2-املأ فورم البيانات واضغط Sign now وستأتيك رسالة تأكيدية في بريدك الإلكتروني
3-افتح بريدك الإلكتروني لقراءة الرسالة واضغط الرابط الموجود بها لتأكيد توقيعك
انشروا في كل مكان من أجل الشعب السوداني... وليس من أجل نظام الإنقاذ الفاسد....
تذكير: العقوبات لم تمس الكيزان وممتلكاتهم في دبي وماليزيا...بل أضرت بالشعب السوداني وحده! لو العقوبات جابت فايدة....لماذا استمر الكيزان في الحكم وازدادوا فسادا وثراء؟!
Post: #2 Title: Re: وقعوا لرفع العقوبات الأمريكية عن السودان Author: ملهم كردفان Date: 01-24-2016, 04:50 AM Parent: #1
شكرا احمد عمر...من أجل الشعب السودانى اوقع لامن أجل الحكومه
Post: #3 Title: Re: وقعوا لرفع العقوبات الأمريكية عن السودان Author: Mannan Date: 01-24-2016, 04:55 AM Parent: #1
هذه محاولة لانقاذ نظام الانقاذ من الحصار... الحل هو اسقاط نظام الانقاذ وسيرفع الحصار مباشرة بعد زوال السبب.. هذه حملة باطلة... الصحيح هو معارضة هذه الحملة واسقاط النظام كحل منطقى لرفع الحصار...
Post: #4 Title: Re: وقعوا لرفع العقوبات الأمريكية عن السودان Author: Mohamed Yassin Khalifa Date: 01-24-2016, 05:02 AM Parent: #1
الأخ أحمد.. تحياتي
من حق أي شخص التوقيع على هذه الوثيقة خاوية المعنى... ولكن على الجميع الإنتباه إلى أن توقيعك على هذه الوثيقة قد لا يعني رفع العقوبات عن هذا النظام الآثم والقاتل!
هذه العقوبات أجبرت نظام المؤتمر اللاطني على تقليص جرائمه بحق الشعب السوداني وسحبت عنه حرية الحركة وحدت من نشاطاته الكانت علنيه لدعم الإرهاب العالمي. هو نظام عبثي إرتكب كل الجرائم الشنيعة من يومه الأول ومازال يواصل إجرامه حتى اليوم.
عليك قبل التوقع أن تعلم بأنك ستساهم في إطالة عمر الظلم والظلام!
Post: #5 Title: Re: وقعوا لرفع العقوبات الأمريكية عن السودان Author: محمد علي عثمان Date: 01-24-2016, 05:10 AM Parent: #1
عقوبات الأبالسة علي الشعب هي الأكبر و الأفظع اما العقوبات الأمريكية علي النظام فأضرت بمصالح طفيليي النظام و اضعفت نظامهم لدرجة انهم يطالبون برفعها في كل المحافل الدولية و يتوسلون لإسرائيل لتتوسط لهم مع الأمريكان 😃
Post: #6 Title: Re: وقعوا لرفع العقوبات الأمريكية عن السودان Author: ملهم كردفان Date: 01-24-2016, 05:22 AM Parent: #5
الاخوه الافاضل ...
خليتونى اشك في نفسي واحساسي انى استعجلت نصرة للشعب السودانى
لدرجة انى فكرت لى طريقه الغى بيها توقيعى
لكن المطلوب هو
وحدوا الجهود واسقطوهم ..حتى تتوقف المعاناه ..يؤلمنى ما اراه كل يوم من ظلم للبسطاء
قلنا قناة معارضه زول اشتغل بينا مافي والعملوا فيها جاهزين طلعوا كضابين وبتاعين كركبه سااااي
طيب الحكومه دى تتغير كيف اذا العقوبات دى ماغيرتها لحدى السنه السابعه والعشرين
النظام ده لوماكان بيخدم أجدنده امريكا كان زمان قلبته
عشان كده ماحك جلدك مثل ظفرك
عايزين تشتغلوا كوييس مرحب ماعايزين تشتغلوا كويس اهو الكيزان قاعدين لينا فى زورنا لحدى يوم الدين
حانت لحظة الانطلاق نحو سماولات الحريه ياعالم
Post: #7 Title: Re: وقعوا لرفع العقوبات الأمريكية عن السودان Author: ملهم كردفان Date: 01-24-2016, 05:31 AM Parent: #6
لجمله دى خلتنى اخش اوقع ياجماعه "Lift Sudan Sanctions, They are Oppressing the Poor and Killing Innocent People"
Post: #8 Title: Re: وقعوا لرفع العقوبات الأمريكية عن السودان Author: Mohamed Yassin Khalifa Date: 01-24-2016, 05:56 AM Parent: #7
ما هو يا ملهم عشان ده نظام قتل الأبرياء وأغتصب النساء وظلم الفقراء وتاجر بالدين... توقيعك سيعطيهم الفرصة لمواصلة هذه الجرائم وسيطيل من عمرهم ويزيد من ضحاياهم.
هناك قانون تتم مناقشته (حالياً) داخل الكونغرس لتشديد هذه العقوبات!
Post: #9 Title: Re: وقعوا لرفع العقوبات الأمريكية عن السودان Author: ملهم كردفان Date: 01-24-2016, 06:07 AM Parent: #8
صبحك الله بالخير يامحمد وهل تشديد العقوبات وحده هو الذى سيسقط الحكومه ...؟؟؟
هذا مع وافر تقديرى واحترامى
يا محمد يسن خليفه
التعديل...كتبت المعارضه مكان الحكومه
Post: #11 Title: Re: وقعوا لرفع العقوبات الأمريكية عن السودان Author: أيمن محمود Date: 01-24-2016, 06:34 AM Parent: #9
أنا مع السعي لرفع العقوبات "الاقتصادية" عن السودان بكافة السبل
Post: #10 Title: Re: وقعوا لرفع العقوبات الأمريكية عن السودان Author: محمد البشرى الخضر Date: 01-24-2016, 06:33 AM Parent: #8
سلام عليكم احمد و الأخوان ممكن يا اخوانا عشان تستبين اللأمور نناقش تفاصيل العقوبات و مدي تأثيرها على الحكومة (كنظام ومؤيدين مستفيدين) من ناحية ونقارن نفس التأثير على الشعب ونقارن بشكل علمي ومسبب ونشوف النتيجة هل استمرار العقوبات او الغائها في صالح الشعب أم الحكومة مثلا اذا كان هناك حظر على شركات الأدوية و الأجهزة الطبية من التعامل مع السودان فدا بالتاكيد في ضرر الشعب أكثر من النظام و المستفيدين منه لكن اذا الحديث عن حظر شركات السيارات و الاجهزة الكهربائية المنزلية فدا لا يضير عامة الشعب بقدر ما يتضرر منه تماسيح النظام اعتقد بالطريقة دي الصورة ستكون اوضح و يوقع او يرفض التوقيع من يشاء عن بينة و اقتناع
Post: #12 Title: Re: وقعوا لرفع العقوبات الأمريكية عن السودان Author: ملهم كردفان Date: 01-24-2016, 06:35 AM Parent: #10
الله عليك ياود البشرى جيت فى الاتو بتاعى ياخ
صبحك الله بالخير
Post: #13 Title: Re: وقعوا لرفع العقوبات الأمريكية عن السودان Author: أيمن الحاج Date: 01-24-2016, 06:40 AM Parent: #10
تحية طيبة
مع التوقيع على الوثيقة
الناس القاعدة فى المكيفات والترطيب والهمبريب وبتعارض ماحاسه بحاجه
انا مع انخفاض ملوة البصل وليس المؤتمر الوطني وحكاية انو رفع العقوبات لاتستفيد منها الا الحكومة
بالعكس استمرار العقوبات مابتعصر الا الشعوب النخب الحاكمة فى عقوبات ولا مافي الامور فل الفل .
Post: #14 Title: Re: وقعوا لرفع العقوبات الأمريكية عن السودان Author: عماد كرار Date: 01-24-2016, 07:43 AM Parent: #13
شكراً احمد عمر تم عمل اللازم
Post: #15 Title: Re: وقعوا لرفع العقوبات الأمريكية عن السودان Author: عرفات حسين Date: 01-24-2016, 08:13 AM Parent: #14
لا ثم لا لرفع العقوبات ................ وكفي تخازل
العصيان المدني الحل العصيان المدني الحل العصيان المدني الحل
Quote: العصيان العالمي نجح ضد الطغمه الفاسده : اعترف وزير النفط بعظمة لسانه أمام المجلس الوطنى بأن افلاس الحكومة بالإضافة الى الحصار المصرفى المفروض على السودان هما السبب، وقال بالنص :" الغاز موجود فى الاسواق ويمكن الحصول عليه خلال اسبوعين لولا الحصار وشح موارد البلاد من العملات الصعبة" !!
Post: #16 Title: Re: وقعوا لرفع العقوبات الأمريكية عن السودان Author: محمد علي عثمان Date: 01-24-2016, 08:42 AM Parent: #15
الحكومة قلبها علي الشعب المسكين هههه
غندور : نتفاهم مع أمريكا حول رفع «العقوبات» على الخرطوم
الأحد 03-01-2016 11:21 | كتب: أ.ش.أ |
كشف وزير خارجية السودان ، الدكتور إبراهيم غندور، عن استمرار الحوار بين بلاده وأمريكا حول عدد من القضايا والملفات المشتركة بين البلدين، مشيرا إلى أن من أبرز تلك الملفات هو أهمية رفع العقوبات الاقتصادية المفروضة على السودان.
Post: #17 Title: Re: وقعوا لرفع العقوبات الأمريكية عن الشعب ال Author: أحمد عمر Date: 01-24-2016, 10:54 AM Parent: #1
ملهم كردفان: أشكرك يا صديقي على دعمك ومشاركاتك الثرة... نعم من أجل الشعب السوداني وليس من أجل الحكومة... وثبت بالدليل القاطع أن هذه العقوبات (كلام فارغ) وما عندها أي تأثير بدليل استمرار الإنقاذ في السلطة ومواصلة ممارساتها...الشعب السوداني هو المتضرر من العقوبات...
منان ومحمد ياسين خليفة ومحمد علي عثمان وعرفات حسين: أتفق معكم أن إسقاط الإنقاذ يعني تدريجيا إنهاء جميع مشاكل السودان....ولكن هل سننتظر حتى ذلك الحين ويتضرر الشعب السوداني من العقوبات أكثر؟؟؟ هذه العقوبات لم تضر الحكومة بقدر ما أضرت بالشعب السوداني...تذكروا أن الملايين حرموا من أفضل معدات الرعاية الصحية والخدمات التعليمية بسبب هذه العقوبات عديمة المعنى.... العقوبات دي فالصو ساي...ليها كم وعشرين سنة والإنقاذ لازالت تقتل ومواليها يتسوقون في كوالالمبور ودبي!!! وتقولوا لي العقوبات أضعفت النظام؟؟؟!!!! العريضة دي حل short-term وسريع...من باب عسى ولعل...
أيمن محمود: و ده هو مغزى الحملة والبوست.... أغلب العقوبات الموقعة على السودان اقتصادية وتضر الشعب السوداني ولا تمس الحكومة بشيء يذكر...
محمد البشرى الخضر وأيمن الحاج: بلا شك الشعب السوداني هو المتضرر الأول من هذه العقوبات...بالذات الحرمان من أفضل الأجهزة والخدمات الطبية و التعليمية...وكونك سوداني معناها blacklisted أو على الأقل فرصك شبه معدومة في أي تقديمات (وظائف-دراسة...إلخ) في الدول المتقدمة... والإنقاذيون (ما فارقة معاهم) لأنهم بنوا القصور وشحنوا أرصدتهم البنكية في سويسرا وماليزيا...وبيتفسحو بره وبالعملة الصعبة كمان...
عماد كرار: أشكرك على الدعم...
Post: #45 Title: Re: وقعوا لرفع العقوبات الأمريكية عن الشعب ال Author: سيف الدين بابكر Date: 01-28-2016, 07:07 PM Parent: #17
Quote: أغلب العقوبات الموقعة على السودان اقتصادية وتضر الشعب السوداني ولا تمس الحكومة بشيء يذكر...
ألا تعلم أمريكا بأن العقوبات الاقتصادية قد مست وتمس الشعب المطحون؟ بل إنها تدري وتعلم أنها تدري!بل هي تدري أن هذه العقوبات قد طالت الشعب المغلوب على أمره فحسب ولم تمس الاخوان المجرمين في شيء.. بل زادتهم غطرسة على غطرستهم وفساداً على فسادهم وسفكاً للدماء بأكثر مما فعل الملحدون.سأظل أكتب وأردد بأن نظام الفرعون وعسكره هو نظام أمريكي محض منذ أن كان (جبهة قومية إسلامية) وبعد أن صار (مؤتمر وطني) وسيظل... حتى فراغ (بنك الأهداف)!لقد مهدت أمريكا للاخوان المسلمين الطريق إلى حكم السودان وأسندتهم في تنفيذ الانقلاب على نظام شرعي مختار من معظم أهل السودان آنذاك وبتواطؤ من هذا النظام الشرعي نفسه. من يصدق؟ لا أحد!نعم.. والهدف من إيصالهم إلى السلطة والثروة في السودان وبإسناد منها ومن دول عربية آنذاك ومن داخل النظام الشرعي آنذاك .. الهدف هو أن يضرب الأخوان المسلمون أبشع مثال وأقذر نموذج للحكم باسم الإسلام.وقد حدث... وواقع الحال يغني عن المقال.فمن يجرؤ بعد اليوم أو بعد سقوط الأخوان المسلمين في السودان سقوطاً فعلياً ومادياً بعد أن سقطوا معنوياً وأخلاقياً... من يجرؤ على رفع شعار الإسلام نظاماً للحكم!لا أحد سيفعللأن الجميع قد تم تطعيمه ضد هذا الشعار الجميل قولاً والقبيح تطبيقاً.. وهذا ما سعت إليه امريكا من استخدام الاخوان المسلمين في السودان مثلما يستخدم أحدنا (مناديل الكلينكس) ثم التخلص منها!فمن يجرؤ على الكلام - الإسلام - بعد الذي حدث؟هل ستظلون مسلمين بعد سقوط الأخوان المسلمين في السودان مثلما كنتم مسلمين قبله! وي هوب.
Post: #18 Title: Re: وقعوا لرفع العقوبات الأمريكية عن الشعب ال Author: أحمد عمر Date: 01-25-2016, 00:32 AM Parent: #1
UP
Post: #19 Title: Re: وقعوا لرفع العقوبات الأمريكية عن الشعب ال Author: أحمد عمر Date: 01-25-2016, 04:18 PM Parent: #1
العقوبات لم تضر لصوص المؤتمر الوطني...بل أضرت بالشعب السوداني... للأسف بعض الإخوة المقيمين في أوروبا وأمريكا ما فارقة معاهم...لأنهم (ضاربين الراحات)...
تبقى 85,501 صوت لينظر فيها البيت الأبيض... همتكم يا جماعة...
Post: #20 Title: Re: وقعوا لرفع العقوبات الأمريكية عن الشعب ال Author: علي دفع الله Date: 01-25-2016, 04:30 PM Parent: #19
لمن يرفع نظام الانقاذ المجرم الفاسد العقوبات عن الشعب ساعتها ممكن تلقى ليك نرجسيين هبل سطحيين سذج يوقعوا في عريضتك دي ....
قالوا وقعوا بالله شوف الزول الطيب دا ؛؛؛
Post: #21 Title: Re: وقعوا لرفع العقوبات الأمريكية عن الشعب ال Author: احمد الشيخ Date: 01-25-2016, 04:38 PM Parent: #19
اذا كان البيت الابيض عامل نظام انه اذا تم عدد معين من التوقيعات على طلب معين يت النظر فيه اليس الاولى بهذا النظام الرائع هو النظام الذي يدعي انه اسلامي ؟ لماذا لا يتم جمع التوقيعات لرفع طلب للقصر الجمهوري الذي يقبع فيه البشير لمطالبته برفع يده عن هذا الشعب وكف القمع والقتل والتعذيب والنهب والفساد والابادات حينها سترتفع العقوبات تلقائيا
بعدين مش ياها دي امريكا زاااتها الغنيتو ليها الامريكان ليكم تدربنا ودنا عذابها؟ هسي بقيتو تتدربوا على التوسل ليهم؟
Post: #22 Title: Re: وقعوا لرفع العقوبات الأمريكية عن الشعب ال Author: Osman M Salih Date: 01-25-2016, 04:47 PM Parent: #1
لا أوقع على اي عريضة من شأنها إطالة عمر نظام" الانقاذ". ليذهب هذا النظام الذي اجرم في حق شعبنا، وبسبب سياساته فرضت العقوبات . ليذهب هذا النظام وسوف ترتفع العقوبات آليا. هذا النظام مثله مثل نظام التفرقة العنصرية السابق في جنوب افريقيا، لايجدي معه الا الحصار.
Post: #23 Title: Re: وقعوا لرفع العقوبات الأمريكية عن الشعب ال Author: Osman M Salih Date: 01-25-2016, 05:06 PM Parent: #22
العقوبات المفروضة تفعل فعلها في خنق النظام الذي سيجد نفسه أمام الهبة الشعبية بسبب الاقتصاد المتداعي. أما الجماعة الذين يجمعون هذه التوقيعات المريبة باسم الشعب السوداني الذي لن يستفيد، بل سيتضرر من رفع العقوبات، لان الطغمة الانقاذية الحاكمة ستتنفس الصعداء وتراكم الثروة وتواصل البطش والاستبداد. فهم اما انقاذيون يتخفون وراء عبارات ظاهرها الوطنية الغجة، وباطنها الحفاظ على نظام الانقاذ من السقوط، واما أنهم جماعة من الاغرار الذين لايفقهون في السياسة كوعهم من بوعهم.
Post: #24 Title: Re: وقعوا لرفع العقوبات الأمريكية عن الشعب ال Author: أحمد عمر Date: 01-25-2016, 05:58 PM Parent: #1
علي دفع الله: أخي الكريم أشكرك على أسلوبك المهذب يا (محترم)
عثمان صالح و أحمد الشيخ: سبق وأن أوضحت مغزى البوست في المشاركات أعلاه... اتقوا الله فيما تقولون ولا داعي لإطلاق هذه التهم الجزافية....نوايا العباد لا يعلمها إلا رب العباد... حتقولو شنو لرب العالمين يوم القيامة لمن يسألكم عن البهتان الذي اتهمتم به صاحب البوست؟؟ يا تتراجعوا عن الاتهامات الباطلة دي...أو مشكلتكم كبيرة يوم القيامة...شكيت لرب العالمين كل من اتهمني بالباطل والبهتان في هذا البوست.... اعلموا أنني مثلكم ومثل أي سوداني شريف أقف ضد الإنقاذ وأتمنى سقوطها اليوم قبل الغد....
Post: #25 Title: Re: وقعوا لرفع العقوبات الأمريكية عن الشعب ال Author: Osman M Salih Date: 01-25-2016, 06:14 PM Parent: #24
السيد احمد عمر.
إذا كنت، كماتزعم، تتمنى سقوط" الانقاذ" اليوم قبل الغد، فاعمل على اسقاطها وليس تمكينها من البقاء بفك الحصار المضروب عليها.
Post: #27 Title: Re: وقعوا لرفع العقوبات الأمريكية عن الشعب ال Author: Mirghani Taitawi Date: 01-25-2016, 06:50 PM Parent: #25
تم التوقيع.
أوقع على أي عريضة من شأنها تخفيف معاناة المواطنيين حتى لو حـ تساعد فى إطالة عمر الحكومة.
الحكومة قاعدة الفترة دي كلها عملت فيها شنو العقوبات.. غير الضرر الواقع على المواطن الغلبان (بالداخل).
Post: #30 Title: Re: وقعوا لرفع العقوبات الأمريكية عن الشعب ال Author: احمد الشيخ Date: 01-25-2016, 08:25 PM Parent: #24
اعتذر ان تم اتهامك بما ليس فيك والحديث عام وموجه لمطبلي النظام واعوانه والضغط لرفع العقوبات يجب ان يتم في اتجاه الحكومة التي تسببت فيه بممارساتها ولعلك اطلعت على بوست محمد سليمان بخصوص تحركات امن النظام لرفع العقوبات ويساهم في ذلك بحسن نية مثل هذا البوست
تقديري واعتذاري مرة اخرى ان لم تكن من مساندي هذا النظام
Post: #26 Title: Re: وقعوا لرفع العقوبات الأمريكية عن الشعب ال Author: أحمد عمر Date: 01-25-2016, 06:35 PM Parent: #1
UP
Post: #28 Title: Re: وقعوا لرفع العقوبات الأمريكية عن الشعب ال Author: ombadda Date: 01-25-2016, 08:12 PM Parent: #26
Done
--- الواحد منهم يدعم استمرار العقوبات على شعب السودان وتجده متفرجخ في امريكا وابناءه يدرسون في جامعة هارفارد وابناءنا ما لاقيين نسخة اصلية للويندوز بسبب الحصار. قرف يحتاج لشوال ليمون
Post: #29 Title: Re: وقعوا لرفع العقوبات الأمريكية عن الشعب ال Author: محمد أبوالعزائم أبوالريش Date: 01-25-2016, 08:21 PM Parent: #28
العريضة والجهة الوراها مشبوهة
Post: #31 Title: Re: وقعوا لرفع العقوبات الأمريكية عن الشعب ال Author: فرح الطاهر ابو روضة Date: 01-25-2016, 08:25 PM Parent: #28
Quote: الواحد منهم يدعم استمرار العقوبات على شعب السودان وتجده متفرجخ في امريكا وابناءه يدرسون في جامعة هارفارد وابناءنا ما لاقيين نسخة اصلية للويندوز بسبب الحصار.قرف يحتاج لشوال ليمون
المذكرة كانت حتكون رائعة لو سبقتها مذكرة للانقاذ لرفع يدها عن الزناد من اعناق شعبنا وتخفيض ميزانية الحرب التي هي سبب بلاوي الشعب السوداني والغاء القوانيين المقيدة للحريات بما فيها القوانين الاخيرة التي تحرم على المواطن السوداني مجرد الاحتجاج والتظاهر السلمي من اجل رفع الظلم والفسادالعقوبات اصلاً ما ذات تاثير كتير المواطن بقدر ما تضرره من ممارسات سلطة الانقاذ وسياسة التمكين خلاصة لا اوقع
Post: #32 Title: طريقة واضحة السذاجة Author: قصي محمد عبدالله Date: 01-25-2016, 08:35 PM Parent: #31
100 ثم النظر ... والضحك! لو على ال 100 الكيزان بيتموها في ضحوة! دي 100.000 إيميل ستستعمل كقاعدة بيانات للترويج لمنتج ما، هذا إذا سلمت من الهاكرز ...
Post: #33 Title: Re: طريقة واضحة السذاجة Author: Mannan Date: 01-25-2016, 11:52 PM Parent: #32
كم توقيع يحتاجه البشير ليستقيل ويتغير النظام؟؟؟ مليون توقيع مثلا؟؟؟ الشعب السودان المطحون ممكن يوقع بالملايين وليس 100000 توقيع فقط....ههههها
Post: #34 Title: Re: وقعوا لرفع العقوبات الأمريكية عن الشعب ال Author: كمال الدين يوسف Date: 01-26-2016, 06:17 AM Parent: #1
نعم لرفع العقوبات عن البلد
العقوبات افقرت الشعب وعطلت التنمية
Post: #35 Title: Re: وقعوا لرفع العقوبات الأمريكية عن الشعب ال Author: أحمد عمر Date: 01-27-2016, 03:49 PM Parent: #1
UP
تبقى 81,493 صوتا
من أجل الشعب السوداني.. وليس من أجل نظام الإنقاذ الفاسد...الذي لم تؤثر فيه العقوبات بشيء...
Post: #36 Title: Re: وقعوا لرفع العقوبات الأمريكية عن الشعب ال Author: Mohamed Yassin Khalifa Date: 01-27-2016, 06:47 PM Parent: #35
Quote: صبحك الله بالخير يامحمد وهل تشديد العقوبات وحده هو الذى سيسقط الحكومه ...؟؟؟
مساك ربي بالخير يا الملهم،،،
الغرض من العقوبات ومن تشديدها هو تضيق الخناق وتحديد حركة هذا النظام الآثم وعناصره الإرهابية الفاسدة. والعقوبات ليست لإسقاط الأنظمة القمعية.. ولكنها سنت لدفعهم لطريق الديمقراطية والعدالة وإعادة الحقوق التي إغتصبتها تلك الأنظمة من شعوبها. إسقاط الأنظمة المستبدة والدكتاتورية هي مسؤولية الشعوب المضطهدة وعند رغبتها الكاملة فقط!
الحكومات المخنوقة بالعقوبات تعرف جيداً تأثيراتها عليهم... وها هو نظام المؤتمر اللاوطني يسعى بكل جهد وبإستماته لرفعها عنه. هم يتحيزون كل مناسبة للدعوة لرفعها عنهم وليس عن الوطن والمواطن... وكل دعواهم باطلة... أليس هم أسباب فرضها... وهم من تجبروا وإستكبروا وإدعوا يوم فرضها عليهم بأنهم أكبر من تأثير أي عقوبات دولية؟ هل قالوا عندها أننا سنأكل مما نزرع ونلبس مما نصنع؟
المجرم البشير بعد 26 طلع علينا وقال بالأمس: "عيب والله نستورد القمح!" وبكرة حيطلع ويقول جلاليبنا بقت قصيرة بعد أن منًّ علينا العالم بالقماش!
التشديد تأثيره سيكون أكبر عليهم...
Post: #37 Title: Re: وقعوا لرفع العقوبات الأمريكية عن الشعب ال Author: Mohamed Yassin Khalifa Date: 01-27-2016, 07:12 PM Parent: #36
موقع البيت الأبيض أنشأ خدمة "We the People" للمواطنين الأمريكين بموجب التعديل الأول للدستور الأمريكي والذي يعطيهم حق التعبير ومخاطبة الحكومة الأمريكية مباشرة.
من قاموا بهذا النداء خالفوا القانون وخدعوا الرأي العام بطلبهم ممن ليسو هم بأمريكيين بالتوقيع عليه... وبتزوير أماكن سكنهم أو إقامتهم. وحسب الموقع... فإن مثل هذه المخالفات القانونية والخداع والتزوير والمكاسب السياسية والمادية ستعرض النداء للحزف كليةً وستعرض المسؤولين عنه للمساءلة الجنائية. فكل توقيع أتى من خارج الولايات الأمريكية ممن هم غير أمريكيين سيتم حزفه حسب العنوان السايبري الـ IP الذي أتى منه التوقيع.
ولقد تمت مطالبة البيت الأبيض بالتحقيق بهذا الأمر... وجاء الوعد بالتحقيق بكل هذه المخالفات القانونية!
فلا تعرض نفسك للمساءلة الجنائية من أجل حفنة من المجرمين يستخدمونك بلا وعي!
Post: #38 Title: Re: وقعوا لرفع العقوبات الأمريكية عن الشعب ال Author: خالد حاكم Date: 01-27-2016, 11:54 PM Parent: #37
Quote: للجماعه الذين يؤيدون إستمرار العقوبات علي السودان، نفهم من كلامكم ده إنه خلاص الموضوع غلبكم وقلتو أحسن نستعين بصديق، مافي مشكله لأنه الصديق وقت الضيق. لكن كدي بالله بعد ما تسقط الإنقاذ دي وأعتقد إنكم حتكونوا البديل ح تقولوا للمواطن شنو ؟ إنه حرمناكم من الدواء عشان نغير الحكومه وح تسموا الشي ده شنو؟ ثوره ولا إنتفاضه ،وأبطال الثوره دي منو؟ إنتو وللا الأمريكان. وبعدين أغانيكم الوطنيه لهذه المناسبه حيكون شكلها كيف؟ مثلاً البنسلين يا تمرجي؟ وللا ياغريب تعال لي بلدك.
الأخ حافظ الامام تحياتى هل قرار الإيقاف الصادر من عمر البشير رئيس النظام قبل سنين بعدم ا ستيراد اجود أنواع الانسلوين من الدنمارك وهى من الادوية المنقذة للحياة بحجة ان الدنمارك اساء للرسول ( ص ) لها علاقة بالعقوبات الامريكية على السودان ؟ انا في راى نظام الإنقاذ والمؤتمر الوطنى هو الذى يعاقب في الانسان السودانى داخليا وخارجيا قبل ان تعاقبه أمريكا والدول الغربية ورفع العقوبات الامريكة ليس فيه خلاص للشعب السودانى من معاناته ورفع العقوبات الامريكية سوف يضخ دماء جديدة في عمر النظام وهو المستفيد الأول والأخير . النظام االسودانى على سبيل المثال يستورد الثوم من الصين وجوال البصل اغلى من قنطار الدهب في السودان .. هل العقوبات الامريكية هي السبب في استيراد الثوم من الصين والارتفاع الجنونى لسلعة مثل البصل في دولة زراعية مثل السودان ؟
Post: #39 Title: Re: وقعوا لرفع العقوبات الأمريكية عن الشعب ال Author: Mohamed Yassin Khalifa Date: 01-28-2016, 01:14 AM Parent: #38
يا خالد النظام الضلالي ده إستخدم الغذاء والدواء كسلاح في حروبه الإبادية.... فليأتنا أربابه وسدنته وكل من وقع على هذه الوثيقة ليقول لنا ماذا قدم لمن منع عنه الدواء؟
هم يعتقدون أن أمريكا مجرد بقرة حلوب يستطيعون عبرها حلب الدولارات السريعة... وهم سخروا ملايين الدولارات لمصلحة عملائهم وخلاياهم النائمة.. لرفع الحصار عنهم...
ولكن هيهات لهم!
وحاولوا بشتي الطرق لإختراق المجتمع الأمريكي الواعي بمآربهم الدنيئة... وهاهم يضللون الرأي العام بوثيقة جوفاء سيكون نتاجها عكس ما يريدون!
فقد دنت ساعة الخلاص منهم...
Post: #40 Title: Re: وقعوا لرفع العقوبات الأمريكية عن الشعب ال Author: Elbagir Osman Date: 01-28-2016, 01:25 AM Parent: #39
من وراء هذه الحملة؟
Post: #41 Title: Re: وقعوا لرفع العقوبات الأمريكية عن الشعب ال Author: حسن فؤاد Date: 01-28-2016, 10:05 AM Parent: #40
Quote: من أجل الشعب السوداني.. وليس من أجل نظام الإنقاذ
Post: #42 Title: Re: وقعوا لرفع العقوبات الأمريكية عن الشعب ال Author: طارق زروق Date: 01-28-2016, 03:18 PM Parent: #40
Quote: من وراء هذه الحملة؟
الكيزان
Post: #43 Title: Re: وقعوا لرفع العقوبات الأمريكية عن الشعب ال Author: أحمد عمر Date: 01-28-2016, 06:04 PM Parent: #1
أمبدة: أشكرك على دعمك.. كلامك في الصميم وما خليت حاجة... ديل ناس أنانية ليس إلا...ضاربين الراحات والكندشة وما حاسين بأثر العقوبات دي!
فرح الطاهر: نظام الإنقاذ لا تجدي معه لغة التوقيعات والتحضر...وأنت تعلم هذا... هذا الأسلوب المتحضر قد يجد من يلقي له بالا في أمريكا لأنها بلد قوانين وسيستم... الإنقاذ ستسقط بثورة شعبية....لا بعقوبات لم تمسها في شيء بل وأضرت بالشعب السوداني!
كمال الدين يوسف: أشكرك على دعمك... -----------------------------------------------
تبقى 78,703 صوت تذكير: العقوبات لم تمس الكيزان وممتلكاتهم المليارية...بل أضرت بالشعب السوداني وحده! لو العقوبات جابت فايدة....لماذا استمر الكيزان في الحكم وازدادوا فسادا وثراء؟!
Post: #44 Title: Re: وقعوا لرفع العقوبات الأمريكية عن الشعب ال Author: احمد الشيخ Date: 01-28-2016, 06:18 PM Parent: #43
اذا فعلا تم رفع الحظر مين في البلد بصدر ولا بستورد غير الكيزان؟ فهل سيسخسرون فوائد رفع الحظر لصالح الشعب؟ من جرب المجرب خلت به الندامة واقرب مثال الشركات المستوردة للغاز والتي تكالبت وافتعلت ازمة الغاز ثم تواطئت مع الحكومة لرفع السعر لخمسة وسبعين الف ويعاني الشعب وتغنى الشركات المستوردة ودا نفسه الحيحصل في كل السلع الحيترفع عنها الحظر وبكرة تجو هنا تقولوا كيف الدوا الفلاني سعره في المصنع بكدا ويتباع في السودان بكدا
المهم انه امريكا ما منتظرة توقيعات عشان ترفع الحظر ولا تبقيه لو دايرة ترفعه حترفعه حتى لو كل الشعب وقع بالرفض ولو ما دايرة ترفعه لو كل الشعب وقع ما حترفعه قرار رفع الحظر سياسي يرتبط بمصالح الولايات المتحدة وليس مصالح الشعب السوداني بدليل رفع الحظر عن ايران رغم استمرار نظام الملالي في نهجه بس الظاهر انه في صفقة تدار من تحت الطاولة بين الانقاذ وامريكا ودا تمهيد بالاضافة لتباشير الغزل المتبادل مع اسرائيل والتعاون مع السعودية
ولا عزاء للشعب مااااا حك جلدك مثل ظفرك فتول انت جميع امرك
Post: #46 Title: Re: وقعوا لرفع العقوبات الأمريكية عن الشعب ال Author: محمد حيدر المشرف Date: 01-28-2016, 10:03 PM Parent: #44
تحسسوا مسدسات وعيكم ..
Post: #47 Title: Re: وقعوا لرفع العقوبات الأمريكية عن الشعب ال Author: حسن حماد محمد Date: 01-28-2016, 10:52 PM Parent: #1
سلام أخى عمر
ونقدم للجميع الدعوة لحضور اللقاء الكبير المرتقب الذي سوف يقيمه شرفاء بلادى فى منطقة نيويورك ونيوجرسى وفيلادلفيا وأصدقاءهم من الجاليات العربية والأفريقية والاسلامية المختلفة
وذلك من أجل العمل سوياً لرفع العقوبات عن شعبنا البطل ......
والتحية لكم وأنتم تقفون بجانب أهلنا المكتوين بنار العقوبات
Post: #48 Title: Re: وقعوا لرفع العقوبات الأمريكية عن الشعب ال Author: أحمد عمر Date: 01-29-2016, 00:07 AM Parent: #1
رغم صورة الإعلان التي نشرها صاحب المنبر و زادت من الخلط وسوء الفهم لدى البعض... إلا أنني لن أعيد توضيح مغزى هذا البوست الذي تم شرحه دشليون مرة... شكوت لله كل من اتهمني بالباطل...وبالدعاية للمؤتمر الوطني... شكوت لله كل من اتهمني ظلما وبهتانا في هذا البوست... أقول لهؤلاء: موعدنا يوم الحساب...وخالق السماوات والأرض هو من سينتقم لي منكم... ------- تبقى 78,303 صوت تذكير: العقوبات لم تمس الكيزان وممتلكاتهم المليارية...بل أضرت بالشعب السوداني وحده! لو العقوبات جابت فايدة....لماذا استمر الكيزان في الحكم وازدادوا فسادا وثراء؟!
Post: #49 Title: Re: وقعوا لرفع العقوبات الأمريكية عن الشعب ال Author: Mohamed Yassin Khalifa Date: 01-29-2016, 09:17 AM Parent: #48
Quote: رغم صورة الإعلان التي نشرها صاحب المنبر و زادت من الخلط وسوء الفهم لدى البعض...
الأخ أحمد... إن لم يكن هذا البوست دعاية للمؤتمر اللاوطني، خاصة بعد إعلان الجرايد أعلاه، فماذا يكون؟!
الشكية لغير الله مذلة... فلمن بدورنا نشكيك؟؟
إن كان قصدك الدعاية للمؤتمر اللاوطني... فستصيبك دعوات كل مظلوم أو مكلوم أو مشرد... وإن كانت دعايتك بقصد رفع العقوبات عن هذا النظام الآثم فلعنات العباد ستصلك أينما كنت!
لقد قلنا لك أن هذه العريضة هي عمل مبطن لخلايا نائمة تم تفعيلها.... فإما أنهم يستخدمونك لغرضهم الدنيئ... أو أنك تبرعت بخدمتهم لجهل بت تعيه!
إصرارك سيؤكد خدماتك لهم... وعنادك لم يعد له مبرر!
Post: #50 Title: Re: وقعوا لرفع العقوبات الأمريكية عن الشعب ال Author: محمد البشرى الخضر Date: 01-29-2016, 09:44 AM Parent: #49
يا محمد ياسين في بوست محمد سليمان الاخ معتز وجه لك استفسارا عن ما ذكرته ان التوقع حكر على الأمريكان فقط ! فا لو تكرمت رد عليه لتحسموا هذه النقطة عشان نعرف هل يحق لنا كغير اميركان ان نوقع أم لا
Post: #55 Title: Re: وقعوا لرفع العقوبات الأمريكية عن الشعب ال Author: Mohamed Yassin Khalifa Date: 01-29-2016, 07:15 PM Parent: #50
الرد وصله وبإسهاب يا ود البشرى... وشاكر ومقدر على التنبيه.
هل تصدق إني رديت عليهو من داخل غرفة العمليات. كان عندي عملية مفروض أعملها اليوم لوجع الضهر ولكنهم لغوها عشان أنا بلعتا لي حبة دواء أمس وكان مفروض إني ما أبلعها بالمرة
قدر ولطف!!
Post: #51 Title: Re: وقعوا لرفع العقوبات الأمريكية عن الشعب ال Author: ملهم كردفان Date: 01-29-2016, 09:50 AM Parent: #49
Quote: والعقوبات ليست لإسقاط الأنظمة القمعية.. ولكنها سنت لدفعهم لطريق الديمقراطية والعدالة وإعادة الحقوق التي إغتصبتها تلك الأنظمة من شعوبها.
مرحب مجددا يامحمد ياسين خليفه وياخى معقول يفوت عليك كيزان شنو البتدفعهم العقوبات لطريق الديمقراطية والعدالة وإعادة الحقوق ...
... بعد كل الحاصل ده على مدى السنين دى كلها عقوبات شنو التأثر عليهم
لو كانت بتأثر عليهم كانوا بقوا انقياء عديل كدى وغيروا لقب كيزان لى ملايكه
... الانسان البسيط هو المتضرر من الكيزان وأزيالهم ومن العقوبات فى آن واحد
احترامى
Post: #52 Title: Re: وقعوا لرفع العقوبات الأمريكية عن الشعب ال Author: محمد على طه الملك Date: 01-29-2016, 11:02 AM Parent: #51
سلامات أستاذ أحمد وزواره الأكارم .. لنفترض جدلا قبول الولايات المتحدة رفع العقوبات والسماح لمنتجاتها دخول البلاد .. من هم الذين يملكون القدرة المالية لاستيراد تلك السلع وبيعها في الأسواق .. أعنى من من رجال المال والمؤسسات يملكون الاستطاعة المالية غير من هم في كنف النظام ؟ صحيح العقوبات يتضرر منها الشعب المغلوب على أمره .. ولكن أيضا لن تزول اضراره في ظل نظام لا يحتكر فيه مدخلات ومخرجات السوق سوى أعوان النظام وسدنته الفاسدين .. عين لي مؤسسة اقتصادية واحدة ـ شركة / بنك / حكومي أو أهلي لا يسيطر عليه أعوان النظام و يدهم فيه هي العليا.. السيطرة على كامل الاقتصاد السوداني .. ذاك هو مشوعهم الذي جاؤا من أجله للحكم .. السيطرة على الاقتصاد السوداني ذاك هو مكسبهم الحقيقي الذي دفعهم ويدفهم على احتكار السلطة دون أن يضيرهم ما يصير إليه الشعب.. وهل نسينا ؟ تلك الخيام التي نصبوها في الأسواق وملؤها بالسلع لكي يحاربوا أولئك التجار الصغار ويخرجوهم من المنافسة بغية احتكار توزيع السلع .. تغير العملة ليعود أي قرش خارج الجهاز المصرفي الذي سيطروا عليه .. مراكز لبيع اللحوم وتصديرها بغية احتكارها .. أقاموا الصيدليات الشعبية لضرب الصيدليات الخاصة والحكومية واحتكار التجارة في مجال الصيدلانية.. تفتيت وزارة التعاون وضرب مؤسساتها .. السيطرة على البنك الزراعي والتجاري والعقاري وغل أيديهم لكي ينفتح المجال لسيطرة بنوك أقاموها في ذات التخصصات .. تخصيص المؤسسات العامة حتى الخدمية منها لصالح سدنتهم .. تفتيت وزارة الاشغال وغل يدها لكي تتاح الفرصة لسيطرة شركاتهم الهندسية على أسواق الأراضي وتشيد المجمعات السكنية .. لم تنجو حتى المؤسسات الخدمية والتنموية الهامة كالتعليم والصحة من مشروعات الخصصة والبيع والاحتكار.. حتى المباني الحكومية ذات المواقع الاسترتيجية باعوها لغرض الاستغلال التجاري .. هذا قليل من كثير بغرض التذكير فحسب.. مودتي.
Post: #58 Title: Re: وقعوا لرفع العقوبات الأمريكية عن الشعب ال Author: Mohamed Yassin Khalifa Date: 01-30-2016, 05:51 AM Parent: #51
حبابك صاد يا ملهم...
وكلامك صاح. بس العقوبات دي أثرت فيهم وأهي جرستهم مرقت في السهلة! والزول البسيط ده يا ملهم أسقط حكم عبود والنميري لامن مرق مسلح بالإرادة...
خلينا نسلح الشعب بتلك الإرادة ورفع مستوى الوعي.. والباقي سهل!
Post: #53 Title: Re: وقعوا لرفع العقوبات الأمريكية عن الشعب ال Author: أحمد عمر Date: 01-29-2016, 12:32 PM Parent: #1
محمد علي طه: وعليكم السلام ورحمة الله.. حبابك.. أشكرك على طرحك المحترم و الموضوعي الخالي من لغة الهتافات والصراخ التي اعتبرها البعض كافية لمنحه رتبة (مناضل)!! بالطبع رفع العقوبات لا يعني حل مشاكل السودان مادامت الإنقاذ في السلطة... لكنه على الأقل سيخفف من معاناة الشعب السوداني... أخي الكريم فوائد رفع العقوبات ليست حصرية على جانب الاستيراد والتصدير كما ذكرت أنت..هناك فوائد بإمكان أي (فرد) سوداني التمتع بها، على سبيل المثال لا الحصر: حرية وسهولة التحويلات المالية من وإلى السودان بلا أي قيود (المغتربون يدركون هذه المعاناة جيدا)...وكذلك الحصول على فرص متساوية مع أقرانك في التوظيف خارجيا... هل تعلم أن هنالك سودانيين أكفاء استبعدوا من الوظائف بالخارج فقط لأنهم (سودانيين)؟ ---------------------
تبقى 77,737 صوت تذكير: العقوبات لم تمس الكيزان وممتلكاتهم المليارية...بل أضرت بالشعب السوداني وحده! لو العقوبات جابت فايدة....لماذا استمر الكيزان في الحكم وازدادوا فسادا وثراء؟!
Post: #54 Title: Re: وقعوا لرفع العقوبات الأمريكية عن الشعب ال Author: أحمد محمد عمر Date: 01-29-2016, 04:45 PM Parent: #53
تم التوقيع
النظام قبلنا بالآي بي بتاعنا ذاتو وشكرنا كمان .. لو كان حصرياً على امريكا كان من البداية قال حظر دخولنا زي موقع netflix مثلاً
يا جماعة مجرد سؤال الناس المؤيدين للعقوبات ديل فيهم واحد مقيم في السودان ؟
الجمرة بتحرق الواطيها
Post: #56 Title: Re: وقعوا لرفع العقوبات الأمريكية عن الشعب ال Author: معتز الجيلي Date: 01-29-2016, 08:26 PM Parent: #54
Mohamed Yassin Khalifa
الف لا بأس عليك ياخي ، واجر وعافية وربنا يجعلا ليك جراحة ناجحة يا زول ركز في علاجك وربنا يتم عافيتك ويا محمد ياخ مافي زول بقدر بزايد علي سلامة نواياكم وانشغالكم بهم البلد ، انا ما عضو مداوم هنا بس بقرا كتير انا بتمني تجوا برواقة نتناقش في بوست ود المشرف وتعالوا بالجد نشوف جدوي العقوبات دي اما موضوع مشاركة غير الامريكان فدي حتة ما منعوها وانا قريت الموقع كلو ما لاقتني فيهو اشارة لكده ، وحتي جبتا ليكم مثال ناس بتسائلوا برضو وشوف لقو شنو
Quote: etition Update: Non-US Citizens Can Sign Posted on January 9, 2013 by BTE-Dan At about 5500 signatures. Still a long way to go. Petition is here is HERE! Many people who are not US citizens have complained that they cannot sign the White House petition about the USS Enterprise feasibility study. Actually, I do not see any requirement on the WH site that says you must be a US citizen. In fact, when you create an account the area code entry is optional. So they do not require people to say you are a US citizen or where you live. So as far as I can tell, it is okay for people outside the US to sign the petition.
This entry was posted in Star Trek, White House Petition. Bookmark the permalink. ← Heat Baby, HeatA Question: Why Use the Enterprise’s Form؟ → 3 Responses to Petition Update: Non-US Citizens Can Sign Lord Penguin says: January 10, 2013 at 12:51 am I looked through the website and not only does it not prevent people from signing and creating petitions as non-US citizens, it makes no mention of citizenship at all during its explanations of what it is for, how it should be used, etc. except for the vague term “The People”. I’m not sure if this is an oversight from thinking that only US citizens would care (which is highly unlikely for any large US site; the BTE site gets an enormous amount of international traffic) or intentional. At any rate, it does help ones like these get the necessary signatures, so it is good for our purposes. Reply falloutboy says: January 10, 2013 at 2:57 am I went through the registration but they never sent an email with log in details, maybe if I used a .com email rather than .co.uk it would work Reply sc says: January 10, 2013 at 11:31 am It worked for me using a hotmail.co.uk address. If you didn’t get the email, try signing up again
فمالم يطلع تفسير قانوني من البيت الابيض ، مافي نص بمنع التصويت. بس ياريت تجوا بهناك نتناقش نقاش محايد نحنا والله المتأثرين ومكويين. انا برأيي المؤيدين والمعارضين محتاجين يعملوا جرد حساب ومناظرة بالمنطق ، بدون توتر وتخوين واتهامات ، رايكم شنو ؟
محمد ياسين ، طمنا عليك ياخ
Post: #57 Title: Re: وقعوا لرفع العقوبات الأمريكية عن الشعب ال Author: Mohamed Yassin Khalifa Date: 01-30-2016, 05:39 AM Parent: #56
ههههه... يا معتز بعد الكلام المكتوب في الموقع الرسمي للبيت الأبيض ده كلو... ما إقتنعتا؟
يعني إلا نكلم ليك سيد البيت يجيك بنفسو مشان يقول ليك القانون البكتبوهو.. ما بشرحهو! الدستور في البلد دي إسمو القانون السامي... ولامن يقول ليك We the People مفروض تقتنع.. أو الحكاية حـ تجُر وتصبح جدل بيظنطي ودوران في دائرة مغلقة!
تأثير العقوبات إتعملت فيها دراسات... وممكن تسأل منها مكتب الـ OFAC وديل ناس متخصصين وعندهم علم بكل صغيرة وكبيرة وفيهم شفافية عالية!
وكمان ممكن تسأل منو حكومة السجم الكانت السبب الرئيسي بأفعالها في فرض هذه العقوبات.
أما الناس البتسأل دي... فخليني أقول ليك سر: الناس ديل متل الحتالة الرسلتها حكومة المؤتمر اللاوطني الجبانة. دي مجموعة من الأسماء المستعارة والخايفة من الديمقراطية والحرية.
لو في زول فيهم صليح... كان كتب إسمو بالكامل. ديل شوية إنجليز قالوا عندهم غرض...
غايتو أمريكا دي فعلاً حاكمة العالم... وده بيؤكدو متل ديل ومتل دولة الجنجويد ديل.. البيجي عميد في الجيش منهم ومساعد حلة لرئيس مجرم ومطارد دولياً يتسول دعم الشعب السوداني الفضل مشان يمشي يوقع في عريضة مكتوبة في موقع رسمي لدولة تانية!!!!!
وين الإرادة الوطنية؟ ووين مبدأ عدم التدخل في البيوت البيضاء بدون إذن؟
وكمان عاوز تجيب معاك زفة يا ود الإمام؟
بالله في إهانة وهوان أكتر من كده؟
رحم الله رجال العناقريب...
في حاجة مهمة مافي زول عاين ليها...
ردود البيت الأبيض على العرايض دي كان شنو؟
والناس المخدوعين ديل كلهم... هل مفتكرين إنو مية ألف حـ تلوي عنق أوباما؟
أقروا الردود الرسمية وقارنوا بين أعداد الناس الموقعة...
أمريكا دي ما بلوي رقبة الرئيس غير حاجة إسمها الغالبية المطلقة!
----------------------------
وشكراً على سؤالك عنا يا المعتز... الحكاية عرق النسا تاعبني وتم تأجيل علاجو شوية وأخوك الظاهر محتاج ليهو عمرة وشد للشكبزورات ولتغيير زيت للدنب والفرامل!
وربك يسهل ويخفف علينا وعليكم من الوجع والمواجع!
Post: #59 Title: Re: وقعوا لرفع العقوبات الأمريكية عن الشعب ال Author: ABUHUSSEIN Date: 01-30-2016, 06:03 AM Parent: #57
العقوبات للضغط على الشعوب لكي تضغط هي على حكوماتها .... ماذا فعلت العقوبات طوال هذه الفترة منذ فرضها ...؟؟؟؟؟؟؟ أغلب المؤيدين لها ستجدهم من المرطبين .....
Post: #60 Title: Re: وقعوا لرفع العقوبات الأمريكية عن الشعب ال Author: محمد علي عثمان Date: 01-30-2016, 06:34 AM Parent: #1
النظام يتوسل للتوقيع لرفع العقوبات ضده
Post: #61 Title: Re: وقعوا لرفع العقوبات الأمريكية عن الشعب ال Author: ABUHUSSEIN Date: 01-30-2016, 06:47 AM Parent: #60
تم التوقيع و النشر على تويتر و النشر على الفيس بوك
Post: #62 Title: Re: وقعوا لرفع العقوبات الأمريكية عن الشعب ال Author: أحمد عمر Date: 01-31-2016, 06:19 PM Parent: #1
أحمد محمد عمر: أشكرك على دعمك... من يؤيدون استمرار العقوبات غالبا مقيمون في الخارج...هسع تلقاهم ضاربين ليك الإعانات والضمان الاجتماعي!! اليدو في النار ما زي اليدو في الموية الباردة!
معتز الجيلي: أشكرك على دعمك...
أبو حسين: أشكرك على دعمك... العقوبات لم تؤثر في النظام بدليل استمراره في الحكم وازدياد منسوبيه ثراء وفسادا!
تبقى 69,705 صوت... تذكير: العقوبات لم تمس الكيزان وممتلكاتهم في دبي وماليزيا...بل أضرت بالشعب السوداني وحده! لو العقوبات جابت فايدة....لماذا استمر الكيزان في الحكم وازدادوا فسادا وثراء؟!
Post: #64 Title: Re: وقعوا لرفع العقوبات الأمريكية عن الشعب ال Author: سيف الدين بابكر Date: 01-31-2016, 09:29 PM Parent: #62
Post: #71 Title: Re: وقعوا لرفع العقوبات الأمريكية عن الشعب ال Author: أحمد عمر Date: 02-01-2016, 00:00 AM Parent: #1
تبقى 68,616 صوتا يدكم يا جماعة
تذكير: العقوبات لم تمس الكيزان وممتلكاتهم في دبي وماليزيا...بل أضرت بالشعب السوداني وحده! لو العقوبات جابت فايدة....لماذا استمر الكيزان في الحكم وازدادوا فسادا وثراء؟!
Post: #72 Title: Re: وقعوا لرفع العقوبات الأمريكية عن الشعب ال Author: خالد حاكم Date: 02-01-2016, 00:35 AM Parent: #71
Quote: ليه الناس البتتكلم عن الحصار والعقوبات بتتكلم فقط عن حصار وعقوبات أمريكا للسودان وما بتتكلم عن حصار النظام نفسه للسودان وشعبه نظام الإنقاذ بدأ بحصار وعقاب الشعب السودانى منذ استلامه للسلطة في 30 يونيو 1989 بينما الحصار الامريكى بدأ في العام 1997 السودان في المقام الأول دولة زراعية واقتصاد السودان من الزراعة قبل ان يكون هنالك بترول او ذهب نظام الإنقاذ أوقف استيراد الاليات الزراعية من البرازيل وفرنسا على سبيل المثال لكى يستورد من مصانع الكيزان في تركيا الطراد البرازيلى ذو اللون الأصفر والمحراث الفرنسي ذو اللون الأحمر من اجود الاليات الزراعية وامتنها وهى اليات مجربة في مناطق الزراعة المطرية الالية ومفضلة عند المزارعين واى زول مزارع ابن مزارع في مناطق الزراعة المطرية الالية بيعرف هذه الاليات وجودتها نظام الكيزان عشان يكسب مصانع الكيزان في تركيا استوردت الاليات المنتجة من هذه المصانع وهى بضاعة فالصو وعبارة عن اليات مصنوعة بمواد اشبه بالصفيح ووضع المزارعين امام الامر الواقع المعلومات دى لانى شاهد اعيان وكنت جزء من المؤسسة الحكومية المعنية باستيراد الاليات والمدخلات الزراعية سؤالى للناس الجارين يرفعوا الحصار الامريكى , هل أمريكا تسببت على سبيل المثال في عدم امتلاك المزارعين اجود أنواع الاليات الزراعية وفرضت عليهم اليات فالصو لمصلحتها ومصلحة مصانعها علما بان هذه الاليات أوقف استيرادها في العام 1990 والحصار الامريكى بدأ في العام 1997 ؟ وكذلك تم إيقاف استيراد اجود أنواع الانسلوين من الدنمارك وهى من الادوية المنقذه للحياة بحجة الدنمارك اساء للرسول ص .. هل أمريكا هي التي طلبت بعدم استيراد هذا الدواء الهام من الدنمارك ؟ انا في راى اذا الناس جادة في حكاية رفع العقوبات عن الشعب السودانى في البداية ينهى عقوبات النظام الحاكم له لانو النظام الحاكم هو الذى بدأ بعقاب الشعب السودانى قبل الاخرين والعقوبات الامريكية هو المتسبب فيها !
Post: #73 Title: Re: وقعوا لرفع العقوبات الأمريكية عن الشعب ال Author: مرتضي عبد الجليل Date: 02-01-2016, 01:52 AM Parent: #72
لا لرفع العقوبات التى تطيل عمر النظام القمعى الظالم . هذه حملة منظمة من جهاز امن النظام القذر ومن يروج يدرى تماما ماذا يفعل. نعم لمزيد من الحصار على النظام الإسلامى المتحكم فى رقاب شعب السودان.
Post: #74 Title: Re: وقعوا لرفع العقوبات الأمريكية عن الشعب ال Author: أحمد عمر Date: 02-01-2016, 03:04 PM Parent: #1
حسن حماد: وعليكم السلام ورحمة الله... أرجو المعذرة أخي على الرد المتأخر... أشكرك على دعمك ومرورك...
خالد حاكم: راجع ردي على الأخ محمد علي طه -----------
تبقى 60,415 صوتا يدكم يا جماعة
تذكير: العقوبات لم تمس الكيزان وممتلكاتهم في دبي وماليزيا...بل أضرت بالشعب السوداني وحده! لو العقوبات جابت فايدة....لماذا استمر الكيزان في الحكم وازدادوا فسادا وثراء؟!
Post: #75 Title: Re: وقعوا لرفع العقوبات الأمريكية عن الشعب ال Author: أحمد عمر Date: 02-01-2016, 04:19 PM Parent: #1
تبقى 59,344 صوتا يدكم يا جماعة
تذكير: رغم العقوبات...الكيزان لديهم ممتلكات في دبي وماليزيا!!! العقوبات أضرت بالشعب السوداني وحده..ولا ينكر هذا إلا مكابر يتمتع بالرفاهية في الخارج ولا يحس بمعاناة أبناء بلده في الداخل... لو العقوبات جابت فايدة....لماذا استمر الكيزان في الحكم وازدادوا فسادا وثراء؟!
Post: #76 Title: Re: وقعوا لرفع العقوبات الأمريكية عن الشعب ال Author: أحمد عمر Date: 02-01-2016, 06:42 PM Parent: #1
تبقى 57,394 صوتا يدكم يا جماعة
تذكير: العقوبات لم تمس الكيزان وممتلكاتهم في دبي وماليزيا...بل أضرت بالشعب السوداني وحده! لو العقوبات جابت فايدة....لماذا استمر الكيزان في الحكم وازدادوا فسادا وثراء؟!
Post: #77 Title: Re: وقعوا لرفع العقوبات الأمريكية عن الشعب ال Author: عمر صديق Date: 02-01-2016, 07:03 PM Parent: #76
شكرا صاحب البوست
جهد مقدر لصالح الشعب السوداني
ولا عزاء لاصحاب الاجندات المعادية للشعب وان غلفوها بغلاف معارضة الحكومة
Post: #78 Title: Re: وقعوا لرفع العقوبات الأمريكية عن الشعب ال Author: حسن حماد محمد Date: 02-01-2016, 08:45 PM Parent: #1
Quote: العقوبات لم تمس الكيزان وممتلكاتهم في دبي وماليزيا...بل أضرت بالشعب السوداني وحده! لو العقوبات جابت فايدة....لماذا استمر الكيزان في الحكم وازدادوا فسادا وثراء؟!
