياض يقيمون حفل غنائي بمشاركة ال Author: محمد ادريس زمراوي Date: 01-25-2016, 11:38 AM Parent: #9
حضور باذن الله يا معتز
Post: #12 Title: Re: بورداب الرياض يقيمون حفل غنائي بمشاركة ال Author: أشرف الرحال Date: 01-25-2016, 12:33 PM Parent: #11
حضور بأذن الله صحبة راكب مع فردتي حسن مهدي
مودتي
الرحال
Post: #13 Title: Re: بورداب الرياض يقيمون حفل غنائي بمشاركة ال Author: أيمن محمود Date: 01-25-2016, 12:57 PM Parent: #12
كلام جميل والله،
نحييكم من على البعد على مجهودكم لربط المغتربين في الرياض بأجواء السودان، نتمنى الحضور والتمتع بحفل موسيقي سوداني راقي، ويا لحوجتنا جميعا لعيش اجواء السودان في الرياض ونتمنى تجربة جميلة تجر وراءها العديد من الحفلات الموسيقية لكافة الفنانيين السودانيين في مدينة الرياض ،، اسوه بحفلات الفنانيين السودانيين في الامارات.
مشكورين على المجهودات وبالتوفيق
Post: #14 Title: جانب آخر من أجواء السودان Author: قصي محمد عبدالله Date: 01-25-2016, 01:25 PM Parent: #13
Quote: نحييكم من على البعد على مجهودكم لربط المغتربين في الرياض بأجواء السودان
يعني الويكة واللالوب و النبق والقنقليز والقرض... والمقاشيش والعرديب .. ديل كوووووووولهم ما جابن دخل للجو السوداني!
Post: #15 Title: Re: بورداب الرياض يقيمون حفل غنائي بمشاركة ال Author: أيمن دياب Date: 01-25-2016, 01:28 PM Parent: #13
صديقي عبدالمنعم الطيب البشوفك هاشي وباشي ومبتسم.. ما يقرأ ليك لمن تكتب.. امسك في كلام زيزي ده قوي.. والاختلاف جميل، والاجمل احترام الميول
والثورة مستمرة..
Post: #16 Title: Re: بورداب الرياض يقيمون حفل غنائي بمشاركة ال Author: Yousif A Abusinina Date: 01-25-2016, 03:27 PM Parent: #15
كلام جميل
Post: #17 Title: Re: بورداب الرياض يقيمون حفل غنائي بمشاركة ال Author: ناصر النعمان البدوي Date: 01-26-2016, 08:54 AM Parent: #16
التحيات للجميع
بس حتة الحجز والاستفسار دي لو امكن توضيحها للجميع
Post: #18 Title: Re: بورداب الرياض يقيمون حفل غنائي بمشاركة ال Author: Khalid Saeed Date: 01-26-2016, 08:56 AM Parent: #16
Post: #19 Title: Re: بورداب الرياض يقيمون حفل غنائي بمشاركة ال Author: Khalid Saeed Date: 01-26-2016, 09:07 AM Parent: #18
في حضرة الجميل عصام سيطيب لنا الجلوس في حضرته امنى النفس بالإرتحال في عوالم تطريبه .. وإستحضار أرواح احبابي الذين أشتهيهم .. فكل مقطع من اغاني عصام .. يرسم وجه احباب اهديتهم عشقى واهدوني ذكرى محفورة في الخاطر وكل غنية يؤديها عصام اجد فيها ابداع منقطع النظير ، حقا نراهن عليك في الساحة الفنية ياجميل .. التحية لعصام ولكم ايها الجميليين
أهديكم الزول الجميل
Post: #20 Title: Re: بورداب الرياض يقيمون حفل غنائي بمشاركة ال Author: Yousif A Abusinina Date: 01-26-2016, 10:02 AM Parent: #19
ي حضرة الجميل عصام سيطيب لنا الجلوس في حضرته امنى النفس بالإرتحال في عوالم تطريبه .. وإستحضار أرواح احبابي الذين أشتهيهم .. فكل مقطع من اغاني عصام .. يرسم وجه احباب اهديتهم عشقى واهدوني ذكرى محفورة في الخاطر وكل غنية يؤديها عصام اجد فيها ابداع منقطع النظير ، حقا نراهن عليك في الساحة الفنية ياجميل .. التحية لعصام ولكم ايها الجميليين
أهديكم الزول الجميل
هوووووووووى يالارباب كلام شنو دا انت دخلت عندنااااااااااااااااااااااااااا
Post: #21 Title: Re: بورداب الرياض يقيمون حفل غنائي بمشاركة ال Author: Khalid Saeed Date: 01-26-2016, 10:22 AM Parent: #20
♥ حبيبنا أبو سنينه ♥ ههههههههههههههههههه
شوف دي بالله .. ياخ دي بكت الحلوووين لاحدهم
بكره اعمل ايه .. كترت الأشواق اتكويت بالنار .. الفراق حراق .. يرضيك يقيف نبضي .. كان بي هواك خفاق
Post: #22 Title: Re: بورداب الرياض يقيمون حفل غنائي بمشاركة ال Author: أيمن محمود Date: 01-26-2016, 11:47 AM Parent: #21
Quote: يعني الويكة واللالوب و النبق والقنقليز والقرض... والمقاشيش والعرديب .. ديل كوووووووولهم ما جابن دخل للجو السوداني!
همك في بطنك يا قصي ،،، جداد الوطنية خربك
Post: #23 Title: Author: قصي محمد عبدالله Date: 01-26-2016, 11:56 AM Parent: #22
<