انا انصرافي واعيش في برج عاجي

05:17 AM Jan, 24 2016

سودانيز اون لاين
عبدالحفيظ ابوسن-كوستي / الحلة الجديدة
مكتبتى
رابط مختصر

الاعتراف بالذنب فضيلة
ملحوظة
هذه ليست آية ولا حديث شريف

قالوا
وآفة الاخبار رواتها
وهذا ايضا ليست آية
قالوا نميري قال
الشيوعيين بقولوا انا برجوازي صغير .. انا ما برجوازي صغير انا برجوازي كبير جدا

Quote: وآفة الاخبار رواتها

ود أب سن
كيفك
حا شاك
____
الحليلة

حبابك الحليلة
حبابك يا صاحب
شوف جنس الكلام دة عليك الله
واشكر لك مواساتك

كما يقول اهله اللغة
انصرف عنه تركه
انصرف له مال عليه ولزمه . انصرف لعمله التزمه

تستاهل ياخ بعد الكدح الطويل دا

أياً كان موضوع البوست

صباح الخير عبدالحفيظ
نميري
رحمة الله عليه
لو حذف الباء وبدل الكاف ح
كان بكون جاب التور من قرنو

اها
بتبقا انصرافي دي محتاجة لي شارع مرسوم لي وانا حدت عنو
يعني في واجب محدد حسب فهم الزول الاطلق الوصف عليك هو البحدد انصرافيتك
يعني مثلا
لو كنا بنجهز لي تربيزة كوشتينة مثلا .. ولا حفلة .. وكل الاهتمام منصب نحوهما ..
لو واحد قال يا جماعة في ليلة شعرية كاربة .. دة بكون بالنسبة لينا زول انصرافي .. فقد حاد عن الهدف المتوجهين ليهو كلنا
ف شنو
لو واحد قال ليك انصرافي .. عاين ليهو اول .. بتحديد ماهو .. ممكن تحدد
هل انت منصرف عن عمل تافه لي عمل اسمي
ولا العكس
ف شنو مرات انصرافي دي شهادة تقديرية وزي ما بقولو
الفضل ما شهدت به الاعداء
ودي برضو ما آية
عشان شايف الايام دي في حركة تأليف وداير ابري ذمتي
تنبيه
يمكن تقرا تحريف بدل تأليف

Quote: انصرافي

أعترض وبشدة عن هذه الكلمة،
لا شئ إنصرافي،
ولا داعي لتبخيس آراء النفس وآراء الآخير،
كلنا محتاجون للنقاش حول كل كبير وصغير.
تحياتي

سلام ....

الباين الكلام وراهو كلام وجعك شديد

لو كان ده الموضوع، يا صاحب خليك زي ما إنت والشايف العوج يركب نضارة (برضو ما حديث)

تحياتي

المصطلح ذاتو بدون معنى

شايف يا أبوسن اليد الواحدة دي؟ فيها خمسة مصابعين مش كدة؟ الأربعة واقفات براهن بجنبة ومتفقاااات،متلصقات ويتونسن اليوم كلو، الملاح الفي داخلاتنو سوا، الكف البيطرقع بضربنوا سواء الحككان للضهر بيخرشنوا سوا. علا أخوهم الكبير داك ما شغالات بيهو وبيقولن عليهو "انصرافي" أها من تجي الشغلة المهمة، كلهن ما بينفعن ولا بيقدرن يسونها براهن الأربعة. إلا يجي خيهن الانصرافي دا ذااااتو يجيها ليهن كان زراعة، كان شيل تقيلة، كان بُنية في وش زول وكان سلام حار وكان الكتابة الساااااهلة دي. ___ أخوك حاتم الانصرافي.

Quote: الحوار او حوار الطرشان اظهر حقيقة ناس كتار هنا في المنبر و الخلايا النائمة طفحت من علي بالوعة مافيا الكيزان و علية ارجو من كل الشرفاء مقاطعة بوستات كل من يدعو للحوار او شارك في الجوار مع القتلة و الحرامينه في مافيا الانقاذ

لقد تبين انك لم تأتي لحوار
1-التجاهل
2-التجاهل
3-التجاهل

--------
قلنا نصرف ليك من كوتة مصطفي محمود 😜😜😜😜


-----
استغفر الله

الجماعة بسننو مع بعض وبدفعو عدلهم .. وبجيبو الفرح المعبأ في الزجاج .. هسة بقا في اكياس نايلون .. انصرافية مني كدة ساي هل البتاع دة بتفاعل مع البلاستيك وبسرطن ولا ما اظن .. اقلاها الزول ينبه الناس دي ما تبقا عليها اتنين
المهم
وبرسلو زول يجيب الشربة والعشاء . الزول اللما القروش من الناس . ادي القروش لمسؤول البهجة والتغذية .
وقال ليهو
دي مية .. جيب عرقي بي 70 ج وعشاء بي 30 ج
نط واحد من الناس البضقلو قبل الزمن .. وبرضو انصرافية مني ساي .. واحد قريبي بكونوا مجزهين القعدة وهو واقف في المصلاية لصلاة العشا راجي الاذان .لازم يصلي حتي يخش في عوالم البهجة
اها بكون واقف .. قولت الاذان الله اكبر .. هو بكبر للصلاة
مع تسليمو من الصلاة . بسلم يمين .. مع تسليمة السلام
السلامو عليكم ورحمة الله .. كبو لي
اها نط واحد
قال للاقترح توزيع الكعكه !
انت انصرافي كدة مالك !! جنك بطنك واكل
جيب عرقي بي 95 ج وعشاء بي 5

تعرف يا معاوية
جماعة من اعمامنا قاعدين في دكان .. وجا عيل صغير ! وبدو يشاغلو فيهو مشاغلة لا تخلو من فسق وفجور
معاهم عمنا كدة . حسب المشاغلة ركب معاهم الجو
الولد انخلع
قال ليهو
انت ياعم فلان من اهل ذلك برضو !؟
رد ليهو عمنا
قال ليهو
يا ولدي انا ذلك زاتو
ف شنو
انا ذلك زاتو

يا دفعه ... سلام

هو قال ليك انتاا انصرافي ؟؟؟.. ولا الموضوع انصرافي ؟؟؟ لان هناك فرق ...
غايتو انا بتذكر اتداخلت معاك في موضوع تروس والادبخانه داك .
وقلت ليك الموضوع دا صرفتو فيه عربي كتير ... وهو انصرافي
اذا كنت بتقصدني انا .. فانا باعتذر منك حتى تسيل الدماء للركب ...

واحترامي لك الذي لا ينقطع ...

تنبيه هام
ليس الامر شخصيا ابدا
بل
علي سبيل التنظير العام
والمتعة الذهنية
والانصرافية الموغلة في الانصراف

Quote: Šحبيبنا أبوسن .. شيخ الأمين ده .. أكيد عندو مستشارين .. ( لأنه صرف الناس عن القضية وعمل الموضوع نكته .. زميلي في المكتب مبسوط من البوست ده وكلام شيخ الامين .. حسب علمي دي يسموها ( الانصرافية ) دايفريب أتنشن ( فريق الجهاد في أمدرمان )

حبيبنا أبوسن ..
يا سلام .. لم ارى هذا البوست إلا قبل دقائق .. كنت مع عثمان الشفيع في بوست أبوحسين ..
أما ورد أعلاه في ( بوست الأمين ) أقسم بالله العظيم لم أكن أقصدك في شيء .. وأنا أقسم لك راجياً
أن تصدقني .. بعد بلغنا من العمر عتيا .. صدقني لم أكن أقصد ما ذهبت إليه .. ولا جال في خاطري يوماً ..
جميع بوستاتك كنت أحبها جداً وخاصة تفاصيل مدينة والتي لنا معها تواصل جميل رغم أنني لم ازورها أبداً
لأن أهلنا من ناس دنقلا كانوا يعملون في ورشة الحوض بكوستي ( البواخر ) خالي وعمي ..
المهم :
لكي أذهب عنك أي شك أو ريبة نحوي .. فأحكي لك القصة بالتفصيل ..

زميلي قرشي في العمل حكي لي عن قصة الامين وكيف أنه ضلل أتباعه بأنه كان متعبداً وصائماً في السجن أو الخلوة
فنقاشنا أنا وزميلي يومي لا ينتهي وفي مواضيع كثيرة والامين في هذه الايام .. فأنا كنت مصر على رأي بأن الامين لديه مقدرات
بغض النظر عن سلوكه ( فهو شخص لديه كاريزما ويستطيع إقناع الآخر بل ويمكن أن يجعله تابعاً له ) فقلت له بأننا كسودانين
لا نملك هذه القدرات بل القليل منا .. وجاء هذا بناءاً على الجنسيات الاخرى ( مصري لبناني سوري ) متسيدين على المكتب
(( وأقول .. بالله أنا وإنت لو كنا عندنا مقدرات شيخ الامين .. ما كنا إستلمنا الكفيل ده )) هذا ما كان يدور بيننا ..

بعد ذلك نبهني إلى البوست (( ليتني لم أتداخل فيه )) وجاء إلي ضاحكاً .. شفت شيخ الامين قال شنو (يقصد الجهاد فريق أمدرمان وليس الجهاد المقصود )
رجعت فقلت له .. يا إبني هذا أيضاً تصرف ذكي جداً .. فبهذه الطريقة شيخ الامين يصرف الناس من القضية الاساسية إلى قضية فرعية .. فجئت بمصطلح ( الانصرافية)
فقلت مازحاً ( يا أخي انا من غير ناطقين .. إنتو تقولوا تشتيت الكورة ) .. فقلت له ( من أجل صرف النظر عن مونيكا .. كلينتون دمر لينا مصانع الأدوية ) فكان الموضوع
ضحك وقضاء وقت أكثر كونه شيء آخر ..

فأنا عندما تداخلت معك أخي الكريم أقسم الله لم أقصد أنك تروج لهذه القضية أو لم أقصد عن أنقص من قدرك أو من أقلل من قيمة البوست ..
فقط كنت أريد أن ألمح أن هذا الشيخ الامين .. رجل ذكي أو لديه مستشارين يوجهونه ..
وأعتذر لك من الاعماق .. وبكامل قواي العقلية .. التي أكل منها الدهر والشرب ..
وإعتذاري للجيمع .. وأشهد الله أنني من يوم دخلت هذا المنبر لم أقصد أحد بسوء ..

كان جل وقتي ومداخلاتي في التراث النوبي ووضعنا المزري في ضواحي الدنيا ..

مليون إعتذار ..
وأكرر الاعتذار حتى ترضى وتأكد تماماً أن ليس بيني وبينك شيء .. وأرجع إلى كل بوستاتك كنت
مصراً المشاركة معك والتعبير عن إعجابي بكتابات .. رغم أنك لم تكن ترد علي ربما لمشغولياتك ؟؟

وأريد أن أختم بإعتذار .. لأن التطاول أو الاساءة او التقليل من شأن الآخرين ليس من شيمتي
ولا أرضي لأحد ما لا أرضاه على نفسي ..

أرجو أن تكون قد قبلت أعتذاري .. ولو لم يكفي تلفوني في الخاص إتصل أي وقت ..

معليش طولت عليكم ..
كمان تاني إعتذاري ..

يعني النعتك بالانصرافيه دا .. ما غلتان فيك

لا يا علي ياخ
والله بالغت ياخ
ابدا ما قاصدك ولم يدر بخلدي
بل انا من يعتذر لك
اعتذر بصدق لك ولكل من ظن اني اقصده ولكل من سيظن لاحقا ... والماظن زاتو ولا فكر يظن
اسف جدا
بالجد لا احد مقصود بعينه
كدة البوست اتفخخ

معليش حبيبنا الجميل .. أبو سن ..
يا سلام يا اخي .. بنيت كلامي على آخر مداخلة معك .. حبيبنا ابوسن ..
الحالة دي إلا يشخصها لينا دكتور سيف يمكن هو الوسواس القهري .. جائز مع الكبر وسنين الغربة
وهذا الوسواس لا ينطبق إلا على شخص تكن له كل الحب والتقدير وتخاف من زعله .
تحت عبارة ( يمكن الزول ده زعلان مني )

تحياتي ومودتي .. ومعليش واصل في البوست ..

حبابك ابوسن كيف حالك
تعرف انا نفس الاخوة المتداخلين
وصل لي فهم انو في واحد وصفك
بالانصرافية لكن قلت النشوف البوست ماش
علي وين مانقوم نشوت ضفاري ساي ودخلت
لقيت الجماعةداخلين في اضافريهم والاعتزارات رقدت خل
هههههه ياخي علي عبدالوهاب دا راجل جميل
انا لو في محلك اقول ليهو قاصدك انت هههههه
تسلم ياعمنا

Quote: حبابك ابوسن كيف حالك تعرف انا نفس الاخوة المتداخلين وصل لي فهم انو في واحد وصفك بالانصرافية لكن قلت النشوف البوست ماش علي وين مانقوم نشوت ضفاري ساي ودخلت لقيت الجماعةداخلين في اضافريهم والاعتزارات رقدت خل هههههه ياخي علي عبدالوهاب دا راجل جميل انا لو في محلك اقول ليهو قاصدك انت هههههه تسلم ياعمنا

حبيبنا سليمان شكراً .. ونواصل مع شخينا أبوسن

أحبابي الكرام .. ما دام حبيبنا أبو سن دلعني كده للاخر .. بعمل شوية إحتلال للبوست ..
حبيبنا أبوسن .. صدقني قبل تقريباً ثلاثة ايام كنا نناقش في المكتب القضية الانصرافية ..
يبدو أنها ممارسة مأصلة في البشر حتى في الأطفال إذا رتكبوا خطأ يقودونك إلى مكان آخر
( صرف الانتباه ) من الحدث الكبير إلى شيء جانبي حتى يكتمل الهدف وان يتم التعتيم عليه

أيام ضرب مصنع الشفاء إستخدم هذا المصطلح كثيراً ( قضية انصرافية ) لحجب الانتباه عن قضية مونيكا

مثال آخر :
نحن نمارسه مكان العمل أحياناً .. أعرف مديري لا يحب المكان غير المرتب .. وربما يتأخر انجاز العمل
أحياناً لفترة والخليجيين الاعذار عندهم ما تمشي حتى لو قلت الموت ( عندهم عادي ) .. آخر مرة قمت عمداً
برمي بعض الاوراق على الأرض ( شوية لخبطة ) ولأنه يحب الترتيب والنظام .. ودخل المكتب وتحدث
عن ( اللخبطة ) وانصرف وبعدها إتقنت العمل بطريقة مضبوطة جداً وجاذبة .. فكنت مكان مدح وثناء ..
فالانسان مهما كان لا يخلو من بعض ( الأفكار ) ..

مودتي ..

اخ عبد الحفيظ
كثيرين من بني جلدتنا بلا ماوى ونفكر في تغيير ديكورات منازلنا
اخرين يفترشون الارض ويلتحفون السماء في زمهرير الشتاء
ونحن نفكر في ان هذه البدلة حضرت بها الاجتماع السابق اذن سالبس غيرها
اخوة لنا في الانسانية يتضورون جوعا ونحن نفاضل بين الاصناف المتعددة
رضينا ام ابينا تعمدنا ام لم نتعمد نعيش في بروج عاجيه وانصرافيين
اسف لخروجي عن نص البوست
ولكن هذا ما خطر ببالي عندما رأيت العنوان

ود ابو سن..
صباحك خير..

أت واحد من أكتر الناس احتكاكا بالناس..
وبتعكس معاناة ناس كوستى هنا على مدار الساعة..
حتى بقينا نعرف عن كوستى كأننا عايشين فيها...
ومن أكتر الناس المهمومين بمشاكل الغير..
يعنى من الاخر كدا..
أت كضاب..
لآنك ما أنصرافى..
ولا حتقدر تكون أنصرافى..
لآن حب الناس فى دمك..

وبعد كدا..
صباحك بألف خير..

قالوا الزول سكران سكرة طيري .. وغلبو المشي لامن شالوهو ضب العصب
والناس شايلنو وماشين .. لاقاهم سكران تاني متكل علي شدرة ويستفرغ
السكران المحمول علي محفة ايادي اصحابو اتلفت عليهو .. وقال ليهو
وقت ما قادرين عليهو بتشربوهو مالكم

Quote: قالوا الزول سكران سكرة طيري .. وغلبو المشي لامن شالوهو ضب العصب والناس شايلنو وماشين .. لاقاهم سكران تاني متكل علي شدرة ويستفرغ السكران المحمول علي محفة ايادي اصحابو اتلفت عليهو .. وقال ليهو وقت ما قادرين عليهو بتشربوهو مالكم

شكرا يا ود اب سن

كلنا انصرافيين عيننا في الفيل ونطعن في ضله
....................................... وأكلونا البراغيث

صرف النظر عني وانا اصلي ما لمتني اظنو لايمني

صديقي الجميل أبا عماد لك الحب والشوق والأمنيات

الاخ عبد الحفيظ كيف الحال و كيفنك
حكاية البرج العاجي دي خايلة فيك تصدق
عاين لي جاي اعتذار مجيدو دا عليك الرسول ما تقبلو

Quote: الاخ عبد الحفيظ كيف الحال و كيفنك حكاية البرج العاجي دي خايلة فيك تصدق عاين لي جاي اعتذار مجيدو دا عليك الرسول ما تقبلو

أمجد .. سلام

صاحبك ابو سن دا ... اثبت انو انصرافي ومتقرضم كماان ....

يااخ دا عافص لي .. وحتى السلام ما برد علي ...

عالم بطاااله ....

قروب اولاد كوستي في الفيس قروا الموضوع وزعلانين
ودي رسالة من جاري وصديقي
حفيظ انت زول انصرافي قول لي كيف
الكلام السمح تكتبو في سودانيس اولاين
وانحن هنا اولاد بلدك وجيرانك وحبانك
تكتب لينا اي كلام ما دي الانصرافيه زاتا
وقالو قديما الزيت كان ما كف البيت حرم
علي الجيران والكلام ده انقلو في حوش بكري
علي مسؤليتي
جمال ابوشمه كوستي

Quote: انا لو في محلك اقول ليهو قاصدك انت هههههه

لا... لا .... ما بيقدر يا سليمان
عبد الحفيظ راجل رقيق وعلي عبد الوهاب أرق منو
شوف الناس الرقيقين ديل كل واحد إنخلع من التاني
الاخ علي من رقتو بقدر ماهو مهموم بقضايا اهلو في اصقاع الدنيا
إلا إن الرجل تأبي نفسة أن يعلق همومهم برقبة الإنقاذ ليخلق من نفسة مناضل بجدارة
التحيه لك ابو سن والحبيب علي ودمتم بخير
...
:
:
:
:
:
:
:
:
:

مع التحيات لله الزاكيات

سلام أبو سن

Quote: ف شنو مرات انصرافي دي شهادة تقديرية وزي ما بقولو

الإنصرافي احيانا قد يكون شخص ذكي جدا وعندو قدرة قوية على تقييم الأشياء التي تكون لدى الآخرين موجبة للجدية وهي غير ذلك

أو يشعر بجدية زائفة لدى البعض تنتهي بانتهاء الخطاب أو الاجتماع

مثلا قد يكون هناك دعوة لعمل توقيع عن طريق موقع الكتروني للقيام بمظاهرة في يوم محدد، هو بتجربته عارف ممكن يتعمل مليون توقيع لكن الناس الممكن تطلع ما يتجاوزوا 500 شخص

لذلك ممكن يقول ليهم والله عندنا عرس في اليوم دا

انا الانصرافية عندي تماثل المثل : لو كترت عليك الهموم إدمدم ونوم

وهي ترياق للجدية المفتعلة

Quote: أت كضاب..

أهااا جات في صمة خشمك من زول عزيز



أقعد إتراشق كدا لامن يجيك ابو حسن ومعاهه كوته بتاعت وشوش ضاحكه
:
:
:
:
:
:
:
:
:
مع التحيات لله الزاكيات

وحات الخوة يا ابوروضة طلعت صفر معاك الواحد
مرقت كيت
ابن يا رجل

غايتو قاعدين نتلبّد لامن نشوف موية البوست ده راشة وين
الشى البخوّف
الاعتذارات ذاتا انصرافية
لذلك
سأكون فى حالة انصراف الى ان يستبين امر
.... دى ما حديث....
ود اب سن و ضيوفو سلام .. منصرف ... من مصرف المودة

تحياتي قصي
نعم يمكن نقاش كل الاشياء صغيرها وكبيرها .. ولكن توجد اولويات .. كما يقولون فالحديث عن الورود في زمن الحروب جريمة .

حبابك ابوالريش
تشكر
رمتني بداءها وانسلت
للمعلومية دة لاحديث لا اية

تعال ياود ابو سن يا انصرافي اقول ليك حاجة مهمة..لمن قريت حكاية السكران الما قادر يمشي وشايلنه وشاف سكران تاني متكل عل. شجرة..تاكدت انك. ما انصرافي...ولكنك بتعم البهجة والبسمة في النفوس..ياخي انت زول حب الناس جاري في دمك زي ما قالتالاستاذة نور...وبتحب الخير كل الخير للناس...وانت بشهادةالجميع ،واولهم بت السيد، من الناس السمحين ..ودمت بالف خير..بسمات

Quote: وقالو قديما الزيت كان ما كف البيت حرم علي الجيران

أها .. قول لي كمان ده ما حديث

مرحبا حاتم
صدقت
المصطلح هلامي ومطاط .. لن يكون محددا مالم يتم تحديد ما انصرفت عنه .. لابد له من نقطة مرجعية نقيس منها الانحراف . مجردين تلك النقطة من القيم الاخلاقية والانسانية والوطنية!
فبتجردينا لها نفهم انصرافية من وضع الخمر اولوية بديلا عن الطعام

Quote: Samet ALsamet الأخ عبد الحفيظ .. ملاحظة انصرافية : لاحظت أنك كثيرا ما تستشهد بأقوال وأفعال السكارى !! هل الحال العام والهم الإنساني راكب فيل ؟ ياخي لو كان فيل إبرهة smile رمز تعبيري ما صارت frown رمز تعبيري

حاشاك يا ود اب سن

المسلمي انت تركة صلاح .. واكيد سمعت كلام ابوك العبيد ود ريا .. قال
كلم البسمع
وقود البتبع
واكل البشبع
وتحوطا كدة ديل لا آية لا حديث شريف .. شايف ناس الحوار البابسمعو ولا بتبعو وجابت ليها عدم شبع بالمطالبة بالمخصصات . شايفهم شغالين تأليف لذا لزم التحوط

مجيدو يا دفعة
ههههه
ان شاء الله انصرافية حبيبك
قيل
الفوضي قمة النظام
اشارة لنظرية الفوضي الخلاقة
وانت سيد العارفين

تشكر سليمان القرشي
والله انا خشيت في اصغر ضفر
علي رجل جميل بلاشك .. واحساسي انني كنت سببا في تكدره ازعجني لامن داير احرد البوست
عموما القاصدو بسميهو ولكن لا يوجد احد
هي بعض اقوال هنا و هناك
جل البوست في نكتة السكران ولاقا سكران

فعلا علي محمد الفكي
لكن
غير عفش البيت وانظر نحو من يحتاجك .. ساعده بقدر ما يفيض عنك او لا يفيض بقدر انسانيتك
قال مالكوم اكس
في الدرك الاسفل من الجحيم اولئك الذين يلتزمون الحياد في زمان المنعطفات الاخلاقية لاوطانهم .. او نحو ذلك
دي بالتحديد ما آية ولا حديث .. ولا
قول مأثور !
فهو اعجمي فألعب به !!

انصرف عن الخط يا ابو سن

و الكلام ما عجب الجماعة ..


البونسوك قايلين انت بتكتب وفق وجهة نظرهم ..


انصرف الي شأن البلد ... رحمك الله

عبد الحفيض،
نعلك طيّب إنت وضيوفك .

غايتو انا مِتمحّن في الفلسفة الطاحت فوق حمد ؤُ ود الفكي دي !...

ما عليك يا ود ابسن
مرات الانصرافية ذاتها ما كعبة ويمكن تكون لذيذة كمان وأحلى من المصروف عنه.
أذكر في المرحلة الثانوية كان أستاذ اللغة العربية رجل متمكن ويحبب لنا اللغة وكان يشرح المعلقات باللغة الدراجة فتتحول لونسة ممتعة .
وكان الاستاذ يسكن في نفس حوش المدرسة مجمع سكن للمدرسين ..
ذات حصة ما هو يشرح في معلقة عنترة .
أها يا اولاد عبلة قالت لعنتر شنو : ( وفجأة بأعلى صوت )
يا ولد سوق أختك دي أمشي البيت بلا يخمكم ..
نحن لبرهة لم نفهم شيئا وقلنا عبلة دي جنت ولا شنو ؟ .. لنكتشف أن الاستاذ شاهد من شبك الفصل طفلاه يلعبان على مسرح المدرسة ..
طبعا كانت أنصرافية ممتعة دخلتنا في نوبة ضحك فترة طويلة.

تشكر محمد حمزة
لطيب قولك وحسن ظنك
تعرف اصابني دهري باكرا بفقد اصدقاء اعزاء جدا فجأة . ولم تزل سيماء الصبا في وجوههم .. ماتوا كانهم لم يعيشوا لحظة .. كبرق خاطف لمع باهرا ثم تواري .. والناس بين انه لمع ولم يلمع .. ولكنهم مازالوا يعيشون في الخاطر .. مرات احسب ان في حياتي خيانة لموتهم .. ثمة احاديث بيننا لم نكملها وقصص ومشاوير .. ومن موتهم عرفت قصر الحياة وانها لا تستحق ان تفقد عزيزا فيها لخلاف . او ان تفقد من تعرف ..
لذا ازعجني والله تحسسه
اما عن عزيز .. فهو صديق وله انوثة من العواطف الصادقة تجاه من يصاحب تكاد تمسها
وما قوله الا تاكيد المدح بما يشبه الذم
لك ولهم الاحترام

Quote: الله انا خشيت في اصغر ضفر علي رجل جميل بلاشك .. واحساسي انني كنت سببا في تكدره ازعجني لامن داير احرد البوست عموما القاصدو بسميهو ولكن لا يوجد احد

حبيبنا شيخ أبوسن ..
يا سلام .. يا أخي إنت زول راقي ... ودقبائل ..
خلاص الموضوع إنتهى يا أخي أنا بالواضح مش قلت ليك وسواس قهري .. هههههه
نواصل في الانصراف .. وهناك أنواع (إنصراف ) ..
كان طابور الصباح ( إنصراف )
وأحلى حاجة عندنا في جدة هنا عند تشتد الأمطار يكون في ( إنصراف عن الدوام )
وهي أحلى انواع ( الانصرافات )
أسوأ إنصراف كمان ( هنا في جدة المدرسة تتصل فيك تعال خذ إبنتك اليوم إنصراف مبكر )
المشكلة هنا كيف تستأذن من الشغل .. لأن الزحمة وبعد المدارس ساعتين على الأقل ..

هنالك فرق بين ( الإنصراف عن ) و ( الإنصراف إلى )

ولكل مقام إنصراف

مودتي بلاحدود ..

غايتو يا حمد ود المدير ناقر طارك ههههه
النظرة المختلفة .. او كما يقولون زاوية الشوف . كلما اتسع العقل والخيال اتسعت زاوية النظر . فتري ما لا يراه الناس
ولكن
المفروض ان تبين للناس حجتك الموضوعية في اختلاف نظرك والا تكون زول بتتكلم ساي
عموما
دائما هناك زاوية اخري يتسع لها قبول الاخر

حباب ستي نور تاور
كتر خيرك يا خية
شاكر لك طيب قولك
الكتابة من داخل السودان صعبة جدا . فأنت تميل لضرب الامثال والرمزية والحكي الذي يبدو مشاترا
احيانا يفيض بك ولكنك تصبر . الصبر مصدره الامل الموضوعي . الامل في صيرورة الامور
ويغيظك ان الناس هنا مثلا يجأرون من الشكوي لارتفاع الاسعار . الموت المجاني العبثي .. انعدام الدواء .. فتجد بعض الناس مشغولة بقضايا بعيدة كل البعد عن معاش رغم انهم يقولون انهم يكتبون من اجل الناس ..
المدافعون عن السلطة هذا حقهم .. ولكن ليحترموا عقولنا قليلا . ليقولوا انهم مع السلطة ولكن ضد زيادة اسعار الغاز .. وهاهو الرجل الثاني في السلطة اكثر من 25 عاما يقول ان لم يكن يعرف ان حياة الناس قاسية
سيذهب عمر البشير والصادق المهدي فهذه سنة الحياة ولكن
يبقي الوطن
يبقي التاريخ ماثلا لاولادنا
للاجيال
يبيض وجه بعض الاحفاد
ويسود وجه بعض الاحفاد حتي لينكروا صلتهم باسلافهم
وقبل كل ذلك
النهي عن المنكر ان نقول هذا خطأ .. فليس المقصود السلوك الشخصي الاخلاقي بل السلوك الانساني الفطري والاسلام دين فطرة
لننصرف نحو الوطن وليس عنه

Quote: قالوا الزول سكران سكرة طيري .. وغلبو المشي لامن شالوهو ضب العصب والناس شايلنو وماشين .. لاقاهم سكران تاني متكل علي شدرة ويستفرغ السكران المحمول علي محفة ايادي اصحابو اتلفت عليهو .. وقال ليهو وقت ما قادرين عليهو بتشربوهو مالكم

ود ابو سن دي صرفت معاي ضحك كتير اضحك الله سنك ..

Quote: قالوا الزول سكران سكرة طيري .. وغلبو المشي لامن شالوهو ضب العصب والناس شايلنو وماشين .. لاقاهم سكران تاني متكل علي شدرة ويستفرغ السكران المحمول علي محفة ايادي اصحابو اتلفت عليهو .. وقال ليهو وقت ما قادرين عليهو بتشربوهو مالكم

نان تاني الانصرافية كيفنها يا اب سن
هههههههههههههه

مرحبا الشايقي
دي القصة
ان يأتيك وصف انصرافي من اكثر الناس انصرافية وعبث

يا ود ابوسن,,,

سلام مربع يا إنصرافي,,,

ياخ معاوية ود السر خبرو شنو!!!!
وكذلك عصام طه أولاد كوستى الجميلين,,

اكون سعيد لو عندك أخبارهم..

تحياتى

Quote: انا انصرافي واعيش في برج عاجي

ما بلقى لى اوضه فاضيه عندك :)

فقط لتعديل عنوان الردود !؟؟؟

عزيز يا صاحب
سلام ليك ول سحر والشباب
شايفك متجدع مع ود خالتك المطرب طه سليمان وبقيت تمثل كمان .. اتمني لك كل نجاح وازدهار
صرف النظر عني مع اني ما لمتو اظنو لايمني
تصدق بي الله معلقة فيني ليها عشرة يوم بصوت محمود عبدالعزيز
مثلك بصرف النظر عليه

مرحبا ابوالعزايم
ههه تصدق برضو ما حديث
علي بالجزيمة الناس ديل لو قعدو سنة تانية يطيرو لينا باقي علمنا الفي راسنا دة

الانصرافية مطلوبة .... بصورة رسميــة

انصرف ولا تهتـم ولا حتى تحتـج .. حتى النائب الذي (لم تنتخبـه) ... نائــم ...

تم تعديل القانون الجنائي ورفع عقوبة (الشغب) من اقصاها ستة شهور سجن إلى ما بين الـ خمسة سنوات والـ عشرة سنوات سجن

كل شئ يمكن تفسيره على أنه ...... شغــب

انصرف تسلم ولا تتدخل فيما لا يراد لك التدخل فيه ..

أما سمعت بالذي حدث مع الصحفي عثمان ميرغني ذات (نهار) في جريدته ........

إذن فلا بــد ...

تحياتي قصي والصامت
لعل المثل
خذو الحكمة من افواه المجانين
مشهور ومعروف
ولو استبدلت المجانين بالسكرانين تكون صائبا
ف شنو
السكر بضم السين بزيل كثير من الحجب والتابوهات ويطلق العنان للعقل دون كابح فيأتي بالمدهش
اذكر انني في مقتبل عمري كنت اجالس السكاري دون ان اشاركهم .. ولو كنت في عهد الفاروق لكنت اول المجلودين
اجالسهم واسمع من نقاشهم وحديث لم اكن لاسمعه وهم في غير حالتهم هذه . تنحل عقدة لسانهم .. لذا زمان العريس لو ما بسكر يسكروهو يوم عرسو ويتحايلون عليه . ولكني اعجزتهم كنت مفتح لا باكل لا بشرب معاهم اي عصير
عن استشهادي بهم .. فهو امر غير مقصود بل اتداعي وياتي قولي دون تخطيط مسبق . زي ردي ليكم دة والله ما كنت عارف حا اقول شنو

ل
حين
ميسرة

الجميعابي يا دفعة
هههه صعب تخلي اخوك يصد منك وما تقبل عذرو
تعرف مرات لامن تقرا سيرة الملوك والاباطرة الغابرين . بحس اني افضل منو .. اي والله .. بسافر بالحصين وبشرب موية حارة وبلبس كتان .. ومروحتو هبابة وووو

مرحبا يا جلادونا
خليك في بنبرك حتي يستبين ليك الخيط الابيض لو فيها بياض

اشكرك دكتور محمد حسن
اشكرك باشمهندس معتصم
اتمني ان اكون عند حسن ظن وطني

قالوا الغاز طالع في الكفر ومدعوم من قمة الجهاز التنفيذي
يعني غالب غالب